ياااا بشت !!

[مطلق البخيتان]

يا بشت يا جعل ألأرضه فيك تلقى دريب =وألا تنوش اللهب وألا ينوشك لهب
لا صرت يا بشت ملبوس النسب والنسيب=تكبر مع الرأس..وتكوبر على أطلق ذنب
يا بشت يا بشت دامه ماحكروك العريب=والنذل دونك جداه يقول(حامض عنب)
ماعاد لك عندنا قيمة.. عويبك عويب=لا والله عواب..لا جاوزت دقن وشنب
يا بشت لا يلبسك من كان طنبه طنيب=لا تكسي ألا أربعة..واللي سواهم كرب
اللي حياض المنايا يعتبرها كويب=والشيخ شيخ الشريعة ما يهم النسب
وراع الكرم واعسى ماينقفل له بويب=واللي بعمره ورى الستين مامن عتب
ومن غير ها ألأربعة يا بشت تصبح ذنيب=ما يلبسك غير مغرور وسفيه ورتب
البشت ما يعالج سبيبٍ براع السبيب=ولو ينذخ التيس بذنبة الخروف يعقب
وأنا ادري أن البشر بعضه طلاه الجريب=بعضه وبعضه تعمق فيه وأصبح جرب
سعّرت في سوق شرق وجيت سوق الخبيب=لقيت ذولاعرب ولقيت ذولاعرب
والسجن في (قونتنامو) فيك (يابو غريب)=بالأمس ترقص طرب واليوم تصرخ نشب

[عويد المغيليث]

الله عليك يالغالي
للاسف البشوت الان اصبحت موضه
وكل من هب ودب لبس البشت ورفع راسه
وصار مايشوف احد قدامه وكأنه جايب راس ؟
صح لسانك وفكرك يالعزوة
دمت بخير

[بريق الماااس]

مطلـــــــــــــــق البخيتــــآآآن ............/(
صــــــــح لسآنك .. رآئعـــه ..
يسلم قلبـــــــــــكـ وقلمكــ
إحترآمي ..

[حمد العيد]

البـشـت مــا يعـالـج سبـيـبٍ بــراع السبـيـب
............ ولـو يـنـذخ التـيـس بذنـبـة الـخـروف يعـقـب

شاعرنا القدير / ابو سالم

حامي حامي جبتها يالغالي صح كلك

مودتي

[أتعبني غلاك]

صح لسانك وعلاشانك ابيات رائعة لاخلاولاعدم من تواجدك النير

[نهير النمش]

الله الله

نص فخم من شاعر فخم الف صح لسانك ايه الشاعر الهرم

سلمت وسلم راسك وفكرك وطاب ذكرك ولاحرمنا الله شعرك

الجزل ابا سالم,,,تقبل كل الود

[المهاجر]

شاعر جزل لله درك اخوي مطلق البخيتان
صح السانك ملايين ولايكفون
تحياتي لجنابك

[المشرف العام]

شاعرنا الكبير القدير مطلق البخيتان
ابو سالم
خالي صح السانك حتى ترضى
خالص التحايا لسمو شخصك النبيل

[مطلق البخيتان]

الله عليك يالغالي
للاسف البشوت الان اصبحت موضه
وكل من هب ودب لبس البشت ورفع راسه
وصار مايشوف احد قدامه وكأنه جايب راس ؟
صح لسانك وفكرك يالعزوة
دمت بخير

هلا وغلا
اي والله ... البشت واللحية.. تحتاج مراجعة
فكم من أهل البشوت ولاشي... وكم من أهل اللحى ولاشي.
كنت أشرب الدخان والله أنني أطفء الزقارة عندما أقابل ابناء جيراني الملتحين...
والآن صرنا نتهرب من بعض أصحاب اللحى.
هناك عينة نفاق علمت بوقارنا للملتحين فالتحت لتكسب الوقار وتنصب في ظلاله..وهم فئة قليلة ان شاء الله..وسيندحرون.
وهناك من يلبس البشت ويسابق كبار السن والقدر على صدر المجلس دون حياء وشيمة..وكأنه المحتفى به..حتى لو لم يكن ضمن المعازيم... خفافيش ليل للمفاهيم آفةُ.

صح بدنك غالينا/عويد المغيليث

وشكراً من القلب لك على مرورك الذهبي..

تحياتي لك ثم لك ثم لك

[طلال الاحيوات]

الشاعر الجزل مطلق بخيتان
صح لسانك يا الجزل وصح كلك
كلام في الصميم
سلامي الى شخصك الكريم
وتحيتي لك

[مطلق البخيتان]

مطلـــــــــــــــق البخيتــــآآآن ............/(
صــــــــح لسآنك .. رآئعـــه ..
يسلم قلبـــــــــــكـ وقلمكــ
إحترآمي ..

مرااااااااااحب

وصحت حالك ... وطاب فالك

والروعة مرورك

تحياتي واحترامي

[هاوي البر]

صح لسانك شاعر مبدع وكاش عن حق وحقيقه = وذكرتني بشاعر كنا بالجوف قبل خمس سنوات في بيت الضيافه بمهرجان الزيتون اعتقد يقال له عقيل الشرعان ومن ابياته وقال انا امير وبابه مسكر بمزلاجه - وعلى الطاروق حلو قصيده ونا مالي من الشعر طاري اللي عنده قصيدته يجيبه لنا الله لايهينه=============== احسن بشت للزواج عاكس بشرتك لكي العروس تشوف وجهك اذا كنت اسمر او ابيض او حمر من الحمران البس اسود والعكس

[ناصر الصراع]

مطلق البخيتان000

أخي تطرقت لمن يتبآهى بالمظاهر 00

فعلاً 00وقد ظهر في هذا الزمان من يتحلّى

بذلك 00صورّت فى هذه ألأبيات هذه ألظاهره 00

وألعبرة بالمخبر لابالمظهر 00فاذا لم يقترن ألمظهر

بالمخبر 00 فكيف00!! يصدق ألزيف 00؟!! 00

أبيات حملت نقداً اجتماعياً صآدقا 0000تحياتي 0