على الدّين والعرف

[عبدالله بن طلال]

من جديدي ارجو ان يروق لكم



عسى القلم والطّرْس والحبر والزّرف = فدوة عيوني يوم اقول الصّراحه
ما دامني ماشي على الدين والعُرف = و رازقني الله بالوفا والسماحه
ابا ارتكب في مِجمل احروفي السُرف = واقطف وسام الشعر والبس وشاحه
عاداتي اغرف من بحور الشّعِر غَرْف = دام الدروب السبع لي مستباحه!
يمناي ضاريةٍ على المدّ والصّرف = و خيلي لها بالسّاحه اكبر مساحه
وما الوم من يبكي على ناعس الطرف = وما احبّ من يصبح وهو في مِراحه
يمسي على مَلّه وياقف على جُرف = ويكتب بدون احساس ولا فصاحه
انا ليا مني بغيت أصْخَر الحرف = أسايره لين اني اضمن نجاحه!
مهما يكون الوقت والحال والظرف = اعرف قوانين السفر والملاحه
و لا خير في من لافتح لزقة الزرف = ما بل كبده من مشاشة قراحه

وسلامتكم

[المشرف العام]

شاعر من العيار الثقيل استاذي عبدالله بن طلال
ابو طلال
دام إبداعك وصح السانك مدد بلا عدد
خالص التحايا لسمو شخصك النبيل

[احمد الجريفاني]

كفو كفو كفو

جزلة من راس جزل
سلمت وغنمت يا الغالي

[عبدالله بن طلال]

يا ادارتنا الموقرين


بالله شوفوا صلاحياتي تراني ما اقدر ارد على اي موضوع غير مواضيعي

يعني ما يطلع لي صندوق الرد وكأنني زائر فقط

وحتى بموضوعي .. يعطيني النظام صلاحية رد واحد فقط وبعدها يختفي صندوق التنسيق الخاص بالردود

الله لايهينكم وانا واثق ان الخلل من نظام المنتدى وليس تقصير منكم

وآسف على ازعاجكم

[رفيع الذوووق]

لبى قلبك ياعبد الله وصح لساااانك ملياااااااااار ..


قصيده من العيار الثقيل والثقيل بالحيل ماشاء الله عليك ..

كتبت وابدعت بكل معاني الابداع ..

لاهنت على هالشامخه يالذيب ..

تقبل مروري ..

دمت بود ..

[غالب الشلاقي]

الشاعر عبدالله بن طلال


صح لسانك ملايين

لاهنت

[محمد الذرفي]

عاداتي اغرف من بحور الشّعِر غَرْف
دام الدروب السبـع لـي مستباحـه!
يمناي ضاريةٍ على المـدّ والصّـرف
و خيلي لها بالسّاحه اكبـر مساحـه




كفو كفو قول وفعل

الشاعر الراااقي / عبدالله طلال

ابدعت بحق لله درك

سلمت وسلم بوحك الرااقي

[نهير النمش]

هلا وغلا بالشاعر الكبير عبدالله بن طلال

صح لسانك وطاب فالك على النص الجزل الفاخر ولله درك

ابداع يفوق الخيال الله لايضرك ولاغرابه فأنت منبع ابداع

سلمت ودمت ودام شعرك الجزل وذكرك الطيب لاعدمناك

تقبل كل الود

[عبدالله بن طلال]

هذي تجربه

المشرف العام

[عبدالله بن طلال]

تجربه

[أبو كادي]

عبدالله بن طلال
صح لسانك ولاهنت يابعدي.
دمت بخير يارب،،،

[المشرف العام]

يا ادارتنا الموقرين


بالله شوفوا صلاحياتي تراني ما اقدر ارد على اي موضوع غير مواضيعي

يعني ما يطلع لي صندوق الرد وكأنني زائر فقط

وحتى بموضوعي .. يعطيني النظام صلاحية رد واحد فقط وبعدها يختفي صندوق التنسيق الخاص بالردود

الله لايهينكم وانا واثق ان الخلل من نظام المنتدى وليس تقصير منكم

وآسف على ازعاجكم

هلابك شاعرنا القدير عبدالله
لقد دخلت انا بمعرفك ورديت هنا بمتصفحك ورديت باسمك على قصيدة للشاعر النايف
وايضا على مشاركة بقسم فلة حجاج والفرفشه
اخي الوضع سليم من عندنا يبدوا الخلل بجهازك استاذي

اشكرك

[دلقس]

عبدالله بن طلال
انشهد انك فحل شعر يامعلم صح السانك
تقديري لجنابك
د ل ق س

[راكـــــان]

انا ليا مني بغيـت أصْخَـر الحـرف
أسايره لين انـي اضمـن نجاحـه!

مهما يكون الوقت والحال والظـرف
اعـرف قوانيـن السفـر والملاحـه


الشاعر عبدالله صح لسانك يابعدي

[عويد المغيليث]

جميل ماخطتها اناملك يالغالي
صح بوحك
وطابت روحك
اجمل الاماني

[درداح]

شاعر وشعرك قوي استاذ عبدالله الطلال
صح السانك ملايين ولا يكفون
تقديري لجنابك

[معدي نشمي العتيبي]

صح السانكـ من القطب الى القطب ولك فائق الشكر والاحترام

[عبدالله بن طلال]

ابو غازي

صح بدنك وماعليك زود يالامير

يمكن المشكله عندي بجهازي او بشبكة الاتصال

لكن ابشرك الامور زينه الان وقدرت اشارك

دمت بغلا ولاهنت ابد

[عبدالله بن طلال]

استاذي القدير/ احمد الجريفاني

كفوك الطيب والابداع بوجودك يالقرم

مشكور وتقبل تحياتي

[عبدالله بن طلال]

شاعرنا القدير/ رفيع الذوق

صح بدنك ويكفيني فخر ان ابياتي المتواضعه حازت على ذوقك الرفيع

دمت بغلا وخير

[مُلهمة شآعر]

‘,

صح لسـآنك بلآ مدد
وَ أعتلآ شـآنك ..

,‘