بس أم سالم تجر الصوت بلحونه

[عبدالله مخلف الجهبل]

مع التحيه والتقدير للجميع




سهيل نجمه طلع يااللي تحرونه =والقيض باقي ليالي من تواليه
قطانة العد هالايام يخلونه =يوم البداوه حلو ذكره وطاريه
يالله بنوٍ ينوض البرق بمزونه =من مقدم الوسم ينشي من مناشيه
يسوقه اللي ننام وتسهر عيونه =اللي كفل رزقنا والاجل بيديه
سيلٍ حقوقٍ هل النشرة يعدونه =على عموم المناطق بالسعوديه
ياعل ربي يعين البدو من عونه =تزين لأهل الدبش وأهل الغنوميه
عقب العلف والشعير اللي يكبونه =ترعى بأفامه وتشبع في مفاليه
يازين ياقامو المرحال يطرونه =وكلٍ على موتره حمل مقاضيه
رادو وشافو مهو قولٍ يقولونه =شمال حد الحيا عرق الخليفيه
والعائدي شغلوه وهز غليونه =أربع وعشرين مهو حجم حصنيه
حرك ورا الذود والخانات مشحونه =مع الوعر والسهل يمشي مماشيه
نهارهم من طلوع الشمس يمشونه =ويمسون على ظهر والصبح طرقيه
يبون قاعٍ هل النوق يتمنونه =فروع الأفيح وفيحان ونواحيه
ربيع والقشع ساق الوسم بغصونه =والطين ماقف وإلغدران ممليه
متساويٍ نبت الأرض وزاهيٍ لونه =الحزم والروض والفيضه وواديه
والفقع في منبت الرقروق يلقونه =حلو الكما والطلاسي والزبيديه
بس أم سالم تجر الصوت بلحونه =تصعد وتنزل تردد كل غنيه

[نهير النمش]

راع الهوى يابو مشعل هاضت شجونه=والبدو يامسندي ترهم هواويه
النفس من ضيقة الايام مشحونه= والعين عافت لذيذ النوم موليه
يالله بنوٍ علينا يرخي اردونه=ايخضب الارض وتحدر عواليه


صح لسانك يابو مشعل

تصوير وكاننا نمشي معهم على الطبيعه يالجزل

سلمت والله ودمت وسلم راسك على هالرائعه

شاعر ومن عائله شعريه لها باع طويل بالشعر

بس لاتبخل علينا بكل مالديك من جميل حرفك الاصيل

تقبل مني كل التقدير

[المشرف العام]

شاعر من العيار الثقيل اخوي عبدالله مخلف الجهبل
أبو مشــــــــــعل
لله درك على هذه الدره صح السانك بحجم السماء
خالص التحايا لسمو شخصك النبيل

[القعقاع]

الله عليك يابو عابد
اخذتنا لجو بدوي رونق الله يسعدك ويسعد ايامك وكملها العزيز نهير النمش
احرقتوا اعصابنا يالشعراء صح السنكم
تحياتي لحضرة جنابك

[ممدوح الشمري]

صححححح لسااااااانك وسلم بنانك
الحقيقه ابدعت ياسنايدي ولكن ازعلتن بهالبيتين
رادو وشافو مهو قـولٍ يقولونـه
شمال حد الحيـا عـرق الخليفيـه
والعائدي شغلـوه وهـز غليونـه
أربع وعشرين مهو حجم حصنيـه

هو ليه حجم الحصنيه وش به يابعدحيي الحصنيه مضى لها دور وكانت افضل من الفكس ار
بهالوقت وكانت الحصنيه من احسن السيارات ولكن حظها ردي
لااحد قصد بها ولاحتى احد يذكرها هههههههه
بجد امتعتنا في قصيدتك بس حبيت امازحك شوي ياخلف جدي
شكرا لك

[صلفيدز]

ابداع بمعنى الكلمه لله درك لافض فووك
الشاعر عبدالله مخلف الجهبل
صح السانك ملياااااار
تحياتي لك

[أبو كادي]

الشاعر الرائع / أبو مشعل
ياســـــــلام .... ياســـــــــــــلام
ابداع جميل جداً جداً جداً
وصح لسانك مليارات يابعدي وبيض الله وجهك على كل حرف كتبته لاهنت.
دائماً بإنتظار جديدك مع فائق أطيب التحايا والتقدير،،،

[بريق الماااس]

صح لسآنك ........... ولا فض فـــــــوك
أبيآت رآقــت لي تسلم أخـــــــــــوي

[عساف نجد]

صح لسانك وسلم بنانك
كل الشكر والتقدير لسموك

[احمد الجريفاني]

رائع رائع رائع

سلمت على هذا التصوير
الله يغيثنا على الوسم يا الغالي
وكان مانت بحايل خلنا على اول مطره خويا بين اجا وسلم وحياك سكنك عندي بصبابه
ابدعت وامتعت

[مشعل عسام التريباني]

اخوي ابومشعل
صح لسانك وبيض الله وجهك على هذه القصيده
الذي صورت لنا احوال البدو في موسم الربيع
وكاننا نراهم بالعين المجرده اسالله ان يستجيب
دعواتك وان يغيث البلاد والعباد انه سميع مجيب

[قمرا سماه]

ابيات عشنا اجوائها

يعطيك الف عافية على هالراااائعة


ودي

[مفتاح ابو جلمبو]

رائع ارئع بحق تصوير ولا أروع
الشاعر عبدالله مخلف الجهبل (http://www.nshama-shmr.net/vb/member.php?u=2804)
صح السانك حتى ترضى يالنشمي
تقديري لك

[صويدر]

يسلم بحوك يالبدوي
ابو مشعل
صح لسانك وسلم بنانك
كل الشكر والتقدير لسموك

[عويد المغيليث]

ابو مشعل
صح لسانك
وسلم بنانك
مبدع يالغالي
دمت بخير