ديوان / الشاعر عثمان المجراد

[عثمان المجراد]

:fmf :
:shm :
زوايا الصدر ...!
بـ تسافرين ؟!
توي ادري ليه انا البارح حزين..
كنت اضم الهم في قلبي ..
و اغني لك حنين...
كنت احسك في زوايا الصدر..
في كلي ..
واشوفك ترقصين..
بس امانه ..
كان لي خاطر...
قبل تمشين...لاتنسين..
قولي لي:
متى لي ترجعين..
----------------
ألقاء وأخراج الصديق: بندر الصمعان
http://www.youtube.com/watch?v=x94NJAw6c4Q

[عثمان المجراد]

مثل الذهب ...!

مثل الذهب 00مهما علا فوقه غبار=يبقى طوال الوقت سلعه ثمينه

ومثل المطر00مهما المطر سال مدرار=لاغاب عام 00صاحوا الناس :وينه!

ومثل البحر غلطان من قال غدار=موجه تساوى لكل طير وسفينه

ومثل اشتياق الام اشتاق للدار=شوق العمى للشوف بصبي عينه

دار سكن فيها السناعيس تنزار=غصب على اللي جاحد في حنينه

دار الشرف والجود 00دار للاخيار=مشاعري وان جيت اعبر دفينه !

للضيف فيها قدر00وحقوق للجار=ماحد ينام ونفس جاره حزينه

طبايع لاهل الجبل كبار وصغار=نفطم عليها وكلنا خابرينه

اقولها00ومهما الزمن جار اودار=حايل مع الايام يزداد زينه
http://www.youtube.com/watch?v=W5c4aDrXGzk