تسري ذلولٍ ما مسكها عقال

[مشعل عسام التريباني]

بسم الله الرحمن الرحيم

الشاعر\مشعل عسام التريباني الشمري

(تسري ذلولٍ مامسكها عقال) في2\11\1433هـ



انا ماحـــــب الرجل مــــن شــــان ماله= ولا اكــــــرهه من شان ماله مال

احـــــب راع الـــدين والــــبذل والرحم= لــــوكان مـــايملك ولا مـــــثقال

واحب الشــــجاع اللـــــي اليا ضيقوبهم= نخــــــــوه تكفا ياعــــريب الخال

واحب الصــــبور اللـــــي اليا زاد حمله= مايســـــــتمل ولو يشــــــيل ثقال

واحب الوفــي الوافــــي الصاحب الذي= باقـــــــي على درب الوفا لازال

واحب الصديق الصادق اللي مع الخوي= يصدق معه فــــــي ساير الاقوال

واغلــــــي خــفـيف النفس واكره ثقيلها= خــــــــفاف وزنٍ والنفوس اثقال

واكــــــــره قليل الدين شــــــــذاب القفا= اللــــــــي هروجه بس قيل وقال

واكــــــــره ردي العــــــزم لو زاد ماله= وش عاد لو هو كـــــثـّر الاموال

واكــــــره بعد مــــــن لايقدّر قصـــــيره= عــندي فلا يسـوى شراك نعال

لانه مخـــــــالف نهـــــج ســـــنت نبينا= ومن يخلف السنه خبيث اعمال

ومـــــــن يخلف السنه ويعصـــــى نبيّه= مايســــــــتحق القدر والاجلال

طــــــبعي كذا مــــن يوم ربـــي خلقني= وحـــــنون للشـــيبان والاطفال

واعطف علــــى المسكين وارحم ضعفه= اللـــــي عليه الدهـــر شيله مال

واخــفظ جــــناح الذل للـــــــــوالد الذي= فــــي وقت ظعفي للثقايل شال

وابذل له المجهـــــود بالـــــــمد والعطا= يفــداه مــــالي والاهل والحال

مــــــــــانـــــي وانا مشعل بخيلن بمالــي= كلٍ خـــــبرني والصحيح يقال

صحــــــيح ماعـــــــندي من المال ثروه= لاشـــــك عند الناس لي منزال

ياجيت فــــــي مجلس جلســـــت بصدره= عند الرجال اللـــي يقال رجال

هــــــــذا الكلام اللـــــــي يصـــــحّ النايم= ماهي ســوالف دهبجه وهبال

يقول المثل مـــــاتاه مـــــــــن دوّر القدى = وتسري ذلولٍ مامسكها عقال

[نهير النمش]

احبك الله ياأبا عبدالرحمن

هذا الحب اللي يستاهل ان يسمى حب ويازينه من حب والله

وحنا نحب اللي مثلك وشرواك ايه الرجل الفاضل الشهم التقي

صح لسانك ولا أنشده بالك نص يكتب بما الذهب وانت ذهب

تقبل مني كل التقدير والاحترام

[النايف]

والله يابوعبدالرحمن هناك اشخاص يستحلون مساحه فالروح حتى لو لم نقابلهم ونحظى بمرافقتهم

انت احد اولئك يشهد الله انك تدخل القلب بطيب هالوجه المستنير

زادك الله محبة خلقه لان من احبه الله احبب خلقه فيه

وسلمت على هالجزله والحكيمه وصدقت فيما تطرقت له

وصح لسااانك

ولاهنت


النااايف

[مشعل عسام التريباني]

عياده الجهيلي
احبك الله كما احببتني به وبيض الله وجهك
ايها الاخ الفاضل والرفيق الوافي مرورك شرف

[مشعل عسام التريباني]

نهير نمش
احبك الله كما احببتني به وبيض الله وجهك
اخوي الغالي ومرورك شرف لي يعلم الله

[مشعل عسام التريباني]

النايف
احبك الله كما احببتني به وبيض الله وجهك
ايها الاخ الفاضل ورفع قدرك مرورك شرف لي

[المشرف العام]

صاحب الوجه السفر البشوش الشاعر الكبير مقاماً
القدير مشعل بن عسام التريباني
من لايحبك لاحبه الله ويعلم الله ماقلتها مراء ولا مجامله فأنت محبوب للجميع أحبك الله ورفع الله قدرك عند مولاك أمين
أبو عبدالرحمن
صح السانك مدد بلا عدد
خالص التحايا لسمو شخصك النبيل

[مفتاح ابو جلمبو]

ايا بعد حيي انت هالوجه والله اني لامني شفت صورتك يفز قلبك لك ويخفق
عمي ابو عبدالرحمن
صح السانك ملايييييييييين ولا يكفوون

[مشعل عسام التريباني]

محمد الشميلي
شكرالك على المرور والاطرى
واسال الله ان يقبل مني ومنك
ومن جميع المسلمين اعمالهم
الصالحات واحبك الله كمااحببتني
به اخي الفاضل

[مشعل عسام التريباني]

المشرف العام ابو غازي
احبك الله الذي احببتني من اجله وشكرالك على المرور
والله اني القلوب عند بعض يعلم الله اني احبك في الله لارئا
ولاسمعه ولانفاق بيض الله وجهك يابو غازي مرورك شرف لي
يالغالي

[مشعل عسام التريباني]

مفتاح ابو جلمو
احبك الله اخي كما احببتني من اجله وانا يعلم الله اني احبك وبيض الله وجهك
على هذا المرور المشرف والاطرى المشجع

[احمد الجريفاني]

مع انك علمتن انك مامن رصيد فلوس ( الشكوى لله)
الا انني لا ازآل احبك ومن لا يحب ابا عبد االرحمن ؟!
قصيدة رائعة لاهنت

[هاوي البر]

صح لسانك ياعميد الشعراء وبيض الله وجهك ومن تعاطف لشيبان والاطفال والضعفاء فهي صفة من صفات اهل الخير ولك من الف شكر ياحبيب الملايين

[أبو كادي]

الشاعر الحكيم والمحبوب / أبو عبدالرحمن
صح لسانك مليارات يابعدي وبيض الله وجهك على هالأبيات الجميلة جداً
التي صيغة بماء الذهب
أنت شاعر حكيم مبدع دائماً تأتي بالشيء المفيد بارك الله فيك وأطال الله بعمرك ووفقك لكل خير دنيا وآخرة.
دمت بخير ودام ابداعك الجميل جداً،،،

[مشعل عسام التريباني]

الجريفاني
مرورك شرف لي الله لايهينك يابو فراس

[مشعل عسام التريباني]

هاوي البر
شكرالك على المرور والاطرى الله لايهينك اخي الفاضل

[مشعل عسام التريباني]

ابو كادي
مرورك شرف لي الله لايهينك يالغالي

[محمد الذرفي]

شاعري المفضل / ابو عبدالرحمن

لك كل الشكر على هالجزله

دمت كماأنت شامخ

[عويد المغيليث]

كفو يابو عبد الرحمن
صح لسانك على هالجزله
وسلم بنانك
ورفع الله قدرك وشانك
تحياتي

[مطلق البخيتان]

بسم الله الرحمن الرحيم

الشاعر\مشعل عسام التريباني الشمري

(تسري ذلولٍ مامسكها عقال) في2\11\1433هـ



انا ماحـــــب الرجل مــــن شــــان ماله= ولا اكــــــرهه من شان ماله مال

احـــــب راع الـــدين والــــبذل والرحم= لــــوكان مـــايملك ولا مـــــثقال

واحب الشــــجاع اللـــــي اليا ضيقوبهم= نخــــــــوه تكفا ياعــــريب الخال

واحب الصــــبور اللـــــي اليا زاد حمله= مايســـــــتمل ولو يشــــــيل ثقال

واحب الوفــي الوافــــي الصاحب الذي= باقـــــــي على درب الوفا لازال

واحب الصديق الصادق اللي مع الخوي= يصدق معه فــــــي ساير الاقوال

واغلــــــي خــفـيف النفس واكره ثقيلها= خــــــــفاف وزنٍ والنفوس اثقال

واكــــــــره قليل الدين شــــــــذاب القفا= اللــــــــي هروجه بس قيل وقال

واكــــــــره ردي العــــــزم لو زاد ماله= وش عاد لو هو كـــــثـّر الاموال

واكــــــره بعد مــــــن لايقدّر قصـــــيره= عــندي فلا يسـوى شراك نعال

لانه مخـــــــالف نهـــــج ســـــنت نبينا= ومن يخلف السنه خبيث اعمال

ومـــــــن يخلف السنه ويعصـــــى نبيّه= مايســــــــتحق القدر والاجلال

طــــــبعي كذا مــــن يوم ربـــي خلقني= وحـــــنون للشـــيبان والاطفال

واعطف علــــى المسكين وارحم ضعفه= اللـــــي عليه الدهـــر شيله مال

واخــفظ جــــناح الذل للـــــــــوالد الذي= فــــي وقت ظعفي للثقايل شال

وابذل له المجهـــــود بالـــــــمد والعطا= يفــداه مــــالي والاهل والحال

مــــــــــانـــــي وانا مشعل بخيلن بمالــي= كلٍ خـــــبرني والصحيح يقال

صحــــــيح ماعـــــــندي من المال ثروه= لاشـــــك عند الناس لي منزال

ياجيت فــــــي مجلس جلســـــت بصدره= عند الرجال اللـــي يقال رجال

هــــــــذا الكلام اللـــــــي يصـــــحّ النايم= ماهي ســوالف دهبجه وهبال

يقول المثل مـــــاتاه مـــــــــن دوّر القدى = وتسري ذلولٍ مامسكها عقال

عليّ ملازيم الرجاجيل اني أحبك من أول واقدرك..وهالحين حبك وقدرك فوق فوق فوق هام السحب ياغالي... ايييييييييييييييييه إطلع على حقيقتك مثل ماهقينابك.
لك من التحايا أجزلها ومن التقدير أوفره.

[معدي نشمي العتيبي]

احبك الله فأنزل حب الناس لك من عرفك حسب ماسمعته ومن يسمع شعرك

رجل ذو تجربه كريم وهو حاتمي لايستغرب الكرم منهم

فقولك صح لسانك ولاتعليق على دره تختم بشطرها الاخير ( وتـــســـري ذلـــــــولٍ مـامـسـكــهــا عـــقــــال ) تحياتي لك ولطرحك

[مشعل عسام التريباني]

محمد الذرفي
مرورك شرف لي الله لايهينك شكرالك على المرور

[مشعل عسام التريباني]

عويد المغيليث
مرورك شرف لي الله لايهينك شكرالك على المرور

[مشعل عسام التريباني]

مطلق بخيتان
مرورك شرف لي الله لايهينك شكرالك على المرور

[مشعل عسام التريباني]

ابو النشمي العتيبي
مرورك شرف لي الله لايهينك شكرالك على المرور