ديوان الشاعر / تركي الزوبعي الشمري

[تركي الزوبـــعي]

بسم الله الرحمن الرحـــيم

ابيات في وصف احوال السوريين في ضل هذي النكبه اسال الله ان يبعدها عنا وعنكم جميعا

كلــوه من ندحك يا فرّي .... صار الســوري مدري شلون!!!

كلوّه من ندحتس يا فـــــــــرّي = صار السوّري مدري شلون

جوالي صار ام بي ثــّــــــــري =وردّونـــــا لدور التـــلفــــون

والكهــرب يشــــــــكي للــمّي =حــال القطعه مالـــوه لـــــون

وآمآن السوّري كـف ولّـــــي =والظـــــاهر نبطّـي ويبطــــون

والشــعب اللي ميــــت وحيّ =واسعــار ارتفعـــت بجــــنـون

وطفل(ن) مات شوي شــــوّي = وطفل(ن) مآت بضرب وكون

ورجل(ن) فاقد ام و خـــــــــيّ =ورجل(ن) فاقد كل الكــــــون

وامن تصـــــــــرخ مات صبّي =مات المسكين صغيـــــــرون

وشايب عاجز يبكي بــــــــــــيّ = يصــــرخ للعــــالم تكفــــون

وش باقي لـك ولا لّــــــــــــــي =وش بــــاقي نتـنى يــفظــون

لا تسولف لي شـــــــــمّر طي =سولفـــلي كـــيف يصـــــرون

مامن عاقل مامن شـــــــــــي =الا ويدري ويـــــــش نكـــون

قـــولولــي خلونـــا منـــــــــي =وش واقعنـــــــا يا كحـــيلون

كلمه وصارت قلنـــا فـــــري =وصار السوري مدري شلـون


الشاعر : تركي الزوبعي الشمري

تحياتي للجميع

[تركي الزوبـــعي]

بسم الله الرحمن الرحيم

على نور القمر !!!

على نور القمر نجلس يانور العين ونفلّي‏=‏قضايا حبنا يا روح ذكرن جاء يحيينا

نعيد ايامنا الي قد خذاه العشق ونهلّي‏=‏وامرحبك تمرحبي بحبن ما يخلينا

نقلط للبشر احلى قصيده ينثره خلّي‏=‏بالوان الوفا والحب والوانن تحيينا

نزور العالم اللي ما يزوره غير ذاك اللي‏=‏صدق في قلبه وعقله يشوره كيف سوينا

يكون اكبر جبل للحب يعيش بكلك وكلّي‏=‏وتكون انهار وامطار المحبه مننا وفينا

احبك ثم تحبن وانت حبك بي مثل ظلي‏=‏ولا أنساك يا روحي ولا انسى ما تمنينا

حبيبي يا كما بدرن على كل الملا يطلي‏=‏حبيبي يا سهيل ويا قمر ونجوم اغانينا

الا يالله يا عالم خفايا ما اتبين لي‏=‏يا ربن ما يخيب اللي رجاه ان جابنا جينا

تسهل لي هوى قلب بدونك ماتسهل لي‏=‏تحطه لي نصيب ورحمتك يا رب تغشينا

الشاعر : تركي بن مبرد الشمري

[تركي الزوبـــعي]

بسم الله الرحمن الرحيم

يحق لي !!!

يحق لي دنياي وانا بكيفي=اعيش به ما بين صوله وجوله
وان قالو العذال خانن وليفي=بقول خير ويا عساني انوله
مامن وفا ما فيه دمعن ذريفي=ودموع خلي ما تجيك بسهوله
وحبن بلا دمع العذاب المخيفي=مثل النجوم اللي عجزنا نطوله
يعني اشارة التعجب تزيفي=مابين مامن ! او تصير معقوله؟
يا قلب لا تشره على شطر سيفي=ترا السيوف بهالزمان مهبوله
لا صار قطعه مني يزفي منيفي=يزفي يدور بين الازوال زوله
وش ارتجي من هالات الذريفي=وش ارتجي من ذاللات الرجوله
ويش ارتجي!! ما دام دنياي كيفي=بعلم المزفي علووم الحمووله

الشاعر : تركي بن مبرد الشمري

[تركي الزوبـــعي]

بسم الله الرحمن الرحيم


هوسه في شيخ زوبع (( ضاري بن محمود )) رحمه الله !!!

يااابو فيصل تسبدي يبله=فعلك وطاريك يالغالي
كلمتي بالله لك خله=وايقن انه ما به جدالي
زينة الدنيا بلا حله=والاواخر عنده العالي
ربنا رب الملا كله=مالك الاول مع التالي
وزوبع اللي ما بهم ذله=صيتهم ما له بالامثالي
يحسبونه لو هي بزله=على الذبحه مالهم والي
والدخيل اليا لجى من له=غير زوبع قول وافعالي
واخو فلوه سيفن نسله=بالشدايد طيب الفالي
ضاري الي للعدو عله=مفخره للعم والخالي
تمت بعون الولي الله=العليم بحالك وحالي
اسجدو وصلو على خله=اللي بوصفه شغل بالي


تركي بن مبرد الشمري

[تركي الزوبـــعي]

هذي احدى القصايد الظاهر مشهوره .. مدري

المهم جتن مع مرسال ومهداه لي ورديت عليها

اليكم القصيده



يالنشاما لا وصلتوا نور عينـي علمـوهـ
كيف جرحي في غيابهـ قام يحداني حـدي

علموهـ اني احبهـ كثر حـب امـهـ وابـوهـ
علموهـ اشلون حبهـ صار يجري فجسـدي

علموهـ اني احبهـ كثـر ماعيونـي بكـوهـ
كثر نجمات ٍ تلامع وسط ليـل ٍ سرمـدي

علموهـ اني ذكرتهـ يوم خلـق الله نسـوهـ
والخيانهـ.. ما اخونهـ دام لي قلب اجودي

علموهـ ان العواذل عـن حياتـي ابعـدوهـ
وانهم في كل لحظهـ ياخذونهـ مـن يـدي

علموهـ اني قريتهـ قبـل لا هـم يكتبـوهـ
علموهـ اني عرفتـهـ قبـل حـزة مولـدي

والله اني من عرفتهـ يالنشاما صرت اتوهـ
وقبل اعرفهـ يالنشاما كنت ماني مهتـدي


ليتني احطهـ بالثريـا والبشـر ماياصلـوهـ
وليتنيٍ ارفع مقامهـ لين ياصل للجـدي

لو طعني بالخناجر قلت عادي واتركـوهـ
ولـو يسـوي مايسـوي لا تعـدوهـ رديئ

ادري اني شرق عنهـ والعـواذل غربـوهـ
بس ابصبر لين حلمي يذبحهـ طول اسهدي

والضمير اللي بقلبي كل خلق اللهـ جفـوهـ
وان بغيت انهي عذابي في ثواني يبتـدي



ورديت عليه بهاالابيات ان شاء الله تعجبكم


شاعر يسطر حكايا عشق يابنت اركدي !!!

نور عينك يابعد عيني طروشك يوم جوه =كان جرحه في غيابك توه الجرح النــــدي
في غيــابك عذبنــه كلمتــين اهن ويــوه=كل ما قــرر يــفارق طيــفك اقبل مهتدي
علموها ان المحبه له وفــا لكــن كــلوه =عــلموها ان المحــبه في حبــيبك تقتدي
علمــوها ان الحنايا صاحت ونادت ياهوه=علموها ان الصدى جاوب حناياي اهجدي
علموها ان الوفي في هالزمن هذا نفوه=علمــوها ان الخيانه ما اتــعامل به يــدي
خبروها ان كل تركي في هيامك كفنووه=علموها انه دفين الحب وديــن امــحمدي
علموها اني اعاني علمــوها انــي اتووه=علموها ضعت انا يا عزوتــي يا مسندي
شاعر معاند زمانه عــاقل وهــم جننوه=شاعر يسطر حكايا عشق يا بنت اركدي
اذكر الي يذكرن حتى يــلو اهلــه نسوه=يقهرن فلس الزمان الي حكم وقتن ردي
حاجة الرجال كشرا يا هل الخير انصروه=رممو صف العرب ضد الحقــير المعــتدي
نور عينك رحب وهلا بطروشك يوم جوه=حب خشم اللي يبي يبري به الجرح الندي



اخوكم \ تركي الزوبعي

[تركي الزوبـــعي]

قصيــــدة موقف

بسم الله الرحمن الرحيم

لآ تحــآأآأآوؤول !!!

لا تـحــاول تلـتـفـت وانــــت مــعــذور=خــلـــه بـوجــهــه تـــــرا مـــابـــه عــــــذر

الحبـايـب هـجــر والـحــب مـهـجـور=وانـــــت يـاخــلــي ســوالــيــف وهــــــذر

مايغـيـب الــود عــن قـلـبـن صـبــور=رافــقــه شـــــروا الـــــذي نـــــاذر نـــــذر

غــاب عـنـي مــا لقـيـت الا القـبـور=خــاويـــه دنــيـــاي والــمــســرى قــــــذر

مايـهـمـن لـــو يـبــي يـقـطــع جــــذور=كــان لــي دنـيـا نـمـا وايـضــا جـــذر

الـمــهــم الــحـــب بــاقـــي مـــــا يــبـــور=عــايـــش بـعــالــم عـواشـيـقــن حـــــذر

مــــا يــمــوت الــحــب لـكـنــه يــــدوور=بــيــن واحــــد حــــي والـثــانــي مـــــذر

اعــتــذر لـلـحــب يــــا كــــل الــغــرور=وان بغيـت انـا اعتـذر لــك بعـتـذر

ما قدرت الا التفت وادري قصور=بــس شـوفـت عـاذلـي اكـبــر عـــذر



وسلامتكم

تركي بن مبرد الشمري

[تركي الزوبـــعي]

بسم الله الرحمن الرحيم

آلا المرض ودواه .. من عند ربه !!!

تدرون لو انه على الكيف دنيـــاي=غير اتركه للي طمع به وحبــــــه
لا صـرت انا ويـاك ولا انت ويــاي=لوعت حبيبك يا اريش العين شبه
تخنقـني العبـره وانا عنـد مبــداي=نبــع المحـبه فـي هوانـا مصبـــه
ماقول اعاني والـغلا عنـده دواي=الا الـمـرض ودواه من عند ربــه
اسهر على ذكراك مع كاسة الشاي=والكـنت عامر والشفـايف تعبــه
يا منوتي تفداك روحي مع اعضاي=خذني حبـيـب وبـاقي الناس كبـه
ابكيتـني وانـا احسـبك تكـره بكـاي=قالـه ضمـير الـلي عذابه لعب بـه
يجرح خفوقي منوت الروح بـهداي=جرح(ن) يزيـد بنـار جـوفي ملـبه
يا روح روحي يا اعذب الحب ياهواي=يا بـااخـن اجواء الـهوى لا تسـبه
الصوره اللي توجت راس مشقـاي=صورة رحيـلك يا عـيونـي وطبـه
ناس(ن) تعاني همهم رشفت الـماي=وناس(ن) تناظر مـاه بعـيون حــبه
وسلامتكم



الشاعر / تركي بن مبرد الشمري

[تركي الزوبـــعي]

يا غآيب(ن) عني ترا للبطى لــؤم !!!

الخـافـق الــي مــن عـنـا الـبـعـد غـنــى=يـا غايـب(ن) عنـي تـرا للبطـى لــوم
تـــشـــره عــلــيــه الــــــي عــشــانــه تــعــنــى=ويشره على رجل(ن) مهند وزيزوم
قــلـــنـــا نــــكــــون وقــولـــنـــا الــــيــــوم كــــنــــا=كم ذيب عاش بدنيته ذيـب مهـزوم
يـــــــا عـــالــــم الــعــشـــاق لا يــــــــا وطــــنــــا=يــلـــي فــراقـــك طـــــال وفــراقـــي يــــــزوم
الــحــب مــــا يـنـشــى عــلـــى مـانـتـمـنـى=الـــحــــب عـــــــادات وتــقــالــيــد وســــلــــوم
وحـــنـــا فــــــراق(ن) دام لـسـنــيــن حـــنـــا=ويـن المحبـه وخافقـي منـك مـحـروم
عــيـــنـــي بــعــيــنــك والـــمـــفـــارق مـــكـــنـــا=عقب السنين الي علينا غدت كوم
لـحـظــة لــقــى تـشـكــي لــنــا لــيـــه خــنـــا=يهـيـض لــه جــرح ويـــردون لـــوه قـــوم
الــدمــع والـلـحـظـه وظــلــم(ن) تـجــنــا=والآه والــحــســره والاحــــــزان و!بـــيــــوم
والــحـــب والــذكـــرى ومـاضــيــك عـــنـــا=والــجــرح والـتـجـريـح وفــــراق وهــمـــوم
وايـــــــــام دنــــــــــا الـــــحـــــب وايــــــــــام دنــــــــــا=وشـهــور وسـنـيـن وسـوالـيـف وعــلــوم
الــمــشــكــلـــه فـــــــــــوق الـــثــــريــــا ســــكــــنــــا=والمشكلـه مامـن سبـب تـرك مفهـوم
الــمــوت مــنــك وكــــل الاشــــواق مــنـــا=ويـــا غـايـبـن عـنــي تـــرا للـبـطـى لــــوم
الشاعر : تركي بن مبرد الشمري

[تركي الزوبـــعي]

بســـــــــــــــــــم اللــــــــه الرحمــــــــن الرحيـــــم


تعــزية خاصــه !!!

الكـرامـــــه غـاديــــه والحـظ غـــادي=والعــروبـــه ملــطشه لرجـال بـــوش
حكــي حكـام الـعرب فعــل الرمــادي=والــمـذلـــه عــزّتـــه كـومـت قــروش
يـــا مــنـادي مـــن يــلـومـك يا مـنـادي=شتّــم اجـداف الـعـرب شتّــم وشــوش
لا غـــدا خـــيــك يــنــادي يــا جــهـادي=والـرفيــق يــمــوّل ســلاح الــجيـــوش
لا غــدا طــيــر الـحـمـادي فــرخ عـادي=لا غـدت روس العـرب تنـحـاش حــوش
مـجـزره صـارت ومـوقـفـنـا حــيـــادي=طـــال كـف الـغـرب ! حنّـا مــا نـنــوش
مـبـتـلا الشـيـمـه هـنـا داخــل فـــؤادي=محـرق الدنيـا قـصّـيـده بــي يــجـــوش
ليـــت لــو انـــه بــأيــدي يـــا بــــلادي=غيـــر اغـير أصـغر كــلابــك وحـــوش
جيــت شـاعـر راكـبـن صـهوت جـوادي=ارســل ابــيـاتي مراســيل الـطـــروش
اتــجـدى بـنـظـرتـي مــن دون جــادي=واكتــشـف واقـع جـزيـرتـنا امغـشوش
يــا هـنـادي لـيـه خـنـتــي يــا هـنــادي=قـلب حبـك مـن خـيـانـتـك امـخــروش
يـمـه الـلـه يـحـفـظـك يـا زهـور كـادي=يــا احـن الـنـاس يـالـوجـه البـشـوش
يـالـحـبـيـبـه مـسـكـنك باقـصى فـؤادي=فـوق عرش القـلب بانـي لـك عـروش
واخـره صـلــو عـلى الرسـول الـهـادي=واذكـرو مـوتى ذبحوهـم قـوم بـوش
وسلامتكم جميعا ,,




الشاعر : تــركـــــي بـــن مبـــرد الشـــمري

[تركي الزوبـــعي]

بســـم الله الرحمــــن الرحيــــم

صــدام رآح ! !!!

يايبه كل العرب صارو عيال=ولا شفت فيهم من يعرف الحميه
بالمال فيه رجال ورجال بالمــــــال=ورجلن بليا مال فاقد خويـــــه
زمان غنى به سخط بوش موال=على العرب وصى عليهم وصيه
ما شفت لا رجال ,, لا زول رجال=ما غير ذكرى والرجوله بريــه
صدام راح ولا ترك عقبه عيال=صار الضحيه يوم عيد الضحيـــه
صدام لا ما راح صدام لا زال=والثار نيه صافيه بالف نيــــــــــــه
كلام شخصي ما عبر حد الاقوال=يعني يثير اهل القلوب الوفيــــه
شفت الفعل يبكي على دور الافعال=يصيح قلبن قد خذته المنيـــــه
وشفت الحكي معرس على طارف الجال=في مجتمع ظلم ومآآسي قويه
وشفت العرب كل العرب مالهم حال=اعلى القمم صارت اراضي وطيه
طال الزمان ولي مع المر فنجال=يسقيني سموم العذاب الشقيه



الشــاعر / تركـي بن مبـرد الشمري

[تركي الزوبـــعي]

بســم الله الرحمن الرحيم

ياليله دان دان ياليل دانه ! !!!

يـــا لـيـلـه دان دان يـالـيــل دانــــه=عـلـى منـهـو دفــن حـبـي واهـانـه
وحـطـم خافـقـي واعـمـى عيـونـي=وطــبــق بــــي اسـالـيــب الـخـيـانـه
تعـلـمـت الـهــوى مـــا يـنـمـزح بــــه=ولا به شخص مخلص للامانـه
ولادري غـيـر انــي مــن عـذابــك=هـقــاوي شـايـبـي بـطـلــق عـنـانــه
اشوف الكون من بعدك حبيبي=مــآســي شـايـبــن بــاخـــر زمــانـــه
واشــوفـــه ام تــبــكــي فــــــي ولــــــدها=تمـنـت هــو هـنــا وهـــي ابمـكـانـه
واشوفه جرح بضلوعـي يضمـن=يهيـض اليـا ذكرتـك مـن حنـانـه
واشـوفـه اســـود وابـيــض حبـيـبـي=مــثــل دنــيــا تـعـيــش بــــلا ديــانــه
وطــعــم الـــــزاد يـالـغـالــي نـسـيـتــه=وشخـصـن راهـنـن فـــاز بـرهـانـه
ولادري وش حصلي يوم خنتـن=ولـــكــــن الاكـــيــــد انــــــــه خــيـــانـــه
الشاعر : تركي بن مبرد الشمري

[تركي الزوبـــعي]

بسم الله الرحمن الرحيم

اعود لمعانقة الوضع المآساوي للعرب

اتمنى ان تنال اعجابكم

سيفــنا البتـار ســووه خشــبه ! !!!

الــعــروبــه هــمــنــا والـــهـــم زايــــــل=والــقــيــاده يــــــا حـبـايـبــنــا شـــبــــه
الـمـهــم ان الـفـعــل مــبــدا فـعــايــل=صــارت الامـــه هـنــا مـفـعـول بـــه
وش يفيـد الـراي يـا قـوم الهوايـل=سـيـفـنـا الـبــتــار ســـــووه خـشــبــه
الضـمـايـر مـاتــت ولا فــــاز قــايــل=الضـمـايـر وش يبـيـلـه تـنـتـبـه !!
يمكن ان النفس يا ولـد السلايـل=باعت الاقصى وصـارت ملعبـه ‏
يــا فلسطـيـن الابـيـه بـــك حـمـايـل=ارتـجـت مــن جــور دنـيـاه صلـبـه
مات بك طفل وتشـرد بـك عوايـل=والـوحـيــد امــــه وحــيــده تـنـدبــه ‏
رمز اسلامي وعصر اسلام مايل=ضــيـــع الامـــــه وضــيـــع مـطـلـبــه
يــا ضمـيـري باخـنـك مــا تنتهـايـل=زومــتــك قــطـــع حـشــايــا مـخـلـبــه
الــرجــال بـهـالـزمـن يــاهــم قــلايــل=بــاقــي الامــــه غـــــدت مـسـتـذنـبـه
ليـه يـا امريكـي علينـا دوم عايـل=تــاجــنــا صــــــدام لـــيــــه تــحــاربـــه
واجب الثار الذي به حنا اصايـل=هـــذا ابـــو عـــداي قـمـنـا بـواجـبــه
مــهــزلــه والـــعـــز اي والله زايــــــل=مـسـخــره والــلــي غــزونــا مـكـلـبــه


الشاعر : تركي بن مبرد الشمري

[تركي الزوبـــعي]

بسم الله الرحمن الرحيم

يا زمانـي نخيتــك لا تكبــر صغــير! !!!

كـل مــا قـلـت ابنـسـى همـنـا والمصـيّـر=اتــذكـــر ســـوالـــف جــــــد جــــــدي وابــــــوه
لـيــه اقـــارن زمـانــي بـالـزمـان العـسـيّـر=لا غــــدا الــذيـــب مــنـــا قـطــعــوه وكــلـــوه
لـيـه مــا نيـقـن الـلــي لازم انـــه يـصـيّـر=نــســـأل الـتــايــه الــلـــي تــيــهــوه ورشــــــوه
صاحت من العراق وتنتخي بالحميّـر=رددت لــــــــــه بـــــغـــــزه طــفــلـــنـــا يـــتـــمــــوه
عـاش منهـو تكفـى شـر بـوش الحقيّـر=ومـــات ذيـــب الـعـروبـه ربـعـنــا حــقــروه
رحمـت الله علـى الـلـي كمّـلـه للأخـيّـر=والـخـتــام ابـتـسـامــه والـمـصـيــر شـنــقــوه
ذاك واحـــد بـمـيـه مــــن رئــيــس وامــيــر=مــا يـهـاب ومهـيـب والـجـيـوش غـــدروه
لا تـخـلـي زمـانــك مـــن يـديـنـك يـطـيّــر=كـــم زمـــان وزمـانــن طـــار ثـــم هـدّمــوه
لا تـصـغّـر بعـقـلـك وانـــت ربـــك كـبـيّـر=رحـمـتـه للـخـلايـق مـــا تـخــص الـوجــوه
يـــا زمـانــي نخـيـتـك لا تـكـبـر صـغـيّــر=ولا تصغر كبيرن عاش في ظل ابوه



وسلامتكم

الشاعر : تركي بن مبرد الشمري

[تركي الزوبـــعي]

بســم اللــه الرحمــن الرحيـــم

يا شكــسبير المحبه! !!!

تعال اطعن وقطعني تعال لك اللي تبيه=دخيلك بس لاتكذب ترا كذب الحبايب شين
قلبك اللي ما عطى نص الغرام الي يجيه=ما له الا زود حب وذاكرة قلبن طعين
مشكلة غالي هدم بيت المحبه في يديه=به رفع خشم التسذوب وعز كل الخاينين
ينتفظ يزعل حبيبي لازعل تركي عليه=ويتدلع لا غديت اعطيه من علمن دفين
كان قمه بالنقاوه والغلا والحب ليه=صار اوطى من صدق في عالم الحب اللعين
يا شكسبير المحبه وين ذا الراي الوجيه=حطم العالم كياني وانت بعت المشترين
ما ورا كل رجل ناجح غير ما سوت يديه=من بعد امن دعت له طيحت دمع وونين
يا خيال الحب يكفي وانت تزويني اجيه=ادرك الواقع محال الصدق بين العاشقين
كل عصر وله حبايب حتى لولنا ندعيه=تبقى فطرتنا محبة كذب وخداع وآنين
يا صروح العشق عاقل جنتن لمست يديه=من بعد طخت غرام انهار له دمعن حزين
قلبك الي خان بي تكفين يابنت اساليه=هل من المعقول يلقى غير تركي مخلصين
اساليه ان كان يلقى اساليه وعلميه=لو يدور الكون كله ما لقى لك شخص زين
من ترك تركي تندم في حيات اغبى سفيه=الذهب يبقى ذهب بس البلا اللباس شين
ماتوقعتك كذا مدري القدر لازم عليه=يبعد الشخص المسمى عن سوايا الخاينين
الشاعر : تركي بن مبرد الشمري

[تركي الزوبـــعي]

بســم الله الرحمن الرحيم

ابكـــيكــ !!!

من بين كل الناس ما شفت الا انت=راعي جمال وزينتك ما تدانت
اسلوب راقي مع مكنت وتمكنت=وكانت جريمة حب يا ناس كانت
اسست قلبي من بدل دمه اسمنت=ابني عماير عشق ان صنت صانت
ليه انت يالقاسي وليه انت لا هنت=لا شفت زولك لحظة الموت حانت
ابكيك يابن الناس في حبك ادمنت=واردى المصايب من ميانتك مانت
اقول اطنش !!بس لاجيت !!هونت=وتهون يا زوبع وتهون ؟!؟هانت
لحظة غضب فرعنتني ثم تشيطنت=واكبر علومي في محبتك بانت
انا على عهد الوفا ما ابد خنت=ذكرى المحبه تالي الوقت خانت


الشاعر تركي المبيرد الزوبعي الشمري

[تركي الزوبـــعي]

بسم الله الرحمن الرحيم

لا صارت الفزعه !! نختــنا القبــايـل

عبلا وابن شداد وروميو وجولييــــت =عشاق مـرو فـي زمـان الأوايـل

وعيلة ابـن عيـاد اهنـي وهنيـــــــــت =خلفه أصيله جود عز الأصايـل

حنا هل القصاب تـراس التوابيـــــــت =وحنا هـل الـردات بأكبـر دلايـل

جاجان ابو فيصل بالحيل بـك ميـــــت =وأعشق عقال الراس لا صار مايـل

وأعشق ابوي وامي وخيي مع البيت =والشمري لا صـار دربـه لحايـل

وأعشق هلي شمر وشمر هل الصيت =صيت الفخر والعز واهـل الجمايـل

وأعشق بهـم زوبـع ربعـي هـل الييـت=رجالهم ماقد تنطحه عايل

طيب وكرم وعز وغصبن عن الليـــت =وروح العدو بيـن اليديـن تتشايـل

لعد خيي ترانا زوبـع اذا اصغيـــــــــت =لا صارت الفزعـه نختنـا القبايـل

واليا تركت الروح وانت بها اصخـيت =واجه فخر شمـر عيـال الحمايـل

من قبل ما طاعو لقول الحصاميـــــت =ولا رضخـو لغيـر رب العوايـل

لقيتهـم باصقـاع حايـل وتكريـــــــــــت =وايضا بكل الشـرق نفـس المثايـل

وانا ولد جاجان ابو فيصل ازديـــــــت =ازديت بالطـاري وذكـر الفعايـل


الشاعر : تــــركي جــاجــان المبيـــــــــرد الزوبـــعي الشمري

[تركي الزوبـــعي]

بســـم اللـه الرحــمن الرحيـــم

ابيات كيبورديه ,, اتمنى تعجبكم

اثر الشعر تسـطير فاتـح وساكــن؟

خل العرب لا تقومه عن محله=الذل عشعش في حنايا المساكن
اليا متى والشعر يرثى هلن له=ضاعوا مابين الذاهبه والاماكن
اذكر يقولون الشعر سيف سله=اثر الشعر تسطير فاتح وساكن
كلام شعار العرب مردفن له=تاريخ يحفل بالشواهد ولكن
حاضر خزي لو سطر المجد والله=ماكان ستر المسلمات يعداكن
ولا رد سيل دموع عذرى تهله=ابكن وموتن سهل الله عناكن
حنا العرب سطلن حوى لوه مذله=نشرب ونسقي من ظهرنا ضناكن

تركي الشمري

[تركي الزوبـــعي]

بسم الله الرحمن الرحيم


آخو شــمى !!!

يابوغازي الزمان الخااايس موولي=الفقر مجلس يدلوه كل اخو شمّى
المروح الي جمع فلسين عصمللي=غادي علينا من الي صعب يتسمّى
المر لازم نذوقوه من يدين اللي=جمع حلال العرب مشفوح ماسمّى
والرجل لازم بكل ظروفوه يهللي=والموقف المر بقلب الرجل يشتمّى
مطنوخ نادى خويي يا بعد مللي=يومه نخى مادرى عن خايسن ومّى
الذيب لازم يجسد واقعوه باللي=يبيض الوجه بين الناس من ثمّا
يختار لوه اجودي ويصوم ويصلي=مايشغل البال بين الحب والجمّا
وان ما لقى مطلبوه ما لازم يذللي=خلاص مطلب مهو لازم ولا مهمّا
يا وجد قلبي على نوف وعلي كلي=من عين حاسد عساه بحاسدن رمّى
من يوم صدت وانا الي ما تخيلي=سوى حيات العذاب وجرحن مدمّى
انزف قهر لا تراوالي حلا خلي=واصبر مع آيمام جامع قايم ّيآمّى
اعيش بين العرب واشوف وش حلي=لامن طرالي نسل حر وغدا يخمّا
زمانن اكشر غدينا بوه عرب قلي=مانرحم المسلم ونسال ليه ننذمّا
ياراس جزء العروبه ليه متعللي=من قصر ربعك غدابك طول يعلمّا
يالمعتصم ليه تفتح باب ذاك اللي=يبيع روحوه على صيحات لحرمّا
العالم الله يشق الصدر علمن للي=من واقع العيب يوم العز يردمّا
قضيت الشرق صارت لي مثل ضلي=وان ما فتحته يموت الخافق بحمّى
يا رب عز العرب والمسلم يصلي=وارحم يا رب العرب واستر اخو شمّى

تركي بن مبرد الزوبعي الشمري

[تركي الزوبـــعي]

السلام عليكم ورحمة الله وبركاته

اخواني وخواتي اعضاء مشرفين اداريين موقع نشامى

انا اســـف لاني ما كنت حاضر معكم بالايام الماضيه

وهذا بسبب الاوضاع من انقطاع للكهرب او للنت واللي ماعتقد فيه احد ماعنده اطلاع عليها .. الله يبعد هالمحن عن كل امة محمد ونسالكم الدعاااء

صح لســان كل شاعر او شاعره حط قصيده في غيابي ولا تواجدت عليها

والسـموحه منكم يا خواني ع التقصـير ...

جايب لكم كم بيت ليست الا مجرد ابيات طريفه تخليني بينكم موجود

خاف تنسوني ههههه

اقول

واخر عشر ليرات هاتـف عمومـي !!!

اوخذت جيبــي بين رنــه ودقــه = وادمنتك انت وصرت اغــلى علومي

عيشتـن بجــو الشقى والمشقه =وخليــت باقي النـاس تقعد تلومي

ما كانت امثال الحيا باسم بقـــه = لولاك يا دنيا خيانـــاات تومـــــــــي

هو راس مالي جيب فاضي وشقه = ولقيت فكــه في بقايا هدومــي

شريت لي باكيت واعطيت حقــه = واخر عشر ليراات هاتــف عمومي

والجيب اذا ما عز راعيه شــــقه = حرام ياخذ مترفاااات الرسوومــــي

ههههه وسلامتكم

بقلمــي // اخوكم // تركـي الشــمري

[تركي الزوبـــعي]

بسم الله الرحمن الرحيم


قبـل امـس خانونــا على حين غـــرهـ !!!

ياحـظ مـن مــات ومـعـه مــات ســره=وفـارق حياتـه عـقـب نـطـق الشـهـاده
بـحـلـوقـنـا ضـــــرب الــهــمــوم يــتــشــره=وبـعـقـولـنـا صـــــورة جــريــمــة وابــــــاده
مـــا يجـتـمـع ظـلــم الـبـشــر والـمـســره=صار الحزن بقلوبنا شبه عاده
قــالــولــنـــا الــــغـــــزوات كـــــــــره وفــــــــــره=وغــزواتـــنـــا حــــــــده كــــــــلام وافـــــــــاده
جــــــــــرح الـــعـــروبــــه جــــــــــرح لله دره=ياطـى علـى خشـم الـعـرب والقـيـاده
قبـل امـس خانونـا علـى حيـن غـره=والــيــوم ذبــــح الــنــاس ســمــووه اراده
الصـدر ضـاق وداخـل القـلـب حــره=والـغــرب هـيـمـن ع الـعـقــول بــبــراده
الــوضــع مــأســاوي والابــيـــات مـــــره=والــقــاف يــنــزف مــــا يـبـيـلـه اشـــــاده
يــا قـــاري الابـيــات تـكـفـى تـجــررره=جـره علـى طــرق الفرح والسـعـاده
يا رب تكفيني من الاصحاب شره=وتهـديـنـي دروب الـرضــى والـعـبـاده


وسلامتكم


تركي المبيرد الشمري

[تركي الزوبـــعي]

بســم الله الرحمن الرحيم


يا سعـــد ! !!!

يا سعد خبر هل المحبوب عني=قلهم تركي توفى من عــــــذابه

قلهم كل الخطى قد صار مني=وانتهى عمر(ن) قضيته يم بابه

يوم جيت لدنيتي جيته اوني=ولي اغاني يا سعد ما يندرى به

ونتي يا اخوي ما خلتني اغني=مستمره طول ما طوّل غيابـــــه

ضامي لشوف العيون اللي سقني=كاست(ن) ما كل واحد ذاق ما به

خصره اعجاز ويا لون العين بني=والشعر عذّب هواميـــر وغلابــه

العذاب من المتون اللي خذني=بين اصاله وافتخار(ن) يحتذى به

مدري اني عاشقه ولا لانـــــي=ما دخل قلبي سوى حضرت جنابه

صرت مجنون الوفى كنه وكنــي=عاشق ومعشوق والدنيا ذيابــــه

يا حسافه يا سعد قد خاب ظني=بالحبيب اللي مثل غيره تشـــابــه

خانني يا اخوي وعيونه نســـني=وانتهى عصر الوفا وانهى سرابه

لي تجارب بالحيــــاه وعلمـــني=ان كل الحســـــد بعيوون القرابه

وان شيعي ما يصادق شخص سني=وان من خوان الغلا لازم نهابه

غلطــه تعلـــم ولا غلــــطه تثّنــي=والمحبه لا تجينــــا ولا لنــا به

والصداقه لوحه بتصــــميم فنــي=والوفا الوانه وطعـــم الحلا بـــــه

والهموم اللي بدنيـــــاي اشغلنــي=ناسي امه ما يهمـــن من بــدا به

ربــّنا ارضى عن الامـــه وعنـــي=وارحم اللي فارق الحب بشــبابه



تركي المّـــــبيرد الّزوبـــــعي الشمّــــــــــــري

[تركي الزوبـــعي]

بسم الله الرحمن الرحيم

ردآ على الشاعر العزيز ضاري الزوبعي

اتمنى تاصل مستوى ذوائقكم الشعريه

يقول ضاري


يا صاحبي لي معك صحبه وتذكار=لو كان تدري في غلاك احتواني
كل ما سليت بخاطري عنك مشوار=ترجع تجيني وسط حلمن خذاني
وانا زماني يتعبن دوم دوار=شفت النكايد والتعب من زماني
ربعي قليل ولكن الخوه اسرار=ما هو تكبر لا ولاني اناني
لكن رفاقه جيلنا كلها عار =ان ما رماك بسهم غدره رماني
واحذر يخوك ترافق انسان غدار=يجيك مثل اللي من الغير جاني
وانا على طاريك سجيت بافكار=ومو عادتي اذكر صديقن نساني
لكن غلاتك عاملة فيني اعصار=وسرجت مهرة خافقي بالمعاني
يفداك من جافاك لو صار ما صار =ويفداك قومن همهم بالصياني
وتدري خفوقي بالشعر مشتعل نار=ونا لساااني بالقوافي حصاني
اما غرامن يشرح الصدر يا جااار=ولا صدود وقل فود خذاااااني


وهذا ردي ان شاء الله يعجبكم

ردآ على قصيدة العزوه ضاري الزوبعي! !!!

هلا وغلا يا ذاكرن خوت الجار=يا مرحبا بالي قصيده دعاني
نفخت من عقب الهجر كومت غبار=فوق النضايد من زمان اخوياني
عاشت يمينك يابعدي نسل الاحرار=ابقعد الهاجوس واطلق عناني
الشعب عانى والسبب ظلم بشار=وانا مثل كل العرب حيل اعاني
تفرقو ما بين عسكر وثوار=صرنا نشوف الموت كثر الثواني
وفلان مات فلان خل ناخذ الثار=وانا فساد المنطقه حيل اذاني
انا تشلن زومتن دمها حار=ويبكيني الي ما سلم من زماني
هذي بلاوي سجتي وانت اختار=اوجه سبب يا شاعرن قد بلاني
اعذار ماني قايلن انها اعذار=لكن سبايب تشغلن واتعداني
بس انت تدري داخل القلب لك دار=من شوفتك خطيت كل الاماني
عزوه وغالي ولك معزه ومقدار=اقدر المك في محطة خواني
ولا يشغلن ياخوك ما غير الاقدار=اللي عجز عنه طليق اليماااني
ولا الغرام الي هنا ! لك يا جار =ولا فيه صد ولا اعتقد فيه ثاني



الشاعر \ تركي الزوبعي الشمري

[تركي الزوبـــعي]

بسم الله الرحمن الرحيم

السلام عليكم جميعا ,, اعتذر على الغياب الطويل وحقكم علي جميعا وكل عام وانتم بخير ان شاء الله وعساكم من عواده ولو انه متآخره شوي . اتمنى تعذروني

جايب لكم هالقصيده وان شاء الله تعجبكم

اليكم القصيده

عرب !! تربوا يتبعون امر القوي ! !!!

في ليـلة(ن) قمـرا ولا حـولي خــــــــوي=جنـــــن علـى الـقـالات كثـر الهواجيــس
عشـرين عـــام ولا بنــا ذيــب يعــــــوي=ما غيـــــر كثــر الدعفــسه والدعـافيـس
عــرب تربــوا يتــبعون امــر القــــــــوي=حتـــــى اذا كـــان القــوي يتــبع ابـليـس
نـــور الحيــاة بداخــل الشعـب يغـــــوي=لا صــار فينــا محـرميــن الفوانيـــــــس
فــــي عصـــرنا قــوة ســـلاح النــــووي=هــدت عـــزوم مـجمـعيـن المتـاريــس
يــاهــل النـقى قلبــي عليــكم مستــوي=يــا خـوف قلبــي من ذهبكم مفاليـــس
مـــا غيـــر شيــمه من عنـا قـلب بــدوي=جــابت علـــي كثـر القـهر والاحاسيــس
وسلـكت درب الظــاهر انــه ملتـــــــوي=والظـــاهر انــه مــا تقــرب ولا ديــــس
درب(ن) عشيــــره مــا يموت الا شــوي=تدنيــس واقصــى مـن حـدود التدانيــس
ويــن انــت يــا عــز الرجـال المنـــطوي=ويــن انــت ضعنــا ضيعونــا الاشــاويس
مــن كثــر مــاني شخـص مبـدع لغــوي=حطيـــت غربـــال الــعرب بالقراطيــس
ومن كثـر مـاني بالاصـل شخـص بــدوي=قد شلت فـوق متـوني مـن القـهر كيــس
وياليــــل مــا آبــي لا عشيــر ولا خــوي=خــلاص خاويــت العنــا والهواجيـــــس


الشاعر / تركي الزوبعي

[تركي الزوبـــعي]

السلام عليكم ورحمة الله وبركاته


مرثية مشعان المبيرد رحمه الله واسكنه فسيح جناته

رثاء في عمي المرحوم مشعان مبرد الثامر الزوبعي الشمري

راح عمي ما بقى عقبه عمام=ما قبل مشعان عم ولا بعد

راح والدنيا غدت كله ظلاااام=في عيون الشيبه وعيني بعد

راح واقفى معه فعله والكلام=من عقب مشعان قام ولا قعد

الوسيعه ضاقت بشهر الصيام=والمدامع وسط عيني ترتعد

وقريتن دونك مهي قريه ذمام=لازمٍ للموت تنخى وتستعد

يا سعد عمي فقدته لا حراام=ما تهنالي عيشتن دونه سعد

يالله تعجل واعيش اخر ايام=ولا يطول الوقت وعمي يبتعد

وتغفر لعمي ذنوبه يالسلام=لونها كثر السما برق ورعد

يا فقيد الكل يا معنى العمام=باقيٍ ما تنسي وهذا وعد


تركي جاجان بن مبرد الزوبعي الشمري

[تركي الزوبـــعي]

نبذه عن واقع شمـر (سـوريا)
گثـرت دعـاوي ربـعنا ولا مستـجاب =حـتى كبـار القـوم عيـت تسـتجيـب

أول أخو شمى كثـر ما غاب جــاب=الحين خـله بـس يعـوّد لا يجيــــــب

مادام زوبــع في محـطات العـذاب=وارض السيـافـا بين طيـات اللهيـب

فالوضع مآساوي وشمـر بـه صواب=طـاح أبـو الغيـره على شـانه صويب

والشجاع اللي عن الطلبـات غـاب=يوم وضـع النٓـاس ما يسمح يغيب

كان ذيـبٍ في عيـونـي مـا يهــاب=اثـرة بفـعل الخيانــه تقــل ذيـــب

ولي ربوعٍ يا عرب مثل السحــاب=جمعهــا يمطـر قيـم وسيـول طيب

مايذوق سيوفهم شخـصٍ وطـاب=وللجريح الي طلب حاجـه طبـيـب

شمرٍ والنـــاس كلـــه مـن تــــراب=بس طبع الشـمري ما فيه عيــب



الشاعر : تركي الزوبعي