السعادة ..

[عمر بن عبدالمحسن]

بسم الله الرحمن الرحيم
غالباً ما أقدم قصائدي بروح الحزن ..!
سواء هنا او في مواقع اخرى .. ويطلب مني الغالبية
بأن أقدم قصائد يرتسم فيها الفرح والبسمة ؟!
فانا الآن سأكتب إستجابةً .. للأعزاء .. اذا اكتملت فبها وإن لم تكتمل . فأعتذر ..

سكنت بفرحــــــــــــــــة الايام اغرّد=واعانق بسمــــــــــــــــة الأيام رايق

وذاتي من عـــــــــــــــنا وقته تجرّد=وحلمي عــــــــــاش وعيوني وثايق

وهمي من وطن شعـــــــــري تشرّد=وفارقـني وآهــــآتـــــــــي لحـايق

وطغى ضحــــــكي على ياسي تمرّد=ولا به للغــــــــــزل والبيض عايق

على شفّي جزيل الحـــــــــــــظ ورّد =وفتح لي في مدى الرجـوى طرايق

فهقت القيــــــــــض والبستان ورّد=بريضان السعــــــــــــادة والحقايق

وناداني الوهـــــــــــم والدمع سرّد=جفـــــــــون العين والحسرة تهايق

اببقى للنكـــــــــــــد والضيـم اغرّد=على متنــــــــــي ثقيل الحمل لايق

((كيبوردية))

[عساف نجد]

صح لسانك وسلم بنانك

[نهير النمش]

تجرّد

تشرّد

تمرّد

هنا جمال حرف وقافيه رائعه جداً الله عليك ياراقي

الله يسعدك ياشاعرنا العذب عمر عبدالمحسن

نص جميل وشيق ومفردات راقيه حيل ايه الجميل

تقبل مني كل الود والتقدير

[تركي الزوبـــعي]

ما شاء الله

ابداع الله يحفظك ويديمك للمنتدى

صح لسانك يالغالي

تحياتي لك

[سطم فهد الخليل]

مبدع في كل مجال

الف صح لسانك

[دلقس]

عمر عبد المحسن
صح السانك يابعد حيي
د ل ق س

[رفيع الذوووق]

قصيده فاتنه رائعه مُذهله ..

الشاعر الرائع عمر عبد المحسن صح لسانك لين ترضى ..

كتبت فابدعت ولمتذوقي الشعر اطربت ..

ابداع منقطع النظير ..

لاهنت على هالشامخه ..

تقبل مروري ..

دمت بود ..

[محمد الذرفي]

مرحبا عمر

عوداً حميداً ان شاالله

صح بوحك وسلمت من عنا الوقت روحك

ابدعت ابدعت بحق لله درك إستاذي

[أتعبني غلاك]

صح لسانك وعلا شانك قصيدة رائعة تسلم مددبلاعدد

[منيس التويمي]

عمر

صح لسانك وعتلاشانك تسلم

[سـالم الشمري]

الله عليك يابو عبد المحسن

تفاجأت من عنوان النص ههههههههه

وربما اتت رغبتك بالتعبير عن السعاده على هذا البحر الحزين لكي تؤكد لنا سعادتك
الله يديم السعادة عليك ويوفقك فانت تستاهل كل ماهو جميل

نص رائع ونريد المزيد من هذا النووع

صح الله لسانك حتى ترضى

تحياتي واعجابي ..