ديوان / الشاعر متعب العبدالله

[متعب العبدالله]

0000 أجواء فخمه ... مصافحتي الاولى لكم!!!

ميلاد حب وبرد وبروق ورعود=واجواء فخمه والاماني قتيله

ميلاده العشر ابد ماله اقيود=وحدي ضويت شموع سهره جميله

وقلبن على شوفت حبايبه موعود=طاح وتالم ما لقا احدن يشيله

ودربن مشيته صار مظلم ومسدود=اضوي فتيله ثم تطفي فتيله

قلب الامل لا زال ينبض وموجود=لكن ياسي صار ما ينقويله

باب انفتح من بعده بقفل مأصود=باب الفرح ماعدت انا له دليله

شفت الالم في مهجتي صار مولود=الله يعين اللي مفارق خليله

ارجيه مثل اللي رجاء شخص ملحود=مالي جدا ياكود بالموت اجيله

يا قلبي اللي من لك اسنين مقرود=بالله شفلك باخر العمر حيله

اما نبي ننسئ ونحيا على مود=ولا حبيبك رده باي وسيله

يالقلب الاعمى اه يقليل الفود=شخصيتك بالحب دايم هزيله

لوك تموت لغيره بحب ماتجود=ليتك على حبه كذا تهتديله

هي اقفت و راحت بلا يوم موعود=ولوهي جتك عن الف ليله وليله

انته رسبت بحبها وعندي اشهود=ياللي غرامك مات ماله حصيله

انا بحط اعهود وشروط وبنود=بيني وبينك والليالي كفيله

اما تحب بزود ممنوع هالزود=يكفيك صرت بحب الاول هبيله

وأن كان حاز بخاطركـ شي محدود=لانته بقيس وهي فماهي بليله

انسى خليلن راح بالدرب مفقود=واطفي شموع الجيه المستحيله

وانطر غرام بنيت الطيب والجود=اللي بها درب الفرح نهتوي له

ميلاد حب وبرد وبروق ورعود=واجواء فخمه والاماني قتيله

[متعب العبدالله]

صواب المحبه!!!

كم راح من عمري وكم غالي ٍ راح=وكم يا ترى باقي من العمر أبأعيش

ايـــام بــه ضــايـــق وايـــاام مرتاح= بين العقل والثقل واللعب والطيش

أخذت لي في سجة الفكر مسراح= وأثر الحياة ان جت على العقل ماهيش

ارواح تــكرهــهـا وتــغـلي لك ارواح= وأرواح تشري وصلها دون تطنيش

ناس ٍ غلاه بوسط هالقلب ينزاح=وناس ٍ غلاها عش فالقلب تعشيش

والزين في عيني له اسنين ما لاح=تجهل سبب هجره عروق ٍ معاطيش

وانا من صواب المحبه بي رماح= واللي احبه همش الحب تهميش

[متعب العبدالله]

خاب ظني!!!

بدون خوف بدون حرص وتاني=اقوله ارحل عن زماني ودنياي

لاصار ماني منك منته بمني=ماني معك وشلون بتصير وياي

تنام ليلك في خلاك متهني=وانا ظلام الليل ما يستر اشكاي

وحدي بدرب الشوق صرت متعني=ولا انت ماهمك غرامي ودعواي

قلبك بتقصيره حقيقه طعني=خذل بي الهقوه وظني ورجواي

مدام قلبك فالغياب متهني=ولاهمه مصابي وهمي وبلواي

روح وانا بروح بغياب لني=ما اقبل اي انسان للحب نساي

تجاهلك مع المكابر حدني=ولا انت قدرك بدفنه داخل حشاي

قبلك همومي في حياتي ولني=عادي اكمل ما بقى بوقتي الجاي

انا بمثل اني انساك كني=قادر على النسيان عايش بسلواي

هذي الحقيقه قلتها خاب ظني=فيك انت يا روعة حياتي ودنياي

[متعب العبدالله]

روح الروح!!!

معك على اخلاقي اببقى كما كنت=ببقى على طبعي وهذي سجاياي

حتى لوانك عن مواصيلي اعلنت=فرقاك لحظة قلت لي ماني ابجاي

انا حقيقه في خفاياي ادمنت=حبك وحسيتك حياتي وسلواي

لكن يا روح الروح يا هوه لا هنت=ماقد عرفت اني مع الوقت نساي

لا لا تحسب انك لقلبي تمكنت=وانت اللذي منت بحريصن على رضاي

لو صنتي اقولها اليوم لو صنت=ما شفتني مقفي وهي تسرع خطاي

انت اللذي بالصد زدت وتفننت=وانت الذي بعت المحبه ودنياي

وانت اللذي قاسي ولا يوم لي لنت=وانت اللذي سويت ما سوو اعداي

وانا اللذي حبيتك وما تهاونت=منامك بقلبي ومسراك بحشاي

خنت وانا لليوم بالعهد ما خنت=بعت وانا لك يا هوى البال شراي

بالون الابيض داخل القلب لونت=صافي صفيت ودايم الخير رجواي

معك على اخلاقي اببقى كما كنت=ببقى على طبعي وهذي *سجاياي

[متعب العبدالله]

تراك عندي يالغلا مو شويه!!!

الشعر ما تزها بغيرك قوافيه=يا صاحبن ما شفت منه خطيه
عشير قلبي درب عمري وماضيه=بالله رد افراح الايام ليه
ما يكفي ان الهم منك اقاسيه=ابي اعيش بفرح قبل المنيه
ماهو جزا منهو يحبك تعنيه=يا زين خاف الله فينا شويه
قلبك حنون وخاطري مولعن فيه=لا والله الا فيك مامن رديه
يا صاحبي درب المواصل محاريه=اصل الرضا بين الخوي وخويه
انا وصالك دايم الدوم شاريه= وانته حبيبي لا تغلا بجيه
بالله ابي يومن معاك انت ابقضيه=تراك عندي يالغلا مو شويه
عليك مابه شي بالكون ابديه=نفسك ابديها حبيبي عليه
الله يا حبن بقلبي مخفيه= تستاهله يا روح روحي هديه
هذي مضاميني وقلبي وطاريه=كشفت لك سري واصل القضيه

[متعب العبدالله]

يكفي الله شره !!!

ماراح اعاتب واتشره وازعل=مدامني منك لقيت المضره
ماني بسأل عنك وانته لاتسأل=وخطوه مشيته معك ماراح اكره
انا بدونك حالتي حيل اجمل=مبسوط ومستانس ومرتاح مره
ماني بالاول وانت منته بالاول=وكم واحدن بالحب ظنه يغره
رح في دروب الكون امش وتجول=اكذب على نفسك وعيش بمسره
اما انا عن حبك انته معزل=الله على النسيان لله دره
اقفيت اردد صعبه الزين يكمل=ودرب المحبه يكفي الله شره

[متعب العبدالله]

جيتك وانا مبتلي يالله لا تبلاني !!!

ماهو بحقي تهمشني وتنساني=وتروح في دنيتك تقطع مساييري


يمكن قدر صار قلبي فيك هيماني=وانا اللذي فيك دوم يضيع تقديري


ياصاحبي قلت احبك ليه تجفاني=ماظنتي به خطاء هذا بتصويري

انا اذكر انك نويـت بيـوم هجراني=وبلا خطاء جيت اقدم لـك معاذيـري

افشيت سر الغلا من دون كتماني=وهذا خطاي وبلاي وذي مقاديري


قلبي مثل ما امرني عنك ينهاني=لكن لي بال يذكرك ابمشاويري


كم واحدن يالغضي عقبك تماناني=*ما *اثروبي *مثل *ما فيك تاثيري


انا اقتنعت ان حبك نكبت ازماني=واكبر خطاء اعشق انسانن يبي غيري


رح في طريق الفراق وانس عنواني=وانا بحبك الين تعود يا طيري

صحيح بعدك طغئ في يوم وابكاني=ويازين حبن صدربه حكم تعزيري


يمكن بعرفك اكون انسان عمياني=وانته ليامن كبرت تعرف تفكيري


جيتك وانا مبتلي يالله لا تبلاني=واليوم ابقفي بدون تعرف تبريري

[متعب العبدالله]

(رمز الوفاء) رد على رسالت ابو غازي !!!

ان جيت ابكتب لـ النشامى قصيده=قلت اكتب احلى منها بعد يومين

والحين ابكتب لي قصيده جديده=عنوانها رمز الوفاء للمحبين

مديرنا يرسل رساله مفيده=مقصودهاا تركـ القطاعه مضامين

وحنا ورب البيت حاجه اكيده=ولائنا شين عليه متربين

حب الموالف بالخفوق و وريده=واللي طلب يبشر ولا قلت بعدين

جيت ومعي حرف وقصيد(ن) أشيده=وببقى مثل ما قيل دايم على الدين


كتبتها من غير قصد(ن) اريده=الا ابين قدر ناسن عزيزين

[متعب العبدالله]

خلاص انا يا شوق وصلّت حدي

كافي علي يا حب حزن ومصايب=كافي مدام الهم صار متحدي
لا صار ظني في هوا البال خايب=معذور لو بيحت سري وسدي
دنيا بها شفت البلا والعجايب=شين بودي راح ماهو بودي
كن الحزن ينهب خفوقي نهايب=وعيني بها لمحه من عيون جدي
اوجس بخفاقي حريق اللهايب=وامسيت جاهز للعنا مستعدي
ذا شي من بعض البلا والطلايب=كني بهمي صار محدن بقدي
خلاص انا مالي بعمري طلايب=خلاص انا يا شوق وصلّت حدي

[متعب العبدالله]

شاعر ولا يهز المشاعر مهبك

من دون شعر شلون تبغى تشبك=قصدي بدون اسلوب وشلون بتعيش
قلته غلط يا صاح تكفى وربك=الشعر صار فعالم اليوم تحويش
البنت لا صارت لحاجه تحبك=بكره تروح ان صار بالوضع تشويش
وانا على شعري ابرقا مطبك=بالثقل والا لو تبي بنشوة الطيش
ان كان هاجوس الطفاقه لعبك=انا لعبة بكرت سموه تطنيش
شاعر ولا يهز المشاعر مهبك=ثابت ويوم اشباه جيلي غدو ريش
انا بقناعاتي ابد ما اسبك=لكن ترى دون العلاقه معليش
مالي ومالك يا بحر من يطبك=يغرق ولو ممشاه بشويش بشويش
من دون شعر شلون تبغى تشبك=قصدي بدون اسلوب وشلون بتعيش

[متعب العبدالله]

0000 ان كان ظنك بي ابيع الحبايب!!!

ان كان ظنك بي ابيع الحبايب=انا ترى ظني بك احلى هداياي
اشري تبيعيني بليا سبايب=ماهو ترى قدري ولاهو برجواي
الحب ما يمحاه صلف الهبايب=مثل الجبل راسخ بعمري ودنياي
مثل الذهب كلن طمع بالنهايب=واللي حماه يصير خلي وسلواي
يا صاحبي والله منته بصايب=ارجع ترى لا رحت ماني بلك جاي
قلبن يحبك لا تخليه هايب=خله قريب ولا تخليه نساي
خلك لي اقرب من جميع القرايب=وبعيني افهم كل قصدي ومعناي
مالي بغيرك يا عيوني طلايب=ان جيت اسكن في خفوقي وبحشاي
وان رحت ربي يحفظك وانت غايب=بس لا تباعد عن دروبي وممشاي
داو الجروح اللي بقلبي عطايب=وهاك الوفاء مني مع الحب ورضاي
دولاب صدري صار دولاب شايب=من هول ماشفته من افعال دنياي
وختامها والله ماني بتايب=وبالشوق ابمشي لين ما توقف خطاي

[متعب العبدالله]

السلام عليكم ورحمة الله وبركاته

بسم الله الرحمن الرحيم والصلاة والسلام على اشرف الانبياء والمرسلين

هذا سلمكم الله قبل شهرين انضم لنا بمكتبنا بأدارة التعليم بداعي التكليف الاخ العزيز حسين الاسلمي

وبحكم اجتماعنا معه بالمكتب وجلستنا كل يوم وهو الله يذكره بالخير كان عشر

قدر الله ومشاء فعل ما كمل تكليفه حسين

المهم انا كنت احسبه انتهى تكليفه واقول بنفسي ليه ما ودعنا على الاقل

والواقع انه كان خلاف وانتهى التكليف

اثاري حسين شرهان علي وانا مثله كلنا فاهمين خطاء

عاد يوم كلم علي وفهمت السالفه كتبت القصيده كنوع من تبيين الغلا

0000 سالفه وقصيده بحسين الاسلمي !!!

يا حسين واللي خالق الزين والشين=ماهي بكيف اللي تحسبه بكيفه
حنا لكم يحسين ربعن موالين=ونفسي على الفرقا تراها معيفه
واللي كتب ربي تبي تشوفه العين=ونفوسنا عن كل داني عفيفه
ابنشدك وانته تشوف البراهين=ابنشدك يوم الليالي مخيفه
عينت منهو ماشكا البعد والبين=عينت وشهو للوناسه خليفه
هذي هي الدنيا وحنا نياشين=ترمي وتخطي والمرامي عنيفه
وحنا على الله بالرجاء مستعينين=عسى المضره لا لفتنا خفيفه
قلته وانا مالي على ما حصل شين=وغيابكم اردف لهمي رديفه
يا حسين واللي خالق الزين والشين=ماهي بكيف اللي تحسبه بكيفه


وسلامتكم ورضاكم

[متعب العبدالله]

0000 لا يا وجودي!!!



ذكرى الزمان اللي مضاء كيف ابنساه=يا كيف ابنساء ما مضى من سنيني

ويلاه من ما حل بي اليوم ويلاه=ويلاه يا يوم اللقاء في ضنيني

ذاك الزمان اللي رحل وين ابلقاه=كلي عليه من الوله في حنيني

يا زين ناسه اه يا زين طرياه=يا زين من به كنت اجيه ويجيني

احدن رحل والموت حال وفقدناه=واحدن تغير بالزمان المشيني

واحدن على وضعه عزانا بيمناه=وافي بعد ربي معين وعويني

لا ياوجودي وجد من طيح رشاه=دلوه وهو عطشان يا وجد عيني

وجد اليتيم اللي زمانه تحداه=لا ما فقد واحد فقدهم اثنيني

يسهر الين الصبح والنور يغشاه=ولاجاء فراشه هل له دمعتيني

يبتسي على حظن قسم له بدنياه=له حيلتن قلت ولوهو فطيني

لامن تغداء ما لقاء ما تعشاه=ما مر يومن به كلاء مرتيني

ومن الفقر بان التعب في ثناياه=لمن سهاء يقول ياه اسعفيني

والموت قرب صار حروه بملفاه=وأمساء عليه الليل طايح رهيني

جاه الوعد والموت ما طول وجاه=ينخاء وصوته انقطع بعد حيني

عينه تهل ادموع من هول ما جاه=يبكي يقول اماه لو تدركيني

روحه ابد ما عاد هي ملك لحماه=يصرخ يقول اليوم انا اليوم ويني

هذا وجودي ما مضاء كيف ابنساه=وشلون ابنساء ما مضى من سنيني

وأختامها يالله يالله يالله=ارضاء علي وارضاء على والديني

متعب العبدالله
15/7/1434هـ

[متعب العبدالله]

0000 رعبوب!!!

عندي طموح انك تجيني محلي=من بعد ما قلبي صبر صبر ايوب
افرح بشوفك ارجهن واسفهلي=ويصير حالي بعد الاحزان مقلوب
تقبل وتقفل باب هجر وتغلي=وتصير لي من بعد فرقاك مصحوب
ولامن لقيتك لي تفز وتهلي=وتحلف تقول اني عن الحب ماتوب
واتل قلبك وانت لجلي تخلي=تقول حاسب راعي القلب رعبوب
ساعه بها لقياك منها مملي=عيني تراه بصوب والوقت في صوب
وابل كبدن مالها علم باللي=عني تنحا ماهو بشور مغصوب
هذا طموحي كان هذا حصلي=ابيع عمري دون لقياك مغلوب

[متعب العبدالله]

عنود السلاطين!!!

ما جيت ابكتب بك من الشعر بيتين=جيت اتعلم منك كيف القصيده
والشاهد الله منك يا فارع الزين=شعر الغزل والشوق امسيت اجيده
ياللي تحسب اني هويتك ابي شين=لا واللذي سواك ويش استفيده
مالي بكم غير الغلا يريش العين=حبن سراء بالدم داخل وريده
ومثلك مكانه فوق ماهو نياشين=يزهاء عن المستهلكه والعنيده
مثلك ولو جوه الخواطر محبين=يعطي قفاء ويبين العام قيده
وانا لفيتك يا عنود السلاطين=من خافقن ماله بغيرك نشيده*
والمشكله في خافي القلب تدرين=والهرج ماهو كل ساعه نعيده
ان ما وهبتيني خفوقك من الحين=طيرك الا من طار يمسي شريده
قلته ولالي غايه ان كان تبغين=غير امسح الماضي وجرحك ابيده

[متعب العبدالله]

0000 كان ياما كان

كان يا ما كان كنت انا وكان=خلي بوصله مونس دنيتي
كان هو نبع الغلا نبع الحنان=كان هو سبة هناي وفرحتي
كان هو ياقف معي ضد الزمان=كان روحي كان قلبي ومهجتي
كان لي عن ضيقة الخاطر امان=كان حولي ما يفارق خطوتي
له جزيل الشكر كل الامتنان=بالجهود اللي بذلها لراحتي
راح مدري ليه ما أن الاوان=مدري راح وليه صارة ضيقتي
اجتهدة اللقاه لوهو وين كان=مدري وينه لين طالة رحلتي
واكتشفت ان الغلا اصل الكيان=حتى لوهو راح تبقى لهفتي
انتظرته في شموخ وفأتزان=غيره اللي مستراح بصحبتي
واخرتها غاب والفرقاء ضمان=راح وانا صرت اعيش بعزلتي
كان ياماكان كان الحب كان=كان وانا كنت اعانق فرحتي

[متعب العبدالله]

0000 للمشاعر في شعور الحب حس

للمشاعر في شعور الحب حس=في وجود احلاء قمر واحلا حنان
مانويت اكتب عشان تقول بس=ما نويت اعشاق وانا ابغى ضمان
للوفاء بالحب كان تخاف قس=بيني وبينك مسافه مو زمان
يا خفوقي رح لمضنونك وعس=شوف وش حاله ترى ان الاوان
قبل ما أدخل بشك ان فيك مس=يا خفوقي وضعك الحاضر مدان
جس نبضن كان فيك العام جس=اختلف ما عاد هو ما كان كان
وان بغيت الحق وضعك منهلس=ضعفك مبين ولو تخفيه بان
حتى راسي من سواياك انعمس=يا خفوقي اعشق اللي لك يبان
للمشاعر في شعور الحب حس=في وجود احلاء قمر واحلا حنان

[متعب العبدالله]

0000 مثل الامل والياس كنك وكني!!!


ماغيبك وصل المحبين عني=ولا طراء غيرك على البال يا ذوق

مادام قصدك بالغلا تمتحني=شفني عليك اشتاق ذايب ومشفوق

مثل الامل والياس كنك وكني=مانجتمع لكن غلانا له عروق

وان كان فنك غيبتك هاك فني=شعرٍ عجز يأسر قوافيه مخلوق

وابا أعتبر كل الجفاء كان مني=وابأ اعتبر قلبي مهو منك محروق

ليتك تعود تحبني او تحني=وتعود شمس غيابنا تعلن شروق

ماهو بنا اللي فالغياب متهني=وماهو بنا اللي يشري البعد ياشوق

[متعب العبدالله]

0000 ذكرى الغلاء

مبطي عن حروف الشعر والقصايد=عن مجلسي عن راحتي عن عويني
مبطي عن الشيلات هي والنشايد=مبطي عن احساس الغرام وكنيني
مبطي ولا هي لي من اول عوايد=ماني بمتعود اخفي حنيني
واليوم جيت ولي حروف(ن)جدايد=بعني بها منهو ابيه ويبيني
الوقت ما يرحم على طول كايد=والحزن شفته من عطايا سنيني
والعمر ما تكفي سنينه بدايد=ياسرعها تركض ولا تحتريني
والحب ما منه يروحي فوايد=ياخذ ولايعطي ولا يحتويني
والبعد لا قل الوصل صار زايد=درب المفارق له زمان(ن)وحيني
واشياء واجد كنها بي قلايد=تجارب(ن)يبقى صداها رهيني
ونار الوله شبت بصدري وقايد=ليتك تجين من الالم تستريني
ليتك وليت لماضي الحب عايد=شين وفات وراح وينه و ويني
هذا البخت حظي وما كان جايد=هي قسمتي راضي وكلي يقيني
نادر وراكان وفهد زيد رايد=ماشافو اللي شفت وا شيب عيني
ومدام تحكمنا سلوم وعوايد=بعيش في ذكرى الغلاء واذكريني
كثر الامل مذبوح والياس سايد=وانتي ولا ادري كانك بتنطريني
هذا جديدي يا عيون القصايد=فالبعد احبك فالغياب اعذريني

[متعب العبدالله]

0000 حب الاعوام

كل عام يزود حبك عن العام=وكل ما يكبر غلاك اتعنى
ما بقي بي حيل واتسير الاقدام=والسفر وش ينفعك عن وطنا
انتي الحب الخفي انتي الهام=انتي امال الطموح بزمنا
انتي التاريخ يا حبر الاقلام=كيف ابوصف من بزينه فتنى
اكسجين الروح يا روح الانسام=هاجسن باقي ولا غاب عنى
انتي الواقع حصل وسط الاوهام=فيك بحلام المحبين همنا
ما علي لو غاب وصلك ولا دام=وكم عشير(ن) بالغلا ما تهنى
والفراق ظروف واقدار واحكام=سنة الدنيا وكانو وكنا
من يلوم القلب في يوم ينلام=لو عرف درب الغلا ما عذلنا
اه لو في يوم من بد الايام=اه لو شوفك بيوم يتسنى
كان احبك زود عن حب الاعوام=حب له كل العذارى تمنى

[متعب العبدالله]

ما بغيتك تروحين
يا ويلك من الله تجيني وتقفين=وانا ابسمع صوتك ومانعتني
انا لك الله ما بغيتك تروحين=لكن ظروف الوقت ما ساعدتني
راحت بك الدنيا ولا في يدي شين=وانفاسي اللي بالغياب اخنقتني
منساك وانتي يالغلا صعب تنسين=وهمومي اقرب والسعاده جفتني
اتذكرك واذكر لقانا محبين=واذكر فراقك و الحظوظ حرمتني
يا ضحكتي وينك فقدتك من الحين=مثل ما بنت الناس حيل افقدتني
وختامها ما عاد اباحب والين=وابحرمه وصلي مثل ما حرمتني

[متعب العبدالله]

يا بنت
اسامر نجوم السماء يا هيامي=يا نجم يا طلاع وشبه تخلاء
وشبه عن وصالي له ايام صامي=وشبه كما غيم(ن) نفيض وتجلاء
يا بنت لو زينك يحجبه لثامي=مثلي فلا يربع لزين(ن) يملاء
انا غلاي ومهجتي واهتمامي=في صاحب(ن) قدره بعيني تعلاء
يا بنت حبي له من اعوام نامي=حتى ثمره فوسط جوفي تدلاء
يا بنت حبي له تعداء كلامي=للوصف ما ظنيت درب ومحلاء
يا بنت قدره لو تشوفين سامي=ولا ابي غيره من الغيد خلاء
يا بنت مثل السيل يا صار زامي=قلبي على لقياه رحب وهلاء
يا بنت لك تقديري واحترامي=والمعذره عفواً واسف وكلا
وختامها يزكى بمسك الختامي=ترى الحظيظ اللي وفاء ما تسلاء

[متعب العبدالله]

السلام عليكم ورحمة الله وبركاته
اسعد الله اوقاتكم جميعاً
طبع(ن) اليوم بالصدفه فتحت صوره لمقناص الشتاء الماضي واشتقت يا جماعة الخير وجت هالابيات على حلها
المقناص
اشتقت للبر ودروب الصحاري=للطير للمقناص للي دزنا الطير
اشتقت للوسم وهذيك الخباري=اشتقت للباذر ولون المخاضير
اشتقت للي يذكرون الحباري=وعلومهم ما بين ورد ومصادير
عزالله اني فيه افخر واماري=درب(ن) عليه جدودنا كانت تسير
صوره ولكن جابت الفين طاري=وعن قاف شعري ما لقيت المعاذير
وامساء بي الهاجوس والفكر ساري=وامسيت امني والاماني طوابير
وختامها والياس بايع وشاري=يالله طلبيتك ردنا له على خير