هم الأسى والمعاناة

[محمد سوعان الربيع]

هم الاسى والمعاناة

هم الاسى والمعاناه


وش فيك ياهم الاسى والمعاناة = ياشين وش بك ناويً تبتليني
اضيعه . ثم حظي الشين يلقاه= لاشك يحده من بعيد ويجيني
ابعدت انا ابغي ياهل العرف فرقاه = مـابيـه لكن عـن قنـاعه يبيني
ارسـل منـاديبه ونـــوٌخ مـطـايـاه = والظـاهــر انـه نـاويً يكتـويني
ناويً يثبث بوسط الجاش مرساه=عامد على ذبحي ولا من معيني
نشدت انا محتـاربه ويش دعـواه= وعيًــا معـي رغـم التصبر يليني
والذنب مالي به مبيعه ومشراه= ســـوقً وتجــار البــلا تحتـريني
تـدفقـت مـن كل صـوبً شغاياه= مصبـها فـي حوض قلبً حـزيني
وجرح الزمن رافق خفوقي وخاواه= ومبطي ..مواجيع الألم تحتويني
طلبت انا اللي نـزُل الغيث ينحـاه= عني؟ وانا وضعي بليٌـا مشيني
لاشـك ابصبـر واتبـصـر بـمجـراه= بعـزيمةً وايمـان عنـدي متينـي
عـل وعسى ربــي يرًده وينهاه= وتنعـادلي بسـمة مـضايا سنيني


محمد بن سوعان الربيًــــــع

[طلال الاحيوات]

يشهد الله يا ابو فهد هالابيات تجرح
لاكن اسئل الله ان يعينك ويصبرك على حملك
ويشفي لك خالد ان شالله وتشوفه عريس بأمر الواحد اللي ما تنام عينه
ادعي له وحنا معك ندعي عسى يرد لك ضي عينك وتفرح بشوفته ان شاالله
والصبر على الشدات للرجال يا ابو فهد شد الهمه وتوكل على الله ما يسير غير الخير ان شالله
وانت رجال الحمول وانت جملها
والمؤمن مصاب والحمدلله على ما قدر
قلبي معك يا بعد راسي

[رفيع الذوووق]

ابو فهد ..

الله يشفي خالد ويلبسه ثوب الصحه والعافيه والله يعينك يابو فهد ..

شده وتزول ان شاء الله ..

قصيده معبره بقووه ..

صح لسانك يابو فهد ..

تقبل مروري ..

دمت بود ..

[عساف نجد]

صح لسانك
والله يشفي خالد ويلبسه ثوب الصحه

[المشرف العام]

هذا المكتوب الذي كتبه الله سبحانه وتعالى يابو فهد
وان شاء الله ربي يشفي لك ابنك خالد وتقر عينك فيه ووالدته
ندعوا الله معكم والله هو الشافي لاشفاء الا شفائه سبحانه
ابيات أب مكلوم حزين صح السانك
خالص التحايا لسمو شخصك النبيل

[صلفيدز]

الله ايقوي صبرك ويعينك وربك يفرجها سبحانه
ماتلام اخوي محمد السوعان
صح السانك الف

[طريخم]

الله يزيل كل هم عنك ويفرج لك همك يابعد حيي
وان شاءالله ربي يشفي لك فلذة كبدك وتفرح فيه بشايت الله سبحانه
صح السانك ولام الله من لامك
تقديري لك

[قمرا سماه]

قلوبنا معاك يامحمد
الله يشفي خالد ويرجعه بالصحه والعافية


ودي

[أبو كادي]

نسأل الله الذي لا إله الا هو الحي القيوم الواحد الأحد الفرد الصمد
أن يشفي خالد عاجلاً غير آجل
اللهم رب الناس أذهب البأس أشفهُ يا شافي لا شفاءً إلا شفائك شفاءً لا يغادر بعدهُ سقما
اللهم آمين يارب العالمين
اللهم رب الناس أذهب البأس أشفهُ يا شافي لا شفاءً إلا شفائك شفاءً لا يغادر بعدهُ سقما
اللهم آمين يارب العالمين
الأخ الغالي الشاعر / محمد بن سوعان الربيع
صح لسانك ونسأل الله أن يشفي ابنك خالد عاجلاً غير آجل اللهم آمين.
دمتم بخير وصحة وســعادة يارب