ديوان / الشاعر غازي بن عالي

[غازي بن عالي]

"
السلام عليكم ورحمة الله وبركاته
صباحكم من نور وإستبرق
يُسعِدُني ان اكون بينكم وبين نشامانا الكِرآم
في هذا الصرح الفاخر/ الباهر
وأتمنى ان تقبلوا متواضعتي هذا
علها تنال على رضاكم
لكم
و
لـ الخيال العشريني الغائب
"
"
قلب وافي / مُصافحه اُولى !!

تركت انا حبك مع الوقت واقفيت=مشيت لكن .. ردني قلب وافي


حآولت لكني مع الوقت عييت=شفني على الفرقا خذلت اعترافي


ماقلت ببعد لو حلمت وتمنيت=ان الفراق احيان شي(ن) خُرافي


كافي غياب وكافي للصد حدّيت=قلب(ن) طوآه الهم واصبح يجافي


يصدح آلم من ضيقته لا تونّيت=تمحل عليك سنين صارن عجافي


عفت الفيافي في غيابك وصديت=وانا وربي ما اعوف الفيافي



دامك ربيع القلب لجلك تحديت=شعري بدونك ينقصه بدع قافي


خليت فكري يتبعك لو تباطيت=مجنون وصلك مكتفى/ قال كافي



تركت انا حبك مع الوقت واقفيت=مشيت لكن .. ردني قلب وافي


لكل العابرين http://1.1.1.2/bmi/1.1.1.1/bmi/up.graaam.com/img/43f3f5352e803a6ef694c089bc57c90c.gif
"

[غازي بن عالي]

السلام عليكم ورحمة الله وبركآته
صباحكم جنائن من نور وإستبرق
أبيات متواضعه .. علّها ترتقي لـ ذوائقكم
"
"
رٌغم التعب والـ آه
والضيق و الكبت
باقي على ذكراك
أكثر من الامس !

ولا زال النزف يهطُل ..؟!

لكم ولـ الخيال العشريني الغائب
"
"
حنيت انا لـ معانق الزين ياسعود ..!
.. .. .. .. عشرينة(ن) سبحان ربٍ خلقها ..!!


ياقلّني لا شفت انا عيونها السود ..!
.. .. .. ..وفاض الجمال الي بـ زينه فرقها ..!!


مفتونها غازي على الطيب مشهود .!
.. .. .. .. نسل " الضياغم " طيبته ماسرقها ..!!


عسى الوصل حبله على طول مشدود .!
.. .. .. .. للي خذت روحي وقلبي عشقها ..!!


ماعاثني في حبها كل منقود ..!
.. .. .. .. نقية(ن) بـ الزين ربي عتقها ..!!


خلتني ابعد بالخطى حيل و ازود !
.. .. .. .. كل الخطاوي في رجايا رمقها ..!!


صدت وانا وآمال قلبي لها تزود .!
.. .. .. ..( وآخر بقايا ذكرياتي حلقها ) ..!!

نست خويٍ كان وافي بالعهود .!
.. .. .. .. ماخان كلمه من لسانه نطقها ..!!


ماعاد ينفع كثرت اللوم ياسعود ..!
.. .. .. .. راحت وانا للحين ارقب شفقها !!
.. .. .. .. راحت وانا للحين ارقب شفقها !!
.. .. .. .. راحت وانا للحين ارقب شفقها !!



لكل العابرين http://www.xx5xx.com/vb/images/smilies/g-xx2.gif

"

[غازي بن عالي]

السلام عليكم ورحمة الله وبركاته



صباح الخير لكم جميعآ



أبيات وجدانيه متواضعه



أتمنى ان تنال على رضاكم



\


\



لي حظ عاثر .. يم جالك قردني
.. .. .. وانا قسم بالله ماني بـ مقرود ..!!


مير البلى بلي عشانك حسدني
.. .. .. واشعل فتيل بداخل القلب موقود ..!!


وش حيلتي لا صار قلبك وعدني
.. .. .. على النقاء نكتب مواثيق وعهود ..!!


وينك تشوف غيابك الي حصدني
.. .. .. وخلى سما كوني حزن ماله حدود ..!!


ياشوق قلبي قول منهو فقدني !
.. .. .. في غيبتك غايب وانا صدق موجود ..!!


في غيبتك هـ الوقت ياما لهدني
.. .. .. وياما سرابي والرجا عيونك السود ..!!


وياما تحملت المصاعب وكِدني
.. .. .. اقوم لكن صــدتــك قامـــت تزود ..!!


انشهد ان البُعد جاني وعقدني
.. .. .. عِقدة سحر بطلسم الحب معقود ..!!


خلاني الغايب / رحل مانشدني
.. .. .. تبكيه عيني وتنثر الدمع مرمود ..!!








وسلامتكم






















"

[غازي بن عالي]

"
السلام عليكم ورحمة الله وبركاته

مساكم الله بالخير
متواضعه لـ التواصل .. أتمنى ان تنال على رضاكم

\
لكم ولـ الخيال العشريني الغائب
\
ياغايبه عن شوف عيني فقدتك !!

الحب وشو دون صوتك وطاريك = ياغايبه عن شوف عيني فقدتك ..!!

قلبي يسولف لك وعيني تناديك= وفي غيبتك مايوم خنت وخذلتك ..!!

قلبي /حياتي /منوتي /كيف اخليك= وانتي معي حب(ن) بروحي نقشتك !!

اعشق وجودك ياحياتي واداريك =خايف تغيبي لو ثواني تركتك ..!!

ماظنتي بـ ألقى بديلٍ يساويك=وماظنتي انساك دآمي عشقتك ..!!

اهواك كلمه بالهوى ماتوفيك= تبطي معاني الحب تكتب وصفتك ..!!

تعال شفني في غيابك آحاتيك=مشغول بال وفرحتي لا وجدتك ..!!

وانا بدونك حالتي حيل ترجيك= في كل يوم وكل لحظه ذكرتك ..!!

كنت الفرح والحلم دايم يطرّيك=وعلى كتاب اشواقنا كم كتبتك ..!!

غبت وتركت العين بالدم تبكيك= ومن دم عيني لاطريتك شربتك ..!!

هذا انا للحين / قلبي يناديك= ليتك تحس بحالتي لا فقدتك ..!!
ليتك تحس بحالتي لا فقدتك ..!!= ليتك تحس بحالتي لا فقدتك ..!!

لكل العابرين http://www.xx5xx.com/vb/images/smilies/g-xx2.gif

[غازي بن عالي]

"
السلام عليكم ورحمة الله وبركآته
مسّاكم الله بالخير

عُذرآ للغياب

إرشيفيه متواضعه .. اتمنى ان تجد القبول

و
لازال الغياب يلوّح بـ رآياته في سما / اوجاعي

لكم ولـ الخيال العشريني الغائب
"
"
مرّت خيال بفجرها وعانقتني ..!
.. .. .. .. عناق حب و يمكن عناق عشاق !!

من لهفتي مدري كذا وش عطتني !
.. .. .. ..شي(ن) يشابه يافهد نور الاشراق !!

اقفت وخلتني بعد ما احرمتني !
.. .. .. ..وانا على شوق الوصل حيل توّاق !!

ياويل حالي ليتها ماهوتني ..!
.. .. .. ..ولاغديت بـ ضيقتي معانق فراق !!

عزالله ان الحب بلوه لفتني ..!
.. .. .. .. في كـل لحظه لازم لعينه اشتاق !!

مجنون شوق وبالغلا شوقتني !
.. .. .. ..والشوق دآآيم داخل الصدر حراق !!

تعبت والضيقه بعد اتعبتني ..!
.. .. .. ..والصبر عندي صار مايوم ينطاق !!

ياوين اوجه خطوتي لاتركتني !
.. .. .. ..وانا كذا جسم(ن) به الهم ينساق !!

اكتب على بيض الورق فارقتني !
.. .. .. ..وتضيق في عيني حروفي بالاوراق ؟

اوآه ياوقت(ن) مضى سامرتني !
.. .. .. .. سوالفٍ فيها الفرح نوض براق !!

واليوم ماشفته ولا عاد جتني !
.. .. .. ..ولا عاد قلبي مثل ماكان يشتااااق !!



لكل العابرين http://www.xx5xx.com/vb/images/smilies/g-xx2.gif



"

[غازي بن عالي]

السلام عليكم ورحمة الله وبركاته











\







صباح الخير و النوّير







و





عُذرآ لهذا الغياب اللغير مقصود







أبيات متواضعه علّها تشفع









لكم ولـ الخيآل العشريني الغآئب ..









\







\

ياضيق صدر الشمري وانت غايب !!


ياغايتي ومناي قلبي يناديك=لا افقدك وابكيك دمع ونحايب

ياغايتي والقلب يرجيك يرجيك=رجوى السقيم الي فقدله طبايب

العام كنتي حلم اكتبك وامحيك=واليوم مثل العام كلك نشايب

حال الفقير الي غدابك ويبغيك=ماهاب من ضيقه ولا صار هايب

ماعلمه فقره يخونك ويشقيك=اصيل ماتجحد عيونه حبايب

شمالي(ن) يهوى بروحه ويفديك=طنيان راسه لو دونك حرايب

يمطر عليك الوصل بأبيات وتجيك=ممزوجةٍ بالطيب مثل السحايب

ياغايتي وإن كان هالبُعد ينجيك=انا على لقياك .. ماني بتايب

قد قلتها مبطي وارجع اخليك=تسمع لقولي دون حق وطلايب

ضاق الفضا وانا بروحي احاتيك=ياضيق صدر الشمري وانت غايب

خلك على فرقاك تبعد وانا ارجيك=وابكيك حتى يصبح الدمع ذايب

عبارةٍ قد قلتها في معاليك=منها جروح الفقد فيني عطايب

الشوق والفرقى ولقيا موانيك=وسفن الوصال الي خذتها الهبايب

كنا قبل عامين نرجيك نرجيك=واليوم من رجوآك ذقنا المصايب

ياغايتي ومناي قلبي يناديك=لاافقدك وابكيك دمع ونحايب








لكل العابرين : ـ فy :

[غازي بن عالي]

السلام عليكم ورحمة الله وبركاته



صبحكم الله بـ الخير





لا عذر للغياب ..

ولكن كرمكم يعفو ويقبل العذر



قصيدة موقف ليس إلآ ..!



أتمنى ان تنال على رضاكم






\
\




حدّقت من واقع خيالي ومديت
شوف النظر للي بعيدن قريبي


العام اخايلهم على الطيب وازريت
اشب ناري والحطب من لهيبي


في غربتي ياما على القاف غنيت
من حزني الي صار اقرب صحيبي


شعر الغزل لامن كتبته وخطيت
ماكل حرفٍ ينكتب في حبيبي


بس اسمعوها واحفظوا تالي البيت
وخلوا طليب ,, الثرثره يقتديبي


انا ولد شاعر على الشعر له صيت
لا خط حرفه فاح مسكٍ و طيبي


وانا على جدي وبإسمه تسميت
شاعر جزاله دون شكٍ وريبي


خليتهم في غبنهم واستقريت
شريت حلم النفس وانباج طيبي


وإن كان ماعجبهم فلا باس ياسهيت
باكــر مع الايام يـآتـي مجيبي


حرفٍ كتبته من فؤادي وسجيت
بوصف الخيال الي خذاني نهيبي


هذاك حزنٍ عمر بداخلي بيت
يالله عسى طعنات جرحه تطيبي


نفضت انا ثوبي وبالله تعزويت
وماغيره الي لا دعيته يجيبي
















لكل العابرين : ـ فy :

[غازي بن عالي]

السلام عليكم ورحمة الله وبركاته




مسّاكم الله بالخير




قصيدة موقف ليس إلا



مبداها ثناء ومدح متواضع لـ قامه لا مثيل لها في عيني

والدي الشاعر عواد البداح

http://im35.gulfup.com/m1Isl.png




حصريّه لـ النشاما














\



\






ياهاجسي هات العتاد وتولمْ
.. .. .. قدامنا حبكه وسبكة معاني !

أخطها من فوق عالي جبل رمْ
.. .. .. واصوغها وارسم عليها كياني !

لعيون ابوي وكل معلمْ /معلمْ
.. .. .. علمي عليه من الليالي دعاني !!

هو قدوتي فارق على كل مقدمْ
.. .. .. اليا تقدم سرت والرآي جاني !!

مير النصايح ماتجي كسب مغنمْ
.. .. .. قول الكبير أول ولا فيه ثاني !!

بلاش تسأل خوف وقتك تندمْ
.. .. .. جرح الهوا في عمر الازهار فاني !!

نصيحتي أكبر من الشعر والكمْ
.. .. .. وأكبر من الي بجور كذبه بلاني !!

لا قلت لك حرفي وراثه تعلمْ
.. .. .. ماكل من يقرى حروفي قراني !!

بس انت اخصك يمكن ايام تسلمْ
.. .. .. دون المواجه جور غدرك غشاني !

الله يسهل لك ..دروبك ويتممْ
.. .. .. عليك قلبٍ يحترق لا طراني ..!!

ماهي حسايف صدتك يامسممْ
.. .. .. افكار بعض الخلق جآت تعداني !

لنت بصديق ولنت حتى ولد عمْ
.. .. .. انت الغريب الي بناره كواني !!






وسلآمتكم

[غازي بن عالي]

السلام عليكم ورحمة الله وبركاته


مساجله بيني وبين الشاعر الكبير مشواح ثامر الجعفري الشمري


\
\



قصيدتي

مجارات .. غازي بن عالي و مشواح ثامر الشحيتان


للحرف يامشواح عندي مقامات=وانته مقامك معتلي فوق هامه

ياشعر ياطاغي بكل العبارات=وضح القصايد معتلي به هيامه

حيت اتباها واكتب ابيات وابيات=أخطها بإبدآع وحبكي علامه

ومدامني من ظهر بدع الجزيلات=هذا ابن بداح كسبي حزامه

حرفه تعلى فوق قب الاصيلات=وصفه بيض العبارات شامه

هو قدوتي لا قلت هيهات هيهات=منصوحي الي لا غمرني كلامه

والشعر فينا يبن ثامر محطات=ومثلك يعرف المحترم واحترامه

ماجيت اعلم والتعاليم وقفات=درسٍ خذينا منهجه في تمامه

بس الحقيقه والحقيقه علامات=ان كانها بالطيب والا الشهامه

يروقني حرفٍ تعلى المجرات=فيه الوصف غنا وبان إتسامه

ومثلك يابو نايف لاقلت لي هات=اهديت لك مزنٍ تناثر غمامه

إقطف حلاها غنها لحن شيلات=تلقى بدايعها على الطيب خامه

مدامها من شاعرن مابعد بات=الا على جزل القصيد وسنامه

وتمت قصيده خطها بالعبارات=ممزوجةٍ بالطيب وريح الخزامه


رد الشاعر مشواح

يامرحبا ومية هلا بكل الاوقات=ياللي درست احلا القصيد بفهامه

ياغازي تقديرك تعلى عربسات=وابوك من فوق الثريا مقامه

ياعل ايامك يبن عالي طويلات=في جاه ناسخ نورها من ظلامه

لك شكر مع عرفان وازكى التحيات=منلي جزيل الشعر علق وسامه

مشواح ثامر جاهزن للمجارات=ركز على عالي العوالي خيامه

ابياتك الي ارسلتهن لي قويات=عندك طموح ولا يوجد بك غشامه

والشعر له جمهوره تراه مامات=ياصار شعاره مافيهم طغامه

ومزن قصيدك بارقه من مسافات=يجهر مثل لون السيوف ابترامه

خيم على حين سكناه بالذات=ماطره روع لابسات اللثامه

رحبت به يومه نثر ماه مافات=والناس قالوا هذا يوم القيامه

جونا الدفاع بسفنهم للمهمات=لإنقاذ من عيت تشيله عظامه

والحمد لله جاء تاليها سلامات=خف المطر والكل راح لدوامه

وكان انت تملك يارحيمي محطات=لعذب القصيد ومنهجه وانسجامه

تراه عندي له سنين طويلات=يا احتجت له يقوم لي من منامه

وصلات ربي عد الاحياء والاموات=على الرسول الهاشمي في ختامه




وسلامتكم

[غازي بن عالي]

السلام عليكم ورحمة الله وبركاته


هذه متواضعه بسيطه ..

في قضية

الاخ ياسر السلماني الله يفك اسره


\

\


حي الجماعه لاتناخوا طنايا ..!
.. .. .. .. للطيب ربعي كاسبين النواميس ..!!

الوقفه الوقفه وطيب النوايا ..!
.. .. .. .. يوم ان ياسر قال وين السناعيس !!

عيال اليتيمي راكبين المطايا .!
.. .. .. .. يوم انها بالسيف والضمر العيس ..!!

وجميع شمر تتصف بالحمايا ..!
.. .. .. .. متعلمين الطيب مـن دون تدريس ..!!

واليوم ماهي عن مداها ولايا ..!
.. .. .. .. العز وحده كامل(ن) دون تآسيس ..!!

حي الله الي لا بغوها عطايا ..!
.. .. .. .. .. مداتهم ماخـفـفـت مـدت الكيس ..!!



وسلآمتكم


#غازي_بن_عالي

[غازي بن عالي]

السلآم عليكم ورحمة الله وبركاته



مسّاكم الله بـ الخير يالنشاما



نص وجدآني بسيط

عسى يحوز على رضآكم





لكم


ولـ الخيال العشريني الغائب




\


\






لباك .. لبى هالمسا في حضورك
.. .. .. .. ولبى شعورٍ .. بالموده يطرّيك ..!!

ياحلم ساكن بين نوري ونورك
.. .. .. .. الشوق فيني .. بالمعاني يناجيك !!

وينك تجي وتشوف باقي زهورك
.. .. .. .. وشلون ذآبل عودها في محانيك !

أكتب شعر وأعزف بقايا غرورك
.. .. .. .. في نآي فقدي والرحيل وموانيك !

تعال وأمتعني غلا من شعورك
.. .. .. .. تعال لحنّي .. قصيده وأغنيك ..!!

تعال لا تهدم بقايا جسورك
.. .. .. .. الوصل قايم والرجا في معاليك !

بسك تذوقني من البُعد جورك
.. .. .. في غيبتك حيّـ ن وأنا ميتٍ فيك !

لباك لو ترجع وأعانق حضورك
.. .. .. .. الليل جوّن والسهر صدر مغليك
.. .. .. .. الليل جوّن والسهر صدر مغليك
.. .. .. .. الليل جوّن والسهر صدر مغليك




لكل العابرين :gtre :

[غازي بن عالي]

السلام عليكم رحمة الله وبركاته


مساكم الله بـ الخير


مشاركه إعتزاز بـ القبيله وابنائها وتاريخها

في حملة #اعتاق_رقبة_سلمان_الشمري


حصريّه لـ نشاما شمر واعضائها



\
\



http://im50.gulfup.com/DrUHUR.jpg


ياشمر الدوله وياشمر العز !
.. .. .. تبارك الله .. ربنا لا اعتزينا

جينا حميا للبنيخي و نعتز ..؟
.. .. .. بـ افعالنا بحقوق تبقى علينا

جينا نفك عيالنا دون مانهز
.. .. .. كل المعاني لا كتبنا وفينا !

مليون والا للثلاثين تحتز ؟
.. .. .. ناخذ بها بالعز علمٍ سمينا !

حنا الطنايا غوشنا دايم تجز
.. .. .. وانشد وقايع فعلنا لا حكينا

ماهو بـ هرجٍ نكتبه ونتعزز
.. .. .. تصفق يدين الي لنا كارهينا

الا بصملة قوم تنوي وتبرز
.. .. .. على الفعايل كلنا شاهدينا

ماطاح ماهو داخل الروح لي حز
.. .. .. وماقام لازم نرفعه لا علينا

يعلآ معانا للنوايف ويعنز ..!
.. .. حتى يطول الشاهقه من يدينا

كذا الولاء لاجيت تشرح وتنجز
.. .. ..وكذا الفعول الوافيه تحتوينا

وكذا المعاني لا كتبته على إز
.. .. .. بحروف ماهي هزلةٍ ماتبينا

وختام هرجي بكتبه وصف موجز
.. .. شمر بحر والطيب مرسى ومينا ..!





وسلامتكم



غازي بن عالي الجعفري














"

[غازي بن عالي]

السلام عليكم ورحمة الله وبركاته
كل عام وانتم بخير
نص حصري متواضع
لعله ينال على رضاكم
\
\
تعددت أحوالنا !!


تعددت أحوالنا والقسى زمْ=حمول الضعاف الي غِطاها رهيفه


راح الزمان الي على الناس به عم=خيرآ كثيف وجود خيره كثيفه


لا والله الا حظنا صار معتمْ=والحِلم نفسه من قساها شفيفه


في هالزمن لا قلت الله واعلمْ=ان القلوب اليوم ماهي نظيفه


ماعمهم لا والذي بخلقه اتمم=عقلٍ يميّز بين حيه وجيفه


مير المواقف تلزم الي يلزّمْ=من ضيقةٍ بالصدر ماهي خفيفه


الجيل هذا يارفيقي يألمْ=صار القسى ويّا القطاعه حليفه


تخالف الاصحاب بالمال والدم=هذا يقول القول وهذا وصيفه


وهذا شبيه بليس وبليس له عم=وبليس عنده مستلم له وظيفه


بالفرقه الي ليلها حيل مظلمْ=ضاعت فصول سنينها مع خريفه


ولاهو غريب الحال لو زاده الذمْ=تقدع نميمه وإتهقوى حسيفه


كلن يقول إنه على الحق عمم=وكلن يغني في كلامه بكيفه


وكلن على كيفه وكيفه يسمم=عقول الصغار الي غدت بالنكيفه


الحرص نعمه لو توقى وتحلمْ=ماطاح دمع وسل هالحرف سيفه


شرحت علمٍ كود هالغير يعلمْ=من واقعٍ شفناه وانباج زيفه


وختامها صلاة ربي وسلمْ=على رسول الله بختم الصحيفه

[غازي بن عالي]

السلام عليكم ورحمة الله وبركاته


الاخوه الكرام


اقدم لكم عذري على هذا الغياب اللغير مقصود


اتيت بنصيحه متواضعه


علها تشفع عن الغياب


وتنال رضاكم

وهنا شيله بصوت المنشد زامل العطوني

.
.http://www.youtube.com/watch?v=YvGkc3toNUA&feature=youtu.be





/

/






ياعبيد انا ياخوك مليت مليت
اصغي ولا اعرف صيغتي من عدمها

*

لاجيت ابكتب من حروفي وناجيت
اسمك تعلآ .. شمّخي واستلمها

*

بعض الهواجس ياعضيدي لها صيت
لا أمسى بها شاعر .. بناره شعمها

*
وانا بـ شعري لو تكلمت وابديت
ماشككت غير النفوس وذممها

*

خليت غيري بالسوالف وقفيت
حكمت حليمٍ بالمواقف حسمها

*

واهل البغايض تحفر الشر وتحيت
لو تبدي الطيبه وتنشر كرمها

*

لو تكسب المكسب وبعزك تعليت
تلقى كثير الحسد ياكل لحمها

*
اشكالهم في شوفتك كل ماجيت
حيوا عليك اصوات تنطق طرمها

*

وان رحت عنهم في طريقك وعديت
قامت عليك ،، هروجهم تستلمها


*

الناس كل الناس مهما تهقويت
فروقهم من ،، نطقهم تحترمها


*

خلك مع الطيب ليا جيت حييت
لك منزلٍ عنده ونفسك حشمها


*

اليا نخيته وانتخيت وتعزويت
خيل العدو من كف طيبه لجمها


*

وانته كذلك لا اعتزوك وتحديت
لا تترك الوقفه و تترك ولمها

*

ولم لها من طيب راسك منابيت
واشعل بها طيبٍ يشتت وهمها

*

تبقالك الوقفات صيتٍ ورا صيت
لا هبت النسمات وذعذع شيمها

*

نصيحتي زينتها لك وخطيت
سمينةٍ ومن ،، المعاني شحمها

*

و صلاة ربي عِد ماحج للبيت
على النبي الي نبع من حرمها

[غازي بن عالي]

السلام عليكم ورحمة الله وبركاته


اسعد الله جميع اوقاتكم بالخير


عقب غيبه غير مقصوده

نعود بشي يشفع عن الغياب


حصريّه للنشاما / لكم


عابره من موقف .. اتمنى ان تنال على رضاكم


/
/

انا تراني ضيغمي للسناعيس ..!
البارحه والجـو كـلـه هواجيس=نامت عيون الي سهر ليلته يآس
بين الطبول الي حوتها المراويس=مِجنة عقولٍ طاح من فكرها كاس
وناديت ياحادي زها النور للعيس=في جوها يطرب لها كل نسناس !
قولوا لـ منهو نال كـل المتاريس=الارض فيها ماطرا يوم تنداس
كل الغلابى في وطنهم متاعيس=وانا وطن منهو غدى كله اتعاس
حلمٍ سكن روحـه بليا مقاييس=عشقٍ جنونه نور في لمعة ألماس
ويومه كتب اعوذ من شرك بليس=خابت اماني كل خاين و بلاس
وعقب البطا شبيت نور الفوانيس=ولا بقى منهو تشبه بجساس ..
حقدٍ ربى لو قلت ياقيس ياقيس=قمريةٍ جرت تناهيد الاحساس ..!
استغفر الله لا تثور المقابيس=في حينها ماينفع الدرع والطاس
مير اني اقرأ في كتاب النواميس=ومن لا يأسس عالمه ينقصه ساس
نصيحةٍ ألقى بها الوصف تقييس=يومن نادا العود وين انت يادباس
من حرقته فاح الوجع بالمحاميس=بين الملاقى قطعت ارماس وارماس
والليله الي جوها به تضاريس=يصعب على سريانها كل عساس
مغزاي عندي صعب ماله تداريس=الا عن الي يعرف الحال بقياس
ان كان لون فعولهم مدت الكيس=افعالنا ماهي على كل هلاس ..!
لو خط حرفه فوق بيض القراطيس=قرطاسنا نورن شعى فوق عباس
مالي ومال الي علينا مناحيس=لو خط حبره واثمر الحرف كراس
حنا كتبنا العلم فوق القواميس=لو موجها يآتي مع الصعب غطاس
انا .. تراني ضيغمي للسناعيس=أروم أشمخ منحنى للبشر راس


وسلامتكم



اخوكم غازي بن عالي الجعفري

[غازي بن عالي]

السلام عليكم يالنشاما

كيف حالكم

المعذره على هذا الغياب اللغير مقصود

ابيات من وقف علها تشفع


//
مافرق الله واحـدٍ مشيه تقول وخيته
على بساطك يـ الـقـريـحـه شتتي كل الظلام=واحيي قلوبٍ من عنا وقت الليالي ميته

جيت أتهجى حرف شعري واشعل المعنى كلام=بدايعٍ فيها جزيل القاف بانت جيّته !

سما سما ياحرف غازي عاليٍ فوق الغمام= تمطر سحايب غيمتك ديمٍ نشا وسميته

جيت بشموخ الشاهق الي مايروم الا السنام=فيه العلو فاض بـ شعورٍ خطته قافيته

عليك ياقـسـم الكلام الي كـتـبـتـه قـبـل عام =ماهمني مـنـهـو كـتـب والا نثر ماهيته

الي طلبني للشعر جيته اسوق إله السلام= يلقى قباله شاعرآ ساق البديع إحميته

يلقى بدايع قسمها دايم على وضع التمام=وضـعٍ يروق لـ واحـدٍ صفى نوايا نيته

والي يبي هرجٍ يجافي من مجافيه احتدام=عليه باللي فعلها يمحي سوايا سيته

أقـولـهـا يـوم انـهـا وضـعٍ تمادى للملام=مافرق الله واحـدٍ مـشـيـه تقول وخيته

رجالٍ اسمه والمسمى من قديمٍ له مقام ؟= القول قوله بالخفى والصدق عند مريّته

ماكلهم صدّام لو بانوا على العالم صِدام=الفعل سكّت واحدٍ جمّع شتى سريته

اشباه مثله بالمجالس كِبرها قِـل احترام=من وين ماحرك يمينه خمته جاهيته

ماقلتها قـاصـد معاني باغيٍ مـنـهـا مرام=لو زاد حِـدت واحـدٍ هـمـه بلى نفسيّته

مواضعٍ جتني تباري من سحايبها كلام=تخط حرفٍ مصدره عينٍ شعت لي ضيته





وسلامتكم

تقبلوا تحياتي / غازي بن عالي

[غازي بن عالي]

السلام عليكم ورحمة الله وبركاته

تحية لكم يالنشاما


موضوع هذه القصيده

عندما حاول الوضيع الرافضي أوس الخفاجي

ان يتعالى بالكلام ويهدد سفيرنا ثامر السبهان

فل يخسئ هو و ايران و كل اذنابهم


فـ السفير السبهان باقي ناصرآ للسنه

يأتمر بـ امر سلمان العز و العز بالله



و

بـ ختصار .. #كلنا_ثامر_السبهان



//




شمّر جناحينك سما وقتنا حان
متأملين'ن فيك و العز بـ الله !!

ياثامر السبهان والعلم قد بان ؟؟
يخسى خفاجي وأرذل القوم قله

علّم إيران اليوم مافيه مزبان
في صبرنا مايوم قلنا نملّه ..!!!

ما دامنا مع راية العز سلمان
سيف الحدود بعزمنا له نسلّه ..! !

ناطى حلوقٍ ترغي اليوم لايران
وايران مـركـب فـتـنـةٍ مستقله ..! !

بحروب الاوسط اشعلت كل دخان
فتنة دجل جابت على الناس عله

تزرع فتاينها عـلـى كـل نقصان
و تحصد مجازر علمنا شاهدله

ماتاوي الا تذبح الطفل عمران
و الحي عمره بيد ربه يحله ..! !

امجندين الي على فعلته خان
ذبّاح ناسه خاين الشعب كله

متعني'ن مابين عمران و ايلان
بـ أمر الخميني دمهم مستحله

وأدهى وأمرْ شوف الثكالى بالاعيان
وادموع حسرى بين هم و مذله

تعجز كتابات المعاني و الاوزان
تكتب تعابير الحياة الممله ..! !

وتعجز تواصيف القصايد بقيفان
تخط قول'ن .. بـ الفكر منصتله

ماعنّها الا الكرامه بـ سلمان
إِمامنا بـ العز و العز بـ الله ..!!




//



تقبلوا تحياتي


غازي بن عالي

[غازي بن عالي]

السلام عليكم ورحمة الله وبركاته


تحية طيبه لكم يالنشاما


//

مكاسر العنبر
من منطلق فن الكتابة في عصورٍ ماضيات=شديت انا خطام القصيد الي بدع مثايله

وعلى بساط حروف شعرآ بالوصايف عاليات=جيت اتباها بالقصيد الي بـ صدري شايله

جيت انسج المعنى دُرر يرقى طويل النايفات=فوق السحاب الي عيوني كل يوم تخايله

تخطّني قصيدتي بين الملاقى و الشتات=و أجمّع اشتات المعاني عن دروب المايله

نعم كذا لا قلتها فكرآ يغرد في سُبات ..!؟=خل الشعر ينسى كلام الي كتب هزايله

وياحاسدي لاقلتها مايستويلك من صحات=اترك طريق الي كتب فوق السما جزايله

الي يقول القول ماله لو حكى ذرة قوات=منهو جحد حق النشاما كذب الله قايله

وياحايل العز المسمى و القصور الباديات=في صفحة الشعر المقفى والسنين تهايله

قد قالها راكان ابن حثلين يوم الواقعات=من باب عمان السعد حتى مشارف وايله

الغانمه ترقى سنام المجد فوق الطايلات=صاروا عليها كـل قومي بالفعايل حايله

حقّن علينا عزنا يرقى سنام الشامخات ..!=مدام ( غلباء ) سُميت كسبٍ ينومس نايله

و آل الرشيد الي فعايلهم قديمٍ باقيات=فعلٍ جعل كل الطنايا بالوصايف طايله ..!!

مكاسر العنبر فخر شعى شعى فوق السرات=رقى سما حتى تعلى بـ العُلا نزايله ..!!!

بدّيتها بين القصايد وافيه من وافيات=تزهى لكم يالابتي شعرٍ يجمّل قايله ..!!!







ارق التحايا

[غازي بن عالي]

السلام عليكم ورحمة الله وبركاته

حصريّة لـ التواصل

وعُذرآ للغياب

/
/
كبيره طيحة الشامخ !!

الا ياريح هبي واصبحينا مع جموع الناس= تعب فكرآ نسج حرفآ يشب الليل قنديله ..!!!
هِنا كانت تعابير الشعور و ثورة الانفاس=هِنا كانت .. غرابيبٍ تسوق الهم و تخيله !!
وعرفت ان الكلام الي كتب في جملته لاباس=تكاثر باسه الغادر على كفه و يعطي له ..!
كبيره طيحة الشامخ غدر ماهي على مقياس=تنفنن ذاك بـ علومه على خزيه وتمثيله ..!!!
لو انه بالغدر بدّى على نهجه فعل جساس=ماكان اكليب سمّح له على قتله يماري له ..!!
وجوهٍ تعشق البسمه على مصلوحها تنّكاس= تهاوى خـبـث معدنها على تـآئـي وتأويله ..!!
كثيرآ مننا يخسر من اعوان البشر بـ افلاس=وجـيـهٍ مـالـقـيـنـا مـن شواربها رجاجيله ..!!!
تعنتر ذاك ياعنتر على درعه و فوقه طاس=نسى جحدر يحسبها و يعرف وش مواصيله !!!
تأبطها على الـمـقـلـوب و حـانـت دقـة الأجراس= و حـنـا لـ الـمـواجـه وجـه يـلـقـانـا مـقـابـيـلـه !!!

/


شعر / غازي بن عالي

[غازي بن عالي]

السلام عليكم ورحمة الله وبركاته

الله يسعد مساكم

اولآ اتقدم بالعذر على غيابي
بسبب ظروف الحياه

/

قصيدة حصرية هُنا

علها تحوز على رضاكم

/
/
مكاسر العنبر مردَ العشاير
والله يالولا خوف تشره رجاجيل=وتـفـرح عـلـيـنـا نـاقـلـيـن النشاير
لا أخلي العدله غصب عنها إتميل= وأسقيك مـن كاسٍ شـرابـه مراير
عديتها لـجـل الـرجـال المشاكيل= وخليتها بين ( الكباير .. صغاير )
وشيّمت عنها دون حد البهاذيل= وعن قول وشو كان ماكان صاير
واليوم من فضل الولي بالتساهيل=عادت علينا عـفـوها بـ النصاير
شب الجمر يافهيد وهات المعاميل= فنجال كـيـفٍ من يـميـنك يغاير
هذي مواجيب الرجال الحلاحيل=الي على الزلات .. تـدمـح كـبـاير
دام الضياغم عزوتي لي مكاميل=(مكاسر العنبر) .. مـردَ العشاير
قومٍ فعايلها .. رعود و هماليل= في جِرد بقعاء لا اشلهـبت سعاير
عزآ يفوق العز جيلٍ بعد جيل=حكم الجبل ينبيك شوف البصاير
وآل الرشيد الي سمو بالأقاويل= للحين و اعـلـوم الـسـيـاده خباير
حكام سادوها على الضمّر الحِيل= من عـهـد عبدالله ذحاح الضمايـر
حقآ سما بين الملى يوم لا قيل=هم عزوة الي ضامه الوقـت جاير
يوم المناوي والعزاوي على الخيل=يـتـلـون دحّـام الـجـمـوع الغزاير
لو يختلط عج الرمك من ورى النيل= نادوا حـمّـيـا مـاعـلـيـهـم عساير
نفخر بـ فعلٍ مايجي دونه الميل= وندمح فعول اهل العقول الشراير
عديتها لـجـل الـرجـال المشاكيل= يوم الكبار إتـغـض فعل الصغايـر


.
.