هاضت خوافي خاطرٍ دكه اخلاف

[بدر المذود]

والله تعبنا من مصارعك ياقاف=مثل مغاز الريش خيرك لجانيك
لك هاجسٍ كانه سرا يرجف ارجاف=في خاطر اللي جاذباته معانيك
لــو اقطعك ما طول اجيك ميلاف=أحاول استلطف شراسة مراسيك
هاضت خوافي خاطرٍ دكه إخلاف=فجأه بدت ماله كوابح ولا بريك
وقمت التمس في مظلم الوصف الأوصاف=للـشـفــره اللي باقيه دون تفكيك
طوّلت في ترديد يا ميم يا كاف=ياحضرة الباشا وياحضرة البيك
ياصـناف موجات الـمنا بـس ياصناف=تعبت من تضـميد تبريد تدليك
ياما رقينا راس زالف ومزلاف=وفي دربنا شـفنا بعرضه مباريك
الدرب واحد مال ماشيه محراف=لكن وراه الى عبرته مساليك
يعني كما دورة رمايه للاهداف=إن كان أصبت من الدرجات تعطيك
والرغبه اللي ماتكرر من اعياف=ماضـنتي للي براسك توديـك
تجاربٍ خوضه كما حرب الانزاف=لو تـنـتـصـر فـيها جروحه بقت فيك
والـذكريات اللي قلب حبرها جاف=جيّرتها لمخزون بنك الزمن شيك

[بدر المذود]

عجب فيه كلمه عيت تجي معي بالقصيده
"
هي (ل***ه اللي باقيه دون تفكيك)
"
صراحه تعجبت عند ما اعطي اعتماد يطلعلي علامات نجوم فقط
"
لا اعرف ما المشكله
"
مع التحيه للاداره الكريمه
"
وبرضه هنا نفس المشكله اقسمها حروف محاوله اخيره
"
ل ش ف ر ه

[المشرف العام]

عجب فيه كلمه عيت تجي معي بالقصيده
"
هي (ل***ه اللي باقيه دون تفكيك)
"
صراحه تعجبت عند ما اعطي اعتماد يطلعلي علامات نجوم فقط
"
لا اعرف ما المشكله
"
مع التحيه للاداره الكريمه
"
وبرضه هنا نفس المشكله اقسمها حروف محاوله اخيره
"
ل ش ف ر ه


كلامك صحيح والسبب الكلمه جزء منها من الكلمات الغير لائقه والممنوعه والتي لايقبلها المنتدى
ولاكن كونها صريحه وتكمله لشطر البيت تم معالجتها ؟
شاعرنا القدير بدر المذود
صح السانك مدد بلا عدد
خالص التحايا لسمو شخصك النبيل

[طلال الاحيوات]

الاخ والشاعر بدر المذود
صح لسانك وبيض الله وجهك على هالشـيـفره
عز الله انها جزله وتستاهل القرأه اكثر من مليون مره
اسمح لي ان اعود واعلق عليها مره اخرى في وقت لاحق
ان شالله

[بهلول الزميلي]

اللهم صل على محمد وعلى آله وصحبه أجمعين صح لسانك ياشاعرنا جزل وماقلت جزل حفظك الله ودمت بأحسن حال يالغالي ,,,

[نهير النمش]

الله الله

هنا شعر جزل وفكر من قفر الشعر يابدر المذود

ماشاء الله وتبارك ابدعت وامتعت بهذه الشامخه

شاعر مبدع ومتمكن بكل ماتعنيه الكلمه يالجزل

تقبل مني كل الود

[نداء الغيداني]

الله الله

دره جديده يصوغها الشاعر المتمكن والمبدع بدر
ولاغرابه بذلك لانه دائما هكذا ماشاء الله
تمكن واضح وابداع منقطع النظير واسلوب وصياغه جميله
اما كلمه ***ه فانها اتت بمكانها الصحيح ومعناها جميل جدا
غض النظر اذا كان لها معنى خاص محلي غير معناها العام فعامة الناس تعرف معناها الحقيقي الجميل ولانعرف اي معنى غيره

تحيتي وبانتظار ابداعاتك المعهوده



شكر خاص

للاداره على جهودها والمحافظه على نظام المنتدى الشامخ ووضع مثل هذا النظام الجميل لتنقية
الكلمات المقبوله ورفض اي كلمه سيئه او ماشابهه ذلك0

الصراحه اول مره اشوف مثل هذا النظام الوقائي الرائع

اكرر شكري للاداره والعاملين على هذا المنتدى الرائع

[سكروب عكف]

الشاعر بدر بن مذود
لله درك يالنشمي صح السانك الف

[ثامرعقيل الدعسان]

والله تعبنا من مصارعك ياقاف=مثل مغاز الريش خيرك لجانيك
لك هاجسٍ كانه سرا يرجف ارجاف=في خاطر اللي جاذباته معانيك
لــو اقطعك ما طول اجيك ميلاف=أحاول استلطف شراسة مراسيك
هاضت خوافي خاطرٍ دكه إخلاف=فجأه بدت ماله كوابح ولا بريك
وقمت التمس في مظلم الوصف الأوصاف=للـشـفــره اللي باقيه دون تفكيك
طوّلت في ترديد يا ميم يا كاف=ياحضرة الباشا وياحضرة البيك
ياصـناف موجات الـمنا بـس ياصناف=تعبت من تضـميد تبريد تدليك
ياما رقينا راس زالف ومزلاف=وفي دربنا شـفنا بعرضه مباريك
الدرب واحد مال ماشيه محراف=لكن وراه الى عبرته مساليك
يعني كما دورة رمايه للاهداف=إن كان أصبت من الدرجات تعطيك
والرغبه اللي ماتكرر من اعياف=ماضـنتي للي براسك توديـك
تجاربٍ خوضه كما حرب الانزاف=لو تـنـتـصـر فـيها جروحه بقت فيك
والـذكريات اللي قلب حبرها جاف=جيّرتها لمخزون بنك الزمن شيك
جزله من شاعر جزل
تقبل مروري البسيط
صح لساتك ملاييييين

[محمد الذرفي]

الله الله

عزالله انك ابدعت يابعدي

بدر المذود

صح بوحك وطااابت روحك يالجزل

تقبل مروري واعجاابي

[قمرا سماه]

ابيات جميلة

شكري وتقديري

[مشعل عسام التريباني]

اخوي بدر المذود
انت رائع ورائع جدا وشعرك رائع
ابدعت وامتعت واسمعت واشبعت
نعم اشبعتنا شعرا يابدر وانا من اول قصيده
سمعتها لك اراهن عليك ولا ابالي فلله درك
ايها الهرم الشعري لافظ فوك ايها الرائع والمميز