أكذب

[عمر بن عبدالمحسن]

اكذب اذا قلت السعــــــــادة بالاعماق=واكذب اذا قلت الأمـــــل ساطع النور

كلي نكد واحــــــــزان والبال ما راق=ابكي وانوح سنين والحــــال مخطور

يرزم عليّ البين ديــــــــــــــــمٍ وبرّاق=وبيت الأماني قلب هــــــايم ومهجور

وجــــــــرح القـــدر ذبّاح للعزم دفّاق=شلت الحمــول ردوم والبوح مستور

ما للبلا يا عين عـهــــــــــــدٍ وميثاق=ما ينهزع مبــداي لو يسطي الجــور

أضحك واقول بخير والســـــم حرّاق=وصبري كلاه الشيب والشور مبتور

أرجــي وانا ما شفت بالوقت ما لاق=بامر الأسى والوجـد عايش ومجبور
عمر بن عبدالمحسن

[شيخة البنات]

أضحك واقول بخير والســـــم حرّاق
وصبري كلاه الشيب والشور مبتور

صح لسانك وعلا شانك على هذه القصيده الجزله..... لاهنت

[المشرف العام]

شاعرنا القدير عمر بن عبدالمحسن
صح السانك مدد بدلا عدد
خالص التحايا لسمو شخصك النبيل

[الحكيم]

لاهنت اخوي الشاعر الجزل عمر عبدالمحسن
صح السانك الف
تقبل مروري

[مشكلتي اكابر]

كـلـي نـكـد واحـــزان والـبــال مـــا راق
ابكي وانـوح سنيـن والحـال مخطـور
يــــرزم عــلــيّ الـبـيــن ديـــــمٍ وبـــــرّاق
وبيـت الأمانـي قلـب هايـم ومهـجـور
وجـــرح الـقــدر ذبّـــاح لـلـعـزم دفّــــاق
شلت الحمـول ردوم والبـوح مستـور


صــح لســانك ياشاعرنا واعتلى شـانك

جميل جداً ماتخطه آناملـك وتبوح به شاعريتك الفذه

التحفه اعلاه ارتقت بجداره إلى ذائقتي ياشاعرنا

لاهنـت ولاهان بـــوحــك العـذب

تقبل مــروري وتحيـاتي

[أبو كادي]

صح لسانك يابعدي
مبدع وبقووووووووووووووووة

[شايب كويس]

عمر عبدالمحسن 00 صح كلك 00 يابعد حيي

[بهلول الزميلي]

شاعرنا القدير عمر بن عبدالمحسن
صح السانك مدد بدلا عدد
خالص التحايا لسمو شخصك النبيل حفظك الله ودمت بخير ,,,

[نهير النمش]

كالمعتاد نص راقي وعذب كل العذوبه ايه الراقي

العذب عمر عبدالمحسن

صح لسانك وطاب فالك على جمال وعذوبة المفرده

تقبل مني كل الود

[عويد المغيليث]

ابعد الله عنك الحزن
صح لسانك يالغالي
وسلم بنانك
دمت بخير

[سـالم الشمري]

ابو عبد المحسن

شاعر انيق المفرده ووجداني من الاعماق الى الاعماق
صح الله لسانك والله يزين ايامك ان شاء الله

تحياتي لك اينما كنت..

[مشعل عسام التريباني]

شاعرنا المبدع عمر عبدالمحسن
صح لسانك قصيده رائعه جدا رغم
وضوح الحزن والاسى فيها دمت كما تحب