طلال الاحيوات
24-02-2013, 08:57
ابيات نشرتها هنا قبل ايام
بعنوان وقت الطفوله ومطلعها يقول
ليـت الـزمـان يــرد وقــت الطفـولـه=ولـيـت الـزمـان يــرد ذيــك الليـالـي
ذاك الـزمـان الـلـي بقلـبـي نـزولــه=لا يـاسـقـى الله ذاك وقـــتٍ مـظـالـي
وتشرفت برد اخي واستاذي الشاعر نداء الغيداني حيث قال
انس الزمان اليا مضى حول حوله=امسح على ذكراه اول وتالي
ماراح راح ولا تطالع بزوله=لو شافته عينك صعيب المنالي
ورديت عليه ولو ان ردي بسيط امام جزالت ابياته
وشلون ننسى اللي مضى ما نقوله=ومن عادة العربان كسب المتالي
ننسى وهو ماخذ علينا البطوله=ويجدد اجروحه لو الجرح بالي
هيَ كذا الدنيا بخطوه عجوله=ومن نعمة النسيان ربي عطالي
وتشرفت برد اخي الشاعر الكبير مطلق البخيتان ابو سالم
ابلع جروحك ياعشيق الرجولة =الوقت ميلاته على كل غالي
دايم ظروف الوقت عرضه وطوله = على النشاما ماتجي للتوالي
الرأس مستهدف والاشرار حوله = والا الذنب حاشاك خامد وسالي
والحر حل اللي صعابٍ حلوله = وان شاف ميلاته كفخ مايبالي
الحر مايبرك مبارك ذلوله=ماقصّر ألأول بتوجيه تالي
مادامها هاللون فإتبع مقولة=(من عافنا عفناه لو كان غالي)
ورديت عليه واتمنى ان يعذرني ابو سالم على القصور
الوصل مثل الحرب صوله وجوله=والرابح اللي ما دخل هالمجالي
ان اشهد انه لو تعلا (بكُوله)=مرتاح باله ما سرح بالخيالي
وصل الحبايب يا هني من يطوله=مير السوالف ب امنيات الليالي
ولا شك صادق في كلامٍ تقوله=(من عافنا عفناه لو كان غالي)
والعذر على القصور
(الكُوله) هي الهضبه العاليه
طلال الاحيوات المساعيد
بعنوان وقت الطفوله ومطلعها يقول
ليـت الـزمـان يــرد وقــت الطفـولـه=ولـيـت الـزمـان يــرد ذيــك الليـالـي
ذاك الـزمـان الـلـي بقلـبـي نـزولــه=لا يـاسـقـى الله ذاك وقـــتٍ مـظـالـي
وتشرفت برد اخي واستاذي الشاعر نداء الغيداني حيث قال
انس الزمان اليا مضى حول حوله=امسح على ذكراه اول وتالي
ماراح راح ولا تطالع بزوله=لو شافته عينك صعيب المنالي
ورديت عليه ولو ان ردي بسيط امام جزالت ابياته
وشلون ننسى اللي مضى ما نقوله=ومن عادة العربان كسب المتالي
ننسى وهو ماخذ علينا البطوله=ويجدد اجروحه لو الجرح بالي
هيَ كذا الدنيا بخطوه عجوله=ومن نعمة النسيان ربي عطالي
وتشرفت برد اخي الشاعر الكبير مطلق البخيتان ابو سالم
ابلع جروحك ياعشيق الرجولة =الوقت ميلاته على كل غالي
دايم ظروف الوقت عرضه وطوله = على النشاما ماتجي للتوالي
الرأس مستهدف والاشرار حوله = والا الذنب حاشاك خامد وسالي
والحر حل اللي صعابٍ حلوله = وان شاف ميلاته كفخ مايبالي
الحر مايبرك مبارك ذلوله=ماقصّر ألأول بتوجيه تالي
مادامها هاللون فإتبع مقولة=(من عافنا عفناه لو كان غالي)
ورديت عليه واتمنى ان يعذرني ابو سالم على القصور
الوصل مثل الحرب صوله وجوله=والرابح اللي ما دخل هالمجالي
ان اشهد انه لو تعلا (بكُوله)=مرتاح باله ما سرح بالخيالي
وصل الحبايب يا هني من يطوله=مير السوالف ب امنيات الليالي
ولا شك صادق في كلامٍ تقوله=(من عافنا عفناه لو كان غالي)
والعذر على القصور
(الكُوله) هي الهضبه العاليه
طلال الاحيوات المساعيد