حايل

[طلال حمود الاسلمي]

هذي ثمان اسنين والشوق فضاح = شوق اليتيم اللي تعلا نياحه
أو يمكن تزود وتزاود بالأطياح = فرقاه لو هو بالدقايق طياحه
أطرب على طاريه وألحق بالأسياح = إن كان بالمسحوب ولا سياحه
حايل عسى غيم الشجن عنك ينزاح = واتجاوب بروقه رعود الملاحه
مهما تغنيت بغلاها بالافراح = عروستن تزهى عيون المساحه
أحب فيك اجبال عزّن ليا صاح = صوت العزاوي حي عالي صياحه
يا عزوتن فوق الثريا به اتلاح = للعزّ مشيه والمعالي مراحه
نور الشمال وصدرها مرتع امزاح = من فاتته بالقول دايح دياحه
لو ما معك غير الفضا خاسر ارباح = باكنافها تملك مساك بصباحه
محلا ربيعه والمطر بالخلا ساح = أحلى من اديار الغريب ومباحه
والله لو لا عازتي والشقى باح = كان اسكنك لو صار صعبن سباحه
سلم لنا يا طير يا خافق اجناح = سلمى واجا وربوع عزّ بجناحه





وسلامتكم إبنكم / طلال الاسلمي
تعليقاتكم ما هي إلا شرف ٌ لي

[المشرف العام]

شاعرنا القدير طلال حمود الاسلمي
خالي ابو حمود
لام الله من لامك صح السانك بحجم الكون
خالص التحايا لسمو شخصك النبيل

[نهير النمش]

الجميل العذب طلال الاسلمي

صح لسانك وطاب فالك ايه الراقي

سلمت ودمت ولاهنت على النص الرائع

تقبل كل التحايا

[أبو كادي]

صح لسانك يابعدي.
تحياتي لك،،،

[طلال حمود الاسلمي]

صح الله بدنكم والله لا يهينكم يالغالين
على هالتعليق والمرور الراقي منكم


كل الشكر والتقدير لسموكم

[غالب الشلاقي]

الشاعر

طلال الاسلمي

صح لسانك ملايين

لاهنت

[عويد المغيليث]

طلال الاسلمي
صح لسانك
وسلم بنانك
وحايل غاليه على الجميع
دمت بخير

[طواري]

الشاعر طلال حمود الاسلمي
صح لسانك ملياااار
تقبل مروري