المساعد الشخصي الرقمي

مشاهدة النسخة كاملة : محاورة الشاعران نداء المفضلي ، ومحمد الذرفي

نداء المفضلي
08-05-2013, 05:13
اقرب اقرب يامــحمد واحتزم
انت شاعــر ماتخاف وتنهزم
امدح العمــــلاق ولاذم القزم
والحقيقه مايصح الاالصحيح



سلام تسـليمةً كـنه نسـيم الهـــبوب = تصغي له الاوس والخزرج ماتصغي لها
يامحمد النار شبه من شمال وجنوب= والقوم وصلت قـريب ومسرجـــه خيلها
محمد الذرفي
08-05-2013, 11:19
اخبرني ابو غازي

المعذره يابو مشاري والله ان عندي ضيف الليلة

لكن خيره بغيره ان شااءالله

للجميع اجل التحايا
نداء المفضلي
08-05-2013, 11:50
اخبرني ابو غازي

المعذره يابو مشاري والله ان عندي ضيف الليلة

لكن خيره بغيره ان شااءالله

للجميع اجل التحايا

معذور الغالي محمد ومرورك يكفي استاذي
واشكر ابو غازي ولاهنتم الجميع
سيف نجد
10-05-2013, 12:43
صح لسانك ياكابتن
نداء المفضلي
10-05-2013, 03:14
صح لسانك ياكابتن

صح بدنك ابو وليد وشاكر ومقدر مرورك الكريم
محمد الذرفي
13-05-2013, 09:33
جيت والمحزم معباِ بالفشق
في يدي سيفاً وبالاخرى تفق
اضرب اللي من نداء فض وعتق
والحقيقة مايصح الا الصحيح



ياغالباً في مجال الشعر منت مغلوب = يامرحبا عد ماترخي هماليلها
أي والله أشوف وأسمع وأنت منت بكذوب = وسمعت بعض العــرب تصدح مواويلهـا







الشاعر القدير نداء

انتظرك اللية الساعة التاسعة ان شاء الله كان ماعندك شغل

للجميع اجل التحايا
راكـــــان
13-05-2013, 04:25
صحت السنكم
نداء المفضلي
13-05-2013, 09:30
تسلم ياراكان وصح لسانك محمد الذرفي لكن اخوك معزوم الليله ويكون حضوري
بعد الساعه 10استاذي الكريم

واستلم يامحمد

يامحـمد ياعســـى جنسـك كثير
ادري أن السيف باليمنى شطير
عــادة الذرفـــان بالـيوم الكبير
والحقيقه مايصح الا الصحيح


بك البقا يارفيقً بالرجــال محـسوب = من لابةً خصمها ياقف على حيلها
افعالكم تنعرف لاصار نارن شبو ب = يوم المـواقف تبـينها رجا جـــيلها
محمد الذرفي
13-05-2013, 11:05
ماعليكم زود ياروس الرجال
ياصناديد المعارك والقتال
طيبكم حاضر وماضين الفعال
والحقيقه مايصح الا الصحيح




حنا هل الحرب كان الناس تبغى الحروب = مبطي وشمر جموع الضد تلوي لها

لو يجتمع كل ماف الارض من كل صوب = الشمري قادراً يطفي قناديلها
محمد الذرفي
14-05-2013, 12:12
وينك ياابو مشاري جاني النوم
نداء المفضلي
14-05-2013, 12:50
المعذره ياكحيلان ع التاخير
شاعراً يجري ولا يجرى معه
وشاعراً يضيع وسط المعمعه
والمثل معرف مبطي نسمعه
والحقيقه مايصح الا الصحيح



من لايحصل على متن السفينه ركوب = يبــــلش بمـخراجها قـبل مـــداخيلها
ماغير الوقت ياكــود الرباء والذنوب = وعباد الاصنام مدري وش تصلى لها
محمد الذرفي
14-05-2013, 01:05
الصواب بكل كلمة قلتها
ياعميلي بندقك ماملتها
شل معي والا حمولي شلتها
الحقيقة مايصح الا الصحيح


أنا معك واحسبه حسبت نجاح ورسوب = اما لنا او علينا ينقلب شيلها
ان روحت قلت جعله ماتجي يامحبوب = وان اقبلت قلت جتنا غصب ياحليلها
نداء المفضلي
14-05-2013, 01:27
روح التاريخ في مـــر العصور
والزمـــــــــان يدور والدنيا تدور
وفي صلاه الفجر ياقل الحضور
والحقيقه مايصح ----------


القدس ياصاحبي صــــوته تجره طنوب = والامه النايمه وشلون تصحي لها
واليوم ضاقه على المسلم جميع الدروب= دنياك تبرم على الطيب محاحيلها
محمد الذرفي
14-05-2013, 01:41
لاتشب النار في وسط الفواد
العرب في واد والواقع بواد
خلها نقولها كبوة جواد
والحقيقة مايصح الا الصحيح


اخوك مادار فكره للعجوز اللعوب = اللي على من شقاابه مظلم(ن) لليلها
القدس باعوه مبطي والعرب ماتتوب = بغداد باعوه وشتالو محاصيلها
المشرف العام
14-05-2013, 01:51
شعرائنا الكرام
نداء المفضلي
و
ومحمد الذرفي
صح السنكم يالنشاما :as :
نداء المفضلي
14-05-2013, 01:54
اشهدانك يامــــــــــحمد داهيه
والســـــوالف بالمعاني راهيه
يابــــــيوت العــــز دايم ناهيه
والحقيقه مايصح الا الصحيح


يامحمد انته خطبت ام الــدلع والذنوب = جهز لسلسالها واشتر خلخيلها
لاتستمع من يقول الماء يخض ويروب = عزالله أن الولد فايز على جيلها
نداء المفضلي
14-05-2013, 01:57
شعرائنا الكرام
نداء المفضلي
و
ومحمد الذرفي
صح السنكم يالنشاما :as :

لاهنت مشرفنااااااا وصح الله بدنك
محمد الذرفي
14-05-2013, 02:00
ابو مشاري

صح لسانك وطاااب فالك

لك كل الشكر والتقدير إستاذي الغالي

والله نه شرف لي اللعب مع شاعر في حجم ابو مشاري

دمتم بأتم حال
محمد الذرفي
14-05-2013, 02:01
راكان

ابو غازي

لكما اجل واعذب التحايا
نداء المفضلي
14-05-2013, 02:04
ابو مشاري

صح لسانك وطاااب فالك

لك كل الشكر والتقدير إستاذي الغالي

والله نه شرف لي اللعب مع شاعر في حجم ابو مشاري

دمتم بأتم حال

شكراً من طيبك يامحمد وشهاده من شاعر بحجمك تعتبر وسام
والشكر موصول لي كل من تابع وتصبحون على خير
المشرف العام
14-05-2013, 02:08
شكرا لك جميعا شعرائنا الكرام
وبيض الله وجيهكم ياشباب
محمد الذرفي
15-05-2013, 01:26
شكرا لك جميعا شعرائنا الكرام
وبيض الله وجيهكم ياشباب

الشكر أنت والله من يستاهله إستاذي الغالي

ابو غازي

دمت وداام عزك
سيف نجد
18-05-2013, 03:03
محاوره رائعه

صح الله السنتكم ياكبار
محمد الذرفي
21-05-2013, 06:49
محاوره رائعه

صح الله السنتكم ياكبار



اخي / سيف نجد

صح الله بدنك الرااائع مرورك

دمت بأتم حال
نداء المفضلي
22-05-2013, 03:15
ابو غازي
محمد الذرفي
سيف نجد
محمد الشميلي
لاهنتم ومشكوين
على مروركم الغااالي
وصحة ابدانكم الجميع