واوجودي وجد مظلوماً سجين

[سميحان السويدي]

واوجودي وجد مظلومٍ سجيـن



واوجودي وجد مظلومٍ سجيـن=بالخطاء مسجـون لكـن عذبـوه

بالتأمـر ضدهـم لـه متهميـن=بتهمه الارهاب بالظلـم سجنـوه

عند ناسٍ مابهـم رحمـه وديـن=تكره الاسـلام والديـن كرهـوه

غايبٍ عن والديـه اربـع سنيـن=والمرض والغبن صاب امه وابوه

مالهم غيره عسى المولى يعيـن=لو يطول الوقت لا يمكن نسـوه

ساعة ٍ به شوفته لـه مرتجيـن=في رجاء اللي كل مخلوقه رجوه

والسبايب جـادلٍ عقـل وزيـن=غاية المطلوب لا مـن وصفـوه

بنت من هو من خيـار الطيبيـن=فرحت اللي من وزى الدنيا نخوه

[مشعل عسام التريباني]

اخوي ابو طراد
صح لسانك وجاد بيانك على هذه القصيده الرائعه
والغزل هو ملح القصيد كما يقال وقد تغزل الابطال
قبلنا فلاعيب بذلك اذا اجتنبة المحذورات وانت احسنت
بماكتبت قصيده عفيفه ونضيفه وسالمه من الشوائب فشكرالك
على هذا التالق دمت كما تحب دايم يابو طراد

[سليمان بن جبيل]

الغالي سميحان السويدي

وجدانيه رايعه يالسويدي وهل تاتي بشي غير رائع بل انت صاحب القاف العذب

والجم الغزير بيض الله وجهك على هالدره الجميله فلك مني وافي التقدير

[شاطي مجول الخليل]

مليون صح لسانك

لله درك يابوطراد


لاغرابه

جزل وبكل ماتعني الكلمه..


تحياتي لك

ناجدك مبدع ورايع بكل مجال..

[نهير النمش]

الله الله

مزهريه وجدانيه تفوح شعراً وجزاله ايه الجزل

صح لسانك شاعرنا الكبير ابو طراد ولاهان راسك

جزل وكل ماتطرح جزل ولاغرابه فأنت شاعر هرم

تحياتي لك

[عطر الحكي]

توجد مؤلم جداً

صح حرفك وسلم شفيف نبضـــــك

دمت بسعـــــــادة

[غالب الشلاقي]

الجزل ابو طراد

صح لسانك ملايين

لاهنت

[المشرف العام]

شاعرنا القدير سميحان السويدي
ابو طراد
صح لسانك مدد بلا عدد
خالص التحايا لسمو شخصك النبيل

[قمرا سماه]

راااائعة من رااائع

صح بوحك شاعرنا القدير

ودي

[الكيبورد]

صح لسانك اخي سميحان السويدي
شكري وتقديري لجنابك

[سميحان السويدي]

الله يعطيكم العافيه جميعاً

[ابوعبدالله التريباني]

بسم الله الرحمن الرحيم
صح لسانك ابوطراد

[مطلق البخيتان]

شاعرنا الراقي

سميحان السويدي

هنا للقلب الأخضر حضووووووووووووووووووووووووور

لله درك وسلامة قلبك

خلك حولنا في مثل هذه المشاعر الحقيقية النقية نحتاج نصائحك وتوجيهاتك

تحياتي لك ياغالي

[القعقاع]

ابيات صغتها بماء الذهب اخي الشاعر سميحان السويدي
صح لسانك مليااار
ودي لك يسبق ردي

[بريق الماااس]

سميحآاآن السويدي .. قصيده عَطِره .. يسلم قلبك شآعري

[سميحان السويدي]

شكراً للجميع على هذه الردود واسف على التاخير بالرد عليكم