طلال الاحيوات
14-08-2013, 12:06
في معايده على الفيسبوك دار بيني وبين الاخ والشاعر محمد بن سوعان الربيع حديث طويل
وبما اني خابر ان قلبه خضر سئلته عن الحب واخر اخباره من باب المزاح وشرهة الخال على بناخيه
وبما انني من الاحيوات المساعيد وابن سوعان خواله المساعيد بدا قافه بقول يا خال ،،،،،،،،،،،،،،،،
،،،،،،،،،،،،،،،،،
الحب انا ياخال قفلـت بابه=مالـي بعشق البيض شـفً وراده
مكن بقلبي يالاحيوي صوابه=وطيت انا جمره وحشت القـراده
ماهو على التوفيق رجلً عثابه=يبشر بخيبات الرجــا والنكـاده
الحب صار اليوم لعب ودعابه=ولاّ كمـا سوق يشــدك مـزاده
من يدفع اكثر يالاحيوي حظابه=ويعطى على زيف العواطف شهاده
كيف الخنا ياخال ماحدً يهابه=والكـذب والتمثيـل كــلً اجـاده
ماتردعه شيمه ودين ومعابه=ولاتـردعه من سلم الاجــواد عاده
محمد سوعان الربيع
،،،،،،،،،،،،،،،،،،،،،
ورديت عليه بالابيات المتواضعه
حي السؤال اللي لفاني جوابه=حبات جوهر في خيوط القلاده
جزلات من راع الوفا والذرابه=من راس قوم ن بالصعيبات ساده
يشكي على خاله وخاله عثابه=جور الزمان الاول اليوم قاده
يشكي يقول الحب صكيت بابه=وانا بعد بابي عليه السداده
ابوي راح ولا بقالي اطلابه=بالحب والخفرات بطلت عاده
بعض البشر تحمله ريشة غرابه=اللي على زيف المشاعر جهاده
والكلمه اللي قلتها يا جنابه=كلمة مزوح ولا قصدنا النكاده
طلال الاحيوات المساعيد
وبما اني خابر ان قلبه خضر سئلته عن الحب واخر اخباره من باب المزاح وشرهة الخال على بناخيه
وبما انني من الاحيوات المساعيد وابن سوعان خواله المساعيد بدا قافه بقول يا خال ،،،،،،،،،،،،،،،،
،،،،،،،،،،،،،،،،،
الحب انا ياخال قفلـت بابه=مالـي بعشق البيض شـفً وراده
مكن بقلبي يالاحيوي صوابه=وطيت انا جمره وحشت القـراده
ماهو على التوفيق رجلً عثابه=يبشر بخيبات الرجــا والنكـاده
الحب صار اليوم لعب ودعابه=ولاّ كمـا سوق يشــدك مـزاده
من يدفع اكثر يالاحيوي حظابه=ويعطى على زيف العواطف شهاده
كيف الخنا ياخال ماحدً يهابه=والكـذب والتمثيـل كــلً اجـاده
ماتردعه شيمه ودين ومعابه=ولاتـردعه من سلم الاجــواد عاده
محمد سوعان الربيع
،،،،،،،،،،،،،،،،،،،،،
ورديت عليه بالابيات المتواضعه
حي السؤال اللي لفاني جوابه=حبات جوهر في خيوط القلاده
جزلات من راع الوفا والذرابه=من راس قوم ن بالصعيبات ساده
يشكي على خاله وخاله عثابه=جور الزمان الاول اليوم قاده
يشكي يقول الحب صكيت بابه=وانا بعد بابي عليه السداده
ابوي راح ولا بقالي اطلابه=بالحب والخفرات بطلت عاده
بعض البشر تحمله ريشة غرابه=اللي على زيف المشاعر جهاده
والكلمه اللي قلتها يا جنابه=كلمة مزوح ولا قصدنا النكاده
طلال الاحيوات المساعيد