دعوة المظلوم لابد تستجاب

[محمد سوعان الربيع]

دعـوة المظلوم لابد تستجاب ؟؟؟


وش يقـول اللي ذبح طفله بــريئه= وش يقـول لخالقـه يـوم الحســاب
مــا رأيتــه حطّــم قلــوبً جــريئـه= واســتباح الصـبر واغتـال العتـاب
وش يكون من اي قـوم وأي بيـئه= وش يقول ليا انطلب منـه الجـواب
القلــوب الخـيّـره اضحـت مـــليئـه = بـالغبــن والظيــم والـوان العــذاب
شوفوا اهل الحقد والنفس الدنـيئه= كيف سّــوو ثـم تمــادوا بالخراب
باعـوا الاوطـان والـــــذمّـه رديئــــه= والكـرامه عنـدهم صـارت سـراب
ومـا انبـى بالـزيـف بهتــان وخطيئـه=والخـطا صعـب يتـواسى بالصـواب
لكــن اللـّه فــوقهـم راع المشـيئـه= ودعــوة المظلـــوم مــا دونـــه حجــاب
لكن الله يُمهـل النفـــس المســيئـه=ولاحـشـى كــان ان يـهمـل بالعـقــاب

بقلمي ,,,,,,,

[أبو كادي]

الشاعر / محمد ســوعان الربيع
صح لسانك يابعدي وبيض الله وجهك.
ونسأل الله أن ينصر كل مظلوم وأن يظهر كلمة الحق عاجلاً غير آجل.
تقبل فائق أطيب التحايا والتقدير،،،

[الضاميه]

صح لسانك مددآ
حروف الماسيه / اطيب المنى

[هاوي البر]

الله كريم وان شاءالله ينتصر كل مظلوم ويفرج كرب كل مضيوم ومعسور .. وصح لسانك ابيات جزله ورائعه يعطيك العافيه

[قمرا سماه]

صح بوحك
ابيات رااااائعة

ودي

[الجرح]

صح لسانك وبيض الله وجهك يامبدع
اللهم انصر كل مظلوم وخذ بثأره من كل ظالم أخذ العزيز الجبار المنتقم لا اله الا هو الله

[نهير النمش]

الجزل محمد بن سوعان
صح لسانك وطاب فالك ايه الشامخ
شاعر جزل ولاغرابه ان تاتي بالجزل
كل التحايا لك

[المشرف العام]

الشاعر محمد سوعان الربيع
صح لسانك مدد بلا عدد
خالص التحايا لسمو شخصك النبيل

[مشعل عسام التريباني]

لكـن الله يُمهـل النـفـس المسيـئـه == ولاحشـى كـان ان يهمـل بالعقـاب
صح لسانك يابن سوعان
وبيض الله وجهك قصيده
تلامس القوب شكرالك يامحمد

[عساف نجد]

صح لسانك وسلم بنانك

[محمد سوعان الربيع]

الشكر والتقدير وصادق الامتنان
للاخوان والاخوات الاكارم الذين اتحفوني بمرورهم
وردودهم الجميله وهذه شهادات اعتبرها واوسمه
اعتز وافخر بها الشكر والعرفان للجميع لكل واحدً منهم
ودي ارد على كل واحد وهذا حق وواجب لكن العذر
لي منهم باذن الله حاصل ومقبول
تقبلوا خالص تحياتي ووافر مودتي