ديوان الشاعر / عيد بن قيضي البلوي

[عيد بن قيضي البلوي]

اول مصافحه خير من يمدح بعد الثناء على الله تعالى المصطفى محمد صلى الله عليه وسلم

اول مصافحه - قصيده في مدح المصطفى محمد صلى الله عليه وسلم

الشـعـر قـــاده هـاجـسـي للهدف قـــود = واعطيـت موضوعـه عظيـم اهتمامـي
تــرد عـلـي اوفــود وتـصــدّر اوفـــود = فـي مـدح محمـود الخِصـال العِظـامـي
المصطـفـى السـيّـد عـلـى كــل مـولـود = مُـعـلّــم الامــــه صــنــوف الـعـلامــي
عــلّــم بـــــأن الله 0 احـــــقّ مـعــبــود = الـعــروه الـلــي لـــن لـهــا انفـصـامـي
عبـدا شكـور بـكـل الاحــوال محـمـود = مــا ينـطـق الا وحــي كـــل الـكـلامـي
صاحب لواء في نصرة الديـن معقـود = للـحـق فــي كـــل الـمـواقـف حـسـامـي
رمـز البطولـه والصحـابـه لــه جـنـود = الفـاتـح الـمـاحـي ضـــلال وعـسـامـي
الصـادق المصـدوق والـحـق مشـهـود = الـرحـمــه الـمـهــداه كـــــل الانــامـــي
فـي عتمـة الظلمـه وفـي تيـه وصــدود = نــوّر ظــلام الـجـهـل بـــدر التـمـامـي
نعمـه وفضـل ونـور وحسـان مـمـدود = نـقــي طـاهــر مـــن جـمـيـع الاثـامــي
اشـهـد شـهـادة حــق والـعـالـم شـهــود = انــك كشـفـت عـــن الـعـبـاد الغـمـامـي
انـت ســراج الـحـق بــإ يامـنـا الـسـود = مرسـول مـن ربــك تـزيـح الظـلامـي
نــورك مـلـى الدنـيـا ولازال مـوجـود = يـسـري بــه الـسـاري لـبـر السـلامـي
اكمـلـت ديــن الـحـق باحـكـام وحــدود = وبيـنـت مــا مـنّــه حـــلال وحـرامــي
بذلـت فـي نـصـح الـمـلا كــل مجـهـود = وجاهدت لجل احقـاق مقصـود سامـي
بـشــرت بالـجـنـه وبالـخـيـر مـوعــود = الـلـي عـلـى نهـجـك نـهـج واستـقـامـي
وانـذرت مـن نـارا لهـا عـمـق وبــدود = ســودٍ لـهــا يـبـهـا لـهــا شـــر حـامــي
انـــت عـظـيــم الـخُـلُــق رؤوف ودود = مــنــك الـمـكــارم تـسـتـمـد الـتـمـامـي
مضـرب مثـل بالجـود يامكمـن الجـود = تعطـي عطـى مـن لايـخـاف المـلامـي
جُــل المـدئـح والثـنـاء غـيــر مـحــدود = فـي شخـص ذاتــك ياعظـيـم المقـامـي
اولـى حنـيـن القـلـب مــن حـنـة الـعـود = لـك شـوق ياخـيـر البـشـر يــا امـامـي
لـك شـوق مـع دمـي مسـيـر ومــردود = انــام وارجــو رؤيـتــك فـــي مـنـامـي
فـــداك نـفـسـي والـمـوالـيـد واجــــدود = وفـــداك حـتــى الـوالـديـن الـحـشـامـي
ارجو من المولى عسى الحـظ مسعـود = أكـسـب شفـاعـه مـنـك يــوم القـيـامـي
اشرب مع اللي وردهم حوض مورود = غــــرا محـجـلـيـن يــــردوا ظــوامـــي
يـاخـيـر خـلــق الله حـاضــر ومـفـقـود = الداعـي الـى الخـيـر دعــوى الختـامـي
مـاذعـذع الغـربـي ومــا هـبـت الـنــود = عليـك منـا افـضـل صــلاه وسـلامـي
صــلاة وتسلـيـم مـــن زود فـــي زود = تـــزود مـــازاد الـدهــر كـــل عـامــي
وعـــداد ماهـلـلـت مهـالـيـل ورعــــود = وعــداد مــن كـبـر وصـلـى وصـامـي


الشاعر عيد بن قيضي البلوي

[عيد بن قيضي البلوي]

نزولا عند طلب الشاعر القدير سليمان بن جبيل هذه القصيده

ذلولـــــــــي

الا ياذلولي مع فجوج الفضاء خبــــــــــــــي

الا يا ذلولي مع فجوج الفضاء خبّـي = لعلـك تخبيـي تالـي الـوقـت حجـاجـه
لعـلـك تخـبـي ياذلـولـي وانــا الـلـبّـي = عساك السلامه بـأول الليـل ودلاجـه
وبعض الظروف الكايده مابها طبي = ولا فادها الدكتور في وصفة علاجه
وانا ماطلبت العافيـه غيـر مـن ربّـي = ورحمه من المخلوق مالي بها حاجه
ركبت الظروف اللي من العام تلعبّي = كما اللي تلوّح به علـى الثلـج زلاجـه
تحريتـهـا عـدلــه وبالـخـيـر متـنـبّـي =ولـكـن جابـتـهـا المـقـاديـر منـعـاجـه
اسدد واقارب بين مكـره ومـا احبّـي = وسوق الغـلا جبـار والنـاس هراجـه
تخوج العرب وتروج والسر متخبّي = وكــلا يـوردهـا عـلـى جّـــم هـداجــه
وانا في جواد الحظ لامدح ولا اسبّي = جــواد تـقـوده بالـهـواء كــل غنـاجـه
هـواوي وبــدروب الغنـاديـر عـذبّـي = الـى لاح بـراق الهـواء سـج منهاجـه

[عيد بن قيضي البلوي]

يقول ابن قيضي
0
يقول ابن قيضي ؟؟؟؟؟؟؟؟؟؟

يقول ابن قيضي على طرق الامثـال = من عرفه اللي من هل العـرف لمّـه
يقول مـن قـول العـرب مثـل مـا قـال = مثـايـل (ن) لـلـي سمـعـهـا تـهـمّـه
يـا قلـب لا تشـره علـى كـل رجــال = إلا عـلــى رجـــال وامــــرك يـهـمّــه
حمل الجمل ماله من الزّمل حمـال = إلا يـكــون اخـــوه وإلا ابــــن عــمّــه
ولا كـل مـا خيّـل علـى دارك اخيـال = تسـقـي ثـراهـا المـزنـه المدلهـمّــــه
ولا كل فنجال(ن) من الكيف فنجـال = ولا كـل عـد(ن) يــروي الــورد جـمّـه
ولا ينمـدح مـن لافعـل زيـن الافعـال = لـويـمـدحـه رجــــال غــيــره يــذمّــه
ولا كل غصنٍ يتقي الشمس مقيال = غصنا ظليل وغصـن ماشئـت سمّــــه
ولا كل رجـال(ن) علـى الوعـد بتـال = يمـكـن يـتــم الـوعــد او مــا يـتـمّـه
ولا كل مرسالٍ الى ارسلت مرسال = لا تـرسـل إلا مــن يـســد المـهـمـــه
والعـدل له ميـزان والكـيـل مكـيـال = والعلـم نـور وغيـهـب الجهـل غـمّـه
أن نية المسيار جت لي على البال = مـاكــل رجــــال(ن) تـعـنـيـت يـمّــــه
قلبي يقود الرجل فـي كـل مدهـال = والـى نـوا المـدهـال رجـلـي تخـمــــه
والسّـر حفظـه داخـل النفــس لازال = ون بـاح نـقــال النـمـيـمـه يـنـمّـــه
وصــلاة ربــي عــدّ مـاهــل هـمـال = عـلـى النـبـي الرحـمه الخـيـر امــه

[عيد بن قيضي البلوي]

مـــرور الكرام

مرور الكرام وهيضت خافيات الجوف ؟؟؟؟؟

مـرور الكرام وبــيـحـت خـافـيـات الـجـوف=وراحـت وهي بـالـعـيـن تـزهـاء كـما الــدّره

عقاب القصص يقولو اهل المعرفه شوف=وانـا لي ثـلاث ايـام وانـا اتــبع الــــجــــره

تبعـت المقفـي واحسـب ان التعـب مخـلـوف=ولاشـــفــت لاذره والا اكـبــر مـن الـــــذره

اخـمّـن واسـوّف واتـحـرى نــتـايــج سـوف=اثــر سـوف مـا تــنـــفــع ذا لايــام بــالمــره

ولا ودي اذيــع الـخـبـر وافــتـح الـمـظــروف=اســد الـذرايــع والــضـريــر اتـــقـي شـــــره

احــاكم قــضـيـه بــيــنــنـا ذنـبـهـا مــنـصـوف=علـي نصـف والباقـي علـى اللـي علـي جــره

ولانـي مـوضـح مـن حــلايــاه بـالـمــوصـوف=يـعـيـش الـرجـل ويــمـوت مـاضـيـه فـي سـره

وانـا لـو لـقـيـت الـذاهـبه مـقـصـدي مـعـروف=عـــفــيــف الــنـوايـا والـطــلب كــنّـهــا حـــره

وريـحــانـة قـــــدامـنـا وردهـــا مــقـــطــــوف=لـهــا اريــج طــيّــب والــبـلـى طــعــمهـا مــره

وانـا يـاعـرب من بعدها ناظــري مـكـفــوف=اغـظ الـــنـــظــر مـــنـشـان مـتـعــود هـالــكـره

وتـشـمـت عـلي اصــدور شيـطـانـهـا مـلـهـوف =صــدورٍ مــن الـحـوم الـمــخــالــيــق مــــزوره

[عيد بن قيضي البلوي]

جبر كسوري

ياليـل فيك بروق ومصافق اريــــــــاح ؟؟؟؟؟؟؟


ياليل فيك ابروق ومصافق ارياح= وانا نويت اسريك ليـن الصباحــي

خطوه على برق المخيله الى لاح= وخطوه على جهدي وضو اقتراحي

ولاني مطاوع كل عاذل ونصّــاح= مادمت ماشي بالطريق المباحـي


راي السداد لظلمة الليل مصباح= وراي الجهل مافيه نية صلاحـي

ومن عادتي مرجع لوالدرب ذبـاح= تراجعي عن راي راسي ذباحي

ومن عادتي مكذب ولو كنت مزاح= والصـدق لمنّي عقلته نجــاحــي

اوفي بوعدي لجل هاالنفس ترتــاح= والعهد يسجني ويطلق سراحـي

وعندي لكل اقفال الابواب مفتـاح= حاسيـه للشدات مثـل السلاحـي

اتعب كما يتعب على الارض فلاح= يتعب ويكسب في نهار الفلاحــي

ون قمت احسب للخساير والارباح= تصبح وتمسي همتي في مراحي

والنفس ما تفرح بلا داعي افـراح= واللوم مايعقب عليها نصاحــــي

والزاد مايزكى بلى شوية امـــلاح= ولاكل مشروب الطبيعه قراحـــي

ون طحت ون ماطحت ماني بصياح= لاعاد مايبري صوابي صياحي

اقــوم لو اني على رجل وجنـاح= اجبر كسوري واتجاهل مطاحي

والى بقت مـن كل ماراح الارواح= مـن بعدها ماكن لي شي راحي

ولا ودي ان السـرللناس ينــباح= اللي لهم بالعلم عــدة مشاحي

اللي بعينـه تمرة الناس تفـــاح= تكبر بعينــه من جميع النواي

يقول لي مـرتاح واقول مرتاح=مـن شان مايرتاح لجل ارتياحي

[عيد بن قيضي البلوي]

حـنّ قلبي
حـــن قلبــي من ارشيف الماضي ؟؟؟؟؟

القلوب اللـي ليا غنت الورقا تهيـــم = ما يعرف اسـرار وناتـها غيـر النبيــــــــــه
ما يعرف اسباب دعوى الخصيم إلا الخصيم = ولايعرف اصايل الخيل من لايمتطيه
حـنّ قلبي كل ماهبّ ذعـذاع النسيــم = استعـاد الذكرياتـه مـع القصــد النزيـــــــــه
ذكريات مسامر اللييل في جـو النديــم = ودي إن القلـب ينسـاه لكـن مانسيـــــــــه
قلبـي اللـي حافظ العهـد للود القديـــم = كلـما قلـت انتـها مـنه عـوّد يهتويـــــــــــه
راحت ايامي وانا بين ( س) وبين (ج) = كلما اسأل عن حــواله يقولّي (ماعليـه)
ابعدت فيك المشاريه يا القلب الغشيم = شرهة اللي يطلب المال من عند السفيـــه
ليه يا قلبي تعنـا ورى الحلـم العقيــم = ليتها تنفـع معـك ليــه يـوم اقـول ليـــــــــه
اجتهادك مايعبر عـن الـراي الحكيـــم = وعتـذارك ما يفيـدك لجـل ما هو وجيــه
ون بغيت احكّم الراي بالعقـل السليــم = والله اني غير اصدر قراري واحتميـــه
والله ان المنحني مايسمـى مستقيـــم = والـدروب الهادفه ماتسمـى درب تيـــــــه
غير اردك عن طواريك والله العظيم = لين تنسى كل ماضيك واللي فيه فيـــــــه
ونقسم ربي وصليت في حجر الحطيـم = اطلب التوبه من اللي خلقني وارتجيــه
يالله ان العبـد يطمـع بجنات النعيـــم = باسطٍ لك ياعظيـم المكارم راحتيـــــــه
لاتـرده وانت يارب مولاه الكريـــــم = والله انه ماله إلا انت فضلك يحتريـــــــه

وسلامتكم

[عيد بن قيضي البلوي]

هذه الابيات موجهه لابني عبد الكريم الذي يدرس خارج المملكه حيث انه في يوم من الايام
احس قلب الوالد على ولده وعند الاتصال عليه قال انه تعبان ومتضايق شوي عندها قلت له
ياعبد الكريم

ياعبد الكريم ان ضقت وجـّـه علــى القبلـه ؟؟؟؟؟

ياعبد الكريم ان ضقت وجّه على القبلــــــــه=ويـــمّـــم كــفــوفــك يــــمّ مـــولاك وارفــعــهــا
تـوكـل عــلـى مــولاك واسـتـمـســك ابـحـبـلــه=تـرا كـــل ضـــيــقــه يـــقـدر الله يــوســعــهـــا
طبـيـب القـلـوب الـلـي مـن الـوجــد منهـبـلـه=ولا واحـــدٍ غــيـره يــخــفــف مـواجــعـــهــــا
ومــن خلـقـت الدنـيـا عـلـى الـكــدر منجـبـلـه=ولاتــنــومــن فــي كــل سـاعــه فــواجــعــهــا
وانـا مــثـل راع الابــل يــتـعــب ورى ابــلـــه=ويــفـرح لــمــنـه شــافـهـــــا زان مـرتــعهــــا
ولـي نــفــس تــذكـر كـل غــالـــي وتـطـلـبـلـه=وتـطــمـع عــســى الله مـايـخـيـب مـطـامـعـهــا
يـــاعـبد الـــكــريـم الــعـــلـم لابــدّ تــتــعــبـــلـه=وتــرا كـل صـنـعـه مـن مـهــارات صـانـعـهـا
وكــل الـتـعـب يـابــوك مـخـلـوف فـي سـبـلــه=لـيـال الـتـعـــب بـعــديــن تـلـقـى مــنـافــعـهــا
ومــن طاب لك وابدا لك الطيبــــه طــب لــه=وسـيـات غــيـر عـــنـك بـالـحـسـنـه ادفــعـهـا
ومـن لايــودك لاتـــغـــنـي عــــلى طـــبـــلـــه=وقــوم الــــضـلالـــــه لاتـــغـــرك زوابــعـهــا

[عيد بن قيضي البلوي]

ياشــاطي الود

ياكثر ماعذب العاشق غرام العشيق = وياقل ماتسلم العشاق بارقابها

ياشاطي الود جيتك ماحسـب انـك غريـق = حتى اجهد النفس موجك واتعب اعصابهـا
لقيت بحـرك مـن العشـاق يصفـق صفيـق = مـاعـرف لـجـة شكـاويـهـا مـــن اعتـابهـا
تـوحـي لــي اشكالـهـم هــذا لـهــذا شـقـيـق = ما يخـتـلـف غـيــر اسامـيـهـا وجلبـابها
تسيـل دمعـه وتظمـاء روح وتجـفّ ريـق = والفـكـر شـــارد وانامـلـهـا تـحــت نـابـهـا
ويـا كثـر ماعـذب العاشـق غـرام العشيـق = ويـاقـل مـاتـسـلـم الـعــشــاق بـارقـابـهـا
جيتـك وانـا بالهـواء والـود خبـري عتيـق = والمستـجـدات مـاني حـاســب احسـابـهـا
طولك وعرضك ومدك والعرى والعميـق = الظـاهـر انـــي نـسـيـت الاخـــذ بسبـابـهـا
ذكــرت حـاجـات راعيـهـا يغـيـب ويفـيـق = شكيـت بأمـري وانـا مـانـي مــن اربابـهـا
سلام ياللـي خيالـك زيـن واصلـك عريـق = تـهـديــك نـفـســي تـحـايـاهـا وتـرحـابـهــا
بعـدك يحـمـل عـضـود القـلـب مالايطـيـق = والعـيـن تشـفـق عـلــى رؤيـــاك بغيـابـهـا
يازيـن لـونـك عـلـى قلـبـي بعيـنـك تـويـق = تنـظـر عـلامـة مقـاديـرك وتـرضـى بـهـا
ياساعـة الضيـق ساعات الفـرج بالطـريـق = الى اجتهـد في دعــا الرحـمـن طلابـهـا
من حكمة الله مايجعل ورى الضيق ضيق = شــده تـعـدى ورحـمــه نـاخــت اركـابـهـا
عـزالله انـي لقيـت الصبـر نـعـم الصـديـق = يـاسـرع مـن عـنـد ربـــي فـكــة ابـوابـهـا
يالله ياللـي أمــرت الطـيـر يجـمـع رحـيـق = ويــداوي الـعـلـه الـلي عـــازت اطبـابـهـا
تجمـع مابيـن القلـوب اللي هـواهـا حقـيـق = ماتـهـتـنـي بـالـحـيـاه الا مـع احـبـابـهـا

قولو امييييييييين

[عيد بن قيضي البلوي]

من روحي لروحــــــــــــي

حـديث الروح من روحـــــي -- لروحــــــي ؟؟؟

حديث الروح من روحي لروحي = سرى بي مع سمار الليل ليل
تهمس بهمس محد(ن) فيه يوحي = مثل همس الخليل الى الخليل
بما تـحويــه خارجها نضوحــــــي = كثيـر(ن) همــها والا قليـــــل
حديث الها يجي واخـر يروحـــــي = وطول الليل من هذا القبيـل
الا ياالصاحب العذب المزوحـي = انا الضميان وانت السلسبيــل
اذا ماكان حبك لـي نصوحـــــي = انا فـــي حبكم قصــدي نبــــيل
تشوف العين زينك في وضوحـي = وناظرها عن اعيوبك كليــل
وكان الطب ماضمد جروحــــــي = املنـا فيــــك يالطب البديــــل
انا في حبكم مانـي شحوحـــــــي = ولكنـي علـى دمعـــي بخيـــل
اعــز اسرار نفسـي لاتبوحـــــي = اعزمها على الصبر الجميل
هوى قلبي الى دارك يسوحي = الـى منـه وقع بأسرك نزيـــــل
اذا ماكان فك اسره سموحـي = فهل يمكن خروجه في كفيــــل
ومن حربك الى سلمك جنوحي = اقاوم عنف حبك مستحيــــل
ومن بعدك الى قربك طموحي = تخاوينــي بواحات النخيـــــــل
تخاويني سروحك مع سروحي= تحت ظل وتحت رجلك نجيـل

وسلامتكم

[عيد بن قيضي البلوي]

قبل كم سنه دخلت المستشفى وقرر لي الدكتور اجراء عمليه اتصلت على والدتي واخواني وابلغتهم في موعد العمليه وفي ليلة دخولي المستشفى - بحيث تكون العمليه الساعه التاسعه صباحا نمت في المستشفى وبعد صلاة الفجر اتاني اتصال من اخي محمد الذي كان عند الوالده بالديره وقال لي ان امك مانامت طول الليل تصلي وتبكي اتصل عليها وقل لها ان الدكتور اجل موعد العمليه لعلها تنام وعند ذلك ادركت ان الام تحس باحساس الابن وتحمل همه صغيرا كان او كبير - اتصلت على والدتي الله يحفظها وقلت لها ان الدكتور اجل العمليه لبعد اسبوع وانني سوف اخرج من المستشفى وارجع له بعد الاسبوع لعلها يهداء روعها وتنام ولانملك الا ان نسأل الله ارحم الراحمين ان يرضى عنا ويرضي عنا والدينا ويغفر لنا ولهم ولجميع المسلمين والمسلمات 0

عندها قلت هذه الابيات
البارحـه مابكانـــــي غيــر (عين ) امــــــــــــــي ؟؟؟



البارحه مابكاني غير عيـن امـي=الناس نامت وهي بالليل سهرانـه

مانامت الليل كلـه همهـا همـي=نوبا تصلي ونـوب اتقـوم حنانـه

حنانها مـن ينابيـع الغـلا جمـي=من داخل الروح مضمونه وعنوانه

تبغا تضم الضنا من وجدها ضمـي=وتحط جنحانها من فـوق جنحانـه

يمه انا فداك في مالي وفي دمـي=والحر وشلون ينسى ديـن ديانـه

الى رضيتي علي مانـي بمهتمـي=ماهمني لون كل النـاس زعلانـه

لاخوي لبني ولاخالـي ولاعمـي=ماحد من الناس عندي شانك ابشانه

الكامله منك واللـي دونهـا يمـي=اجرك على الله كريم الوجه سبحانه

يمه - على آمري واقول لك تمـي=الطاعه اللي فرضهـا الله بقرأنـه






وسلامتكــــــــــــــــــم

[عيد بن قيضي البلوي]

مدح الباري تبارك وتعالــــــــى

اقصيـــده مــدح الباري تبــارك وتعالــــــــــــــي


أَشهْــــدُ أن لا إلَه إلا اللـــهْ = العـروةُ الوثْقـَى مَـــعَ اْلإلَــــهْ
وهيَ الْكَرَامَةُ والأَمَانُ مِن الْخَطَرِ= وهَـي سبيلُ الرُّشدِ والنجاه
وهي المفازةُ في ميادينِ الوغــىَ = وهـي الْحياةُ لِمَن أرادَ حياه
اللهُ 0 نعــم اللهُ جَـلَّ جَلا لُـــهُ = اللهُ لامعبود بحـــقٍّ ســــــواه
اللهُ 0 سُبحاَنـهُ لَاشــيٌ مثلُــهُ = تنـــزَهَ عــن الـندِّ والأشبـــاه
ملكُ المـلوكِ الأحدُ الفردُ الصمدْ= الْــوَاحِــدُ الْقَهَّــارُ فِـي عُــلاه
وَهو الْعَظيمُ الواحِـــدُ المتكبـِرْ= العـــــــزةُ والكـبرِيـــاءُ رِداهْ
وهو العلُي العَالِـــي الْمَـتعـاْل = لـهُ الْعلـوُ بمُقَتَضَــىَ معنـــــاه
وهو المجيدُ ولهُ المجدُ العظيمْ = أهلُ الثناءِ والْمَجْدِ وَمَــا وَالاه
وهو المقدِّمُ والمؤخــرُ والحكـمْ = الأمـرُ أمـرهُ والقضاءُ قضـاه
وهو الحكيمُ أمـرهُ كُنْ فيـكونْ = سُبْحَانَـــهُ0إن راد شيئاً ســوّاه
وهو الذي سلـطَانُــهُ لايُهْــــزَمُ = وهـو القويُ بعـــزهٍ و الجــاه
وهو السلامُ المؤمنُ المهيمـــنُ = تبــاركتْ وتقــدستْ أسمــــاه
وهو السلامُ الحقُ في كلِّ إعتبار= ولــهُ الكمالُ بِذَاتِـهِ وَصِفَـــــاه
وهو الجميلُ والذي مِنهُ الجمال = ولَهُ مِن الْقَولِ الجليلُ أعــــلاه
وهو الذي جمــعَ المحامِدَ كلَّــها = كُلُ المحامـدِ ضِمْـن اســـمِ الله
وهو الـذي لــهُ المـدائحُ جُلُّـهـا = وشمـولُـهَا وكمالُـهَا للّـــــــــــه
وهو الذي يُحمدُ على كلِّ حــال = حمـــداً يليقُ بجلالِهِ يرضـــاه
وهو الغنُــي بذاتِـهِ عن غيــرهِ = سُبحَانــهُ 0 مُستغنياً بِغنـــــــاه
وهو الكريمُ المُنعــمُ المتفضـلُ = الجُـودُ جـودُهُ والعطاءُ عطــــاه
وهو الذي يُمهِــل ولايُهمِلُ أبـد = كــم من مُسِىءٍ بحلمِـهِ أرجـــاه
وهو الذي أقربُ من حبلِ الوريد= سُبحاَنــهُ مُجيبُ مــن دَعَـــاه
وهو الـذي كَلِمَاتُــهُ لاتنفــــدُوا = خيـرُ الحديثِ كلامُـهُ ونبـــاه
وهو طبيبٌ للقلوب من الأسى = القلبُ يصْـــدأُ وذِكرهُ يجـــــلاه
وهو الـذي تَهَدى القلوبُ بِذكرِه = تحيَــى بــهِ وغذائُهَا ذِكَـــــراه
وهو الذيَ يهْدِي الصِّرَاطَ المُستقيم = لامُهْتدِي إلا الذي أهـــــداه
وهو الذي أرسـلَ إليــنا رسولَــهُ = كيف السبيلُ إلى الهدَى لولاه
وهو الذي أنـزلَ عليـــهِ كتابـَـــهُ = وتكفَّـــلَ بحفظِــِه وكفَـــــــاَه
وهو الذي تفَــرّد بصفــةِ البقَـــاء = كلٌ يمـوتُ وهو يدومُ بـقـــاه
سُبحانَ مـولانا وَلِيُ الصَّالِحين = نِعْـــمَ المعيــةُ أن نكونَ معــاه
سُبحانــهُ 0 ليـس لـه كفواً أحـــد = سبحانَــهُ 0 لانعبُـــدُ إَّلا أيـَّــاه
سُبحانــهُ 0 مَلأ الوجـُودَ بـنورِهِ = فــي كلِّ فَـجٍّ نـورَهُ يمــــــلاه
سُبحان من خَلقُـهُ دليلُ وجـــودهِ = فـي برِّه في بحره فــي سَمَــاه
سُبحان من خلق الوُجُودَ من العدم = لامسَـــهٌ نصبٌ ولَا أعيـــاه
سُبحان من عنتِ الوُجُــوهُ لَـــــهُ = ذلتْ لـهُ من خوفـِهِ ورجـــاه
سُبحان من خضعتْ لهُ كلُّ الرقاب= سجدت نواصيهَا علَى ثَرا ه
سُبحان من سبَّح لهُ الرعدُ في السماء = والحوتُ سَّبحَ في غياهبِ ماه
سُبحان من فضلُهُ عظيُم مستديمُ = مــنِ أن خَلَقَ خلَقهُ عليـهِ أســداه
سُبحان من عـمَّ الخلائقَ جــودُهُ = كُـلُ الخلا ئقِ ترتجـي حُسنَــاه
سُبحان من يقبضُ ويبسطُ ما اشاء = ويقدِّرُ الأقدَارَ علــى هـــــواه
سُبحان من يعَلمُ ويعفُو عَنْ كثـيـر = يعلـمُ ظـنَونَ العـبدِ وما نـــوَاه
سُبحان من يفـرحُ بتوبـةِ عَبْــــدهِ = إذا أتــاهُ عَبَــــــدُهٌ أتـــــــاه
سُبحان من يعـلـمُ خفَايَـا أفعالِـنا = سُبحَانهُ 0 سترُهُ علينا أضفــاه
سُبحان من نرجـو شمائلَ عـفــوِهِ = وهوالسميعُ لصوتِ من ناجــاه
سُبحان من رحمتُهُ وسعت كلَ شئٍ = وكـلُ شــئٍ عـــدَّه وأحصَــاه
سُبحان من عنــدهُ مفاتيـحُ الغيـوب = يعلَـمُ بسرِ الغيـبِ و مـاوَرَاه
سُبحان من أكمـل شرائعَ ديـــنِهِ = فيمـا صَلُح للعالمِــين0 أوفــاه
سُبحان من حـجَّ الحجيجُ لبـيـته = مُهلليــن و طالبيــن رِضَــــاه
سُبحان من مِنـهُ الفرارُ لركـــنِـهِ = إن خَافَـــه عَـبْدَهُ يـلوذُ ذرَاه
سُبحان من جعَل الجحيمَ عذابَـهَ = والجــنةَ للمُتقيــنَ جَــــــــزَاه
سُبحان من جعل النيَّرينِ في السماء = الكلُ منهُـم عارفٌ مجــراه
سُُبحان من خَلقَ الإنسـان وقــدَّرَه = مـن نُطَّفــةٍ إذا التقـى أَبـــواه
سُبحان من يعلمُ مواعـيَـد الأجــلِ = وعـن عـبدهِ لحكمـةٍ اخفــاه
سُبحان من يعلمُ بما تُخفي الصُدور= ومامن شيٍ الإَّ يعلــمُ خبــــاه
يعلمُ دبِيبَ النملِ في سُود الدُجى = على الصخرةِ السوداءِ في ظُلْماه
سُبحان مولانا الرحيمُ وبحمــدهِ = عبــداً يُريدُ بـها رضى مـــولاه
سُبحانهُ لانُحصي ثناءً عليـــــه = سُبحانــه أعظمُ ثناءٍ عليهِ ثنـاه
سُبحانهُ هــو أهــلٌ أن يُتقــــى = وهو أهلٌ أن يغفَرَ لمــن اتقــاه
ياربي ارحمنـي واجُبرْ عثرتـــي = أنا الــذي رِضَاَك عــنهُ مُنــاه
ياربي ارحمنـي وأمـي وأبــــي = أنــا الــذي يَمــدُ إليكَ يـــــداه
واغفر ذنـوبَ أُمةِ محمـدٍ كُلُّهــا = كُــلُّ الكبائــرِ واللَّـمَمِ ربـــاه
هذا وصلى الله على خيرِ البشـــر = المصطفـى الرحمةِ المُهــــداه


اللهم انك اعظم واكبر واجل من مدحي لجلالك سبحانك لانحصي ثناء عليك انت كما اثنيت على نفسك والصلاة والسلام على خير خلق الله الرحمه المهداه محمد بن عبد الله

صاحب الوجه الانور والجبين الازهر ماذكره الذاكرون وما غفل عن ذكره الغافلون
عيد قيضي سعيد الوابصي البلوى في 1430/07/05

[عيد بن قيضي البلوي]

حنيت

حنيت حنــة راعــي النـوق للنـوق ؟؟؟

يازين جيتك ممتطي صهوة الشوق = يطوي دروب البعـد درهـام شوقـي
جيتـك مخيلـه كلهـا رعـود وبـروق = يضـوي ظـلام الليـل شعـة ابروقـي
جيتـك وانـا كلـّي مشاريـه وحقـوق = ابغـاك تعطينـي مـن ابسـط حقوقـي
حنيـت حنـة راعـي النـوق للـنـوق = ونــتي بعيـنـي مــن مغاتـيـر نـوقـي
عهد الوفاء مابين عاشق ومعشـوق = مــا واحـــد مـنـهـم لـعـهـده يـبـوقـي
ون كـان دلـو الـود تنتـابـه اشـقـوق = كيـف الـروى والدلـو فيهـا شقـوقـي
الـود مايصفـى ليـا صــار معـقـوق = مــن خلقـتـه يـثــر عـلـيـه العـقـوقـي
يازيـن كـان الــود بالقـلـب مخـلـوق = مخلـوق للـوجـه الحسـيـن الخلـوقـي
وجه الحيا مع زين خلقـه ومنطـوق = وزيـن النبـا سقيـا يبـاس العـروقـي


وسلامتكم

[عيد بن قيضي البلوي]

دروووب القلــب

درووووووب القلــــــب ؟؟؟؟

لا والله الا في دروب القلب عذبت الركاب= شديت ركبي يادروبي ومتطيت اصايله
اخذت من عزمي روى واخذت من قافي زهاب= قافٍ يسليني وانا مع ها الدروب الطايله
واخذت لي صوله وجوله في ميادين الرحاب= وكلٍ بفكره مهتدي لونه يضيع القايله
الى برق برق الشمال احسب له مية حساب= والى برق برق الجنوب اسهر معه واخايله
ان غبت افكر بالغياب وفـي مغبات الغياب= واللي سمع لحكاي واللي ماسمع لحكايله
اخشى على جاهل يحسب إن الخطا مثل الصواب= مايدري ان المستهديه غيردرب العايله
لولاي امنّي خاطري بالفوز بأجر الاحتساب= ونّ السعاده ما تـدوم وكل شـده زايله
ونّ الله الهادي لمنّي قمت اناجيـه استجاب= ونّ الله الحافظ من ادروب الضلال المايله
ونّ الامور مدبره والعبد بين اخطا وصاب= ونّ ابـن آدم ينفعه مـن العمل فضايله
ونّ العمل خيره وشره لايغادره الكتاب= والصدر صندوق العمل تلقى بها حصايله
ونّ العمار اللـي بها الدنيا بيقفاه الخراب= ونّ البروج اللي تعانق للسما ء متهايله
ونّ البشر كل البشر هذا تـراب من تراب= ونّ الحياه اللي على هـا الكون لله آيله
ونّ الحياه اتهون من بعد المروه والشباب= ونّ العـزائم فـي عقاب العمر غيـر اوايله
ونّ السعاده والهناء بالفوز في اعظم جواب= الفوز في اعظم جواب اللي يخوّف سائله
ويوم إن حظي مـد حبله في سبيل الاحتطاب= اللي حوا حبلي من المقسوم جبته شايله
ود ي لو إن الحظ سهل لي عسيرات الصعاب= والى سريته ولعت لي بالدجاء فتايله
ودي تجي نفايله من كل صوب وكل بـاب= لعلها تستر علـى بعض الرداء نفايله
ولاني مزكي راس مالا مايجي قدر النصاب= واللي يريد المدح دايم تمدحه فعايله
يارب عفوك ياكريم الوجه واليك المتاب= استغفـرك يارب من كل الـذنوب الهايله

[عيد بن قيضي البلوي]

صبري على نفسـي

صبري علـى نفســـــــــي ؟؟؟

انــــا لـــــزلات الـقـريـبـيـن غــفـــار = والعفـو شيـمـه بالنـفـوس الرفيـعـه
عنـدي لهـم شيمـه وقيمـه ومقـدار = مقدارهـم عـنـدي حصـونـه منيـعـه
ون ماصبر غيري علـي صـرت صبـار = ون كـان مـا طاوعنـي الـراي اطيعـه
احيان اجامـل واتقـي شـي ماصـار = تخـاف نفسـي واعتبـرهـا شجيـعـه
صبري على نفسي وكتمان الاسرار = اخيـر مـن صبـر الصـديـق وصنيـعـه
والصبرلوهـو باالحـشـاء يـوقـد الـنـار = عواقـبـه مــن فـضـل ربــي نفيـعـه
ودي سـداد اللـراي لــو ودي اخـتـار = ودي لــو ان الصـبـر عـنـدي طبيـعـه
لكـن لـه فـي داخـل النفـس معيـار = واللـي يــزود النـفـس ماتستطيـعـه
ون لجلجت بالـراس عجـلات الافكـار = انظـر بهـا واقـصـر عـنـان السريـعـه
انـظـر توابعـهـا مــن اصـغـار واكـبـار = وشـوف مـاهـو حكمـهـا بالشريـعـه
اشـاور ابرايـي مـن النـاس الاخـيـار = والا الـردي شـوره لنفسـه قطيـعـه
ون ضاق صدري من هل الدار والـدار = شديـت ركبـي ورض ربـي وسيـعـه
ادور الاعـــذار لـــو مــالــي اعــــذار = ولــلا أي حـاجـه واتـخـذهـا ذريـعــه
تـغــيــر الاحـــــوال والــوقـــت دوار = والعـمـر مــا كــل اللـيـالـي ربـيـعـه
والـدار يغليهـا عـلـى نفـسـك الـجـار = امــا تـمـسـك فـيــه ولاّ تبـيـعـه

[عيد بن قيضي البلوي]

عفوا اعزائي الكرام ابيات يغلب عليها الاحساس بالحزن عساكم ماتشوفو شر
والعذر والسموحه ودعواتكم لجميع موتى المسلمين
وفقكم الله لكل خير

:
:
:

بثي الى الله

الـــــدمعــــــه الـزرقــــا - ؟؟؟؟؟

بثي الى الله من (هما) مخاوينــــي = واقف على باب قلبي يطرقه طرقـا
يجول بالصدر بين الحين والحينـي = مايطفي احساسه الا الدمعه الزرقا
ياعيني اللي على الغالين تبكينـــي = مرفوع عنك العتب في ساعة الفرقا
إبكي على اخوي وابن اخوي ياعيني= اللي غلاهم بقلبي هاجسه يرقـــا
ياعين لو كل هالعـالـم تعزينـــــــي = يبقـــى بقلبي علي فقدانهم حرقــــا
ادله مع الناس ون جتني تواسيني = وترجع لي الذكريات بسرعة البرقا
الله كم من عليهم من محازينـــي= قلوبهم واجفــه وعيونهـم غرقــــــا
يالله عساهم بجناتك مقيمينــــي = يا مصخر الشمس مطلعها من الشرقا

[عيد بن قيضي البلوي]

يـــــــــــــــارب

مـــــن الروح الى خالق الروح -

يارب هوّن علـى قلبـي تناهيتـه = اربط على قلب همه خوف سلطانك
اقفـت لياليـه والدنيـا ملهّيـتـه = و اشفى به الذنب على حــــر نيرانـك
ياغافر الذنب غيـرك ماترجيتـه = انت الغفور الرحيم البرّ سبحانـك
العفو يارب مـن بابـك تحريتـه = ارفع يدين الضراعه نحو بيبانـــك
ياكثرذنبي0وذنب0وذنـب سويتـه = وياكبر رجواى في عفوك وغفرانك
ويا كثر فضلك علي ياربي اسديته = وياقل شكري على نعماك واحسانك
احسنت ظني تجاهك يـوم ظنيتـه = وايقنت ان الامـن أمنـك وأمانـك
يارب من للضعيف ان كان رديته = والعفو والمغفره يارب من شانـك
كل الامل فيك يارحمـن حطيتـه = وجهت وجهي على بابك ومزبانك

وسلامتكم

[عيد بن قيضي البلوي]

الغايب اللـــــي

الغايب اللي كل حين اتحراه ؟؟؟

الغايب اللــــي كل حين اتحــراه = في كل يوم اقول يمكن يجينـي
ادله عنه في حضرة الناس وانساه = انساه وانا خابـره مانسينـي
هـو حـق لكن عيت النفـس تبغـاه = مبغاه لكنّـه هــو اللي يبينـي
انام مانـي آمناً غــدر شلفـاه = اللــي لها سـنه بقطع الوتينـــــي
اللي محاريبه ورى الحي تقفاه = ما كنّـه الا تقل طلاب دينيــــي
مامن سلامه من معاناة بلـواه = ولامن عداوة ثار بينه وبينــــــي
ون طولت عنّي مقاصد نوايـاه = عليه دورات الزمان اتحدينـــي
يالله عسى بشراي في حين لقياه = المطلب اللي لـه رجاي وحنيني
العبد يقفي عن بيوت(ن) مبنـّاه = مخلوق من طينا ويرجع لطيني
والنفس بالدنيا تراهـا معنـّـاه = وإلا القدر مكتوب على الجبينـــي
ون كانها بالنفس قفت مطاياه = لا تنتظر لي رجعــةٍ يا ضنينــي
يا لله يارحمن يا لله يا اللــــه = فيك الأمل يوم الثرى يحتوينـــــي
العبد عبدك غـرته فيك دنيــاه = وثقلت حموله من حصاد السنينــي
ان كان عذبته على ذنب سواه = واذا عفوت انت ارحم الراحمينــي
يالله عفـوك كل حيـن اتمنـــاه = اطلبك بلسانـي ويـدي وعينــــــي
وصلاة ربي عد مـن يذكرالله = علـى النبي الهاشمـي الامينـــــي


ونسال الله حسن الخاتمه

[عيد بن قيضي البلوي]

ظل الورق

البحر غدار والمرجان تحت ازرقـه --

لاباس ياعيني اللي مهتويها الأرق = والله هو اعلم بحال العين ويش ارّقه
اسباب عيني تخايل ضو بارق برق = حين ابرق البرق ناظرها على مبرقه
بالليل برق الحيا عن شوفها مادّرق = تسري مساريه لين ان الصباح ادرقه
واحوال قلبي ليا زان اجتماعه فرق = حتى مع اهل الوداد ادروبه مفرّقه
الهاجس اللي على بابه بعلمه طرق = الى تعدى طرق ثاني على مطرقه
ينـدقّ بابه لما يندى جبينه عــرق = حتى ولو كان في وقت الشتاء عرّقه
اما تغرب هبوبه من تجاه الشرق = والا اتجاه الشرق من غربها مشرّقه
والفيـّه اللي ترد الروح ظل الورق = ومقابل الشمس مايتقيه ظل اورقه
واللي يحب السباحه مايهاب الغرق = والبحر غدار والمرجان تحت ازرقه

وسلامتكم

[عيد بن قيضي البلوي]

الواعظ الموت

يارب رحمـاك يوم القبر ثــــار غبره ؟

سمعت لي موعظه للشيخ من منبره = القلب منـها تـأثر والضميـرانوجــع
الواعظ الموت والعبره من المقبـره = كم من ملك بالمقابر بعد قصره هجع
ماينفعـه راس مال وجـاه يامكبـــره = ماعنده الاعمل نفسه بها المضطجع
يارب رحماك يوم القبر ثار اغبــره = واللي تعنى على شاني سمعته رجع
اللـي تعبّـر علي قفا وكف اعبـــره = ايام بعديــن ما كنـّه علي انفجــــــع
حتى الحبيّب تفقد مسكه وعنبـره = ونشاف برق الحياء بالحال يمّه نجـع

[عيد بن قيضي البلوي]

على الهون يادنيا

تنفـس صباح الليــــــــل ؟؟؟

انـا البارحه كنّي على صالي الجمر= اكابـد هجوسٍ داخل الصدرمكتضــه
توارد على قلبي جماهيرها زمــــر= ليـا صدّرت تقل اجتماعات منفضــه
مبيت الذي خايف من الذيب والنمر= تنفس صباح الليل والطرف ماغضه
على الهون يادنيا مغاتيرها سمـــر= ولا يمكن ان انحاسها ينقلب فضـــه
تمنيك في طول الامل بأول العمـــر= وتال العمر ترجع على العظم وتعضـه
ولو طاوعت عشاقها بأول الامـر = لمنّه صفا مشروبها ترجـع تخضـــــه
نقول انها تثمر وهي مابها ثمـــر= تقلب لها لونين سوداء ومبيضـــــه

وسلامتكم

[عيد بن قيضي البلوي]

ياالله قبل الموت

يالله قبل الموت طالبك تــوبـه


ياالله قبل المـوت طالبـك توبـه = من فيض فضلك تب علي واتوبي
انا الـذي زادت ذنوبـه عيوبـه = وارجوك تغفرهاوتستـر عيوبـي
الشيب هبت فـي إلحانـاهبوبـه = والنفس في فعل المعصي هبوبي
اخوض مع نفسـي معـارك حروبـه = واحيان انا الغالب ونوب إمغلوبـي
نوب ٍ تتوب النفـس توبـه كذوبـه = وانا احسب ان النفس ماهي كذوبي
إتـوب ثم إتعـود نوبـه ونوبـه = حتى تلبّسنـي مـن الذنـب ثوبــــــــي
طول الامل بالنفس هـذي سلوبـه = يبعد لها المرمى شمال وجنوبـي
يالله انـا عبـد ٍ تذكّـر ذنـوبـه = وكادت من الحسرات نفسـه تذوبـي
ماله سوى ذكرك يفـرج كروبـه = ياللـي بذكـرك تطمئـن القلوبـي
يالله انا روحـي لعفـوك طلوبـه = وأنت كريـم ٍ ماتـرد الطلوبـي
اول نهاري كنت ناسـي غروبـه = والشمس مالت واشرهـت للغروبـي
والمـوت حـق ومقبـلات ٍ خطوبـه = الله يـزيـن مقـبـلات الغيـوبـي

[عيد بن قيضي البلوي]

البعد يغليني
البعد يغليني بليــا عتابــــــــــي ؟؟؟؟

ان ضاق من شوف البلد وسع صدري = سرحـت رجـلـي بالفـجـوج الرحـابـي
ابـيّــت الـنـيـه مـــن الـفـجــر بــــدري = واحـتـاط للـمـشـوار مــاي وزهـابـي
ون قـــل بـقـلـوب المحـبـيـن قـــدري = الـبــعــد يـغـلـيـنـي بـلــيــا عـتــابـــي
ون حل في بعـض المجالـس تهـذري = اخيـر مـن بـعـض الجلـيـس الكتـابـــــي
ون خفت من بعـض المعاديـن غـدري = عـمـا يـريـب النـفـس صكـيـت بـابــي
ون حـرت بيـن الزيـن والشيـن مـدري= لقيـت عـنـد اهــل التـجـارب جـوابـي
ون كــان انــا زلـيـت قـدمـت عـــذري = ونوخـت عنـد اهــل المـكـارم ركـابـي

[عيد بن قيضي البلوي]

مراحل دراسه
اعطتنــي الدنيا مراحل دراســــه ؟؟؟

اعطتــني الدنيا مراحل دراسـه = شيئا على غيري وشيئا حصلّي
ومن لا يعقل الراي من لبّ راسه = لابد في بعض المواقف يزلّي
ودرب المراجل ماعليها حراسه = والـى تعنوها النشاما تهـلـّّي
والطيب من حيا سبقنا اقتباسه = ناخذ من اهل الطيب زين التحلّي
وعهدي بحزات الهنا والوناســه = يوم ان مايكتب خطاي ابسجلّـي
مع الذي زرعه على اول غراسه= تغـفر له اذنوبه وهو مايصلّـــــي
يوم ان قلبي مايهمه احساسـه = لافيـــه لا هما ولا فــيه غلّـــي
ولبست من زينة شبابي لباســه = وامضيت مده بالهواء والتسلّـي
واليوم ملبوسي تغير قياسه = والجسم مـن زود العنا مضمحلّي
العـبد ياضعـفه ويا قو باسه = احــيان مــن درب الخطر مايذلّــي
واحيان من رجواه ياقرب ياسه = واحيان من طول الامل ما يملّــي
العود يوم انه يقرب يباسه = تساقط اوراقه ولا فــيه ظـلّـــــي

وسلامتكم

[عيد بن قيضي البلوي]

هذه القصيده من ارشيف الماضي للتواصل معكم وفقكم الله

الحاجه اللـــــــي

الحاجه اللي داخل الصدر حكـت - ؟؟؟

الحاجـه اللـي داخـل الـصـدر حـكّـت = تسري مواجعها من الروح للـروح
ان كـان نفسـي مـن عناهـا تشكّـت = شكـواي للـي يعلـم الـسـر والـبـــوح
ون كان هالدنيا على القلـب ضكّـت = اليسر يتلى العسـر والصبرممـدوح
ون كــان بيـبـان المخالـيـق صـكّـت = باب الفرج من مالك الملك مفتـوح
ون كان شفـت النـاس للـراي ذكّـت = لا تشتـرك بالـراي والـراي مذبـوح
ون كـان دلـة صاحـب الكيـف فكّـت = للـنـار قدمـهـا الــى مـنـهـا اتـفــوح
ون كان نفسك في صفا الخلّ شكّت = يبيـن بالشـدات مــن فـيـه مصـلـوح
ون كـان جـت زلـة رفيـقـك ودكّــت = الاولــه والثـانـيـه قـــول مـسـمـوح
والـنـفــس ون زكـيـتـهـا مـاتـزكّــت = والهرج فيه ايقولو افتوح وانطـوح
وكان العرب في علم سـرك تحكّـت = اعلـم بـأن السـر مفضـوح مفضـوح
وبعد القضاء لـو كـان عينـاك بكّـت = مايرجع اللي فات من كثـرة النـوح

وسلامتكم

[عيد بن قيضي البلوي]

جوهرالصدق

جوهر الصدق ؟؟؟

ياللي تبا عن جوهر الصدق تدري=صدق الصديق وبعد حد الصداقه
اعلم ترا الشدات تخبرك بدري=وتعرف طيب العود عند احتراقه
راع الاصيل يجيك بالحال يجري= وراع الرديه تنثني عنك ساقه
والصاحب اللي ماعرف شان قدري= اخاصمه واقطع معه العلاقه
ان كان بالشدات ماشد ازري =وقت الرخا ماعاد لي فيه فاقه
واهل الوفاء لهم معزه بصدري = اللي يعشقون الجمايل عشاقه

[عيد بن قيضي البلوي]

اعتذر عن الغياب وذلك كان لظروف خاصه وارجو قبول عذي


الســــــؤال

الســـــــؤال
يـالالاله يـالالالا يالالاله يــالالال = يـالالاله يـالحوني تغنّلـي واطربــــي
اطربي يانفس لو كان في وحي الخيال = ورجعي ياذكريات الصبا في ملعبي
السوأل اللي جوابه تعذر واستحال = وين راحت راحة البال يومني صبـــي
يوم لاعرف الخفيفه ولا اعرف الثقال = الحمول ايشيلها عني امي وابــــــــي
وكلما اكبر غير الوقت بعد الحال حال = لين غير لون راسي ودقني وشنبي
الله اكبر يوم شدو على ظهور الرحـال = الحمـولات الثقيله جملها منكبـــــي
الحمول اللي من الخوف تأباها الجبال = شلتها والعون من عند ربي مطلبـي
كلما حطو على كاهلي من حمل شال = وكل ما مرت معاناه قلت الها اركبـي
وكلما حاولت تصفى مشاريب الزلاال = جالها طاري وطاري وعكرمشربي
والسعاده ياهل العرف ماهي جمع مال = السعاده طاعة الله في هدي النبـــــي

[عيد بن قيضي البلوي]

اسرفت في حبك
اسرفت في حبك وكثر احترامك 000
بالله يازين الوصايف علامـــك = ياهـل (ترا) وش غيرالحال يازين
ماهو سلامك (لي) ولاهو كلامك = الـود بين والجفا (له) عناويـــن
يازين انا (ما) اشك في طيب خامك = لكن طبعك ناقص العقل والدين
اسرفت في حبك وكثر احترامك = اسرفت وانا داري ان السرف شين
ولايغرك يوم امجد مقامك = عين الرضى يمكن تعكس الموازين
سرحت شوقي في مضارب غرامك = يومك تبادلني هيام المحبيـــن
من ديرتي وجهت ركبي لشامك = سلطان حبك صير الشام شاميــن
واذا اجتمع بالنفس (ميمك) و(لامك) = ترا الفراق اولى من انك تملين

[عيد بن قيضي البلوي]

قصيده في مدح عنزه احفاد وايل
يالله من فضلك طلبنا التساهيل=سهل لمن باسمك بيوته بداها

اتعب لها الافكار واسهر لها الليل=وابعد مسافة جودها عن رداها

انقا لها من جوهر القال والقيل=والجوهره ماكل شاعر لقاها

ونكان ماهي مثل كيف المعاميل=مااسوقها لقومن عزيزه الحاها

وحنا الى جونا الرجال المشاكيل=نفرح بجيتها ونوفي قراها

يامرحبا وانتم علينا مقابيل=ترحيبتن بالضيف طيب نباها

معطره بالعود والبن والهيل=والعنبر اللي غاليا مشتراها

وعندي حلاة الشعر مدح الرجاجيل=اللي من النوماس ربي عطاها

احفاد وايل تتعب الهجن والخيل=بالسيف تاخذ حقها من عداها

ماكنها الا الباسقات على النيل=الاصل ثابت والفروع بسماها

تطاولت هاماتهم نجمة اسهيل=ومع النجوم العاليه مستواها

احفاد وايل يالرجال الحلاحيل=مثل الجبال اللي يذري ذراها

اهل السيوف المرهفات المصاقيل=اللي تذود المخطيه عن حماها

اهل الكرم والجود ذباحة الحيل=وتشيل من حمل الخوي واقصراها

زمل الحمول اللي تشيل المثاقيل=اللي توثقها عليها عراها

توارثون المجد جيل بعد جيل=قومن تعدابه وقومن وراها

امجادكم ما اعدها بالتفاصيل=ولحدن من الشعار قبلي حصاها

في معركة ذي قار جبتم محاصيل=والمنذريه في حماكم رجاها

جتكم دخيله تشكي الظلم والويل=وانتم بعون الله رفعتم عناها

وحنابلي عاداتنا نوفي الكيل=بلي بلي واقولها واتباها

في قونا نارد الجم المناهيل=وتطلع بدود ادلينا في ملاها

وصلاة ربي عد وبل الهماليل=علي النبي ماهلت الغر ماها


الشاعر عيد بن قيضي الوابصي البلوي

[عيد بن قيضي البلوي]

السلام عليكم ورحمة الله وبركاته
اخواني واخواتي اعتذر عن الغياب وارجو قبول عذري
جزاكم الله خير
واقدم لكم هذه القصيده اتمنى ان تنال استحسانكم
شماريخ شار
آه مــن حـالـتـك بـالــود يـاقـلـب عـيــد = حالـة اللـي مشـى للقنـص بـاول نهـار

شرهته شرهت القناص في صيد صيد = والمشاريـه تصـغـر نــوب لـوهـي كـبـار

مثـل ماقيـل ماجـت لـه عـلـى مايـريـد = استـدارت ظروفـه فيـه عكـس المسـار

رده اليـأس عـن صيـده والامـر الشديـد = يـوم شافـه تقلـع فـي شمـاريـخ شــار

لاتـهـيـت لـــه الـراحــه ولاجـــاب فـيــد = واعـتـذر مـيـر ماحـصـل قـبـول اعـتــذار

اتهـيـض واسـلـي خـاطــري بالقـصـيـد = والحـقـيـقـه جـلـيــه لاعـلـيـهـا غــبـــار

الصـراحـه لـيـا مـنـي ذكـــرت المـفـيـد = دافــع الــود قـــرب سـاعــة الاحـتـظـار

وارجــع اقــول شيـطـان الـمـوده مـريـد = نــوب يلـعـب بقلـبـي دور لاعــب قـمــار

للمعلوميه
شار اسم جبل كبير بشمال المملكه

[عيد بن قيضي البلوي]

وجهة نظر
سلام يا الشعار من دون تحديد=ردة وفا للراس فنجال دله

ثم اسمعوا يالرّبع وجهة نظر عيد=ايجاز فهم الشعر دقه وجلله

الشعر في عرفي كما شرّد الصيد=والشاعر القنّاص والرازق الله

كلا ليا منه مشى وده الفيد=والناس بالجزله طمعها جبلّه

رامي يركّز بالهدف حيل ويصيد=و رامي غشيم ويمكن ايصيد زله

وترى الحكيم يوكّد العلم تاكيد=يصخّر المعنى لنا في محله

واللي يعيد بعارض الهرج ويزيد=حطاب ليل وكل عودٍ يشله
وسلامتكم
عيد قيضي البلوي

[عيد بن قيضي البلوي]

الله يمسيكم بالخير
واعتذرعن الغياب يالنشامى ارجو قبول عذري وفقكم الله
وكل عام وانتم بخير

الملك للمالك
*************************
الملك للمالك
إن ضاقت فجوج بالك يالله الخيره = ياضيقة البال فال الله ولافالك
وان ضاق فيك الوساع الله ولاغيره = لله ولا فزعه تطري على بالك
خلك مع الله بتهليله وتكبيره = وأستغفره وبتهل له يقبل أعمالك
حتى ولو شفت مايدعو الى الحيره = خلك بحالك وخل الملك للمالك
الناس في حكمة المولى وتدبيره = ماتشتري حكم التدبير بريالك
وعن حاجة الناس نفسك خلها أميره = حتى ولو أنها حاجه من عيالك
ومن العطايا يغث البال تأثيره = لاتلحق المن مامديت من مالك
واللي يبا المدح يتعب له مظاهيره = يقولو العارفين افعل ويحكالك
والجود وده عن الذرعان تشميره = غنايم الجود من عمك ومن خالك
واللي يقدرك من واجبك تقديره = ولاتقدر اللي تشوفه طاوي اعزالك
وكلن تواريه من منهاج تفكيره = ولاكل من يسمعك يطرب الموالك
وياكم فاهم وتعمي ضوه الغيره = وده من اللي بصدره يقطع ارسالك
واللي ندم واعتذر تقبل معاذيره = العفو والصفح من شيمتك ومثالك
الجرح يبرى الي كررت تطهيره = ويمكن يزيد المرض نتيجة اهمالك
قلته وأنا معترف في كل تقصيره = لكن أحاسيس نفسي بينت ذلك

[عيد بن قيضي البلوي]

عبدالكريم اوصيك تكفا يولدي
عبدالكريم اوصيك تكفا يولدي=اعزم على كسب العلوم الطايله

مصافح الجوادات بالكف الندي=اخير من كف البخيل الحايله

الجود يرقى في مقامك للجدي=واللّا مقامات الردا متهايله

لا تنتخي وقت اللوازم بالردي=لا تنتظر جيت مطر مخايله


اماالخيار ايجك بالحال يعدي=إلـى نخيتـه وللّـعت فتايلـه

أخذ القرار وصد سيف المعتدي=لا ترحم العايل وراع العايله

والناس بين المنحرف والمهتدي=كلن لعينك تكشفه فعايلـه

ولا يغرك بأكثر الناس البدي=بعض العرب له وصف ماني قايله

الشاعر عيد قيضي البلوي

[عيد بن قيضي البلوي]

صورة فاخرة
الهاجس اللي كلما اشتد الخصام=بيني وبينه دخّـنت مباخـره

دايم معودني يجيب افكار خام=فكره يصورها بصوره فاخره

لكن هالليله عدامٍ في عدام=ينظر لهالدنيا بنظره ساخره

اسلافنا قالوا على الدنيا السلام=وحنا وراهم فوق متن الباخره

هذي هي الدنيا ممر الى الامام=جسر العبور الى مقام الاخره

اللي بها يفنى ولله الدوام=والعظم تسعر فيه سوسه ناخره

لَـكـنْ الله الله بالصلاه وبالصيام=اعمل على شان الحياه الزاخره

البِر والإحسان وإطعام الطعام=نعم الزّهاب اللي لجوعك ذاخره

واللي تحرى للمفيد من الكلام=هـذا المفيد من اوله لين آخـره

الشاعر عيد قيضي البلوي

[عيد بن قيضي البلوي]

المتاع
الأيام تجري والعمل بالقلم مكتوب = عسى الله يزين ماكتب في صحايفنا
مضى العمر وحنا كل ساعه نقول انتوب = نحوف ( المتاع ) وداعي الموت حايفنا
على الله عوضنا فيك ياوضعنا المقلوب =نبي الخير وحنا لاسعينا ولا طفنا
لهونا مع اللاهين وحسابنا محسوب = وسعينا ورا طرد السراب وتكلفنا
نشوف العبر بالناس من كل حدب وصوب = ونسمع وكنا ماسمعنا ولا شفنا
نعرج على عيوب الخلايق وفينا عيوب = الى جاء مجال الذم بالناس كيفنا
الا ياكريم الوجه يالله يالمطلوب = طلبناك توبه قبل ما اعمارنا تفنا


الشاعر / عيد بن قيضي البلوي

[عيد بن قيضي البلوي]

http://nshama-shmr.net/kleeja/do.php?img=151

[عيد بن قيضي البلوي]

http://nshama-shmr.net/kleeja/do.php?img=156

[عيد بن قيضي البلوي]

سقت الاصايل
سقت الاصايل مع اهل الشعر وبكاري منقاه = احط وسمي على اللي قبلنا ماحد وسمها
اتعب على الجزل واللي مايجملني بلياه =يهمني مبتداها واجتهد لين اختتمها
اجيبها صافيه للي تلقاها مصفاه =واللي علمها يعديها على اللي ماعلمها
هني من يأخذ الدنيا سهاله لامبالاه = لوكان فالبال حاجه من عنا الدنيا كتمها
صحيح مافيه راحة بال في دنيا المعاناه = غايه وكلن تمناها لكن مالله قسمها
تمد بعض التماني مع ممد مقيط ورشاه = الليل ( بنايها ) والصبح هدام ايهدمها
هذي ظروف الزمان انوعها للناس ماذاه = ياليتها بالمقابل تحترم من يحترمها
لوانك تأملت في دنيا العنا مأساه مأساه = اللي نسلم لها واللي بعدها نستلمها
أيامنا والليالي علمتنا درس معناه = ارواحنا فانيه والعمر فرصه نغتنمها
اللي فهم درسها يمكن يحصل درب منجاه = اما خطرها حسب ظني على اللي ما فهمها
اللي تولت تشح بكل شي النفس تبغاه =والى اكرمت ماشبع ذيب المفالي من كرمها
ياكثر الاحداث والعاقل يداريها مداراه = ترمي علينا بلاويها وحنا نقتسمها
الحول لله والقوه وكل الامر لله = والحال ماحد رحمها كان ربي مارحمها

الشاعر عيد قيضي البلوي

[عيد بن قيضي البلوي]

https://mrkzgulfup.com/uploads/15867812364141.jpg

[عيد بن قيضي البلوي]

المدح
المدح
الــمدح كانك يافـتى الجـود تــبغـاه =اعزم ترا دون المـعالي كـلوفـــه

تـبرك مباريك الجمل ما تقول اه =وتشيل مثل الي تشيله كـتوفــــه

درب المعالي صعب ياعـسر مرقاه=ون مارقيته منت عارف صنوفـــه

الرجل بالشــدات تعرف سجـــــاياه =إلى بغى المرقاب لازم ينوفـــه

رجلا هدف نفـــسه عــلى قد ماطاه=ورجلا هدف نفسه على مد شوفه

ورجلا قوى الباس عــند الـــمعاناه =ورجلا ردي الباس كلن يطوفــه

والعبد دام انــــــه توكل على الــلــه =يلحق هواه إن ساعدنه سعوفــه

الـــى مشا حســن النوايا مطـــاياه =ون زانت النـيه تسهل ظروفـــه

والكاظمن غيظه عــــلى الناس مبداه =والـعفو عند المقدره من اوصوفه

والصبر تحــمد بــعد الازمات عقباه =كل الخساير من وراه امخلوفـه

والزرع لنه طاب طــــيبه من ذراه =ازرع عزيز الورد وقطف قطوفه

وبعض العرب في ساحة الجود تلقاه =اما يـــسوي جود ولا يحوفــــــه

اللي سلاحــه مــن حزا مه ليـــمنا ه =ينـحر ذلوله لجل يكرم ضيوفـــه

ولا كما عـــد الرها مانـقــص ماه =ولو عليه الورد تـكثر صفوفـــــه

أنجيـت له يعـجــبك نـباه وقـــــراه =مــاله حلال وينــفقنه كفوفـــــــه


ان جا عقاب الليل يحـــــيي مصلاه =نفسه على الطاعه دؤبن ولوفـــه

يقوم ليـلــه فـــــي مـــناجات مولاه =نفسه رجاويه ونوبا خيوفـــــه

وبعض العرب عنـــــد الملاقا تمناه =فعايله عـند اللزوم امعروفـــــه

وبعض العرب عــيـنك تمنا حلاياه =ترتاح له نفســك وتبغا تشوفـــه

وبعض العرب يالـيت بالشوف تقواه =لوهو قـمر عيــنك تمنا كــسوفــــه

ون غاب ودك مدة امـقيـط ورشاه =مالك على فرقا خياله حسوفــــه

الشاعر عيد قيضي البلوي

[عيد بن قيضي البلوي]

الحكمه
الحكمه
اللي على بدع القوافي حداني=الحكمه اللي كل شاعر نشدها

ان صبت منها ربي اللي هـداني=ابصم عليها بصمتي واعتمدها

وسوق الغلا مافيه غير السماني=والغاليه بالسوق ناخذ بيدها

يللي تعد العشر مني ثمانـي=الكامله وشلون ينقص عددها

انا اللي ادراء عنك زلة الساني=والا تجيك العايله في جهدها

اخاف بالميدان كبوة حصانـي=واللي تجي من بعدها امر وادها

عما يعيب النفس عزيت شاني=على المثل من عز نفسه وجدها

والناس بين ثنين هادم وباني=كلن على نياته اللي عقدها

احدٍ يسولف في نفايل فلانـي=واحدٍ ولو سمع النفايل جحدها

والطيب لهل الطيب زارع وجاني=واهل الحسد تجني فوايد حسدها

الشاعر عيد قيضي البلوي

[عيد بن قيضي البلوي]

الأوله
الأوله
الاولـه للوالدين الحشامـي=لهم معزه ماهي الباقي الناس

دايم هم اللي في محل اهتمامي=مرضاتهم للي بغا الزود نوماس

واخوي في عسر المواقف حزامي=اخوي وابني غير عن كل الاجناس

اما ولد عمي لصدري وسامي=والا على قول العرب تاج للراس

وايضا الصديق اللي عليه الكلامي=اقدره واقف مـعه حـزة الباس

والجار له واجب وقدر اومقامي=بالنفس عما يوذي الجار هوجاس

ومقام ربعي في سماء العز سامي=مقامهم عندي مشيد على ساس

وباقي العرب في خانة الاحترامي=كل واحدٍ له بالمقامات مقـياس

هذي مفاهيمي وهذا نظامـي=والناس كلن له مفاهيم واقياس

الشاعر عيد قيضي البلوي

[عيد بن قيضي البلوي]

ياهاجسي وين انت
ياهاجسي وين انت لك وقت غايب=وين انت عني ياخويي تغيبت

اول تواصلني وصال القرايب=واليوم جياتك من السبت للسبت

ايام انا وياك كنا حبايب =كنا على وضح النقاء نسقي النبت

او ضاعنا مابين مخطي وصايب=لافرق بحساباتنا يوم حسبت

ناخذ من ظروف الليالي غلايب=ونحطها عن شامت الناس بالكبت

نحث لهل الطيب عوص النجايب=في ذكرهم ياما تهيضت واسهبت

الطيب لهل الطيب ياتي وهايب=انجيتهم لو منت منهم تطيبت

ياهاجسي غايب بليا سبايب=وانا لمنك حيتني فيك رحبت

ليكون شاملنا نظام الضرايب=وانت عن رسوم الضرايب تهربت

اليوم انا واياك شايب وشايب=سمحت ذنبك لونك اذنبت واذنبت

عشنا وشفنا في زمان الغرايب=اما تعولم فيه والا تغربت

[عيد بن قيضي البلوي]

انتهازي
انتهازي
النفس عن طرد الصغيرات تأبا=ترقى بها همّـة نفوس العـزازي

ياما تغافلنا وقمنا إنتغابـا=وياما عقلناها بصدر الحجازي

احـيان نتركها حيا واحتسابا=واحيان نكبر عن مخازا المخازي

والسمع عن لجّـات ودا وجابا=تقدر تقول إنه يكون انحيازي

واللي يحسّب للخطاء والصوابا=ماهو لغرات الرفيق انتهازي

وللي على عيوب الاوادم تصابا=يحذر ترا شباك داره قـزازي

الشاعر عيد قيضي البلوي

[عيد بن قيضي البلوي]

طول الامل
طول الامل
طول الامل يستفز النفس للمستحيل=لـولاي يـوم إيتعـدا للحـدود انهمـه

يمد حبل الاماني بالمجال الطويل=والنفس تتبع مجاله وين مايممه

يانفسي اللي بها الدنيا تحط وتشيل=كما يقول المثل ماكل بيضا شحمه

العبد حاله كما النايم على درب سيل=مايدري عن المنايا هي متى تدهمـه

لو كان قام ايتجمل بالكلام الجميل=شكله كما الراعي اللي راح نص غنمـه

يا كبرها كان ضل عن الطريق الدليل=يطمع بعود الاراك وجاب عود سلمـه

والعلم كله قلـم كاتب وميزان كيـل=من يجهل العلم ماهو مثل من يفهمه

ياربي اني دخيلك ياملاذ الدخيل=انت الكريم الحليم وراعي المكرمه

راع الذنوب الكثيره والزهاب القليل=ان ما رحم حاله الرحمن من يرحمه

والادمي من خلقه الله ناكر جميـل=والفضل لله بأ نفاسه ومجرى دمـه

الله عظيم المكارم والوكيل الكفيل=وانا رجاوي وطامع في عظيم كرمه

اطلبك يارب تهديني سواء السبيـل=انت ارحم الراحمين وراعي المرحمه

يارب كلي ظماء للحوض والسلسبيل=والنفس في حب قرطوع الروى ملهمه

النفس تطمع وهي بالعون مامن حصيل=ما عندها مـن حصيل إلا انها مسلمـهالشاعر عيد قيضي البلوي

[عيد بن قيضي البلوي]

http://n-shmr.com/kleeja/do.php?img=203

[عيد بن قيضي البلوي]

النفس عن طرد الصغيرات تأبا
النفس عن طرد الصغيرات تأبا=ترقى بها همّـة نفوس العـزازي

ياما تغافلنا وقمنا إنتغابـا=وياما عقلناها بصدر الحجازي

احـيان نتركها حيا واحتسابا=واحيان نكبر عن مخازا المخازي

والسمع عن لجّـات وَدَّا وجابا=تقدر تقول إنه يكون انحيازي

واللي يحسّب للخطاء والصوابا=ماهو لغرات الرفيق انتهازي

واللي على عيوب العباد ايتصابا=يحذر ترا شباك داره قـزازي

فديو هنا :shm :
https://www.youtube.com/watch?v=mPLTbdRQhgI

عيد بن قيضي البلوي

[عيد بن قيضي البلوي]

http://n-shmr.com/kleeja/do.php?img=207

[عيد بن قيضي البلوي]

https://up6.cc/2024/01/170637790327511.jpg