المساعد الشخصي الرقمي

مشاهدة النسخة كاملة : قيود الاصيل

سليمان بن جبيل
20-10-2013, 12:55
اسعد الله مساكم ومن العايدين وكل عام وجميع رواد هذا الصرح المتئلق بالف خير وعافيه
هذه من الارشيف قصيده موجهه لابن العم محمد ابن سالم الميهوبي وهي تعبر عن نفسها



مهما نسج اقدامنا للمشاوير=ونقول لقيود الاصيل انطلاقه
ونقول للخاطر لعل وعسى خير=وياسلوة الخاطر غديتي شفاقه
نرجيك رجوى المذهبين المداوير=للهيملان اللي قليلاً وفاقه
القلب كنه يابن سالم علف طير=يمزع منه طير الوحش عقب فاقه
واعول واجاوب جروعة رايم الضير=هرجوف بواً في ظهرها وساقه
لو الجروح جروح عشق الغنادير=كان العوض في باقة الورد باقه
وتبقى الطيور بريش جنحانها تطير=والادمي يمشي على عضم ساقه
لكن سنيناً مقتفي صبحها عصير=وهاجوس تال الليل ضيق خناقه
شهب الدهور مثلمات البواتير=اومت بنا اوماي الهوى بالعلاقه
ان اقبلت هانت عليك التدابير=وان ادبرت شان البعير ومساقه
وش جرة الفزعه على سالم الزير=حرب اربعين من العمر لجل ناقه
هاذي من الاحداث من غير من غير=يمكن تجيك من الفهيم اصطفاقه
ان قلت عوجا جاب تسعين تبرير=لكن تعرف مهايطته ونفاقه
وان زلت الاقدام قالو مقادير=وان اقتدو قالو سلوب ولباقه
لاشك مثلك يازبون المخاسير=ينسج من اخيوط الحرير الرقاقه
لنك فهيم وجاك بالوضع تقرير=عجل فدوك مفرقين الرفاقه
عجل ترا ماعاد به سر في بير=شالو غطاه وزودو فيه طاقه
تقبلو فائق احترامي
الجرح
20-10-2013, 01:10
الله يجعل كل ايامك فرح واعياد
واشهد بالله انك هالمره غير ياجزل المعنى
سندت على شاعر من الطراز النادر
يافديتك ويافديت اكالدماغ
شاطي مجول الخليل
20-10-2013, 01:24
عيدك مبارك


وكل عام ونت بخير


مليون صح لسانك بيض الله وجهك امتعتنا اجزلت المعنا..يابن جبيل وهذه عادتك..


اسجل اعجابي بهذه الدره


وهذه حبه على خشمك...وتحيه لمن اسندت عليه..


دمت
برجس
20-10-2013, 11:37
الشاعر الجزل سليمان بن جبيل
صح لسانك الف
تقبل مروري
مشعل عسام التريباني
20-10-2013, 11:56
هاذي من الاحداث من غير من غير= يمكـن تجيـك مـن الفهـيـم اصطفـاقـه
ان قلـت عوجـا جـاب تسعيـن تبـريـر= لـكــن تــعــرف مهـايـطـتـه ونـفـاقــه
سليمان بن جبيل
عيدك مبارك وكل عام وانت ومن تحب ومن يحبك بافالف
خير وعافيه صح لسانك مليارات بل ترليونات هكذا يكون الشعر
لافظ فوك ياسليمان وياكثرهم مثل هاولا الاشكال اللي يفرق بين الرفاقه
سليمان بن جبيل
20-10-2013, 03:49
الله يجعل كل ايامك فرح واعياد
واشهد بالله انك هالمره غير ياجزل المعنى
سندت على شاعر من الطراز
يافديتك ويافديت اكالدماغ

ههههههههههههههههههههههههههه
يسلم لي دماغك اللي تحت شماغك ياعساني ماعدمك يابوعبد العزيز
شـهـادتـك غـالـيــه بالـحـيــل *** رفـيـعــةً في منازلها
من ساس شمر حمول الخيل *** مادوجو في مهازلها

اجمل تحية بلوي
المشرف العام
20-10-2013, 04:10
عيدك سعيد ومبارك شاعرنا القدير سليمان بن جبيل
ابو يوسف
صح لسانك مدد بلا عدد
خالص التحايا لسمو شخصك النبيل
غالب الشلاقي
20-10-2013, 09:57
الشاعر الجزل سليمان بن جبيل

صح لسانك وعلا شانك

لاهنت
محمد الذرفي
20-10-2013, 10:15
الله الله الله

ياهلا والله بالشعر الممتع والشاعر المبدع

ابو يوسف بيض الله وجهك على ماقدمت من ابداع يفوق الوصف

صح بوحك وطابت روحك ابدعت وامتعت بحق لله درك

وكل عام وانت ومن تحب بخير وسلامة

لك اجل واطيب التحايا
الضاميه
21-10-2013, 02:49
مبدع الى ماله نهاية يالذيب
صح لسانك مددآ
بريق الماااس
21-10-2013, 03:36
سليمآن بن جبيل / عيدكـ مبآرك وكل عآم وأنت بخير
أبدعت ، شآعري
التيح
21-10-2013, 06:35
صح لسانك ملايين ولا يكفون يابعد حيي
سليمان بن جبيل
21-10-2013, 07:53
عيدك مبارك


وكل عام ونت بخير


مليون صح لسانك بيض الله وجهك امتعتنا اجزلت المعنا..يابن جبيل وهذه عادتك..


اسجل اعجابي بهذه الدره


وهذه حبه على خشمك...وتحيه لمن اسندت عليه..


دمت

هلا فيك يا شاطي هلا فيك ياكحيلان****لك الله مقامك من علووه الى علوه
لك الهيل والمسمار مع زعفران ايران****وابا احب خشم الطيب واقول له قوه

اخوي الغالي شاعر الضياغم القدير /شاطي مجول الخليل لاعدمتك ولاعدمت الطيبين مثلك
تواجدك بذاته هو حبة خشم اخوك مرورك هوقمة تفاخري يابعدي كلي
وكل عام وانت بخير
سليمان بن جبيل
21-10-2013, 07:59
الشاعر الجزل سليمان بن جبيل
صح لسانك الف
تقبل مروري


اخوي برجس /مرحبابك والف هلا صح بدنك ياغالي والله لايهينك ويرفع مقامك
مرورك شرف لخوك لاعدمتك وكل عام وانت بالف خير
سليمان بن جبيل
21-10-2013, 08:10
هاذي من الاحداث من غير من غير= يمكـن تجيـك مـن الفهـيـم اصطفـاقـه
ان قلـت عوجـا جـاب تسعيـن تبـريـر= لـكــن تــعــرف مهـايـطـتـه ونـفـاقــه
سليمان بن جبيل
عيدك مبارك وكل عام وانت ومن تحب ومن يحبك بافالف
خير وعافيه صح لسانك مليارات بل ترليونات هكذا يكون الشعر
لافظ فوك ياسليمان وياكثرهم مثل هاولا الاشكال اللي يفرق بين الرفاقه


هلا بالعميد اللي نحبه بدون شكوك****هلا فيك ترحيب المطر عند طلابه
عسى رحمة الرحمن تغشى عظام ابوك****وعسى نو هملول المطر يسقي ترابه

الغالي مشعل التريباني كل عام وانت بخير ياوجه الخير وصحت ابدانك واعتلى شانك
شرفني مرورك الغالي ياغالي
سليمان بن جبيل
21-10-2013, 08:23
عيدك سعيد ومبارك شاعرنا القدير سليمان بن جبيل
ابو يوسف
صح لسانك مدد بلا عدد
خالص التحايا لسمو شخصك النبيل

هلا بالمقام اللي له بخاطري جوله****اعزه واشيم جانبه واتفاخر فيه
من اللابه اللي تثني الساق للطوله****شغاميم شمر لانتخا الشبل ببناخيه

ابوغازي كل عام وانت بخير وسعاده هلافيك وبتواجدك الدائم والعذر من قصورنا
ترانا شايفينه بالعين ولكن عسى قصورنا عند من يستر علينا -- والشاعر يقول

ترديت لاكني ترديت في رجال **** الى طبت عللم وان ترديت ماعللم
تحياتي يابوغازي
سليمان بن جبيل
21-10-2013, 08:37
الشاعر الجزل سليمان بن جبيل

صح لسانك وعلا شانك

لاهنت

هلافيك يابرقاً علينا شعاعه ضاح****هلا بغالب اللي له منازل هل الطوله
من اللابه اللي ينقلون الخوي ياطاح****شلاقيةً ياذاكر الطيب وفعوله

اخوي غالب الشلاقي عيدك مبارك وكل عام وانت بخير وسلامه
وصح بدنك وسلم غاليك ورحم الله والديك شرفتني بمرورك
سليمان بن جبيل
21-10-2013, 08:53
الله الله الله

ياهلا والله بالشعر الممتع والشاعر المبدع

ابو يوسف بيض الله وجهك على ماقدمت من ابداع يفوق الوصف

صح بوحك وطابت روحك ابدعت وامتعت بحق لله درك

وكل عام وانت ومن تحب بخير وسلامة

لك اجل واطيب التحايا

هلا بالطنايا كاسبين الثنى والطيب****وتحية هل الحيزاء على محمد الذرفي
لبيباً فهيماً مايسوق الخطا للعيب****من اللابه اللي تجمع الطيب والعرفي

الغالي محمد الذرفي/من العايدين الفايزين وكل عام وانت بالف اخير
وصحت ابدانك والله لايهينك يابو سند وانت كلك سند الله لايحرمني منك ومن وجودك
كلي شرف بوجود راس الشرف لاعدمتك
سليمان بن جبيل
21-10-2013, 09:11
مبدع الى ماله نهاية يالذيب
صح لسانك مددآ

هلافيك يابنت الطنايا عزاز القوم****شغاميم شمر لانتخو دون لازمهم
وانا شايفن ذكر الحقايق قبل كم يوم****وانا دايم اهل الصايبه ماتجاهلهم

عزيزتي واختي اميرة الحرف كل عام وانتي طيبه وبالف خير وصح بدنك
وماذكرته هو رداً على ردودك على قصيدة الشاعر عيد ابن قيضي فتلك العباره
التي ذكرتيها حقيقه قله من الشعار يحب ذكرها وهاذي شجاعة الشاعر وعدم
انانيته فهي صفه من صفات شاعرتنا الضاميه فشكراً لك على ثنائك
لاعدمت تواجدك ومرورك العطر
سليمان بن جبيل
21-10-2013, 09:40
سليمآن بن جبيل / عيدكـ مبآرك وكل عآم وأنت بخير
أبدعت ، شآعري

هلافيك يابنت المطنخ اعزاز الساس****هل الخيل يوم الخيل تحفا حوافرها
سلايل تميم الى ذكرنا بريق الماااس****صحابة رسول الله ائمة منابرها

اختنا الغاليه وكاتبتنا الانيقه الاخت/بريق الماااس كل عام وانتي باتم الصحه والرفاهيه
والله لايهينك وصح بدنك اختي واشكرك شكراً يليق في مقام كاتبتنا الانيقه بريق المااااس
على جميل ثنائك الدائم لاعدمتك ولاعدمت تواجدك العطر
سليمان بن جبيل
21-10-2013, 09:46
صح لسانك ملايين ولا يكفون يابعد حيي


هلا فيك اخوي الغالي صحت ابدانك واعتلى شانك ورحم الله والديك لاعدمتك
وانت ومرورك العوض بالملايين كلها تواجدك بمتصفحي غالي وكلمة يابعد
حيي لها وزن خاص بنفسي فلك من الشكر مايليق بمقامك الرفيع يابعد حيي
مرورك شرف
عويد السلماني
22-10-2013, 10:10
الشاعر سليمان جبيل
شاعر الجزالة والحكمة
صح السانك وسلم بنانك
وشكرالك
سليمان بن جبيل
23-10-2013, 05:10
الشاعر سليمان جبيل
شاعر الجزالة والحكمة
صح السانك وسلم بنانك
وشكرالك


الاخو عويد السلماني هلابك والف مرحبا شاعر وقدير ولك مكانتك
والله لايهينك اخوي الغالي والجزاله لاتقدم الا لاصحاب المفهوم الراقي
شرواكم اخوي صحت ابدانك واعتلى شانك ورفع الله مقدارك
شرفتني شرفك مولاك ولاهنت
ثامرعقيل الدعسان
23-10-2013, 09:35
لاشك مثلك يازبـون المخاسيـر=ينسج من اخيوط الحرير الرقاقـه
لنك فهيم وجاك بالوضـع تقريـر=عجل فـدوك مفرقيـن الرفاقـه
عجل ترا ماعاد به سـر فـي بيـر=شالو غطـاه وزودو فيـه طاقـه
سليمان بن جبيل صح لسانك حتى ترضا
قصيده جزله من شاعرجزل والقصيده من اول بيت
الى اخربيت جزله جداً جداً تقبل مروري واحترامي
نهير النمش
23-10-2013, 10:25
الله الله

ابداع منقطع النظير لله درك يابن جبيل اشهد انك شاعر
ماشاء الله جزاله وسلاسه وجمال مفرده وحرفنه فاخره
اسندت على شاعر كفو وزود الف صح لسانك وطاب فالك

تقبل كل التحايا
مطلق البخيتان
23-10-2013, 11:05
اسعد الله مساكم ومن العايدين وكل عام وجميع رواد هذا الصرح المتئلق بالف خير وعافيه
هذه من الارشيف قصيده موجهه لابن العم محمد ابن سالم الميهوبي وهي تعبر عن نفسها



مهما نسج اقدامنا للمشاوير=ونقول لقيود الاصيل انطلاقه
ونقول للخاطر لعل وعسى خير=وياسلوة الخاطر غديتي شفاقه
نرجيك رجوى المذهبين المداوير=للهيملان اللي قليلاً وفاقه
القلب كنه يابن سالم علف طير=يمزع منه طير الوحش عقب فاقه
واعول واجاوب جروعة رايم الضير=هرجوف بواً في ظهرها وساقه
لو الجروح جروح عشق الغنادير=كان العوض في باقة الورد باقه
وتبقى الطيور بريش جنحانها تطير=والادمي يمشي على عضم ساقه
لكن سنيناً مقتفي صبحها عصير=وهاجوس تال الليل ضيق خناقه
شهب الدهور مثلمات البواتير=اومت بنا اوماي الهوى بالعلاقه
ان اقبلت هانت عليك التدابير=وان ادبرت شان البعير ومساقه
وش جرة الفزعه على سالم الزير=حرب اربعين من العمر لجل ناقه
هاذي من الاحداث من غير من غير=يمكن تجيك من الفهيم اصطفاقه
ان قلت عوجا جاب تسعين تبرير=لكن تعرف مهايطته ونفاقه
وان زلت الاقدام قالو مقادير=وان اقتدو قالو سلوب ولباقه
لاشك مثلك يازبون المخاسير=ينسج من اخيوط الحرير الرقاقه
لنك فهيم وجاك بالوضع تقرير=عجل فدوك مفرقين الرفاقه
عجل ترا ماعاد به سر في بير=شالو غطاه وزودو فيه طاقه
تقبلو فائق احترامي

شاعر الحكم والأصالة والابداع

سليمان البلوي

أنت مكتبة مرجعية للأدب بكل مجالاته

معدنك ذهبي لايصدأ ولايسمح لعوامل التعرية بالنيل منه

لك من التحايا أجزلها

ومن الود ماتود

ومن العايدين سنين وسنين بصحة وعافية
سليمان بن جبيل
24-10-2013, 01:06
لاشك مثلك يازبـون المخاسيـر=ينسج من اخيوط الحرير الرقاقـه
لنك فهيم وجاك بالوضـع تقريـر=عجل فـدوك مفرقيـن الرفاقـه
عجل ترا ماعاد به سـر فـي بيـر=شالو غطـاه وزودو فيـه طاقـه
سليمان بن جبيل صح لسانك حتى ترضا
قصيده جزله من شاعرجزل والقصيده من اول بيت
الى اخربيت جزله جداً جداً تقبل مروري واحترامي


هلا فيك يانسل الطنايا عريب الخال **** هلا بثامر اللي ماتناسيت مقداره
سلايل هل الطولات ومنزهين الجال **** عن الخاملات وكل رجماً وسباره

حياك الله اخوي ثامر والله لايهينك ويجزاك عنا كل خير
وصحت ابدانك واعتلى شانك والجزاله هذا محلها وانتم اهلها
شرفني مرورك اخوي ثامر
سليمان بن جبيل
24-10-2013, 01:21
الله الله

ابداع منقطع النظير لله درك يابن جبيل اشهد انك شاعر
ماشاء الله جزاله وسلاسه وجمال مفرده وحرفنه فاخره
اسندت على شاعر كفو وزود الف صح لسانك وطاب فالك

تقبل كل التحايا


هلا فيك يا نهير عدد وابل الهمال **** تبارق مقاديمه وتمطر مواخيره
هلا بالوفا وابن الوفا والثقال ثقال **** وانا اقول ماللمضرم الا مباهيره

هلابك شاعر وقدير واخ عزيز هلا باخوي نهير النمش والله لايهينك
ويرفع مقامك وانا لا احصد ثمار ابداعي الا عند الطيبين امثالكم
اشكرك اخوي شكر يليق بمقامك الرفيع لاعدمتك ولاعدمت تواجدك المميز
شاكر لك اخوي شاكر لك جميل مرورك
سليمان بن جبيل
24-10-2013, 01:36
شاعر الحكم والأصالة والابداع

سليمان البلوي

أنت مكتبة مرجعية للأدب بكل مجالاته

معدنك ذهبي لايصدأ ولايسمح لعوامل التعرية بالنيل منه

لك من التحايا أجزلها

ومن الود ماتود

ومن العايدين سنين وسنين بصحة وعافية

هلا فيك يانسلاً علي الحرام انه **** هو العز والنوماس والفخر والهيبه
اجلال المكارم لاحضرجن لهن حنه **** مطانيخ شمر مثل مطلق تماريبه

هلا بالغالي هلا بالغايب الحاضروالحمدلله ع السلامه ومن العايدين وكل سنه
وانت بالف الف خير والله لايهينك يابعد راس اخوك سليمان وصح بدنك والمعدن اللي مايصدي
ابشرك انك تاجده بكل شمري يابعد راسي انت والله الله لايهينك يامطلق قلت لك انك تعجزني
بشويش علي تراني بدوي ويخونني التعبير وفي هالحاله ماقول الا وفقك رب العالمين
ورحم الله الثنين اللي خلفوك رحمةً واسعه
شرفتني كلي
ناصر الصراع
25-10-2013, 10:01
سليمان بن جبيل

تعابير عذبه بارك الله فيك -
سليمان بن جبيل
25-10-2013, 03:05
سليمان بن جبيل

تعابير عذبه بارك الله فيك -


عسى الله يحيي ساعةً جابت ابن الجود **** لنا من بعد مرت سنه مابعد شفته
هلا فيك ترحيبة مزون المطر والنود **** هل الطوله اللي مرقب العز مشرفته

هلا بخوي الغالي الشاعر المتمكن ناصر الصراع زاد متصفحي شرف وزادني تواجدك
وقار واجمل العذوبه هو تواجدك اخي العزيز ياهلا
عيد بن قيضي البلوي
29-10-2013, 06:53
اخي العزيز الشاعر العلم سليمان الجبيل
امير المفرده حكيم الجمله
كل بيت من هذه القصيده يحتاج الى شرح مطول لمافيه
من الصور الشعريه البليغه

الله اكبر يابو يوسف كل قصيده من قصادك اجد فيها اصالة الشعر
دمت على هذا الشموخ ياتاج راسي
تقبل اجمل تحيه وحبة خشم من اخوك ابو كرم
سليمان بن جبيل
29-10-2013, 08:20
هلا فيك ياتاج الوفا ياعزيز القوم **** من اقصى مشارق شمسها لامغاربها
هلا بالعزيز الشامخ الطيب المحشوم **** عزيزاً يجيب الطيبه منتغاربها

هلا والف هلا بابو كرم تراحيب المطروالله لايهينك ويرحم والديك ولاعليك زود
وانت معلم شعر وراعي هاجس والمفردات تجي لك طوع ياعيد ماهي قصيدات
لا والله الا شاعر ومتمكن الله لايضرك
تحياتي لك يابن العم وبياض وجه