ديوان الشاعر / فلاح السعد

[فلاح السعد]

نبي نضرب من المزّه





بالخمس ياالله نبي نضرب من المـزه=ليه الغثا؟ دام ماهو غصب وجباري؟؟!
مادامنا ذيـك وتـدّور رضـا خـززه=غنوا معي هيه ياالله. إسر ياسـاري
صـدام مشنـوق والغـادر ابوجـزه=يادبلـة الكبـد يابخلـك يالاقـداري
ياضيـم خليـت ذيبـه تشنقـه وزه=اضحك معي يازمن من هول ماصاري
لكـن وربـي حبـل صـدام ماهـزه=تشّهـد. وذكّـر الأمـه بالاسفـاري
بقى مثل ماانعرف شامخ ولـه عـزه=حتى بطريقه لدرب المشنقه ضـاري
ياشهم رزه وعنـد المـوت لـه رزه= ماأرتبك يوم موته صار لـه طـاري
يوم التفت كم حبـاري يابـدر نـزه=هذا وهو بالقفص مسجون مايبـاري
ياحرف شـيءٍ بقلبـي طالبـك دزه=وده بقيـة مسمـيـنٍ بـالاحـراري
أعطه لناسٍ شكـوا بديارهـم غـزه=قل خلوا الذيب قدوه وطلبوا البـاري
مادامهـا هيـك طـزٍ يتبعـه طـزه=يكفي وأنا حي صار الشهم تذكـاري
لولزنـي القـاف اقسـم إنـي الـزه= وماألبـس الاقنعـه وقـول ويبـاري
وسمي فلاح السعد ربعي لهـم حـزه=انخ الطنايا يجونك شمـر انصـاري
وفي هالقضيه كثير اشـراف مرتـزه=لأجل المصيبه تخص الدين ياجـاري

[فلاح السعد]

النعامه




تغيّر الدستـور ياراعـي الحـوم=ياحر شف فوقك تحـوم الحمامـه
قم يالسنافي خلها تجلـس رخـوم=بنقالي الحـاره زعيـم الامامـه
باقي تغشّـوا يامسميـن وقـروم=وعلى المراكي اقلطـي يانعامـه
صارت قديمه سالفة عرف وسلوم=والابيض المعروف صاير جهامه
العود هز الراس بأوكـي معلـوم=وبن الشيوخ الهاي صارت سلامه
رجال عليهم وقف الرخص بالسوم=وبو العصا المملوك زحّف عمامه
نفز ياحضروا هـذولاك ونقـوم=بيّد الزمن يلعب بنا لعـب دامـه
الخادم اصبح بالنهايـات مخـدوم=والشيخ راع مناقصـات القمامـه
عبدالكريم امن الدلع صار كـروم=والبنت يمكن اخـر الليـل زامـه
بمجالس فلوس النواميس ملطـوم=رجلٍ علومـه ماتثمـن شهامـه
شوري عليك انك تحطين فطـوم=حدٍ لأساطير الخـرف والقوامـه
الكايده ماهي حلى طعـم حلقـوم=لاتصدقين المسخـره والدرامـه
والله غنيمه ياحصل بالدجى نـوم=وماكل اسامه فيه خصلة اسامـه
أخاف تلحقني العذاريـب واللـوم=ان مانصفت القاف قبل ارتطامـه
فيني وفيه من العنا حفنة همـوم=وحزني يتجدد مع بدايات عامـه
صحيح واجد بالسما لمعة نجـوم=لكن لها بالنـور راعـي علامـه
اظن واجب نطحة القـوم بالقـوم=والسيف ياصاحن تلاشى صيامـه
وياخيبته ياصار به حضرة البـوم=عزيله الماخوذ عجـل انخدامـه
ان كان حاضرها عويدات وجروم=امقابـل الكايـد يجيـب الندامـه



فــــــلاح الــســعــد

[فلاح السعد]

يتامى ورمله وشاعر المليون






عشت يامعطي نصيبك لوانه بس رغيف=عشت. يالمري ولاهي بحاجة علعله
معجبن فعلك وشعرك فخر ياهذا الشريف=وجداً اكره شيء اسمه سوالف بلبله
افرحي يااحلى القصايد تهيالك مصيف=شاعرك.. ولياسألنا طلع له من هله
والله انك يالنتيجه عادله مافيك حيف=ياقصايد للرجاجيل... ياالله زلزله
القمر من أول ظهوره تبيّن ثم شيف=والبدايه واجب انه تكون البسمله
اتركوا عنكم دعايا مع الرقم الرديف=راية الشعر السنافي خذاها وحمله
مظهرك صحيح جذاب يالحي اللطيف=لكن انك نسيت انك تلبست سمله
القصيده واضحه بس ماتقبل نصيف=والثقايل مالها كود عزه وجمله
والله ان الدين ديني وأنا ديني حنيف=والله انّا كل منا له الله وعمله
والحكايه مابها شيء يالداعي طريف=ولاترده واللي عندك طلبتك لي قله
مقتنع ان القصايد حصل له منه ريف=فيه منّه كلهن فيه ياالله مااجمله
ظنتي لو القصايد مغازي فيك سيف=وشوفتي ياابعدت عنهن يتامى ورمله
والله ان السيف زوله يابيّن لك نحيف=لكن انه حاتميٍ ياجاله بعمله
والله ان الشعر يااقفيت يصبح كالكفيف=واللغه وش ميّزه غير حرفه وجمله
الشباب ليااسفهلوا يقولونه زحيف=وحنا في شعرك ترانا زحيف وهجوله
كاتب الابيات هذي متذوق لك حليف=شمريٍ والشعر فيك ياخي له وله