ديوان الشاعر / هايس الشمري

[هايس الشمري]

"دلة شمالي"







ليتك تشوف شلون.. كنت انتظر.. "امس" = مظلم فضاي.. و واصلن فوق حدي

مثل القمر كني.. و انتِ لي الشمس = لولا شعاعك.. ما كسى "النور" خدي

إلا \"الغياب المر\".. يا عذبة الهمس = ما اقوى على فرقى.. حبيب(ن) مودي

يا غادة(ن) بالستر.. \"ممنوعة اللمس\" = يا \"شامخه\".. من روس قوم(ن) تعدي

يا كيف راسي.. لا غدا خاطري عمس = ما كنك الا.. \"قهوة دلال جدي\"

مع زود هيله.. محرق البن بالحمس = \"دلة شمالي\".. كيف راسي.. و ودي

اليوم انا أسالك.. باللي فرض خمس = خل الوصال يدوم.. ما اقوى التحدي

خلك قريب دوم.. لا تبعد الرمس = خلك قريب دوم.. لا لا تصدي

[هايس الشمري]

البلاااااد الشقيقه..





الهم.. و الهوجاس.. و الغبن.. و الضيق= تزاحمت وسط الضلوع العميقه
لو شال همي.. ضلع ابانات.. و طويق= يمديه من حمله تبيّن شهيقه
و الناس في لجه.. و زحمه.. و تصفيق= كلٍ من عروقه يشجع فريقه
هذاك لعبه فن.. متعه و تشويق= و هذا يجيب "القووول" باحلى طريقه
مستانسينٍ بين ضحك و تعاليق = و لا هين عنّك يا "البلاد الشقيقه"
مدري متى.. من نومنا رايح نفيق!؟= ما عادنا هالحين.. "أمه عريقه"
لنا مع الكافر.. عهود و مواثيق = و حنا معه ماشين.. حسب الوثيقه
و بغداد تصرخ.. "وين فعل المطاليق ؟؟"= و القدس مبطي طايحٍ.. جف ريقه
ننظر لهم بعيون.. من دون تعليق= حتى عجزنا لا نقول الحقيقه
ياااااااااااا رب.. ايدنا بنصرٍ و توفيق = و افرج لنا يا رب.. من بعد ضيقه
انصر عبادك يا اله المخاليق=و اجعل من الكافر وقود الحريقه

[هايس الشمري]

البشــاره..!




"البارحه".. ماعـاد للنـوم.. طـاري

...........................من يوم.. ما شــفته.. "يـزف البشـاره"

بإسلوب "مُبهم" .. بس جـدًا حضـاري

...........................هـدّ الألـم.. والحـزن "حطّـم جـداره"..!

من عقبها .. ماني عـن النـاس داري

...........................اكبر همومي .. "كيف اشب الزقاره..!؟"

و أمسيت.. مع حلو التفاكير.. سـاري

...........................أهدم حضـاره ..ثـم ابنـي.. حضـاره

لا يا بعـد حيـي .. وميـتـي .. وداري

...........................ولا يا بعد من قال.. " عرفـــك تجـاره "

شفني قبـل تاتـي ..انسّـق حـواري

...........................و أرتـّب بروحـي .. " أمـور الزيـاره "

ابزرع من الشعر .. صدر الصحـاري

...........................وامدّه .. من "شعـاع شوقـي" حـــراره

واسقيه.. من نبعٍ على الحـب جـاري

...........................من شان.. لامن جيت.. أقطف ثمـاره

بس انتبه..!! لايطول.. "وقت انتظـاري"

...........................ويفرح "عذولٍ" ..شاف قدر احتقـاره..!

[هايس الشمري]

رحمــاك يا ربي..






الصدر طيرٍ.. و الفضا كله.. احزان..=و انا خويي.. ما يصيد الهزيله..

ساعة تعلّق به.. و انا خاطري شان..=بنيت.. "بيت الشعر".. و اسرجت خيله..

و سميت.. باسم اللي كفل.. "رزق الانسان"=ارضاه.. غايه.. و فعل امره.. وسيله..

جلّ.. و تعالى الله.. علاّم ما كان.. =و ما لم يكن.. لو كان.. وشو حصيله..

ربٍ.. خلقني من عدم.. ثم سواان..=و ابدع بتركيب.. "العظام النحيله"..

آمنت بك يارب.. و ارجوك.. غفران..=تمحى الذنوب.. اللي متوني تشيله..

يا مفني الكائن.. و يا مكوّن الفاان..=يا واحدٍ.. أخاف منهُ.. و أجي له..

يا حي.. يا قيّوم.. يا رب الاكوان..=اشكي عليك.. من الهموم الثقيله..

رحماك يا ربي.. و عفوك.. و الاحسان..=عبدك.. و ارجوك الهدى.. و الفضيله..

و يا رب اعصمني.. عن اغواء.. شيطان= نفسي.. و جنبني دروب الرذيله..

و استر علي.. في يوم روغات الاذهااان= يوم الخليل يفر.. منّه.. خليله..

كل امرءٍ منهم.. بشانه.. و بلشان= يوم الحساب.. و يوم فوز.. و فشيله..

ترجح موازيني.. وأسكن لي جنان= آكل من اعنابه.. و اطالع نخيله..

[هايس الشمري]

السلام عليكم و رحمة الله و بركاته..!



متواضعه بين ابداعات اخواني ..!





لا تشفع للغياب



مزون الدمع.. لو ماها يهلي..


............... مـا أبرت علتي.. و ازداد غلـي..!


من البارح وسيل الدمع يدرج..!


............... الا يالضيق قـلي.. وين اولـي؟..!


تكسّر عبرتي.. بأقصى ضميري..


............... و أجي بنطق و لكن .. ما يحصلي..!


اسوق الرجل مدري.. وين اسوووقه..


............... ياضيق الكون.. ضايق.. في محلي..!


مللت من الحياة.. و من غثاها..


............... و مثلي من غثى الدنيا.. يملي..!


تكدّر صفو عذبات المشاعر..


............... و شان البال.. يوم ازعلت خلي..!


و انـا و الله ما ابيـه يتـكـدّر..


............... و لا يغبن.. ولا والله.. يذلـي..!


و لكـن.. كلمةٍ زلّت.. و قلته..


............... يا ليت الموت جاني.. قبل أزلي..!


و هو ما قال لي.. أُفٍِ و اعرفه


............... يذوق الموت مني.. ما يقولي..!


كريمٍ بالتـودد.. و المشـاعر..


............... شحيحٍ بالجروح.. و بالتغلـي..!


فداه اللي بقى لي من حياتي..


............... فداه الكون.. مع حالي.. و ملي..!


مزون الدمع.. لو ماها يهلي..!


............... ازادت علتي.. و ازداد غلي..!





و سلامتكم








اخوكم

[هايس الشمري]

بسم الله الرحمن الرحيم




السلام عليكم ورحمة الله وبركاته..





أكثر أحبك..!



البارحه.. والليل للعشق.. مسرح..

......................... في حزّة.. اغفاء البصر.. للشبابيك..!

لا من سكت.. و رحت.. في عينه اسرح..

......................... راح و تكلّم.. قال: لا تسكت.. شفيك..!؟


ثم قلت: أحبك.. قال: و شلون..؟ اشرح..!

......................... قلت: ابشر.. اشرح.. بس افهم.. بوعيّك..!

تعال.. خذ يدّي.. بيدّك.. و اجرح..!

......................... تطلع مع دماها.. و ارجع.. أخبييك..!

يعني هنا بالروح. تسرح.. و تمرح..

......................... انت بعـروق القلب.. و الصدر.. اراضيك..!

والعب.. تمشى.. بين.. مطرح.. و مطرح..

......................... و كل عرق.. تجييه.. ربي.. محييك..!

فيك العروق.. الجرد.. تزهر.. و تفرح..

......................... يا أكسجين الدم.. حيّك.. و لبييك..!

بعده سكت.. و رحت في عينه.. اسرح..

......................... راح.. و تكلّم.. قال: ابروحي.. افدييك..!

قلت.. أكثر أحبك.. و لاا أقدر اشرح..!

......................... مقدر أقول الا.. "عسى الله يخليييك"..!







و سلاااامتكم...






أخوكم

[هايس الشمري]

الليّنه.. و العنيده..!




بسم الله الرحمن الرحيم



السلام عليكم ورحمة الله وبركاته




لولاكم لما كتبت هذه المتواضعه..!











لعيون من قالت:.. "نبي منك الاشعار"
.................حرثت روحي.. بزرع الها قصيده..!


بختار له.. من نبتته.. حلو الاثمار
.................و امدها.. و اقول: "ذوقي جديدهـ"..!


شعرٍ.. تحت امري.. الا جيت ابختار
.................يقول: "هايس بس يشّر بايدهـ"..!


قريحتي.. بكره.. من خيار الابكار
.................لا درّت.. اروت.. بالحروف الفريده..!


وشعري.. يشرّفني اذا صار ما صار
.................ماني بـ والله.. مستحي من نشيدهـ..!


و شعري.. و لو كانت مسابق بالامهار
.................يعجبك والله.. بالدروب البعييده..!


ما اقول انا الفاهم.. و للشعر بيطار
.................لكن قصيدي.. عارف اني اجيده..!


و الشعر.. ماهو رافع انسان بواار
.................لا صار ماله بالفعول الحميييدهـ..!


و انا احمد الله من هل الجود و الكار
.................و اهل السيوف.. اللي تلامع حديده..!


ربعي هل االطولات وافين الاشباار
.................يا ما هفا بايمانهم.. من وليدهـ


و العشق ماهو عيب في سلم الاحرار
.................و انا عشقت الليّنه.. و العنيده..!


يا لينها لي.. يا عرب.. سر و جهار
.................و يا عندّها.. لمدورين المكيييده..!


ما هي بتمشي درب لفه و دواار
.................دايم و مشيه بالمسارات سيده..!


زرعت له روحي من ارق الازهار
.................من شان تقطف ما تبيه و تريدهـ..!










و سلامتكم..!






أخوكم