بني خالد عذاب الطامعينا

[عمر بن عبدالمحسن]

هذه القصيدة مهداة الى المقدم / طارق بن حمد البليهد

بذكـــــــــــــــــر الله بالقاف ابتدينا
نبي ننصا هــــــــل المعروف فينا

سليل المجــد مجـناه النعــــــــارة
وفـيّ وســــــــــاطـيٍ ذرب اليمينا

تعـزويته ورحّــــــــــــبّ بي وهلّا
ولا قصّر ولا كــــــــــــــف اليدينا

سلام الله على طــــــارق سلامي
عدد ما خـــــــــــــــر لله ساجـدينا

سلايل لابةٍ ســـــــــــــادوا بهيبة
( على بيض النــــــعام محيفينا )

تهاب الناس من سطوة سطرهم
بضرب الـــــسيف قـطّـاع الوتينا

ولوها فوق عرش الحكم سادوا
بني خـــــــــــالد عذاب الطامعينا

زحـــــول القوم ودروع الحرابة
أهــــــــــــل بيتٍ يجـيـر الزابنينا

واهل روسٍ عنيده من عـــياها
لهم في ساحــــــل الأمجـاد مينا

فتلت الشــعر في من يستـحـقـه
ونقظه حلم ينكـــــــــــــاه اليقينا

#شعر : عمر بن عبدالمحسن

[غالب الشلاقي]

الف نعم بالمادح والممدوح

الشاعر عمربن عبدالمحسن

صح لسانك ملايين ولايكفون


لاهنت

[سليمان بن جبيل]

هلا اخوي عمر حياك الله وبيض الله وجهك وصح الله لسانك
والله والف نعم في بني خالد وفي من مدحتمنهم وبك انت اخوي عمر
الف الف صح لسانك ولاهنت

[نجم الشعر]

عمر صح لسانك وطارق يستاهل المدح ومن قدم الطيب يستاهل الثناء /
تحياتي لك :

[درويش]

والف نعم بالمادح والممدوح يالنشمي
صح لسانك عمر
تقبل مروري