عيد بجاد بن شده
29-08-2014, 09:05
بعض الاوادم تفوَّه بالكلام الجزيل=وتقول صعب الحمول تشيله امتانها
وسط المجالس تسموا بالعيار الثقيل=وعند اللوازم تروغ وتفقد اذهانها
هذارت الهرج ماتكْحل عيون العميل=سوالفٍ ساجعه والكذب نيشانها
عقاربٍ للقريب تجيب فيه الحفيل=ثعالبٍ كشرت عن رؤس نيبانها
عوشز حزومٍ حقيرٍ مالقي به مقيل=حباترن ماتسر صدور ضيفانها
غربان طخفه تحوم ولا وراها حصيل=لوكان نوط الهضاب الشم مسكانها
دغافلٍ ساجعه بالروض والجد فيل=في غابةٍ مثمره والنبت باغضانها
تطرب لصوت الحمام اليا هدل به هديل=وتزمر اليا جت بنات الريح بأوطانها
تروع لهرامة المجلس بليا دليل=وام الكباير تبيع بوسط دكانها
عيد بجاد ابن شده العتيبي
وسط المجالس تسموا بالعيار الثقيل=وعند اللوازم تروغ وتفقد اذهانها
هذارت الهرج ماتكْحل عيون العميل=سوالفٍ ساجعه والكذب نيشانها
عقاربٍ للقريب تجيب فيه الحفيل=ثعالبٍ كشرت عن رؤس نيبانها
عوشز حزومٍ حقيرٍ مالقي به مقيل=حباترن ماتسر صدور ضيفانها
غربان طخفه تحوم ولا وراها حصيل=لوكان نوط الهضاب الشم مسكانها
دغافلٍ ساجعه بالروض والجد فيل=في غابةٍ مثمره والنبت باغضانها
تطرب لصوت الحمام اليا هدل به هديل=وتزمر اليا جت بنات الريح بأوطانها
تروع لهرامة المجلس بليا دليل=وام الكباير تبيع بوسط دكانها
عيد بجاد ابن شده العتيبي