المساعد الشخصي الرقمي

مشاهدة النسخة كاملة : الى كل محبي الطنايا

نايف بن حزل العنيزان
03-05-2007, 03:48
الطنايا


ياناشدٍ عنا خذ العلم بوصوف=خذهابشهادات الزمان وسباقه
حناورثنا العز هامات وسيوف= وحناورثنا الجود طبع وعلاقه
حاتم لنا اسمٍ يشرف ومعروف=كان الكرم حاتم.. فحنانطاقه
حناالوفاء لاعجزعن حفظه ضعوف=على العهد نبقا ونحكم وثاقه
حناالنقا كتاب واضح ومكشوف=وحناالغضب لازودوبحتراقه
حناالحقيقه لاغدا الكذب مكسوف=وحناالكلام الصدق لطف ولباقه
حناملاذ الي من الخوف ملهوف=يوم المساري قبل وقت الرواقه
يزبن حمانا من لفح قلبه الخوف=وتبشرضلوعه باالامن وعتناقه
حناالطنايا أسمنا عانق الشوف=اسمٍ رسخ باالطيب مجد وعراقه
مداتنا باالحرب ارواح وحتوف=ومداتنا باالسلم طيب وطلاقه
شمرسناعيس الجبل مدهل اضيوف=يوم انهاشح الموارد وفاقه
قبل الرغد يوم ٍ الأرزاق بكلوف=جينا الكرم عنوة واخذناعشاقه
بساحاتنايتفاخرالطيب ويطوف=ويقطف من صفاتٍ لذيذٍ مذاقه
حناالطناياافراد وجموع وصفوف=حناغرام المرجله وشتياقه
حناالطنايا لاغدى الحق منصوف=يشهد لنا الاقصين قبل الرفاقه

شعر. نايف حزل العنيزان
المشرف العام
03-05-2007, 04:51
يســــــــــــعدني ان اكون أول المعانقين لهذه المعلقه

صح السانك وســــــــــلم بنانك يابو نواف


تسلم يالغالي
الخـ ـاطـ ـر
03-05-2007, 05:02
حناالطناياافراد وجموع وصفوف=حنـاغـرام الـمـرجله وشتياقـه
حناالطنايا لاغدى الحق منصـوف=يشهد لنا الاقصين قبل الرفاقه

عزالله كفيت وفيت اخوي نايف وبيض الله وجهك ولاعدمنا يمناك

مع تحياتي لك يالغالي
أبوفهد
05-05-2007, 03:03
صـــــــــــــــــــــــح لسانه

ابو نواف

كفيت ووفيت لاعدمناك

ما شا الله عليك
نايف بن حزل العنيزان
07-05-2007, 12:53
الاخ العزيز ابو غازي تزهر صفحاتي بمرورك لك مني كل الشكر والاحترام
نايف بن حزل العنيزان
07-05-2007, 01:05
الاخ العزيز الخاطر حياك الله في منتداك منتدى النشامى شرفني مرورك ياعزيزي
الفاضل تقبل تحياتي .....
نايف بن حزل العنيزان
07-05-2007, 01:09
اخوي ابوفهد حياك الله القصيده اللي ماتور عليه مابه ثمرة
ثلاب
07-05-2007, 01:44
ياهلا وغلا

صح لساااااانك ملاييييييييين

وعاش راسك يابن الهيافا
عنفوان بدويه
07-05-2007, 02:03
حناورثنا العز هامـات وسيـوف
وحناورثنا الجود طبـع وعلاقـه
حاتم لنا اسمٍ يشـرف ومعـروف
كـان الكـرم حاتـم.. فحنانطاقـه
حناالوفاء لاعجزعن حفظه ضعوف
على العهد نبقـا ونحكـم وثاقـه

صح السانك مليون

كفيت ووفيت

ما شا الله عليك


دمت مبدع القاف
سلطان
08-05-2007, 06:31
ابو نواف

/

لايسعني الاقول صح الله لسانك ولاهنت
اعجز عن وصفها ..!
دمت مميزاً
تقبل ودي وسلامي

:

:

سلطان الخلف
سراب الراحل
10-05-2007, 12:06
صح لسانك وعلى شانك
اجد نفسي امام هذه الباذخه متلعثم انطق اكتمل جمالها بوفي صياغتها منك وتراقصت عذوبتها بأحساسك
وحرفنتك الشعريه
دمت بخير/اخوك سراب الراحل
فايز ماجد
10-05-2007, 11:09
حناالطنايا أسمنا عانـق الشـوف
اسمٍ رسخ باالطيب مجد وعراقـه
مداتنا باالحـرب ارواح وحتـوف
ومداتنا باالسلـم طيـب وطلاقـه
شمرسناعيس الجبل مدهل اضيوف
يـوم انهاشـح المـوارد وفاقـه



والنعم والله

بالطنايا

ملايين

وعز الله ابدعت يانايف

صح لسانك ملايين

وسجل الاعجاب هنا

لاهنت

اخوك

فايز الحربي
نايف بن حزل العنيزان
12-05-2007, 12:55
الاخ العزيز برزان هلابك اكثر مرورك عذب كاعذوبة نفسك
نايف بن حزل العنيزان
12-05-2007, 01:02
الاخت الفاضله عنفوان بدويه شاكر لفضك لكي مني كل الود
نايف بن حزل العنيزان
12-05-2007, 01:08
الاخ العزيز سلطان الخلف مرور اسمك على مشاركتي يسعدني
شاكر يااخي
نايف بن حزل العنيزان
12-05-2007, 01:25
الاخ العزيز سراب الرحال ملامسة اناملك للقلم ابداع بحد ذاته
ومرورك على صفحاتي ربيع الفض العذب وهتان المشاعر الصادقه
لتورق به مشاركاتي لك مني جزيل الود
التوقيع اخيك نايف
نايف بن حزل العنيزان
12-05-2007, 01:33
الاخ الشاعر فايز ماجد شاكر مرورك ولأ عليكم زود ياعزيزي الفاضل
تقبل تحياتي وفائق احترامي
ابو ناصر
12-05-2007, 05:57
الشاعر نايف

صح السانك ودام هتانك يالطربه
الأدهم
14-05-2007, 10:10
لله درك

ابو نواف

/

لايسعني الا ان اقول صح الله لسانك ولاهنت
اعجز عن وصفها دمت مميزاً

تقبل خالص التحايا
ريال الفسحه
14-05-2007, 10:18
طنايا


صح كلك وتسلم يالغالي
نايف بن حزل العنيزان
16-05-2007, 12:31
الاخ العزيز ابوناصر شاكرمرورك ياعزيزي الفاضل
نايف بن حزل العنيزان
16-05-2007, 12:38
اخي الحبيب الادهم الله يسعدك واهلابك ياعزيزي
نايف بن حزل العنيزان
16-05-2007, 12:44
الحبيب ريال الفسحه تحل البهجه بحلولك شاكرلك