ديوان الشاعر / بهلول الزميلي

[بهلول الزميلي]

السلام عليكم ورحمة الله وبركاته/-
اخواني و خواتي اشكركم كل الشكر على حسن الإستقبال
عسانا نكون اهل له وأن الله يسترنا معكم ستر الله الجميع0

ومشاركتنا قصيده عساها تحوز على رضاكم هي تكلم عن مضمونه

ماضاقة الأرض ..!!!

بديت باسم الذي بين لنا القبله= واختار الإسلام ديناً الّه رضينابه
به ابتدي وانتهي والشي له قبله= ومنه السموحة وغفرانه طمعنابه
ياموتري نط راس الحيد وارقب له= الحال ياموتري من الهم منصابه
اطعن نحور السهال الكبد من دبله= النفس ياموتري من مجلسه طابه
نبي ديار مطرها ينبت الربله= نمشي طمانه ونرقب راس مرقابه
نشوف سكانها ونشرب حليب ابله= وندله لو انه قصير الوقت نسلابه
ونبعد عن المدن وعن ضيقه وعن زبله = نبي ديار نباته شاق طلابه
احسن من اللي سهومه ضايقك نبله= ماهو هوى إرادتي غصباً بلينابه
امور وامور تخل النفس من هبله = وبعض الأقاويل تشقابه وتبلابه
غصباً تحوشك علوم الزور والخبله = وينكر عليك الصحيح وكل من جابه
ياقلت قولٍ صحيح قيل ياخبله = وياقلت أنا الصدق قالوا ماسمعنابه
راحوا اللي دايماً هرجاتهم ذبله = اللي افعاله تنومس ياحكينابه
بعض الأوادم لو انه تشبلك شبله = بعده سلامه وقربه لاتمعنابه
الخير ماحبها والطيب ماقبله= لون اضلوعك حديد كدلها ذابه
مالك ومال الردي حذراك تقرب له = خسران من هو يحط العفن بحسابه
ابعد عنه هو واللي مثله وعلى حبله= ورافق ارجال تقدابه وترضابه
ماضاقة الأرض بسكانه ولا اندبله = فجوجه وساع وتو الشمس ماغابه

[بهلول الزميلي]

اخواني وخواتي السلام عليكم ورحمة الله وبركاته/-
هذه المشاركة تكلم عن دخول الوسم وطلعات البر وتخيل العشب والفقع والجو الربيعي عساها تحوز على رضاكم
الأناثي ..!!!


هب البراد وقرّبة طلعة اسهيل = القيض راح والأحارير زاله
أتلا الأناثي طلعته تالي الليل = نجمه توقّد زايدن بأشتعاله
وجانا من الغربي مزون مظاليل= وغشاء على روس النوايف اظلاله
تضحك مقاديمه وترشق هماليل= حس الرعد والبرق بمظلم اخياله
تمطر جنوب وشرق وغرب وتشاميل= وعلى النفود ومنخفض من سهاله
والعشب نبته ظلل الأرض تظليل= نوار نبته كاد يضحك جماله
لونه جميل وجمّل الأرض تجميل= وربّع به اللي مهزلن من حلاله
والبر زان وحمّل الشيل تحميل= مع رفقة اللي يدركون الجماله
هذاك قدّم موتره وحزّم الشيل= وهذاك يحضّر مابقي من دلاله
تواعدوا دار بها ينقع السيل= بين النفود وبين شامخ اجباله
نبت الزبيدي والجباء بالهذاليل= أما جنوبي كبد وإلا شماله
تجمّعوا ربعن قصيد وتعاليل= على ضياء نار رجاله شكاله
والكيف طاب المتعبين المعاميل= جلسة شرف ماهي بجلسة نذاله
تبادلوا بالهرج ربعاً مشاكيل= والسالفة تقضي ويأتي بداله
سوالف تونس حضور الرجاجيل= تعرض على اللي حاضره من رجاله
بها نونّس هاجس ضدّه الميل= ننساء هموم الوقت وننساء خماله
البال به ينساء هموم وبهاذيل= وينساء مشاكل كل شيء جراله
وختمت قولي في صلاة وتهليل = على الرسول اللي مشاء بالعداله

[بهلول الزميلي]

اخواني وخواتي هذه قصيد تكلم عن حقوق الخوي وهي مسنده للشيخ الدكتور طلال بن مشل التمياط الشمري مدير شئون الموظفين بإمارة منطقة الجوف نتركم مع الموضوع
حق الخوي ..!!!

احشم خويك عن دروب المعايب = تر الفعول الناقصة به تعابي
حق الخوي عند الأجاويد صايب= ذكره رسول الله بأشرف كتابي
ياماحلا المسيار يم الحبايب= وممشا على برٍ وسيع الرحابي
وترك أديار اخصوم ناس طلايب= وشاف الديار اللي غطاه السرابي
وابعد عن أظروف العمل والنشايب =وارتاح باله بالفياض العشابي
ولاقيل وين افلان وفلان غايب= يوم الموظف جاب كشف الغيابي
نشكي لأبو فيصل عريب النسايب = شيخٍ ولد شيخٍ به المجد طابي
من روس ربع يحصرون الضرايب = تمايطه يامن حصل عض نابي
ياخوي بالدنياء نشوف العجايب= عاشت وسادة به دجاج مرابي
ومن عاش بالدنياء يشوف الغرايب= بوكر الصقور تشوف فرخ الغرابي
ودي بدار به تعيش القرايب = من نورهم نوضي لو النور غابي
وشوف الفياض المخضرات العشايب= خضار نبته مثل لون الخضابي
مرقاب مدهال الصقور النجايب= بمفرع الرمثي وذيك الروابي
وننسى ضغوط تودع الراس شايب= ويرتاح بالي فوق جيب مشابي
لوبه مشقه يودع الكيف طايب= ورقي الطوال العاليات الهضابي
هذا هوى بالي لو الوقت عايب= أن كان تقرا ياخو شاهة جوابي
والعمر لو طول وراه المصايب= ولابد من يوم تشد الركابي
دنياك مادامة لأميرٍ ونايب= حياة عزّه تبدله بالذهابي
كم حاكم قبلك وطته النوايب= والزيت بدل في مكان العرابي
تر راس مالك خامة وأنت غايب= فيها تكفن ومرجعك لترابي
ولابد ماتركز عليك النصايب= دارٍ بها تشوف الوجيه الغيابي
والخاتمه تأكل اعضاك الدبايب= وتجتاز فترات الطرب والشبابي

[بهلول الزميلي]

أخواني وخواتي مناسبة الموضوع هو أنه لي زميل عمل جاني بعض المرّات وهو متضايق من تصرفات مديره انا قلت اللي مر معك مرعلينا لا تضايق تحمل وصبر وراع الحاجة صبّار وقلت له هذه الأبيات وهي قديمه في بداية خدمتي لعله تكون عضه له 0

الأرشاد ..!!!



يالله ياللي فارض خمس الأركان = علام ماب الكون ظاهر ومجهول
بأيديك تدبير الأيالي والأزمان = ناقص بها حول وزايد بها حول
والقلب من صكّات الأيام عمسان = والعقل فيها بين شارد ومذهول
والفكر مشغول على غير برهان = والعين تسهر ونابض القلب مشغول
قالوا علامك سارح قلت حيران = مما تشوف العين ونسمع من القول
أشوف ناس قبل ياحمود شيخان = واليوم تمشي حافيه مابها انعول
تبدّلت دنياك ياطير حوران = الحصني يفرس قرّح الصيد والجول
والذئب خاف من المعز وابرق الضّان = لوما شرد يمكن من الفرق مأكول
والله لولى قولة أفلان وأفلان = وأخاف أنا من قولة أختل بهلول
لاترك سهال الجوف وأمشي مسيان = والرّزق عند مسيّر المزن وضلول
طبيعتي ماطابقة طبع الأخوان = أنا بطبع وهم لهم طبع وأعقول
وكلن لها مذهب ولها راي واديان = ولها مسارب وفاصل الطرق مدلول
احكم لسانك وعامل الناس بحسان = وإلا الفجوج اوساع ولا داج به زول

[بهلول الزميلي]

أخواني وخواتي اداريين ومشرفين وأعضا ومشاهدين شبكة نشامى السلام عليكم ورحمة الله وبركاته عساكم بخير أنا اسف عن التأخير حيث صار عندي سفر وأنشغلت بعض الوقت وعندما أطّلعت على موضوعي السابق وجدته نازل ولا حبيت ارد على احد لنزوله بالصفحات الأخيره وأطّلعت على تعليق الجماعة وشفت تعليق عبد العزير البليهد وأبو عبد الرحمن وطلاع على الموضوع السابق وحسب اعتقادي ماتفّهموا الموضوع صح 0
فهم الموضوع احمد الجريفاني الجزء الأول منه وانا اوكد رايه أن الإنسان يحق له يقصد ويتغزل بمايريد البعض بالذلول والبعض في البندق والبعض في الفرس والبعض في الوطن والبعض في السيارة والأدلّة كثيره 0اما فرحان الضفيري حسب ردّه فهم الموضوع0
لكن أنا أبي أقول للبليهد وأبو عبد الرحمن وطلاع أنا كذا طبعي لا احب التوضيح 00وانا الأن أبي اجيب لكم الثانيه عساها ترضيكم طالمى أبو عبد الرحمن ادخلن هــهــهـــ00

الجادل..!!!

الله من قلب خذته المشاويح= يروح به ظرف الزمان ويجيبه
هم يمرّح بالمعاليق تمريح= تمريح من وخذن انياقه غصيبه
يهوم يبي القوم ويقوم ويطيح= كسير ساق من عطيب الظريبه
خلنّه العيرات وقفن مراويح= بوجيه قوم مايعالج صويبه
خفّن وقفّن وقرشن مع صحاصيح= واللي وراهن طاح محدن دريبه
على وليف جـرّح القلب تجريح=الجادل اللي منه حالي عطيبه
أبو ثمان بالمبيسم ذوابيح= مثل القحاوي في محاجر شعيبه
ونهود تحت الثوب مثل التفافيح= يشكي ثمرهن ضيّق الصّدر جيبه
عيون أشقر ماذيّروه السّواريح= شبوك الصقور الشايكة ماتجيبه
صارة لنا عوق من البيض يافريح = والكل منا مارضي في نصيبه
قالوا لي العقّال وناسن مناصيح = خل الجروح المزمنه له طبيبه
قلت اتركوني وقلل النصح ياصبيح = صعبن عليّ أفراق ضاف الذّويبه
لولى الحياء ودرى المناقيد لاصيح = صيحة ضعيف جاري الّه مصيبه
أنا سوات اللي رمته الملاويح = يلعب به الجاهل حياة الهريبه
أن كان خلّي مانصف الحكم ماميح= أن واصلن وإلا قطع بي وطيبه
باكر عند الله مخاص وتصحيح= والكل يأخذ حقها من طليبه

[بهلول الزميلي]

مناسبة هذا المقال عندما ترقيت على وظيفة رئيس مركز قال لي احد الزملا لو تدخل مع بعض المسئولين قلت كيف قال تعلمهم بمايحدث من الشيء اللي هم مايدرون به هو قاله من باب المودّة لي والنصح والأجتهاد لكن ماكل مجتهد مصيب قلت هذه القصيده لأن رايه ماجازلي0

حياة العز..!!!

خلك عزيز وعند ناس يعزّون= وفعايلك عند النشامى شريفه
وتبقاء شريف وأخر العمر مدفون = وكسب العلوم الطايلة واللطيفه
عيش الأهانة موت مع ذل وغبون = لو كان مجلاسك على اتحف قطيفه
ياصار ربعك من حضورك يخافون = وش بابة المنصب وعزّه وكيفه
ياجيت بالمجلس وقاموا يصدّون = بعد الديار ولا وجيه كسيفه
ياحيف يالبس الحساوي على امتون = ولبس الملابس والثياب النظيفه
حنا نعيش بعز والذّل ممهون = وإلا نموت وأخر العمر جيفه
مانقبل الذّلّه ولا نقبل الهون = أما نعيش بعز وإلا نعيفه
ونبقاء عزاز وعند ناس لهم شون = وإلا حياة الذّل ماني وليفه
عندي حياة العز ماتعادل الكون = لو كان ماناجد بقاياء رغيفه
أن كان ماربعك لوجهك يقومون = ويقدّرونك فأنت مثل الهديفه
ويحسب حسابك من رجال يذّرّون =وتفرح بلقياكم وجيه عفيفه
ولا يردع الأضداد ناس يهابون = وملاّ حمى داره رعى الضّد ريفه
وخلك مع اللي باللّوازم يسدّون = وذيب الخلى مكاسبه من هريفه

[بهلول الزميلي]

مناسبه هذا المقال0 هو ان بعض اعيالنا يقولون أنتم عشتوا حياة البادية بقلّه من العيش ومتطلبات الحياة وحنا عشنا عصر العولمة والتكنلوجياء والحياة المتطوّرة 0
حنا نقول هذا من فضل الله ويجب الحفاظ عليها بالشكر والمحافظةعلى الأمن والتقيد بالدين0
صوّرة حياة الماضي وبعض مايحدث لهم عسى ترضي الجميع وتكون عظه للي مايعرف ماحدث لأبائهم وأجدادهم بالزمان السابق000

حياة الماضي..!!!


أنا أبدوي وثوبي على المتن مسفوح = ونصبر على جور الزمن ومايلاته
ننزل وعرها والسّهل وننزل الصوح = وأحيان ننزل في قمم طايلاته
ونوب بها نشبع ونوب بها أشحوح=ونوب نجوع ولا نحصّل مباته
وأحيان نأكل بايتاً ماهو مملوح= من قل ماناجد من الزاد ذاته
ونمسح رمال الأرض والبال مسموح= والحافنا بعض الشجر من وزاته
ونوب يقل الماء وبه الصوت مبحوح= والنّفس ماتنساء زمن ذاكراته
ونوب على زل التباريز ياصلوح = من مصنع بإيران جت منتجاته
مع الغنم عشنا عوازيب وسروح= رحنا وجينا ولا شكتنا بناته
ونصبر على جور الزّمن بحزن ومزوح= ونردع بها نفس بغت مغرياته
نخاف من حكي به العرض مفضوح = تظهر خوافيها ويكثر شماته
من لابة تصبر لو الجسم مجروح = بحر اللهايب لين تنجض شواته
في صحصح مابين ذابح ومذبوح= قلّة عواذيله وكثرة شناته
خطو المشورب بساحة الحرب مسدوح= يومن خطو البنت ترمي عباته
كل أبلج في كفه السيف له ضوح= مثل لميع البارقة مرهفاته
في ساعة يرخص به المال والروح= إمّارها خافة وهابة غزاته
ماتقبل العوجاء وتسكت كماء اللّوح = دحوش تحسب المرجلة في سكاته
نصير بعيون العداء تقل ذرنوح = ومن لاحمى فرقه كلا الذيب شاته

[بهلول الزميلي]

ياسائق الجيب !!!

ياسايق الجيب وأشرف راس ماباني= خلّك براس الطويل اللي أرتفع راسه
ان صارة ارضه طلوع وجسمها لاني = خل التواير لرمل الطعس دواسه
بأرض عفاش وحاشه جور بالثاني= توحّش طعوسه خبير القار ماقاسه
جيب لقضي اللأوازم يوصل العاني= ومعالم الطرق ضاعت عنك وحتاسه
جر الدّبل واضرب الكايد على شاني= خلّه يردالوحش من دون منكاسه
عساك تسلم وتلفي مزبن الجاني= من لابتاً بالفخر يزود نوماسه
ربعي اهل الفعل يامن اللغاء شاني= تاج المراجل خذوها ماهو بدراسه
شمّر اهل المدح والرّده بالأكواني = يومن به النّفس للأمجادحمّاسه
هم لابتي ومسندي وهم راس مزباني= مثل حرار تبذ الريش بفراسه
مواكر تبعها من الصيد شبعاني= ياشاف جول الحباري زاد بفراسه
شمّريامن العدو جاهرولا زاني = والكل زعانيف جنّه طيــّر انعاسه
وعرفت ثقل الرّجل وخفه بالأوزاني= هذا بها كاسب وهذاك وفلاسه
وطار الحياء وفرعن خد رات الأعياني= يوماً بعض العذارا تذهل الباسه
خطو المشورب تقل بالهوش سكراني= رمس على الموت الأحمر وشيف مرماسه
تشوف خطو الولد تقل به أجناني= والعمر ماهوعن الهفوات بحراسه
بطيبه وعلمه ينومس كل الأخواني= بنته بفعله تشوش ويرتفع راسه
أفخر بهم وأفتخر وعمر الفتاء فاني= بدون نقص بحق النّاس وقياسه
ماقول بالناّس لاعيب ولا شاني= غيري يميز حديد الصّـفرونحاسه
بيوم ظهر طيبه وبه شيف كوباني= أن جاء نهار بكونه ضاعة الطاسه
للعين نظرة وحكم النّاس ميزاني= ومن غش بالوزن قالوا من ردا ساسه
نمدح اهل المجد ولاذم أنا الثاني= وكلاّ ذراعه من الخامة على اقياسه

[بهلول الزميلي]

الغمامه ..!!!


بديت بأسم اللي يسوق الغمامه =مجري سفينة نوح في غب موجه
محيي عظام من زمان اندهامه= ولا ينعرف بأيام حزت خروجه
النفس ضاقة من العمل ومن دوامه =ورفقات ناس دوختنا لجوجه
الله على من شاف (......)عمامه= ومشاء على برٍ وساعٍ فجوجه
ماهو مقيد بالدوام ونظامه = حراً طليقٍ والصحاري يدوجه
فوق اسرد ماقالوا البعد ضامه = سلك السليتر بالأصابع يسوجه
بأرض نباته يوم تبناء خيامه= ريح الزهر يوم الهبايب بفوجه
واشرف على راس الطويل وسنامه= وشاف الديار اللي تونس فروجه
برفقت ربوعٍ كل فعله كرامه= نقوة قروم ماتغثك هروجه
ربعاً عزاز والشرف هم وسامه= على مزاجك والبراري تبوجه
وشاف الديار اللي نباته علامه= فيه أم سالم يوم تزعج غنوجه
وقت الضحا تأخذ هجيني سلامه= حزت رواحه وفي بداية نهوجه
تقضي مشاوير الضحا بأنسجامه = ماهي بمثلي بادوام امحروجه
تمشي على كيفه وتشرف حزامه= وتاخذ على روس المشاريف روجه
بديار من هم يحتمون الجهامه= يوم السبايا سامكاتاً عجوجه
عصمان الأرياء محاربين الملامه= حموا وطنهم عن مطامع علوجه
بيومٍ نهاره مثل دامس ظلامه= بانت رجاله وثم عرفة نعوجه

[بهلول الزميلي]

http://www.syadh.com/vb/imgcache/20618.imgcache.jpg

الربيع ..!!!


ياموتري خذبنا بأرض الفضـاء دوره=نبي نسلـي ضميـر زايـدن همّـه
كم راس حيد طويل حاشكـم جـوره=النفـس ياموتـري تقودنـي يـمّـه
النفس ياموتري ماهو معـي شـوره=اداريـه خايـف لاينضغـط دمّــه
هنيت رجلن تمشاء ماهـي مقهـوره=تمشي على كيفها ماتسال عن عمّـه
ممشاك بأرض فضا والنفس مسروره=بصحـاري نبتهـا مايجمـع القمّـه
نشم ريح النفـل والأرض ممطـوره=يازين ريح الخزامى وبالنسـم شمّـه
ياحلو شوف الربيع وفوحة ازهـوره=وروايح العشب بالريضـان ياطمّـه
يسوى مباني كثير النـاس وقصـوره=ودفاية نارها مـن الكهربـاء حمّـه
واشفق على رفقت الأشراف وصقوره=ومجالس بوسطهـا ماتسمـع النمّـه
ونشوف ريم بهواها النفس مجبـوره=بطراف شوف الرعايا حيـن مالمّـه
من دون داره رمال النفد وصخـوره=وظن محاري مداهيلـه هكـا اليمّـه
عنود صيد تقـود الريـم بحـروره=أن ضايقه رامي وساق الهـوى يمّـه
تزبنة رهره من الخـوف مذعـوره=تسكـن دياربيـاح غربـي الـرمّـه
طرادها يشتكي من البعـد ونحـوره=وقطع الديار البعيده صـار مايهمّـه
ولولى المخافة عليها لأكثر الـزوره=وخاف انا من ردي الحـظ والذمّـه
بنت الذي فعلهـا ماتجبـر اكسـوره=بيوم يمج الحمـر والهجـن ملتمّـه
سبع ينوس الخلى يامن طفـاء نـوره=ومنه السباع الضواري تكسب الهمّـه

[بهلول الزميلي]

الجار!!!

الجار حقه كبر سلمى وماقويه= لوهو عليك الخطا منهم له اشكالي
وقلوبهم حمًلت من الشين والتويه= الحقد بقلوبهم والصلح ماضالي
وبانه قلوب الردى لويه بعد لويه = البعد علاج المرض في بعض الأحِوالي
وتأزًمت حالتك ووراقها ذويه = واصفر لون الورق واشهب بالتالي
ومن المغثه قلوب الكل مرتويه = اطعن نحور الفضاء والراس مامالي
لاتمرض النفس والأيام محلويه = حلاة عمر الفتى عند العرب غالي
ارحل عن اللي يغثك وابعد النويه = مشي الديار الوسيعة به فضا بالي
فوق اسرد يانزوى خطه واخذ زويه = بأرض فجوجه بعيده والفضاء خالي
تمشي على سهلة وتأخذ معه دويه = يفضي هموم الفتى لوكنت مكتالي
دار بدل دار والأعمار منطويه = ومن دون اللي مايودك يسرب اللالي
يامن عوى الذيب دونه كم له عويه = اشرف براس الرفاع وصاح بالعالي
تلقاء بها منزل ياوضحت الرويه =جار بدل جار ومنزال بمنزالي
يقولها قبلنا من جرب الشويه= وانا معه ماشي ولاهوب انا التالي
وسمعتك من سيرتك لو ضعفه ولو قويه= ماينفعك طيب لاعم ولا خالي
هذي حصيلة تجاريبي ومحتويه = من عاصر الناس عرف المر والحالي

[بهلول الزميلي]

اخواني الأعزّى هذه من القصايد الموسمية
من ارشيف الماضي عساها تجوز لكم

عذفاء !!!

بديت باسم اللي له النّاس راجين= يرجون عفوه وثم ترجى نفوعه
مع قدرته قدرة عباده ماهي شين = يرزق رحيم الخلق ويرزق قطوعه
يحلم عليهم ويدمح الشين بالزّين =واللي يتوب الرب يقبل رجوعه
ومن بعدها سطّرت لي وقم بيتين = هاض الغرام وشاق بالي بدوعه
القيض راح وميلن الكليبين= وسهيل بالحسبه اكيداً طلوعه
والوسم بحسبتنا بقاله اسبوعين= غيّر هواء الصّرفة برادٍ يلوعه
تجهّزوا للبر ياهل الشياهين = ياقالوا الرّمثي خضاراً فروعه
شمة نسيم البر مع طرقة العين= وتشوف عشب مخضراً مع جذوعه
ريح الخزامى مثل ريح الرياحين = حزّت غروب الشّمس وإلا طلوعه
قالوا تروا وقت السّفر يوم الأثنين = لدارٍ نباته مثل خضرة زروعه
برفقة عزاز وكلهم لي قريبين = المرجلة منهم تعلم طبوعه
نمشي على دار به العشب شكلين = ماطال من عذفاء يمينك نجوعه
فوق اسرد ماقاصده بالثمن دين= نقد دفع به لين تمم بيوعه
أسم خبيره مبرمجٍ وله عناوين = بالخلف يكتب وفي مقادم شموعه
صنعة خبير به صفات الفراعين = لكن يشكر بحرفته مع صنوعه
ياما اتقنه بالزّين وازين من الزّين = بشغله تميّز عن خبايث طبوعه
وأنت اشتره لأرض تقل به براكين =بيض الطّعوس اللي تهايل دموعه
يادست له تغيّر الصوت صوتين = صوت العديم اللي تقدّم جموعه
مع النّفود اللي رماله كثابين = أرض تضاريسه هيار وقوعه
أرض خبير القار ماداج به زين = إلا واكيد مابعد شاف نوعه
ياشاف طلعاته غداء الوجه لونين = عاف المكاسب وعاف زايد طموعه
حر البساتم وصوتهن بان ياحسين = نفسه جزوع وسايقه به جزوعه
جر الدّبل له وبدل الظّغط باللين = لا تنشحن لوماء الأديتر يزوعه
نبي بعيد عن حيات الغثيثين = وبحوث قالات تشعّب شروعه
نشغل بها نفس ترسّه شواطين = ومن المغثّة شايناتاً طبوعه
وعمر الفتاء لوطال ملفاه للطّين= بقبر ظلام ماتولّع شموعه
وصلوا على من جاء بطه وياسين = صفوة قريش اللي برز في طلوعه

[بهلول الزميلي]

التّحذير من النمّام !!!

ألا ياوجودي وجد عود وطته أقدام =حدوه الرجال اللي على الحق عاصيني
من أول قوم وكل شيخ لهم مقدام = مدابيس ظلماء تاخذ الحق وتعيني
أنا مذهبي هو منهجي ولا اقرب النمام= ولا صادقه ولا افتح له لابيتي ولا عيني
لون المصالح من وراها تجينا اكوام= أنا مؤمن أن دين الإسلام يرضيني
على طريق قبلنا قد مشته اكرام= اهل الوفاء وهل الشهامه وهل الدّيني
راع النمايم منهجه يدمّر الإسلام= ونشاط خدماته لأهل الحقد والشّيني
راع النمايم ردي واللي أستقبلته اليام = وسمم قلوب صافيه كلها زيني
يلدغ ويندغ بالنّمايم وجيه احشام= يهمز ويلمز في ربوع حشيميني
يضحك بوجه أفلان وثم يلسبه ياقام= يمشي على الحبلين ماهو على ديني
أنا جازم ماصاحبه والزمان ايّام = مادام لي عقل وعين تقديني
فجوجه وساع وللغانمين الدّيار أعلام = أهل المحبه والوفاء والشّريفيني
أنا أخالفه ولا أرافقه لو طالة الأّيام = ولا عندي له حشمة ولا شيمه ولا شيء حاديني
أرافق شريف مثل صقراً بالسماء ياحام = أشراف عيال أشراف تذري وتهديني
أفرح بهم فرحة شيوخ تكرم المقدام= حشيم لفا لعزاز وهم به كريميني
يذبح لها من أكباش الغنم والعمر مادام =وحياة الفتاء ملفاه للقبر والطّيني
أوفرحت اللي ساهراً ليلها مانام= عود كبير وضاهدينه قريبيني
لفته أعياله عقب الأهانة وعقب أعوام= فرح بهم فرحت يعقوباً بالأبنيني
عقب زمان أسود ضاق به والهموم أهضام = من ضيم رجال بالملاقاء غثيثيني
ردّواله العزّة وحطّو بأفم البغيض أبلام = بالسيف عنّه ينطحون البغيضيني

[بهلول الزميلي]

اخواني هذا المقال إذا اعجبكم هذا هو المطلوب وإذا لم يرضي للمشرفين على الإدارة حذفه انا والله ماحب السياسة ولا المقالات اللي تعلق به لكن أشوف أن هذا له اهميته حسب رايي والموضوع أنتم اللي تقيمونه 0
كثير ماسمع من مناديب الدول الأجنية وبعض المغرضين لنا ولديننا يطالبون بحق المرأة وكأن حقوقه بالمجتمع العربي المسلم مهدور 0 حنا اللي نحفظ للمرأة حقوقه وديننا اللي يحفظ حقوقه ومكانة المرأة عندنا مكان الراس من الجسد ومن تكون هذه المرأة هي أما تكون أمك أو أختك أو زوجتك أو بنتك وجميعهن لهن حقوق وحنا بخدمتهن وسواقين لهن نوديهن أعمالهن اللي بعمل ونقضي لوازمهن ونزور بهن اقاربهن ولا نرضاء لهن بالشين مهماء كان نوعه 0
ولكن مطالبتهم بحقوق المرأة هو هدف سيء لهن من شان يتعرن من التّستر من الملابس الإسلامية العربية التي تحفظ ستره وحشمته يبون ينظرون لعورتها وجمالها ومحاسن جسمها وأستدراجها للأغراض السيئة والكثير يسمع ويرى مايحدث من جرائم بالدول الأجنية نتايج التبرج وترك الحبل على الغرب للمرأة 0والله سبحانه قال( الرجال قوامين على النساء إلى اخر الأيه ) ونهانا عن التبرج بقوله (لاتبرجوا تبرج الجاهلية الأولى ) والأدلّة كثيره على هذا الموضوع لأحب أطالة الموضوع عسى يوكون مفهوم :
الموضوع يقول:

حقوق المرأة بالمجتمع العربي المسلم !!!

حنا وشقايقنا شراكة بالأوضاع = هن سكننا وحياتنا وهن سندنا
معهن تشاركنا حياة بالأنفاع= ولولى وجوده بالزمن مانوجدنا
هن أمهات الكل زينات الأرضاع= ربننا وبعدين ربن ولدنا
وخواتنا وزوجاتنا خير من طاع = ياما معانا كافحن من ضهدنا
وبناتنا بخدماتنا حسن الأطباع = ولهن علينا حق وحنا أستفدنا
لنا مخاريج ولنا كم مطلاع = معهن نعيش وإلا نموت بنكدنا
نعيش معهن عيشة كلّه أنفاع= ونحفظ حقوقه ونشكره ماجحدنا
هذا هو الحاصل وحياتك له أنواع = لوما أنهن وجدن مع الوقت بدنا
نعيش فوق القاع ونموت بالقاع = ومعنا سعادتهن ومعهن سعدنا
والياجزعنا شاركتنا بالأجزاع = ياما لنا بالكون جادن وجدنا
والياأمرضنا صابهن حزن ووجاع = كن المرض بجسامهن عن جسدنا
هن النواة اللي له الخلق رجّاع= بوقت قبل دوري ووقت بعدنا
لهن احترامي عد ماهب ذعذاع = وعداد ماطافوا حجيج وسجدنا
والخاتمة باللي فرض خمس الأصباع = صلّوا على اللي مع طريقه رشدنا

[بهلول الزميلي]

هذه قصيده قديمه وله مناسبه ومشاهد حقيقية مرت معي قبل وقت طويل نوردها لكم للأطلاع ,,

ذئب لينه !!!


ياذيـب لاترفـع لحـون الغبيـنـه=كن العباير واكتمـه وسـط تابـوت
لاتشتكـي هـذي حـوادث اسنينـه=تغيرت دنيـاك وبـه فاتـك الفـوت
اهجم على فرق الغنـم فـي كمينـه=والذيب مثلك مايتخوف من الصـوت
لاترتجـي دنيـاك تعطيـك ظينـه=وذيب الغنم ماعاش بافضال واسحوت
دنيـاك مادامـة لـلـي حاكميـنـه=تبدل السمن العرابي غـدا ازيـوت
لاتنهضـم ياذيـب وفـرس سمينـه=العمر خيط واخر الخيـط مبتـوت
والروح طيـر والقنـص صايدينـه=والعمر لو طول ترى لاحقـه مـوت
وين الظعون اللـي يـدوخ حنينـه=وين الرجال اللي قبل تسكن ابيـوت
وادي يطبونـه يضـيـع ضعيـنـه=تسمع لهم من تالي الليـل زغـروت
لو صـاح صيـاحٍ ماهـم سامعينـه=من لجة المرحول مايسمع الصـوت
كم مـن ضعيـف يازبـن مزبنينـه=لو ان خسايرهم مثـل عيـن جالـوت
تحـد بحـدود النمـش مـن يهينـه=بشرع القضاء واللي سلم منه مبخوت
ربعـن عصـاة وفعلهـم خابرينـه=بحد الشطير ومقضب السيف منحوت
كـم قالـةٍ بسلاحـهـم فاصليـنـه=ماهي مواعيد تسجل علـى اكـروت
يعطون حق ويأخـذ الرجـل دينـه=بوقت ابطاله حضور وحضّار بوقوت
عـوايـد وسلومـهـم ناصريـنـه=يؤصل بها بت ويقطـع بـه ابتـوت
راحوا من الدنيـا وخلًـوا خزينـه=وبقت سوالفهم مثـل شعـر بخًـوت
اقفـوا كمـا غيـم تمـزع غشينـه=قفاء بها صلف الهوى حدر بكتـوت
ماتقل داسـوا عاليـه مـع بطينـه=ولاتقل من فوق الظعن جابوا القوت
دارٍ خـلـة ماكنـهـم ساكنيـنـه=محذا بقاياء اثارهم واسمـر الحـوت

[بهلول الزميلي]

سبب هذه القصيده الشرح عليه يطول ولكن نحاول نختصره بأقل تعريف0 لكثرة سوأل نهار العجل والعجل شيوخ من شيوخ شمر 0وهودايم يسئل عن حالتي وعن حالة العمل معي ولخصت بعض الشيء بهذه القصيده لأبو ثامر قلت

أبو ثامر العجل !!!


أشرفت راس معمرداً من شرفها= من ضيقة الخاطر رقيت الطويلات
حداني الهاجس وجسمي نحفها = نحف قلم بنسل تبرّيه مبرات
شاهدت نحت بالحجر ماعرفها= أثار ناس قبلنا ضمن الأموات
جرد السنين الهوج دمت طرفها= شهب الليالي بالسنين القديمات
عواصف تجري وتدمس غرفها= تظهر علامات وتخفي علامات
نرقا الطوال اللي شكينا كلفها= نشغل بها نفس ياما الوقت به فات
جلست لين الشمس قرب هرفها= وحدّرت من روس الطوال المنيفات
ومن الشقاء نفسي تعظّم هدفها= تصفق بي أرياح زعوج نشيطات
والقلب لطراف المحاني رجفها= لكن يردنّه ضلوع نحيفات
دنياء نصارعها كثير صدفها= أيامها وغيب الليالي خفيات
بحداثها تعسف ولا أحد عسفها =مجهول غيبه والزّمن له فجاءات
يازينها ياشينها ياعجفها= فيها مرارات ولها مسرّات
أسرارها ماكل عالم كشفها= وغيب الزّمن ماينشر بالمجلات
يمشيك تيار الزّمن مع جرفها= من ضمن ناس وبالنهاية حسابات
أذيابته ذلّت وخلّت حوفها = وأبا الثعل به شاخ ونظّم عصابات
من جورها خفنا وشفنا خوفها= والوقت يمشي بك على غير مشهات
كم واحداً عقب مراكيضه أفها= وقصرت خطاه اللي من أول بعيدات
دنياء تحد أسيوفها مع شلفها= بسطواتها تذهب جموع قويات
والأرض لو ضاقة بعيدطرفها= ولا عن المنايا لاهزايم ومنجات
وتمر النخل يوخذ ويرمى حجفها= ولا تجامل المخلوق بفعل الرديات
ومن لا حشم نفسه دقونه نتفها= والعيب تاباه النفوس الشريفات
والحر يفرس بالمخالب علفها= وعلى الوطا ماتجمع الذيب والشات
هذي تجاريب الحياة وشغفها= ترجمتها بملخص الوضع صفحات
وما جاز لك شيله وعذّف عذفها= ماكل مايكتب بيوت جزيلات
وكلّفت به قرم سهاله قصفها= الضاحي الجهراء وصل بالسّلامات
فوق أسرد توه تجمع شقفها= شغل الخواجة مرخصاته ريالات
شكل الحصاء يوم التروس تحذفها= حاشات هملول والأرياح صلفات
صنعة خبير والتّكانة حرفها= نال الشهادة بأختراع الصناعات
وطرق المخارج والدّروب تعرفها= وأحسب مخاطر سرعتك والمطبات
تلفي لقرم والمراجل وقفها= ملفاك أبو ثامر وخص الجماعات
مضمون أنا مارسلت داخل ظرفها= يحمل سلام والختام التحيات


مرد نهار العجل !!!


يقول من زين المثايل عسفها= يمشن على بالي خفاف مطيعات
بحر المثايل شارباّمن طرفها= يجن معي ولاهن عليّه صعيبات
ياراكب اللي للفيافي قصفها= عبار دو لسهال البعيدات
صنعة خبير جهزه من كلفها= ماحط بالطبلون يادست له هات
أن دار ويله بالصحاري كشفها= يشفي غليك بالدروب العجيبات
يطوي سهوم القاع طوة خصفها= من ضاحي الجهراء لشرقي قيالات
يلفي لقرم والمراجل وقفها= بانة أفعوله بالسنين العصيبات
له مجلس يرتاح به من عرفها = الليث أبو نواف ريف الرديات
تر منزله بعالي نوابي شعفها= يوم أن خطو اللاش مايذبح الشات
عدوهم يشكي مضارب سيفها= يوم انها بعصور خيلاً وغارات
يذكر زمانه ضايمه من صدفها= وناقف معه في الخفاء والبيانات
أن جاك من عوج البشر من جنفها= قلبه حقود ويعطي الرمز بسكات
هلوس الرجالاللي خباث نطفها = تقطع عراقيب القفاء بالفراغات
ابعد ضعونك عن ملايم سلفها= والله خلق لناس فجوج وسيعات
أبعد ضعونك عن ملايم سلفها=والله خلق لناس فجوج وسيعات
دنياك محداً سالم من صلفها= من دورنا ومر السنين القديمات
أن عاضبة دنياك يالقرم خفها= ترمي بعرضك بالخفاء تقل دانات
وبدل بغيره وثم تلقاء خلفها= وسجد لرب عالم بالخفيات
وعسى القساوة تبدله في صخفها= وتبقاء على روس اعلا والمسرات
والخاتمة باللي لشمسه كشفها= الواحد اللي مالنا عنه منجات
وعداد ماتزمي عوالي شعفها = وعداد ماسار القلم بالسجلات
وعداد ماتخضر مسايح ندفها= تهدا لكم منا سلام وتحيات

[بهلول الزميلي]

مناسبه هذه القصيده هي تخص من يبثون الأشاعات قبل التأكد من حدوثها
وعندما تقول منين مصادر المعلومة يقولون حنا بعصر العولمه والتكنلوجياء
سرعة بث الأخبارعن طريق القنوات الفضائية وأنتم لازلتوا بعصر الأباء والأجداد
عصر الجهل والتأخر قلت هذا الموضوع عسى يودي للغرض المطلوب0


بالقيض حفياء لامياه ولا زاد !!!



قصرت رجلي عن تعاليل الأجواد = لوبه وناسه من خطاء الناس عفناه
عفناه من ناس تعاند به اعناد=من واحد يجيب حيله على أقصاه
يهجم بلسان جارده تقل هدّاد = ويزعل يامن قلت ندخل على الله
على الظلايم وسب الأجواد معتاد= ويحكم عليهم والخطاء ماعرفناه
وشعبيته مابين ناشر وجرّاد= طباعيه بعرض الأوادم مشقاه
قسماً بها نجّار وهذاك حدّاد= مليص ودهان يرمم خطاياه
وصحف وجرايد بثها فاق الأعداد = مدير ومامور وناشر اعلاناه
ولاينفع الديكور والبني منباد= كان القواعد صبهن ماضبطناه
وسود الليالي يكشفن صدق الأوكاد = طول الزمن يكشف أمور مخفاه
يبين به صدق الرجل ويظهر الجاد= والله كفل كشف الأمور المغطاه
تفرق حلوم الليل عن علم عوّاد = ويعرف سراب القيض من اللي بغاء ماه
ولنا الشّرف نمشي على طرق الأجداد= اللي فعايلهم به العز والجاه
أهل الكرم وأهل الشجاعة والأمجاد = وهل الفعول اللي الزّمن سجل أخطاه
يذرون ياجار الزّمن وشحشح الزّاد= وتصبر على عجف الليالي وبلواه
يامازبنهم من شكاء الظيم ياعناد= يوم اللقاء وظيم الليالي توطاه
بالقيض حفياء مع رهاريه الأنفاد= مهالك راس الدليله بها تاه
مضامي حيل النجايب معه باد= بديار غرب والمسافات مظماه
خويهم جابوه من دار الأضداد= يوماً عظم الساق مايحمل أعضاه
يركب على الأمتان كنه على أشداد= كنه على شقران بالمشي يقداه
بالقيض حفياء لامياه ولا زاد= خمشة عشر ليله على الوجه ممشاه
هذي الفعايل وأنت يالقرم نشّاد= ياعايش عصر التّرف والمباراه
واليوم من زود الأمن بخير واعياد= في وقتنا توالف الذيب والشاه
وصلوا عدد ماقام راكع وسجّاد = ماشعشع البارق وسالة شغاياه

[بهلول الزميلي]

هذه قلته لعيالي الصغار وبنيخيي وهي تكلم عن رغبات النفس وردعها عن ماتريد
لأن النفس أمّارة بالسو على المرء عدم مطاوعة النفس بما تطلب وصور بعض
الماضي عساها تكون مرضيه للجميع

النفس وابليس !!!


يألله ياعالم خفي السّريره= تجبر هوى قلب بدى فيه وسواس
والحال عن ضيم الليالي تجيره = وعن ماقف يفقد بها بعض الأحساس
والنفس جنّبها دروب المعيره= وعن المذلّة والردى وطرق الأدناس
نفسك تهينك دام إبليس شويره= هواه وشيطانه لهم بالردى ساس
جازه برغباته دروباً عسيره = من خوف لا تحتاج لأنذال وخساس
أحكم رسنها حكم حبل الظّهيره = شيباء ظهر منجوبه الهجن عرماس
تتلي عقيد ضايقته المغيره= ياتلّهن مع سهلة وقت الأدماس
بأرض العدى والخوف طوّل مسيره= يزمي بها راس ويسقط بها راس
والشّمس ضايقهم صخاني هجيره= حفياوطفيا من الدّرك صابهم باس
تظهر خفاياء الرجل شرّه وخيره= تقدم بها ناس وتفهق بها ناس
وإلا الرخاء تكثر نخاوي أمطيره = كلاً شجاع وكرمته ماله أقياس
رجل اللوازم بالشدايد وغيره = ياجن بها خمس على خمس بقياس
والهجن تظهر طايله من قصيره= رجل يهاب الدّرب ورجلاً لهاداس
أحداً بفعله تفتخر به عشيره= يثني ورى ربعه والأرياق يبّاس
وأحداً يجي محزوم فوق النّجيره= ماجاب علم الطيب ولا حاش نوماس
راحة ليالي طربته مع زويره = بحفلة فرح يقلط بها كل هوّاس
وغيب الليالي مايعلّم نذيره = وطرق المراجل ماتبي درس ودراس
ترجمت مؤجز خبرتي بتعبيره= لجيل ورانا نكتبه له بقرطاس
وصلاة ربي عد رشق المطيره = وعداد ماذعذع من الريح نسناس
على نبياً بالمحاسب مجيره =راع الشّفاعة بموقف تحشر النّاس

[بهلول الزميلي]

أخواني صباحكم خير هذه القصيده ونبذه قصيره عن سببها لأن إذا ماعرف سبب القصيده تكون
غامضه 0هو حدث نقاش حاد من بعض رعايا أحد الدول المجاورة مضمونه يقول دول الخليج
بشكل عام والسعودية بشكل خاص شعوبه قبايل بدويه عندهم تخلّف بالعلم والحضارة وعندما
قلت له حضارة الخليج أكبر من عمر دولتك بكثير زعل قلت باكر أرضيك وعندما تجمعنا من
باكر بالدوام أعطيته القصيده قلت أقرلو أني على علم ماتفهم بعض معاني كلماته لأن كلماته
كلمات قبايل بدويه قال حنا بدوا وأنتم تشوفوننا بالتمثيل على الخيل وببيوت الشعر قلت أشوفك
أمس تنقدنا بالبداويه قال لالا أنا بس هاشكل قلت المهم القصيده تره تخصك أنت واللي مثلك فقط
من دون الثانين ومن دون دولتك وأنت ماتمثل أحد إلا نفسك لاتمثل شعب ولا دولة فيها أقول

حنا البدوا !!!


نواف هات البوك وهات المظاريف = يأبو مدى قلبي من الضيق مغمور
يسوقن الخافق لراس المشانيف= روس الطوال اللي زماء دونهن قور
قلبي يضكنّه ضلوعاً مهاديف = لو ماأحكمنّه رافق الريح وطيور
ينوض نوض منتّف الريش تنتيف= من الحماقه ينتش السبق وسيور
يكفخ كمااللي حادياته عواصيف= لكن عن النوهات والمشي محشور
ويهوم هومات السلف بكنّة الصّيف= بطلوع نجم يبّس العشب بحرور
لياذكرت اللي مضاء صابني حيف= أحس قلبي بين الأضلاع مسمور
يسوج سوج مربّطات المعاسيف= خطو العسيف اللي عن الطّرش مقهور
حيث أن قلبي يارقيت المشاريف= يرتاح به بالي لو الهم مكثور
شوف الصحاري والسهال القفاقيف= وريح النبات اللي من الوسم ممطور
قبل الليالي توقف العمر توقيف= مع سلّم يمشي بنا الوقت بحدور
ماهي ثقافة مروحين الدّناديف= خباث النّفوس اللي به حقد وغرور
حنا البدوا وعاداتنا نكرم الضّيف= والجار معنا دايم الدوم مسرور
وحنا هل النّوهات بعاد الأطاريف= وفعولنا يوم الفعايل لها دور
تشهد لنا البندق ويشهد لنا السّيف= وتشهد سروج الخيل ويشهد لنا الكور
أن صار بطراف الجهامة خواطيف = بيوم عبوس مظلم خوف وشرور
كم أبلج من فعلنا طاح ماشيف= تحت الرّمك داسنّه الخيل بحفور
بمهنّد حدّه يقص السراجيف= من كف شغموم يقضّه على الزّور
ليانتخاء وله زغرتن الغطاريف= وصاح الصياح وردها كل ممرور
نسكر سطر لعيون هجفاً مواليف = ومن ضربنا يقفي به الشيخ مذعور
ونصبر على جور الزمن والمصاريف =ياشح زاد الوقت ولافيه ميسور
ونسكن بيوت كا الهضاب المهاديف= تلقاء بها كيف لو الوقت به جور
نهلّي ونضحك والليالي معاجيف = يوماً ولد اللاش يدبر كماء الثور
ونرعى نبات القفر بالخوف ونخيف= وقطعاننا ترعى زماليق وزهور
عشب المزون اللي بروقه رفاريف= مزناً نباته مقفر ماهو مأثور
نمشي بأمان وخير من السيف لسيف= من البحر الأحمر للامارات بسرور
في حكم من هم طوعوا نجد بالسّيف= صواعق من ضربه الدّم منثور
وصلات ربي عد ماذعذع الهيف = على نبياً سيرته للهدى نور

[بهلول الزميلي]

المجالس يوجد فيها من الرجال اللي فيهم الخير الكثير البعض منهم معه قصيد يمتّع هواة القصيد والقصيد معه أنواع من الحكم والنصايح والمدح والأرشاد والوعض والغزل وجميع أنواع القصيد 0 والبعض معهم سوالف تونّس الرجال وتطرب المجلس بالسّوالف الطيبة 0 والبعض منهم معه علم النسب للرجال والقبايل ويستفاد منه 0 والبعض معه علم الدين والذكر النافع للأخرة0 والبعض لاذا ولاذ أكبر همه تخريب القصيده أو السالفة إذا ماجت على مزاجه وإذا سولف الواحد أوقصد يحاول يحـوّر الكلام على مايريد وإذا ماجت على رغبته خرب الموضوع وإذا جاملت معه أنت شاركته بتخريب الموضوع وقللت من المصداقية بالموضوع وهذا بنظري مايجوز لأن هذا يوخذ منّك وينسب عنّك وإذا كان ماهو على مصداقية لاقيمة له 0 موضوعنا يتكلم عن هذا النوع
0000 ياقالة الناس قول الزور0!!!



ياقالة الناس قول الزور ماقوله = مالي بغلطاتهم عوجه ولا أقداها
ماني وكيل البشر دحوشه ولا أهموله= أقصر قدم سبت رجلي وأزن أخطاها
أنا الذي ماشتغل في شيء مانوله = ولا أشغل به النّفس والمنقود يقفاها
أمشي مع اللي مشى مشياً على طوله = والدلبحة يوجع الرجلين ممشاها
لو المشاكل بدون العدل محلوله = مأسسة محكمة للفصل بقضاها
تطلب حقوق ماهي لك ليه وشّوله = دام المقادير ماتقدر مناحاها
كلن على رغبته بتسويق محصوله = من طب الأسواق يعرف سعر مشراها
ويتجر مع اللي تجر لوكان بنعوله = ومن ذاق طعم الحوامض مــــيّز أحلاها
وكلن هدومه يفصلهن على على طوله = ويمد رجله قدر ماتاصل أغطاها
وياقالة النّاس قلت الحق وأقوله = واللي قنع من كلامي قلت حياها
لي منهج مختلف عن باقي أعقوله = وسراير الناس ماتهمن خفاياها
النّاس من طينة وبالخلق معزوله = مثل المحيطات مالحها ومرواها
أحد أجاج وملحه زاد مفعوله = وأحد قراح يرد الري مسقاها
وأحد مراره يذوقه من نزل حوله = وأحد يشاد العسل بالذّوق ماحلاها
وراع النمايم وهرجه ماشتهي قوله = رفقات الأنذال لوزانة توذّاها
والنّاس بالنّاس والأطباع مجهوله = وحاجتك للناس تظهر لك مزاياها
ومن راقب النّاس همّه زادة أحموله = يموت وفقره بنفسه دوم مأغناها
مشيك عزيـز لـو الأقـدام مشلولـه=ولا طيبة اللاش وممشاكم على أرضاها
والرّزق والأجـل والأعمـار مكفولـه=ومايكتـب الله مـن الأقـدار تلقاهـا
واللي غدا بالليال السود وأضلوله = يصبر وشمس الضحى تهديه بضياها
وطريق الأنذال ومساره ومدلوله = ماتوصلك للفضاء لوسرت لقصاها
رافق رجال الــشّرف والعرف وزحوله= عز الفتى من فعايلها بيمناها
ولا تطرق الباب والأبواب مقفوله = ومن سكّر الباب جــنّب لاتنصاها
ولا تكسب المال وأنت النّفس مذلوله = فرعون قبلك غرق والمال خلاها
والحال لابدها للقبر محموله = ومامر اللي قبلنا ملزوم ياطاها

[بهلول الزميلي]

أخواني وخواتي الغالين السلام عليكم ورحمة الله وبركاته
من حق إلا نسان أنه يقصد ويمدح مايريد من أهل الفعل الطيب وأهل المعروف ومن تحب ولكن بشرط مايكون على حساب مذمةغيره من القبايل والأفراد حيث هذا حسب نظريّتي مايجوز كل القبايل له فعول طيّبه وله أمجاد وفيها فريس وشيوخ وكرام وفيها رجال فيهم الخير الكثير 0
موضوعنا يتكلم عن مثل هذا النوع بعد طلبة الله والا عتصام به من المشاكل النفسية ومشاكل الحياة عامة أن جاز لكم هذا المطلوب وأن لم يجوز نطلبكم السموحة والمعذره لأن الكمال لله سبحانه نتركم مع الموضوع 00

الزوبعي والأسلمي والسناعيس !!!

يالله يامعبود يارب الأرباب= حلاّل قالات خيوطه لواليس
أنت الكريم ومن لجاء فيك ماخاب= يامن بأمره تستحس الحواسيس
ناديت بأسمك خاشعاً لك وطلاب= بوجهك نعوذ عن القهر والوساويس
نطلبك مانطلب خبيثين الاسلاب= كبار النفوس هل القلوب النواجيس
تفكنا من شر حاسد ونصّاب= وتجعل لنا حظاً قوياً لياقيس
وعن الفعول الناقصة تجعل أحجاب= يامن بأمرك يدرس العلم تدريس
يامن جعلت أرزاق الإنسان بأسباب= ورزقت بالأسباب عمي النواديس
وأبن أدم مهما بقاء يرجع أتراب = وعن لحم وجهك ماترد الرواميس
مهما توصّل للمراتب والألقاب= الدّود وسط القبر يمرسك تمريس
هذي النّهاية وكل حي له أكتاب= والدايم اللي ييبس الخضر تيبيس
والعمر يقضي وخاطرك منه ماطاب= وسود الليالي تفرس الجسم تفريس
تقضي حياتك بين ناهب ونهاب= بين الجهل هو والهرم والهواجيس
قبلك رجال فعلهم ماله أحساب= أفنتهم الدنياء وراحوا مفاليس
ماكنّهم ركبوا على كور نجّاب= من فوق رملاً مركزه عيس من عيس
أفعالهم عدّت على زيد وذياب= بقة سوالهم سوات الكوابيس
صواعق من ضربه الدّم صباب= نوادر مابه جبان ولاهيس
بسوفهم ياماء هفا أشناب وأشناب= وكم شيخ قوم في مكان الرّمك ديس
مال بها يوخذ ومالاً به إيجاب=والخيل من لكد النشامى مراويس
بمهنّدات مضربه ماله أطباب= وكم أبلج داسوه وسط المتاريس
يوم المقابل ياحصل ضرب كلاّب= قوم مقابيس تناطح مطاويس
مثل الحرار اللي على راس مرقاب= بوقت الهداد بموقع مابعد عيس
تناطحوا ولابه ملاذ ولا غياب= تسقط بها فريس وتفوز فريس
حمايل ضربه تقل رشق نهّاب= وجيه معابيس تلاقي معابيس
حكمة به الأقدار والدم به راب= شاشة مواويله وحضربه أبليس
ومن هاب هوشات الملا منه مايهاب= ومن لا حماء داره وطته الطنافيس
ربعي هل الطولات ياصار ضبضاب = الزوبعي والأسلمي والسناعيس
الدّم من ضرباتهم كنّه أخضاب= لياصبغ بكفوف بيضاً معاريس
بحدب يقصون الفنادي والأرقاب= ماهي بشيخات الرخاء والملابيس
ولاذم أنا باق القبايل والأنساب= لهم فعول طايلات ونواميس
وختمت مابرمج لساني وماجاب = ودونتها بملونات القراطيس
وزكاء صلاة عد ماكوكباً غاب= ومانسّفة روس الطعوس النسانيس

[بهلول الزميلي]

أخواني وخواتي
السلام عليكم ورحمة الله وبركاته / -
موضوعنا اليوم يختلف عن سابقاته وعس ماتواخذوني أن جاز لكم أقبلوه
وأن لم يجوز أتركوه وخلوه وسامحونا الموضوع موضوع فكاهي وهومايلي/ـــــ


عشقت لي بنت مثل مايعشق غيري من الناس ( وبعلم الحداثة حبيت) وأستمر هذا الحب أكثر من عشر
سنين وعندما حاولت التقرب منها حصل ظروف حاده أكبر من أستطاعتي وتركت الوضع وتزوجت قلت
أتركها لكن لازالت نفسي معلّقة بها وبعد مدة رجعت له بعد عشر أسنين ثانية وحاولت التقرب منّه إلا
الظروف أصعب من ماكان عليه سابقاً وتركت الوضع تزوجت المرت الثانية لعلي أنساها وأرسلت له
قصيده مع أحد أصدقائي يوصلها له وقررت أبتعد عنها وفعلاً ابتعدت أكثر من عشر أسنين ثالثه
وعاوتها بعدحوالي أربعين عام من الفراق وعندما قابلتها قمت أنظر لمحاسن جسمها وأطرافها وهالني
جمالها الباهر أنا فكّـرت أنه تقدّمت بالسن وعجّــزت إلا أن جمالها أحسن من ماكانت علية بالسابق
وهي كأنه تقول مذا قلت سابقاً بوصفي قلت مايخصه من القصيده وإلا القصيدة اطول من ذلك ذاكرا
أسمها ووصفها ومايتعلق بها0

يادار يادار حاتم !!!

لي عشقتاً بيضاء وعليها حرس سود = طول الليالي والزمن حارسينه
أنحيت عنها دوم والبال ملهود =غصباً نحانا الوقت بأعنف سنينه
أسمه من أسماء العقم ماجاه مولود= ومن الذراري ماصرخ في يدينه
هي مطلبي لولى أن بظروفنا أحدود = وقاسمتها والموت بيني وبينه
لكن أنا ماوفيت بالعهد ياسعود = حكم الزمن وظروفنا خابرينه
ورجعت له وقالو خذوها هل الزود = ربعاً تحوش الطايلات بيمينه
وتم الزواج بدون مأذون وأشهود = وحلال ماقال القضاء محرمينه

ثم هجرتها مدت طويله ومريت عليها بعذ هذا الزمن الطويل قلت أنه عجوزتقدمت بالسن ماتقبله النفس
ولكن العجب عند مانظرت لها كم تقدرون عمرها بعد هذا الوقت ؟ أقدرعمره باعشرين والله ثم والله أنه
أحسن من ماكانة عليه سابقاً قلت فيها0

يادار يادار حاتم !!!


عشقت لي عشقتاً وطولت له ناطر = وحبيتها من ضمن ناس يحبونه
وكثرت عشاشيقها ولازال لي خاطر= وأنا أخبر البنت ياعشقة يعافونه
لكن راع الوفاء من طبعه أيخاطر = ولا يطيع قول البشر مهماء يسبونه
حبه بقلبي كبر وكبرت ياماطر= وطال أنتظاري وباح القلب مكنونه
شمة عبيرالهوى بترابه العاطر= كمبودي الهند والتجار يشرونه
يادار يادار حاتم علّك الماطر = من مدلهم ينوض البرق بمزونه
عسى عن أجبالها ماياقف القاطر= ياماء يطم النفل والعشب بركونه
أديار عصم الشوارب مدهل الفاطر = يوم أن الأذواد يرعونه ويحمونه
وهله هل الجود مامنهم ظهر باطر= نعمة وطنهم بشكر الله يحفظونه
وعيالهم بالمراجل من طلع شاطر = وسلوم الأجداد يمشونه ويرعونه

[بهلول الزميلي]

أخواني وخواتي منسوبي شبكة نشامى صباحكم خير ومساكم خير وتعيشون كل الوقت أن شألله بخير موضوعي هو نصيحة لصغار السن ولمن خبرتهم أقل من خبراتنا حنا يالشيبان هههههه وهي تنقسم لقسمان0
القسم الأول / هو طلبة لله ملك الملوك وصاحب القوة العظمى حيث لاغناة للعبد عن طلبة الله مهماء كانت قوته ورياسته تقضي أمام قوت الله مثل ماحدث يميناً وشمال وهم روسا دول وأصحاب قوة تلاشة وأنتهت بضعف والبعض للأبد مثال قوة فرعون والأمم البايدة0
القسم الثاني / سيرة حياة ذاتية تشرح بعض ماحدث بالحياة وتذم التشمّت بالوقت عسى أن يستفاد منه الموضوع يقول/-

الوقت !!!


يألله ياللي بأيدك الرزق فـرّقت= ورزقت من جودك ضعيف الدّراويش
نصوم لك وقت ونطلبك في وقت=يامن بأمرك تستهل المراهيش
نطلبك رزق يوم لناس حققت= تجعل لنا قسم حلال من العيش
قالوا جهلت وقلت بالجهل أنا رقت = نجهل ومعنا يجهلون المداغيش
خلوني أجهل لوبها ماتوفّـقت= قبل الهرم مايخيش العمر تخييش
ياجاهلاً بالوقت خذ خبرة الوقت= مهماء ارتفعت بعلم ترجع على ميش
غرّبت في درب ومع درباً أشرقت= بجت الفيافي والسهال النشانيش
ورافقت بالدنياحبايب وفارقت= وخاويت بالشّدة رجال مداهيش
ومشيت بالطابور وعقت وتعوّقت=وركبت فوق الكور ورافقت أنا الجيش
وصليت في ناس ومع ناساً الحقت= وخضت البحر بقدام رجلي مع القيش
ورفعت راسي لراس ولراس دنّـقت= حشمه وتقدير ماهو ذل ياعطيش
وحشمت بعض النّاس ومن بعضهم ضقت = اللي سوالفهم نمايم وتحريش
وكسبت أنا من الوقت وأنفقت بالوقت= وحكم الحياة يهمش الوضع تهميش
ونتعب على مال ومن مالاً أحرقت = وعفنا الطمع ومكاسبه بالمطاريش
وأيقنت لوأنّــك مع الجوحلّقت = مالك عن المقسوم لوطرت ياطميش
هذا هو المكتوب لو أنت برّقت = والوقت لوطوّل ولو عاش ماتعيش
ومرّة سحابة صيف ولا تقل به ذقت = ودنياك مادامة لحمر الطرابيش
وكم مرّة نرمي خطانا على الوقت = والوقت مايخطي نذمه على ويش
ونشكي نقول الوقت ياوقت فرّقت = ياوقت ياوقت الشقاء ليش ماليش
وعيب الفتاء بعلباه لوأنت دقّّـقت= بأول حياته طيش ونهايته خيش
ونهاية المشوار من الطيش يافقت = حيلك ضعف وبلشت بالحال تبليش
والخاتمة باللي فرق وقت عن وقت = صلوا عدد مارفرف الطير بالرّيش

[بهلول الزميلي]

أخواني مساكم خير وصباحكم خير ودمتم بخير نقدم لكم هذا الموضوع مقالنااليوم وبه لغز للي يحب الألغاز والحل يكون بأخر ردعلى الموضوع وشرح بعض معاني الموضوع للي به غموض عليه عسى يعجبكم الموضوع يقول

الغائب !!!



نواف جانا غايب يذكرونه = شفت الغريب وصار داري لهم دار
هجم علينا بعنف وطيّر عيونه=ولا ينطحه عني شجاع ولاجار
وقبلي رجال ماقدروا ينطحونه= من عقب ماهي تنطح الكود والنار
وكل الخلايق حاولوا يمنعونه= وشافوا وعافوا ووجسوا منه الأخطار
مهما جزعوا وذاقوا حياة المهونه= تصبر وكنه صاحب النار والغار
وأستسلمت بالغصب ماهي ميونه= رجل قوي جبارفي راسه أسطار
وأستيسرن غصباً غريب بلونه = بداري وملكي وصار هو راعي الدّار
وأحاط بالقلعة غزات يبونه= وقلوب سكانه بهاء خوف وذعار
ومضاد جواً ورض مايوقفونه= وبأحدث سلاح مصنّع عند بيطار
بسلاح جديد مورّد يحاربونه= وقواعد وقوات تسقط له أقطار
الخط الأول ماطلع يذبحونه= يموت له وقت ويظهر له أدوار
والخط الثاني بحكمة يعاملونه= يليص لها دار ويدهن له أجدار
والخط الثالث سلّموله ديونه= غصباً عليهم وصاحب الأمر يختار
وحكم بهم قوة وهم يكرهونه= عياً عنيد منه ماتفيد الأعذار
ولا يقبل التأخير لو يطلبونه= ومهما كتبت من التّعهد بالأقرار
ياناس خلوا كل ساعي وشونه= ماينطح وادي من السيل ياسار
يوم السماء قامت ترازم مزونه= ولا من جواديف تعبّرك الأنهار
بحور عميقه ماقدروا يقطعونه= تتعب سبابيحه واللي بالهوى طار
هذا وأنا مالي ورا الناس مونه= وكلاً بعقله راضي وأنت تختار

[بهلول الزميلي]

أخواني وخواتي شاهدت منظر فيه قتل للأ طفال والناس الطاعنين بالسن وكبار السن
فسألت نفسي أين حقوق الانسان أين مطالبتهم بحقوق الأنسان والمرءة 0 وموضوعنا يتكلم حول هذا
الموضوع اللي يجوز له أعتقد هذه الحقيقه واللي ماتعجبه لايشغل نفسه به يتركها الموضوع يقول

لاياعرب لاياعرب !!!


عزات ياقلبٍ عضاها مشقات = ومن المشاكل والسهر متعباتي
ناطا الصخر والشوك بدون وطيات =ومن حر شمس القيض يبسة لهاتي
عطشى وحفياء وجوع في بعض الأوقات = وهم يدك أضلوعي العالقاتي
دكة صواريخ توجّه بغارات = أيام حرب وللهدف مرسلاتي
أشوف أعلام الغرب سوى بنا أشتات = تأمر بمنكر تنكر الكاملاتي
قالو بدين الله نقصاً والأيات= وتنكر حقوق بديننا ثابتاتي
وناس تشوف الشيء لكن سكّات = وظن مامن قدرة ياشفاتي
الغرب غزانا بفكر وسياسات= وأعلامهم تطالب بحق المراتي
تقول من حق النساء بالمساوات = ومن حقهن يمشن وهن عارياتي
بحالة تبرّج وختلاط وسهرات = مع الأجانب بخلوة جالساتي
وتكشف عن المستور وترم العبايات = وممنوع لبس أهدومه الساتراتي
وتظهر محاسن جسمها والخفيات = ويشوف عرض المترفات البناتي
ومن الحياء ومن الملابس معرّات=وينظر محاسن جسمها الخافياتي
بدون رفقة محرم ولا حمايات = من أجل الذيابة تفرس الأمناتي
هم قصدهم تدنيس عرض الشريفات = وإلا نساهم عندهم واجداتي
بعلم الثقافة وختلاط بشهوات = في كل وقت ولالها من حماتي
تبي بشرفنا تستلذ الخواجات = أفعالهم وعقولهم خارباتي
هذي يرافقها وهذي مخلات = وهذي يجيها للمساء بالمباتي
وهم قصدهم يبون وطي العفيفات = ويحدّرونه من الشّـرف لزناتي
أفعال حسد وفسد وبالشين ملقات = والله أعلم وش بعد باقياتي
لوهم على عدل حكو للضعيفات = بحقوق عجز ورمّلاً قاصراتي
وحقوق أيتام وناس عشوا مجاعات = ماتقل من حقه تعيش الحياتي
وإلا حقوق أشعوب به قتل وأفات = عنهم تصد أعيونهم مغضياتي
عدوان دين الله تبث الدعايات = تخطط وتدرس تنتهك مسلماتي
تبث سمومه لاخجل ولا مبالات = بعقول مرضا مالها معالجاتي
حرب مصاويبه شوشها معفات = مثل الهبيل اللي يقوس الوطاتي
عيونه تراعي والضماير محشّات = ومن السموم أسنونهم طايحاتي
مايعرف الصاحب من اللي به عداوات= يضحك عدوه به ويشمت شماتي
تضحك عليهم والبلاوي مخفات = وعلى الدمار أعيونهم ساهراتي
طعنوا بدين الله وقالوا خرافات = وسنّة نبيه بدعتاً والصلاتي
لا ياعرب لا ياعرب فرسة الشات أصحوا تروا نسوانكم مخطراتي
وشبابنا ضاعوا ولابه مراوات = دجّوا وزجّوا وطرقهم ناقصاتي
قلته وأنا مالي على الناس مونات = لاشك ننصح وأعتبرها وصاتي

[بهلول الزميلي]

الوصية والجار والخوي !!!


ياصار تقدر تقطع الجرهديّه= ابعد عن اللي هو ويا جاره أجهاد
من بينهم صجّه ولجّه وأذيّه= نوب يجي شكاي ونوبات هدّاد
أما من الشرطه يجي مشكويّه = وإلا يسجل لك مع الشيخ ميعاد
أبعد عنه وفجوج ربي فضيّه= دار بدار ولامناحات الأضداد
بدار غروب الشمس لاشع ضيّه= تدله بها وترتاح لوكنت مدّاد
دار جنوب الصدر وشرق الدويّه= وعلى شعيب القلت وسند به أسناد
وعلى الرعون وهجرة العجرميّه = ومن الشّعب وعلى الجبل وأمش به غاد
وعلى العليم والرمال العذيّه = وشرق الطّويل وعم لك وسط الأنفاد
عسى المزون وماطر العقربيّه = يمطر عليها بأول الشبط وجماد
أديار من هم يحتمون الرعيّه = اللي بهم ترعى مواليف الأذواد
دار الطنايا عزوة الشّمريّه =اللي لهم بالمجد مصدر وميراد
تدله معاهم بين روحه وجيّه = والنّفس طير وعادة الطّير ينصاد
برفقة قروم والأجازة مديّه = وعاداتهم كسب النّفايل والأفواد
وثم أحترفت وجبت أنا الشاذليّه = فنجالها يخفف شكا النّفس يازاد
هذا هواي ولاحقتنا المنيّه= لو طال عمرك رايح تاصل الماد
أقول من يقبل جزيل الوصيّه= من واحد عاش التجارب بالأوكاد
أحشم خويك عن الدّروب الدّنيّه= تر الخوي له قيمة عند الأجواد
تر الرّجل ملزوم يقدّر خويّه = لاتلهده وتضايقه بكثر الأنشاد
وأصبر على الجيران لوكان سيّه= لابد مالأيام تبعد بك أبعاد
وكلاً يتذكّر مالقاء من الأذيّه = ياحال من دونه رهاريه وجراد
أي الفعول الطيّبه والدّنيّه = ومشيك مع الأجواد والوجه منقاد
أيّه ومشيك بظلمناً خرمسيّه = بديار غرب وطرقها خوف وأنكاد
خطو الولد يسوى من النّاس ميّه= مثل البليهي ياسمع صوت عوّاد
يقطع رهاريه السهال الخليّه = بالقيض ياقل الروى وشحشح الزّاد
ويرسي كما ترسي شوامخ طميّه = لو الصواعق تضربه والمطر زاد
صم الجبال الشامخات القويّه = الله خلقها للوطن وزن ووتاد
ومن لا يحوش الطايلات بيديّه = سوى يغيب أو حاضراً مابه أفواد
هذي الوصيّه وأعتبرها هديّه = أن كانها جازت لكم يأبن الأجواد

[بهلول الزميلي]

ناس تدوس العرف بقدامها دوس!!!

قالوا علامك سارح تقل مضروس= قلت أتركوني ياملى النفس ضاقه
أسرح مع الأفكار والبال معموس=وياكثر ناس ود عيني فراقه
الله من حال تقل يشعطه موس= ومن المغثّة صار فيني حماقه
حتى المطر بغيم السماء تقل محبوس =ضاقة وعسى الله يفرّج مضاقه
جفّة رياضه والشجر كن به سوس= يبسة غصونه والجذوع وعراقه
ياسين ياللي تشري المجد بفلوس= تعذّره كل الفجوج ورفاقه
حتى القفور اللي قبل مابها عوس= عيسة ورجل البر صفط شقاقه
وصار الهوى لشرّابة الغي بالكوس= أهل الفعول النّازلة والدّقاقه
اللي مراجلهم يحوسونها حوس= بالكذب والخدعة تروج نفاقه
وناس على ناس بهاوات وضروس= تاثق بهم لكن مافي وثاقه
أهل عقول كنّها عقل ممسوس= مهماء تصادقهم تبوق بصداقه
مضّة حياته عايشة بتقل كابوس= لكن ماتفهم دحوشاً لهاقه
تقول نروس الهند والصّين والرّوس= وباريس وواشنطن بيدينا غلاقه
هم يدّعون العدل والعدل منكوس= وعند اللوازم يتّضح لك طقاقه
الغش بقلوبه نبت شجر وغروس= ونفوس خلق الله كثير بواقه
ناس تدوس العرف بقدامها دوس = هو يحسب أنّه زرع يدرس دقاقه
خلّه على الله وخافي الوضع مدسوس= وحوامض الخضرة تميّز مذاقه
ناس تحطب الزّرع والعشب بالفوس= وعلى الطّمع ناس شفوفه تلاقه
وشمس الضحى بعقولهم شيء ملموس = لوكان جسمك مايتحمل حراقه
راح الزّمان اللي به المجد مغروس = بأهل الشّرف وهل الوفاء واللباقه
صعول الرّجال محصّلة كل ناموس= بالطّيب له فاقه وبالهوش فاقه
من حر ماله يغني أنفوس وأنفوس= حوش المراجل شفّها وشتياقه
وأن أدبرة دنياك والجو به كوس= رجال حدوده مايقرّب نطاقه
أخذت من الدنياء تعاليم ودروس= ومن التّجارب صارعندي بداقه
وصلّوا عدد ماتشرق الشّمس بطعوس= ومابان نور الصّبح وشع بشفاقه

[بهلول الزميلي]

السلام عليكم ورحمة الله وبركاته أنقطعت عن المنتدى هذه الأيام لظروف صحية أجبرتني مراجعة مستشفى الملك فيصل التخصصي بالرياض وبعد زوال الظرف عدنا وعدنا لكم بقصيده عساها تعجبكم


بعض المجالس ماتناسب مزاجي !!!

ياضاق صدري وأن تكدّر مزاجي= ركبت فوق اللي يشوق أنزعاجه
فوق أسرد ماطب سوق الحراجي= شد الوكاله ضابطينه خواجه
ياقام يطمي بالسّهال الـرواجي= يصفق هبوب الريح مقدم زجاجه
بعض المجالس ماتناسب مزاجي= وكثر التّشمّت يالبناخي سماجه
بعد الدّيار ولا مريضاً تراجي = ياصار مرض قلبه صعيب علاجه
وسوالف مابين عاجي وماجي= ولاهو يميّز عذبها من هماجه
هلوس الرجال اللي سوات الدجاجي= أهل العلوم السامجة واللاجاجه
بعدك عن اللي مثل وصف النعاجي= كبار النفوس اللي تقل لون عاجه
بعده ربيع القلب والأنفراجي= مع السّهال اللي به الريم داجه
مالي بهم والبر لي به مداجي = والله كفل رزق العباد وخراجه
شوف الخزمي رغبتي وبتهاجي= عندي ولا مقابل سمي الدجاجه
مشيك مع البيداء وساع الفجاجي= هذا هواء بالي وهذا مزاجه
أحب مشي البر لوبه عجاجي= ياقام خشم الجيب يطوي فجاجه
يقطع بنا دار السّهل والهباجي= زماء سرابه وشهب البعد ماجه
هذا علاجي كان تبغي علاجي= لو كان تتعبنا الحرور وعجاجه
والعمر مايذريه كثر الملاجي= ولاتنحفظ روح العباد بزجاجه
لابد من يوم يصير أنزعاجي= من دون اللي تغلي تحول الزراجه
بالبعد وإلا بالممات المفاجي= لابد من يوم يجي به صجاجه
ترجمت مابرمج لساني وهاجي= والخاتمة على الولي أنفراجه

[بهلول الزميلي]

أخواني الزملا والزميلات هذه قصيده دينية تكلم عن بعض أحوال الإنسان بالدنيا وبعض أحوال مابعد الدنيا نقول عسى يستفاد منه أن جازة لكم هذا هو المطلوب وأن لم تؤدي الغرض نطلب المعذره منكم حيث الكمال لله سبحانه

يالله عفوك ونطلبك ستر الأحوال!!!


بسم الله أبدى وأبتدي قبل الأقوال= والله يدبّر وكل شيء له أسباب
أنت الأإله وكل حي لك إيسال= ومن أعتصم بحماك ماظنتي خاب
ومن بعدها بديت في نظم الأمثال= نبع القريحة تو فكري لهن جاب
يامن بغيت الشّعر ناديت له قال= جتني مناديبه على خيل وأركاب
وأخذت جزل القاف وتركت الأسمال= وأستخلص الخافق من الشعر ماطاب
ماكنّه إلا وادي يلطم الجال= يادك به من بارق الوسم نهاب
سحّاب نهّاب من المزن هطّال= من مدلهم ساقه الريح وأنساب
بالصدر له مصدر ومارد ومدخال= في قلب مجروح من الوقت منصاب
الشعر فن وذوق ياطيب الفال=من كوكب يجري على الأرض صباب
شعر الرجال اللي بها وعظ لرجال= نجم تلالا بالسماء تقل مشهاب
شعراً حكم ماهو هذاريم جهّال= وأنت أعرف الأضراس هي تشبه النّاب
شعر لها سوق وصناديق وأقفال= ولا كل شعر له مقام وطلاّب
شعر يموت وراعيه حي مازال= وشعر يعيش من الزّمن تقل بكتاب
بعض الشعر تكسب منه خير وأمال= وبعضه يعيشك الشقاء عيشة الدّاب
تمسي بحال وتصبح بعدّة أحوال= والقلب من صكّات الأيام مرتاب
يامن نزلت الدّار تراك رحّال= ترحل منه لوكان خاطرك ماطاب
وتنزل بدار كلها خوف وهوال= حفاة عراة غرلا وحشر وحساب
تنشر به الأعمال وتحشر به أجيال= ولامن هزايم ولاملاذ ومهراب
تحاسب عن الأفعال والقيل والقال= وجوارحك تشهد لياصرت كذّاب
أما نزلت بجنة الخلد منزال= وإلا بنار تلتهب وسط سرداب
نار وعذاب واللهب يشعل أشعال= وقودها لحم البشر والصّخر ذاب
ياأبن أدم ماتحسم الأمر بالحال= ياصار طفل الدّيد من هولها شاب
والمرضعة عن ماأرضعة صابه أهبال= شافة وخافة ودخله خوف ورعاب
وصحايف تنشر ومجلات واعمال= في لوح محفوظ سجلّك لها جاب
تحوي ذنوب كبر الأجبال ماتشال= سجل من الماضي بهاعتق الأرقاب
في يوم من هوله يسيرن الأجبال= في ماقف عرض المرة فيه مات عاب
لوكان عريانه ولايستره شال= وجسم عرا مافوقها لبس وحجاب
يالله عفوك نطلبك ستر الأحوال= أغفر خطاء من شاب وعن ذنبها تاب
في ماقف ماينفعك كثر الأزوال= يامدبّر السقّاء لنا تفتح الباب
يوم البهايم حوسبه ولابه أمهال= وبعد الحساب يقال له كوني أتراب
هذا الذي أخبر بها خير مرسال= بشرك في خيره وتوعدك بحساب
والخاتمة صلّوا عدد مالزّمن طال= وماغرّد القمري ونور الشّفق غاب

[بهلول الزميلي]

السيرة!!!

يامن بغيت الشّعر ناديت له تم = جاني كما سيل تحدّر من القور
بكيفي وطوعي حاظرٍ مايتلعثم = من خافق وسط الحشاء فايرٍ فور
ومن بعدها ناديت ياغافلٍ قم= ومن لأتّعظ بحداث الأيام مغرور
أسجد للي كونك من المي والدّم= بين التّرايب وعظم الأصلاب محشور
ياماكث وسط الرحم مأنت مهتم= لا ناقصٍ رزقك ولا زاحمك جور
وسكنت في دارٍبه النّور معتم= في ظلمةٍ وسط الحشاء مابها نور
في بطن اللي بوسط الحشاء ضمتك ضم = داخل حشاها تنقلك سبعة أشهور
ومن بعدها جسمك خرج ونمتك نم =ساعة نزولك باكي مأنت مسرور
ويامن بكيت أمك تجي قبل تزهم = لو أنت بأيدينه سمن مأنت منثور
غريب ماتعرف من الخال والعم = كنّك مريض الجسم والعظم مكسور
وبعده كبرت وقمت تدرك وتفهم = تفهم حقوق الأم والأب له دور
حتى كبر جسمك وعمرك تقدّم = سبحان خلاقك وبالشّكر مشكور
أبا أنصحك عن غيضهم ولا تغظلم = لو تعتذر ياخطيت تر مأنت معذور
لهم حقوق لازمة لا تغيشم = لا تطاوع الشيطان وتكسب بهم زور
تره حريص يعكّر المي لك سم = ويرميك في دربٍ مطبات وحفور
وأن طعتها تأثم وتوزر وتندم = وتكسب عواقب طاعته ذنب وشرور
أكبر عدوٍ لك ولا ظن يرحم= من طاوع الشيطان مايكسب أسرور
خلّك صديق أمّك ولأبوك قل سم=ياماء سهروا عليك بالبرد وحرور
يسعون لك بالرّزق ولو قل تطعم= يوم أنت في سن الجهل طيش وغرور
هذي وصاتي وأنت بالشّيء تعلم = أكسب رضاهم وعند الأإله ماجور
والعمر مهما طال لابد يردم = حدر الحصاء في داخل الأرض مقبور
يالله طلبتك تغفر الذنب وتعم = في رحمتك وجعل لنا الذّنب مغفور
وصلوا عدد ماعسعس الليل وعتم = وماسار نجم بالسماء وشع له نور

[بهلول الزميلي]

دعينا لحفلة زواج بالنفود جنوب عذفاء وعندما دخلنا مع رمال النفود الكبرى وشاهدت معالم الأرض التي كنت اعرفها عز المعرفة إلا أنه متغيره ماهي الأرض اللي أنا أخبر مادري من عوامل التعرية غيرت معالم الأرض ومتصحّرة والأشجار فيها قليلةبشكل وفي معالم كانت مشهورة برتفاعها وعندما شاهدتها كانت منخفظة مثل سايرالنوازي الباقيه ومرتفعة نوازي ثانية ماكنت أخبرها وهذا أعتقد من فعل الرياح ترفع شيء وتدم شي وعوامل التعريه له دور كبير في تصحّر الأرض أستغربت هذا الشي وتأثرت به وقلت 0
النفس !!!

البارحة ساهر والعين عمسانه= وجسمي بها شاقيٍ وقلبي بها طاري
سهرت أنا والجوارح معي سهرانه= وروابع تصفق الجاري على الجاري
أعد نجوم السماء وخيل ميزانه= نجمٍ افل واختفاء ونجمٍ بهاء ساري
يالنّفس مادري علينا ليه زعلانه= أشغلتي الحال مادري وش لنا صاري
أسوج ولوج مثل مضيّع أخوانه= يلعب به الهم والأوهام والذّاري
وإلا كما شايب شكاه ديانه= على حقوقه حريص وعاف الأعذاري
عود كبير وهدالكبر ذرعانه= ضاقة بوجه فجوج البيد وحتاري
ساقوه للمحكمة بالحق وأهانه= ولاهو من النّاس لاخايف ولا داري
من ضيقة البال شب العود نيرانه= وعنه أنشغل وأشتغل وماء دلته فاري
ومن الزّعل حالته والغبن تعبانه= وكل مايصادق صديقٍ صار مكّاري
وأحتار من ضيقته والنّاس طربانه= قسمٍ بهاء شامتٍ وقسمٍ بهاء زاري
هذا يشبّه غموض الغدر شيطانه = وهذا عدولهاء وهذاك غدّاري
وليا شكا وأشتكاء لاموه صدقانه = والياسكت يسمر المعلوق مسماري
ولامن صديق فزع له ولأحدٍ عانه= ولاحد معه واقفٍ ولاحدٍ له إيثاري
ونار بقلبه توقد ثار بركانه= صم الصّخر ذاب وسالة به النّاري
يالنّفس روفي بنا هوليه شقيانه = تري الزّمن حالته يالنّفس دواري
مادري ذكرتي وقوت راحة أزمانه =وأرضٍ بهاء شفت ميرادي ومصداري
وإلا أنتي عفتي حياة المدن وسكانه= وحياة اللي بايعٍ واللي بهاء شاري
وناس بهاء صاحيه وهذيك سكرانه= ولا تعرف الصّح من كاري ولا ماري
أحذر جمال الزّمن يغريك بلوانه= تر النّهاية تعود النّاس للباري
ومن طالة أيام عمره شاف نقصانه= هذا الملخص قبل تفصيل الأخباري
ونهايتك جثةٍ والحال عريانه= ولا باقيٍ غير ذكر أسمك والأشعاري
وتمشي على رحلة أن زانه وأن شانه = رحله ذهاب وجسمك راكبٍ عاري
وصلوا عدد ماتهز الريح عيدانه = مالوّحة في هبوب الريح الأشجاري

[بهلول الزميلي]

الشعر رسالة ويجب توديتها بالشكل الصحيح وفي حالته المطلوبه
عندما يكون النصح له مجال ينصح الشاعر بما ينصح به
وعندما يكون بحالة وعظ ياعظ الشاعر بما يجب أن
يوعظ به عندما يكون مدح يمدح من يستحق
المدح حتى ولوكان ميت تشجيع الغانمين
على فعل الطيب وهكذا باقي حالات
الشعر يجب أن ينشر
00
0
00
موضوعنا مدح بالشيخ
عبد الكريم الجرباء لو أن فعله وطيبه أكبر من شعرنا ومدحنا
وهذي العائله بشكل عام جميهم أعلام ومشاهير للمدح وهم يستحقون
أكبر من مانقول وهم غنيين عــن المــدح والتعريف لكن ماهي إلا مشاركة
والجودمن الماجود ولو عندي القدره بأجود من ذلك فعلت لكن هذي الأستطاعة00


عبدالكريم الجرباء !!!



عبدالكريم أسمه مع الناس مشهور = في قول خوذه كل من جازله شي
ماكنّه إلا كوكبٍ شع له نور= فوق السواري يوم بالليل توضي
ياماء ذبح من الخور وياماء عطا الخور= يوم الزمن به جوع والنّاس لاشي
تعطي يمينه ماذخرت منه مذخور= ولا تعلم اليسرى من اللي من أعطي
يعطي صخى ويكرم لو الوقت به جور= ماكنّه إلا حاتمٍ في جبل طي
ولو يملك الدنياء عطاها على الفور= على الظعافي وزّعه ماحفظ شي
عاشة ببيته رمل وإيتام وأبزور= هدّج تيما من عطش منه يروي
إلا ومع ذلك على الخيل مسطور= يسكر نهار الهوش ولا ينتطحه عي
يسكر سطر ماهو تكبّر ولا غرور= بالسيف لرقاب المناعير يرمي
لقّب بسكران المجانين ياسرور= شوّاي سيف الهند في مجحم الظّي
ياشافته خيل العدى تركب القور= ذعار السبايا عنه الأبطال تقفي
الينتخى بعمشى وزاهم تقل سور=لسّيف من دم المناعير يسقي
بالمجد يرقى وكثر النّاس بحدور= من لابةٍ بالكون تحري وتذري
وبالمدح يزمي فوق الأجبال وقصور= فوق الرّوافع يوم بالقيض تزمي
شيخ ولد شيخ وبالأمجاد له دور= أشيوخ أعيال أشيوخ والنّاس تدري
فعله بقى وهو داخل الأرض مقبور= لومات فعله باقيٍ كنّها حي
ماجور ياشيخ عن النّار ماجور= أبجاه من فج البحر ووقف المي
وفي جنّة الفردوس له ملك وحيور= مشروبه الكوثر ومسكانه الفي

[بهلول الزميلي]

أخواني وخواتي منسوبي شبكة نشامى وزوارها نهنيكم بحلول شهر رمضاب المبارك
أعاده الله علينا وعليكم كل عام بالخير والبركة والعفو والعافية وعلى الأمة العربية
والإسلامية بالمسرات وتقبل الله منا ومنكم صالح الأعمال ونصر الله جنده ودينه في
كل مكان وزمان 0

أخواني نضع هذا الأبتهال بين ايديكم عسى يكون مرضي للجميع وهو أبتهال عام لنا ولكم ,,,


الأبتهال !!!



هلا هلا برمضان وحي طاريها=شهر الحساني علينا كنّه أسبوعي
شهر به الخير وتضاعف حسانيها= لله نمشي شبر ويمشي لنا بوعي
نطلبك يامبدي الدنيا ومن هيها= يامن له الخلق ترجع فرد وجموعي
بك ابتدي وأنتهي حيث أنت منشيها= أسمك بداية لشعري وختم موضوعي
الحلم والعلم يرجع لك مباديها= والخلق تقرا بعلمك وتشرع أشروعي
سبحان اللي يوجد العالم ويفنيها= ورزق البشر من السماء وبالأرض مزروعي
تامر وتنهى بهاء وتجري ذواريها= منها خلق أدم ورجع له أرجوعي
ياخالق الخلق منها وترجعه فيها= بسطت سبع وسبعاًسقف مرفوعي
في موقع تجمعه من أبعد نواحيها= وتخرج منه عرياء وعطشا وبهم جوعي
أحد كتابه بيمينه وفاز قاريها = وتنشر به الصحف ويقرا كل مطبوعي
وأحد له السّتر جلباب يغطّيها=وأحد له الشر وعينه تنثر أدموعي
أنت الذي مالكه وبالعدل واليها= وأسرار علمك ماهو للناس مذيوعي
وحبلٍ بهاء واصلٍ يورد مداليها = وحبلٍ بهاء قاصرٍ وبه بيد وقطوعي
وتسمع دبيب النّمل بمظلم لياليها= فوق الصخر بالليال السود مسموعي
حنا عبيدك ونطلب وأنت تعطيها= عن النّار تحمي لحمناوتحمي أضلوعي
من هولها وجورها وبرده وحاميها= يامن عليك التّكالي وأنت مرجوعي
تغفر ذنوب نسيناها وتحصيها= يامن لك الخلق تسجد خوف وركوعي
من اعتصم والتجاء بك لاتخليها= لنا برحمتك رجوى وأنت مرجوعي
طلبة فقير تخوّف من تواليها= واللي تمسك بحبلك يطلع أطلوعي
في قدرتك وقوتك تحقق مناوئيها = وكل حاكم تحت حكمك راكعٍ طوعي

[بهلول الزميلي]

أخواني وخواتي الغالين السلام عليكم ورحمة الله وبركاته
موضوعنا اليوم يتكلم عن الحسد وهي صفه ذميمة منتشره
بكثير من المجتمعات وهم عند أتفه الأسباب يحصدون الواحد
حتى إذا ذكر احد الأشخاص بالعلم الغانم تعرضته بالتخذيل والتقليل
من قيمته وعلى هذا الأساس قلت هذه القصيده وعسى تكون مقبوله

الحسـد !!!



غيم غشا العالم بروق ورواعيد=يمطر مطر حسدٍ تهلل ويهتل
حسد وحسيد وبهاء غل يافهيد= قلوب مريضه والحسد به تغلغل
يروح منا عيد وبعده يجي عيد= ولا ناس من ناس تحلل وتحتل
حسد حسود حاسدٍ حسد حسيد= حسيد حسد حاسده ماتخيل
تموت حسيدٍ وتحيى حواسيد= وغل الحسد بقلوبهم غلهم غل
حسدٍ تعظم وصاحب الوعظ مايفيد= عسى تجارة صاحب الحسد تبطل
ناس تحسد الناس حسدٍ وفسيد=عسى الحسد وراع الحسد مايحلل
أهل الحسد تزرع وتفلح حواصيد= وبالشرع راع الحسد ينفاء ويقتل
والناس بالدنياء رعايا وكواديد = وسود الليالي لطبعهم ماتبدل
ولا كل أجاويد تعوضك بجاويد= وراع الردى مهما أرتفع حتم ينزل
حيث المراجل كود وطرقه سوانيد= وحبل الردى مايورد البئر يافل
ورجل المراجل لومعاشه تقاصيد= مثل الجبال الراسية ماتخلخل
ولا ينطح اللازم رجالٍ رعاديد= ياكضته حمول النوايب تمسحل
تبي شغاميم عيالٍ صناديد =توزي نفوسه لو يديهم بهن قل
تاقف مواقف عنترٍ هو وأبا زيد= ماهو من اللي بالمهمات يفشل
يالله ياللي تعيد عيدٍ بعد عيد= ياقاضيٍ تقضي وبالحكم تعدل
أطلبك ماني طالبٍ زيد وعبيد= عن العذاب تجيرنا لين ناصل
حنا عبيدك وأنت سيد ولنا سيد= وعسى عملنا مع هل الخير يقبل
وتغفر لعبد كن رجله بهاء قيد= قصرة خطاه من الكبر وحيله أنشل
وتجعل لنا بأيام الأعمار تمديد = ولكم مطيعين على الوجه الأكمل
طلبة فقير ماطلب عيد ورشيد= نطلب كريم له عبيده توسّل
يارازق الداب العمى بصحصح البيد= وولد الجراده يوم يدفن ويهمل
رحمتك في ساعة يوقف بنا السيد= يومٍ به الأبصار تشخص وتذهل
في يوم من هوله تشيب المواليد=بعمالنا نحاسب ونوقف ونسئل
البعض منا في عذابٍ وتهديد = والبعض منا ظل عرشك لهم ظل
تظلنا في ظل عرشك عن الكيد = وعلى السراط تثبت الرجل لاتزل
وأنك تساعدنا على وصلة الميد= لجنّات خلد من دخل به تأهل
وتبدل السيئات بحسنات وتزيد=كما ذكرت بعلمك اللي منزل
وترحم عبيد لك ركوع وسواجيد= وأغفر ذنوب ياذكرناه نختل
نرفع لك الأكفاف ونطلبك ترديد = تظلنا في ظل عرشك عن الذل
وصلوا عدد ماتغرب الشمس وتعيد = على رسول مسكنه بأسفل التل

[بهلول الزميلي]

السلام عليكم ورحمة الله وبركاته /-
عيدكم مبارك وكل عام وأنتم بخير ومن العايدين وسعيكم من الله مقبول جميعاً أن شأ الله
الموضوع/

ياعزيز !!!

ياعزيز نعز النّفس بذكاره= وياغنياً وفضله ترضي أرباحه
ياقوياً وخلقك بأيدك أعماره= عيد عيد أرمضان بكامل أفراحه
ياعليم بعلم الخلق وسراره=ورزق خلقك بيدينك وين ماراحه
يامذلٍ قوياً يحكم أقطاره= ويامعزٍ ضعيف أبطن سباحه
من بحور عميقه قمت بأظهاره= بظلمةٍ وسط ظلمه سجن بمراحه
نطلبك عز نفس وحسن تدباره= وعزنا مع اعزاز تعز بنصاحه
جعل عزّك علينا يضفي أستاره= يوم تبنا بيوت العز وسياحه
من تعزّه عزيز تجبر أضراره= ومن تذلّه ذليل ذل مدّاحه
من وجودك تجود الناس بدياره= وكل قوة مقابل قوتك طاحه
وزاد غيرك يمر وزاد بمراره= لو تنوله يدينك علقم املاحه
كل ماضاق بالي رحت للقاره=ونترك الهجس والهوجاس وشباحه
نبدّل الضيق والوسواس والحاره= والديار الوسيعه به لنا راحه
ونبعد الهم والأوهام وأخباره=مع رفيق صبورٍ شلت مفتاحه
ياضرب سهلةٍ وابعد عن ادياره=مع صحاصيح فج بعد مصباحه
مع طريقٍ قديم يكتم أغباره=وختفت خلفك الأعلام وفساحه
نترك المدن والحارات لأقصاره= وكل طعنه بقلبي نضمد أجراحه
يم ربوع يرد البعد مسياره=وشوف من هي نهوده تقل تفاحه
من رجال حمايل ماهي قمّاره=بنت عقل وزين ولاهي مزاحه
خدها برق مزناً هلّة أمطاره= يانظرها غشيم زاد بياحه
وراسها ذيل شقرا بأول الغاره= تحت قرماً شجاع يرهب أصياحه
عنق ريم من الأوناس من ذاره= جافله ومستذيره من ارض مسراحه
وعين عنز تجفّل والهوى داره= من طردها شكا من بعد مرواحه
في ديار مداهيله ورى الدّاره= والرمال العذية شرق مضياحه
بنت شيخ ينوس الخوف مسباره = ياتغطرس عدوه بالحنك لاحه
أقصر الرجل عنده وأقبل أعذاره= والنهاية بقبر طول مبطاحه

أخواني أبيات الغزل رغبة غيري وحبيت توضيح بعض معاني الكلمات لأصغار السن واللي ماعنده خلفيه عن ذلك 0
القوي اللي يحكم أقطاره / هما فرعون والنمرود ايام قوتهما وجبروتهما0
الضعيف اللي سجن في بطن سباحه/ هو نبي الله يونس عندما سجنه الله في بطن الحوت 0
الظلمات ذكرت أثنين وتركت الثالثه حيث انه معروفه الظلمة الأولى ظلمة بطن الحوت 0 الثانية ظلمة البحر0
مضياحه هي الضيحة الجهة المعاكسة للشمس واللي يطردون الصيد من قبل يجونه من الجهة المعاكسة للضيحه هذا مأردت توضيحه ودمتم بخير وكل عام وأنتم بخير,,,

[بهلول الزميلي]

حـــب البــــر
احب شوف البر ومشيٍ مع البر= وضوح القمر وشوف النجوم السواري
وأحب شوف العشب والروض الأخضر= وريح الخزاما والنفل بالصحاري
وأحب شوف النار والنجر يزجر= ودلال بغداد على جال ناري
وأحب شوف الفقع والعشب مخضر= وعشبٍ سبغ لون الخضاب الخضاري
من وابل والمزن يردم ويمطر=هطّال همّال يعم الخباري
برفقة قروم بالسوالف تسامر= بحضورهم يازين وقت السهاري
ربعاً على اللأزم تجي ماتوخر= عندي حلا من شوف سوق الحضاري
وشوف الغنم والبيت والطرش مشتر= بأرض قفر ماعوسته الأثاري
وتبعد عن الأزعاج وثقافة الشر= وحياة ناس بين بايع وشاري
وصجّه ولجّه وأكثر الناس تزبر= ناس مع الجاني وناس تثاري
وصوت الفرامل يوم بالقار تفتر= شباب ليل ونومهم بالنهاري
ناس تفحط وناس معهم تشاجر = أحداث ماتفهم حقوق الجواري
ودي بحيات البر لوكان به حر= ولوكان جوع وبرد ولابه مذاري
نرعى الغنم والأبل ونشرب من الدّر= وننسى الشقاء وننسى الغثاء والطواري
وشوف الجهامة بالصحاصيح تنشر= عقب التعب ومشي السراء والمساري
بأرضٍ قفر والصيد له شوف وجرر= طير الحجل هو والقطا والحباري
دار جنوب من الرّعن وغربي الخر= ومن السادة لشرقي جبال الضواري
ولولا ظروف تحكمن غصب مضطر= لامشي على بر نباته قفاري
نجنب ونشمل ونوب نسند ونحدر= بأول نبات العشب بأرض البراري
مشيك معاها كيف والبال مستر= من غير أوامر ولا المهمة أجباري
بديار ربعاً بالنواميس تذكر= ترعى النبات ويحتمون الدياري
هذا هوى نفسي لو الوقت لي حر= هو مطلبي وهو رغبتي وختياري
والعمر لوطوّل له القبر يحفر= توضع بوسطه جثةٍ وأنت عاري
هذي النهاية وأنت بالعقل فكر= ياللي تحسب الليل دوماً قماري
والخاتمة صلوا عدد من يكبر= على رسولٍ عد ماهب ذاري

[بهلول الزميلي]

ليه القساء وكثر الخطاء والمعاذير


ليه القساء وكثر الخطاء والمعاذير= دام القدر مكتوب لك بالصحيفه
وكان الزّمن بك جار مامن جبابير= جبر العرب يؤذي ويمكن تعيفه
الياجاربك ماهي تفيد المحاذير=وقتك خصيمك وأخر الجسم جيفه
حكم القدر ماهي تردّه نواطير= لو كنت في روس الجبال المنيفه
والخلق لو تفزع وصارت طوابير= ماســّرتك والخيل صعب تعسيفه
أن مافزع ورضاك رب المقادير= فزعات خلق الله تضيّح خفيفه
هو الوحيد مدبر الأمر ومدير= وجود ماهو جوده قليل رغيفه
نطمع ونشقاء بالذهب والدنانير= والله يحب أكرام عبده وضيفه
وطبع الزمن قاسي على الناس يامطير= الناس تشقاء في غروره وزيفه
يالله يامجري هبوب المعاصير= أكتب لنا رزقاً بطرقٍ شريفه
وتفكنا من شر نفاخة الكير= اهل النفوس الحاقدات الضّــعيفه
وأكتب لنا من الخير ياقاسم الخير= يارازقاً خلقاً جسومه نحيفه
أنت الذي تفهم خفايا الجماهير= ونية عويضه وغدرها في وليفه
يأمن عليك أظهار دلوه من البير= ياكافلاً رزق النفوس الكفيفه
وكفلت رزق أقصار عوج المناقير= أشركتها مع صارمٍ له وحيفه
ورزقت حشرات الطعوس المحادير= حمر الطعوس اللي تهايل زحيفه
ضعيف حيل عن السفر والمشاوير= خلق كفيف وعايش في قطيفه
نطلبك مانطلب غني الهوامير= يامن رفعت الحايمات برفيفه
اجعل لنا من جود جودك تياسير = نرضاء بجودك وجود غيرك نعيفه
يأمن جعلت اليم معها معابير= جندك عبر وجنود ضدك تخيفه
واهلكت فرعون وجنده بتعزير= وانجيت موسى من البحور المخيفه
أنت الذي تذل وتعز وتجير= وترفع وتاضع ولا بفعله كليفه
تكسر طوابير وتنصر طوابير= يامعيد برد الشبط وحرور صيفه
وإلا البشرمن طبعه الشر والخير= وفعل الغدرينصف لك الجسم سيفه
هذا وأنا مالي على الناس تبرير= ومن لاقنع سود الزمن يستظيفه
وأهديت خبراتي وعرفي على سمير= وأن عافها خلوه يمشي بكيفه

[بهلول الزميلي]

غدر الزّمن

يأبن أدم لايغرّك وقتك الحالي = أمن الزّمن لايغرّك وزين الأوضاعي
ياماء غدر قبلكم بملوك وارجالي= أغراهم الوقت ياماء عمرهم ضاعي
تزخرف الوقت وصار المر له حالي= اقبل زمانه وقال الوقت لي طاعي
فكّر وقال الزمن والكيف يحلالي= وكل المهمات طويته على أذراعي
جار وتكبّر وقال أشرفت ماطالي= الوقت جاء لي وبرمجته بالأصباعي
الوقت فكري وطوعي وطاع بفعالي= وحكمت أنا الناس حكم فرد وأجماعي
وأعجب بنفسه وتغطرس وقال أنا لحالي=مأحد وصل ماوصلته زايدٍ باعي
ولجلج براسه أبليس وقال يالالي= انا وكيل البشر وأنا لهم راعي
ماظن لغيري تهياء ماتهيالي=أشرفت راس الشّرف أنزل ماهو داعي
أنا على الخلق عالي عالياً عالي= مثل القمر نورها يوضي على القاعي
وأمري ينفذ بدون أشكال واجدالي =وكلاً بقولي رضي والكل سمّاعي
مسكين غرّه زمانه وقال أنا الوالي= مايدري الوقت لوهو زان خدّاعي
مايدري أن الدّهر به هول وأهوالي= كم واحدٍ نزّله وسبب له أوجاعي
عقب ماهو حاكم وعند شعبها غالي= توطّته بالمواطي جثر الأصباعي
بعد نفوذه وعزّه مسكنه خالي= متغرّبٍ خايفٍ وكل ماسمع فاعي
ماتقل له بالتّرف والعز منزالي= وعقب الثقل والشجاعة صار مطواعي
اذلّه الوقت وسحبة منه الأموالي= ويبسة لهاته وأهلها بخوف وجياعي
من يأمن الوقت يصبح بالخلى الخالي= يشوف ظيم الليالي وعمي الأسناعي
لكن أعتبر بأوله ومن يحكمه تالي = هو اللي كلف نبيه مرشدٍ داعي
رحمتك في ساعةٍ يصلى به الصالي= في موقفٍ مابها شافع وشفّاعي
إذا دنة شمسها مسافة أميالي= من روس روس البشر يامتعظ واعي
يالله ترحم حوالي بشدة أرحالي= واللي حوالي مشوا لحظات الأوداعي
وخلون في حفرة ماعندي الوالي= إلا العمل رافقن من حيث ماراعي
وأزكا صلاةٍ عدد ماهل همّالي = على رسولٍ عدد ماهرول الساعي

[بهلول الزميلي]

سبع النجوم

هب البراد وهبهبن الذّعاذيع = وهبت رياح الوسم يأخو مطيعه
والبر زان لمشتهين المطاليع = وسبع النجوم الوقت كمّل طليعه
غشى السماء غيمه وبرقه لواميع = يوضي على كل الجهات بلميعه
على الصحاري والجبال الرّوافيع = ويضفي نواحي مملكتنا جميعه
رعوده تروّع خايف القلب ترويع= بخشوم غر والبوراق شعيعه
تلقاء الزبيدي والغلاسي مصاليع = بأرض تونس مع جمال الطّبيعه
مع النّبات تقطّع الأرض تقطيع = ونشوف صيد بالديار الوسيعه
عيون أربش مابرقعنّه براقيع = حراً وحش ماقيل هذا مضيعه
شاف الحباري بالوسامي مراتيع = ومن الحماقه والزّعل به جزيعه
فرّق شعبهن عقب ماهن مجاميع = وطارٍ بهن ذل وخوف وخريعه
مع لابةٍ يوم الملاقاء بواتيع = ربعاً حدود ولا يقرّب قطيعه
يوم اللقاء يخضع له الضّد ويطيع = حاشوا صفات المجد طبع وطبيعه
بمهندات تفرع الراس تفريع = بأيمان قوم تستبيح القطيعه
تقفي مداريع وتثني مداريع = وطعناتهم بنحور الأعدا شنيعه
من ضربهم تشيب روس المراضيع = وصارة على الجمع المعادي صعيعه
بيوم تمنّموا حاضرينه مصاريع = والهوش كمّل واستلمها وديعه
ماهو مسلسل شامةٍ هي ويا جديع = زيف يأثر بالنفوس الوجيعه
ندله معاهم بالزّمن وقت يامطيع = وعمارنا لو هي تطول سريعه
ودي معاهم والخفاياء مواجيع = برفقة أقروم للأوامر مطيعه
نسنّد بهم ريع ونحدر بهم ريع = هذا هوا نفسي وهذا ربيعه
بروابي ندلّع به النفس تدليع = تدليع مطفوق وجدّه يطيعه
يعطي مطاميع ويأخذا مطاميع = يشري ويرهن بالحلال ويبيعه
وعلى بياض يوقّع العود توقيع = واليا طلبه يعطيه مايستطيعه
بأرض قفر مابه محاكم وتشريع = نبت الخزامى والزّهر سد ريعه
من قبل روحك تودّع الجسم توديع= وحكم القدر غصباً علينا نطيعه
وتبعد عن اللي يجمّع الحكي تجميع = كذبٍ وزيفٍ خالطه مع رجيعه
واليا نصحته قال ماسمع ولا اطيع = طبيعةٍ ياشينها من طبيعه
وصلوا عدد بالحج ناسٍ مفاريع = على رسول والبشر هو شفيعه

[بهلول الزميلي]

أخواني السلام عليكم ورحمة الله وبركاته وكل عام وأنتم بخير 0 تأخري عن مشاركاتكم / هو ذهابي للحج وأنشغالي فيه وكما تعلمون الإنسان بعد العوده تكون حالته الصحية ماهي جيده 0 عسى ماترون مكروه 0 ونطلب من الله سبحانه وتعالى أن يكون موضوعنا مرضي للجميع ,,

الصبر

ياحدتك دنياك وبه ضقت واجهدت= وباهة أظنونك وبوهتها أظنوني
وتفرّقت بك طرقها حيل وابعدت= بمضامي فيها العرب يهلكوني
وكبدك طلبت الماء بهاء وأنت ورّدت= وسفة رياح الوقت طرق الظعوني
وتاهة بك الأرياء وبها حست وأحتست= وتقييمك أخطاء يازبون المجوني
مهما بها مسيود وإلا بها سدت = والناس مهما كنت مايرحموني
دنياء تسن أضروسها لو توددت= قبلك تعشّت محتمين الدّنوني
شاور على القالات وأفهم ليافدت= وأصبر ترى بالصبر كوده يهوني
ساس المراجل صبر ياضعت وأقهدت= ومن لاصبر تمضي حياته أغبوني
وتبقاء الفعايل والمثايل ولو بدت= تذكربها يوم العرب يذكروني
أدخل شرف وأظهر شرف لو تقاعدت= ولا بالخطاء وكسب الردى يمدحوني
لو النواقص ضامتك وأنت به زدت= لابد ماتمضي وأنا يقاعدوني
وأترك طريق الظلم لوكان عمّدت = لابدهم في ساعةٍ يسئلوني
والياجهلت أوضعت أعدل لياعدت= وهل الوفاء من طيبهم يقنعوني
نظمه وطرقه واضحة كان حددت = وهل التجارب بخبرته يهتدوني
أنا الذي له شفت وعدت وتعودت = وللعدل هو والظلم شافت أعيوني
يحدك الواقع ولو أنت ماردت= وطعن الفتى بقدود مايلحقوني
من طيب ربعك طبت ومن جودهم جدت= وأهل الشرف بفعالهم يفخروني
بفعالهم تجود لو كان ماجدت = وخل العفون أعفون لو يزعلوني
ابعد عن الأنذال وترتاح يابعدت= أهل الردى ياعل مايرجعوني
وإلا الرجال أرجال ياقدتهم قدت= عصم الشوارب لثقل ينطحوني
والطيب كنز وصيد كان أنت له صدت = تكسب وتمدح وبالشكر يشكروني
وإلا العفون أعفون مهما تجودت = عسى الردى وأهل الردى يذهبوني
وما طاف من وقتك ولو عاد ماعدت = والموت حق وبالثرى يدفنوني

[بهلول الزميلي]

ياسايق الجيب!!!

ياليت اللي قادرٍ يمشي على كيفه = يمشي على الكيف ماهو ماشياً مونه
فوق أسرد ميزته به نوف ومنيفه = اليازمى اللال وسرب شوفكم دونه
جيب يحوفه خبير وخبرته شيفه= من الباخرة نزّله توه يجيبونه
توّه جديد تصاريحه بتضريفه= وكالته عن الخطاء والعيب مضمونه
من مصنعه والجمارك نقد تكليفه = ختم الوكاله ورمزه خلف طبلونه
تقول بارق حقوق يالمع صيفه= ياستثقل الغيم والبرّاق بمزونه
أوهاف شرقاً تحدر من مشاريفه = متوحش ماولف ناس ينادونه
أستنفرة لأجله اليابان ومخيفه= خافوه يرقاء الجبال ولايحكمونه
يقطع رهاريه دار خوف ومخيفه = ومسجل الجيب والرادو تخفظونه
ورمال نفد تهول في تواصيفه = حط الدبل والطعوس البيض ترقونه
في مقدم الرجل لو زودت تطويفه = خل البساتم تعيش بحرب مجنونه
ياسايق الجيب نفسي زاد تعنيفه = أبي معك بس أنا والشعر تقرونه
أعطيك زين الشعر وترك تعاذيفه= خذ جايزه والرّدي حذف تحذفونه
عساك سالم وتسلم من صواديفه = ولا تنخرع وشر خلقه ماتحضرونه
عفنا حياة العمل فصله وتوظيفه = وقري القرارات بأوراق يسوونه
حيفه وظلمه ظهر كذبه وتاليفه = وترضى بها وأنت ماودك يعدونه
العين به عبرةٍ وزادت ذواريفه =والصدر به ضيقةٍ عجزوا يعرفونه
أبيك تبعد بنا وعلي مصاريفه = نبي نشوف النبات اللي صبغ لونه
بأرض خبير الوطاء ماقال تعريفه = مجهولةٍ والخواجة مايطبونه
نبته يشوقك خضاره ياكمل ريفه = نوار عشبه تقل زل يحوكونه
والرجل تنعم بلينه وقت توقيفه = الين من الزل بأسواق يبيعونه
وريحة نباته لياهبة عواصيفه = كن الهوى فيه حبشوش يرشونه
نعالج بها حالةٍ زادت عجاريفه = كنه يتيم بوفاة أمه يعاجونه
ودنياك ماهوبقى الحاكم ولا ظيفه = يرحل منه كل تاجر كثرة أخزونه
تغرق به السفن ولا تنجي جواديفه = ونهاية العمر خلانه يخلونه

[بهلول الزميلي]

أخوني لاتبخلون علينا بدعواتكم بالشفاء لأبني طلال عسى مايمر عليكم باس

طلال ضايق وضايقني وأنا ضايق !!!


طلال ضايق وضايقني وانا ضايق= ومن ضيقته ضاق صدري وسجت الأقدامي
من هاجس بالضماير صارلي عايق = أخفيه أنا وجحده وتكشفه الأيامي
ادلّه النفس والفكر ماهو فايق= يلعب بي الهجس والهوجاس ياسامي
ماكنّي ألاّ سجين مجرماً بايق= وظروف الأيام طشت به بالإجرامي
أدخل بسجن الجرايم سايقه سايق=وحكم عليه القضاء وميز بالإعدامي
أشوق القلب لكنه ماهو شايق= من جور الأيام وحداثه ولإسقامي
لولاق كيف الردي كيفي ماهو لايق= لكن نرج الفرج والضيق مادامي
اصبر وكابر وقول الصبر له طايق= وأنا عنه عاجز واسهر ولانامي
أسهر وأعد السواري كل ماتوايق= يغيب نجم ويطلع نجم قدامي
وأروق النفس لكني منا رايق= يصفق بي الهجس من شامي لياعامي
ولا ودي ابين خفي منه متضايق = أخفيه انا وجحده والجرح بي دامي
وياشفت من رفقتك شياً ماهو لايق= لا تبينه وأكتمه عن كل نمامي
لاتبين اسرارهم والعيب لك عايق= ماعابهم عابني وإكرامه أكرامي
خلّه بفاله تمر الجوق والجايق= أخطاك ماصابكم لوكان لك رامي
وأضرب فجوج رحابه تونّس الضايق= ترتاح مع صحصحاً لوكنت به ضامي
ومن أشتبه بالحوامض يسئل الذّايق= ومن داس جمر الغضاء هو يعرف الحامي
ولابد سود الليالي تغرق الرايق= يغرق بها من غرق ويعوم من عامي
والناس تعرف به القايد من العايق = ويعرف بها من رحل ومن هو بها قامي

[بهلول الزميلي]

أخواني السلام عليكم ورحمة الله وبركا ته /-
لقد سرني تفاعلكم بموضوعي السابق وهذا أن دل على شيء يدل على طيبكم وطيب معدنكم وتأثركم بالموضوع جزاكم الله خير وعساكم ماتشوفون شر ولا يمر عليكم مكروه 0 تذكرت الحديث اللي رواه البخاري ومسلم عن الرسول صلى الله عليه وسلم ( أن المؤمنون في توادهم وتراحمهم وتعاطفهم كمثل الجسد الواحد إذا اشتكى منه عضوتداعى له سائر الأعضاء بالسحر والحمى)

وسمحولي بنشر هذا الموضوع ولي أخر مره بهذا الخصوص 0حيث في أحد مراجعاتي به مر معي بعض المواقف ولاقيت مالا قيت من بعض الأشخاص بهذه المراجعة وتذكرت قول سعد بن بركه الشريهي الشمري عندما قصد بولاده ( الأجنبي بديار الاجناب ممهون *****الأجنبي مايدرك الطايلاتي)
قلت

البارحة ساهر !!!

البارحة ساهراً ماغمضة عيني= أخيل نجوم السماء وساير الساري
سهرت أنا وساهرٍ والناس نيميني= يلعب بي الهم والهوجاس والطاري
بأقصاء حشا الجوف نارٍ تقل تشويني= وتكوي معاليق جوفي كي مسماري
بأرض غريبه وسكانه غريبيني= يومي بي السهر والوسواس والذاري
بإقصاء المعاليق هاجوس لعب فيني= من دون داري تحول أديار وأدياري
أمشي مع الخط مادري رايحٍ ويني= مشغلني الهاجس اللي لخبط أفكاري
فجوج المسافات تقرّبني وتنحيني= بأديار غرب نقص قدري ومقداري
فوق أسرد راكبه ماله عناويني= مثل الصواعق صفير الريح يازاري
أكويه بالنار والهوجاس يكويني= من زود ضغط القدم ماء ديتره فاري
يادست له بالقدم تقل معاديني= يفر فرة قضيب فر بطياري
يطوي بي البعد والأيام تطويني= طية سجل مرس بإرساله للأخباري
أنا اشهد أنه بقطع البعد يرضيني=يطوي مسافات فجه طي الأمتاري
يابعد دارٍ ينوسه يوم يد أيني =يشق فجوج الفضاء ويطوف ماطاري
حكم القدر يوم ينحيني ويثنيني= والله عليمٍ بحالي وكل ماصاري
يالله يالله توفقني وتهديني= ياشافي أيوب من سقمه ولأضراري
يامن تعهدت بحفظ الذكر والديني= وأزحت صم الصخر عن نازل الغاري
تشفي طلال وأنا طالبك تحميني= ياساحبٍ عن خليلك حامي الناري
بأشفاك تشفيه ياشافي وشافيني= والعين لو له بصر يديني أقصاري
فوضت أنا أمري لك ورفعت كفيني= يأمن كفلت البشر ورزقه والأعماري
أنت الحكيم المعالج للمريضيني= وأنت الطبيب استشاري وشيخه القاري
وحنا تحت قدرتك ضعوف ولا شيني= لكن بالأسباب نعمل وأمرك الجاري
نرضاء والأقدار تضحكني وتبكيني= بدنياك كل مكتسي نهايته عاري
ومن لا رضي بالقدر هذاك مسكيني= مهما زعل وأنفعل مأ حدبهاء داري

[بهلول الزميلي]

الغرب ؟ !!!

الغرب يصنع طائراتٍ بلا صوت= والشرق الأوسط نفطها ضاع ياحسين
بنوء لهم مجدٍ شمخ عز وأبيوت= وحنا فلت منا عصا العز والدين
ونلبس ملابس جنز وأنّزّل الكوت = قمنا نقلد لبسهم والقوانين
وبعنا المراجل لكل عفنٍ وسربوت= ونفخر بصلاح الدين والمعتصم وين
عدونا بخشم القدم شاتنا شوت= غصباً علينا داسو الخشم والعين
جونا بقوة وداسوا الراس بالبوت= بديارنا نذبح وصرنا معادين
وصرنا كما شن على المرح مزتوت= ما كن لنا قيمه وعشنا عزيزين
ونفخر بعرض أزياء وكشخات ببشوت =وهم ياخذون الصاع منا بصاعين
قبل يفوت الفوت يامعالج الفوت =عدونا ينخر بناشوين بأشوين
ضاع العراق وأكثر الشعب مشتوت= والشام ضاع وضاع قبله فلسطين
وحنا نعيش بخوف والحبل مبتوت= ونفخربموته والصواري وحطين
والقادسية وذي قار وجالوت= وليه أختلفنا وفرقونا بصفين
ومن خاف يبقى طول الأيام مبهوت = يعيش بالبهتان والذل والبين
صرنا دول وشعوب وبأطرافنا الموت = بتفرق الشوفات صرنا ولا شين
والوضع ماهو لانتخابٍ ولا صوت= سلب ونهب وماخفاء أشين من الشين
قلت الصحيح وكل ماقلت مثبوت = تدري وأنا أدري وأكثر الناس دارين
ماني ولد شيخٍ لها جاه وأبخوت = ولاني ولد تاجر رصيده ملايين
أنا أبدوي وأحيان ينقصني القوت= وبعض الليال أنام ماذقت أنا شين
أعيش عيشة واحدٍ عاش شحتوت = أو عيشة السرحان يأفلس من الضين
ونهاية الإنسان بالقبر ملفوت = وعند المحاسب يظهر الشين والزين

[بهلول الزميلي]

يالشرعبي ؟ !!!

العين تسهر كن فيها سماليل =وكن النويفج في محاجر ذنوبه
وإلا الحماط وشوك بعض الغراميل = في جفنها وإلا الغرز ركزوبه
نسج ونسهي والنشامى تعاليل = كني بوادي والبشر ماوطوبه
ياالشرعبي ياريف هجناً مراميل = أن هودوا والشمس محسن غروبه
احضر وشب النار وهات المعاميل = يامى الدخن والنار يسمك شبوبه
وخل اللهب بأجواء السماء تقل قنديل= يجذب لنا ربعاً سروا وأقتدوبه
وحمس لنا يامرذي الهجن والخيل = يازبنهن في ساعةٍ ضيقوبه
بريةٍ زود له الحب والهيل = وأضبط له الحمسة وقلل صبوبه
وأحذر عن النية وإلا نجاض بالحيل= والياجهزة يامسندي عجلوبه
عطنيه ياعقب الرجال الحلاحيل= وعيده لنا يالقرم نوبه ونوبه
نكوي بهاء جروح جداد أومساميل= عقب التعب يازين شفة شروبه
ننسى هموم الوقت والضغط والميل= مع الرجال اللي علومه حكوبه
نقضي بهاء ساعات هود من الليل= بحضور من هم ياهقوبه لقوبه
بوجود سمحين الوجيه المشاكيل= اللي لهم عند الملازيم شوبه
يازغرتن به لابسات الخلاخيل= وكثرة نخاوي كل شبلاً هقوبه
يظهر بهاء جهيل ويبين عقيل= وأحدٍ رصيده نعم والبعض كوبه
كم ابلج كسبه مديح وتنافيل= وكم خاملاً فعله يبيّن عيوبه
خطو المشورب من مداس الرمك شيل= بحوافره توطته مادروبه
يافرعن به ناقضات المجاديل= وصفة حياض الموت وسكر هبوبه
ياشوق من هي تدعج العين بالميل= عموهج ضيق ردفها وسع ثوبه
بنت الرجال اللي تذبح الحيل= وتنطح وجيه موحشه يانتخوبه
أن قل نو الوقت وبه شحشح الكيل=كم أبلج يسوق عمره جلوبه
ينطح وجيه مطوعين المراميل= وكم شيخ قوم حولوبه وجوبه
هذا وختام القيل صل أبتهاليل= على رسول الحق نور العروبه

[بهلول الزميلي]

أخواني وخواتي السلام عليكم ورحمة الله وبركاته /-
مشاركتنا هذا الأسبوع دعينا لحضور حفله زواج وذهبنا له تلبية للدعوة وعندما مشينا من منطقة الجوف مروربقرية عذفاء وأشرفنا مع اللبه وعندما شاهدت الأرض تغيرت علي الأرض كثير من قلة المراعي وأنقطاع الأشجار وتصحر الأرض إلا أني أعرفها معرفه جيده تذكرت هذه الديار يوم البادية والحلال وزهرتها بالحلال ورجال البادية حين ماكان لهم صوله وجوله وكانت عامرة هذه الديار بأهلها 0
كان معي رفيق كل مامرينا موقع يسئلني تعرف هذا المكان ولكثرة أسئلته أجبته باللي أنا أتذكر من حيات الماضي بهذا النص وللحديث بقية بالأسبوع المقبل أن شاء الله وعسى يكون مرضي للجميع 0 قلت

التذكار ؟ !!!


قل المطر وغيّر تضاريس الأعلام = وجرد السنين الممحلة غيرنّه
ونبته تغيّر والوطن عقب الأنعام= وغزلان برّه من المحول أهجرنّه
هنا وقفت وكم له صار من عام = وهناك موقفهن تقل ماوطنّه
كانن هنا وأنا بعد كنت قدّام = وهنا مكان النار يوم يشعلنّه
هنا المكان وكان ميقاف الاقدام = وبعده مشيت والظعن فرقنّه
هذي المعالم والصخر كان مرسام = شهب السنين العجف شف بدلنّه
يوم الزّهر نوارها كنه أخيام =وريح الخزمى فاح بنّه وبنّه
والمزن يردم والرعد يرزم أرزام = وجه السماء وزراقته لوننّه
دارٍ خلت من ساكنينه بالأيام = وسود الليالي كل حي خذنّه
واللي بقاء منهم سكن مدن وأقسام = والبعض سافر والهجن ماأرجعنّه
هوليه نقضت المشاكي والألام =أرجعتنا له والذواكر نسنّه
نسترجع الماضي بتذكار وأحلام = أحداث طيف راعيه بوهنّه
بس الهبائب تشعطه شعطت الخام = هوج الرياح العاتيه يدمسنّه
تغيرت بالوقت والزين مادام = وسود الليالي مابقى يلحقنّه
تطويه طي سجلّة بقلبة الزّام =وقت الطواري والحدث يرسلنّه
يعطي تفاصيل ويرسل له أفلام = ومرس يراسل وأمره ضايقنّه
ياصف بهاء جيش عرمرم وهجّام = فيلق وفيلق وكم فيلق مكنّه
جيش يقوده قائد مثل صدّام = وضرب الدول والجيش ماحركنّه
يرسي كماء يرسي جبل طي والشّام = ياما أن حكم بالموت والموت سنّه
والنفس تطمح لشيء ويصبح له أوهام = وتموت وعشر العشر مايملكنّه

[بهلول الزميلي]

أخواني وخواتي منسوبي نشامى شمر حفظكم الله تكمله لقصة التذكار بالعودة من قرية تربه حصل بعض الشي اللي أنا ذكرته بالقصيده عساها تونسكم ,,,

يامسندي ؟ !!!

تسئل عن الأرض وأنا زايدٍ همّي= وقلب الشقاء والمشقّاء زاد هوجاسه
عقب ما أنا ناسي ضغطت لي دمّي= وفكر العناء يالسنافي زاد وسواسه
طافة أحداث الزّمن بوقته ولاهي يمّي= أبطالها سافروا والنفس حساسه
يا مسندي وين عمك هويا عمّي(؟)= طوى الزّمن دورهم وقفا على ناسه
اللي على الفيح بالصحراء تقل سمّي= كم عرمسٍ يشتكي من هم وعرماسه
نميز هل الطيب من هم ونعرف الخمّي = وقبل التعلم معانا علم وفراسه
يعرف به اللي يبوق ويعرف الذمّي= والناس كلٍ بريقه زين وأنفاسه
جرحٍ تسمم يضر الحال وأيسمّي= ما يشخصه استشاري بعلم ودراسه
كل مابري يلتهب يرجع ويشتمّي= ولا يضمدونه بشال شد بمساسه
هوليه أنا من ضغط وأنت ما أنت مهتمّي = تشرب من البن وعقبه تشرب الكاسه
تأكل وتسرب تقل يأخوك ما تسمّي= وثم تشغلٍ بالقصيد وتسحب الطّاسه
وتنام وراسك بذيل البشت والكمّي= وأنا تذكّر رجال شفت نوماسه
وتقول شملاً تفرق ماهو ملتمّي= وش يجمع الحي للي مات من ناسه
بهذي نقول أنت قلت الصدق يالذّمّي= وقعت لك بالعشر وأختم بقرطاسه
وصلوا عدد ماتهب الريح مع رمّي = على رسول الهدى ماهب نسناسه

[بهلول الزميلي]

أخواني وخواتي مشاركتنا هذا الأسبوع قصيدة غزليه لعلها تلوق لذايقتكم حيث لاحظت الميول لقصيد الغزل أكثر المشاركات 0
أنا أحب الغزل لو أنه بالنسبه لي مثل المادة الغذائية المنتهي تاريخها والشائب يامنه تغزل كود يزود ويبالغ بالشيء لكن لا تواخذونه وسامحوه بالزود والمبالغه هههههههههه أخواني تروني أضحك على نفسي لأحد يشتك 0
الهويان!!!


ياوجودي وجد مطعون الرماح = من شطير قص شريان العروق
حده المرهوف وزود به أجراح= وكل جسمه غاديٍ قربة شقوق
طاح بالميدان مع وقت الصباح= بوجه قوم والزّعل كض الحلوق
مطالب بحقوق والنّجدة نياح = والهنادي مثل شعشاع البروق
يوم طاح وعرفه الديان صاح = بالمثارا وين طلاب الحقوق
قوةٍ رموه والشجاع طاح= أدبروا ربعه وخلوه أمعيوق
ماحصل له ينهزم ولامن سماح = حولوا به من على سرج الطفوق
جندلوه بساعةٍ مابه فساح = طاح غلب والنفس معه أمخنوق
من صغير كن خدّه برق لاح = يا أشتعل بالليل ولا بغيمه أفتوق
مظلم والمزن تحداه الرياح = المهب من شرق والمنشى يسوق
ياعيون موحش ظف الجناح = ماولف للناس ومن طبعه نزوق
أشقر ياطالع الأزوال زاح = واحش متوحشٍ مابه أسبوق
يوم مر الزين فاح الطيب فاح = عنبر من الهند مالحقه حروق
أبتهرت وحرت والنّظرة ذباح = عنق عنز ذيرت رتع الفروق
أستذارت وأجفلت وأرضه بياح = ماتطب المنخفض وأرض النسوق
وين طرّاد الهوا يأبو فلاح = مايريض كل عمهوجٍ عشوق
أتمنى وقت يامشكاي راح = لو يعود ونشتري في كل سوق
فارسٍ له خبرت برمي الوشاح = لو يهج الريم يعرف له أطروق
قانصٍ إذا طلع وإلاّ أستضاح = صاد عنز الريم لوأنه سبوق
لو تذيّر مع صحاصيحٍ أصحاح = أخر المشوار يلحقها لحوق
صايده وقت الضحى وإلاّ الرواح = مع غروب الشمس وإلاّ بالشروق
يسقي الهويان من نبعٍ قراح = وحامض الليمون من كاسه يذوق
الهوى وطرد الهوى قبلي مباح = يازبون الحرد يارصن بضوق
كم طردهن قبلنا طير الفلاح= وتبعوهن وتعبوا والطرق جوق
لكن هذا الوقت رمينا السلاح = مسلمين مقضبه كل أمعشوق
أنتهى الكلام وختمت المزاح = ياعسى ماقلت للقار ي يلوق

[بهلول الزميلي]

السلام عليكم ورحمة الله وبركات جميعاً /-
كثير مانسمع من الشايعات والدعايات وعند ما تسئل عنها يقول سمعته من أنت سمعته منه يقول من الناس منهم الناس يقول سمعته بالحارة الفلانيه وبالمجلس الفلاني وعند ما تقول خص يقول كثير اللي أنا سمعته منه وعندما تلح عليه يجاوبك بقوله يقولنه ثم يستعمل إسلوب المراوغه بدون الوصول لنتيجة مقنعة 0
هذا هو موضوعنا ومشاركتنا هذ الأسبوع عساها تلوق لكم أخواني وخواتي حفظكم الله 00

الشايعه!!!


لاتسمعون الشايعة والدعايه = ضعف العقول تسقط الرجل تسقيط
والعقل نور وعلم ماهو روايه =وإلا الجهل ظلم وظلامٍ بك أمحيط
قدّام وجهك دار لك به بنايه= وسود الليالي تمرط العمر تمريط
وكثر التجارب علم لو به شقايه= وخبرات كبر السن ماهي خرابيط
سم الشتاء مره ودافي غطايه =والناس ببرد الشبط بلحفه مغاطيط
كم شايب يسهر خلاه أبخلايه= تقل الشناذر يلعط العين تلعيط
ويسمع ويترك كم سايه وسايه= من اللي يلقط ناقص الحكي تلقيط
مريض نفس له مآرب وغايه = يضحك بوجهك والخفايا ملاقيط
فجوجه وساع عن ردي الحكايه= خلّه مهف أمقيط ومن رافق أمقيط
ما رافقه وعقلي سليمٍ معايه = وظيم الرجال يشعط القلب تشعيط
من تاه وقت الظهر فاخت خطايه= عقلي براسي وكل خيط لها خيط
رحابه وساع ماعليها حمايه = نقطع فجوج أديار رمله مزاقيط
من دش للميدان يلقى الرمايه= بطراف شبكه فارغات المخابيط
والحق عدل ونور ماهو أهوايه = وأحذر تفرط بصاحب العرف تفريط
ومن لاخذا من الوقت علم ودرايه= ما مرقب إلا مرقبينه نواطيط
تمشي برايك والخلايق برايه= وشوك الكتاد يبطط الرجل تبطيط
من تاه عن طرق السنع والهدايه = روابيٍ تشيله والأخرى مهابيط
وطرق الرجوله واضحات البدايه = ومن لا صبر يصطه الوقت تسطيط
لا تنشحن وتقول أنا من عنايه = ترالقدربك حاط ومحيط ويحيط
العين ترمد والجوق هو عمايه = من ما جرى وتدبير الأيام تشطيط
قبلي مشت ناس وناسٍ ورايه = من عرض خلق الله رحيل أومحاطيط
وربعك عضودك والولاية ولايه =ولابيت إلا يربطنّه مرابيط
والعلم نور والتجارب كفايه = والهندسه رسم ومقاسٍ وتخطيط
قلت الحقيقه والخواتم نهايه = واللي زعل يبلط الموج تبليط

[بهلول الزميلي]

أبن أدم عمره رحلة سفر ومقسمة إلى عدة أقسام
القسم الأول هو عصر الطفولة والجهل والطيش وغير مميز للخير والشر هذا ماقدمت به شيء لك بعد الحياة0
العصر الثاني هو / أنشغالك بجمع الأموال وطلب الحياة ورفاهيتها والمناصب 0العمل به لله ضعيف جداً0
العصر الثالث هو ضعف الإنسان لأنه يعمل بكل كلفه لكن الضعف فيه بدا يفكر بالأخرة وماقدم لها من عمل لكن الضعف مؤهن الحيل وبدا المرض به شوي شوي وهو يراجع للمستشفيات عن مايونس من ألأم 0
العصر الرابع هوعجزك كلياً وجلوسك بالبيت فاخت الجماعة ومجالس الرجال الطيبين وهم طاب خاطرهم منك 0
العصر الخامس اللي الله يوصله له هو فقدان الذاكرة ونهاية العمر ومفارقة الأهل والدنياءبأكمله 0هذا موضوعنا اليوم ,,

ماذا قدمت !!!


يالله يامنشي ثقيل الخيالي= يامن بأمرك تجري السفن وتسير
سارة على موج يطم الجبالي = وصلف الهبايب تصفقه والمعاصير
وحكمتها ياواليٍ كل والي= ياما على الجودي رسن المسامير
بحكمك ولطفك ياعزيز الجلالي= يامدبر السقاء عليك التدابير
تجعل لنا في ظل عرشك أظلالي = في ماقف مابه شيوخ أوهوامير
نخرج من الدنيا بستر الحوالي= وخواتم الأعمال تختم لنا بخير
العمر عهده ومرجعه لزوالي = قبلك من المخلوق مرّت طوابير
سادت وبادت ولا بقى له توالي= إلا الرسوم اللي بها ينزل الطير
صالة وجالة وراح به كل غالي= ناسٍ عليها ورد وناسٍ مصادير
وأبن أدم عمره مقسّم ليالي= من أحداث بقعا ماتفكك نواطير
العصر الأول جاهل وبك أهبالي= ماتعرف الأشرار من اللي بهم خير
طيش وجهل وأكثر حلومك خيالي= أحلام ليل ضيعة سالم الزير
والعصر الثاني صرت رجل العمالي= تكسب دنانير وترهن دنانير
تفتح مشاريع وتجمع حلالي= تصدر فواتير وتقبض فواتير
بالمال تفخر وبالمناصب موالي= بقوة وعنف تصدر الأمر تصدير
والعصر الثالث جاك عيب الرجالي= حيلك ضعف وخطاك به صار تقصير
تنوض مثل اللي برك بالمفالي= خلنّه القطعان وأقفن مدابير
تراجع وتشكي من المرض والهزالي= كل يوم لك موعد فحوصٍ وتقرير
والعصر الرابع قلت ياما مضالي =ليته تعود أيام عمري على خير
عفت الجماعة والأهل والعيالي= وعافوك ربعك وجنبوك المسايير
والعصر الخامس طحت في كل حالي= ماينفعك مالك ولو قيل يأمير
والخاتمة شالوك للقبر تالي= تبعوك ربعك وأدفنوك الحوافير
رجعوا هلك وأقاربك والخوالي= وبقى العمل بالقبر لك جار وأمجير
هذي النهاية ياحميد الخصالي= وعند المحاسب ينشرن التقارير
هذا كلام مجربٍ كل حالي= زينه وشينه ذاقها ومر بالسير
وختمت مابرمج لساني وقالي= وعلى الولي أظهار الدلي من أسفل البير

[بهلول الزميلي]

جديع اللغيصم!!!

دام حفل الطنايا بالفرح والبشاير= وكل زاير يجي يمّه يرحب به
من أكرام كرمهم الكل عاني وزاير= بقولة ياهلابه عد ماهب به
بالرجال العزيزة من جميع العشاير=وكل من شاهد حفل شمّر ومن طب به
من جميع العشاير معرفتهم ذخاير = من مواكر حرار تبعها ينصب به
جديع شيخ المشايخ ياعمن البصاير= من صقور حرار فعلهم ينهزب به
اللغيصم فخرنا كان به جار جاير= يا شلهبّة سنينه وقل به حبّه
من شيوخ الأسلم محتمين القصاير=شيخها بطل فلمه ومن تسبب به
والردي عن مجارى لابتي ناير= يحرقه حر ناره كل ماشبّه
للمواقف رجال وسيرياساير= وكلاً بكفّه يغرف الماء ويشرب به
يصفي الماء ويبرد لو ظهر فاير=للطنايا عوايد وأنت من حبّه
ماتحب المهونه ولا تهاب الخساير= ومن تعرّض لهم يتعب ويتعب به
والليالي تدور والزمن له دواير= وكل خشبة وقود النار ياشتب به
ومصدر النّار ساسه من صغير الشراير= وكل حي يواجه ماكتب ربّه
والتغطرس غرور والتكبّر كباير= من يهاب المبارز جاه من سبّه
والمراجل سنود والكل شيء محاير= والشيم هي رصيدك والردى كبّه
قيمة النفس عزه لا تغبن الضماير= والمهند لعوج عيج يضرب به
مشعل النار خاسر ياستعربه سعاير= شبه اللي مايحسب له ويحسب به
ياتقطّع شراره ولابها شور شاير= يسبق السيف عذله يوم يحرب به
والكسور العميقة ماتضبه جباير= وكل حي وراه الموت يقرب به
أرفع النفس وعزه عن الردى والحقاير= والرجل لسانه حصانه يوم يقضب به
وخاتم القول صلوا عد رمل الزباير = على محمد عدد من شاهد اللبّه

[بهلول الزميلي]

من الأرشيف

سعادة المدير !!!

هات القلم وأكتب من الشعر مالاق= وأشرح وعبّر مايكنه ضميري
من هاجسٍ بي ضاق ومن رافقه ضاق= شانه أخلاقي ومنه شل أتعبيري
والقلب من بين المعاليق صفّاق= يصفق أضلوع حاجراته حجيري
يكفخ كما طير للأفاق شقّاق= تل السبوق وقط حبل الجريري
لياصفق راسه من الحوم وأشتاق= شق الفضاء شقة شعاع الأثيري
لاق الفضاء له لاق والحوم له لاق=يلعب كما لعب الهوى بالغديري
يادق به من جاير الوقت دقّاق= يطوي فجوجه طي سلك الحريري
نيران قلبي تحرق الخافق إحراق= منه أشتكيت ولا شكا منه غيري
أحب شوف البدوا وللبدوا مشتاق= ودارٍ هواها مثل ريح العبيري
مع لابةٍ حبي لهم فاق الأشواق= كبار الرباع مدلهين القصيري
أخير من رفقتك ياطاق طرباق= فرقاك عيد يا سعادة مديري
يالله طلبتك عنه تكتب لنا أفراق= وغيب الزّمن مجهول هو والمصيري
الوقت يجري بك والأيام مرّاق= مهما ارتفعت تنزّلك بتحديري
دنيا بها تاق ومرٍ وترياق= لوهي صفت لك تطعنك بالشّطيري
ومهما وصلت العالم العلم وأفاق= نهايتك تبرك بروك البعيري
يطونّك الأيام بأمكار وأحلاق= طي الرشا ودنياك غيبه خطيري
لو الزّمن لك راق يصير عقّاق= كلاً مسافر والليالي تسيري
والنّاس بالدنياء توافيق وأوفاق= وحكم القدر على الغني والفقيري
لو كل طيرٍ طار للصيد لحّاق= كلاً بجناحينه يرف أويطيري
طير الحباري لأبرق الريش شلّاق= مثل الأرهابي يابطش بالأسيري
وركض البغل مايجاري الحصن بأسباق= وأنت الحكم بخيولها وال****ي
وطعم الحوامض يعرفه من لها ذاق= وعمى النظر مايشوف مثل البصيري
وختمت مابرمج لساني بالأوراق= هذا ملخص خبرتي وتحريري

[بهلول الزميلي]

الشيمه!!!

يالله ياللي تعلم السّر وجهار= تفكنا من شر بقعا وجوره
ومن شر غيوب الليالي والأشرار=ومن كيد خلقه وما خفاء من شروره
نواف يامشكاي والفكر محتار = دلاّبي الهوجاس يلطم شعوره
يأخذ بي الهوجاس رحلة ومشوار= يغوص بحره لين ياصل قعوره
مراكبه غاصة بنا وسط الأبحار= وصل الغميق وأبحرت به أبحوره
أكسف شعاع الشمس وفقدت الأنوار= يلعب بي الهاجس على كل صوره
صرنا كما اللي يسكن الغار والنار= والنفس تجزع والمشاعر غيوره
دلاّ يتفجر بركنه تقل فوّار= بوقت شبع تبعه وجاعة صقوره
الخيل ترخص وبدل السرج ل****= وغلي بغلها وما قصر من شبوره
تأدّب السرحان وتمشيخ الفار= الفويسقات اللي بوجوده خطوره
كان الزمن بك جار والجار جوّار= وجارت لياليها وشحّة أدهوره
أصبر على الأقدار والوقت لو جار= لا يخدعك عشب الربيع أو زهوره
في قالتك شاور صليبين الأشوار= اللي لهم بالراّي شور أو مشوره
أخاف تسمع كلمةٍ تقل مسمار= تمرس حشاك وتوصل النفس طوره
كلمات غلٍ عقبها عذر وأعذار= بالسم مزجة وبالرجال أمحضوره
من واحدٍ همّاز لمّاز قمّار= قاله بمزح عن النقاش أمحذوره
وأن باعوا الشيمة بالأموال تجّار= أصبر عليها وخل نفسك صبوره
وعرضت بسوق البيع بفلوسٍ أكثار= أشفق على كسبه وشغّل سيوره
وثم أشتره بالمال وكبّر له الدّار= وزرع ثمرها يوم تحصد بذوره
أن باعوه بدولار وإلا بدينار= أعمر قصوره وأفتح أبواب سوره
برهج له المجلس وبيبان الأسوار= وخل النشامى كل وقتٍ تزوره
وأكرم به العاني ودلّه به الجار= على المكارم وأنت عمّر قصوره
جهّز له الحمسة قبل وقت الأسفار= قبل الشفق والصبح تنشر طيوره
فنجال بن يحضرونه هل الكار= اللي لهم بالطيب دوره ودوره
ودنياك ما دامت لوافين الأشبار= قبلك جفت دنياك بأخوان نوره
اللي نهار الكون يردون الأخطار = كم سابقٍ منهم تصير أمعثوره
والخاتمة صلّوا عدد كل من سار= على محمد عد ماشع نوره

[بهلول الزميلي]

من الأرشيف

أحشم خويك!!!




العين تكفي عن الأقوال لو قيله = وأثار سيل المطر يبين من وشمه
غيمه وبرقه تجاذبنا هماليله= سحايبه في ملم القوع من هشمه
وراع الوفاء والشرف ماعاش بالحيله= ولاهو بعير يخم الشيح والهشمه
صديقك اللي يعزّك يوم تشكي له = لا تبدله بالردي لوهو كبر رشمه
رجلاً يشوف السّنع والقول يصغي له = مايعرف الحق والمعروف ما يغشمه
والناس بالناس ياقلّة محاصيله = لا تأخذ النّاس بميانه ولا تعشمه
وأحشم خويك عن الزلاّت والعيله =لو شفت منه الخطاء يلزمك وتحشمه
ما حشمته عندنا يومٍ ولا ليله = يزود قدره مع الأيام ونحشمه
ولا كل رجلاً تقدى به وتقني له = ولا كل سيف يقص العظم ويهشمه
وأن حدك الوقت والأيام به ميله = وزادت عليك الرجال وقلّة الحشمه
ضدوك قهراً ولا قوت ولا حيله = عليك جار الزّمن والناس من طشمه
حدوك رجالٍ تعرف الحق وتميله = ناس عن الشرع والقانون من غشمه
أزبن على اللي يزيح الظيم ويشيله = تأخذ لك الحق غصباً من ورى خشمه
لهم مع الحق منهاج وتحويله = لا تقبل الذل والأنذال لاتحشمه
العفن مايطيبه ماله ولا كيله = والذّل موت يذل الرّجل ما يحشمه
حيٍ يهينك وتشكي له وتلجي له = أنا أشهد أنك غشيم ياملا البشمه
هذا ملخّص حياتي وشرح تفصيله= تصفّحه وأفهمه وعدّه لا أبو حشمه
ياشوق من خدها يوضي ورى الشيله= بنت عن العيب والمنقود محتشمه
يضفي على جسمها ستره ومنديله = بنت الذي يزعل العدوان ياغشمه
أن جاز لك قيمته تقرا مواويله = وإلاّ بدرام القمامة يحط وتهشمه

[بهلول الزميلي]

نساء سورياء!!!

نصارع الوقت والأيام غلاّبه= وأحكام الأقدار لظروفي يحكمنّي
النّفس له طلبةٍ ودنياك طلاّبه= وأقدار الأيام ماجت لي على ظنّي
تغيب شمسه وتطلع كل ما غابه = ودورات الأيام وأسنينه يدورنّي
ناطى المخاطر وجحر الدّاب ناطا به= وأحكام الأقدار لو زانه يشيننّي
وأن المنايا ولو تخطيك لك صابه= تلحق ولا واحدٍ له قيل يخطنّي
وسيف القدر ياضرب ياحد مضرابه = أثر حدوده وسطواته يبيننّي
دنيا تسوق البشر وتفتح لهم بابه= تضحك لهم بالثمان اللي يشوقنّي
نحاور الوقت ولا أحداً نط مرقابه = العلم اللي ياصلك ونص الخبر عنّي
يدمّر ويعمّر مطر غيمه ونهابه = وهبايب الوقت بالعالم يهبنّي
تهدم وتبني ونار الحرب شبّابه = يفنا بهاء جيل وأجيالٍ يعيشنّي
ناسه من السم والأمرار شرّابه = وطيور الآفات بجواها يحومنّي
بين الزعل والرضا والضحك بنيابه= تجري به السفن والأيام يجرنّي
وأحداث الأيام والأقدار ربابه= وأحكام الأقدار لوتخطي يصيبنّي
والناس به مغرمه ودنياك لّعابه= وظروف الأقدار والأيام يرمنّي
عشاقها يتركه والنفس ما طابه = وأسنينها والجواري ما يطيعنّي
يشيب راس الفتى ودنياه ماشابه = وأيامها والليالي مايشيبنّي
تحوم طيور السقاء وينعق به أغرابه= ودنياك طرّادها ما عاش متهنّي
ولا تنتعدل قوانينه لياعابه= وبوادر الغدر ضيانه يلوحنّي
شفنا وعفنا وكثير الناس يشقاء به = هذا بهاء محزّناً وهذا به يغنّي
ولا كل رجل لياضنيت تلقاء به = ولاكل سن تجيء بفمي مثل سنّي
والخاتمة تطعن المخلوق بحرابه= ناظر نساء سورياء هوليه يبكنّي
قلت الحقيقه وقول الحق يدرى به = ومن لا قنع مالها عيونٍ يشوفنّي

[بهلول الزميلي]

أخواني وخواتي سلمكم الله جميعاً من كل شر:
السلام عليكم ورحمة الله وبركاته /
نهنيكم بقرب حلول شهر رمضان المبارك اهله الله علينا وعليكم باليمن والبركة والصحة والعافية وتقبل الله منا ومنكم صالح الأعمال 0 وجعلنا من المرحومين في أوله والمغفور لهم في أوسطه وعتقى الله في أخره وسائر المسلمين أجمعين حفظكم الله جميعاً /
المشاركة:

الفنجال !!!

فنجال خطو الغشمري يشرح البال= يوم العفون بلذة النوم نيمه
في مجلسٍ تلقاء كريمين الأسبال= ربعاً لهم حشمه وقدرٍ وقيمه
رجّالهم مثل الجمل شال ماشال= ما هي حشاوين يدوّخ نحيمه
وصغيرهم عند الملازيم ياقال= يفرض علينا قدرها والحشيمه
أبطال ورث أبطال وبفعاله أبطال= بالصدر له قيمه وحشمه وشيمه
فنجالهم ياعدوا الكيف فنجال= أن سولفوا بالكيف رجالاً كريمه
لهم بسوق الجود والمجد منزال= تشفق على العليا أرجالٍ حكيمه
أشبال ورث أشبال ومن ماكر أشبال= من خاصمه يخسر ويفشل خصيمه
المجد سطّر له تواريخ وأفعال= ببيوتهم عاشة نفوسٍ سقيمه
كان الزمن بك جار والوقت بك مال= وسوس نبات الأرض ولا طش غيمه
أرباعهم يعيش به رمل وأطفال= فهود الرجال اللي تحوش الغنيمه
وأن صار بقلوب الرجاجيل ولوال= تلقاء ضعنهم بالمخاوف مقيمه
ترسي كما يرسي جبل طي وأقيال= مازعزعه رجف الخيول ورهيمه
خيالهم عند الملازيم خيال= وتأمن بهم يامن عرفت الوسيمه
ماكل رجّال يعوضك برجّال= ولا كل غيم ينبت الفقع ديمه
وبعدك عن الأنذال عز وفضا بال= اهل التّفاهة مروجين النميمه
اللي سوالفهم من أهبال لخبال=بالمجد ماذكر له بيوتٍ وخيمه
ناس جذبهم معدن الجد والخال= هلوس الرّجال اللي تحكمه حريمه
تلبس أهدوم وبشت وشماغ وأعقال= أرجال لكن المراجل تضيمه
مادلّهوا جار ولا طاب به فال= ولافرجوا من ضامه الوقت ضيمه
تشره عليك بحال وتلام بأحوال= تبعد عن الحامي وتجي للوليمه
وأستغفرالله عن المأثم والأقوال= وعن الخطاء ومسببات الجريمه
ونطلبك يوم العرض قبول الأعمال= وعفوك ولطفك يامنجّي كليمه
يا قاضي تقضي على كل محتال= العزبأيدك والنصر والهزيمه
تفكنا من جور بقعاء والأهوال= ومن شر خلقك ومن لهائب جحيمه

[بهلول الزميلي]

أخواني وخواتي الأعزا نهنيكم بصيام رمضان وقيامه تقبل الله منا ومنكم صالح العمل 0
وعيدكم مبارك وكل عام وأنتم بخير ومن العايدين الفايزين ورحم الله من لا عاد عليه حفظكم الله جميعاً بخير وسعاده وسرور و أعذرونا بمناسبة الأنقطاع بهذا الشهر لأنشغالنا بالعباده تقبل الله منا ومنكم صالح الأعمال 0000المشاركة

الغشيم!!!



الله من قلب يحكمنّه أشغال= والبال من كثر الهواجيس منداش
يسوج والهوجاس به ضيّق البال= بصحاري مابه مخطط ولا أعشاش
يأخذ بهاء روحة وسجّات وإقبال= يسوقه الهاجس كماء سوق الأكباش
يا مسندي يا سايق الجيب يا بلال= يا زبنهن يا كنهب النذل واللأش
نزّل هوى التاير ومشيك بالإمهال= وحط الدبل قدامنا رمل وأعفاش
وشرف بنا راس الطويله وما طال= بيض الطعوس اللي تلامع تقل شاش
بأرض من الصحرى بهاء يسرب اللأّل= بوسط النفود اللي تقل لفة أقماش
أرض خبير القار يا شافه أهتال= عاف المكاسب وداخله خوف وأن حاش
أن داس به سبت القدم هال وأنهال= أن ما رشقها ماطر السحب ورشاش
الين من الزّل العجم بكل الأشكال= أرض عليها ما تبي زل وفراش
أنعم من الديباج والين من الشّال= مدهال قواد المهاء خرس الأرماش
ياعل يسقيها من المزن همّال= مرتع قناطيش الظعن وضح الأدباش
أن دوّه الراعي لهن جاهن إجفال= يتلن زعيم البادية مثل هتّاش
وتبعد عن الإزعاج والقيل والقال= وخطو الغشيم اللي على الحكي مهتاش
اليانصحته قام يزمي تقل جال= يرد صدا صوتك بهاء غل وغشاش
عديم فهم وخالطه خبث وأهبال= دحش يخم السالفه ويدهش إدهاش
ابعد عنه وتر السعة به فضاء بال= خل الفيافي دونها شهب وأدشاش
يا صار ماهو للعزيزين مدهال= ولاهو مع اللي خلفهن قيل هوّاش
ولا مقرضٍ مال ولا منفقٍ مال= ولا ساعد المحتاج من بعض ما حاش
مالك وماله والسّنع غرب وأشمال= فجوجه وساع ومن رضا الذل لا عاش
اللي حموا نجد بالأقوال وأفعال= أن صار بقلوب البشر خاش خرباش
بيوم به المدفع تقل حس زلزال= قذيفته تلمع تقل لمعة أفلاش
يذرون في حال ويدرون في حال= اللي حموا نجد من الطاش لطاش
أخوان نوره كان نور الضحى زال= تبيع به كاش وتشري بهاء كاش
بسلاح جو ضلل المدن بضلال= ما هو سلاح أفراد بندق ولا كلاش
وختمت ما برمج لساني وما قال= بإزكاء صلاة عد ماطش طشّاش

[بهلول الزميلي]

التّوكل!!!

لو تسئل البر عني تاجد أخباري= يشرح لك الموجز اللي يجهله غيره
تعرف خفي الأمور وتفهم أشعاري= يترجم لك الخافق اللي كن تعبيره
تقرا تفاصيل علمي وكل ما صاري= ما ترجم السري اللي تم تشفيره
ملّيت بعض الملا وروتينه الجاري=وبعض المتاجر تضايقنا هواميره
هذا بهاء بايع وهذا بهاء شاري= تجارةٍ يجهلن ربحه وتسعيره
نبي الصحاري وشوف العشب ياطار=وخضار نبت الشجر شكله وتنويره
وشوف أربش مسرول والحوم به جاري= متوحش من البشر به ذيرة أوحيره
شاف الأزاويل وصابه خوف وذعاري= ومن الزعل والحماقه صار به ذيره
يلعب به الهيف والذعذاع والذاري= بصحاصح البر ما والف صقاقيره
نفضّي به الخاطر اللي يمشي إجباري=يسوقنا والله اللي يكتب الخيره
يقفي ويقبل بنا بالسر وجهاري= ونطلب كريم عسى يحسن تدابيره
والله يدبر وبأمره يسري الساري= وأبن أدمٍ ياكثر ذنبه وتقصيره
وغيب الزمن والقدر مأ حدٍ بهاء داري= ويدري به اللي يسوق الريح ويسيره
اللي بهاء مكتسي واللي بهاء عاري= والرّزق ما قلله كثرة مداويره
والله يرضي عباده واحدٍ باري= ربٍ يجير البشر والناس ماتجيره
اللي أخرجك عاري وثم يبعثك عاري= نرضاء بحكمه وتدبيره وتقديره
بأمره تسير السفن بأمواج الأبحاري= تمشي وربان سفنه من جماهيره
كيف أبتلش وأنشحن والله بنا داري= واللي خلقنا يهب الريح ويديره
أن أصدر الأمر يخضع كل جبّاري= تعجز ملوك البشر عن منع تصديره
وصلوا عدد ما يشع الصبح بأنواري= على رسول البشر ومن سار في سيره

[بهلول الزميلي]

أخواني وخواتي السلام عليكم ورحمة الله وبركاته/ مشاركتنا هذا الأسبوع هو موضوع فكاهي لعله يلوق لكم0 الأجابي نتشرف بقبوله والسلبي سامحونا به وحذفوه وأنتم هل المعروف وهذا ماهو إلا اجتهاد ولكن ماكل مجتهد يكون مصيب 0000والله يحفظكم ,,,

ساره!!!

الله من عينٍ مثل عين عربيد= يفوح ناظرها كما حقل واره
أسترسلة للدمع من تحديد=جرّح ماجر ناظره بنحداره
من خافق قامت تشده شواديد=الضغط به زايد وزود حراره
لوما يحكمنّه ضلوعٍ حواديد= يفر مثل اللي سريعٍ طياره
توه قضيب وطار من كف صنديد=ومن الحماقة والزّعل به نزاره
متوحش وقدد لك السبق تقديد=تل السبوق وفر تالي نهاره
طقه حيام شرق حزم الجلاميد= هام الفجوج اللي بعيدٍ دياره
حط المحص وإسهال ندفا تسانيد=وما طال من سهلة بسيطا يساره
نطح هوى الغربي وضرب خالي الريد= وغاب الشفق والليل زوّد ذعاره
من اللي صدفنا عند قسم المواعيد= عين العنود أن ذيرة وأستذاره
كنه غزال جافل مع جراهيد= أو مهرتٍ مع أول الخيل غاره
وناديت له ياريم ياقايد الصيد= وقالت نعم لكن تر الأسم ساره
وسألت أنا وش جاب ريمٍ وتغريد= قالت نزور وطاف وقت الزياره
راحن وأنا ماخذت علومٍ تواكيد= وبقيت أنا حاير والأقدام حاره
وقلبي كما زرع ليالي جويريد=يبس سريه والعطش هو دماره
ونخيت سمحين الوجيه الأواليد= أن طار عن روس العذارى ستاره
بالماقف اللي به خطوره وتهديد= أن ضيعت شقح العشاير حواره
وشلون نعكس مسلك النظم والسيد= ونجتاز رجل الأمن وقطع الإشاره
وثنوا هل النّخوة عيالٍ صناديد = اللي نهار الكون تروي شطاره
لكن صحيت ولا بعد شفت تغريد= إلاّ كوابيس الحلام وهذاره
لا ريم أنا شفته ولا زرت بالعيد= إلاّحلوم الليل وهمش قراره
كذب علينا إبليس بالمكر والكيد= حتى لو أنك نيم يوثق شعاره
أحلوم ليل والمصادر هرابيد= ماجيت أنا تغريد ولا شفت جاره
وبالوارده ما سدد السجل بالقيد= وإبليس مارس كذبته في جداره
يهجم بجيش وآمرينه حواسيد= بالحسد هو والمكر يرفع قداره
يبي يضمك ضمن ناسٍ كواديد= لو كنت ما تفهم عروض التجاره
وصبحت في سوق المتاهات يازيد= ولامن بضاعة والتجارات باره
والخاتمة وصلت نهاية الميد = وشمس العصر غابة وعتّم حـمـاره
رجلٍ كبير وكن رجلي بهاء قيد= ماني خوي ريم ولاني بداره

[بهلول الزميلي]

الجيب

ياسايق الجيب وط من الهوى وطّه= يا مسندي وشرف اللي طال وأرقب به
طبيعة الناس والأوضاع منحطّه= سيل مع المنخفض ما ينزل دربه
خلّك بكيفي تر الأحوال مشتطّه= النار وسط الحشاء بالجوف مشتبّه
أشرف بناء ما أرتفع والرجل به حطّه= وما طال من عالي يكشف لك اللابه
وكل ماأرتفع مرقب يامسندي نطّه= حيث أن نفسي بهاء ترتاح وأطرب به
بأرض قزاز المدن والرجل مابطّه= نبي الطبيعة وشوف النار يا شبّه
ونشوف فعل أربش والخرب ياسطّه= ومن الزعل والحماقه تقل ما صقربه
بدار من البر لا مخطط ولا خطّه = مثل الذّهب رملها مالوم من حبّه
يا ما بهاء من الوناسة لو بهاء شطّه= ننسى هموم تضيق الصدر وتشبّه
ما به قوانين لا شرطه ولا ورطه= تتبع هوى خاطرك والبر ترغب به
تأخذ بهاء سجةٍ والرجل به قطّه= تسوج سبت القدم بالنفد والخبّه
وننسى المشاكل وحيات المدن واللأطّه = وأن قلت لك كلمةٍ تمسك وتحرب به
ولا مراجع محكمه ولا طالبك شرطه= ولا لك مواعيد تحضر به وتطلب به
وترتاح عقب التعب بالنوم لو غطّه= وتشم هوى الريح والأعشاب ياهبّه
قبل المنايا تشيل الجسم وتحطّه = في مظلمٍ موحش تبطي بك الغربه

[بهلول الزميلي]

الصحراء


الله من قلبٍ تأثر من الغيض= والناس به جورٍ وللنفس شومه
مابه سفاهٍ ندخله قسم تمريض = ولاهي صغار جاهله ماتلومه
أكبار سن وماضيٍ له مراكيض= ولا يندرا بتفيذ ساعة هجومه
ناس تخوّض راكد الحثل تخويض= ويعكّر الصافي جلوسه وقومه
يامسندي قم جهز الجيب يامعيض = يازبنهن وأن خيشت به رخومه
نبي مع الصحراء قطوع وعواريض= تزمي لنا سهاله وتسقط حزومه
فجوج الديار الواسعة روّح القيض= وغطاء السماء بيض المزون وغيومه
وعند النشامى ريّض الرجل وتريض= فهود الرجال اللي تونّس علومه
أهل الوجيه البيض وفعايله بيض= عاشت بطيب والنفوس أمحشومه
يالله بنوٍ بارقه له نضانيض= يسقي جبل حائل على سهال دومه
من غربي الخنفه على الروض يامريض= ويعم نجد والجزيرة عمومه
يمطر عليها أسبوع وأسبوع وإيريض= ياما هشيم الأرض تنبت جرومه
ونبعد عن اللي تقرّض العرض تقريض= ناسٍ تمشيخ بالتكبّر وزومه
ناسٍ على ناسٍ قلوبه بهاء غيض= وعند أتفه الأسباب تارم خشومه
طبعه تحمّض صورة الفلم تحميض= تقل بحق يطلبونك خصومه
عن الحق والواقع عيونه مغاميض= وتجراتهم بالسّر تنشر سمومه
رجّالهم مايطيع بالنّصح لو عيض = وتشرح لكم نظرات عينه رسومه
ناسٍ تحب الحقد والحسد به فيض= تقدم به الأنذال وتفهق قرومه
بعض المجالس تمرض القلب تمريض= ولا يقبله رجلٍ تشيله عزومه
ناسٍ شرابه دردب المي لو خيض= وقانون سلمه تكره اللي يلومه
تلقح قلوب من قلوبٍ بتحريض= ولا ينعرف متى أنفجاره وقومه
تقل مفوضهم على الأمر تفويض= بصكوك حكمٍ موثّقة وأمختومه
لهم ملاحيض وانا لي ملاحيض= وكلاً على جسمه يفصّل هدومه

[بهلول الزميلي]

أخواني وخواتي منسوبي ومرتادي هذا الصرح الشامخ
السلام عليكم ورحمة الله وبركاته / عيدكم مبارك وكل عام وأنتم بخير وصحه 0

السيف




البال من صكات الأيام مضكوك =من هاجس بالقلب والجسم دقّي
هات القلم يامسندي وحضّر البوك = نبضات قلبي والمشاعر تدقّي
والعين كن بحجرها نابتٍ شوك= شوك الحماط اليابس المستدقّي
يادك به من جاير الوقت داكوك= مثل الجراد المنتشر يوم بقّي
لوما يحكمنّه مهاديف أشبوك= رصف الضلوع الحاكمه كان طقّي
ونعمل بشور اللي مع النّاس مبروك= ولا نشاور اللي لرفاقه يشقّي
اللي لياضاقت على الضيق خلوك= وضيم الرجال يشقق القلب شقّي
بعض الأوادم عرفته نقص وشكوك= ولاكل رجلٍ لثناء يستحقّي
والنفس يدركها من الأمر مدروك= وروس الجبال الملس مابه ترقّي
نداريه والضغط يدوكها دوك= نفسٍ عنيده وللأوامر تعقّي
وأن كان عدوانك على الضيق حدوك = وضاعت هقاوي بكل رجلٍ يهقّي
ودون الحقوق الحارمة حيل ضاموك= وحدوك عفنين النوايا بعقّي
السيف لولى العوج ماعيج للحوك= عاجوه للحق المخالف بدقّي
ولا يوقف الأشرار والشر ياجوك = يا صار مال لخشم المعادي تدقّي
ومن لا نفع في ساعة الضيق بالصوك = بالأخرة ما غير ربك يتقّي
ولا يحاسبك عن فعل عمك ولا أبوك= وفرش تحتها الشوك تر ما توقّي
لا تقول أنا شيخ وأبن شيخ واملوك= أن كان مال الطائلة تستحقّي
وأن قل ماب أيدك صدوا وعافوك = حتى الولد ممكن يجي منه عقّي
وان ما حمدوك النّاس أكيد سبوك= ولا كاسبٍ مدح ولا مستحقّي
تعيش صعلوك وتموت صعلوك = لا معطيٍ حق ولا خذت حقّي

[بهلول الزميلي]

سالم الزير


أحمس لنا يا معرّب الجد والسّاس = ياشوق عمهوج ردوفه تتلّه
من حب خولان الخضر حط بالكاس= مادام نفسك والزمن ممهل له
ياريف هجن روحن وقت الأدماس= ومن التّعب والجوع مثل ألأهلّه
حفياء وطفياء ضمرٍ مثل الأقواس= يتلن عقيد كل درب يدلّه
أسهر ليانامت عيون أكثر النّاس=والجفن لفحات السهر تستحلّه
كثر السهر بالعين سبب له أعماس= وبعض المجالس شفت منه المملّه
والبال من كثر الهواجيس محتاس= متكدّر وقلوب الأعداء مغلّه
من ضايقٍ به ضاق والضيق به لاس= ودمعات نون العين من الراس هلّه
إذا حكيناها فرح مبغض النّاس= وإذا كتمته صار بالقلب علّه
وسبت القدم للجمر والحامية داس = تمكّنت والرجل بالنار زلّه
حر اللأهايب بالمعاليق غطاّس= تحرق شرايين القلوب وتشلّه
والجسم كنّه بن يحمس بمحماس = بجمر الغضاء والنّار قامت تملّه
يحضاه عود حالته وصلة اليأس= ضيم النشامى مبعده عن هللّه
عود كبيروضايقه مطلب الناس= قالات دم ولا لقاء من يحلّه
حطه على خمر الغضاء وهب نسناس= وعنها دله ياما أحرق البن كلّه
من هاجس منه المعاليق يبّاس= بقصاء صناديق الحشاء مستحلّه
ياطيرياللي بالفضاء ترفع الرّاس= بين السماء والأرض خذيت فلّه
عطني جناحينك وبدلك بلباس= من متجر تأخذ من الخام جلّه
أبي الفضاء وشم أنا عذب الأنفاس= بعض السوالف والمجالس مملّه
وننسى المشاكل وكل همٍ وهوجاس= وضغوط نفس زاد ضغطه وغلّه
ومن هو شراك برخص بيعه بالأفلاس= ومن عاف قربك لاتجيه أبمحلّه
فجوجه وساع ولاتجامل على البأس = قطع الفرج والنّفس به مسفهلّه
تسوى حيات عايشه معظم النّاس= وأبن أدم رزقه معه مثل ظلّه
ولا ضاع دم أكليب في بطن جسّاس= ما دام سالم بأيده السيف سلّه
يوم فاوضوه لصلح يقول لابأس= طلب مطالب شايب القوم ذلّه
سبعٍ من المعزى وجمل ماله أضراس= واللي فهمها صاح من طلبت ألّه
وضحك منه ناس وبكاء منه ناس= واللي ضحك ماظن عرف مقصدالّه
وإلاّ عدد مفاصله يذبح أنفاس= هذا طلب سالم لياجيت قل له

[بهلول الزميلي]

ذيب الأضارع
ياذيب وش عوّاك والنّاس هجّاع = زعجت لك صوت طويلٍ ومرفوع
وأيقضت لك قلب عقب هجعته فاع= من عقب ماهو راقد الليل بهجوع
قم دوّر الأرزاق وهجم بالإسراع = ماحي إلاّ والدّهر لايعه لوع
كثر النعى ما قراك وعيالك أجياع= ولاأحدٍ يقدم لك عشى وأنت بك جوع
إلاّ أبن سعيّد ضيّفك والخبر شاع= بين القبايل يوم نافع ومنفوع
قدّم خروفه من الغنم وحسبه ضاع= يوم المراجل والشيّم طاعته طوع
واليوم شيمات العرب صارت أطماع= وأن كان مابك مطمع ما أنت مسموع
الفقر ياذئب الغنم غيّر القاع= طالع نبات الأرض وشلون مقطوع
ولو كان تخلص ما أحدٍ لأمركم طاع= ولو صرت بطراف الغنم مثل جدّوع
الأذن عن الأنصاح به صمغ وشماع = سكّر مسامع طبلة الأذن بشموع
لو أنت ياذويبان لضان فزّاع= وتخلص لهم ياوافي الشبر والبوع
هذي نتايج فعل نابك بالأقطاع = بقصايم بين الأضارع وميقوع
في كل سلم وعرف تكره بالإجماع= وأن ماذبحوك بحلقك الحبل مربوع
حتى البهايم برضكم ماهي رتّاع =تجفل منك لوهي بعد بأمن وأرتوع
وحتّى الصغير اللي على الدّيد رضاع = بأسمك يخرّع صايبه خوف وخروع
وهذي سوات الذئب يفرس ليجاع= ياكل شغاميم لياحس بالجوع
والحنظله لو تسقيه مي نعناع= مرٍ ومرٍ لوشرب عذب وأنقوع
والخلق مثل النبت والبذر تبّاع= تحمل صفات الجين والأصل مشلوع
ورضا البشر صعب على الناّس مايباع= أصعب من حاولوا حبة الكوع
مهما ومرمامور الأنصاح ما يطاع = والناس قالوا كل ممنوع متبوع
هذي تجارب شاري وبالثمن باع = جرّب قساوتهاء وطعم كل مزروع
عاصر وذاق ومر بالنواع وأنواع = ذاق الهماج وكل عذبٍ وطرقوع

[بهلول الزميلي]

ذئب كبد

ياذيب كبد ليه طوّلت بعواك =محدٍ لصوتك ولا مشاكيك سامع
ياذيب لا تشكي على الناس بلواك= ماهو زمانك لا تدور المطامع
أكتم ونينك بالحشا وأقصر أخطاك= وأبلش بحالك يابعيد المرامع
لا يطالعك ولد الدجاجه ويفراك= بمفرع الفيجان وإلاّ المجامع
علمٍ يجيك وياصلك ويتعداك= طمعت بك اللي بأخر الضان جامع
اللي من أول يرعبه حس طرياك= وضربات نابك في خدوده شوامع
تبدلت ياذيب بالوقت دنياك= أمنين ما وجهت تلقاء المقامع
أبن سعيد بأول الوقت عشاك= في ليلةٍ هرمز نجومه لوامع
واليوم لو سبع العقل داس ماطاك= الوقت ماهو وقتك اللي أنت رامع
تصبح وتمسي خاوي الجوع باحشاك= لو الغنم كثر حبوب الصوامع
مهما تسالم محدٍ قال ماغلاك= لو أنت ماتقدر تخيف الجوامع
يالذيب كلن يكرهك من سجاياك= ناتج فعولك بالسنين اللوامع
أصبر على ماجاك من جور دنياك = وخف الدموع الذارفات الدوامع
وإلاّ أنت هاجر وترك الدار لعداك= خلّه لغيرك ولا تكون أنت طامع
من أولٍ كلن يخافك ويدراك =وسطوات نابك بالمعادين شامع
واليوم ولد الضان عن الضان عدّاك= اللي من أول بخنصر الكف خامع
يدمغك بالهامه وبالرجل ياطاك= وأخر زمانك بالهماج أنت كامع

[بهلول الزميلي]

ذيب سوريا

الهجس والهوجاس بالصدر دوّى= دوي الرعود اللي تقافا سحابه
سوّابه الهوجاس والضيق سوّى= وخلى صناديق الضماير خرابه
سكن بصدره وبالضماير تطوّى= طي المكار وزايد الضغط جابه
يرجف رجيف مهرجفٍ عند بوّى = في دكّت الأضعان ياهاض مابه
وجسمه كما نبت شروكه تلوّى= جف الثرى والقيض يبّس ترابه
يبست جذوعه وكامل النبت ذوّى= في واهج الكنّه شونّه هضابه
أبعد ثرا الفيضه قبل مايتروّى= يبست جذوعه وزايد الحر ذابه
يالذئب من جور الزمن لاتغوّى= ولا تشتكي ضيم الدهر وانقلابه
إلاّعلى اللي منشيٍ كل نوّى = عالم بقالاتٍ دقيق حسابه
عوّا وأنا أدري ليه هوكيف عوّى = من جور وقته وصاطي الجوع صابه
من الجوع عوّى وفي حشاها تزوّى = ضيم الليالي والمعيشة نهابه
يالذئب لا يخوّفك ذيخ تهوّى= الذئب مثلك ماتردّه كـلابـه
يجاهر ويفرس في شراسه وقوّى= ولو جار وقته ما شكا من عذابه
ينهب عشاه ولا خبر قيل خوّى= وشهب الديار الجوق ماقيل هابه
ماهو من اللي بالأضلّة تحوّى = يارد مواريد الخطر ما يهابه
ماتخوفه ناس ينامون جوّى = الذّئب ذئب كل ما الشمس غابه
حيث الرجل بالطيب ياقيل سوّى = يمثّل بفعله في ردي الذيابه
لابد للجمع الضعيف أتقوّى = ويضعف قوي السيف ويدثر ذبابه
ويفلت من الخمس السلاح المقوّى = وأصابع الكفين تطلق نصابه

[بهلول الزميلي]

المنزل الثالث
يامسندي قم جهز البن والهيل= وصبه على اللي حاضره من رجاله
ياشوق من هي تدعج العين بالميل =والجذلة الشقرا على الراس ماله
الصدر ضاق وشتهينا التعاليل= نبي الرجال اللي يونّس قباله
وسوالف تشرح صدور الرجاجيل= ويرتاح له من هو عناله وجاله
بحضور ربعٍ تونس الصدر وتزيل= هواجسٍ يصعب علينا مقاله
سهرت رجال لا نمايم وتمثيل= ولا به أفلام مدبلجه ولا جهاله
نأخذ مع الأجواد هود من الليل= بأجمل وناسه وضيقة الصدر زاله
وننساء ضغوط الوقت والعدل والميل= وجور الزمان وميلته واعتداله
ندله معاهم دام الأجسام به حيل= قبل أخر الأعمار يظهر خماله
وأيام عمرك قافياته غرابيل= ودنياك مثل الحلم عجلٍ زواله
مادامت الدنيا لثمود وهل الفيل= وصفوة قريش اللي بعث بالرساله
وعقبه شيوخ تعدّل الميل تعديل= تعطي يمينه ماتعلّم شماله
خطلان الأيدي كاسبين التنافيل= من حر ماله تعطيه من حلاله
خلايف اللي ترذي الكنّس الحيل= أن خاف خطوان الخمامة ضلاله
بروابي تزمي سهاله غراميل= يضيع به روس الرخم بالدّلاله
اللي يروون السيوف المصاقيل= فهود الرجال اللي تعدل مياله
أن رددوا لمصقلاتٍ مساليل= كم نفس شغموم من الجسم شاله
خطو المشورب من مداس الرمك شيل= من فعل قوم ترهبك في قتاله
تصاولوا وتجاولوا بروجة الخيل= وتفرّقوا وتشتتوا مع إسهاله
وغدا عجاج الخيل مثل الهماليل= وراجت وداجت كل قباء سلاله
وباعوا وشروا وستوفوا الوزن والكيل= احدٍ ربح وأحدٍ خسربه عياله
وشكواك لغير الله مذلّه وتقليل= ومن لا نشد عن حالتك لا تساله
ودنياك به ميل وشيل وتعديل= وأبن أدمٍ شال الشقاء من هباله
ينزل على دار بهاء يقيم ويشيل=والمنزل الثالث يواجه عماله
وتم الجواب وكمل القول تكميل = ولا كامل إلاّ الله جلاّ جلاله

[بهلول الزميلي]

الهيروين

أحدث ضرر وغيمه تراكم خياله= مصايب بشبابنا فشته فش
الغرب حاربنا بغدر وبساله = بتجارة الهيروين دشت بنا دش
قواعـد ترسي رواسي ثقاله= في ديننا وعراضنا قام ينهش
قالوا بعصر العولمه وانتقاله= قلت العواقب والخواتم توحّـش
حرب مصاويبه شوشها دلاله = قسمٍ قضاء نحبه وقسمٍ محشش
روسه كما العوشز ركيك ضلاله = وإلاّ الكتاد اليابس اللي مكوّش
ولا يلهد الرجال ويغث باله = إلاّ الصغير اللي الجهل طش به طش
حرب جروحه ماتعالج حواله= سرايره عن معظم الناس تنخش
خوافيه بالنّاس تكشف رجاله = بمعاملاته غش وان قابلك حش
وكم واحدٍ وثق بخويه وغاله = ومن هو أبتدئ بالغش يموت بالغش
سيفه بيمينه وخامسك في شماله = يطعن بهنديٍ بجوفك تبخّش
وعلى المراوغ راهياتٍ حباله = مثل الجبل يرد صوتك يلولش
يحارب خفا ويخفي خبايث عماله= ولاهو عظم لحمٍ بالأسنان يعرش
جنّب طريق أبوه وعمّه وخاله = قنّاص هفوات عن الغش ينبش
متعلّم ومخضرمٍ في مقاله= يجامل معك بالهرج وبأسريلغش
ماهو ثقه وجاب الضرر لك وشاله = مأربه لجروح الأجواد ينخش
بين الغدر والبوق وعيش الجهاله = مثل بعير القايله يوم شوّش
أن كنت تقدر حط دونه سهاله= شهب الديار اللي من البعد توحش
ورافق كريم باللزم ينشكاله = بليهان شال البيت والحمل والقش
رجلٍ يسر اللي عناله وجاله = حطّه على يمناك كان الرّدي كش
أن جاء نهار والمناعير صاله = ضرغام حاشاتٍ بصوته يوحّش
من سلسلة نسل الأسود السّلاله = أن قامت العدوان بالسيف تبطش
يفداك بعياله وحاله وماله = صيارم مجاذبه عش من عش
هذا وأنا ماقول شيخ وعداله = الكامل الله والبشر بالخطاء خش

[بهلول الزميلي]

أخواني وخواتي :
السلام عليكم ورحمة الله وبركاته /-
أخواني نعتذر عن الأنقطاع وكلي شوق لقصيدكم وسوالفكم عسى الجميع بخير وعافيه ومشاركتنا هذه عسى تلوق لذايقتكم :-

العشب




العشب يلوي به هبوب العواصيف= ابعد ثرا الفيضه ونبت الوطا جف
خضار نبته صار به يبس يامنيف= أذ وت زهوره والورق صاربه حف
ليت الليالي للقلوب المواليف = تحقق لنا شف وتأمر لنا بشف
يبقى خضار النبت والأرض به ريف= حتى ضغوط النفس عن ضغطها تخف
يامسندي ياريف هجنٍ مواجيف= حفيا وطفيا والتعب طفهن طف
هلهن من النكباء لحاهم مشانيف= ولفن على اللي يرخص الكيس والكف
قرم يهلّي بالنشامى لياضيف= يضحك حجاجه وباللوازم يشرّف
يذبح لهم كبش يكرّم به الضيف= يا ما التعب والجوع ماكن به لف
وساحة خواطرهم بزين السواليف= فهود الرجال اللي فعوله تسولف
على الهجن وفوق المهار المزاغيف= يوم الرّدي يمشي وياقف ويوقف
مثل الصقور الجارحات الخواطيف= بمخالبه تفرس ماهو كود تعلف
أن وردوهن عيف وأن صدرن عيف= بكرهٍ وخوف وعنهم الخيل تحرف
سوالفٍ تارد وهذي مناكيف= وجور الليالي والتّعب خفته خف
ودنياك ماهي دايمٍ لك على الكيف= لابد لك من حوض الأقدار تغرف
للوقت سطوات ولفوات ويخيف= يقدم بهاء صفٍ ويفهق بهاء صف
ننزل منازل من رحل بأول الصيف = ونرحل وينزل بعدنا لاعب الدّف
ولا تنفع الأقوال ياحيف ياحيف= وجور الزمن لو تطلبه عف مايعف
لابد ماتأكل عضاك الزواحيف= أضعف جنود الله توطاك بالخف
بأمر الذي وسّر لك العسب بالليف= تدري وانا أدري وكثر الناس يعرف
وصلوا عدد رمل الوطا وعد ماشيف = على الرسول وعد مابارقٍ رف

[بهلول الزميلي]

أخواني وخواتي السلام عليكم ورحمة الله وبركاته 0 أعذروني عن تواجدي وقلّة ردودي عليكم لأنشغالي 0

النّفس

الله من خافقٍ فكره غدا حوسه = يسهر مع الهاجس اللي الهم يطعنها
نقرا التّعاميم والعينين معموسه =كن الشناذر بجفن العين خازنها
من جامعات الزّمن يشرح لك ادروسه =ومداخل القاعة اللي مخرجه منها
دروس وتعاليم والدورات معكوسه =ومحاضرات يشيب الرّاس ماتقنها
بعض الحصص بالقلم والبعض محسوسه= أحس به وأفهمه والوقت يضمنها
ونعاند الوقت والأنوار مطموسه =وشعّت الشمس بالمنظر تلونها
نضحك مع الناس والأخلاق معفوسه =مهما الذكي فاهمٍ ماهو بضامنها
ونور القمر والكواكب خف فانوسه = حتى هواها النّقي بخشمي يكربنها
مرّيت بدارس هله تقطّع أرموسه =لو أنت على الميق تفزع ماتماكنها
ياجاهل الدار علم الدّار بعسوسه= يعرف تضاريسها ويعرف مواطنها
شدات الأوقات تظهر كل مدسوسه =خفي الأيام والحاجة تبينها
جرّبت الأحداث والأعلام منكوسه =يصعب على العاقل الفاهم يوزّنها
الصدر مثل القفر لامن كثر عوسه = ينعاف مسكانها وينعاف ساكنها
والحسد مثل النّبات اللي كثر سوسه =ياكل جذوع الشجر والرمل يدفنها
وبعدك عن اللي يعض العرض بضروسه =هو مكسب النّفس ونفسك لا تطمّنها
منزالك النايفه من عالي أطعوسه = تفضي هواجيس نفسك يوم تشحنها
ولا قولةٍ ياهلا وبالشّك مغموسه =تنزع شرايين قلبك من مكاينها
واليانزع واهسك يرضيك في بوسه =وباق المغثة تكحفلها وتحضنها
تر الرّدي لو تحشمه وتكثر افلوسه= أن قابل النّفس يجرحها ويغبنها
تهدي له البن وبداله يجي كوسه = يضمر لك الشين وينصب لك كماينها
رافق رجال عزيزة ماحنت روسه =معادن الجود تقبس من معادنها
وحبال الأ يام بالأحداث ممسوسه =والناس بالأرض تجمعها وتركنها
وتفارق النّاس بالحفلات وعروسه = وتحاسب النّفس ياربي تهونها
وصلّوا عدد من يعمر الرض ويدوسه = على الذي قبرها بطيبه ومسكنها

[بهلول الزميلي]

الأمجاد

الله ذكر في كتابه حكم تحريمه = سبحان من هو يجير وعنه ماتجيري
كيف لأ هل الكيف تجهيزه وتقديمه = يقدّم لهم حشمةٍ وشيمه وتقديري
صوارم من صيارم من صواريمه = يوم الزّمن دق صلبات المساميري
حق وهل الحق له حشمه وله قيمه = أخص شيوخ القبايل والجماهيري
أكفوف الأمجاد تمطر كنّه الغيمه =يدفع به الشر ويقدّم به الخيري
مثل هماليل سحب ساقته ديمه = وقفات ومدّات حامين المضاهيري
لعيون من هي سهيره والعرب نيمه = نسهر معه بالسّهر ومثله مساهيري
بنوا لها خيمةٍ في داخله خيمه = وشدّات الأيام تمضي والمعاسيري
عدّوا على المطلب اللي عد ترقيمه = ولو ما ذكرنا ذكرها واحدٍ غيري
وصروح الأمجاد ماتحدد مراسيمه = وقوافل الطيب مسيماتٍ بتمريري
لا تشغل النّفس في مالك وتوسيمه =وضغوط الأوقات تمضي من على السيري
نحيا على شيمةٍ ونموت في شيمه = وعلى الله إطلاع دلوه من صفاء البيري
وختمت مابرمج التفكير تقديمه = وأجريت عليه توقيعي وتحريري
أكيد به نقص وحجاتنا أمسيمه = أسمح لي النقص وسامحني بتقصيري

[بهلول الزميلي]

أحداث الأقدار


أحداث الأقدار تفرض حكم تشريعه = وأحكام الأيام تجبرنا ونتبعها
ونعاند الوقت ونرفض جهل مانطيعه= ونقول نقدر نصارعها ونصرعها
لكن الأيام تقطعنا قواطيعه= ونخضع لحكم القدرونرخص ماطامعها
دنياك دنيا العنا ماكثر تفاجيعه= تفجع وتوجع وهذا من طبايعها
أن أقبلت لك تجي من دون تدفيعه= وأن أدبرت تحرقك فوهة مدافعها
يصعب قراره وتحريره وتوقيعه= وهتلرعجزهو وفرونٍ يجمّعها
داسته الأيام بتقديمه وترجيعه= مساطي الوقت ماتشفى مواجعها
أول حياة الفتى طيش وتفريعه= عواصف والجهل والبغي يتبعها
وثاني حياة الفت يشغلك تجميعه= مشغول في جمعها ولأحدٍ يطوّعها
وثالث حياة الفتى يرجع على كيعه= يزحف على الأرض وهدومه يقطّعها
ورابع حياة الفتى يركب مرابيعه= على متن رحلةٍ ماظن ترجعها
وينزل بدارٍ ظلام بعد تشييعه = ما وادع النّاس والعالم تودّعها
تكشف ظروفه وتفتح له شواميعه= سياتها والحساني يوم يطبعها
يقرا عليه القرار وتحكم البيعه= من حاكمٍ قاضي حكمه يوقعها
يجزا هل الحق بعفوه مع منافيعه = ويجزا هل العق بعذابٍ يروعها
نهاية الرحلة اللي تم توديعه = فجة تخوم الوطى ولأحدٍ يتابعها
إلاً أنت ياللي تلمّه عقب تقطيعه = وصالها من بطون الأرض ترفعها
تطيعك الخلق كره وانت ماتطيعه = سبحان من قدرته وبأمره ينوعها

[بهلول الزميلي]

الغزل له ناس يحبونه ويحبون القصيد فيه وبناءً على بعض هذه الرّغبات نورد هذه الغزلية :

الغزال


مر الغزال وجانب اللبس مقدود =عنه النظر يساوره وهم وشباح
راح الشباب وعنفوانه بلا حدود= بان البياض بعارضي والزهر لاح
أقفا بنا تيّار الأمواج ياحمود= يحداه صلفح الريح في شرع والياح
وترك طريق موحّشٍ عيونها سود= والرّاس ذيل أشمرّتٍ سمعة أصياح
عيون أشقرٍ ما هو بالأموال محدود= متوحش وسلك المثاقيل به ماح
مواكره دونه شواهيق وحدود= في راس حد ملولح بعرض لولاح
راع الولع من طردهن بات ملهود= ولأ ظن طرّاد المهاء نام مرتاح
يمر به حسرات وإحراج ونكود= والصيد له طارد ولاقف وذبّاح
شبنا وعفنا ومشي الأقدام بقيود= غشا العظام أفتار والشوف ضحضاح
سلّمت دفتر طردهن بحضرة أشهود= وأجريت توقيعي على عهد وسلاح
حكم الزّمن طوّع هل الخيل والقود= غصبٍ فلت حبل الرّسن والعصا طاح
يا وين طرّاد المهاء طالب الزّود = دام الزمن له ضاحكٍ قبل الأدباح
يقطف زهر مالاق والورد مريود= قبل الهرم وجور الزّمن خوذ الأرباح
قبل يباس العود ومرافق الدّود= والليل مهما طال يقفاه الإصباح
ودنياك تتلف كل طارد ومطرود=أشهور وايام وتسفاك الأرياح
أبن من الأرض وللأرض مردود= والنّاس مرجوعه له أجسام وأرواح
هذا كلامي وكل ما قلت ما كود= ومن شك به يجرّبه يا أبو شولاح

[بهلول الزميلي]

حضرت بعض الحفلات وشاهدت بعض المشاهدات ولاحظت بعض الملاحظات بهذا الحفل وحبيت أن يكون وعضي بشكل عام بدون تخصيص أحترام وتقدير لمشاعر الناس اللي هم يستاهلون الأحترام والتقدير وأنا أدري أن الكثير ماهو راضي على بعض التصرفات ولكن لا قدره له على تغير الشيء الغير مرغوب0
بهذه المناسبة قلت:
حفل تدشين

في حفل تدشين وتخريج تدشين = أسترسل الخافق وهاضة هجوسه
هاض الخفوق ودوّن القاف تدوين = شفنا وعفنا والأمور أمحيوسه
شفنا العجايب والهول شوف بالعين= صرفات ناس غيرنّه أفلوسه
تساهم بعشرين وتخرج بسبعين= زاد العدد معهم وزّود أنفوسه
تقلب موازين وتقعد موازين= بكبرٍ وفيس والسلوم أمعكوسه
تملك ملايين وترهن ملايين= يفكّر بنفسه كل شيخٍ يروسه
يشري بساتين ويرهن بساتين= ولا يميّز الريحان من بذر كوسه
يزعم يروس الأمن وأعضاء السلاطين = ويروس سوق البورصنه ماتروسه
بالصحف له شهره وعلم وعناوين =بأخبار وعلام وأمورٍ يحوسه
له قيمةٍ والنّاس عنده ماهي شين = في كل شارع مبروزاتٍ عكوسه
يأخذ بهاء دين ويوفي بهاء دين= ولأحدٍ عرف وشلون خامة البوسه
يلعب على الحبلين ويضحك بوجهين = ويجس نبض النّاس وهي ماتجوسه
يزرع من الليمون ويثمر بهاء تين= هذا سبب رخص العذارى وجلوسه
وبارت عيون موحشات الشياهين= يامى البنات الهجف كثرت نعوسه
وين الرجال اللي تعرف القوانين = اللي المشاكل ترتكي له بروسه
اللي لياجار الزّمن وحدّك الشين = ترسي كما ترسي رواسي طعوسه
فهود الرجال اللي لهم شان وتعين = وجود الثمر من جود جوده غروسه
تشاوروا بالراي رجالٍ شريفين = يومٍ ردي الخال عجّل نكوسه
عاشوا عزيزين وماتوا عزيزين= يوم أن دنياهم توارت شموسه
لأهل الوفاء وافين وبالفعل وافين = مثل الجبال الشامخه ماتدوسه
ما تأخذ الأوضاع والشيء تظنين = والعمر ملزوم المنايا تنوسه
حسب التجارب قلت ماهو بتخمين = ومن لا يغوص الجم لالايقوسه
قلت الصحيح وأنت دقق بهاء زين = يافاهمٍ معناه ترجم دروسه


بهلول حمدان الشمروخي

[بهلول الزميلي]

الطيف

طيف هجدني في رقادي وأنا نيم = ويقض مشاعر غافلٍ راقد نام
سرا بنا مع السواري ورى الغيم = مع الكواكب لين عدى بنا الشّام
نحفظ تعاميم ونرسل تعاميم = تنشر وتقرا وتكتبه روس الأقلام
يصيح راع الوضح يبي المجاهيم = ملحٍ يجن على أول الصوت درهام
وراع الولع يركض ورى الصيد والريم= ياما رماه الوقت والوقت حسًام
دار الزمن وغدى بغنام وغنيم= ربعن على تال الظعن زامهم زام
حتّى النبات اللي غشا الأرض والديم = اللي زهر عشبه غطا روس الأحزام
وراحت على من يسند الظيم بالظيم= أن قالوا الهندي بهاء سيد الأحكام
بأيدي شغاميم تحل التحاريم = أن جار سيف المالكي بسيف صدام
تظهر بهاء ناسٍ وتقدم تقاديم = ويفهق بهاء ناسٍ ويلجم به الجام
وصحيت من نومي ولقيته هذاريم = وخذاني الطايف بالأحلام وأوهام
خذت بنا دورات الأحلام توهيم = يا ما غرير القلب من مرقده قام
لو فر مجنون من العقل ماليم = ماينصح جاهل ولا عاقلٍ لام
تنسخ تعاليمٍ وتحفظ تعاليم = ولاكل ملكٍ دام ولا حاكـمٍ دام
لو سال واد أحويم ماخالط أثليم = ما يرجع قبل أمس كنّه من العام
تجري سنينه والليالي به أتقيم = والعمر تطويه الليالي والأيام
وأحلام طيف الليل ماتنفع النّيم = ولا يفسره من فسر الطيف وحلام
وقاعات حرف الجيم مايقاله ميم = ولاكل من سمّي بسطام سطام

[بهلول الزميلي]

السلام عليكم ورحمة الله وبركاته / -
عيدكم مبارك جميعاً 0
الحماط!!!
الله من عين تقل به حماطه = تقل يبطّه داخل الجفن بطّاط
من هاجسٍ والوقت جدد مشاطه = يكوي وينجض وداخل الجسم به شاط
دنيا بنا حاطه والأهجاس حاطه= وسود الليالي هي والأيام مطّاط
جاعت سراحينه وشبعة أبطاطه= والديك لوهو يقضب الصقر له لاط
ما ينترمم ماخرب من بلاطه= هتلريبي يحيط به مات ماحاط
ناره كويه فالح ريحة شواطه= والناس دايم هي والأيام بشباط
يترك زبيديه ويؤخذ بطاطه = تغيرت ضواريه ثعل وقطاط
حاطة على كل المخاليق حاطه= وغدت عليهم حوطةٍ ربط ورباط
تخيط خيط مايضمد خياطه= بخيط وخط عجّزت كل خطّاط
مهما تخيط الفج تفتق خياطه= تأخذ بك الدنيا مشاوير وشواط
والخاتمه للعمر والعنق لاطه = وأن مهلت لك تؤرثك هم وحباط
التّمر يعرف جودته من لقاطه= ومزارع الحوطه خبير ولقاط
أن كان ما في بالمخابي فراطه = تر الفقر مرباط والوقت ربّاط
بتجوري الخزنه تعوضك شناطه = وقفل المخازن مايربّط بمطاط
وأن غالطك دحشٍ كثيرٍ عياطه = أيقون حلقه يمرطه تقل ممراط
لا تغالط الجاهل يغثك غلاطه = يشب نارٍ بالحشاء شب شخاط
ويعاندك والقصد خبث وعباطه= وكدمات مزحه تسرقك تقل مخباط
وكثر أحترامك له يطوّل هياطه = يزمي كما بحرٍ من الموج بك حاط
وتدوخ مع عالم كثيرٍ خراطه = عند أتفه الأسباب زجرات وغلاط


وتحياتي للجميع

[بهلول الزميلي]

مناشدة القلب
قلبي يناشدني وأنا قلت مشّه = ورخصت له باللي على البوك موجود
من هاجس بين المحاني يهشّه= هشة مواسم من وسم شمّخ القود
ياقلب هات الجزل والقشر قشّه= لو المثل والقاف شايب ومحدود
دنيا نعاندها والأعمارهشّه = وحكم القدر مشهود والموت ماكود
دنيا بسيفه كل حيٍ تحشّه = قصيةٍ تقضي على الطفل والعود
حتى الخشاش اللي سكن وسط عشّه=ولاحيٍ إلاّ بالرسن قادته قود
بحوامي بين الأباهر تهشّه =تكوي وتنجض وكيها كود بنكود
يا ما تغدت من الرجال وتعشّه = خوانةٍ ماله مواثيق وعهود
كم حاكمٍ وصروح ملكه تخشّه= أمسى منيس وأصبح الصبح ملحود
بطراف شلانه سريعٍ تلشّه= تقفته بمهندٍ حد مجرورد
ناسٍ تعاديها وناسٍ تغشّه = ومراقيه ملسٍ صعيبات وصعود
على شلايا الناس ياما تمشّه = تلعب طرب على قصايد هل الجود
سيله عرمرم كل بيتٍ يدشّه = تعطي وتأخذ واكثر الناس ملهود
ولا من يسار ولا يمين مخشّه = ولا عنه تقدم ولا توخر ولا تعود
بطشه وجوره بالأوادم تفشّه = ولا سالمٍ منها على الأرض مولود
هذي خواتمها ونهايات غشّه = أيامها ولياليه لقّحٍ سود

[بهلول الزميلي]

ياهاجسي
ياهاجسي هات الشّعر والجزل هات = واهل الشعر من جودته يسمعونه
من خافقٍ يأخذ مع الشعر سجات = فيضه ومخزونه تبيّح كنونه
ولا قول أنا شاعر ولا قلت منهات = غيري كثير من البشر يتغنونه
الشعر معهم مثل موج المحيطات = بصدور ناسٍ هيضهم يخزنونه
مصادر ومراجعٍ وله محطات= من فيض ناسٍ شعرهم يذكرونه
الشعر نقد وذوق ماهي خرافات = ولا هي بضاعة تاجرٍ يشترونه
شعرٍ يموت وصاحبه حي مامات = وشعرٍ يعيش بحد مايدفنونه
وشعرٍ مع التاريخ يبقى علامات = بصدور ناسٍ من الملا يحفظونه
ينشر ويقرا وبه تتم الرسالات = من شعر ناسٍ سابقٍ يكنزونه
ينقل من أجيال لجيلٍ روايات = مراجع ومصادرٍ يدرسونه
من شايب شيبه على الخيل ماذات = سود الليالي شيبة في عيونه
بيضٍ نواصي جبهته تقل شمعات = من كثر ماعاصر حوادث غبونه
عاصر من الدنيا مكاره ولذات = يخاف ناس وناس مايخوفونه
صارع بهاء بردٍ وحر ومجاعات = ومن الكبر طاحت من أفمه سنونه
كم قاد عوص من المساري نحيفات = على العدى والهجن يظهر جنونه
ياما يبوج من الصحاري مسافات = يتلي مشاهي فاطر يدلّهونه
يبرا لهم قبٍ ولامٍ سريعات = قحصٍ كرام للزم يكرمونه
مرّة معاه التجربه ماهي هقوات = شاف الكرامه وشاف زود المهونه
ويصبر على الحاجة والأيام حاجات = وأن عاضبة حاجاتهم يتركونه
قبل يتوالف بالوطا الذئب والشات = ويخاف من كبشٍ طوالٍ قرونه
دنياك ياذويبان به دوركم فات = الكبش حدّك والغنم صار دونه
لكن بدل عوية الليل بسكات = الوقت ما جاء لك على ماتبونه
دنيا العجايب والغرايب والآفات = وقبل اتهموك بيوسفٍ تأكلونه
وختمت ما برمجت بأزكى الصلاوات = على رسولٍ صحبته يتبعونه

[بهلول الزميلي]

أخواني الأعزّى السلام عليكم ورحمة الله وبركاته / موضوع مشاركتنا حضرت لحفله زواج وصادفت بعض الزملا وقال لي كثير من الناس يكره اللي يلبسون البشوت حسب فهمه أنه لا يلبسه إلاّ من يريد الرياسه ويقول أنا رميت البشت أبتعاد عن هذا القول والأنتقاد من يلبس هذا الزي 0
قلت له هذا شيء خاطي إذا تحب تلبس البشت البسه ولا تنظر لأحد الناس رضاه غايه لاتدرك 0
والبشت يستر الإنسان ويسترفيه جسمه كما يستر العشب والشجر محل الأرض ومشاركتنا تدور حول هذا الموضوع ,,
البــــشت
حنا بشر نخطي ولنا ذنوب وعيوب= وتفاخت الشوفات شيٍ طبيعي
الكامل الله والبشر كلّه أذنوب= ورضا البشر غايه ولا تستطيعي
وأن كان لبس البشت عيبٍ على الثوب =ستر الديار الممحلات الربيعي
هات الدليل اللي به العيب ماجوب= به نقتنع والنّاس تقنع جميعي
وأن كان هو عيب بالأجواد عذروب= هل السموت مدلّهين القطيعي
ربعٍ بدار الخوف له بطش ودروب= لهم القبايل والمخالف يطيعي
والناس مي به هماج ومشروب= هذا يرد سني وهذاك شيعي
والعرف ماهو للبشر نور مشبوب= به تهتدي بالجري ومشي الزميعي
وإذا جهلت أسئل تر الشور مطلوب= أسئل مجرّب ووأنتبه لا تضيعي
خذ شور عود مر بأحداث وحروب= بيضٍ نواصي جبهته له لميعي
قام يتركاّ من الكبر فوق مذروب= بسوق التجارب سلعته مايبيعي
من جور نكبات الزمن تقل مضروب= يرمي جديد الخام ويلبس رجيعي
ينطق بحق ويقنع النّاس بسلوب= والحق يرضي كل رجلٍ مطيعي
ومن التجارب بأسمه الشيك مكتوب= وأن ضاع رصيد الورق مايضيعي
وأبعد عن اللي يعطي الرّاي مقلوب= اللي لياضاقت رجوعه سريعي
مشيه شذوذ والبشر مشيهم صوب= يضيق به فج الحماد الوسيعي
والروح طير والمخابيط له شوب = ودنياك مابه شافع ولا شفيعي
والعمر شمس وكل شمس له غروب =والقبر منهات الخلايق جميعي
وأخرج عن الموضوع والشعر وتوب= وأستغفر الله واحدٍ مستطيعي

[بهلول الزميلي]

أخواني وخواتي سلامي وتحياتي لكم جميعاً ونعتذر عن التأخيرالتي حدث غير إرادي0
الكل يعلم أن الشعر والمشاعر تجي على مناسبات منها الزين ومنها الشين ومنها الغرام ومنها أحداث الزمن وغيره الشي الكثير التي تسبب الشعر0
مناسبة مشاركتنا هذا الأسبوع صار لي مواعيد في مستشفى التخصصي بالرياض وقصيت تذاكرمن مكتب الخطوط على أساس الرحله بالطائره وعندما وصل موعد الرحله رحت للمطار الساعة الحادية عشر ليلاً والموعد بالمستشفى الصباح الساعة ثمان قدمت أوراق الركوب من شان قص بطاقة صعود الطائرة إلاّ أني لاحظت الموظف ينظر لي نظره غير طبيعيه وقال ماذا تريد قلت أبي بطاقات صعود لطائره قال مالك ركوب على هذه الرحله قلت ليه قال موعدك بعد عشره أيام بموجب التذاكراللي أنت قدّمت قلت ماذا؟0 المهم أكتشفنا موعد التذاكرمقصوصات على التاريخ الميلادي حيث الخطوط يمشون على التاريخ الميلادي وأنا أمشي على التاريخ الهجري وهذا سبب الخلاف 0الحاصل قلت الحل قال والله ماعندي حل الرحلة مغلقه وعليه أنتظار قبلك وأنت تحتاج ثلاث مقاعد وهذا شي مستحيل توفره المهم قررت أنزل لرياض على السيارة مع تأخر الوقت وضيقه سافرت على السيارة ويسر الله هذا السفر لنا بتوفيق من الله وتسهيل منه لحقنا على الموعد وراجعنا الطبيب بالمستشفى ورجعنا أخر النهار إلاّ أني حصل لي بعض التعب بهذا السفره 0وبهذه المناسبه قلت 0
السفر

الهم بقصا الحشا والجرح بي دامي = ماتنتضمد جروح الوقت واطينا
يالجيب لا تشتكي من ضغط الأقدامي = حنا السهر والسفر والبعد حادينا
تسعه عشر ساعةٍ والجفن ما نامي = والبارحة وأمس مانمنا وغطينا
ساعاتي السبع رجليني على الحامي= ومكينتك تشتغل وحمية مواطينا
لا تشكي الجور دام البعد قدامي =وما دام عليم الضما ماله تعدينا
صوت الهوى يوم يصبخ مقدم الجامي = نحيم سيلٍ تحدّر من جبل سينا
أصبر وأنا من السّفر والبعد منضامي= دليل قولي تشوفه من مماشينا
ذخرتكم للسفر حتى بدا الزامي = أبي المسافات تطويها وتدينا
مهما يكون السفر لوطال ما دامي= وشطات الأيام لابده تخلينا
نربط حزام الأمان ويربط أحزامي= يا الله بلطفك عن العثرات تحمينا
وشكوى البشر للبشر به ذل يا سامي= يالله عن الذّل والأنذال تغنينا
دنياك وأن أدبرت ما الحظ به قامي= ينبت حبل الروى ما سقى ضوامينا
وتنهان وينزل مقامك وأنت مقدامي = وتنادي أقرب قريب ولا يراعينا
وأن أقبلت كلمتك تنشر بالإعلامي= والوازمك تنقضي لو كان ما جينا
هذي أحكام الزمن وظروف الأيامي= وحنا نقول الحدث والأمر عادينا
يا لله أنا طالبك بسماك الأعضامي= عن حاجة الناس تغنينا وتذرينا
لا تجعلن بين شمّاتٍ ونمامي= ولا توردن منهلٍ ما ماه مسقينا
وأستغفر الله بتال القول وأختامي = عن غلطةٍ ماتناسب مع مبادينا

[بهلول الزميلي]

من ارشيفيات الغزل
صلفيق
رحنا مهمه ولخبط الوضع صلفيق= بأسباب من هي بالفياض أعزمتنا
قالت لنا تفضّلوا فكت الريق=وحنا الخواطر في غرامه رمتنا
قلنا الرّفق ياعين ظبي الزماليق= نظرت عيونك بالغرام أذبحتنا
حتّى ندقق بغامض الأمر تدقيق= وقالت لنا لا لا ولاوافقتنا
تطرق برمش يحرق الجسم تحريق= أستيسرتنا بالسلاح وخذتنا
هو كيف شوقه شقق القلب تشقيق= ياحيف بحبال الغرام أكتفتنا
ذكرت لمّات الظعن والمخاليق= ونظرات من هي بالرماح أطعنتنا
ورمي الشّبك لموشحات السماحيق= حور العيون اللي تصيد أشبكتنا
ونجحد غرام مخرق القلب تخريق= حتّى عن أمه نخفيه لنشدتنا
ونصد ولو حبّه يفج المعاليق= وتامن بنا والنّاس ماراقبتنا
حبٍ يحطّم مغلقات الصناديق= وياما وياما بالمشاريف بتنا
حبٍ شريف يغرق السفن تغريق= لكن التعفف والشهامة صفتنا
من خوف يدري من خيوله مسابيق= وظروف دنيانا ماهي راحمتنا
نعيش في ضيق ونروح في ضيق= ونسكت وحنا ماشكينا وشمتنا
الحب يأتي له سلوم وطواريق= وهل الهوى يبقون بالحب فتنا
ونرسي كما يرسي جبل طي وطويق= ولا نشتكي مهما تعبنا ومتنا
ونصبر كما يصبرعلى الحامي البيق= وننسى التّعب حين الظروف أسعفتنا
حكم القدر بالخلق غرباً وتشريق= ودنياك بحداث الزّمن حاكمتنا
واليوم عفنا لابسات المخانيق= عفناه من ناس بهاء عيفتنا
صار الخطر دون البكار المساويق= اللي بكرت العائلة شاركتنا
نهوش دون معقّله والمطاليق= وعفنا الهمل لوهي معه ذاهبتنا
صلفيق خل موحشات الشواهيق= مهما ارتفعنا ما الجبال أرفعتنا
غيمٍ خلافك لو نثر ماه ماذيق= لا تستخيله لو ضمت ضاميتنا
العمر يقضي والليالي ملاحيق= من هي أعتقت قبلك لجل اعتقتنا
خل الهوى لملفق الهرج تلفيق= ضعاف النفوس اللي بلا عقل تثنا

[بهلول الزميلي]

نعزي أنفسنا بفقد خادم الحرمين الشريفين الملك / عبدالله بن عبد العزيز ال سعود يرحمه الله ونعزي الإسرة الحاكمة كافه وجميع حكومة خادم الحرمين الشريفين والشعب السعودي والأمتين العربيه والإسلامية غفر الله ذنب عبدالله وسكنه فسيح جناته وعوضنا الله بأخيه سلمان خير خلف لخير سلف حفظه الله وحفظ الأسرة الحاكمه واعز الله بهم الإسلام والمسلمين ووفقهم لخدمه دينهم ووطنهم وشعبهم أنه هو القادر على ذلك :
تعزيه


نعزي أنفسنا على ما فقدناه =برمز البطوله والشرف والشهامه
على زعيم شد والناس تنعاه= تاج الفخر والمجد قلّد وسامه
عبدالله اللي ما توصف حلاياه= رجل السلام وللزعامه زعامه
أباً لشعبه ما تعدد عطاياه = كم من فقير شاركه في طعامه
سكن صروح المجد والعز والجاه= داس الفخر والجود عدّى سنامه
مهما رحل تبقى بنا اليوم ذكراه = وذكراه بصدور الرجاجيل دامه
كلٍ يبي مثله ويصعب مجاراه= يهاب منجوب الحموله زعامه
كم من يدين فاضياتٍ تنصاه = وتقفي منه كيسه قصيرٍ حزامه
يضحك حجاجه ويتبسّم محياه= والنّاس ترضى حين تسمع كلامه
عسى له الجنّه مقامه وسكناه = وعن العذاب بدار أمن وسلامه
وتغفر ذنوبه والحساني خطاياه = وبظل عرشك في نهار القيامه
وتعوضنا باللي عروشه تولاه= سلمان سلمان السلف والجهامه
شيخٍ حفظ شعبه ولملم رعاياه= محاربٍ للشرك والعدل أقامه
على مبادي سالفينه وممشاه = ونظام حكمه بالعدل له علامه
وأختم كلامي ونهيه بطلبة الله = بسلمان يعوضنا وهذا ختامه

[بهلول الزميلي]

يالله يالله
يالله يالله تمّنا وتحمينا = من جور الأيام وغدر النّاس ياكافي
يالله يالله لاتخيّب مساعينا= يامن بأمرك يكون الكاين الخافي
أنّك على الحق ترشدنا وتمشينا= وتنصف لنا والزّمن به ميل ونصافي
وعلى طريق الهدى بهداك تهدينا= وتمّن علينا بيوم منه ينخافي
يستافي الوقت والأيام تفنينا= وهذا بهاء راحل وهذاك به لافي
يخون فينا الزّمن مهما يصافينا= ونشوف ميل الزّمن ولا أحدٍ منه عافي
شدّت باللي قبلنا وله عودةٍ فينا= ومخالب الوقت للأعمار مخطافي
واللي مضى من الزمن ماهو بكافينا= وقطار ركب الزمن يمشي بنا قافي
ومطامع النّفس تنسينا وتشقينا= وسبور الأيّام ماتعلّم ولا تشافي
ونزعل ونرضى وحنا ما ترضينا = ونبكي ونضحك ودمع العين ذرّافي
والأرض من تحتنا تحفي مواطينا = وندوس شوك الصحاري والقدم حافي
ونعاند الوقت وأياّمه تعادينا = والوقت به مبتدي وهذاك به طافي
دنياك دنيا الشقاء تبرم حوالينا = له هجمة ٍ تصحي اللي جاهلاً غافي
قبل أمس شعب لأبو متعب يواسينا = واليوم شعب الجزيرة قاده الوافي
سلمان سلمان ياقلنا وعدّينا = هجن المروّه يقوده ثقل وخفافي
ملك على العدل يأمرنا ويوصينا= واليا وعد بالوعد يافي ويستافي
وحنّا بأوامر ملوك العدل والدينا= شعبٍ لهم وافيٍ من ماض ألأسلافي
وأنا أدري النّاس باللي قلت دارينا = والنّاس مثلي تعرف الظّل والدّافي
يالله بلطفك نهار فيه خلينا = القبر من فوقنا يسفى به السافي
من حوض نبيّك نهار الحشر تسقينا =وتظلنا بظل عرشك يوم ألأنصافي
وختمت ما برمج التّفكير ونهينا = صلوا على محمدٍ في منتهى قافي

[بهلول الزميلي]

أخوي / أبو غازي لاحظت ملا حظتك وأنا أضم صوتي لصوتك وأقول المنتدى منتدانا أن قام وأزدهر فهو منا ولنا وأن أل وتدانا فهو منا وعلينا ونحن اللي نفقده وأنا أعترف بتقصيري لكن الظروف له أحكام وأطلب العذر والسموحه من الجميع من التقصير وأطلب من الزملا طلب لأ أمر بتفاعلهم مع المشتركين وهذا دافع وحافز لنشاطهم ونشر مخزونهم في هذا الموقع المحترم :
حفظكم الله جميعاً ووفقكم لما يحب ويرضا 0 أخوكم / بهلول حمدان الشمروخي,,,

المشاركه هديه لأخوي أبو / غازي

أبو غازي

أن كان دلوي ماتخض الزلالي= أقصب رشاي وتبع اللي يحولون
فجوجه وساع والبسيطه سهالي= تشفي صدور اللي من الضيق يشكون
ينساح به صدر الحزين الشمالي= أرضٍ رحابه منوة اللي يضيقون
وسلّم على اللي عن حوالي يسالي= هداج تيما وسطه الجم مخزون
دايم ودايم يسئلن عن حوالي= وافي وفي واهل الوفاء دوم يافون
عزيز جد من عمام وخوالي= من لابةٍ ياخفوا النّاس يرسون
ترسي كما ترسي ثقال الجبالي=بنحور قوم للمعادي يخيفون
فهود الرجال ومن سلالة رجالي= ربعي وعساهم دايم الدوم يبقون
عسى الزّمن يزهر لكم والليالي= وأنتم عزاز ومن رجالٍ يعزّون
وأخص أبو غازي عزيزٍ وغالي= له قيمةٍ عندي ومن ناس يغلون
وافي ووافي ياكريم السبالي= من معدن طيبه مع النّاس له شون
آي والله أغليكم وفيكم مقالي= وحقٍ علينا نذكر اللي يطيبون
واعتز بشهرتكم وميّل عقالي= غصبٍ على الزّعلان واللي يحقدون
وبالمرجله تأصل حبالك حبالي= ونشرب قراح الماء والأحقاد يضمون
أن جاز له وألاّ كثيرٍ بدالي= تلقاء وأنا القاء وعادت الناس يلقون
كتبت مابرمج لساني وقالي= نسختها للي من الأصلاب ينشون
وأن كان به نقص تجاهل خمالي= وأن كان تأفي بالغرص صرت ممنون
والخاتمه نطلب عزيز الجلالي= تبقون بعز وستر والرزق مضمون

[بهلول الزميلي]

نواف
نواف هات لي القلم وحضّر البوك= واكتب مشاعر خاطرٍ صابه أرباك
من هاجس والصدر ضايق ومزنوك= يدك به من جاير الوقت دكاك
يجري بنا تيّار الأزمان بضنوك= وأثر على الخاطر مسارك وممشاك
جنّب رفاق السوا لو كان نادوك= أهل الردى يردون بك حوض الأدراك
الحر مثلك مايجي زبل وأشبوك= يفرس بمخلابه من الصيد شرواك
وأن كان جار الوقت والنّاس خلوك= لا تشتكي دهرك على كل من جاك
وناس المصالح عنك صدوا وعافوك = ما واحدٍ منهم وقف لك وناداك
عادوك من حكم المقادير عادوك= وخاب الأمل فيهم وباهت نواياك
أصبر على جور الزّمن وأدحم الرّوك= وأفسر ردون الثوب وفعل بيمناك
وأن كان ضاقت والمعادين حدّوك= وتقنطرت بنحور الأعدا مطاياك
لاتستذل لوكان بالجسم صابوك= أضرب على الكايد لياعمست أرياك
العمر مملوك بعد وأنت مملوك= واللي كتب لك ياصلك ولا يتعداك
لا لا تقول الخشر ياجوك مبروك= عفنين الأرياء لا يدوجون بحماك
وأحسب أحساب اللي من النّاس أعزوك= عند اللوازم قال بالضيق عيناك
اللي مشوا لك بالقدم داسوا الشوك= أقدامهم تاطا من الأرض ماطاك
أحلم عليهم وآيتهم يا تناسوك= الدين وصانا بهم وأنت وصّاك
واعبد كريم به أهل النصح وصّوك= أخشع لها وأطلب مطاليب دنياك
ما يدفع السيئات غيره وأنا أبوك= ولا تأتي الحسنات بدون مسعاك
إلاّ كريم يدفع الجرم والصّوك= سبحان من بأيديه تسيير الأفلاك
كتبت مابرمجت بوراق وصكوك = أخاف تحتاجن ولا أكون أنا هناك
تقفي بي الأيام والعمر مدروك= يا ما خذت من طيّبٍ لاعدمناك
دنيا طعامه روس شيخان وأملوك= والوقت ماهو ماشيٍ دوم برضاك
لا تحترم طيّب ولا تعيف صعلوك= وتحتار والأقدار تدرك بدنياك
ونهاية الأعمار للقبر شالوك= بيت من الغربة والأوحاش ملفاك

[بهلول الزميلي]

نواف
هوجاس صدري والزّمن رابكه ربك= ورثه من الإحداث هم وحماقه
يفر فرّة خايفٍ موجسٍ دبك = ضعيف حال وضاهدينه رفاقه
عليه ضيم والقهر لابكه لبك= يأخذ مع الأوهام فاقه وفاقه
مشاكله بأ قصاء الحشاء تنعبك عبك = ويصعب يميّز جلّها من دقاقه
نواف خذ منّي بيوتٍ بهن حبك =من قبل رحلاتٍ يطوّل فراقه
أحذر عدوّك لو ضحك لك وصاحبك =لابد من يومٍ يبيع الصداقه
وتشوف من جور الزّمن شيء يرعبك =والنّاس يظهر صادقه من نفاقه
وتعرف رجال بالصرايم ذرا شبك = تظهر كما بيتٍ ركيكٍ شقاقه
ما تدفي الأجسام والبرد صايبك =تلوف صلفات الهبايب رواقه
وعن الردى والعيب نزّه شواربك = وخلّك كما حصنٍ حصينٍ غلاقه
وعن ما يهين النّفس قلل مطالبك = خلّك عزيز والعلاقه علاقه
وأحذر رفاق السو تضعف مذاهبك = ما ينوثق به وأنتبه من بواقه
عند أتفه الأسباب تعلن معايبك = وأردات شيءٍ يسرقونك أسراقه
وياغبت عند النّاس قالوا عذاربك = وصورتك عند الخلق يظهر حراقه
عليك باللي من صفاء البير يجذبك = بعطف ولطف واحترام ولباقه
قلبي معك وإحساس فكري تراقبك= نخشى عليك من الهماج ومذاقه
وإلاّ أدري المقسوم من الله صايبك= لا شك من حرصي عليك بشفاقه
من زود ودّي لك لساني يعاتبك = يخاف ميلات الزّمن وأنصفاقه
أخاف تسمج والمشارب مشاربك = وترضى ملاح الماء وتشرب أطراقه

[بهلول الزميلي]

النّفس
يا النّفس خوذي كلمة النصح وإرشاد =ما دام تيّار الزّمن فيه ساعات
وأن كان هرج النصح يا النّفس ما فاد= فعلك مأثم بالخفاء والخفيات
وإبليس هو والنّفس بنكاد وجهاد=وملازمك بكل الفرج والمسافات
والعمر ينقص والزّمن سوده أجداد= وتيّار دنيانا لنا فيه بصمات
تشهد على عيدٍ وعايد وعوّاد=مع الدّروب اللي ظلام ومتاهات
يابن أدمٍ يا صرت بالغد مدّاد= طرقك خطر وأرضك مهالك ومضمات
احسب حسابك بالسفر وكثّر الزّاد=ما دامت الأيام فيها أستراحات
دربك قطوع لا مياهٍ ولا إعداد= وأيّام سفراتك ليالٍ طويلات
خذ حاجتك من زايد الماء ولإمداد = من قبل ما تقضب طريق المهافات
قبل مسارك مع مسارٍ للأجداد= محفوفةٍ فيها المخاطر والأفات
اللي معاهم بالسفر ما عتقد عاد= أقفة به الرّحلة ولا له محطات
مشى سلفهم والظعن عقبهم قاد= أقفا بهم هدّام جمع الملذات
لك منزلٍ واحد ولك فيه ميعاد= محكوم لا مخرج ولا من ممرات
لكن أنتبه من قبل ما تاصل الماد=كثّر معاك الزّاد مافيه عودات
من قبل قداد للأعمار حصّاد= يرميك ببيوتٍ ظلامٍ مخيفات
يا ما خذا من خيّرٍ عقب مسراد= وله عادتٍ يفجع قلوبٍ مريحات
حبس الكمين أن حيل الردي باد= يثني وراهم وسبّق الخيل عجلات
ما يمهله فرصه ولا يسند إسناد= يفرّق جماعاتٍ ويأخذ جماعات
يفوز بعنادٍ وياليك بجهاد = وله خبرتٍ يأخذ مع النّاس صولات
لكن أستعد لرحلتٍ ما بهاء زاد= قبل يشيلونك على سير الأموات
تمشي بعداد وتأقف بعداد = وقرارها يلغي جميع القرارات
هذا وانا معكم على الخط شدّأد= بالرحلة اللي ما هبطت للمطارات
يالله حسن الخاتمه وقت الإجهاد = في ماقف ما به لراسك مظلات

[بهلول الزميلي]

عبو لي الجيب واعطوني مفاتيحه
عبوا لي الجيب وأعطوني مفاتيحه= هوجاس صدري يفر الرّاس ويدوسه
متمكن بالضماير زاد تجريحه = واثر على الخافق اللي عظ بضروسه
أبي أزعجه مع سهالٍ عقب ترويحه = تزمي خشوم الطوال ويرتفع روسه
قلبي كما موحّشٍ يلفح ملافيحه= توّه قضيبٍ ومل النّاس وحسوسه
يشد حبل الرباط بعنف ويطيحه= ومن الحماقه يتل السبق ويقوسه
مربوط ومبرقعٍ والربط ما يريحه= ينتش سبوقه وعاس الأرض من عوسه
أبي أشغل النّفس بالممشى مع البيحه= هاجوس صدري يقد الجوف في موسه
غدي هواجيس صدري عقب تفسيحه = تخفف ضغوط بوسط الجوف محبوسه
لا شفت نبت الشجر وشميت لك ريحه = بقفاقفٍ والهوى به برد وقروسه
ريح النّفل والخزامى وخالطه شيحه = بأرضٍ قفر من مطرها ما هي معيوسه
نعالج بهاء هاجسٍ كثرت تجاريحه= يقد وسط الحشاء بأمواس ملموسه
ونترك مجالس رجالٍ زاد تتفضيحه = عنده قوانين عرف النّاس معكوسه
ما تقبل الوعظ والنّاصح وتنصيحه= ومن الجهل والغشم تحوس به حوسه
لو بدّلوا لغوهم بركعه وتسبيحه = أخير من هرجتٍ تلوس به لوسه
وتسجد لربٍ يغفر الذنب ويبيحه = بإكمال دينه ختام الرسل وعسوسه
وتكثّر طعامه قبل ما تعتلي فيحه = قبل يحل السّفر وتستأرث أفلوسه
تقضب طريقٍ بعيداتٍ مصابيحه = وإحداث الأيام بصفحات مدروسه
أهديتك المؤجز اللي شفت تصريحه= قبل عن الجسم يؤخذ زين ملبوسه
ما ينفعك بعدها عذرٍ ولا صيحه = كشفت أسرار بوسط الظرف مدسوسه

[بهلول الزميلي]

الحد الجنوبي

هذا يجي طامع وهذاك حايف= والشر أساسه بخافق النّاس دساس
حشدوا على الحد الجنوبي طوايف= وتسلطن الحوثي لبس درع وطياس
تخطط لرقي الراسيات النوايف= سوسه أسنون ألمت عرق الأضراس
وأعلن مليك العرب من الجور عايف= شاف الخيانة والخطاء ماله أقياس
سلمان قال أحدودنا والمصايف= بطرافهاء متعلّم شلع الأنفاس
مقدم هل العوجاء خزام العسايف= هو زبن مضهود عليه الدهر قاس
يذبح مواليفٍ وشتت ولايف= يبني بهاء ساس ويهدم بهاء ساس
وأن كان نايف مات موجود نايف= خلايف اللي يصفق الرأس بالرأس
مضراب كفه ماتضبه سنايف=بوالذٍ حديدهم مابه أنحاس
قاد البوراج محمًله بالقذايف= ورسن على الموج الحمر وقت الادماس
تغوص به روس وتظهر شظايف= يسقط بهاء ناسٍ ويظهر بهاء ناس
يجي له الغازي ويروح عايف = لوهي سباع تنقلب ثعل وبساس
لا بالحرم ساعي ولا هوب طايف= بالشر ساسه لاس والحق به لاس
يشوف لكن تقل ماهوب شايف= لعب به الشيطان وبالعقل وسواس
لكن بحيل اللّه يعود خايف = ان مارجع مقتول يعود بإفلاس
سربٍ يدك المحصنات الظرايف= هذا بهاء يهجم وهذا بهاء داس
راع الخطاء يكسب غبون وحسايف= جزا الشرور أشرور ويموت من حاس
درسٍ وتعليمٍ لناسٍ لفايف= ما هي مدارس درس حبرٍ بقرطاس

[بهلول الزميلي]

الرحم
البس من التقوى لجسمك وفصّل=يوم أن كل مفصّلٍ يلبسونه
يافات ثلثين من الليل قم صل= وأطلب كريم بالعفو يطلبونه
اخشع لهاء لابد الأسلاك تفصل= ولابد من يومٍ تريد المعونه
للأصل تاصل وثم للفرع واصل= هم السبب بوجود جسمك ولونه
الوقت ياصل والمقادير توصل=ولا أحدٍ من المخلوق يدخل بشونه
الرّحم يوصل والعرب به تواصل= يومٍ بعض النّاس ماياصلونه
تر الزّمن للخير والشر يوصل= وكما تشوف الناس تأكل عيونه
وراك نارٍ للمخاليق تأصل= ولامن سبيل ومخرجٍ تسلكونه
لعل من لطفه وعفوه تحصّل= بساعة نزوله حين ماتسئلونه

[بهلول الزميلي]

بلدنا
النّاس به حسدٍ وحقدٍ وتفويت = حتّى بثروتنا أحسدونا بلدنا
تخطط وترسم والسبب منبع الزيت = وأسرورهم وأفراحهم به نكدنا
يبون عز ومجد ويبون به صيت = وحنا تقل ماكن بالأيام سدنا
ما تقل سدنا به طغاتٍ عناتيت= ولا تقل بالأجواد جدنا وجدنا
المعتصم جيشه مشى كان عديت= في حق حرمه قال صوته جهدنا
هدم بهاء مدن ورجّع بهاء بيت = ولحكامه اللي ضاهدينه ضهدنا
جيش عرمرم قايده قال لبيت= لكل مضهود وصلهم مددنا
يدوس بالأقدام روس الطواغيت = وأن اهزمنا بساعة الضيق عدنا
أمه لها تاريخ ومجدٍ وتثبيت = حكمت وسادت ولهدت من لهدنا
يزود عزّه كل ما أصبحت وأمسيت = واليوم من كثراتنا ما استفدنا
تجي مثل ماجيت وتروح لوجيت = تشهد ويشهد وشاهده ما شهدنا
يموت به حيٍ ويترك بهاء ميت = ومشاكل الأيام ناقف وحدنا
ونأخذ مع الأحداث صمت وتناهيت = ونعيد سيرتنا لناسٍ بعدنا
نصبح مكاظيم ونمسي سواميت = ويبطي مرضنا بالنواظر رمدنا
تقول فينا الغرب ياكيت من كيت = تخطط وتنثر في بلدنا وهدنا
حبل التكاتف في مثانيه تبتيت = وفعالنا ما هي تناسب عددنا
يا أسود نجد النّاس فيهم شماميت = ياذخرنا يادرعنا ياسندنا
يا ملوك نجد اللي لكم خدمت البيت = أحموا وطنا ياموارث فهدنا

[بهلول الزميلي]

ميقوع
راح الشباب وشعشع الراس بشموع = حتّى الغراب اللي قبل نازلٍ طار
وحبل الشباب أمتد وأشتد بقطوع = أقفا بنا تيار الأزمان بدبار
نمشي لها طوعٍ وناقف لها طوع = ورحلة سفرنا خوف وقطوع وأخطار
مهالك ومدارك ولالك أفزوع= ونارٍ وعارٍ وذل وأخطار وأسرار
ولا كل مشروع يعوضك بمشروع = ودنياك دارٍ للعمل قبل الأسفار
أمنح من الماء يابس الكبد طرقوع = وأيضا أستعد حيث الزمن وعظ وأذكار
النّاس قالوا كل ممنوع متبوع = والنّار تجعل ثالج المي فوّار
ما راح من الأيام ما هو بمرجوع = صعبٍ ومن دونه مخافات وديار
أصعب على من هو بغاء حبة الكوع = مثل ما قالوا راعي النّار والغار
أن قام طقه وعاد للأرض مصروع = وإذا جلس جسمه تضايق من النّار
هذي سوات الوقت لاقع وملقوع =هذا بهاء كاسب وهذاك دوّار
والعمر له وقت كما العشب وزروع = إذا أكتمل نبت الشجر عاد لغبار
قدامنا طرق متاهات وقطوع = ولا فيه مي ولا زهابٍ ولا جار
حساب وعذاب وحر برد مع الجوع = وغربه وكربه وظلمةٍ ما به أسفار
ولا من صديق ولا رفيقٍ ولا أربوع = ولا من ملاذ ولا فرارٍ ولا أعذار
إلاّ برحمة من خلق رمل ميقوع = تأصل لجناتٍ به أثمار وأنهار
لكن أستعد من قبل ما تأصل القوع = دام الليالي تنذرك علم وأخبار
وختمت مابرمجت والرّاس مرفوع = بأزكى صلاةٍ عد ما سايرٍ سار

[بهلول الزميلي]

الحواسيد
ضاق الخفوق وزوّد الضغط فيني= بعض المجالس سايدينه حواسيد
روابع والهجس يظهركنيني= جور الزّمن يقصي على كل صنديد
ياضاق صدري من هجوس تجيني= نأخذ مع البيدا حدور وتسانيد
بعد الديار ولا عدون بطيني= ياصار مايمناك ترفع عصا الغيد
نبعد عن الحاسد وأبو نيتيني= وبعدك عن اللي مايودّك هو العيد
الحسد شين وناقل الشين شيني= مثل المرض يضعف سلوم الأجاويد
صفه قبيحه ومنهجه منهجيني= يلعب على الحبلين مايضبطه قيد
اسمه نزل من دفتر الصادقيني= منسوخ من كل القيم والمواعيد
إلاّ العشاير يتركن الحنيني= ويرحل جبل حايل لحزم الجلاميد
وسنام يرحل غربي القريتيني= وضلع الرعيله ينتقل شرق من فيد
طبع الرجال ومنهج الغانميني= صفات سمحين الوجيه ألأواليد
دين ودنيا مذهب الطيبيني= مثل الذّهب مافي عليهم مناقيد
وأرزاقهم من عند منش الغشيني= مدّه ولا مد اليدين الكواديد
ما دام بالأيام شينٍ وزيني= تدور دنيانا على زيد وعبيد
تطرب على فواجع الغافليني= وتلعب على قضاض ملك الصناديد
تقفي وتقبل وتفجع الأمنيني= ونهاية المشوار ملفاك ترقيد
بقبرٍ يحفظ اللي بهاء ساكنيني= دام الدّهر وسود الليالي سراميد
وصلوا على صفوة قريش الأميني= ما صفقت هوج الهبايب جليعيد

[بهلول الزميلي]

الحقد
ذعذع هواها وانتهت حسبة القيض = وسهيل يبدي قبل فجّة عموده
جوّه برد ونفّض لك الحر تنفيض = ونسايم الغربي غدا به بروده
خشم المزون اللي نشت مقدمه بيض= أذواد بدوا ضام طرشه اعدوده
وطير السمقمق والحجل له نضانيض= بفياض بر من قنص به يعوده
أرضٍ من الصحراء سنود وعواريض = سطحه تكود الجيب ونوبٍ يكوده
ورفقة عيال ماعليهم ملاحيض= أرداهم اللي يطرب القلب جوده
من قبل يوم تريّض النّفس وتريض= أقرب قريب حط فوقك حيوده
رحلة سفر وحمّض به الفلم تحميض = أضبط تفاصيله وأنا من شهوده
نمشي عليها أحرار ماهو بتفويض= طرق السحايب والخطايط نروده
نبعد عن اللي يمرض النّفس تمريض= يلطخ كما دلوٍ تفتق سدوده
من الحقد عرّض بعرض الأجواد تعريض= أيقض غشيش القلب وايقض حسوده
وعند الملاقاء يحسبونه من البيض= أن كضّت الأنياب شفت أخدوده
وقلب سواد اعيونهم من العدم بيض= وبهم اعتزت بنتٍ صغارٍ نهوده
زاد الزّعل وكضَت أحلوقه من الغيض= عصات قساتٍ ما تقرّب أحدوده
ربعن تسد اللأزمه له مراكيض= أشبال أسود والمخاول فهوده
وثمٍ تراجع عقب لطخٍ وتخضيض= شاف الوكاد وثم خطّت زنوده
قلته ماهو قصدي شماته وتحريض= من خافقٍ هوجاس صدري يسوده
تارد علي هيض وتصدر مني هيض= هيض الحيام اللي تقافت وروده
قامت بصدري تقرض الجسم تقريض= قرض القوارض يوم تقرض بعوده
هجسٍ يفرّض خافق الصدر تفريض = بجسمٍ قضى زينه وكثرت لهوده
حاسن وداسن وأنت مسئول يامعيض = عن دلّة البغداد وأضبط قنوده
عطنيه من عقب التّعب والتّراضيض= تطرد هواجيسٍ تزاحم بزوده

[بهلول الزميلي]

نسيم المزون
ذعذع نسيم المزون وهبت أرياحه=ريح المطر بالشجر ريحان عطّاري
وساقن خفوق الضماير مع شفاء الباحه= من ما جرى بالضماير يرفض الجاري
جبري علينا أنتصر وأعطيت مفتاحه= وحداث الأيام تجري بعنف وجباري
يمشي على سهلةٍ والنّاس مرتاحه= ويهوم روس الطوال اللي ذرى الذّاري
أحيان تطمن ونوبٍ تظهر أشباحه= فجوج من البعد ترهب من مشى القاري
سايح مع السايح اللي هال مسياحه= ويخيل نجم السّواري ويرقب الساري
والقلب يسرح مع اللي وين مسراحه=مجهول والهجس يجري جري الإعصاري
ونطحت ليلٍ غياب الشمس مرواحه= وأعتم شعاع القمر والهجس بي جاري
بعض البشر يقطع الأمواج بسباحه= والبعض منهم بلتر المي ينهاري
والنّفس مضغوطةٍ والنّاس مزّاحه= دخلت لي غابةٍ وضيعت معباري
وتركت جمعٍ ملم الوقف مفساحه= شبوك الغنم فسحته به بايع أو شاري
كتمت أحداث الزّمن لكن هو باحه= وياكثر اللي بالوضع حاير ومحتاري
أبي أترك المدن والإزعاج وصياحه= ومشي على رهره وأبي أترك الزّاري
نتبع هوى خاطرٍ يابعد مصباحه= يقوده الخافق اللي يشتعل ناري
الخاطر اللي يشيل الهم بسياحه= وصروح الأمجاد والأعمار تنهاري
ندله مع الوقت والأيام فسّاحه= والجسم مهما أنستر نهايته عاري
لابد من رحلةٍ به حزن وأنياحه= مهما أرتفع صوتهم به ما أنت له داري
وتجارة الوقت والخسران وأرباحه = بأيدي عليمٍ حكيمٍ خالقٍ باري

[بهلول الزميلي]

الديدحان
أفلام دنيانا بالأيام تحميض= دعاني الروض الخضر يا أبو صيحه
نبي مع الصحرى على الشهب والبيض= بأرضٍ مليحه والمناظر مليحه
نقطع معاريض وتزمي معاريض= وكم عاليٍ نشبط مواعر صفيحه
ونترك مجالس محرّض النّاس تحريض= عادوك لاغليت الوجيه الفليحه
ناسٍ تعرّض بعرض الأجواد تعريض= لوهم غياب غيبته تستبيحه
تمسي على غيض وتصبح على غيض= ما شم نبت الأرض عشبه وشيحه
ماله مع الصحرى مسار ومراكيض= ولا شاف نبت الديدحان ومسيحه
بروض الخزمى ريّض الرجل ترييض= وخذ طيب من نبت النفل مع سليحه
نشغل بهاء نفس تأثر من الغيض= ونبعد عن المترديه والنطيحه
نحقق ملاحيض ونترك ملاحيض= يوم العفون بفرشها مستريحه
شهادة الأيام خبره وتمريض= تجاربٍ بأرض السهال الفسيحه
مهما أرتفع بك سلم الوقت يا معيض= تنزل وينزل منزلك من مطيحه
سير الزّمن يدور بك فوق ويفيض= وصواب خصمه ما يعالج جريحه
ونسكن مساكن من رحل بأول القيض= وسموم حر الشمس يحرق لفيحه
ونرحل منه بتعويض ومن دون تعويض= وكفوفنا عقب المكارم شحيحه
ما بين صحواتٍ وما بين تغميض= تظهر نتايج كذبته من صحيحه
خصمك عنيد يقرض الجسم تقريض= يضرب عليك الذّاكرة والشريحه
تقفي منه بتفويض وبدون تفويض= وتترك ثمر زرعٍ زرعته فريحه

[بهلول الزميلي]

التقييم

ما بي تقيمني بما قالوا النّاس= أبي تقيمني باللي شفت بالعين
ما كل علمٍ نسمعه علم نوماس= وبعض كلام النّاس يظهر ما هو شين
والنّاس له مقصود وغايات وحساس= من الواقع اللي شفت تأجد براهين
الناس مثل الأرض له شكل وجناس= يوجد بهاء صلب ويوجد بهاء لين
فيهم من الفضه وفيهم من الماس= كما تشوف العين والنّاس دارين
ناسٍ ذهب وناسٍ حديد وبه أنحاس= يوجد بهم شينٍ ويوجد بهم زين
وبالنّاس عز ورفقته ترفع الرّاس= تأخذ منه حاضر وتاخذ منه دين
هداج تيما شهرته ماله أقياس= كوكب ما هو رسٍ قطينه قليلين
للخير نبراسٍ وللعلم نبراس= حجارٍ كريمه ما تقيم بتثمين
أشجار طيب ريحته مثل الأنفاس= كمبوديٍ بديوان شيوخ وسلاطين
وبالنّاس دساسٍ وبالنّاس بلاس= وفيهم مثل عنتر سعوط المجانين
وفيهم مثل مسيلمه سيد الأنجاس = رأس النفاق ورأس كفر الشياطين
دايم شفاتينه بالا كذاب يباس= يرجّح موازين ويخفض موازين
يقلّط به دبيس ويفهق به أدباس= واليا دخل جمعٍ غدا الجمع جمعين
لسانه كما المحساس أو حد الأمواس= يضحك بوجهين ويطعن بكفين
يحكم على ناسٍ ويعفي بهاء ناس= وقرار حكمه بين شكٍ وتظنين
قلته وأنا ما ني على النّاس جساس= لكن من أحداث الزّمن شايفن شين
وصلوا عدد ما شع نجمٍ بالادماس= على رسولٍ بين الحق والدين

[بهلول الزميلي]

نعتذر عن الأنقطاع بسبب أنقطاع الشبكة ونأتيكم بقصيده فيها بعض وصف البادية والطبيعه لعله تلوق لذايقتكم ,,,

وصف البادية
نرقى مشاريف وتزمي مشاريف= وكل مرقبٍ نرقاه نلقى علامات
قبلي رقوه اللي حموا نجد بالسيف= اهل الكرم وهل الصفات الحميدات
قلبي كما سعف تلوفه عواصيف= في تالي الكنّه وسبل نبتها مات
تومي بهاء هوج الرياح الشفاشيف= صلف الهبايب يسهجنّه سريعات
أقفا الربيع وقرّبت جمرة الصيف= وراح الخضار اللي يشوق المراعات
الياذكرت اللي مضى صار بي حيف= يلعب بي الهاجس على غير مشهات
بين الضلوع ومحكمات السراجيف= هواجسٍ تصدر وتاتين زافات
لو ما يضبنّه ضلوعٍ مهاديف= يفر فر موحشٍ من طويلات
لكن يحفظنّه عضامٍ مراصيف= حفظ القبور اللي يحفظن الأموات
والاّ أنفجرمن زايد الضغط يامنيف= تفجير بركان غدا رمله أشتات
أهوم أنا وقوم وسير وقيف= يأخذ بي الهوجاس سجة وروحات
يا شفت ريضان الشجر ومنبت الريف= دارٍ خلت من ساكنينه باللي فات
أهل الرباع اللي بهن يكرم الضيف= لو الزّمن به ميل يلقى كرامات
ببيوت من شغل البنات الغطاريف= أعناق ريم جفّله كثر الأصوات
نخيلهن خيال المزون المراديف=على الشّرف وهن دايماتٍ عفيفات
ما غازلن بالسوق ناسٍ هذاليف= قطعان صيد من الخطر مستذيرات
يشربن در مكرمات المشاعيف= ويشمن العذب الهوى كل ما فات
أقفة بهن سود الليالي مناكيف= وما طاح في نحر الزّمن فايته مات
قضت حيات البادية والأشاويف= أقفة بهم عجف السنين المحيلات
تمشي من العارض ليا غربي أطريف= ومن شرقي الخنفه لشمال القريات
ومن البحر الأحمر خاليه لساحل السيف= عقب النّزول أمست قفورٍ خليات
ما قيل من اللي يسكنه واحدٍ شيف= ديارٍ خلت لوهي فجوج وسيعات
أرض نواحيها بعيد الأطاريف= تقطع مسافاتٍ وتبقى مسافات
وأخرج من الموضوع وانه التواصيف= بأزكى صلاة والختام التحيات

[بهلول الزميلي]

الدواعش
ياخادم البيتين يابطل الأبطال= يالقايد اللي لم شمل العروبه
يا مزبن اللي صكه الضد والجال= يوم فججة بقعا عليهم جيوبه
يوم العدو به جار والوقت به مال= رحبت به وشعبك معك رحبوبه
فزعت له بالصوت والحال والمال= وجمعت للمذهب شوارد ذهوبه
عقب التفرق والتشتت والأشكال= رعد الشمال أمطر وسيّل جنوبه
صوت الصواقع زلزل الأرض زلزال= بأرضٍ صخر صما يولّع شبوبه
يوضي سنا برقه على راس ماطال= يحرق ويغرق مانزل من صبوبه
سال البحر من ماطره والسهل سال= وأرض الكنانه سال وسالت شعوبه
يشل عقل البايه الضايع الضال= اللي بجنزه باع بشته وثوبه
باع الوطن والدين في جمع الأموال= يحصد نتايج خونته والعقوبه
يكفر بشوف العين ويؤمن بالأقوال= ويكذب وينشر كذبته في قروبه
دواعش بالعقل والفعل والحال= الدين شرق ودينهم غربوابه
ينبح شعاع الشمس ياشع بطلال= تكذب وتوثّق كذبته من كذوبه
تحل دم مصليٍ يقرى الأنفال= وسوت على العزّل والأطفال شوبه
خوانةٍ غدارتٍ بكل الأحوال= تضحك بدين الله وتخفي عيوبه
تبيح دمٍ حارمٍ تقل شلاّل= دمٍ حرام بشرعهم حللوا به
به حللوا قتل النساء وقتل الأطفال= والأم له حوبه ولطفل حوبه
إمامهم للبوق والقتل دلاّل = والله ما حلل ديانه مشوا به
اجتازوا الأربع على خامسٍ ضال= لا صايبه دينٍ ولا الدين صوبه
يحتار به عقل المحنّك ويهتال= ولا يدري المقتول ماهي؟ ذنوبه
تقتل به أبلالٍ وتبكي على أبلال= ونتايج الخونة تعيبه عيوبه
كباير وعضايم مثل الأجبال= تقطع نبات الأرض وتحرق حبوبه
عثوا خراب وخبث بالمدن والأل= وكل دار داسوا به فسادٍ عثوا به
عسى عملهم ناتجه ذل وإذلال= والله يبعد كل دارٍ وطوا به
بعد السماء عن الأرض ياقيس بطوال= وتبعد عن الجنّه وبارد شروبه
وختمت ما برمج لساني وما قال= بأزكى صلاتٍ عد ذاري هبوبه

[بهلول الزميلي]

سج القدم
سج القدم بأرضٍ فجوجه وسيعه=أن دك بك من هاجس الوقت دكاك
واشرف مشاريف الطوال الرفيعه=الوقت ماهو ماشيٍ دوم برضاك
دنياك ماهي دايمٍ لك مطيعه= تطيع يوم والصواديف تقفاك
ماهي منيعه ولا ملوكه منيعه=ولاهي عروض تجارةٍ ضمن الأملاك
كم حاكم بأيام حكمه تبيعه= ما طاوعت له وأنت ما جت على مناك
كل يوم له حاكم وحكمٍ وبيعه= يبايعونه وهي تبايع هذولاك
تفرض على الإسلام سنّه وشيعه= حكمٍ مميز وأخر الأمر ماجاك
ثعالبه تشبع وذيبه تجيعه= والسبع به ذلٍ وخوف وبه أرباك
تقدّم وتفهق بين غدر وخديعه= يا ما غدرت بدواهيٍ لا عدمناك
البوق طبعه والغدر له طبيعه= وحمامته تطرب على عظم بلواك
لكن من حبه وخوفه نطيعه=ونقول من يمناك لكفوف يسراك
والعمر ما يعادل دقايق ربيعه= والوقت يضعف همّتك ويقصر أخطاك
كونه شنيع والمساطي شنيعه= وأن مهلت لك قوت الحيل خلاك
هرم وفقر والمفاصل وجيعه= وسكر وضغط وزايد الحر يصلاك
دورة سنينه والليالي سريعه= ما عنه هروب ولا ملاذٍ وفكّاك
لكن أتعظ من قبل ثلجك تميعه= قبل الرحيل بسبت الأقدام تاطاك
ومن قبل يوم البعث وحشره جميعه= عريا وغرلا والضما داخل أحشاك
الأم تذهل من الهوايل رضيعه= تشوف به شوف ما هو شك شكّاك
نطلبك من حوض نبيك وديعه = نشرب منه كما أنت تأخذ منه ماك
ويا الله عسى جمعٍ محمد شفيعه= ضمنه نكون عن الدّرك هو والأدراك
اللي لنا بين حدود الشريعه= وحرّم علينا الكفر وفعول الأشراك

[بهلول الزميلي]

مشارف شرف عذفا
شم الهوى الغربي ليا هب نسناس= بأرضٍ تضاريسه شعاف لهن شرف
مابين كبد وبين عذفاء والأطعاس= وأحذر من النزلات ترميك بالجرف
برفقة رجال فعلهم يرفع الرأس= عين البغيض أن زام لك تطرفه طرف
مع بن أشقر يوم الأفكار تحتاس= يغدي هواجيس الضحى ويصرفه صرف
نشغل خفوق داخله فيه حسواس= خواطرٍ من خاطرٍ مسرفٍ سرف
ندله بهاء والعمر مقيوس بقياس= بشواردٍ تارد وتصدر ماهي خرف
مشاعرٍ من شاعرٍ فيه وسواس=يكتب بهاء حرفٍ وينسخ بهاء حرف
على ورق بوكٍ مسطر وقرطاس= ورأس القلم ينساب والحبر له ذرف
من هاجسٍ يأخذ به أخماس وسداس= يهرف كما ذيب سعر جوفه الهرف
دنياك يا مشكاي ما هي على ساس= لا بقت الطيب ولا عافت القرف
مجاري الوادي كما تشوف يباس= وذيب الغنم فرق الغنم تكرفه كرف
لكن أتعظ من قبل سلال الأنفاس= قبل غريمٍ ماعرف قاضي العرف
يجرد منك بشتك وثوبك وال الباس= والماء يصبونه ونوبٍ يجي غرف
وثم قدموك وستووا خلفك الناس= وصلوا صلات مودعٍ وأنت بالدرف
وبعده خذوك لحفرةٍ تدمس أدماس= في داخله تشمع كما يشمع الزرف
وأهالوا على رأسك من الرمل بالفاس= وفارقت خلانك والأولاد والترف
هذي نهايات البشر وأنت حساس= والعرف مايعرض على صاحب العرف
وأنهيت قولي واعظٍ غافل الناس= وجور الزمن لابد مايجرفك جرف

[بهلول الزميلي]

الشاغل
أشغلني الشاغل اللي لخبط أشواقي= مشغول بأشغال وأنا حاضيٍ حاضي
وضايقني الضايق اللي ضيّق أخلاقي= من ضيقته ضايقٍ والهم بي هاضي
سقت اقدم سوقت اللي سيق وانساقي= بظروف الأيام وظروفه ما هو راضي
يشكي ضغوط الدهر وشقى به الشاقي=ويسهر سهيرٍ سهر ماغط بغماضي
يسامر السامر اللي سامره ساقي= ينوض من نايضٍ نواضها ناضي
يسري ويجري وسهير الجفن ما راقي= بالقلب همٍ وغم ومشغله فاضي
وأنا بعد مثلها بالجوف دقاقي= من خافقٍ بالضماير تقل نفاضي
طواريٍ تطرق المعلوق طوراقي= وحرارة الشمس حره ييبس الحاضي
يالله أنا طالبك لا تخيب أوفاقي = يامصفي الصافي اللي فاض بفياضي
أنت الرجاء والأمل والأوّل الباقي= والناس بالناس سلمه قرض وإقراضي
وأنت الذي قرضتك بحساس وذواقي= وبدار القضاء قاضيٍ تقضي على القاضي
تشفي مريض علاجه ما أعتقد لاقي =وشفاه بأيديك ياشفاّي الأمراضي
يكبر مع الوقت والأيام مراقي= مستعصي والمرض في دمها خاضي
وعن العار والنار تجعل لنا واقي= بظلال عرشك تظلن بعجز مركاضي
لا تحرق الروح والأجسام بحراقي= يامسقي الساقي اللي ساقيه فاضي
في ظل عرشك تظل الجسم برفاقي= بيومٍ جضيض البشر من جضته جاضي
جضيض كدري صفقها ملح تفّاقي= والروح به حشرجه وضيقٍ ونضناضي
جض البشر والحرس من حوله أرواقي= حفاةٍ عراةٍ وعظم الوجه به لاضي
أحدٍ سلك مسلكٍ من يسلكه راقي= وأحدٍ عليه الخطر من فعله الماضي
وأحدٍ من الهول مذهولٍ ولا فاقي= من هول ما شاف يذهل ستر الأعراضي
يفر منه الولد والزوج ورفاقي= كلٍ لحاله يقضى وأنت له قاضي

[بهلول الزميلي]

الرعن
الجسم ماهو للمشاكل شراعي= ولا الصدر عد للهواجيس مارود
مال السهر والهجس ياعين داعي= الرزق محدودٍ كما الأجل محدود
سج القدم بأرضٍ فجوجه وساعي= على رحابه يطرقك بارد النود
بصحاريٍ والوقت فيه اتساعي= يغدي هواجيسٍ تحدك على الكود
ورق الطوال وخل عينك تراعي= وطرق نظرها بوادي ماهو مسدود
بأرضٍ نباته فوقه الثلج ماعي= ريحة زهر نبته تقل ريح كمبود
نعالج هواجيسٍ هجومه جماعي= وخل العفون بفرشها يأبو جلعود
اللي هروجه مثل سم الأفاعي= ومن جادله خسران ما يكسب الفود
شوف الفياض والقمر له شعاعي=تطرد هجوس اللي جفاء عينه النود
بديار منهم يشمخون الرباعي= حماية الأضعان ياثار بارود
أعمارهم عند اللوازم تباعي= دون الظعن واللي هدب عينها سود
كبار الصحون مدلهين القطاعي= اللي يقودون الجهامة هل القود
اهل البكار اللي حواره يعاعي= بأرضٍ نباته علّها ديم ورعود
قطعانهم غيم مع الجو زاعي= ربعٍ تحوش الجود وتعطي من الجود
عسى لهم بذيك الروابي مراعي= بديار عذفاء والرعن وخر مسعود
والله يجنبنا القحط والمجاعي= وكل الديار وساكنه بخير وسعود
وإلاّ التفرق مقبلٍ ولوداعي= ولا حي إلاّ لتربة الأرض مردود
حكم القدر يأخذ علينا القطاعي= ويستحصل الديان من سعد وسعود
يهديك صاع ويأخذ الفين صاعي= ونهاية الأجسام ملفاه لدّود
وأقدار دنيانا سهومه سواعي= العود له ساعه واللي تو مولود
لا صفر العداد للأمر أطاعي= تصبر لوأن من التعب يلحقك زود
وختمت مابرمجت وما ضاع ضاعي= وكل علم ما حفظه القلم بحكم مفقود

[بهلول الزميلي]

أخواني وخواتي الأعزّا عيدكم مبارك وكل عامٍ وأنتم بخير تقبل الله منا ومنكم صالح الأعمال 0
بعد هذا الغياب نورد لكم هذه القصيده لعلها تلوق لذايكتكم حفظكم الله كما تحبون ,,,
يا سابقي
الشعر من نبعٍ يصفى شهيده= اغرف من الصافي وما خيض كنّه
محيط ميدانه حدوده بعيده= وجرد السبايا السابقة يقطعنّه
ياهازوا السبّق بعسب الجريده = راع الردية خلفهن يفهقنّه
ياطول الميدان يظهر جديده= يظهر خفيٍ خافيٍ حضرنّه
وتبقى الكديشه وثم يبقى هديده =تجلس ويجلس ويقبل الذل جنّه
الميد يظهر كل أصيلٍ بأيده= تظهر ويظهر والردي يظهرنّه
وتظهر من السبّق جوادٍ وحيده= يوم الردي راكبه خاب ظنّه
ياطول المشوار ركضه تزيده= به زود به زوم ليا ضايقنّه
السابقة تظهر ليا طال ميده = ليا أستشهد الشاهد بعلمٍ يكنّه
تظهر كما يظهر خطات الوليده = بنحور قوم يطلقون الأعنّه
على الخيول اللي تلاوك حديده= حلق العنّه من السطر يفصمنّه
يعرف ردي الخيل ويعرف حميده= الغوج يرخص والهلب يرخصنّه
يظهر فريد وثم تظهر فريده= تحت شجاع للمخاطر يعنّه
بوجيه من هم يجدعون المعيده= دواهي بنحور خيلٍ يبنّه
يا سابقي عساك معهن سعيده = حقي بوجهك والحذر ياخذنّه
ما أنتي كديش ولا بعرقك رديده = من ساس خيلٍ راكبه يلحقنّه
ولا تمّدح بنت الأصيل بفديده = والأصل ماهو نافعٍ يا سبقنّه
ماجمّت هوج الرياح الشديده= به فرّقت جمعٍ رقاء راس قنّه
والزرع يعرف جودته من حصيده = عند الحصاد يبين عيبه وفنّه
ويكفي من الموضوع وكثر أتعديده = خوذ النحاسه صافيه وأرم شنّه
وأنهيت موضوعي بختم القصيده = بأزكى صلاتٍ عد فرضٍ وسنّه

[بهلول الزميلي]

من أرشيفيات الغزل
الريم
يا وجودي وجد من قيد في قيده= أنحكم بجريمتٍ وميزوا صكّه
عيني اللي نثرت دمعها سيده =ولاطفه عقب التفاريق له حكّه
كن به شوك من الحاذ ومزيده = في جفونه حكّةٍ والرمد لكّه
داخلٍ بالموق به جار تقديده= مرهف ومدببه بالخطاء شكّه
من هوى اللي كنه الريم مع صيده = جافلٍ وفروق الأروام له صكّه
مرتعه بأرضٍ شمالي فراريده = تتبعه فرق الجمايل ليا دكّه
طالعت له صايد من صياييده = شافته بالعين ما شافته شكّه
وجفلت ما لافتت شك ومعيده = صافقه ملح وسو الخطر ضكّه
طارده يشكي بعيدٍ مراديده = من طردهن من التّعب ما أحدٍ فكّه
شاركٍ بالحب والود ما ريده = لو يشيلن فوق الأمتان ما عكّه
القفر ياعيس بانت مواريده = وحصيد حصد المزارع جمّع أبلكه
وين عقال العرب عن مقاريده = لا تخلوا حزمت الود منفكّه
خلوا العطشان يشرب مقاصيده= من غشين ما نقع ماه بالسكّه
لين يشرب من كفوفه وأخذ بايده= صافيٍ ما خوضوها هل الدكّه
يأخذ العطشان ماراد ويريده = وكل مالٍ بالغٍ حكمها زكّه
قبل مخباط يصيبك بتسديده = من ظريفٍ قاطعٍ والسهم ركّه
وانتهى الموضوع والشرح ماعيده = مشفرينه عن فهم فاهمٍ فكّه
وأنت رجل تفعل الطيب وتجيده = من رجالٍ تعطي الحق وتفكه
وختمه بأزكاء صلاتٍ وتسجيده = عد ما طافوا حجيجٍ على مكّه

[بهلول الزميلي]

جمايل الريم تتعب كل تفاقي
الله من ضيقةٍ بإقصاء الحشاء دقّه= دقاقها داخل المعلوق طقاقي
ترجف صخاف الضلوع العوج وتطقّه= ومبرمجه بالضماير دوم دقاقي
عن الوناسه وسعة البال منشقّه=متى على الله يصير البال به راقي
وجدي على اللي طوى بيته من الشقّه=وتبعد عن اللي يغث البال ما لاقي
شالوا على اللي يفج الأرض ويشقّه= من قو دورت تروسه يشرف الرّاقي
تتلي هوى شايبٍ به بر ماعقّه= لأمره مطيع برور ما هو عقّاقي
مشاء على فنتق بالشوف ماحقّه= ممشاه لاهو جنوب ولاهو إشراقي
متنصيٍ ديرةٍ صلف الهوى شقّه= ومعالم الأرض به عالي وبه تاقي
طرقه غراز ومهالك خوف ومشقّه= وحرارة الشمس فيها تحرق إحراقي
فجوجه وساع وبيض وتربته رقّه= يضيع فيها خبير القار ياشاقي
مشاء ظعن صاحبي وجماعته بقّه =بأثر مزون بغيمه ناض براقي
أقفا وأنا ما عرف لأي وجهتٍ لقّه= تال الظعاين تقل قبس ليا أنساقي
قلبي معه والهواجس بالحشاء دقّه= دقيق قلبٍ مريض عقب ما فاقي
وراع الولع لو تعب بالزين من حقّه= جمايل الريم تتعب كل تفاقي
يا مسندي هاك جيبي فوّله وسقّه = نبي نشم الهوى تر خاطري ضاقي
من الخصوصي تخيّر له وبعد نقّه= نبيه يسبق نفيض الغيم يا ساقي
نتبع هوى خاطرٍ جور الهوى طقّه= لي رغبتٍ كان ضاف الرمش ما باقي
وأن باق داف الحشاء نقول من حقّه= يتبع هوى خاطره وأنا أكتم أشواقي

[بهلول الزميلي]

ســـهيل
ياسهيل بالحسبة طلوعك علينا=أكملت يالنجم اليماني سنتنا
الصيف حر ومن الحرور أنكوينا= والأرض يزعل حرها من تحتنا
بطلوع نجمك ياسهيل أنشوينا= حر الرماضي والصخاني كوتنا
الأرض مثل النار يا من وطينا= شمس القيوض بحرها ضايقتنا
نبي البراد اللي نسيمه يجينا= البر له روّاد وبه ذايقتنا
أن زان طلوع البر حنا مشينا= لشوف الديار اللي بهاء ذاهبتنا
نسايم الغربي لهاء مشتهينا=وأن كان برده زاد معنا ألحفتنا
راع الولع يفرح وباله يزينا= برخم المزون اللي بغيثه سقتنا
عن البرد نلبس كل لبسٍ يلينا= لو كان بعض الناس يقول متنا
نمشي على رحابٍ بوسطه ربينا= بسن الطفوله بالصدور أحضنتنا
والرجل لو تمشي برمله سنينا= ما تشكي الأقدام ولابه شمتنا
نوسّع به البال الغثيث الحزينا= دارٍ ليا نبتت لشوفه دعتنا
برفقة قروم تونّس الحاضرينا =بسوالف نطرب لهاء في لغتنا
يوم الرّدي يستنقد الطيبينا = وهل الردى وشعبيته لايمتنا
أن باعوا المعروف حنا شرينا = كبار النفوس اللي على المال فتنا
والعمر ماهو ملك طول السنينا = يمر ودورات الزّمن مدركتنا
والوقت يمضي والزمن به يدينا= وجور الليالي بغدرها لاحقتنا
والخاتمة نطلبك وأنت المعينا= يا من دنيانا بضنكٍ رمتنا
وعلى الطريق المستقيم أتهدينا= بهداك تجعل فوزنا باخرتنا
وصلوا عدد ما لبوا المحرمينا = على رسول الحق في خاتمتنا

[بهلول الزميلي]

أخواني وخواتي الأعزاء السلام عليكم ورحمة الله وبركاته
وكل عام وأنتم بخير 000
نعتذر عن الأنقطاع الغير إرادي وأنتم والله بالقلب ولكم قيمتكم بالصدر 000 والأن نورد لكم هذه القصيدة لعله تليق لذايقتكم حفظكم الله000
البسوس

أكن أحاسيسي وزايد هجوسي= وأضحك وأنا صدري منه لاحقه ضيق
هجسٍ بصندوق الضماير يحوسي= حوس الجهامة لديار الطواريق
أيام ورد الماء لعدٍ رسوسي= منهل جباء بئر صفى ماه ماذيق
حدث بعرضه قطع وقاعه دموسي= في كنّة الجوزا بقوعه شواقيق
بأيام نبت الأرض ناشه يبوسي=بطلوع نجم يحرق النبت تحريق
يا شوق من تزهى جديد اللبوسي= أحمس لنا وهات الدلال الغرانيق
يا أبن الرجال الطيبين الحبوسي= حبس الظعون بساعةٍ ينشف الريق
يا طال بأطراف الجهامة حسوسي= ترسي ضعاينهم كما يرسي أطويق
فنجال من البن الجديد أمحموسي= بريةٍ ما لاحق الحمس تحريق
عطنيه ياريف الهجاف العسوسي= نعالج هجوس تشقق الصدر تشقيق
يغدي خوى رأسٍ يصكه عموسي= وعسى يفرق هاجس البال تفريق
يوم العفون مجمّعين الفلوسي= عند العذارى لابسات المخانيق
تأمر وتنهى مثل نهي العروسي= بأمره ينط مشمرخات الشواهيق
يمن له الواجب وحل الدروسي= بيض النحور مضيعات العشاشيق
ودنياك ما حربه حروب البسوسي= ولا وثّقة برشيف الأيام توثيق
تجور بإ رهاف تقل حد موسي= حدب السيوف اللي تحش المعاليق
تمشي بطرق والمسار أمعكوسي= تفتح لهاء بوب وبوبٍ مغاليق
بأ قدام رجلينه لخلقه تدوسي= ولا الهوش من دون البكار المطاليق
ومن فاض جم البئر لازم يقوسي= ما ينفعك قوسك ليا صرت في ضيق
والخاتمة ما فيه حي أمحروسي= الموت عد وكل نفسٍ به أتويق
نعوذ بالله من خباث النفوسي= الله يجنبنا شرور المخاليق

[بهلول الزميلي]

القلب
ياقلب ياقلب الشقاء ليه وش فيك= أشغلتني والناس بنومه مريحه
يلعب بك الهاجس وكثّر طواريك = لعب الهوى بأوراق سدره وشيحه
تعبت وتعبت القدم في مماشيك = تجوال صيد بالسّهال الفسيحه
كلّفت أنا الأقدام تسري مساريك= والنّاس ياقلب الشقاء مستريحه
يومٍ أنت تمشي بي تبي وين أوديك= تمشي بنا مشي السفن بعكس ريحه
أتبع هواك ولأني اليوم مرضيك= وتعبت من قطع الديار الفسيحه
وخليت حي عرفته ورفقته شيك =بضغط الزمن ياحتجت حملك يزيحه
حي يواريك المحبه ويغليك = أمين سر لزلتك ما يبيحه
ياتهت درب الجود للجود يهديك= من لأبتٍ ياطحت عندك مطيحه
يجبر بهم كسرك وتأصل خطاويك= وضدك يقيف وثم يكتم نفيحه
وجنّب طريق اللي بالإدراك يرميك =أهل اليدين القاصرات الشحيحه
ولا تشكف أسرارك ترالغيب خافيك =أخاف من ناسٍ تدور الفضيحه
تظهر شواميتك وتكثر عداويك = وتمسك عليك المخطية والصحيحه
ولا كل رجالٍ ضحك لك وثق فيك = عند اللزم يحرق عليك الشريحه
يا جارة الأيام بالحيل يوذيك = ويصير ضمن منظمات الشبيحه
رفيقك اللي باللزم قال لبيك = أن زاد جور الوقت وأشعل قديحه
وخل الشهامة والوفاء هي مباديك = لحم الردي ما ينوكل والنطيحه
وأوصيك بفعل الخير يا قلب أنا أوصيك = أفعل وفعل الطيب ربك يبيحه
مادمت تقدر وفايض الوقت يعطيك = قبل السفر وكشف الخفي والصفيحه
المال مال الله بدنياك يغنيك = تكسب ثوابٍ فيه وتكسب مديحه
أن كان ماتلمس يدينك مخابيك = لو لك بصيره تريدينك جريحه
وغيب الزمن وإحداث الأيام قافيك = وحكم القدر يفرض علينا النصيحه
والكامل الله والبشر فيه تشكيك = وأستغفر الله عن الخطاء وستبيحه

[بهلول الزميلي]

يوم أدبر الليل ياحمود
البارحة يوم أدبر الليل ياحمود=طواريٍ هاضت على البال وأحتاس
هواجسٍ بالفكر والصدر ملهود= يدك به سوجٍ وموجٍ وهوجاس
تارد كما عد من النّاس مارود=في تالي الكنّة والأوراق يباس
بطلوع نجمٍ ييـبس العشب والعود=كنّة مزونه وأخضر النبت بحماس
وسبل الشجر يومي بهاء لاهب النود=وعلى خضار الأرض رمل الوطا داس
نأخذ مع الأهجاس سجات وركود= أقوم وأجلس ساهرٍ تقل حرّاس
ياطير ياللي بالهوى تأخذه هود= عطني جناحينك وبدلك بلباس
أبي أرتفع ورقاء صخر كل جلمود= وشم هوى الغربي لياهب نسناس
نفضي بهاء صدرٍ غثا البال به زود=وروابعٍ تأخذ بنا أخماس وأسداس
سير الزّمن يقودنا للقبر قود=وقلوبنا عن مقبل الوقت غطّــاس
وفواجع الأيام وكوارثه كود= يغوص به من غاص وبه قاس من قاس
لكن أتعظ ولا باب الأرزاق مسدود= ما دمت حي وسبت الأقدام لك ساس
خوافي الأيام تطوي بنا الجود= وغيب الزّمن وفواجع الوقت دساس
ياطاف ثلثين تــــر النافلة فود= أسجد لرب يدفع الشر والباس
من قبل يومٍ فيه شاهد ومشهود= وحضور منهم كلفوا بقبض الأنفاس
وعمر الفتى معدود والوقت محدود= ساعات وأيام والأعمار بقياس
ونشيل من دارٍ كما كنت موجود= وننــزل بدارٍ مظلمٍ نحت بالفاس
دارٍ ظلام وإقامتك ماله أحدود= في جوف قــــبرٍ مظلمٍ تدمس أدماس
يهجم عليك الدود وأنت زاد لدود=وتطوى صحايفنا كما طي قرطاس
نطلبك يامعبود ياخــــير معبود= في ظل عرشك ظلل الجسم والرأس
ونجتاز نارٍ فوقه الســــير ممدود=أسرع من اللي شع في سحب وأنفاس
ومن زل به سبت القدم ماهو مردود= في خبر كانا وأنت به تنذر النّاس
وختمت مابرمجت وأنهيت ياحمود =بأزكى صلاتٍ ما ذرت ريح الأطعاس
= شعر / بهلول حمدان الشمروخي

[بهلول الزميلي]

حضيري
هات القلم واكتب الأشعار ياحضيري= نبي نسلّي خفوقٍ ضاق بسكاته
دقق معي بالشعر وركّز بتحضيري= في دكة الشعر هيضاته وروحاته
هواجس بالحشا هاضة طوابيري= ونفسي زعول وصدري زاد وناته
خلك معي بالسفر لو به مخاسيري= نشغل خفوقٍ مشى في عكس مشهاته
ندله مع الوقت والأيام تمريري= والعمر محدود والأوقات فواته
نبي ديارٍ زهى نبته نواويري= فيه أم سالم تعيد الفن بصواته
من مدلهمٍ هواها شرق ويزيري= نطح زعوج الهوى ونزّل لشحناته
من فوق اللي بسرعته يعطيك تحذيري= يا دست بنصه يزيد أجنون زفراته
فوق أسرد يصفّر الأميال تصفيري= والبعد طبلونها يطوي مسافاته
ساعاتي الخمس يديني على القيري= ومواطي الرجل مشغوله بدوساته
وأن صارة أرضه طلوع وبه محاديري= وجسمه ليان يغوص بقدم ما طاته
من ضغط الأقدام شكمانه تقل كيري= لا تنشحن وانت بيـدينك مقاداته
وطعن نحور الفيافي والمخاطيري= بأرضٍ قفر فيه فرق الضان ما باته
بمخطط المدن ماله فلم تصويري= ومهندس القار مابه حط بصماته
عقب التعب والسفر وقطع المشاويري= تنزل بدارٍ تفوح أرياح نبتاته
نحضر جروم الحطب هي والمباهيري= والشاذليه بجنب النار وحضاته
يصبه اللي يعرف الكيف ويديري= ريحه يرد النفس مع فوح طبخاته
بحضور ربعباً لهم حشمه وتقديري= وعند اللزم تكره العدوان وقفاته
ما تاجرت في جلود الضان والفيري= ولا جاملة بالخطا من شان حاجاته
أقروم قوم تبيد المال والميري= ماهي من اللي تتاجر في ثمن شاته
وناسة الوقت بأقصادٍ وتحريري= وضغوط الأيام به كاش معاناته
ما يرجع العمر بنظامٍ وتحويري= ما راح من ساعةٍ ياكود رجعاته
يالله لطفك وعفوك وقاسمة خيري= يا مدبر الكون ومتحكّم بساعاته
أحسن عمل تكتبه ختام تقريري= وحسناتنا تجعله ممحاة سياته
وختمت مابرمج الخافق وتفكيري= بأزكى صلاةٍ عدد ما ساعةٍ فاته

[بهلول الزميلي]

إيران
طلاسم والناس صعب أتعليمه=والنار تأكل ماظهر من سطوره
الخيل بالفرسان تسمع رهيمه= والسرج فوقه محكماتٍ سيوره
والهوش دون معقّله والوسيمه=وإلاّ الهمل صعب على الناس بوره
ومن لا يعد للوضع عدّه وقيمه = يصبح عليه من الليالي دبوره
صوت العجم بأيران طوّل نحيمه = ترعد وتبرق وضايقتنا شروره
من دور كسرا والعداوة قديمه= عداوة من وقت نعمة أضفوره
يبون خيرات الوطن مع نعيمه =تظهر فساده وثم تنشر فجوره
والغرب يطالب بحق سلمى وشيمه= بقوه وعنف وكل كفٍ جسوره
تقول شرطي دولةٍ مستقيمه= تطلب حقوق والحقوق أمحذوره
تبي النساء تقود برخصه وبيمه = عريانةٍ والجيب تفتح زروره
ومن لا يلبي مطلبه هوغريمه= أن جاز له وإلاّ بيوته قبوره
وتمني العالم بحياتٍ غنيمه = وين الغنيمه يالرجال الغيوره
وإلاّ يشوفون الحقوق الهضيمه = بالشام واهل الشام ذبحت بزوره
وبالرافدين يكررون الجريمه= وأرض اليمن مسحت قصوره ودوره
نارٍ سعايرها تعدت هشيمه = كلت الحطب والنبت لحقة سروره
وين الغنيمه يالعقول السليمه = القدس يصرخ ذاق ظلمه وجوره
ويبون نساء الإسلام تخدم حريمه = أن جاز له وإلاّ ما هو شرط شوره
تقودهن قود الصعب بالشكيمه= وتبيح فيهن كل عرض أمحضوره
وتلعب بعقل الجاهلة والغشيمه = وما طاح من نجم تلقاه قوره
والأرض هي والعرض جزم أتحريمه = محارم ما تحل عند الضروره
يلزم ندافع دون عرض الكريمه = أرواحنا وأجسامنا دون سوره
مع الرجال اللي عقوله حكيمه= حكام نجد اللي لهم كل دوره
أخوان نوره ياغشا الجو غيمه = واستملست والأرض حميت صخوره
لالا بهاء مايقبلون الهزيمه= أن حل محضوره وزادت خطوره
ما ترخص الدار العزيزة بقيمه = محروسةٍ من كل شر وحضوره

[بهلول الزميلي]

علم الحياة
درست في درس الحياة وتعلّمت= وكسبت خبراتٍ بهن كود وعناد
تجارب الأيام به عمت وصدمت= درست درس ومعظم أدروسنا جهاد
عاصرت أنا الأدوار يامى تأقلمت= جربت زين وشين وجربت الإنكاد
أنا ليا شاموا هل الطيب له شمت= وهل الردى يا صدروا صرت ورّاد
يا بن أدمٍ لو دمت بالعيش مادمت= غدر الزمن جلاد والموت قدّاد
لا تقول أنا وهمت وإلأّ توهمت= تراك مدّاد على متن مدّاد
مهما يطول الوقت ومهما تفهّمت= العمر رحلة والقبر بأخره ماد
ما ترحم الأيام مهما تألّمت = ولا أحدٍ يغيثك من الأقارب والأجداد
تفهّم الأحداث يا فهمت وعلمت = وين الذي قبلك بهاء حاكمٍ ساد
راحة به الأيام ممشاه في صمت = رحلة سفر ركابها ما أعتقد عاد
لكن اتعظ وسجد لربك ليا قمت= يافات ثلثين من الليل لك زاد
تلقاه في وقت يجي زمت في زمت= يا من مرسال الزّمن جاك هدّاد
ومن العرق فيهاغرقت وتلجّمت= والشمس حره يصلبك صلب الأوتاد
وإيست من طرق النجاة وتحطّمت = جاك الفرج وثم أنفرج كل ما كاد
نتايج اللي أسلفت به فزت ورحمت = ماهي برحمة عيد وفزعات عوّاد
هداك ربك لنجاة وتكرّمت= لنفسك وجسمك يارقد كل رقّاد
لا بد من يوم لنفسك بهاء لمت= وتسكن بدار لا ونيسٍ ولا زاد
تجلس عظامك نيم لو نمت ما نمت= ترقد بهاء أمداد وأمداد وأمداد
والخاتمة لحكم القضاء وأمره أسلمت = تمشي ضعيفٍ له ذليلٍ ومنقاد
أما بنار وااللهب يكتمك كمت = وإلاّ بجناتٍ لكم حور وإسعاد
وأنهيت ما لخّصت وما فيه سلّمت = لكم وشرواكم بهن نصح وإرشاد


= شعر / بهلول حمدان الشمروخي

[بهلول الزميلي]

أخواني وخواتي الأعزّا حفظكم الله نعتذر عن الإنقطاع غير الإيرادي متمني لكم دوام الصحة والعافية0 ويليكم المشاركة:
قم سو فنجال على مي صافي


قم سو فنجال على مي صافي= ياشوق من قرنه به الطيب مرشوش
كيفي ليا قلط ثلاث الهدافي = بيض الدلال اللي بهن دق ونقوش
فنجالهن يشبه لدم الراعافي= في مجلس من غالي الزل مفروش
بحضور ربعٍ بالمواجيب تافي= عز الضعيف اللي عن الحق مكروش
وليا حصل سترٍ وقوتٍ يكافي = والله ما غبط اللي يحوش الذهب هوش
هذا وديان الرجاجيل لافي = عن الموت ما يحفظ حراسات وجيوش
أيام دنيانا قصارٍ عجافي = ما حي إلاّ بالقدم داشته دوش
دنياك ما هي دايمٍ لك عوافي= تقفي كما قفّت على بلير والبوش
عجفٍ سنينه والليالي مقافي= كم شيخ قوم بين الأنياب منهوش
لا بد ما تسفا عليك السوافي= وترحل من الدنيا بلا مال وقروش
فوق المتون معممٍ باللفافي= ما تشوف من حولك ولا تحس بالنوش
وتسكن بدار مسكنك بنجعافي= تترك كما عظم على المرح معروش
كم خيّر من سكرت الموت غافي= من عقب ما هو للمناعير مدهوش
ستر العذارى لابسات الغدافي= يوم البنادق لفظهن ملح وقفوش
ولا أحدٍ من الدنيا خذا الحق وافي = والرزق ضنك وبين لاكش وملكوش
يا الله لطفك يوم يبس الأشافي= بأيام لا تملك هزايم ولا هوش
والأرض طوية مثل طي اللحافي= في ماقف من هوله العبد مربوش
بيوم من السيئة تذل وتخافي= تمشي ذليل خايفٍ قوتك فوش
ساقوك مثل سوقهم للخرافي= بأيديهم أسواط تموش الجسم موش
مستسلمٍ تمش بليا كتافي= وعن الشمس ماتظلل عماير ولا عروش
وأنهيت ما برمجت وختمت قافي= بالورد والعنبر وعودٍ حبشوش
تهدا لكم ياهل النفوس العافي= وصلوا على خير البشر نقوت الغوش



= شعر/ بهلول حمدان الشمروخي

[بهلول الزميلي]

الفنجال
يا مسوي الفنجال خص الأجاويد=فهود الرجال اللي لهم قدر وفراش
اللي بهم فتل وصدرٍ وتوريد=حماة الظعن يادوبح الخيش ونحاش
أن صار به كرٍ وفرٍ ولقاء كيد= لمع المهند بسلّته لمعة أفلاش
يمشي بهم سيد وياقف بهم سيد= أن صار في تال الظعن صوت لولاش
وكثر الصياح وثار صوت البواريد= يوم الشجاع من العدم والسطر شاش
يا جوك غبران الأوجيه النواكيد= تحري وتذري ياخدم النذل واللاش
اهل الدلال المكرمات البغاديد= سخاف الوسوط اللي تلامع تقل شاش
بأرباعهم تلقاء النشامى تقل عيد=ناسٍ حضور وناس يمشون مغباش
وياهبة النكباء ليالي جويريد= ومن الهوى ينزل تقل ثلج ورشاش
ترخص حلاله لرجال الصناديد= بصحونهم يلقاء مفاطيح وأعراش
وترك رجالٍ لرجوله مناقيد= هلوس الرجال مربية حدب الأكباش
على الطمع تجي عطاشٍ مواريد= رجالهم عبد للأموال حوّاش
يبيع بإيصال والأقساد تسديد= وتجارته بالسوق حلتيت وقماش
ماخص به زيدٍ ولا قول أنا عبيد= أخص من يقبض ثمن جودته كاش
ذكرت ما شاهدت بالعين تحديد= ماهو خبر رجلٍ عن الشين نقّاش
وأستغفر الله كان بالقول تزويد= أن كان لاحظتوا بهن زود إغراش
العمر يقضي والليالي سراميد= لوعاشن الأيام ما العمر به عاش
أطلبك يا مكرم نما ناتج الغيد= يا الله حسن الخاتمة عند الأقراش
وصلوا عدد ماتطلع الشمس وتعيد= على محمد عد ماطش طشّاش

[بهلول الزميلي]

طي
عسى المطر يسقي شوامخ جبل طي= يضفي على روس الجبال المنيفات
دارٍ به الإكرام لعرضه تلاطي= على الجبل يضفي جميع الممرات
مداتهم من المال ماهو ورق طي= طبع لهم بعسر السنين القديمات
عاشوا بجبل طيٍ وماتوا بجبل طي= ولاذم خلق الله بحور ومحيطات
لهم كفوف بغالي المال تسطي= له سطوتٍ تنفد رصيد الريالات
غزل الكرم بيته من الجود منطي= نطوه ناس ينطحون المهمات
وحاتم عطاء من قبل الإسلام يعطي= قبل نزول الفاتحة والتحيات
الفايز الأول ماهو خرط خرطي= يقال راع الأوله فاز بالذات
مايقارن اللي بالعطاء قبل مبطي= له شهرتٍ ضفت بعيد المسافات
أيه واللي من زايد المال يعطي= لا تقارنه من سابع المستحيلات
من زاعمه بالمد يتعب ويبطي= مهما عطاء مع مد حاتم هلالات
لكن البشر صحايفه تنطوي طي= وتاريخهم يبقى رصيد السجلات
تسمح لبعض الناس ياصار مخطي= وبعض البشر خطاه يبقى ولو فات
وبعض البشر يركب على الخيل ملطي= عليه محسوب الخطاء عشر مرات
مهما تكلم في كرم حاتم الطي= وذمه لشبل قبل الإسلام به مات
ماهو حكم قاضي ولا نظم شرطي= مثل الذي على الصخر يزعج أصوات
طيارته في مدرج الأرض توطي= مهما أرتفع ماله وقود ومطارات
تأقف وتجثم فوق سود الجنوطي= ولاله موظف خدمةٍ ولا محطات
ولاهو الممثل الأبته يوم يخطي= أخطاء ومن ربعه يجودون ميئات
يامن قريت النص وفهمت خطي= الذنب له توبه ولناس عفوات
تر الخطاء يغفر والأجواد تعطي= أفهم مقاصيدي وخل النعارات
قبل من الجهال يقال يا ---= شوري تراجع وأقصر الرجل خطوات
يطوى الملف وفيه الورق ينطوي طي = وتموت هفوات البشر والخرافات

[بهلول الزميلي]

أخواني وخواتي الأحبا نعتذر عن الأنقطاع غير الإيرادي 0
ونقدم لكم هذه القصيده لعله تحوز على شيء من رضاكم حفظكم الله
الضرس

يا قلب بهجمات الهواجيس قم وأرس= رسي الجبال اللي على الأرض نافه
أقر من الأذكار ما يحرسك حرس= ولا لا تخف مع ناس يربك خفافه
وخل القلم ينساب بملون الطرس= وتابع خبر علم الحدث والصحافه
من هاجس يا دق يرسل تقل مرس= يا دقه المأمور وقت أنصرافه
ينشر حدث بأحداث من واقع الدرس= بكلمات تشفير خفيفٍ جفافه
وترك مجالس من تغرس المرض غرس= خلك عنه ذيب تزايد هرافه
المجلس اللي به هل الطيب تنقرس= ماهو لنا ياريف من به نحافه
أخاف من فيروسهم يفرسن فرس= وتكسب مرض حقدٍ وحسدٍ وأفه
من مسهم يصيبن المس بالخرس= ولأ سمع ندى من قال رايه وقافه
بعض السوالف خافقك تمرس مرس= مرس المريض اللي به السقم لافه
والضرس كان أوذاك قم وشلع الضرس= عضواً تسرطن ما تلفه لفافه
ومن المرض يترس عضا خافقك ترس = ويحدث بداخل صدر جسمك مخافه
كم من شجاع باللزم صاربه قرس= وكم جاهلاً سد اللزم باللاقافه
أبعد عن اللي بالمجالس لهم هرس= لو كان بالمجلس رجالٍ تعافه
أشرف نبا حيد معمرد تقل كرس = عنه النوازي مدبحاتٍ شعافه
تنسى هواجيس الضحى ومجمع المرس= وتطوف مثل اللي مع الوقت طافه
والغرس تعرف جودته يأثمر الغرس = ومن ذاق لحم الريم يترك ضعافه
والخاتمة ختمت قافي على الطرس = بأزكي تحيات الأدب واللأطافه

[بهلول الزميلي]

الرشاد
سج القدم بأرض عطوره رشاده= مادام تومي بك ذعاذيع الأنسام
بنبت عبيره طلعة الشمس ساده= وأرضه قفر ما تشوف به زبل وقمام
تشغل بهاء نفس له السهر عاده= من مركز عمم على كل الأقسام
يا الله تجعل سهرنا لك عباده = نسجد خشوع لك مصلين وصيام
يا من بعض الناس واصل رقاده = ونسى فضل ربٍ هدانا للإسلام
قمنا وظلام الليل سادل سواده= نسجد على كفوف الأنامل والأقدام
من لا يـبـيّم مربحه في مزاده= يا من هذا قام وهذاك به نام
تجارة الأيام ماكثر كساده= خسايره ماتـنـتـعدد بالأرقام
أكثر لسفر نفسك من الماء وزاده= قبل الرحيل وقبل ماتلف بالخام
حيثك على رحله قريب بلاده= وسكنك بداره ما يعدد بالأيام
تبقى بهاء ويبقى لجسمك رماده= وتشوف ما قدمت في ماض الأعوام
ولا تعاند الأقدار وتكثر عناده = ركايبه تمشي على الموج درهام
والوقت يفرض منهجه واعتماده = ماهو على كيفك يجي خير وأنعام
كور التّرافة لا يغرك شداده= لا العمربه يدوم ولا العز لك دام
وتطيح مثل اللي تقـنطر جواده= بوجيه قوم توفي الدين بحسام
رمح الزمن لابد يطعن حداده= لا تقول أنا بيتي مسرمك ورخام
مهما تهوم الوقت يطول ماده= وسود الليالي تسحب النّاس قدام
والوقت غصب منك يأخذ سداده= ومضاربه ماتـنـتـضمد بالأجسام
ما تنفعك ناسٍ لهم به سياده=ولا ينفعونك من غدوا تقل خدام
كمٍ وكمٍ مات مكمل مراده= وكمٍ وكمٍ من ملوك وحكام
ساقتهم الأقدار وللموت قاده= كما نظرنا قودت البطل صدام
تولته قوم يشرر زناده= يا ما أشنقوه وطاح ومن طاح ماقام
من عانده وقته بالأيام أباده = مثل ماباد الوقت سالم وهمام
دنياك يامشكاي صعبٍ جهاده=والوقت يفرض منهجه بنعف وحكام
والخاتمة عسى الختام الشهاده= يامنّهم ساقوك لساحات الإعدام
وشالوك من بيتك بعنف ونكاده= كما يشيلون الجلب لسوق الأغنام
هذي النهاية وبالليالي زياده= وعليك محسوب الخطى وفعل الأجرام

= شعر/ بهلول حمدان الشمروخي الشمري

[بهلول الزميلي]

نمرض ونطيب وثم نمرض ولا نطيب
نواف وأن جونا هل الطيب به طيب= أيقف لهم ورحب بنفسٍ بشوشه
وقدّم من الماجود بلطفٍ وترحيب= وأحذر كلامك لا يجي به حروشه
أجعل لهم بين الضلوع المحاديب= مكانةٍ وبالعين تفرش رموشه
وخلك كما حيد تحفه شناخيب= حرش اليدين النايشة ماتنوشه
المرجلة عدٍ وروده جواذيب= يوم الردي يظمي وتظمي طروشه
والنّاس طبعه تذكر الطيب والعيب= يحكون بنقوص عليك أمخشوشه
والحكي شوك الكبد يخطيك ويصيب= ويعيّب السلعة خفايـف كدوشه
وتر الكلام الزين زاد المعازيب= يجبر عظم جسمٍ بدابه هشوشه
أبيك من اللي ينطحون المواجيب= يوم الغني يفخر بماله وبوشه
ودنياك ما دامت لنوحٍ ولا شعيب= والروح طير وكل طايش يطوشه
ولا كل غزّاي يجيب المكاسيب= والعمر لابد المنايا تحوشه
نمرض ونطيب وثم نمرض ولا نطيب= مهما تهوش الموت محدٍ يهوشه
تقفي بنا سفن المنايا جناديب= ورصاص رمي الموت يلفظ قفوشه
يا الله يا اللي تعلم السر والغيب= لا تحيجنا للعفن وزايد قروشه
وتجعل لنا في جود جودك مقاضيب= يا مدبّر السقّاء بوردة عطوشه
والخاتمة ختمت قافي بترتيب= بأزكى صلاةٍ مانزل من رشوشه
=شعر/ بهلول حمدان الشمروخي الشمري

[بهلول الزميلي]

بغداد ضاعة والمعوفي يعوفي
حر بداخل مغلق الصدر نفّاض= ما يخفضه برد الهوى والشفوفي
أحس به ينجض معاليقي أنجاض= أفتح جيوبي ولا يبرّد لجوفي
كنّي قريص ناتشه ناب عضّاض= وإلاّ غليث شاف برق الصيوفي
أسهر مع الساهر ومع البرق يا ناض= وخيل برق تال غيمه ردوفي
عسى على عذفاء ومسعود يا فاض= مدهال ربعٍ يكرمون الظيوفي
ربعٍ ليا جيته تريّض وترتاض= بمشودحاتٍ ينطحونك صفوفي
عسى بهم من ساير الناس معتاض= ربعي ليا ضعفت مماسك كفوفي
ببيوتهم نرتاح والصدر ماغاض= كنّي بربيع وكل عشبه تشوفي
سجات لحظات الضحى تجلا الأمراض= ياصار بك ضيق ونفسك عيوفي
تطرق نظر عينك سهل كل معراض= بأرضٍ بهاء قبلٍ تشوف الخشوفي
تفضات بال مع صحاصيح وفياض= تسوى حيات مجمعين الألوفي
فوق أسرد ياكضّه الجور ماراض= حاشات هملول صفير البلوفي
توايره من مصنعه مابه إقراض= يزيح عن طرقه شطير الحيوفي
بأرضٍ بهاء طير الحجل والقطا باض= والوضع يسمح ولا تحكمك ظروفي
ننسى هواجيس به الصدر يغتاض= برفقة قروم لك عزازٍ تروفي
ومشاعر من شاعر بالشعر هاض= وزلات مثلي عند مثله تطوفي
لو طالة المدة به البال ماغاض= مخلوف وماتبذل عليه أمخلوفي
تقضي به أغراض وتمضي به أغراض= قبل الليالي لاخر العمر توفي
وإلاّ الزمن يحكم علينا بالإقراض= ويقودنا كما يقاد الخروفي
يمر كما مرت جوادٍ بمركاض= أوطيف حلم في منامك يطوفي
ننسى علوم مروجة علم الأرفاض= لا مصدره واضح ولاهو أمعروفي
وكالة أنبا من الجزيرة بالا الفاض= منقول ماهو موثقٍ بالحروفي
وينسب مصادر مصدره مصدر إعكاض= قال أعتمد والطرد وسط الزروفي
هذا قتيل ميّتٍ تحت الأنقاض= وهذا لبس ثوب الطواعة يحوفي
عاثوا بهاء فساد شينين الأعراض= سود العمايم ملفلفين الكتوفي
والخاتمة صافي نهر دجلة أنخاض = بغداد ضاعت والمعوفي يعوفي
= شعر / بهلول حمدان الشمري

[بهلول الزميلي]

بالبطاقة سعودي
خذ الخبر مني ملخص بقرطاس= وبصمة بهامي وبالبطاقة سعودي
من دولةٍ بالمملكة حكمهم ساس= ما هو خليط من العجم والهنودي
حديدهم ما خالطه صفر ونحاس= من الصافي البالوذ ساس الجدودي
وحنا السّعوديـين ما نقبل البأس= حتى نموت وننقبر باللحودي
نصبر على جور الليالي والإتعاس= كما صبر صخر الصخر من الحيودي
ولنا الشرف بحكومةٍ ترفع الرأس= تدوس من داس الوطن بالزنودي
أخوان نوره يا اختفاء كل هلاّس= تبيـن ليا أستسلم خطات الشرودي
أن صار حرب وضرب للبيت حرّاس= وناره جماجم روسهم له وقودي
سربة هل العوجاء ليا دق الأجراس= ما تـنحني يا كود لربه سجودي
ربعٍ يعظون النواجد والأضراس= بمواقف تموت وإلاّ تسودي
وتحفظ حقوق الجار وتقدر الماس= وتفزع لمظيوم زبن للحدودي
ما تشتكي لون حرش القدم داس= ترسي كما ترسي جبال الزيودي
وإلاّ كما يرسي جبل طي وضراس= وتصبر على جور الزّمن لو يكودي
ما تـنـزل الهامة وبهم روح ونفاس= مهما جحد فعله غشيمٍ جحودي
مثل الصواعق ضربهم يشطب الرأس= وعصيانهم تقص صلب العضودي
وتجود من ما جاد به خالق النّاس= وان شح وش به يا السنافي تجودي
والخاتمة صلوا عدد رمل الأطعاس= ما نسّفت صلف الرياح النفودي
على رسول وضّح الحق لناس= شفيعنا عند أنشقاق اللحودي
=شعر/ بهلول حمدان الشمروخي

[بهلول الزميلي]

الشجرت اللي ظلها دونه إغراش
المرجلة ما هي تجي بهون وبلاش= إلاّ بذل كف وعطا مال ونفاق
تبي كريم مقدم الوجه بشاش= دايم على فعل المواجيب سبّاق
بصياني يجدع بهن حيل وكباش= يقلط عليهن من على الطيب مشتاق
في مجلسٍ به زل ممدود وفراش= عليه تجلس مزبنة كل من ضاق
بمواقف فيه الثمن يندفع كاش= بيوم غشا عج الرمك روس الأطباق
ببيت مبرهج يدله كل هتّاش= في مجلس والعجل من جاه ينعاق
وتلقى سوالف شايب تنعش إنعاش= سوالفه عند النشامى له أذواق
شهب نواصي جبهته بيض ورباش= من كثر ما تشرق بهن شمس الإشراق
من لابةٍ رجالهم كل ما هتاش= يسكر سطر زومٍ ويروق يافاق
يوحش قباله بساعة الضيق ياشاش= مثل الجنازة لطوابير صفّاق
به فعل من هو قاد قوات الأحباش= بالسيف لرقاب المناعير حلاّق
له هدت تأخذ به الخيل مكداش= وله قيمت يمشى بهاء لعتق الأعناق
ولا هو لغرات الأجاويد نهاش= وقت الرخا مثل العسل كل ما راق
والشجرة اللي ظلها دونه إغراش= حر الهجير أخير لو يحرق إحراق
والمجلس اللي يزحمك فيه وشواش= مالك وماله والسّعة تعطي أرناق
وأن ضاق صدرك وصار بالفكر خرباش= تر بالسّعة تفضات بالٍ ليا ضاق
برفقة ثلاث صافياتٍ تقل شاش= من السوق تأخذ له من البن ما لاق
يافاح ريحه ينعش الخاطر إنعاش= وبهارهن من ناتج الهند وعماق
يغدي خوى رأس على البن منداش= بحضور ربعٍ واقفينٍ على ساق
ينفض هجوسك نفضت الريح لقماش= يوم الحبيب لمدمج الساق سوّاق
يحطها من بين جفنه ولأرماش= ومهمته يدوج به وسط الأسواق
عزك لنفسك لو ظلالك من أخياش= ولا بالعلياء لك محلات وشقاق
وابن أدم للقبر ما يملك وحاش= عليه فتحات اللحد تغلق إغلاق
والخاتمة صلوا عدد رش رشاش= على رسول علّم النّاس الأخلاق
= شعر / بهلول حمدان الشمري

[بهلول الزميلي]

البوك
أحضر البوك المسطّر لازمي= دام بركان الضمير يقدده
دام شعري مستعد بلازمي= وكل شعر ماهو جزل تـنقده
هجس خفاق الضمير إيلازمي= بالضلوع المهدفات محدده
حاكمه حكم الضعيف أملازمي= والحراسة رافضه لتودده
خازمه خزم السجين الخازمي= وكل حكم ينتهي له جدده
يا رفيق الدرب شبل الحازمي= بقارمن جنوب ندفا حدده
جهّز نفسك لسفر في لازمي= والإجازة يا انتهت بك مدده
يا السنافي سوق جيب أبلازمي= للزوم مكرّجه ومشدده
الوعد لاجيت رجم العازمي = في شمال المحص طيرك هدده
نطرد الهوجاس واللي ملازمي= وكلبشه في مبهمات مزندده
وكل مال ما يسد اللأزمي= ذاهب بالريح واللي عدده
والزمن لنّاس هذا بازمي= بازمن لك كل كف مكدده
غالبك لو كنت رجل أمهازمي= يا حضرلك كل دينك سدده
ياحضر عند النهاية جازمي =سفّرك في رحلةٍ ما ردده
وبالنهاية تنتهي جوازمي= والله اللي كل شيء يحدده
=شعر بهلول حمدان الشمري

[بهلول الزميلي]

الشاهد


أشهد شهادة شاهدٍ شاهد الزين = شاهد مشاهد مع شهودٍ شهدها
قضت حياة البادية وين يا وين= ومشيك على فجوج وساعٍ جردها
يوم أن قالوا تالي الليل ما شين = لأرضٍ نباته تو حامي جهدها
تشاوروا بالراي بين العشاوين =وقالوا لراع الضان من الليل قدها
تروا المسير نقدّره بالاسبوعين = لكن استعدوا لرحيل ونكدها
وقامت عجوز البيت تعقل البعارين = تثني خفاف الزمل وعقله بيدها
من الثلث الأول وأكثر الناس نيمين = شدت وحافة ما هنت في رقدها
وصاحت على عفر البنات المزايين = صخاف البطون اللي صغارٍ نهدها
تقول ضابط صف بين الفصيلين = ياخذ بهاء عاز ويضبط عددها
وفرن كما فرت قضيب الشياهين = نجل العيون اللي صخيفٍ جسدها
هذي تخم الشيل يسار ويمين = وهذي تحزم المنتثر من وهدها
وقبل طلوع الشمس والبدوا ما شين = بيوت تقل ماكن رفعت عمدها
غدا عجاجه مثل لون البراكين = وزاعوا كما غيم تحدّر رعدها
وطوّل به المرحال وزعلوا هل الضين = يوم الغنم بالمشي ما أحدٍ حمدها
ما ينزلون إلاّ عقاب الصلاتين = يرضون ناس وناس يكثر لهدها
يتلون براّق سرى له شعالين = رخم المزون اللي تراكم بردها
نبت الخريف اللي به الفقع صنفين = من فيض هطّال غشينه هجدها
ثم أنزلوا وقالوا ترونا مقيمين = ناكل نباته والحلال يحصدها
نرعى ثمر نبت غدا فيه شكلين = بأرضٍ دمث بين الرمال وجلدها
أكيد حالة تعب لكن بهاء زين = يعالج مرض عينٍ تراكم رمدها
ماهي نفوس مزمن ضغطه أسنين= حيات بعض الناس وزحمة بلدها
على فعل شين وبعضه ماهو شين = قلوب تضم الحقد ويمرض حسدها
وين الرجال أهل الشيّم والقوانين= مثل أبن سويط يوم يذبح ولدها
من شان صيحة جارته قال هال حين= نادى حمود وكتّفه له بيدها
أوفى بهاء دين ودين بهاء دين = من خوف نقّاد بهرجه نقدها
هذا الوفاء ياهل الوفاء يالوفيين = وهذي النهاية والجواب أعتمدها
= شعر/ بهلول حمدان الشمروخي الشمري

[بهلول الزميلي]

الهاجس
الهاجس اللي بالمعاليق دوّاء=زلزل براكين الضماير رعيده
نسهر مع الهوجاس وبالصدر سوّاء = أحدث جروح قام ينزف صديده
شقق معاليق الضماير بقوّاء= بحد الرماح مرهفات الحديده
جسم المحب نبت عذوقه تلوّاء= جفت جذوعه والصخاني شديده
في تالي الكنّة من الحر ذوّاء = أبعد ثرى قاعه وسفسف هميده
كنّة مزونه وسبل نبته تزوّاء = والراعي أخلف شربته من لبيده
يشدا جسم هرش من الجوع خوّاء= الرعي والماء ما سلكهن وريده
كن الحرايق داخل الجسم ضوّاء = بالجوف نار تشتعل به وقيده
على الذي هلا ورحّب وقوّاء = فتح بريدي يوم أنا أغلق بريده
ودي بهاء من بد بنات حوّاء = لكن مديدي مخالفٍ عن مديده
أصد وغضي عن جديد الفتوّاء = عن شوف نوار الفياض الجديده
زوله كما زملوق عشبٍ تروّاء = عليه رذاذ الديم يمطر مزيده
مامن حكم يصدر نظامٍ يسوّاء= يوم المحبة شربكتها المكيده
راع الهوى مثل الفطيم يتغوّاء = وشكوى لغير الله ماهي له مفيده
البعد بديارٍ فجوجه خلوّاء = لعل تنسيك السهال البعيده
عن مايهين النفس خلّك تنوّاء = بعد الديار ولا الحيات الزهيده
اكفخ كما حرٍ كفخ له بعوّاء= تل السبوق وطار حين أتهديده
وأبعد عن اللي يوم يزجر بقوّاء= حمرٍ عيونه حين ينفخ وريده
خلّه وخل اللي بفيّه تهوّاء = مثل الذي يجمع بجحره رديده
احسن منه عشب وغداكم مسوّاء= برفقة عيال الكل منهم وليده
تسوى حيات المملي اللي تحوّاء = تقل احتياطي البلد في رصيده
وختمت ما برمج ضميري وسوّاء= بأزكى صلات مالفح من جريده
= شعر/ بهلول حمدان الشمروخي

[بهلول الزميلي]

الرمح بنحور المعادين ركّه
هات القلم والبوك والشعر زكّه= عن ناقد يقول ما الشعر مازون
من هاجس شك المعاليق شكّه= يرتاح يوم وعشرة أيام مشحون
يا دار دولاب الحشاء وستدكّه= يلطم غثا سيله على رأس زعنون
ياخذ مع الأشعار دكّه ودكّه= بـين الجديد وبيـن اللي قبل مخزون
يا الله يارافع حجر بيت مكّه= ويا سامع اللي بالمساجد ينادون
تفرج لمن قلبه غـثا الوقت حكّه= حكة حديد بالمخارط يحكون
من قول قولٍ سامع القول شكّه= وليا سألته قال هو مالك أعيون
يلملمه من دار حيفا وعكّه= أكذوب تنقل وقول قولٍ يقولون
أبعد عنه مع كل طرقٍ وسكّه= وأجلك ورزقك عند الإله مضمون
ماهو لزوم فوق متنك تعكّه= تصبر على غثا الردي وأنت مغبون
وأن ما حصل بعده ولا منه فكّه= وحفر بكبدك جرح ماله يداوون
صكّه على مقدّم الوجه صكّه= أن كنت تقدر وأخر العمر مدفون
الرمح بنحور المعادين ركّه =بصدور من هم للعواجة يحبون
ولولى الخطاء والعوج محدٍ يدكّه= والسيف لولى حاجته مايشيلون
وأبن أدم من الموت محدٍ يفكّه= والروح طير وال كل طيرٍ يصيدون
وأن ضايقوك أعداك ودنياك ضكّه = أزبن على حصن عن الضيم يذرون
عين العدو كان أنت قدرت بكّه= لا تقبل الذلة ولا تعيش بالهون
وصندوق صدرك للعدى لا تفكّه= وأحذر عيال العجز لقفله يفكون
خلك كما باب صدى الوقت صكّه= تر الرجل صدره على السر ماعون
والخاتمة صلوا على نور مكّه = عدد حجيج البيت ومابه يطوفون
= شعر / بهلول حمدان الشمروخي

[بهلول الزميلي]

خوف الرجل من الذل طيب وشجاعه
خوف الرجل من الذّل طيب وشجاعه = وعزّه لنفسه نعـتـقد سيد الأطماع
بعض المخافه عز نفسٍ وطاعه = عن كلمةٍ من خامل توجع أوجاع
والنفس معنا يا السنافي وداعه= وأحداث دنيانا ولو تكتمه شاع
ما كل مال تكسبه لك طماعه= ونوب الرجل عيشه على روس الأصباع
المرجلة لأهل الرجولة بضاعه= هي رأس ماله وسمعته ريح نعناع
يوم الردي يخفي معالم شراعه= ويمشي ولكن ما تقل يلمس القاع
اللي من اول ما تجيه الجماعه= عن منزله تقفي بك الهجن بإسراع
يجلس مجالس محتمين البضاعه= فهود الرجال مطوعة سبع الأسباع
يومٍ عجاج الخيل يكتم شعاعه= خطو المشورب في محاس الرمك ضاع
كم شيخ قوم قاطعينٍ نخاعه= لهم شجاع القوم بالكون مطواع
تحشم سواعد لحيته من ذراعه= شرا الكرامة بالثمن ولردى باع
وإلاّ الردي يعيش عيشة لكاعه= بحيلات وكذوب ومغشات وخداع
كما تشوف السبع خلا البتاعه= عاف الفنادي والشوايا والأضلاع
يعيش عيشة ذل وخوف ومجاعه= وبضلوعها يكتم غلا الزاد لوجاع
نعيش في دنيا غثيث متاعه= سبب لنا سكر وضغط بالأجماع
لكن لهاء مستسلمين بطاعه= من خوف لا نذهب كما الثلج لا ماع
والروح نجهل وقفته وانقطاعه= رحلة سفر ودقايق قبل الإقلاع
والعود له ساعه ولطفل ساعه= وقبلك وبعك مرجع الناس للقاع
=شعر/ بهلول حمدان الشمروخي

[بهلول الزميلي]

يا الله بسيل يابس الأرض دشه
يا الله بسيل يابس الأرض دشه=دشّة شعيب فايضٍ مع عواريض
يسقي ديار قاطع الغيم طشّه= جذوع الشجر من جاير الوقت به بيض
وصلف الهبايب من العواصف تمشّه= تقل الرياح المرسلة نايشه غيض
جواري الأيام كلٍ تغشّه= ولا ينتعدل جور الأيام يا معيض
يا الله عسى شر الليالي وغشّه= بعد النجوم الساريات اللواميض
هواجس الأحداث بالناس غشّه= خشة نعاس غمّض الجفن تغميض
دنيا على روس الأوادم تمشّه= تلعب طرب وجسام غيره مماريض
مكاويه في حامياتٍ تهشّه= سود جروحه والمكاوي مناجيض
جيلٍ تنمي به وجيلٍ تحشّه= تلحق على طول الزمن بالمراكيض
سمّه وحسده بالأوادم تفشّه= مهما صفن مشاربه لك مخاويض
تضحك بوجهٍ لك ضحوك تبشّه= تمنّيك بوهام وتخفي ملا حيض
تقطع وتأصل وكل ساقط تلشّه= ولا فوضت غيره بالأنجاز تفويض
كوارثه سحب على النّاس رشّه= تمطر ولوهي بكنّة الصيف والقيض
رمحه مسمم قاتل في مخشّه= عليه من لحم المعادي لعافيض
= شعر/ بهلول حمدان الشمري

[بهلول الزميلي]

يالله عسى مزناً

يا الله عسى مزنً نشاء له هماليل= يمطر على دار جفا الوقت ضافيه
توضي مقاديمه وغيمه تقل ليل= مقادمه تضحك وتبكي تواليه
هطّال همال على الأرض له سيل=يسقي شعيب ممحلاتٍ سواقيه
يمطر على شهب الدايار المماحيل= عقب المحل تخضر جوانب نواحيه
ويزهر نباته بالسهال المقاحيل= صفرٍ نواويره وزرقٍ مكاسيه
مثل الخضاب بكف شقرا مجاديل= بحفله خطوبه والأقارب تحاضيه
يصبغ على اللبه زهوره تقل نيل= ويضفي على الشامات واللي حواليه
ينثر عبيره فايحٍ فوحت الهيل= رذاذ هطّال المطر تو مسقيه
ويرتاح من كان الدهر ضاغطه حيل= عليه جار الوقت وضاقت مساعيه
صفت يدينه والليالي محابيل= وعظ الزمن نابه وكضّم بشافيه
واللي يحب البر يأخذ تجاويل = تجوال صيد بالديار المهاميه
يشغل بهاء صدرٍ همومه تجي هيل= طراوته زلّة وكثرت مشاكيه
حمّل عليه الوقت شيلٍ على شيل= لو زان يوم يشكي العمر تاليه
يا الله يامهلك جماعة هل الفيل= يا ناصرٍ موسى على اللي معاديه
تفكنا من شر حقد الرجاجيل= زين النباء وعظايم الشر يخفيه
وتجعل لنا حظٍ قويٍ عن الميل= أن سمّرت على الرجال المناويه
يا حيل من لا كان بالناس له حيل= يا مخرجٍ يوسف من الجب لابيه
يا مكلّف برسالة الدين جبريل= على صدر من أمته تقتدي فيه
عند الحساب تخف عنا المثاقيل= يومٍ به المرضع جنينه تخليه
والشمس من روس الخلايق قدر ميل= حساب وعذاب وزايد الحر يكويه
حفيا وعريا لا شرابٍ ولا كيل= ولا من صديق تشتكي له وترجيه
في ظل عرشك ظلل الرأس تظليل= في ما قفٍ كلاً بمافيه كافيه
وتمّت وختمت القيل يا متابع القيل= صلوا على اللي في كتابه مزكيه
= شعر / بهلول حمدان الشمروخي

[بهلول الزميلي]

الرحلة
قال الذي لمروج الهرج ما طاع = يخفي عن العالم عظايم سدوده
لو كان لكمات الزمن توجع أوجاع= لو زاد حمله يكضم الصدر كوده
يخاف من كلمه حقود بهاء شاع= بحضور عدوان تعضض نجوده
زين نباه وداخله سم فعفاع= أهل النفوس الحاقده والحسوده
مثلي يطيع ليا عرف درب الأسناع= يسكت ولو أدمى الزمن في لهوده
يصبر لو أن الضرس يحتاج مقلاع= من خوف ناسٍ لا يتدخل حقوده
ومن كال لك بالمد له كيل بالصّاع= ومن قدم المعروف تشكر جهوده
اللي لحاجاتك ليا أحتجت لك فاع= جازه ليا حد الزمن في عضوده
أشر الرجال أن كان ولد الردي باع= بنوك رصيده ما تعدد نقوده
تذري ليا هبت هبوب بلا أشراع= تصد عنك اللأزمة ما تكوده
هذا وما تاجرت في سحت واطماع= نفسي تشوم عن الردية وزوده
وزاد ماهو لك لا تنوشه بالأصباع= المي يوذي غضرمه من ركوده
وإذا دفعك من ضيقة الصدر دفّاع= سج القدم بأرضٍ بعيدٍ حدوده
بأرض خبير القار ما قاس له قاع= حمر الدّيار اللي تهايل نفوده
جزرة ضما يا شاف معالمه ضاع= يضيع فكره والمخاوف تسوده
فجوجه وساع والمخاوف به وساع= فيه الردي غيابه يساوي وجوده
شمّت هوى الغربي ليا هب ذعذاع= وريح الديار اللي كسا النبت عوده
يغدي هواجيس الضحى هي والأوجاع= نبت الديار اللي الحباري تروده
نشغل سجين نسجنه بين الأضلاع= والعمر مهما طال يضر زوده
برفقة عيال كلما قلت له طاع = بيني وبينه ما تعدد جدوده
ربع مشوا لك متر قم وامش له باع= قبل الليالي تقلب الوجه سوده
قبل الزمن ورحلات الأيام بسراع= ومن قص منا تذكره ما يعوده
بالوقت لك رحله ولك موعد أقلاع= احسب حسابه قبل مظلم لحوده
قبل صلاة مصليه قبل ملتاع= صلاة مابه ركعةٍ ولا سجوده
والخاتمة ختمت ما الفكر به ذاع = بأزكى صلاةٍ عد ما هب نوده
= شعر/ بهلول حمدان الشمري

[بهلول الزميلي]

مملكتنا
يالله ياللي نعمتك مالها عد= وعليك ما يخفا خفي كل مجحود
من جود جودك تجعل النفس تستد= يا ناصر دينك على دين نمرود
وتجعل لنا حظ قويٍ ليا شد= ومن البخت يارب لاتضعف الجود
بوجهك نعوذ من الغضب كل ما أشتد= ومن شر خلقك بيننا تجعل أسدود
وعن هدت العدوان والوقت ياهد= الشر جعله بنحر الأضداد مردود
ومن لكمة الأيام وحاجتك للمد= أن كان ما أنت أعطيت ما الناس به زود
ما دام رزقك عد وبالعمر لك حد= يا أبن أدم لا تشكي النقص والزود
يالله عسى مزناً تراكم ويرعد= يسقي من البصرة ليا أجباله السود
وتعود لديار به الخير ممتد= وعن مملكتنا تجعل الضد مضدود
من البحر الأحمر للخليج وبه أسند= ويضفي مطر غيمه حصا كل جلمود
وتفرج لمن جور الزمن فيه مشتد= شد الحديد اللي من الضغط مشدود
اليا ذكرت اللي مضى ونقضا وصد= أقفة بهم عجفات الأيام بصدود
سجت بي الأفكار ضيقه ما هو ود= هواجس تأخذ بنا صدود وردود
حتى أم سالم صوتها صاربه مد= تالي طربها لاحظ الصوت ممدود
تصعد وترجع مادري ليه تصعد= يا صار رزقه عند الإله معدود
ولا إنها مستنكرة دار من شد= كما تشوف من القمامة به أركود
تشهد وأنا أشهد وأنت باللي شفت تشهد= تصحرت جرد الصحاري من العود
اللي أول ما ياصله كود الأسرد= اللي ذكر بندر بسفراته الكود
يا شاف من حدّه على الجور وحتد= تقل أن ترس مريحه ماهو موجود
طول الطراد بثالثه وطرقها سد= مسك طريقه لكن الخط مسدود
حدّه على أخر سرعته مزعل الضد= نوب يخم الخط ونوباتٍ أقدود
واكتم عجاجه ولا حصل له يشاهد= كن العجاج الأشهب اللي زمى طود
واليا أنحنت طرقه ظهر مخرجه قد= ومن الزعل مشيه على الجور محدود
داس الفجوج الجوق ومن يطرده رد= أفلس وعوّد طارده ما كسب فود
وأنهيت ما برمج ضميري وما جـد= من مخزن سوره على الصدر مهدود
= شعر/ بهلول بن حمدان الشمري

[بهلول الزميلي]

القلب
الله من قلب شقاء الوقت شاغله= كثرت هواجيسه وزادت مشاغله
أن قلت ياقلب الشقاء أترك الشقاء= دنياك هذي وكل ما شفت زايله
أرسل علي جمعٍ من الهجس ضدني= أمواج بحر مبحرٍ بكل ناقله
ثم أرغمن وخدمت غصباً وطعت له = ومشيت له مملوك وماقال قابله
يسوقني سوق الغنم لماقف الغنم = ويقودي قود الرجل من زوامله
وأمشي مطيعٍ له ومخلص بخدمته = مشي القطيع اللي من الأبل هامله
مرّه يمشيني ومرّه يردني = مع كل فج خالياتٍ نوازله
ومرّه يصومني عن الزاد عنوة = ويمنع علينا مشربٍ قبل ثامله
ومرّه يمنيني ومرّه يذلني= ومرّه يحملني وما شال حامله
ما تتعظ ياقلب وتعطين فرصه= لدار قبل ما أعضاك من الكبر هازله
وبإحداث بقعا ما تشوف وتـتـعـظ = ومن واعظٍ بالنصح والنصح قايله
قبل القضاء وحكم القضاء وماقف القضاء = لياحاكموك بكل ماضم فايله
كم حاكمٍ قبلك حكم ملك دوله = رحل وماله بمظلم القبر بادله
أعمل بدار قبل ما منه ترتحل= لدار وقول القبر أدنا منازله
ما ينفعك يا شلت ومشيت لسفر= واجهت معبودك والأفعال خامله
هذا خصيم لك وهذا يحاسبك = وجوارحك تشهد بما كنت فاعله
لكن عليك الجهد ياقلب وأتعظ = من القول يكفي كل ما قلت صامله
أعمل قبل تموت وما كنت تقدر= من قبل عدوانك على الجسم صايله
عليك تهجم وأنت مخدم وعاجز= تنهش بجسمك فاعلاتٍ مفاعله
العود له وقفه ولطفل مثله= ياركب عداد الدقايق مزامله
والروح ماتدري متى منك ترتحل= ودنياك بفراحه تمشط جدايله
وإذا حضر مندوبها صرت قدمهم = صلّوا عليك وبيض الأكفان هادله
وشالوك لبيت ما سكن فيه غيرك = إلاّ العمل قبل وما كنت عامله
هذي النهاية وأنت بما قلت فكّر = بتفيذ حكم ما أنت قادر تجادله
والخاتمة صلّوا على خيرة البشر= اللي بنصحه كل مخلوق شامله
= شعر / بهلول حمدان الشمروخي

[بهلول الزميلي]

المشراف
يا مسندي وشرف المشراف لا توايق= أشرف على المرقب اللي يجذبك قنّه
ما دمت تقدر على المشراف له طايق= ونسيم عذب الهوى يلاعبك فنّه
لا تنزّل النفس للبواق والبايق= ماتدري وش اللي ليال الغيب يخفنّه
لو عشت به ضايق يا ما من الضايق= غيرك أقدام البشر بالمدن داسنّه
أشرف برأس النّبأ لا تويق وتهايق= العمر محدود والأيام يطونّه
كمٍ وكم رجال صيتهم شايق= أحداث الأيام والأقدار ساقنّه
سيقوا كما سوقت المسيوق لسايق= سوقة سجين بنود الحكم داننّه
عليه جرم وحكم وعايقه عايق= مبهم حلاق بقدم الرجل جرنّه
شاف المهونه وحوض المر له ذايق= بتصديق حكمٍ بنوده ما يسرنّه
ما للحدث طايقٍ ولا للحكم لايق= لكن أحداث الزمن غصباً يحكمنّه
ومستقبل الوقت مجهولٍ على الدّايق= بصمات الأبهم بجرم الوقت جابنّه
مهما الزمن رايق ما قام به رايق= أصابع الوقت تقطع ما يمدنّه
لكن ليا طاف نصف الليل يالفايق= أخشع لربك خشوع وأطلب الجنّه
والحق ما هو رفيق الجوق والجايق= وأنت تعرف الحكم بين الفرض والسّنّه
= شعر / بهلول حمدان الشمروخي

[بهلول الزميلي]

عز النفوس
عز النفوس من المهونة ما هو خوف= لا عشت يارأس تربا على الكرش
أقول لو ما كنت بالنصح مكلوف= أنصح لمن تاجر بالأبخاص والدرش
أن كنت ما تاجد من المال مصروف= وهامور وقتك يجمع الفلس والقرش
وقامت هوامير الزمن تأقف أوقوف= المال قــدّمهم وهم فعلهم حرش
أسجد لرب يجعل الليف ملفوف= وردد من القران ماردده ورش
يا شال تيار الهوى كل مسقوف= وهــزّت عواصيف الغضب كرسي العرش
يشفع لكم والخلق طوف ورى طوف= ربٍ جعل طلع الخشب مجرشٍ جرش
وألا أنت تشوف ومثل ما تشوف أنا أشوف= لكن بعض الناس مسامعه طرش
ولسنه كما شذرت سكا كين وسيوف= بأيدي ستاد صاقله يبرشه برش
والناس مثل الساس والريح عاصوف= واللي فرش فرش يجلّس على فرش
واللي عمل معروف يجازى بمعروف= وعظم اللحم ما حتاج للعظ والعرش
هــدّاج تيما يزعج الجم قاذوف= ما همّه الوارد ولا أحتاج للغرش
أشرب من الصافي بحفنات وكفوف= ان كنت تقدر وترك الملح للقرش
وخل الردي عظم على المرح محذوف= فتات خرث مخرثٍ من ظهر هرش
اعطيتك الموجز بكلمات وحروف= يوم الرّدي سوالفه يمرشه مرش
هذا وانا ما كنت بالعرف ما صوف= لكن تجاريب الزمن خارشن خرش
= شعر / بهلول حمدان الشمروخي الشمري

[بهلول الزميلي]

ثلاثة أرباع المرض ضيقة البال
يا ضاق صدرك والهموم أستحلّه= سج القدم وشرف على رأس ما طال
تشغل خفوق شاغله كم علّه=بشوف الفياض وشوف أبا رواث يا سال
أضرب فجوج الأرض والنفس سلّه= ثلاثة أرباع المرض ضيقة البال
يطرد هواجيسك وطرقك تدلّه= وبوب الديار مفـتّحة ماله أقفال
خل البخيل وخل بخله يغلّه= غلّة عصا موسى على سحر من عال
على جسم فرعون ناره وملّه= عبادت الأموال جمّاعة المال
هامور مال والردى ما يملّه= يضارب بقرش وينتج القرش بريال
سوالفه ياسرع نفسك تملّه= أبضاعةٍ به كسد بالسوق ما تشال
شريط صدره بالمجالس يهلّه= هلّة غزل سدو عقب غزل غزّال
شيء صحيح وشيء ما قيل لله= ما غير ظن وكلمة الظن ما تقال
شذب الأوادم سهمت وعادتٍ لّه= طبيعةٍ ما يقبله كل رجال
أما يوصل لك هروج مملّه= يشفط هوى صوته تقل صوت زلزال
وإلاّ تعرّض للمسولف وشلّه = وحاس السوالف بزجرةٍ تقل دلال
ويا قال قول كامل القول خلّه= ما ينتعدل شيل بقعا ليا مال
بعدك عنه كيف وناسه وفلّه= مالك ومال اللي بهم خبث وهبال
خلّه وخلّه ولا تجي في محلّه= لو كان بالمجلس لكم يهدي الشال
جلوسك بذرى الأشجار وألاّ بضلّه= ولا مجلسٍ به كلمةٍ تسمر الحال
هذا حسب عرفي ولا قول كلّه= بعض السوالف لرجل سم سلال
وأستغفر الله كان بالقول زلّه = يا معرّب الأجداد والعم والخال
= شعر / بهلول حمدان الشمروخي

[بهلول الزميلي]

حرب البعيد يوحد الصف توحيد
حرب البعيد يوحد الصّف توحيد= مار البلى حرب القريب وكنينه
حرب دسوس يدوّخ الرأس ويزيد= حقد وحسد بصدورهم خازنينه
حربٍ خفي ماله تشال البواريد= أشد من حرب البسوس وكمينه
يكيد لك كيد ويرميك في كيد= يخطط كما تخطط لعمه زوينه
يحاول برجلك يوثّق الحبل والقيد= ويا مال بك جور الدهر بان شينه
ان طعتني خل السهال الجراهيد= وحط الديار الجوق بينك وبينه
تر الزمن دوّار وعيدٍ بعد عيد= وهفوات وقتك يدفننه أسنينه
الخيل تظهر كل ما طوّل الميد= والجيش يظهر طيبه من هجينه
بعد الديار ولا مريض الحواسيد= لا تشاركه بغراق ركب السفينه
حط الديار الجوق لو أنت ما تريد= من دون بيته وحارةٍ ساكنينه
ولا تشغل الخاطر بكثر التناشيد= أنفض يدينك عن مصافح يدينه
ليا صار ما ينفع لياجاك تهديد= ومزبن لمن طاح العصا من يمينه
لا تراجيه والعمر ما به ترا ديد= أعز نفسك وأرفعه لا تهينه
مالك ومال مكثرين المواعيد= الله يحاسب كل نفسٍ بدينه
لا بد يمشي سيد وياقف بهم سيد= وما داينت هتلر بدينه تدينه
عند الولي باكر بذار وحواصيد= يستافي المظلوم من ظالمينه
في ساعةٍ مابه مزاغ وتسديد= لشين شين وصاحب الزين زينه
من قاضي يقضي على كل صنديد= الخلق والمخلوق بايده رهينه
وصلوا عدد ما تطلع الشمس وتعيد= على رسول مسكنه بالمدينه
= شعر / بهلول حمدان الشمروخي

[بهلول الزميلي]

السلام عليكم ورحمة الله وبركاته جميعاً نعتذر عن الغياب الغير أرادي حفظكم الله جميعاً,
المشاركة عسى ترضي الجميع,,
الجود
بالجود لا تزعل ولو صار تنقيص = النقص من جود الرجال الكريمه
اللي لهم في سجل الامجاد ترخيص =ماهي علوم مجمعين النميمه
وسج القدم بأرض تحكمه براخيص= بيض الطعوس اللي تقل لون خيمه
أرضه غراز وبه طلوع وحقاريص =بين الرماح وبين طلعات شيمه
ضغط وجور والمطاليع تحويص= وصوت المكينه يزعجك من نحيمه
جزرت ضماء فيها تضيع الخواريص= كن المهندس به مسوي جريمه
يضيع عقل مرصص المال ترصيص= سلب الرجال اللي تحكمه حريمه
سوالفه كذب وتهامي وتخريص= صورة رجل والعقل مثل البهيمه
ولسانه كما المنشار يقص تقصيص= ماهو محمد تتبعه ولا كليمه
يقرص بحكيٍ يقرص القلب تقريص= يسمم عقول الطيبين السليمه
يا قيّموا فهود الرجال المشاخيص= اللي بهم عز وشهامه وشيمه
بسجلهم ماله نقاط وتخاصيص= وفعل المراجل يالسنافي تظيمه
ماهو مع اللي للمكارم قوانيص= يجبر بهم جور الليالي وظيمه
فيهم كرم حاتم ويوم المحن بيص= بمواقف تكسب وقار وقيمه
بالوذ من نوع الحديد المفاريص= حبس الظعن بالكون ذروة وريمه
ترعى بهم نبت من العشب تخصيص= عنه المطر ماوقف رذاذه وديمه
معهم توسع خاطرك بالمقانيص= والعمر يقضي والليالي مقيمه
لا بد من قبر به الطين تجصيص= حتى هبوب الريح يحرم نسيمه
والخاتمة سلمتك النص تنصيص= لجيل بعدنا والهليمه هليمه

[بهلول الزميلي]

الحميدي أبن كمي
دق الخفوق وبرمج القاف يا منيف= برمج وسطّر بالحميدي مقوله
أسترسل الخافق بيوت مظاريف= وأعلنت ما برمج خفوقي وقوله
برجل الوفاء والمرجلة بالمواقيف= وكان الحميدي زاركم وقّفوا له
هداج تيما ماتغيضه غواريف= رجل شهرنّه بالمراجل فعوله
من لابةٍ فعله وطيبه ماهو زيف= لهم بفعل الطيب صوله وصوله
كلاً يبي مثله ولاهي على الكيف= والمرجلة ماكل رجلٍ يطوله
ربعه على فعل المراجل مواليف= وأبن كمي به فاز جوله وجوله
رقا سنام المجد وداس المشاريف= والطيب بكفوفه رصيده ينوله
من لابةٍ يوم إنهاء ضرب بالسيف= حرب حبوس الخيل وحربٍ حموله
تشهد لهم نجد من السيف لسيف= تدوس بالديار المعادي خيوله
ستر العذارى لابسات النفانيف= حمولةٍ ياحي والله حموله
خطو المشورب في مداس الرمك شيف= وجماعته قفّة نفوسه زعوله
هم مزبن اللي حدّه الجور والحيف= يامن ويمّن ياحضروا حرب حوله
يامن بهم جور الرجال الملاقيف= ياعز من هم بالملاقى مشوا له
سويت له تقييم وعطيت تعريف= بعرفي وأنا مقصّر ونفسي خجوله
هذا وأنا مالي وراها مصاريف= يا تاج راسي يازعيم البطوله
وصلات ربي عد جري العواصيف = على رسول بالمدينة نزوله
= شعر / بهلول حمدان الشمروخي

[بهلول الزميلي]

أخواني وخواتي السلام عليكم ورحمة الله وبركاته 00 نعتذر عن الإنقطاع الغير إيرادي 0
ونشارككم بهذه القصيدة عسى تكون مرضية للجميع حفظكم الله ,,



يا الله ياللي تقيم الحال وتعدله

يالله ياللي تقيم الحال وتعدله= يا قاضي وعدلكم يقضي على القاضي
له الثناء والشكر والحمد يسندله= وله نعترف بالخطاء وأجرامنا الماضي
نطلبه عفوه ولطفه يوم نسجدله = من قبل يومٍ يكض الروح كضاضي
يغفر أذنوب من الإجرام تصعدله = وفي ما حصل بالعمل من نقص وإعراضي
والروح طيرٍ أسهومه يوم سددله = وجور الزمن والبشر له ناب عضاضي
عبدك ضعيف عن الطيحات شددله= واقدام رجله جروح وطق وارضاضي
يا شافي أيوب من سقمٍ تمددله= وصخرت له بالمرض طبيب ومحاضي
رحمتك تنزل وجرم العبد يصعدله = جرم موثّق على التسجيل والفاضي
يا رازق اللي بعشه رزق ما وجدله= وكفلت رزقه كفاله كل ما غاضي
بيّض صحيفة أذنوب إبليس يرصدله= واليا أستقمنا علينا زعل واغتاضي
يبي جنود تشيل السيف والبدله= عسكر خدم بخدمته بتحضير الأغراضي
يعطي تصاريح والطايف يجددله= وبيته يزخرف على ركام وأنقاضي
والعمر والروح له وقت محددله= والقبر بيت البشر هو ستر الأعراضي
وأبن أدم لو يقيم الوزن ما يعدله= طبيعةٍ بالبشر وما يفعله راضي
والناس ما تنفعه لو كان تشهد له= والأخرة مابهاء وهبات وإقراضي
لكن أجتهد والتزم وبيت الله ترددله= من ضمن ناس تصلي خمس الافراضي
في الثلث الأخير يوم أنك تعبدله= أترس مخازن خزينه مخزنه فاضي
في منهل الخير صل الدو وادله= لعل لك تبدل السيئات وتعاضي
ولا أقول هذا وهذا مايلٍ عدله= تجارب قلتها في شوط مركاضي
= شعر/ بهلول حمدان الشمروخي

[بهلول الزميلي]

احمس


أحمس لنا يا شوق من زاد نوره =من حب خولان اليمن زوده زود
بدلال بيض يغدي الهجس فوره =لا فاح ريح البن بالهيل والعود
يغدي هواجيس سريعاً حضوره =وجور الزمن حكمه يقود البشر قود
ما ينعدل شيله وميله وجوره =مصاعده كود ومنازله كود
يا ما شكا منها عزيز شروره =لو كان عنده من الحرس جيش وجنود
وإلا الزمن يحكم علينا مروره =حكمت مناحيم على حزب ليكود
يفرض على المخلوق حكمه ودوره =والناس له تخضع بلا شرط وقيود
حكمه يسوق الناس من غير شوره =والعمر وقت وكل وقتٍ له أحدود
يسوقهم جور الزمان ودبوره =سوق القطيع اللي على الذبح مردود
على متن جسر صعيب عبوره =أكيد هو مشهود ولقاه مشهود
والموت بالمخلوق محيط سوره =والناس بالأيام طارد ومطرود
دنياك ما هو دايمن لك سروره =يا لله عسانا من هل العفو والجود
وإلا المقابر لازم أنك تزوره =ولا عنه مراغ ولا مزاغ ولا ردود
يا لله تغفر ما حصل من قصوره =وتبدل السيئات بحسنات وسعود
بقدرات من يجري جواري نهوره =ومرسي رواسي طي وجباله السود
والخاتمة ختم خفوقي شعوره =بأزكى صلات عد ما تذري النود
= شعر بهلول حمدان الشمروخي

[بهلول الزميلي]

أرفع يدك

ارفع يدك يوم الخلايق ينامون=وأشغل مع الله خافقك بالمناجات
مع فيئت في تالي الليل يدعون =يجعل لك الحسنة دبل عشر مرات
يغفر ذنوبك لو تحمّلت مليون=كما غفر لأم العباير بما فات
حيث الزمن قصير والعمر مرهون=وأيامنا ودورات الأوقات عجلات
صحح خطاء قلب على البغي مفتون=باقي فرص تعيد فيها الحسابات
وطلب من الله عفو والعفو لك عون= وما يخفي الخافق وما ينطقه هات
عساك تسمع ومن عباد يعودون=عن الخطاء من قبل كشف الملفات
من قبل ما لجسمك لبيتك يودون=أعمل ترالحسنة تضاعف بحسنات
تراك ضمن اللي مع الطرق يمشون=برحلة سفر مابه وقوف ومحطات
ربانها من يملك العفو والكون=يدفع عنك كود المصايب والأفات
اللي نصر موسى على قوم فرعون=أمره نفذ من فوق سبع السموات
وحنا ضعوف ومن عباد يراجون=جيناه بآثام علينا وسيات
لكن لنا بالله أمال وظنون= أنه لنا يغفر ذنوب كثيرات
من قبل حسناتك لضدك يحسمون=ويكشف لنا ما تحتويه السجلات
عنده عدل والعدل من الله مضمون=يغفر ذنوب مسلمة في زمن فات
والله يقبل توبة اللي يتوبون= وحفيظ يحفظ من يحفظ الأمانات
قاضي قضاة قاضيٍ من يقاضون=وحكمه قضا على القضاء بالمقاضات
والخاتمة بخواتم الفعل تدرون=عسى ختامه مسك بختم النهايات
= شعر بهلول حمدان الشمروخي