بمناسبه عتق رقبه ياسر الشمري

[مشعل عودة التريباني]

ماهو قصور(ن) في جميع القبايل=بس شمر لكل الاجنايب عنوان

عند الطنايا ماتضيع الجمايل=من دومه الجندل الى حد نجران

من السطر عقال راسي تمايل=ومن الكرم بيوتنا دون بيبان

من الشجاعه مانهاب الهوايل=واكبر دليل ان السناعيس شجعان

منا الجنازه طايل(ن) كل طايل=طال الثريا يوم صكات الازمان

ومنا معشي الذيب وافي الخصايل=ومنا ابو خوذه سلايل كحيلان

ماهو مهايط هاكم اكبر دلايل=واستشهد بقصه وقصيده وبرهان

فزعتكم لياسر هي ضمن الفعايل=لنا على ماقيل اكثر من اخوان

(القلب شمر والشرايين حايل)=وانا دغيري واتعزوا بدهمااان

اخوكم: مشعل عودة التريباني

على اليوتيوب:

http://www.youtube.com/watch?v=1jdiJC8ZgOg

[المشرف العام]

شاعرنا القدير مشعل عودة التريباني
ابو عودة
إنضمامك لقافلة شعراء وشاعرات شبكة نشامى شمر فخراً لنا وأسعدنا ذلك يالنشمي
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

[نجم الشعر]

تسلم يامشعل عودة التريباني أبدعت لاهنت والنعم بك وبقبيلتك شمر وكل القبايل /
(((وقصة ياسر اكبر دليلٍ وبرهان )))
صح لسانك :

[نواش]

كفؤ يااخو الدهمان صح لسانك الف

[مشعل عسام التريباني]

هلا والله ببوعوده يالله حيه
صح لسانك يالغالي وبيض الله وجهك
سعدنا بانظمامك لقافلت نشامي شمر
ونعم بك وبقبيلتك وبكل قبايل المملكه

[شايب كويس]

اخو الدهمان 000 صح لسانك 000 الف 000 ياخلف ابوي

[مشعل عودة التريباني]

الله لايهينكم وبيض الله وجيهكم على هالاطراءت وصحت ابدانكم والشرف لي بنظمامي لكم وعسى الله يجملنا