ديوان الشاعر / مشعل عودة التريباني

[مشعل عودة التريباني]

بمناسبه عتق رقبه ياسر الشمري
ماهو قصور(ن) في جميع القبايل=بس شمر لكل الاجنايب عنوان

عند الطنايا ماتضيع الجمايل=من دومه الجندل الى حد نجران

من السطر عقال راسي تمايل=ومن الكرم بيوتنا دون بيبان

من الشجاعه مانهاب الهوايل=واكبر دليل ان السناعيس شجعان

منا الجنازه طايل(ن) كل طايل=طال الثريا يوم صكات الازمان

ومنا معشي الذيب وافي الخصايل=ومنا ابو خوذه سلايل كحيلان

ماهو مهايط هاكم اكبر دلايل=واستشهد بقصه وقصيده وبرهان

فزعتكم لياسر هي ضمن الفعايل=لنا على ماقيل اكثر من اخوان

(القلب شمر والشرايين حايل)=وانا دغيري واتعزوا بدهمااان

اخوكم: مشعل عودة التريباني

على اليوتيوب:

http://www.youtube.com/watch?v=1jdiJC8ZgOg

[مشعل عودة التريباني]

حنى عرب لاكن بليا عروبة
حنــــى عرب لاكــن بليــا عروبـــــه=نرضـــى المهونـــة مانسير ولانسير
الصهينــة شنـــت علينــا حروبــــه=ملعونـــة المتــــرس ملونــة الصيــر
المسجد الاقصى ي ظني دروبـــه=بس الوكاد ان العرب مابهـم خيــر
عشرين طقعه لا وعشريـــن كوبــه=في شارب اللي مايحامي ولا يغير
مافيه شــــــي كايدات(ن) دروبــه =والموت حق لايجي دونـــه مجيــــر

-
-
تكرمون عن بعض الالفاظ الموجوده بالنص
نزف قلمي/ مشعل عوده التريباني
-
#عندما_اغلق_المسجد_الاقصى

[مشعل عودة التريباني]

الخـــــــوي 💔
اللي يبي قربي على العين والراس =واللي يبي فرقاي مرواح جدي
والله يلعن عشرة(ن) مالها ساس =ويلعنك ي وقت(ن) غدى اليوم ضدي
اي والله ان الناس ي خوك اجناس =اطيبهم اللي بعد فتره يصدي
فيهم بلا ولا انا انسان حساس =لاكن على شان المعزه بعدي
عشرين عام(ن) قمت اجامل مع الناس =الين ي خي بيحو اليوم سدي
بعض البشر لولو زمُرد والماس=واليا بخصته زين لاهو متردي
وقليل منهو خوته عز ونوماس=اللي لخاطر خوتك مستعدي
ليله احد جاني مع الهم وسواس=من شان شخص غالي(ن) ومتحدي
متحدي(ن) يبي المفارق وانا حاس=لاكن حرام(ن) حرم ماهو بيدي
يستر عليك ولا ترا عقبنا باس =كرامـه للنفــس ولا مـــاودي
دمعه وطاحه من عيوني بلا احساس =واذا مكذب شف اثرها بخدي -

-
بوح قلمي/ مشعل عودة التريباني

[مشعل عودة التريباني]

.مساكم الله بالخير
الشاعر محمد سالم التريباني
وجه لي قصيده يشكي لي به
حاله وصح الله لسانه
قصيدت/#محمد-التريباني
-


يامشعل الزينه خذتني بلا ردّ=وانا سموحاً لاجل عينه ماردّه
الاصل رمشه مالها بالحلا ندّ=ولا شاقني منهو تهقوى لندّه
سواد عينه عاجزً عنه الصدّ=وخصر مقوس والردايف تحدّه
والبطن جايع يشتكي حرمة المدّ=ونهودها تقرن بعضها بشدّة
وسنونها اللولو يتزاهابه الخد=ولا ابتسم تّزها غمازه بخدّه
والله ما اوفي لزينه ولا اعدّ=لو اكتب بيوتاً تعجز معدّه
سلوة خفوقي راجيً منه الودّ=وياشيب عيني لا اخملاً بالمودّه
وياشاعراً علا قوافيه للحدّ=قلبي غدا وخوفي ماحداً يردّه

-
-
قصيدتي / #مشعل_التريباني
-
مجارات
قبل المطر لابُد تبرق وترعدّ =واليا استهلت مستحل(ن) نردّه
كتبتها من قلب ماهو من اليدّ=قلب(ن) تعذب من فقد مسك يدّه
الحب يالعزوه ترا ملعنت جدّ=ولا يغرك زين عينه وخدّه
ونهودها وردوفها ي محمدّ=ماتنفعك لاصرت عظم(ن )وجلدّه
الصدق ماحبه ولاكن تاكدّ=ابهالمواقف لا وربي اعدّه
اليا بلشت بشي رَوَحَ للاكودّ=واظن اكود شي بالحب صدّه
خدها نصيحه من محب(ن) مقيدّ=مقيد بالشوق لارِحمِ جدّه
وليا نويت الحب طبق وش اعدّ=شدالحبل والياكترب لاتشده
وسلامتكككككككم

[مشعل عودة التريباني]

مرحوم ي الملتاع طلال الرشيد 💔
.من راس قوم(ن) شانهم عندنا شان=لابو المراجل والسطر وارجع اعيد
بكتب من الابيات واحط عنوان =قوسين (مايوفي كلام القواصيد)
ياربي اجعل من غدربه ومن خان =ايصير عبد(ن) وعند ناسن مقاريد
ويوطا على خشمه مع الذل وايهان=على المذله ي جعل عمره مديد
بكيت انا #الملتاع والقلب مالان=وصلو كلامي لاقرب الناس وابعيد
جدك جنازه وجدك الثاني حصان=ي معرب الجدين للمرجله سيد
من موتتك تصدع اجدار برزان=صنديد زحيزيحن سلالة صناديد-


نزف قلمي/ #مشعل_التريباني 💔

[مشعل عودة التريباني]

سياستي بالحياة
.ابتطوع بالشعر والكتابه =خوف(ن) من اللي عالم السر والغيب
واترك دروب الغي خوف مهابه =واسلك طريق الحق حب(ن) وتحبيب
اليا اذن المذن / البي الاجابه=وابعد عن الشبهات والشك والريب
واصوم شهر الخير راجي ثوابه=واحج بيت اللي يهيب ولا اهيب
والمال نعمه لاكن الله جابه =زكه عشان لدعوتك / تلقي مجيب
من خلقتي مافيه شين اهابه=طاغي ولاكن ذيب عند المواجيب
ياللي تهين النفس ماهي طلابه=خلك عزيز النفس عند المطاليب
الحب لاجل الحب ماينحكابه =وان طال فتره / ثم هقواتك تخيب
جرح(ن) تمكن من فؤادي واصابه=من واحد دايم اشاويره اتصيب
خل بينك وبين المنافق سحابه =لان المنافق يحرث العيب ويعيب
الذيب من زود الالم والتهابه =يجر عالي الصوت فوق المراقيب
يارب خل لي دعوت(ن) مستجابه =سدد خطى عبد(ن) كثير العذاريب -


-
ب قلمي / #مشعل_التريباني

[مشعل عودة التريباني]

الاساطير
.قبل حوالي قرن سدنا الجزيره=بسيوف تشهد بالملاقى شطيره
عدونا بالكون ملعون صيره =تشهد لنا كل الجزيره والاهضاب

ماكل من سمي الجنازه جنازه=عبدالعزيز اللي وصل بامتيازه
هذي الحقيقه والحقيقه مجازه=والخوف من رب البشر رب الارباب

بن لادن اللي قاد تورا وبورا=وفزع مع الافغان صوتن وصورا
وذل الصليب اللي بهم غي جورا=واللي جحد عفوا ترا تسلب عقاب
عمر ي ابن مختار ي طير شلوى =بليت خصمك في مجابهك بلوى
تشهد لك الطليان والراس علوى=الموت واحد لو تعدد هالاسباب

اما احمد الديدات علمه فسيحي=حتى كلامه مستقيم ومريحي
اكبر مناظر ضد دين المسيحي=والبيت ماياقف بلا عمد واطناب

وصدام قالو اعدام ثم قال قدام =والمشكله كفار ملعونت رسام
مرحوم ي صدام ي عز الاسلام =والصهينه بالقدس محد(ن) منه هاب

والمسجد الاقصى تولوه صهيون=وفي سوريا فيه اليتامى يصيحون
وفي ارض اخو هدلا رجال يضامون=والله يكفينا دنافيس الارهاب

تدرون فكوني امن امور السياسه =بترك امور الشعب عند الرياسه
والمشكله هالبيت يرقل اساسه =واللي فهم لغز القصيده هالالباب

حنى ترانا اخوان بالشرع والدين=واذا تكاتفنا نغيض المعادين
والكل منا يملك ارجول وايدين =والحر يفرقنا بجناخ ومخلاب

الناس وصلت للقمر مع عطارد=محدن ترا معصوم والذنب وارد
حنى بعرض الناس صرنا انتوارد=علوم تودا مع اعلومن تجاب

بناتنا تطري عليهن طواري=تبي تسوق الجيب وسط الحواري
والبعض منهم بالاسم كالجواري=اما العفيفه ي بعد حتى الاقراب

وعيالنا يالله تستر علينا=ومن عملهم ي رب لاتبتلينا
هذي امور الغرب قامت تجينا=من دون رب البيت له قطعت احباب
الله حق وللاحديث ومرجع=رسولنا مرسل الى الناس اجمع
القلب خشاع(ن) وهالعين تدمع =في تالي الدنيا تراء حفنه تراب

والدين يمرش والبلا هو بلانا =والغرب تضعفنا وتمشي معانا
وللمملكه نشمي ونجدد ولانا =والرب بعض الناس في حكم ارتاب

الفقر دمرنا مع الحظ الامحق =والله يشهد والاماني تحقق
الحظ خصله والفقر له محقق=وانا من الدنيا ترا خاطري طاب

هذي رساله للمليك المفدى =للسنه ماّدي وللفرض ادى
افطن لنا ترا الاوادم تحدى=وانت الفطين اللي يهيب ولا يهاب

بقلمي / #مشعل_التريباني

http://www.youtube.com/watch?v=NO75tTTAAJ8&feature=youtu.be

[مشعل عودة التريباني]

اكره العنصريه واحب شمر (من دون قصور بالقبايل)
لي الفخر لاقلت ربعي سناعيس=ولي الشرف يوم انتمي للطنايا
تاريخنا فيه السطر والنواميس=ياهل المواقف والصفات السجايا
ماهمنا اهل الخبث واهل الدنافيس=ولا همنا اهل التسذب اهل الحكايا
عبده وسنجاره والاسلم مقاييس=للطيب والفزعه وحسن النوايا
تاريخ شمر يدرسونه تداريس=الظاهره وشلون عاد الخفايا
شيخان قرمين وسلاطين فريس =علي الحرام ان الطنايا عطايا
ابمدح الغلبا وابلعنك ي بليس =والمدح لاهل المدح واهل المزايا
دغيم اللي متعبن هالمحاميس =طيب وكرم ولا حسب للهدايا
والاسلمي يوم الليالي متاعيس=كريم سبلاء اجزيه خير الجزايا
ومكازي اللي فيه كل الاحسايس=ذيبن عوى عشاه وسط البرايا
واخوان نوره ماتعرف المتاريس=تنطح ولا تحسب حساب الضحايا
من وقتنا اليا قبل عهد بلقيس =خيار قومن متعبين المطايا
نرسي كما ترسي كبار التضاريس=سلمى واجاء تشهد وهاك القرايا
من حايل اليا حد لندن وباريس=شمر هل الطولات واهل العطايا-
-
بقلمي/#مشعل عودةالتريباني

على اليوتيوب:
https://www.youtube.com/watch?v=-rrujDJ7EIM&feature=youtu.be

[مشعل عودة التريباني]

)العنوان) لامن وظايف والرواتب ترا ماش.. الشاعر/مشعل عودة التريباني الشمري

https://www.youtube.com/watch?v=khBmCL3aNiA

لامن وظايف والرواتب ترا ماش.. الشاعر/مشعل عودة التريباني الشمري
.ابشرك حنـــى بخيـــر وسلامـــه=لامن وظايف والرواتب ترا مــاش
غني بعالي الصوت ي هالحمامه=امالنا مــاتت والاحــلام مهنــاش
الحكم للــــه ثـــم للــه ودامـــه=لله قسم بالله مايضيق لي جاش
حنى مع ال سعود حُبُ وكرامه=لاكن بطانه حظرتك نصها اغشاش
الخوف ماهو عيب لاكن رخامه=واللي بيطغى حزت الكوم ينحاش
للكذب في وجه المنافق علامه =واللي يخون العهد تسلبن وغشاش
واللي يخلّف الوعد مابي سلامه=حتى الردىَ يسهل على النجس واللاش
اللي معاه الواو علق وسامه =واللي معاه الشين يتعب وينداش
الواسطه غصب(ن) علينا احترامه =والاجودي في هالزمن مات ماعاش
نافق تعيش بهالزمان بزعامه =واللي يبوق بهالزمن عاش واعتاش
مافرقوا بين الحلال وحرامه =وجهه غبر والثوب ابيض من الشاش
الى متى وحنى نعيش بندامه =ماكننا الا حزمه اعواد واخياش
تكلمو ياهل العقل والفهامه =والله ثم والله بالصدق متناش
الذل خال الخوف واردى عمامه =وانا حفيد رجال ماترعش ارعاش
اطلق شنب خله يوفر كلامه =ادخله وسط البحر واطلعه ناش
من لم يمت بالذل مات برخامه =ولا يموت وموتته طلقت كلاش
هذا كلام فلان وفلان هامه =هامه ولاكن بعض الاحيان هلاش
كلن بهالدنيا بيبلغ مرامه =وان مت يصفالك ترا قطعه قماش
في تالي الدنيا ترا متر خامه =ولاينفعك ربعك وجاهك وهالكاش
اللي فهم لغز القصيده يمامه=والزير ذباحه خبيث(ن)ومهتاش-
-