نجم الشعر
14-12-2014, 05:10
يامعيض / بقلمي
الناس قالوا كلٍ عقله براسه=وعلى جسمه يفصِّل ثوبه مقاسه
وانا مالي ومال شغل السياسه=مانقرب الحيه ولانقرب الداب
الأمر بيدين الولي عالم الغيب=وحكم البلد بيدين كل المعازيب
والطيب عند اهل الوفاء والمواجيب=وبعض الحكي يفتح على صاحبه باب
بعض الرجال بكلمة الحق جاهل=مثل البعير اللي عن الذود هامل
يصعب على مثله جميل التعامل=لامنومسٍ ربعه ولامنومس اجناب
وبعض الشباب اليوم فيه الف شطحه=لامن عطيته وجه ركَّبك سطحه
عقله سقيمٍ فيه مليون مسحه=ودك تساوى له وتعطيه مشعاب
مادام فكره عن الأسناع ضايع=ياكل ويشرب واغلب الوقت صايع
ولامن تكلم مثل حكي الربايع=كنك تسولف مع تغاريد ورحاب
في هيئته ماتفرقه عن خواته=ماينقصه ياغير لبسة عباته
ياليت اخته تعطيه يحمِّر شفاته=ويحط للتجميل بالبيت دولاب
والا الرجل رجلٍ وتسمو علومه=لو قصَّر بعض الوقت مااحدٍ يلومه
والحر ماقالوا يشابه لبومه=له ماكرٍ عالي على راس مرقاب
ونعمين باهل الطيب من كل ديره=نحبكم ياهل الوجيه السفيره
ياهل النخاوي بالأمور العسيره=شرواك يالضعيني فكاك الأنشاب
يامعيض الضعيني ترى الطيب طيبك=الطِّيب قلبك والمواجيب جيبك
ياصانع المعروف كلٍ دريبك=وذكر الوفي مثلك عن الناس ماغاب
وزودٍ عليها شاعرٍ تبدع القاف=لك في ميادين الطواريق ميقاف
وياما على الشيله تصفق لك اكفاف=وجمهورك الغالي يتابعك باعجاب
الله من شر الليالي يجيرك=يامدلِّه الضيفان من جود خيرك
حيث الكرم والجود داخل ضميرك=ودون الوفاء والطيب ماتسكِّر الباب
نايف الشويب السليمي
الناس قالوا كلٍ عقله براسه=وعلى جسمه يفصِّل ثوبه مقاسه
وانا مالي ومال شغل السياسه=مانقرب الحيه ولانقرب الداب
الأمر بيدين الولي عالم الغيب=وحكم البلد بيدين كل المعازيب
والطيب عند اهل الوفاء والمواجيب=وبعض الحكي يفتح على صاحبه باب
بعض الرجال بكلمة الحق جاهل=مثل البعير اللي عن الذود هامل
يصعب على مثله جميل التعامل=لامنومسٍ ربعه ولامنومس اجناب
وبعض الشباب اليوم فيه الف شطحه=لامن عطيته وجه ركَّبك سطحه
عقله سقيمٍ فيه مليون مسحه=ودك تساوى له وتعطيه مشعاب
مادام فكره عن الأسناع ضايع=ياكل ويشرب واغلب الوقت صايع
ولامن تكلم مثل حكي الربايع=كنك تسولف مع تغاريد ورحاب
في هيئته ماتفرقه عن خواته=ماينقصه ياغير لبسة عباته
ياليت اخته تعطيه يحمِّر شفاته=ويحط للتجميل بالبيت دولاب
والا الرجل رجلٍ وتسمو علومه=لو قصَّر بعض الوقت مااحدٍ يلومه
والحر ماقالوا يشابه لبومه=له ماكرٍ عالي على راس مرقاب
ونعمين باهل الطيب من كل ديره=نحبكم ياهل الوجيه السفيره
ياهل النخاوي بالأمور العسيره=شرواك يالضعيني فكاك الأنشاب
يامعيض الضعيني ترى الطيب طيبك=الطِّيب قلبك والمواجيب جيبك
ياصانع المعروف كلٍ دريبك=وذكر الوفي مثلك عن الناس ماغاب
وزودٍ عليها شاعرٍ تبدع القاف=لك في ميادين الطواريق ميقاف
وياما على الشيله تصفق لك اكفاف=وجمهورك الغالي يتابعك باعجاب
الله من شر الليالي يجيرك=يامدلِّه الضيفان من جود خيرك
حيث الكرم والجود داخل ضميرك=ودون الوفاء والطيب ماتسكِّر الباب
نايف الشويب السليمي