بعض الهواجس

[غازي بن عالي]

السلام عليكم ورحمة الله وبركاته


الاخوه الكرام


اقدم لكم عذري على هذا الغياب اللغير مقصود


اتيت بنصيحه متواضعه


علها تشفع عن الغياب


وتنال رضاكم

وهنا شيله بصوت المنشد زامل العطوني

.
.http://www.youtube.com/watch?v=YvGkc3toNUA&feature=youtu.be





/

/






ياعبيد انا ياخوك مليت مليت
اصغي ولا اعرف صيغتي من عدمها

*

لاجيت ابكتب من حروفي وناجيت
اسمك تعلآ .. شمّخي واستلمها

*

بعض الهواجس ياعضيدي لها صيت
لا أمسى بها شاعر .. بناره شعمها

*
وانا بـ شعري لو تكلمت وابديت
ماشككت غير النفوس وذممها

*

خليت غيري بالسوالف وقفيت
حكمت حليمٍ بالمواقف حسمها

*

واهل البغايض تحفر الشر وتحيت
لو تبدي الطيبه وتنشر كرمها

*

لو تكسب المكسب وبعزك تعليت
تلقى كثير الحسد ياكل لحمها

*
اشكالهم في شوفتك كل ماجيت
حيوا عليك اصوات تنطق طرمها

*

وان رحت عنهم في طريقك وعديت
قامت عليك ،، هروجهم تستلمها


*

الناس كل الناس مهما تهقويت
فروقهم من ،، نطقهم تحترمها


*

خلك مع الطيب ليا جيت حييت
لك منزلٍ عنده ونفسك حشمها


*

اليا نخيته وانتخيت وتعزويت
خيل العدو من كف طيبه لجمها


*

وانته كذلك لا اعتزوك وتحديت
لا تترك الوقفه و تترك ولمها

*

ولم لها من طيب راسك منابيت
واشعل بها طيبٍ يشتت وهمها

*

تبقالك الوقفات صيتٍ ورا صيت
لا هبت النسمات وذعذع شيمها

*

نصيحتي زينتها لك وخطيت
سمينةٍ ومن ،، المعاني شحمها

*

و صلاة ربي عِد ماحج للبيت
على النبي الي نبع من حرمها

[المشرف العام]

شاعرنا القدير غازي بن عالي
عوداً حميد لبيتك الثاني شبكة نشامى شمر ولأخوانك وأخواتك استاذي
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

[عبدالعزيز بن حشيان]

غازي بن عالي

صح لسانك مدد بلاعدد قبل مرور خيك ومغليك

[مشعل عسام التريباني]

اخوي غازي
الف الف الف الف صح لسانك
فقد ابدعت وامتعت بيض لله وجهك
تحياتي لك على هالرائعه سجل اعجابي