محمد العواد ابن رخيص
21-08-2016, 06:11
(( طلوع سهيل ))
مليت من وقتي وطول انتظاري=إلى متى والجوّ عجّ ومعاصير
أبطيت ما شبيت بالبر ناري=وابطيت عن قطع الخلا والمشاوير
القيض مع يمناي قيّد يساري=واليوم من قيده على وشْك تحرير
يااهل الولع عِدّو لوقت الحباري=قرّب طلوع سهيل وملاعب الطير
ياماحلا بالجيب قطع الصحاري=بالبر مع عشّاق بر وصقاقير
النفس ولهانه لشوف البراري=وشوف المطر يا تبّع الخير للخير
السيل من ربدا للوقه خباري=وطاحت محاديره على غربي الشّيِر
والنبت ياجانا لذكره محاري=القاع بالنوّار صارت نواوير
عزّمت ثم شدّيت عزم السفاري=يحنّ ماطوره على نمرة القير
و سريت مع ناسٍ تدلّ المساري=مع الصحاري عارفين المعابير
ما حرصهم حرص الحريص المداري=الكل منهم ما يهاب المخاسير
يا عيّنو للصيد مدهل واثاري=ومع الاثر قفّو قصوص و مداوير
وتنهّض اللي للمطاليع ضاري=على الحباري عادته تلّة السير
خطو افحجٍ جثلٍ من الريش عاري=اشقر شقار رودع صدره دواوير
نادر حرار بشد ريشه مواري=عن ماكرن ما وكّر براسه الجير
صلفٍ عديم وبالهداد انتحاري=عوق الخريش يصخّر الخرب تصخير
يا قام يلقف له هبوب الذواري=و علّق بكفٍّ فيه مثل الشناكير
هذا هواي و رغبتي واختياري=يا حسّب الدينار عبد الدنانير
لو كنّت متحضّر ووقتي حضاري=هوايتي نقل الحرار النوادير
نديم القوافي
محمد العواد
مليت من وقتي وطول انتظاري=إلى متى والجوّ عجّ ومعاصير
أبطيت ما شبيت بالبر ناري=وابطيت عن قطع الخلا والمشاوير
القيض مع يمناي قيّد يساري=واليوم من قيده على وشْك تحرير
يااهل الولع عِدّو لوقت الحباري=قرّب طلوع سهيل وملاعب الطير
ياماحلا بالجيب قطع الصحاري=بالبر مع عشّاق بر وصقاقير
النفس ولهانه لشوف البراري=وشوف المطر يا تبّع الخير للخير
السيل من ربدا للوقه خباري=وطاحت محاديره على غربي الشّيِر
والنبت ياجانا لذكره محاري=القاع بالنوّار صارت نواوير
عزّمت ثم شدّيت عزم السفاري=يحنّ ماطوره على نمرة القير
و سريت مع ناسٍ تدلّ المساري=مع الصحاري عارفين المعابير
ما حرصهم حرص الحريص المداري=الكل منهم ما يهاب المخاسير
يا عيّنو للصيد مدهل واثاري=ومع الاثر قفّو قصوص و مداوير
وتنهّض اللي للمطاليع ضاري=على الحباري عادته تلّة السير
خطو افحجٍ جثلٍ من الريش عاري=اشقر شقار رودع صدره دواوير
نادر حرار بشد ريشه مواري=عن ماكرن ما وكّر براسه الجير
صلفٍ عديم وبالهداد انتحاري=عوق الخريش يصخّر الخرب تصخير
يا قام يلقف له هبوب الذواري=و علّق بكفٍّ فيه مثل الشناكير
هذا هواي و رغبتي واختياري=يا حسّب الدينار عبد الدنانير
لو كنّت متحضّر ووقتي حضاري=هوايتي نقل الحرار النوادير
نديم القوافي
محمد العواد