مشعل عسام التريباني
15-06-2017, 01:50
بسم الله الرحمن الرحيم
الشاعر\مشعل عسام التريباني الشمري
((ايه ابا امدح ابن العم))في 24\8\1438هـ
ايه ابا امدح ابن العم ياصار فعله زين=والــيا تــردى مــاتـتبـعــت زلاتــه
مــدحــت عـيال العم انا بعتبرها دين=اظهر ثنا ابن العم واخفـي هفواته
اغمّض عيوني عن خطا ربعي الدانين=واغطّي خطاهم عن نظر ناس شمّاته
انا منزل ابن العم عندي بموق العين=داخل صبي العين واغطاه غمضاته
وافاخــر بفعل اللابة الـندّر الــوافين=واصخّر لهم شرّد قصيدي وشيخاته
واظهـر ثناهم عند الادنين والاقصين=حقّن علي نصرت صديقي بحزاته
يقول المثل مــن يفـقـد اللابة الغالين=يشرب هماج المي مايشرب افراته
واليا لمســـت الخشــم هلّة دموع العين=وانا عين ابن عمـي ويمناه وامراته
ماطـيع به هرج الحـواسيد والواشــــين=اهل القلوب اللـي من الحقد مقتاته
مانـــي من اللــي ينتهز غرّة المقفين=اللي على الصدقان يفرد عضــــلاته
يفتــح لراع الحكــي مدخل مع البابين=ناسن بنقل الهــرج تبرز مهاراته
وايصن لهل الشــــر بســــــموع الثنتين=ياخذ من اللي دوم يعرض خداماته
ياخــذ منه مــايجعل المجــتمع صـفين=ويدخل غياهيب الظــلام ومتاهاته
مســــكين يارجلن فقد لابته مســــكين=بدت هامته للشمس لين احرقت ذاته
مايـثـبت المبنا الياصـار طـوب وطــين=ولايرسي المركب على غير مـرساته
الشاعر\مشعل عسام التريباني الشمري
((ايه ابا امدح ابن العم))في 24\8\1438هـ
ايه ابا امدح ابن العم ياصار فعله زين=والــيا تــردى مــاتـتبـعــت زلاتــه
مــدحــت عـيال العم انا بعتبرها دين=اظهر ثنا ابن العم واخفـي هفواته
اغمّض عيوني عن خطا ربعي الدانين=واغطّي خطاهم عن نظر ناس شمّاته
انا منزل ابن العم عندي بموق العين=داخل صبي العين واغطاه غمضاته
وافاخــر بفعل اللابة الـندّر الــوافين=واصخّر لهم شرّد قصيدي وشيخاته
واظهـر ثناهم عند الادنين والاقصين=حقّن علي نصرت صديقي بحزاته
يقول المثل مــن يفـقـد اللابة الغالين=يشرب هماج المي مايشرب افراته
واليا لمســـت الخشــم هلّة دموع العين=وانا عين ابن عمـي ويمناه وامراته
ماطـيع به هرج الحـواسيد والواشــــين=اهل القلوب اللـي من الحقد مقتاته
مانـــي من اللــي ينتهز غرّة المقفين=اللي على الصدقان يفرد عضــــلاته
يفتــح لراع الحكــي مدخل مع البابين=ناسن بنقل الهــرج تبرز مهاراته
وايصن لهل الشــــر بســــــموع الثنتين=ياخذ من اللي دوم يعرض خداماته
ياخــذ منه مــايجعل المجــتمع صـفين=ويدخل غياهيب الظــلام ومتاهاته
مســــكين يارجلن فقد لابته مســــكين=بدت هامته للشمس لين احرقت ذاته
مايـثـبت المبنا الياصـار طـوب وطــين=ولايرسي المركب على غير مـرساته