محمد سوعان الربيع
15-06-2017, 02:21
مواهبي عند اللزم يسعفني
--------------------------------------------------------------------
هاجوس قلبي هاض واسترسل القاف = واركاب فكري روّخن ما اخذلني
دعيتهن جني سريعات واخفاف = لبن ندايا حيث ما عاندني
ويوم البعض يرقد على فراش والحاف = انا عيوني حينها ما ارقدني
هجسً يطوقني وهجسً بعد طاف = وهجسً اظعونه من بعيدً لفني
دشيت ببحورً بها الوان واصناف = واخترت من جزل المعاني وجني
وليا بغيت القيل ما ادوّر اسعاف = مواهبي عند اللزم يسعفني
لاشك احاسيسي رهيات وارهاف = وريضان فكري مخضره ما امحلني
من فيض جاشي ما اتسلف تسلاف = وعلى حسب ما اريدهن يبتنني
اوظف المعنى على كل ميقاف = واصوّر الاحداث بسلوب فني
واعرف واميّز كلمة الحق واخاف = يلقا بقولي هفـوةً تمتهني
اخشى الكلام الناقص الهابط الجاف = والنفس دايم غيّها ما فتني
ماني بمغـرورً بنفسي ومزهــاف = والحلم دايم منهجي والتأني
ماني بخطــو اللي تلقـف تلقــاف = هاك الذي في كل مجلس يغني
وقولً فقد معناه ما صاب الاهداف = وارماح بيدين الغشيم افشلني
ولاني على ما قيل بالناس عرّاف = به ناس مثلي وايضاً أدون مني
وفيهم على القمه تعلا بمشراف = شاعر واذا هو رتب القيل فنّي
مثل الدرر تاتي معانيه وانظاف = شواهدً للناس ما ينتهني
مثل القمر نوره بالابصار ينشاف = فيه العقول الواعيه يهتدني
عـدً روّي مثل الروافد لها اضفاف = منـه النفوس الضاميه يرتوني
فيها النصايح للفهيمين الاشراف = امثال لاهل المعرفه يصلحني
تبقى اتردد بالنواحي والاطراف = يعطن هدوا للناس من دون منّي
تبقى ولو راعيه شالته الاحتاف = ولا تخفي الحكمه سنينً مضني
وبعض القصيد اليوم لا خضت به جاف = ولولا الحيا من يسمعه يستجني
تجيك قيفانه هزيلات واضعاف = ياتي بهرجً هابطً وامتدني
تنزل سريعه ثم ترحل كالاطياف = مثل الغيوم العابره يرحلنّي
لو هو طرق بيبان الاشعار ما ناف = دايم اشدوقه بالركيك يهذني
مثل الغرير اللي على جال ميهاف = قام يتخبط والفوايد غدني
وما كل من سدد على الصيد هداف = ولا حصل الطولات كل امتمني
ومن يدعي بالعرف في حقه اجحاف = يتعب وكل مغرور ما يرجهني
الكامل الله والبشر ينقص اوصاف = ولولا الخطايا اعمالنا يرجحني
وهناك قولً ما على صدقه اخلاف = مكـارم الاخــلاق فيـه اســتوني
عبره قريناها على بيض الاصحاف = نصايحً في غرسهن يثمرني
قصةً حكيمً ينصح ابنه بما شاف = لقمان نصحه للقــوب المســـني
نصيحةً فيها المواعض والانصاف = قال الكبر للنفس ظلم وتجنّي
واشوف بعض الناس للكذب ميلاف = مركبه فوق القمر يســـــبحني
مبلي وملقوفً وللهرج خطاف = وليا حكى ســـوالفه يفضحني
اسرف بهرج الزيف والزور اســراف = دايم لســـانه بالهزيلـه يوني
زاد بغروره وايتعجرف تعجراف = مغـويه شــيطان وتقفـاه جنـّي
نصيحتي له يركد ويرجع اخلاف = قبل العيون الغافيه يبصـرني
هذا ومثله لادنا منــك ينعــاف = قربه خســاره للجميع وغـبني
ولابد ما ياتي على الزيف كشاف = ويفضح امورً بالنفوس اختفني
ما عيــّر المضمون ديكور واغلاف = حقايقً لابد ما يظهرني
ويالله تبعد كل واشي وبلاف = عن كل خيّر يا الهي وعني
محمد بن سوعان الربيّع
--------------------------------------------------------------------
هاجوس قلبي هاض واسترسل القاف = واركاب فكري روّخن ما اخذلني
دعيتهن جني سريعات واخفاف = لبن ندايا حيث ما عاندني
ويوم البعض يرقد على فراش والحاف = انا عيوني حينها ما ارقدني
هجسً يطوقني وهجسً بعد طاف = وهجسً اظعونه من بعيدً لفني
دشيت ببحورً بها الوان واصناف = واخترت من جزل المعاني وجني
وليا بغيت القيل ما ادوّر اسعاف = مواهبي عند اللزم يسعفني
لاشك احاسيسي رهيات وارهاف = وريضان فكري مخضره ما امحلني
من فيض جاشي ما اتسلف تسلاف = وعلى حسب ما اريدهن يبتنني
اوظف المعنى على كل ميقاف = واصوّر الاحداث بسلوب فني
واعرف واميّز كلمة الحق واخاف = يلقا بقولي هفـوةً تمتهني
اخشى الكلام الناقص الهابط الجاف = والنفس دايم غيّها ما فتني
ماني بمغـرورً بنفسي ومزهــاف = والحلم دايم منهجي والتأني
ماني بخطــو اللي تلقـف تلقــاف = هاك الذي في كل مجلس يغني
وقولً فقد معناه ما صاب الاهداف = وارماح بيدين الغشيم افشلني
ولاني على ما قيل بالناس عرّاف = به ناس مثلي وايضاً أدون مني
وفيهم على القمه تعلا بمشراف = شاعر واذا هو رتب القيل فنّي
مثل الدرر تاتي معانيه وانظاف = شواهدً للناس ما ينتهني
مثل القمر نوره بالابصار ينشاف = فيه العقول الواعيه يهتدني
عـدً روّي مثل الروافد لها اضفاف = منـه النفوس الضاميه يرتوني
فيها النصايح للفهيمين الاشراف = امثال لاهل المعرفه يصلحني
تبقى اتردد بالنواحي والاطراف = يعطن هدوا للناس من دون منّي
تبقى ولو راعيه شالته الاحتاف = ولا تخفي الحكمه سنينً مضني
وبعض القصيد اليوم لا خضت به جاف = ولولا الحيا من يسمعه يستجني
تجيك قيفانه هزيلات واضعاف = ياتي بهرجً هابطً وامتدني
تنزل سريعه ثم ترحل كالاطياف = مثل الغيوم العابره يرحلنّي
لو هو طرق بيبان الاشعار ما ناف = دايم اشدوقه بالركيك يهذني
مثل الغرير اللي على جال ميهاف = قام يتخبط والفوايد غدني
وما كل من سدد على الصيد هداف = ولا حصل الطولات كل امتمني
ومن يدعي بالعرف في حقه اجحاف = يتعب وكل مغرور ما يرجهني
الكامل الله والبشر ينقص اوصاف = ولولا الخطايا اعمالنا يرجحني
وهناك قولً ما على صدقه اخلاف = مكـارم الاخــلاق فيـه اســتوني
عبره قريناها على بيض الاصحاف = نصايحً في غرسهن يثمرني
قصةً حكيمً ينصح ابنه بما شاف = لقمان نصحه للقــوب المســـني
نصيحةً فيها المواعض والانصاف = قال الكبر للنفس ظلم وتجنّي
واشوف بعض الناس للكذب ميلاف = مركبه فوق القمر يســـــبحني
مبلي وملقوفً وللهرج خطاف = وليا حكى ســـوالفه يفضحني
اسرف بهرج الزيف والزور اســراف = دايم لســـانه بالهزيلـه يوني
زاد بغروره وايتعجرف تعجراف = مغـويه شــيطان وتقفـاه جنـّي
نصيحتي له يركد ويرجع اخلاف = قبل العيون الغافيه يبصـرني
هذا ومثله لادنا منــك ينعــاف = قربه خســاره للجميع وغـبني
ولابد ما ياتي على الزيف كشاف = ويفضح امورً بالنفوس اختفني
ما عيــّر المضمون ديكور واغلاف = حقايقً لابد ما يظهرني
ويالله تبعد كل واشي وبلاف = عن كل خيّر يا الهي وعني
محمد بن سوعان الربيّع