مشاهدة النسخة كاملة : الصبر طيب
محمد سوعان الربيع
26-07-2017, 06:24
الصبر طيب
يالله بفضلك عــدّل الـحـال تـعـديـل = وخفف عـن اللي جـّر صوت الونينا
موجـة ألــم والناس منها مخـابيـل = وجــرح القهر بالقلب اصبح مكيـنا
لاحـيـل لاحـيـلـه ولامـن مـداخيـل = والمشــتـكى للي خـلـقـنــا وجـيـنـا
المشتكى للـي يســوق المخايـيـل = واحيـا الهشيم اللي بقـاعـه دفـينـا
يامـن بلـطفـه عــدّل العـوج والميـل = يــالله تـفــرجهــا وتشـفـق عـلـيـنـا
عقـب الاسـى يالله تنحــى الغـرابيل = يامــن بحكمــك يــالــهــي رضـيـنـا
والصبر طـيـب والليـالي مـقـابـيـل = ولابــد مـــن يــومً مـعـانـا تــزيـنـا
محمد بن سوعان الربيّع
سراب الكحيلة
26-07-2017, 07:16
صح بوح منطوقك ولسانك
مشعل عسام التريباني
26-07-2017, 07:29
شاعرنا المميز محمدسوعان
صح لسانك وجاد بيانك ونعم بربنا هو اللي يشفق عليناوهواللي يستحق ان يلحا اليه العبد عندالضنك والضيق تحياتي لك ياخوي محمد
منصورالبخيتان
26-07-2017, 11:10
الصبر طيب
يالله بفضلك عــدّل الـحـال تـعـديـل = وخفف عـن اللي جـّر صوت الونينا
موجـة ألــم والناس منها مخـابيـل = وجــرح القهر بالقلب اصبح مكيـنا
لاحـيـل لاحـيـلـه ولامـن مـداخيـل = والمشــتـكى للي خـلـقـنــا وجـيـنـا
المشتكى للـي يســوق المخايـيـل = واحيـا الهشيم اللي بقـاعـه دفـينـا
يامـن بلـطفـه عــدّل العـوج والميـل = يــالله تـفــرجهــا وتشـفـق عـلـيـنـا
عقـب الاسـى يالله تنحــى الغـرابيل = يامــن بحكمــك يــالــهــي رضـيـنـا
والصبر طـيـب والليـالي مـقـابـيـل = ولابــد مـــن يــومً مـعـانـا تــزيـنـا
محمد بن سوعان الربيّع
الاخ العزيز / محمد بن سوعان الربيع
صح لسانك مدد بلا عدد على الابيات الاجمل والاكمل
واليك المجاراة بالرد المتواضع
امين يارب المخاليق والجيل = ياجامعن ومفرق العابدينا
ويامحمد الله يبعدك عن هل الويل = وفجوج هم الناس والعالمينا
بوصيك تكفى بركعتين اخر الليل = ترى جزاء معروفها مايلينا
سنة محمد اطهر الخلق لاقيل = تجلى وهج هم الزمن والسنينا
من جاورك يكسب علوم وتفاصيل = ومن جاك مايشكي مع المشتكينا
اقبل حروفي واقبل الوزن والكيل = حسيت انا في دنية العارفينا
عساك دايم وافي بالتماثيل = يامنوة الوافين نعم الجبينا
وسلامتك وتحياتي لك
المشرف العام
27-07-2017, 05:17
شاعرنا القدير محمد بن سوعان الربيع
ابو فهد
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??
عمي بو سوعان صح لسانك ياحيي 4aab1040f3
محمد سوعان الربيع
28-07-2017, 01:21
ســـراب الكحيــله
هلا والله ومسهلا نورتي بمرورك الطيب
تقبلي خالص مودتي وتقديري
هلابك والله ,,,,,,
محمد سوعان الربيع
28-07-2017, 01:23
مشــعل عســــام
هلا والله ومسهلا استاذنا وعميد المنتدى
ابو عبد الرحمن
نورت بمرورك الطيب هلا والله وكل التقدير
اشكرك وما عليك زود استاذي الفاضل
لاهنت ,,,,,
محمد سوعان الربيع
28-07-2017, 01:26
منصور البخيتــــان
هلا والله ومسهلا حياك الله وبارك الله فيك
مشكور على هالمجاراة الرائعه والجزله من راس جزل
تقبل خالص التقدير والعرفان وصح لسانك استاذي الفاضل
وما عليك زود .
تقبل خالص مودتي وتقديري لاهنت ...
محمد سوعان الربيع
28-07-2017, 01:28
المشــــرف العــــــــــام
الاستاذ ابو غازي
هلابك والله ومسهلا
مرحب تراحيب المطر والهماليل
واعـداد ما قامت تلاعــج ابروقه
نورت استاذي بمرورك وطيب متابعتك
لاهنت يابو غازي ,,,,
محمد سوعان الربيع
28-07-2017, 01:30
خطـــــر
هلا والله ومسهلا
نورتي ربي يحفظك
يسعدني متابعتك هلا والله ...
شايب كويس
28-07-2017, 02:43
صح السانك 000 ياخلف 000 ابوي
الشيخ منحاش
28-07-2017, 02:48
الشاعر محمد سوعان الربيع
صح السانك
تحياتي لك
محمد سوعان الربيع
29-07-2017, 06:52
شايب كويس
انا اشهد انك فوق الكويس
اشكرك طال عمرك على حسن المتابعه والاهتمام الجميل
تقبل مودتي وتقديري لاهنت ,,,
محمد سوعان الربيع
29-07-2017, 06:54
هلا والله ومسهلا
بالشيخ منحاش
اسعدني مرورك اشكرك على حسن المتابعه وطيب الاطراء
هلابك ملايييييين
نورت ,,,,,, لاهنت
الشاعر محمد سوعان الربيع
صح السانك
تقبل مروري يالنشمي
محمد سوعان الربيع
03-08-2017, 06:56
تحياتي ومودتي وصادق تقديري للجميع
شكراً لكم على حسن المتابعه وطيب الاطراء
هـــــــــــــــلا وغـــــــــــــلا
اخوكم : محمد الربيّـــع
vBulletin® v3.8.9, Copyright ©2000-2024, vBulletin Solutions, Inc.