فواز الغسلان
09-06-2007, 05:38
الشاعر فجحان الفراوي شاعر معروف ومشهور جاور شيوخ شمر الجربان والرشيد فتره من الزمن وهو صاحب
الابيات المشهوره التي تقول:
قلبي يحـب ملافحـات السفيفـه=ونوم الخلا عندي مضاريب وفراش
ماني مقابلها تقـل وجـه جيفـه=لاصرت ماني غازي رحت طراش
وسوالفي عنـد النشامـا طريفـه=ماهي سواليفن تعود علـى مـاش
عقب الحصان اخذت هدباء وريفه=والكل منهن من مراكيب الابـواش
طبعا خذاهن هديه من الجربان الخيل اللي ذكر0 وانا شفت واحد سأل عن المساجله اللي بين ابن رشيد وغزالان
ولا رد عليه احد فقررت انزلهن من حفظي وانا ماني ضابطهن واجد ولكن تسعين بالمائه تقريبا حفظي ولعل من
يلقاهن كاملات يفيدنا بهن0
طبعا محمد العبدالله الرشيد ماهو شاعر مثل ماتعرفون وانما امر فجحان الفراوي من المريخات من
مطير ان ينظم قصيده على لسانه يحذر بها محمد بن سعود(غزالان) عندما قرر ابن رشيد غزوه
وطبعا لقبه غزالان من وسامته المشهوره فقال فجحان:
ياراكب هجنـن كبـار المثانـي=بين الحجر ومحقبه يـوم يرعـن
بنـات حـر ضربوهـن عمانـي=وجن البكار وصوفهن مثلهن هن
مستردفيـن فوقهـن شيشخانـي=من قصر حايل فجر الاصباح مد ن
ومكلفـات مـن جميـع الاوانـي=كل الكلايف فوقهـن مايخطـرن
وركابهن من عندنا غـب ثانـي=بديار دسمين الشـوارب يعشـن
شيوخ القبائل يوم ماض الزمانـي=لما غدا ببخوتهم هن وابـن هـن
تلفي محمد شوق جـال الثمانـي=ولد السعود وخالط الزين في فـن
دنياك هـاذي ماتجـي بالتمانـي=كان انكسر مخباطها والسعد كـن
شوري على كل الرجال الذهانـي=وترى القلـوب الطيبـه مايغّـون
ومني عـدد مابالخفـا والبيانـي=وترى النصايح يافتى الجود يشرّن
حنا الضياغم واصلنـا بقحطانـي=وانتم بني وايل سباعن بـلا مـن
اطعت شـور مريشيـن الاذانـي=وان جوك بيضان الغتر كنهم جن
ينطحك ابو ماجد ليا جيت عانـي=كان اقبلن عوج المراكيض واقفن
كم مصعب خلوه جاء مرجعانـي=بصيارمـن بايمانهـم مايعـفـن
متسلحيـن الماطلـي والردانـي=وشي ماعرف لوصافهن توهن جن
والزين ماينفع خطات الحصانـي=لياصردن مثل العدن قفوهن كـن
هذا الكلام اللي ظهر من لسانـي=والامر لله والسبـب واردن مـن؟
وهنا قال فجحان ان الزين ماينفع الحصان المزيون لان المهار اذا صردن يعني اسرعن وطال بهن الطريق
قال قفوهن كن يعني ان المهره (الانثى) اذا طال الطريق تتقدم على الحصان المزيون الذكر والسبب ان
الحصان يحصره بوله الله يكرمكم ومايقدر يبول وهو يجري لازم ياقف في حين الانثى تبول وهي تجري فلا
تتضايق في جريها000
وعندما وصلته القصيده قال محمد بن سعود (غزالان) وهناك من يقول ان اللي رد زيد بن غيام المطيري
ايضا ولكنه قول ضعيف جدا وانما ذكرته للمعلوميه000
بديت ذكر الله علـى كـل شانـي=الواحد المعبو د با لرشد لـه فـن
وخـلاف ذا ياراكبيـن ٍسمـانـي=يشدن شياهين على الجول يهـون
قطم الفخـوذ مقولمـات الأذانـي=شقر ٍولون أذ يالهن لو نهن هـن
بتر الفخوذ مد خـلا ت الثفانـي=أكواعهن لازوارهن مـا ينوشـن
هجن هجاهيج ٍ خفـاف ٍ هجانـي=عوص ٍعلى هوز العصا ما يدانـن
أرقابهن مثـل الجريـد الليانـي=يشد ن لريم ٍ بالسهل يوم ينحـن
إلى اعتليتو فوق حيـل ٍسمانـي=دارواعلى عيـر ا تكـم لا يخفـن
وإلى انتحن مع فـج دو ٍ دنانـي=ترى الزمل مالاج بقلوب أهلهـن
ترحلوا منـي حلـول الا ذ آنـي=قبل الطيـور لرزقهـن لايطيـرن
مدوا إليا شفتوا سنا الصبح بانـي=من دار جدي ياسعد وين يمسـن
بأسفل شعيب سدير عند الشبانـي=قرم ٍ يرحب بالنضا حيـن يلفـن
وعند الفهيد معـزب ٍ مرحبانـي=كل ٍ يقول بجيرتـي مـا يفوتـن
كل ٍ يجيب من الحطب بالمكانـي=وسوالف ٍ يطرب لها البال وان جن
تلقا رجـال ٍ يفهمـون المعانـي=مجالس ٍ يثنى بهـا رايـب البـن
سيروا لاخو نوره عريب المجاني=والـى لفـن ركابنـا لا يـرد ن
فلا يحسبني عن بطـاه متوانـي=لازم اجيه بغيـر شـك ٍ ولاظـن
لو كان في برزان زيـن المبانـي=اجموعنـا وجموعكـم بيتـلاقـن
مثل صلاة الشايـب المذرحانـي=اعرف ترى خمس الفرايض يصّلن
الناس مثل الناس ماغـط بانـي=ومن قال أنا الطيب يعييه ابن من
والزين مايدقـم شبـاة السنانـي=والشين مايقصر يديـن ٍ يطولـن
اليا اجتمع زينن وفعـل اليمانـي=جنة نعيمن بالحشـى وان تلاقـن
والقاز يعبى لضـروس المتانـي=وإعرف ترى سن اللبن يقلعه سن
عليّ راس ٍ فيـه مثـل النوانـي=مثل البروق بليل غـدرا ينوضـن
حتى أيش يانقالـة الشيشخانـي=معنا فرنجي ٍ على البعـد يشفـن
إليا ركبنا فوق بنـت الحصانـي=عيب ٍ عليّ إحرافها ليـن يقفـن
إضرب بحد السيف والعمر فانـي=لين العذارى ياسعد لـي يعـذرن
مثل الصـلاة الواكـد النقرحانـي=لين العذارى ياسعد لـي يعـذرن
ذا قول من لاهـو بولـدة هدانـي=ولد شجاعن نادرن بان لـه فـن
وهذا الجواب اللي ظهر من لساني=والامر لله والسبـب نفعلـه حـن
وهنا معاني حلوه ومنها ان الزين ماعاب السيف وكذلك قال سن اللبن يجدعه سن يعني انك انت يابن
رشيد امارتك ماهي اصليه واذا جينا اصحاب الاماره الاصليه نزيلك مثل مايجدع الضرس الاصلي الضرس
او السن حقات اللبن اللي يطلعن للطفل000
لكن الخطا من غزالان انه زاد زوده قشرا لان فجحان قال(الامر لله والسبب واردن من ) يعني ماندري من
هو له النصر وهو قال (السبب نفعله حن) يعني مضمون لنا فكانت سبب زواله وقتله بالمعركه000
قال فجحان الفراوي في حسن بن مهنا آل صالح اباالخيل أمير بريده المتوفي سنة 1320هـ ,
الموافق 1902م , وهو صديق له وقد نهاه عن بعض التسرعات وذلك في وقعة المليدا الشهيرة
التي وقعت في يوم السبت 13 من جمادى الاخر سنة 1308هـ الموافق , 24 من يناير سنة 1891م ,
ولم يستمع حسن المهنا لنصيحة فجحان الفراوي فدخل المعركة وهزم فيها واسر هو وابنائه فيها
وارسلوه الى سجن حائل عند الامير محمد العبدالله الرشيد المتوفي سنة 1315هـ , وبقي حسن بن
مهنا في سجن حائل حتى مات في سنة 1320هـ , بعد 12 سنة قضاها في السجن .
عز الله انـا يابوصالـح نهينـاك=ولا ربح قبلك واحد قـد عصانـي
طاوعت من لا سر عينك ودهـواك=واليوم حطك في محـل الهوانـي
طاوعت شور ابليس وابليس غواك=وطاوعت شور مشرهفين الاذانـي
مانته ردي مير سيفـك بيسـراك=جوك الرشيد سيوفهـم باليمانـي
ماهو ردا بك مير ماهـم حلايـاك=صبيح ما ظلعه يشـادي لابانـي
واجهت مسط الروس ماهي حكاياك=مثل الحدج في ناعمـات المثانـي
زامل فكاك الريق وانتـه تعشـاك=كم مصعب خلوه جـاء مرجعانـي
يالله ياللـي كـل عيـن ترجـاك=انـك ترجـي باذريـن الحسانـي
لالمهم بأمر الولي مجـرى الادراك=تحـط ميتهـم شهيـد الجنـانـي
بغيت اعاون ذا وهـذا علـى ذاك=ولو ماحضرته في يدي في لساني
ذكرت نو الخيـر مـن ذا وذولاك=وهودت عن رأي العرب في مكاني
يقول زامل فكاك الريق يعني ابن سليم انهم حطوه طلوق ريق لهم وانت صرت عشاء لهم وهذا معنى طريف يضحك
فعلا هالتشبيه الله يرحمه00
الابيات المشهوره التي تقول:
قلبي يحـب ملافحـات السفيفـه=ونوم الخلا عندي مضاريب وفراش
ماني مقابلها تقـل وجـه جيفـه=لاصرت ماني غازي رحت طراش
وسوالفي عنـد النشامـا طريفـه=ماهي سواليفن تعود علـى مـاش
عقب الحصان اخذت هدباء وريفه=والكل منهن من مراكيب الابـواش
طبعا خذاهن هديه من الجربان الخيل اللي ذكر0 وانا شفت واحد سأل عن المساجله اللي بين ابن رشيد وغزالان
ولا رد عليه احد فقررت انزلهن من حفظي وانا ماني ضابطهن واجد ولكن تسعين بالمائه تقريبا حفظي ولعل من
يلقاهن كاملات يفيدنا بهن0
طبعا محمد العبدالله الرشيد ماهو شاعر مثل ماتعرفون وانما امر فجحان الفراوي من المريخات من
مطير ان ينظم قصيده على لسانه يحذر بها محمد بن سعود(غزالان) عندما قرر ابن رشيد غزوه
وطبعا لقبه غزالان من وسامته المشهوره فقال فجحان:
ياراكب هجنـن كبـار المثانـي=بين الحجر ومحقبه يـوم يرعـن
بنـات حـر ضربوهـن عمانـي=وجن البكار وصوفهن مثلهن هن
مستردفيـن فوقهـن شيشخانـي=من قصر حايل فجر الاصباح مد ن
ومكلفـات مـن جميـع الاوانـي=كل الكلايف فوقهـن مايخطـرن
وركابهن من عندنا غـب ثانـي=بديار دسمين الشـوارب يعشـن
شيوخ القبائل يوم ماض الزمانـي=لما غدا ببخوتهم هن وابـن هـن
تلفي محمد شوق جـال الثمانـي=ولد السعود وخالط الزين في فـن
دنياك هـاذي ماتجـي بالتمانـي=كان انكسر مخباطها والسعد كـن
شوري على كل الرجال الذهانـي=وترى القلـوب الطيبـه مايغّـون
ومني عـدد مابالخفـا والبيانـي=وترى النصايح يافتى الجود يشرّن
حنا الضياغم واصلنـا بقحطانـي=وانتم بني وايل سباعن بـلا مـن
اطعت شـور مريشيـن الاذانـي=وان جوك بيضان الغتر كنهم جن
ينطحك ابو ماجد ليا جيت عانـي=كان اقبلن عوج المراكيض واقفن
كم مصعب خلوه جاء مرجعانـي=بصيارمـن بايمانهـم مايعـفـن
متسلحيـن الماطلـي والردانـي=وشي ماعرف لوصافهن توهن جن
والزين ماينفع خطات الحصانـي=لياصردن مثل العدن قفوهن كـن
هذا الكلام اللي ظهر من لسانـي=والامر لله والسبـب واردن مـن؟
وهنا قال فجحان ان الزين ماينفع الحصان المزيون لان المهار اذا صردن يعني اسرعن وطال بهن الطريق
قال قفوهن كن يعني ان المهره (الانثى) اذا طال الطريق تتقدم على الحصان المزيون الذكر والسبب ان
الحصان يحصره بوله الله يكرمكم ومايقدر يبول وهو يجري لازم ياقف في حين الانثى تبول وهي تجري فلا
تتضايق في جريها000
وعندما وصلته القصيده قال محمد بن سعود (غزالان) وهناك من يقول ان اللي رد زيد بن غيام المطيري
ايضا ولكنه قول ضعيف جدا وانما ذكرته للمعلوميه000
بديت ذكر الله علـى كـل شانـي=الواحد المعبو د با لرشد لـه فـن
وخـلاف ذا ياراكبيـن ٍسمـانـي=يشدن شياهين على الجول يهـون
قطم الفخـوذ مقولمـات الأذانـي=شقر ٍولون أذ يالهن لو نهن هـن
بتر الفخوذ مد خـلا ت الثفانـي=أكواعهن لازوارهن مـا ينوشـن
هجن هجاهيج ٍ خفـاف ٍ هجانـي=عوص ٍعلى هوز العصا ما يدانـن
أرقابهن مثـل الجريـد الليانـي=يشد ن لريم ٍ بالسهل يوم ينحـن
إلى اعتليتو فوق حيـل ٍسمانـي=دارواعلى عيـر ا تكـم لا يخفـن
وإلى انتحن مع فـج دو ٍ دنانـي=ترى الزمل مالاج بقلوب أهلهـن
ترحلوا منـي حلـول الا ذ آنـي=قبل الطيـور لرزقهـن لايطيـرن
مدوا إليا شفتوا سنا الصبح بانـي=من دار جدي ياسعد وين يمسـن
بأسفل شعيب سدير عند الشبانـي=قرم ٍ يرحب بالنضا حيـن يلفـن
وعند الفهيد معـزب ٍ مرحبانـي=كل ٍ يقول بجيرتـي مـا يفوتـن
كل ٍ يجيب من الحطب بالمكانـي=وسوالف ٍ يطرب لها البال وان جن
تلقا رجـال ٍ يفهمـون المعانـي=مجالس ٍ يثنى بهـا رايـب البـن
سيروا لاخو نوره عريب المجاني=والـى لفـن ركابنـا لا يـرد ن
فلا يحسبني عن بطـاه متوانـي=لازم اجيه بغيـر شـك ٍ ولاظـن
لو كان في برزان زيـن المبانـي=اجموعنـا وجموعكـم بيتـلاقـن
مثل صلاة الشايـب المذرحانـي=اعرف ترى خمس الفرايض يصّلن
الناس مثل الناس ماغـط بانـي=ومن قال أنا الطيب يعييه ابن من
والزين مايدقـم شبـاة السنانـي=والشين مايقصر يديـن ٍ يطولـن
اليا اجتمع زينن وفعـل اليمانـي=جنة نعيمن بالحشـى وان تلاقـن
والقاز يعبى لضـروس المتانـي=وإعرف ترى سن اللبن يقلعه سن
عليّ راس ٍ فيـه مثـل النوانـي=مثل البروق بليل غـدرا ينوضـن
حتى أيش يانقالـة الشيشخانـي=معنا فرنجي ٍ على البعـد يشفـن
إليا ركبنا فوق بنـت الحصانـي=عيب ٍ عليّ إحرافها ليـن يقفـن
إضرب بحد السيف والعمر فانـي=لين العذارى ياسعد لـي يعـذرن
مثل الصـلاة الواكـد النقرحانـي=لين العذارى ياسعد لـي يعـذرن
ذا قول من لاهـو بولـدة هدانـي=ولد شجاعن نادرن بان لـه فـن
وهذا الجواب اللي ظهر من لساني=والامر لله والسبـب نفعلـه حـن
وهنا معاني حلوه ومنها ان الزين ماعاب السيف وكذلك قال سن اللبن يجدعه سن يعني انك انت يابن
رشيد امارتك ماهي اصليه واذا جينا اصحاب الاماره الاصليه نزيلك مثل مايجدع الضرس الاصلي الضرس
او السن حقات اللبن اللي يطلعن للطفل000
لكن الخطا من غزالان انه زاد زوده قشرا لان فجحان قال(الامر لله والسبب واردن من ) يعني ماندري من
هو له النصر وهو قال (السبب نفعله حن) يعني مضمون لنا فكانت سبب زواله وقتله بالمعركه000
قال فجحان الفراوي في حسن بن مهنا آل صالح اباالخيل أمير بريده المتوفي سنة 1320هـ ,
الموافق 1902م , وهو صديق له وقد نهاه عن بعض التسرعات وذلك في وقعة المليدا الشهيرة
التي وقعت في يوم السبت 13 من جمادى الاخر سنة 1308هـ الموافق , 24 من يناير سنة 1891م ,
ولم يستمع حسن المهنا لنصيحة فجحان الفراوي فدخل المعركة وهزم فيها واسر هو وابنائه فيها
وارسلوه الى سجن حائل عند الامير محمد العبدالله الرشيد المتوفي سنة 1315هـ , وبقي حسن بن
مهنا في سجن حائل حتى مات في سنة 1320هـ , بعد 12 سنة قضاها في السجن .
عز الله انـا يابوصالـح نهينـاك=ولا ربح قبلك واحد قـد عصانـي
طاوعت من لا سر عينك ودهـواك=واليوم حطك في محـل الهوانـي
طاوعت شور ابليس وابليس غواك=وطاوعت شور مشرهفين الاذانـي
مانته ردي مير سيفـك بيسـراك=جوك الرشيد سيوفهـم باليمانـي
ماهو ردا بك مير ماهـم حلايـاك=صبيح ما ظلعه يشـادي لابانـي
واجهت مسط الروس ماهي حكاياك=مثل الحدج في ناعمـات المثانـي
زامل فكاك الريق وانتـه تعشـاك=كم مصعب خلوه جـاء مرجعانـي
يالله ياللـي كـل عيـن ترجـاك=انـك ترجـي باذريـن الحسانـي
لالمهم بأمر الولي مجـرى الادراك=تحـط ميتهـم شهيـد الجنـانـي
بغيت اعاون ذا وهـذا علـى ذاك=ولو ماحضرته في يدي في لساني
ذكرت نو الخيـر مـن ذا وذولاك=وهودت عن رأي العرب في مكاني
يقول زامل فكاك الريق يعني ابن سليم انهم حطوه طلوق ريق لهم وانت صرت عشاء لهم وهذا معنى طريف يضحك
فعلا هالتشبيه الله يرحمه00