المساعد الشخصي الرقمي

مشاهدة النسخة كاملة : ألفيــــــــة أبن عـــــــــــــمار00اكمل

ابو عبدالمجيد
14-05-2006, 01:45
ألفيــــــــة أبن عـــــــــــــمار00اكمل

--------------------------------------------------------------------------------
يالله من اللي يكمل // الفية ابن عمار على حرف حرف حتا النهايه







ألف أولف مـن كـلامٍ نظيـفِ=ودموع عيني فوق خدي ذريـفِ
يا لايمن في حـب ذاك الوليـفِ=ادقاق رمش العين سيد الخوندات
خوندات يااللي ما بعد عاشرنّـه=قلـه تراهـن بالهـواء يذبحنّـه
قلبـي وقلبـك يالمولـع خذنّـه=عزي لي من مثلي تعرض للآفات -------------------



يالله منهو اللي يبي يكمل حرف الباء ؟؟؟؟؟؟؟؟؟؟؟؟؟؟؟؟


شكراً ،،،،،،،،،،،،،
فهد الغازي
14-05-2006, 04:33
تسلم يابو مضاوي...

وفكره حلوه...

وخذ عندك...


البا بليت بحب خلي على ماش=ولا حصل لي منه ما يبرد الجاش
غديت أنا وياه طاسة ومنقاش=بالوصف كني يا المعزي سلامات
سلامات ياللي باللقا يذكرونه=نبي السلامة منه وهـي المعونة
يقول طيب مير غارت عيونه=سبب ولدكم صايبه واحدن مات

.
المشرف العام
14-05-2006, 06:10
تسلم يابو مضاوي



التاء تليت الزين والزين مقفــــي =امشي وحتفي ناقله فوق كتفــي
لاشفت مجدول وكتـــف ورد في=ماقوى التفت لو طوحولي بالاصــوات
اصوات قالوا ياهبيل وسايــــح =طرد المقفي يالمشقى فضايــــح
قلت ايه مير اشواركم والنصايــــح= مثل المطر فوق السحال المكفــات
بكل فخر قالش
15-05-2006, 01:56
والله ما اعرفها وانتظر الي بعدي يكمل

وتسلم على هالفكره لاني ابحث عن هالقصيده منذو فتره
ابوحاتم
15-05-2006, 02:31
الثاء ثمانه حب رمان طايف 00 اوقحويانً في رياضً عطايف
متجملً بالزين سيد الولايف 00 عمهوجتاً فيها من الحور شارات
شارات فيها من ضبي الحمادي00 هي لذت الدنيا وغايه مرادي
من يوم قفى صاحبي عن بلادي00 عليه جاوبت الحمامه بالاصوات


ابو مضاوي مشكور على الفكره ترى ماني حافض القصيده زين اذى فيها اخطاء عدلها
المشرف العام
15-05-2006, 03:04
معك يابو مضااااوي




الجيم جاني من عشيري كلامــي = ولا لفينا من يرد الســــــــلام
عليه زرع القلب هايف وظامـــي = مالي جدا كود البكاء والتنهـــات
انهت على ما فاتني من زمانــي=يــوم الحـبـيّـب زارنــي فـي مكانـي
وراي ماخذت القضاء يوم جانــي = توي دريت البيض فيهن غــــــرٌات
ضاري
15-05-2006, 03:33
.
.


الحاء.. حلية في الوطن مالقيته=عذلت نفسي عنه ولا قويته
ولو هو يذكر يم مسكه نصيته=لو حال من دوني ودونه مسافات
مسافات لوهي في بحور الظلامي=أو وسط بتّيل حداه الولامي
ويلا حصل منها بلوغ المرامي=عنيت له لو هو ببحر الظلمات

.
.

ضاري

//
..
\\
..
//
..
\\
المشرف العام
15-05-2006, 03:58
حيالله ضاري




الخاء خليلي صار عندي قـــريبي =جعلي من نصيبه وهو من نصيبـي
ودي نواجه نور عيني حبيبــــــي = مار الوحيد لهيد ما فيه نوهــات
نوهات نوهات ٍغـــدت من غثا البال = طول النهار ِمسِيم عمال بطــال
وانا اترجى كل حول ٍ إلى حــال =دنياك هذي ياريش العين نشبـات
ابو عبدالمجيد
15-05-2006, 10:33
الـدال دامـي ماقضبـت الذوايـب=لوقيل طيـب قلت ماني بطايـب
دنوا سداد القبـر دنـوا النصايـب=دنوا دوات الحبـر نكتـب سجـلات

سجلات أريد أكتـب لخلـي وصيـه=عمري غـدى ياويل أهلـى عليـه
قولوا لصافى اللـون يعطـف عليـه=اغديه يرجـع يفتح السد مـافـات

ياسلام عليكم اللي بعدي(ذ)
المشرف العام
15-05-2006, 01:14
حيالله ابو مضاوي





الذال ذالي عنه مدة ليــــالي=لـو قـيـل طـيب قـلت انا أبخـص بحالــي
والله مايطري علي شف بالـــى =الا انت يا راعي الثمان الرهيفـات
رهيفات فـيـهـا المشقى طرابـــه =مجمول مدلول ٍ ولا به طنابــــه
هنـــي من يـخـــل في ثيابــــه =وأسـج انا وياه في العمر سجــات
ابو عبدالمجيد
15-05-2006, 02:07
ياسلام هذا الحرف اللي أبي000خلوووووووها




الـراء اردوف (صويحـبـي) ثقلـنـه=(ونهـود) للثـوب الحـمـر شلعـنـه
ولباسها محلا بياضه وفنه=من فوق جسماً فيه من عـرق الارطـات

ارطـات غرمـولً ذرتـه الـذواري =والله يالـولاني على الترف اداري
لضوي عليها مثل ذيـب الغـداري=جايع وبالغابـه اعياله امجيعـات
المشرف العام
15-05-2006, 04:22
تفضل ابامضاوي



الزاء زماني شفت منه الهوايــل =لاعاد حظي فـي الغنادير مــــايل
الزين لــــو نترك قصير ٍ وطايل =لاشك وين العقل هيهات هيهـــات
هيهـات لو فـي العـقـل يــا ديـب لبـه =ما كان يتبع واحد ما يحبــه
ليصار قـولـي لـــه خريطٍ بدبـــه =وش لك بشوفه يالعيون المشقـات
نجم سهيل
15-05-2006, 04:40
السين سقنا من الدراهم وعيا=واللي نبي من صاحبي متهيا
يقول والله لو تحب الثريا=خذني على السنه تشوف الطرابات
طرابات ينسنك جميع الدروبي=اغديك في باقي حياتك تتوبي
تلقى محلك بين جلدي وثوبي =وتشوف فرق البيض فيهن ملذات
المشرف العام
15-05-2006, 04:53
حيالله ســــــــــهيل





الشين شاب الرأس ياعذب الانيــاب=والـلي بطــارى توبة ٍكــان قدتاب
لى حاجة يا زين بـس افتـــح الباب=يرحمني اللي عـالـم ٍ الخـفـيـات
يرحمني اني فيك يازين مفتـون=من حبك اسهر والخلايق ينامــون
الهيتني عن مذهب اللي يصلــــون=ما عاد اميز لو قـرآن التحيات
صالح فارس الجربا
15-05-2006, 05:11
الصاد صيدي يوم الاوي غريمي
شفق على الحبة ولمس البريمي
مهوب بصيدي قلة في الحريمي
لاشك كل لة من الناس مشهات
مشهاتي انتة ياظبي الفريدي
حب العرب ينقص وحبك يزيدي
لاشفت زولك ذاك هويوم عيدي
تصبح بساتين الضماير مريفات
اااااااااااااااااااااااااااااااااااااااااااااااااا ااااااااااااااااااااااااااااااااااااا


وياهلا
المشرف العام
15-05-2006, 05:16
الهدد .. هلابك

اشوفك توايتز من مشوين :rolleyes:

:D




الضاد ضد ٍ بحال بيني وبينــه =يقول هذا واحد ٍلاتبينـــــــــــــــه
جعل الوجع يشقيه في صبي عينــه=يسهر ولايمرح من الليل ساعـات
ساعات فيها ما يشوف الجــدارا =ولايعرف الليل هو والنهــــــــارا
وعساه يوم البعث يحشر حمــارا =ويحملونه حمل الاسراف سيئــات
ابو عبدالمجيد
16-05-2006, 01:24
الطاء طويت اليأس والسد باحـي=وما عاد لي شف ٍبظبي الضواحـي
ياعلها هفت خفـــــوق الجناحي=اللي سبوقه فوق رجله مطــوات
مطوات وطار في يوم هبــــــــه=راعيه لو رز اللواء ما ينبـــــــــــه
طيرٍ قضيب او الحباري غدت بــه=يبي العشاء من بين فخـذ ٍوفندات
ابو عبدالمجيد
16-05-2006, 01:30
الظاء ظمانه لا تعـاشــر لك اثنيــن=لازم تخلي عشرتــك يامسيكيـن
ما خبر يجمع بالمرابط حصانين=يجي لها هز ٍوكزَ وصقــلات
صقلات صقلات الى ادنوا طعامـه=يجي لها مــع المعيشه بحامـه
اسمع كلامي يالهبيل الفدامــه=إلي جمعت الحصن فالحصن خطـرات


ياخوان عدم تخطي الحروف تكفون اللي بعدي


حرف الغين
صالح فارس الجربا
16-05-2006, 01:56
بشر...............
عين عن من ينقل الهرج حــذراك***راك كنك ناقل ٍداكبــــــــــــرداك
إلى سمع له كلمة مــن حكايـــــاك ***يحطها كبر القصــور المبنــــات
مبناة مبناة كبر خشم الغرابـــــه***ويكدر المشروب عقب الطرابــــه
وهو يشابه بومة ٍ في خرابــــه ***لاناقل الهرجــــه ولا كفو هرجــات






وياهلا
المشرف العام
16-05-2006, 02:14
السموحه يالهدد




الغين غاب العقل باول شبابـــي=وادميت من تلعات الارقاب نابـــي
واليوم شاب الرأس والكيف طابي=ماني على الفايت كثير الحسوفات
حسوفات لاتحزن على اللي مضى منك=ايضا ولاتفرح على اللي يجي منك
مدراك وش موجب سبب صدتـه عنك=ناهيك والي العرش رب السمـوات
فهد الغازي
16-05-2006, 12:04
صباح الخير جميعاً...


الفا .. فوادك لا توليه حساد=وإحذر يجي لك مع هل الشر مقعاد
واضحك وكنك عن جميع العرب صاد=ثم اعتبر بالذيب يضوي بغرات
بغرات يضوي والعرب ما دروا به=واللي يوقف بالمحاري حكوا به
كم وقفتن ولا قضى منه نوبه=يكسر اليا شاف اللحم كنه حـدات

.
ابو عبدالمجيد
16-05-2006, 01:04
ياسلام عليك يالهدد


تحياتي لك
صالح فارس الجربا
16-05-2006, 01:15
القاف فل للي يريد النواميس ........... اللي يبي طرق الهوى يرخي اللكيس

والا بذلت النفس والكيس وبليس ........ يطيح ناس يدعون الد يا نا ت

طاحوا وصاروا للخلايق علاجة ......... يلقي بهم راعي الهوىقضى حاجة

والانثرت الحب جتك الدجاجة ........... حاضت وباضت لوتبي عشر بيضات





وياهلا0000
ابو عبدالمجيد
16-05-2006, 01:34
استلم يالهدد




الكاف كن السد فـى كـل الاحـوال=واحذر لسانـك لايقولـون ذا قـال
حتى تجي عند العرب خوش رجـال=لا صرت بالمجلس نواظرك صقلات

صقلات لاتجلس مع اللـى يشاكيـك=هـو علتـك ودواك هلـى يشانيـك
ياذيب كان الله على الرشـد هاديـك=أكتـم كلامـك بالضلـوع المحنـات



تحياتي
صالح فارس الجربا
16-05-2006, 02:03
هذه المشاركة تحتوي على محتوى مخفي
ابو عبدالمجيد
16-05-2006, 02:16
ياهلا بك يالهدد



استلم



الميم ماغيـري مـن النـاس جـرب=ولاهوب بمثلي في حياتـه تطـرب
لاويت صافى اللون فوق المضـرب=كن العدو عنـي اعيونـه مـداوات

مداوات جعله ما يجى لـى عبـاره=واللي يصد عنك وش لـك بكـاره
الحذر مـا ياطـا بوسـط الحبـاره=لازم يجى فيهـا عفاريـت حيـات


تحياتي
المشرف العام
16-05-2006, 04:20
جتك يابو مضاوي ن




النون نام الحظ ولا فيه حيلـــه =عيا يباريني وانا ازريت اشيلــــه
من يوم فارقني عريض الجديلـــه=قام يتكسر في حشا الصدر عبــرات
عبرات ضيقن حنايا ضلوعـي =عليك يا خلي حسين الطبـــــــــوعِ
عليـك ما جفت محاجر دموعــي=دايم عيوني في مهاواك سهـرات
ابو عبدالمجيد
16-05-2006, 06:40
هلا يابو غازي لاهنت


استلم





الواو ويل أهل الهوى مـن هواهـم=وان كان سـم اللي وطاني وطاهـم
كـم ليلـة يصبـح جفيـف عشاهـم=الا لقيمـات على الحلـق مــرات

مرات لين أقضي من التـرف شفـى=ووسـده عضـدى وزنـدى وكتفـى
وأكشف عن اللـى (غابين) ومتخفـى=ثمً يجى لزاد والشرب لـذات تحياتي
صالح فارس الجربا
16-05-2006, 11:24
ابو مضاوي تقول لا تقمزون وتقمز الهاء الله يسامحك أأأأأأأأأأأأأأ

الهاء هواي السابعة يالفطيني . . . . . والثامنة ياللي تعرف الرطيني
مخفية ما ودي لضدي يبيني . . . . . والتاسعة تحصاه باعدادالاميات
اميات مات القلب من كثر همي . . . . . وشكي عليك الحال ياولد عمي
انتي عضيدي ونت لحمي ودمي . . . . . ترضاه يجفاني ولاني بمجفات



وياهلا......
المشرف العام
16-05-2006, 11:30
الختام





لملف حبه صلف ومراقده كلــف=لو هو يتمم مطلبي كان اقول الــف
حيثه صديق من قديم على عــرف = والا فغيره لو يبي عشر بيـــزات
بيزات ما افلها لغيره بلاشي=من جنس رأس الظبي ما ابي عراشي
الا لمن ما يه على ماه مــاشي=هذاك من يمه فلوسي رخيـّـات
ابو عبدالمجيد
17-05-2006, 09:58
اخواني الذين شاركو في الفية/محمد بن عمار رحمه الله

وهم


مناكد

المشرف العام


ابوحاتم

ضاري

نجم سهيل

الهدد

اشكركم والله يعطيكم العافيه وماقصرتو000

الهدد انت رائع وماقصرت يابعدي0 بس انا ماقمزت انت يمكن مانت حافظ

الحروف الهجائيهه00 ههههههههههههه

تحياتي للجميع
المشرف العام
17-05-2006, 05:03
كل الشكر والتقدير لك اخونا / ابو مضاوي

ونستنا الله يونسك بالعافية

وكل الشكر والتقدير لمن شارك معك من الزملاء ولمن اطلع ولم يشارك ولجميع الزوار


بارك الله فيك