رد على قصيدة الشاعر منصور البخيتان

[مشعل عسام التريباني]

حي الله المرسول وحروف الاقلام=حيّه عدد ماناح ورق الحمامى

واعدام ماطيرن بجو الفضى حام=واعداد من صلا الفرايض وصامى

يشكي علي َمنصور من ظيم الايام=مشاكل الدنيا سوات السهامى

وينشد عن اللي خافين بين الارقام=احلام ليلٍ تزعجه بالمنامى

تكتب بيوت الشعر بحروف الادغام=وانا علي يصعب خفي الكلامى

حلمك يبي واحد بخيصن بالاحلام=شيخن بليغ وفاهمن بالحلامى

وايفسر الرؤيا بتدبير واحكام=على حسب تركيز نحو العلامى

يعطيك تفسيره ويقريك الاقسام=من منطلق تطبيق كتب الايمامى

وكان انت تشكي من هوى ترف الاقدام=سيد العذارى لابسات اللثامى

قبلك شكو منهن مسطّر وحكام=وفريس نجد اللي ترد الجهامى

كم واحد قبلك غدى عقله اقسام=من حب عسلو جن رشيق القوامى

الحب سهمن ساطين صارمن سام=وجرحن لطراد الهوى مايهامى

والخاتمه مني تحيات الاسلام=اقبل سلامي يارفيع المقامى


مشعل عسام الغافل التريباني الشمري في 29/3/1441هجري

[دندش]

الشاعر القدير مشعل عسام التريباني
بيض الله وجهك يالعميد

رد وافي صح السانك

تقديري لجنابك

[ريم الفلا]

صح السانك الف اخوي الشاعر مشعل العسام

[مشعل عسام التريباني]

اخوي دندش
ووجهك يبعدي. صح بدنك الله لايهينك شكرالمرورك

[مشعل عسام التريباني]

اختي ريم الفلا
صح بدنكي شكر المركي لاهنتي

[حسيكان]

عميد الشعراء مشعل عسام التريباني
لاباس ومايشوف شر ابنكم عبدالرحمن
طهور ان شاء الله
صج السانك على هذا الرد الراقي
ودي لك يسبق ردي

[سراب الكحيلة]

الله الله صح بوح منطوقك ولسانك

[مشعل عسام التريباني]

اخوي حسيكان
مايجيك الباس ان شالله ابشرك الولد طيب لله الحمد
صح بدنك الله لايهينك يبعدي

[مشعل عسام التريباني]

اختي سراب الكحيله
صح بدنكي الله لايهينكي اختي

[منصورالبخيتان]

الاخ العزيز / مشعل ابوعبدالرحمن

صح لسانك على الابيات رد وافي وبيض الله وجهك وجمل الله حالك

والمعذره من الابيات داهمتك بوقت ماهو وقته

ومايشوف شر الولد وان شالله طهور ويطلع بالسلامه تحياتي لك

[رعد الشمال]

شاعرنا القدير / ابو عبد الرحمن

رد وافى من وافى أبيات فى غايه الروعه والجمال
كلمات في غاية الروعه والجمال وانتقاء ذو ذائقه
جميله كل الشكر على طرحك الرائع تقبل مروري
المتواضع في متصفحك دمت بسعاده

[مشعل عسام التريباني]

اخوي منصور البخيتان
صح بدنك وجزاك الله خير وتبقل الله دعواتك وابشرك انه طيب الولد وطلع البارحه عطوه علاج عن طريق القصدره وطلعوه ويقولون له جلسه ثانيه بعدشهر وانشاالله انه طيب

[مشعل عسام التريباني]

اخوي رعدالشمال
صح بدنك. بيض الله وجهك على المرور والاطرى الله لايهينك يبعدي

[الشيخه]

صح السانك الف اخوي الشاعر مشعل عسام التريباني

[الشيخ منحاش]

الشاعر الكبير مشعل العسام التريباني
صح السانك الف
تقديري لحضرة جنابك

[خطر]

عمي ابو عبدالرحمن صح لسانك ياحيي 4aab1040f3

[مشعل عسام التريباني]

اختي الشيخه
صح بدنكي لاهنتي

[مشعل عسام التريباني]

اخوي الشيخ منحاش
صح بدنك لاهنت يبعدي

[مشعل عسام التريباني]

اختي خطر
صح بدنكي لاهنتي

[راعى الكتلي]

الشاعر مشعل بن عسام التريباني
صح لسانك وعلاء شانك يالنشمي

‘‘‘‘إإإإحترامي‘‘‘‘

[مشعل عسام التريباني]

اخوي راع الكتلي
شكرالمرور لاهنت يبعدي

[همس المشاعر]

صح السانك الف اخوي الشاعر مشعل عسام التريباني

[سرهيد]

صح السانك عمي مشعل ملايين ياحيي

[دغيمان يركض بين الزهور]

انشهد رد كالف بيض الله وجهك وصح السانك يابو عبدالرحمن

[مشعل عسام التريباني]

اختي همس المشاعر
صح بدنكي لاهنتي

[مشعل عسام التريباني]

اخوي سرهيد
صح بدنك لاهنت يبعدي

[مشعل عسام التريباني]

اخوي دغيمان
صح بدنك لاهنت يبعدي

[توي طنيت]

أخي الغالي والعزيز وعميد الشعراء :
<> مشعل بن عسام <>
"ابوعبدالرحمن"
رد .. في غاية الروعة من شاعر حكيم إلى أخ وشاعر .
وفي وقت قياسي مع ظرف طاري ولاكن اصر . هذا الشاعر العملاااق محاولة التغلب على هذا الظرف وعدم التهميش أو التأخير للرد على أخ له وعزيز مثل :
أخينا الغالي ( منصور البخيتان ) .
نقول لعميدنا : صح لسانك وفيت وكفيت وبيض الله وجهك . :as :
وأهم شيء ، الحمدلله على خروج ابننا ( عبدالرحمن ) قرة عينك . ومايشوف شر إنشالله . والله يحفظك لهم 🤲🏻
ويحفظهم لك آميييين .

[مشعل عسام التريباني]

اخوي توي طنيت
صح بدنك يبعدي الف شكرلك على هذا المرور و هذا الاطرى
وبيض الله وجهك ابشرك عبدالرحمن طيب ان شالله تعالى