ادمح خطا الصاحب

[محمد سوعان الربيع]

ادمـح خـطا الصاحـب




تـرا الـوفـا يافـهــيـد والصـبـر والــود = يـبـقـن مع المنعــور مـثـل الامـانـه
وتــرا التسامح روضــةً مـالـهـا حـــد = يدلـه بهـا اللي ضايـقً مـن زمـانـه
الصـدق بـزحـــول الرجـاجـيـل ينعــد = ومـكــارم الاخــلاق,, ثـقـل ورزانـه
رفـقــة عـريب الساس عـنهــا فـلابـد = اســعـا لهـا واتـرك رفيــق المـهـانه
ابـذل لـهـا المجــهـود بالجـــد والكــد = ان كـان تـبغــا تـرتـفـع لك مـكـانـه
عـن زلـة الاخـــوان لـــدّ النـظـر لــدّ = واصبر وطـوّف واعـتـبرهـا مــيانـه
ادمح خـطا الصاحـب ولاتسرع الـرد = وتجـاهـل الموضوع واكسب حـنانـه
أرفـع جــدار الــوّد مـــن قـبـل ينهـدّ = واسـرج جـواد الطيب واكـرب بطانه
لا تكشــف المستور تفـرح بـه الضد = وســرّ الخـوي حـذراك تنـشـر بيانـه
احرص على الشيمه ولااتبيح بالسـد = واردع هـوى نفسـك وجــوّد عـنانـه
واكـرم جناب الضيف واجزل له المد = وكــم مـن كريـمً رب الارباب عـانـه
ولا لا اتحسّــب باب الارزاق ينسـد = وعـنـد الـولي كـل شـي قـدّر : بأوانـه
وللحـق خـلك دوم كالسـيف الاجـرد = واردع عــدوّه فـي عــزوم ,,,ومـتانه
لاتلــتـفـت للي تـحــت حجــة النــقـد = ولااظهـرخـبايـث نـيـته ,فــي لـسـانـه
ولا تمـنح الشـمّات فرصه الى الـغـد = بحلـم الحكـيم وصمت : اكحل اعـيانه
واحــذراك لـ بليس العـيــوّر تجــنـد = وابلـيس لاتنســـى يـجــــيـك بــذهـانـه
دنيــاك مـلـيانـه ســواميـح واعــقّـد = اطـلـب عـلـيهـا مـن الالـه اســـتعـانـه
مثـل البـحـر دنيـاك فالـجـزر والمـد = امــا ســـقـاك الـمـّر او جــاب : دانــه
بالثـانيـه لـه حــال يقـلــب ويــرتــد = حـزات مـوجــه مــا عـلـيـهـا ظــمـانـه
اصبر وربـك يفـرج الهـم ل اشــتـد = يـجـــلا غـثــا هـــمً بنـفـســك مـــكـانـه
ربً لــ وجهـه معـظم الناس تسـجدّ = ســبحانـه اللـي ما ايـضــاهـا بـشــانـه
وجهـة نظـرما اقـصد بها ضـد أونـد = الـقـصـد نـصــح لـكـل رجـــلً تـكـانـه

محمد بن سوعان الربيّع
فــــــــــي :
23 : رمضان 1441 هجري
16 : مــايــو 2020 ميلادي

[اللجاوي]

ترا التسامح روضة مالها حد 👏👏

ابدعت قصيده جزله ومعاني وااارفه

صح لسانك ودام عطاءك

[محمد سوعان الربيع]

خالد البدران

هلابك والله ومسهلا مليون
صح ذوقك الراقي لاعدمت اشراقة حضورك الاجمل والاوفى
الله يحيييك , ماعليك زود ,,,,,,,,,, طال عمرك

[حسيكان]

الله الله عليك يابن سوعان
شاعر من العيار الثقيل

كلمات جيرتها بماء الذهب
صح السانك بحجم الكون

ودي لك يسبق ردي

[الغرريب]

الشاعر محمد سوعان الربيع

صح السانك الف
تحياتي لك

[ريم الفلا]

صح السانك اخوي الشاعر محمد السوعان الف

[المشرف العام]

شاعرنا الكبير مقاماً القدير محمد بن سوعان الربع
ابو فهـــــــــد
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

[سراب الكحيلة]

صح بوح منطوقك ولسانك

[مشعل عسام التريباني]

شاعرنا الغالي محمد سوعان

صح لسانك وجاد بيانك ابدعت وامتعت
ابيات تستحق الاشاده امتلا ئت بالحكمه ما شالله تبارك الرحمن لا املك الا ان اقول اتحفتنا في هذه القصيده الله يوفقك

[سطم فهد الخليل]

ادمـح خـطا الصاحـب




تـرا الـوفـا والصـدق والصـبر والــود = يبـقـن مع الانســان مـثـل الامـانـه
وتــرا التسامح روضــةً مـالهـا حــــد = يدلـه بهـا اللي ضايـقً مـن زمـانـه
الصـدق بـزحـــول الرجـاجـيـل ينعــد = ومـكـارم الاخــلاق,, ثـقـل ورزانـه
رفـقــة عـريب الساس عـنهــا ولابـد = اســعـا لهـا واتـرك رفيــق المـهـانه
ابـذل لـهـا المجــهـود بالجـــد والكــد = ان كـان تـبغــا تـرتـفـع لك مـكـانـه
عـن زلـة الاصـحــاب لـــدّ النظـر لـدّ = واصبر وطـوّف واعـتـبرهـا مــيانـه
ادمح خــطا الصاحـب ولاتسرع الرد = وتجـاهـل الموضوع واكسب حـنانـه
أرفـع جــدار الــوّد مـــن قـبـل ينهـدّ = واسـرج جـواد الطيب واكـرب بطانه
لا تكشــف المستور يفـرح بـه الضد = وســرّالخـوي حـذراك تنـشـر بيانـه
احرص على الشيمه ولااتبيح بالسـد = واردع هـوى نفسـك وجـوّد عـنانـه
واكرم جناب الضيف واجزل له المد = وكــم مـن كريـمً رب الارباب عـانـه
ولا لا اتحسّــب باب الارزاق ينسـد = وعـند الـولي كـل شـي قـدّر : بأوانـه
وللحـق خـلك دوم كالسـيف الاجـرد = واردع عــدوّه في عـزوم ,,,ومـتانه
لاتلــتـفـت للي تـحــت حجــة النــقـد = يـظهـر خـبايـث نـيـتـه فــي لـسـانـه
ولا تمـنح الشـمّات فرصه الى الـغـد = بحلم الحكيم وصمت : اكحل اعـيانه
واحــذر مـن اللـي للعـيــوّر تجــنـد = وابلـيس لاتنســـى يـجــيـك بــذهـانـه
دنيــاك مـلـيانـه سـواميـح واعــقّـد = اطلـب عـلـيهـا مـن الالـه اســـتعـانـه
مثـل البـحـر دنيـاك فالـجـزر والمـد = امــا ســقـاك الـمـّر او جــاب : دانــه
بالثـانيـه لـه حــال يقـلب ويــرتــد = حـزات مـوجــه مــا عـلـيـهـا ظــمـانـه
اصبر وربـك يفـرج الهـم ل اشــتـد = يـجـــلا غـثــا هـــمً بنـفســك مـــكانـه
ربً لــ وجهه معـظم الناس تســجدّ = ســبحانـه اللـي ما ايـضاهـا بـشــانـه
وجهـة نظرما اقـصد بها ضـد أونـد = الـقـصـد نـصــح لكـل رجـــلً تـكـانـه
محمد بن سوعان الربيّع
فــــــــــي :
23 : رمضان 1441 هجري
16 : مــايــو 2020 ميلادي

الاخ محمد سوعان الربيع
دائما انت والابداع بالشعر رفيقين
ولكن في هذه الذهبية حلّقت بنا في
اسما القيم وارفاها
حاولت اقتبس من القصيدة مايسمى
ببيت القصيدة وجدتها جواهر من اول
حرف الى اخر حرف
الحقيقة كان في نفسي اشياء كثير
لكن تبخر التعبير مع الانفعال مع عباراتك
لا اقول صح لسانك فقط
بل اقول. صح فكرك وطاب ذكرك
واهنيك على هذا الابداع والرقي بالاخلاق
تقبل اعجابي
الله يحفظك من كل سوء*****

[هوجاس]

محمد سوعان الربيع
بيض الله وجهك على هذه الشامخه
صح السانك ملايين
تقديري لحضرة جنابك

[دندش]

لله درك علم شعر صح السانك الف
تحياتي لجنابك

[دباس]

صح السانك عمي محمد سوعان

[محمد سوعان الربيع]

حسيكان

ارحب ارحب الله يحييك
صح ذوقك الراقي لاعدمت اشراقة حضورك
ومتابعتك الجميله واطرائك الرائع
اشكرك وما عليك زود يالنشمي
لاهنت والله يحييك .

[محمد سوعان الربيع]

الغريب

هلابك والله ومسهلا
بيض الله وجهك
اشكرك على حسن المتابعه وطيب الاطراء
وما عليك زود يالنشمي
الله يحييك ,,,,,,,,,,, لاعدمت اشراقة حضورك .

[محمد سوعان الربيع]

ريم الفلا


هلابك والله ومسهلا يالشيخه
اشكرك على حسن المتابعه وطيب الاطراء
ما عليكم زود
الله يحييك ,,,,,,,,,,, لاعدمت اشراقة حضورك . الراقي
لاهنتي ,

[محمد سوعان الربيع]

المشرف العام


هلابك والله ومسهلا استاذنا الحبيب ابو غازي
بيض الله وجهك على ماتقوم به من جهد مضني
للارتقاء والازدهار بما يخدم النشامى اعضاء المنتدى
وبدوري اشكرك على حسن المتابعه وطيب الاطراء
وما عليك زود يالنشمي
الله يحييك ,,,,,,,,,,, لاعدمت اشراقة حضورك النيّر والراقي .

[محمد سوعان الربيع]

ســـــــراب الكحيله


هلابك والله ومسهلا ارحبي
الله يحييك
اشكرك على حسن المتابعه وطيب الاطراء
لاعدمت اشراقة حضورك ومتابعتك
تقبلي خالص مودتي وتقديري ,,,,,,,, لاهنتي .

[محمد سوعان الربيع]

مشعل عسام

هلا والله ومسهلا : عميدنا الشاعر والاديب القدير
ابو عبد الرحمن :
مرحب تراحيب المطر والهماليل = واعـداد ماقامـت تدافـق سـيوله
واعـداد ما لف الرشا بالمحاحيل = روحه وجيّه والسواني عجـوله

اشكرك على حسن المتابعه وطيب الاطراء
بيض الله وجهك ربي يحفظك
لاهنت طال عمرك .

[محمد سوعان الربيع]

سطم فهد الخليل

هــلا والله ومسهلا بالاخ العزيز والغالي
الله يحييك اخوي ابو فهد وصح ذوقك واحساسك الرائع
اشكرك ومن القلب على حسن المتابعه وطيب الاطراء والاشاده
شهادتك فخر لي وشرف كونها من رجل يمتلك رفعة الذوق والمعرفه
وقمه من قمم الاخلاق وحسن الاسلوب
وهذا بحد ذاته يكفي لاهنت
ربي يحفظك
اسال الله ان يجملني مع النشامى والطيبين اللي مثلك وشرواك
تقبل خالص مودتي ومحبتي وتقديري .

[محمد سوعان الربيع]

هوجاس

ارحب ارحب ,,,,,,,, الله يحييك
صح ذوقك الراقي لاعدمت اشراقة وجودك الجميل
شكراً على حسن المتابعه وطيب الاطراء
تقبل خالص مودتي وتقديري .

[محمد سوعان الربيع]

دندش


هلابك والله ومسهلا ,,,,,,,, الله يحييك
صح ذوقك الراقي لاعدمت اشراقة وجودك الجميل
شكراً على حسن المتابعه وطيب الاطراء
تقبل خالص مودتي وتقديري . لاهنت ,

[محمد سوعان الربيع]

دباس


ارحب ارحب ,,,,,,,, الله يحييك
صح ذوقك الراقي لاعدمت اشراقة وجودك الجميل
شكراً على حسن المتابعه وطيب الاطراء
تقبل خالص مودتي وتقديري .

[همس المشاعر]

صح السانك الف اخوي الكريم الشاعر محمد سوعان الربيع

[محمد سوعان الربيع]

همس المشاعر


هلابك والله ومسهلا مليون يالشيخه
صح ذوقك الراقي لاعدمت اشراقة حضورك الاجمل والاوفى
الله يحيييك , ماعليك زود ,,,,,,,,,, لاهنتي .

[رعد الشمال]

الشاعر / محمد سوعان

صح السانك ملايين على الأبيات الشعريه الرائعه والجميله
بحروف يملؤها الود وبنبضات قلوبنا التى تكن لك كل
مشاعر الحب والود والاحترام

[محمد سوعان الربيع]

رعد الشمال

ارحب الله يحييك يالنشمي
صح ذوقك واحساسك الراقي
لاعدمت اشراقة حضورك ومتابعتك الجميله
وكل عام وانتم بخير وصحه وسلامه
تقبل الله طاعتكم
كل الشكر والتقدير .