مشعل عسام التريباني
15-09-2022, 02:13
(((((ياذكرت ابن عمك))))))
يا ذكرت بن عمك لاتبيّن خطاه=اذكره بالمحاسن والعيوب استره
لاتحاول تصير سوات عين المراه=تكشف اصغر عيوبه لوتكون شعره
سد باب المعايب عن عيون العداه=وافتح ابواب طيبه للبشر واذكره
لف عيب ابن عمك تحت كم العباه=واظهر اجمل فعوله للرجال اظهره
سدباب الرخامه عن عيون الرواه=ومن تكلم بعرضه قم وسد نحره
سكر الباب دون الي يهين اصدقاه=كل مابصر بعين الخبث سد نظره
لا تكحّل عيون الهرج عند الدهاه=اقصر الهرج عن سمع الرجال اقصره
والعلوم الرخيصه ماعليها شفاه=قلل الحكي واترك كثرت الثر ثره
واعلم ان العلوم اليا نقص مستواه=تستفيد الاعادي ينقلون خبره
وكل بذره يعوّد زرعها للنواه=لاتلوّث نواتك يوم زان اثمره
(((مشعل عسام الغافل التريباني))) في ١٩/٢/١٤٤٤هجري
يا ذكرت بن عمك لاتبيّن خطاه=اذكره بالمحاسن والعيوب استره
لاتحاول تصير سوات عين المراه=تكشف اصغر عيوبه لوتكون شعره
سد باب المعايب عن عيون العداه=وافتح ابواب طيبه للبشر واذكره
لف عيب ابن عمك تحت كم العباه=واظهر اجمل فعوله للرجال اظهره
سدباب الرخامه عن عيون الرواه=ومن تكلم بعرضه قم وسد نحره
سكر الباب دون الي يهين اصدقاه=كل مابصر بعين الخبث سد نظره
لا تكحّل عيون الهرج عند الدهاه=اقصر الهرج عن سمع الرجال اقصره
والعلوم الرخيصه ماعليها شفاه=قلل الحكي واترك كثرت الثر ثره
واعلم ان العلوم اليا نقص مستواه=تستفيد الاعادي ينقلون خبره
وكل بذره يعوّد زرعها للنواه=لاتلوّث نواتك يوم زان اثمره
(((مشعل عسام الغافل التريباني))) في ١٩/٢/١٤٤٤هجري