يودع ربيع القلب يرجع خريفي [الأرشيف]

مشاهدة النسخة كاملة : يودع ربيع القلب يرجع خريفي

فواز الغسلان

25-09-2007, 10:03

ياحـمـود قـلـبـي من جفى الـزيـن مـهـمـوم=قـلـبـن على هجـر الحـبـايب ضعـيـفي
جـرح الـهـوى فـعـلـه بـالاجـواد مـعـلـوم=يـودع ربـيــع القلب يـرجـع خـريـفـي
لاداج طـيـفـه بـالـخـفـى يـطـرد الـنــوم=لين يـتــهــشــم حـجـرهـا بـالــذريـفـي
لامــن لـمـحـت الـبـاب يـاحـمـود مـردوم=من عـقـب مـاكـانـت حـيـاتـي وريـفـي
والـقـلـب عـقـب الجرح مـايـنـفـعـه لـوم=والـهـجـر نـاره مـثـل نـار الـصـريفي
قـلـبـن قـبـل ظـلـمـه من الوقـت مـظـلـوم=كـنـه طـريحـن مـن جـنـود الـشـريـفـي
ودنـيـاك مـاتـصـفـي لـنـا دايــم الــدوم=وزمـل الـفـرح ترجـع ظـعـونـه نـكـيـفـي
غـديـت مـثـل الـلـي قـلـب راسـه الحـوم=من عـقـب مـاهـو بالـحـبـاري يـحـيـفـي
باسـبـاب مـجـدولـن على الـمـتـن مـلـمــوم=لاطـاح مـن فـوق الـردايـف صفـيـفـي
وجـسـمـن سـقـاه الزين بالوصف مـبـروم=كـتـفـن وردفـن والـمخـصر صخـيـفـي
تجـمـع عـيـون الـفرس مـع بـشـرة الروم=وعـيـون شـامـيـه وهـرج الـقـطـيـفــي
خـشـفـن بزين الطـبـع والـعـيـن مـوسـوم=كـنـه عـروســن فـي لـيـال الـزفـيــفـي
خـــــده تـــلالا بـالـحــلا تـقــل مـخـتـوم=والـقــلــب مــع زيـن الحـلايا رهـيـفـي
والـلـه فـلا زيـنـه مـكـايـــيــج وهــدوم=يـكـفـيـك رمـشـن مـع سـواده نـظـيــفـي
خلت خفوقي عن حـلا الـبـيـض مـعـصوم=عن غـيـر زولـه بـالـعـذارى كـفـيــفـي
لولاي اخـاف الـلـه وعـادات وســلـوم=خـطـفـتـهـا مـثـل الـعـقـاب الـمـخـــيـفـي
في لـيـلـتـن نـور الـقـمـر طـاح بـغـيـوم=مـع ضـوح بـرقـن بـالـسـمـاء له رفـيـفي
والا كـمـا ذيـبــن عـلـى راس مـزمـوم=مـن نـار جـوعـه لـه قـنـــيـب وهـريـفـي
والا كما جـيـبـن عـلـى الـدرب مـنـهـوم=فـيـه الـدبـل جـاهـز ثـقـيـل وخـفـيـــفـي
فوقه شجـاعـن شـب فـي جـوفـه الـزوم=كـنـه لابـوصـــالح بـطـيـبـه وصـيــفـي
عواد شـوق الـلـي مـن الـزيـن مـوشـوم=الـلـي يـدوس الـــدرب لـو هــو كـلـيـفـي
نـسـل الـرجـال الـلـي لـهـا مـجـد وعـلـوم=الـلـي لـيـــاكــادت تـشـيــل الـرديــفـي
مـزبـان مـضـهـودن مـن الـقـوم مـضيـوم=الـلـي وقــع سـاقـه كــسـيـرن سـعـيـفـي
مـاهـو بـطـول الـدرب ضـايـع ومـنـجـوم=يـصـلـح لـمـن سـاق الـمـواتـر عريـفـي
يـفـزع لـمـن كـنـه عـن الـديـــد مـفـطــوم=لـه مـاقـفـن بـالـطـيـب مـاهـو طـريـفـي
الـشـاعـر الـلـي حـضـرتـه تـرهـب الـقـوم=ولالـي قـبـالـه غـيـر ربع الـنـصـيـفـي
مــار ان وقــت الـيـوم حـاكــم ومـحـكـوم=وراحــت بـحـمــد الله وقـوت الـزحـيـفي
وقـتـن مـضـى عـنــد الاجـاويــد مـذمــوم=كــان الـعـرب بـالـسـيـف دمــه نـزيـفـي
دخـلـت بـامـواج الـهـوى جـاهــل الـعــوم=واجـهـل طـبـايـع كـل جـنـســن لـطـيـفـي
والـيـوم قـلــبــي مـن هـوى الـبـال محروم=ونـتـيـجـتــه جـسـمـن عـلـيـلـن نـحـيـفـي
والادمــي رزقـــه مــقـــدر ومـقــســـوم=والـصـبــر مـلــجــأ كـل رجـلـن عـفـيـفـي

عنفوان بدويه

25-09-2007, 10:17

الراوي ابن غسلان

صح السانك مليون

قصيده روووعه الله يعطيك العافيه,

دمت بووود

ريال الفسحه

26-09-2007, 01:12

ابوفهد

ابوفهد

ابوفهد

صح لسانك وسلم قليك

راااائع

لامن لمحت الباب ياحمـود مـردوم
..................من عقب ماكانـت حياتـي وريفـي
والقلب عقب الجرح ماينفعـه لـوم
................والهجر ناره مثـل نـار الصريفـي

والادمـي رزقـه مقـدر ومقسـوم
...............والصبر ملجأ كـل رجلـن عفيفـي

عفيفي صح كلك وسلمت لنا

خخلوود !

26-09-2007, 07:48

في ليلتن نور القمـر طـاح بغيـوم
مع ضوح برقن بالسماء لـه رفيفـي

يعجبني خيالك اخووي فواز

واليوم قلبي من هوى البال محـروم
ونتيجتـه جسمـن عليلـن نحيفـي

والادمـي رزقـه مقـدر ومقسـوم
والصبر ملجأ كـل رجلـن عفيفـي

الله الله

صــــــــــح بــــــــوحـــــــــك ومنطــــــــــوقــــــــــــك..

عشوق

27-09-2007, 12:44

هلا وغلا

بهالطله يابو فهد

صح الله لساانك

وقصيده رائعه بكل المقاييس

وقائلها راوينا الغالي

عساك العافيه يابعدي

محبك / المزيون عشوق we(3)

أجــا

27-09-2007, 06:00

خـشـفـن بزين الطـبـع والـعـيـن مـوسـوم=كـنـه عـروســن فـي لـيـال الـزفـيــفـي
خـــــده تـــلالا بـالـحــلا تـقــل مـخـتـوم=والـقــلــب مــع زيـن الحـلايا رهـيـفـي
والـلـه فـلا زيـنـه مـكـايـــيــج وهــدوم=يـكـفـيـك رمـشـن مـع سـواده نـظـيــفـي

ابوفهد

صح قلبك

ولاهنت ..

النداوي

28-09-2007, 06:29

. صح لساااااااااااااانك يابوفــهد

.قصيدة جزله ولا تجي إلا من رجاااال جزل

.لا هنت

.

سلطان

30-09-2007, 05:57

فواز الغسلان

/

صح لسانك مليون يالغالي ولاهنت

يعطيك العافية وماقصرت

تقبل تحياتي العطرة

زاهي التومي

04-10-2007, 01:29

فواز الغسلان

صح لسانكـ

جميل أينما كنت
لامن لمحت الباب ياحمـود مـردوم
من عقب ماكانـت حياتـي وريفـي
والقلب عقب الجرح ماينفعـه لـوم
والهجر ناره مثـل نـار الصريفـي

أبيات فتقت جروح ٍ قديمه

يا بعد راسي أنت

أبيات كلها حكمه

شايب 81

04-10-2007, 01:32

يابن غسلان

الشايب قام يرجف يافلان خخخخخخ

يسلم ثمك يابناخي

الخـ ـاطـ ـر

04-10-2007, 01:36

لا هنت ابوفهد وسلمت يمناك وصح لساانك

تاج راسي والله

تحياتي