هلال الشمري
10-03-2008, 01:41
السلام عليكم ورحمة الله وبركاته..
إخواني .. أخواتي ..
نشامى شمر ..
أضع بين أيديكم هذا النص متمنياً أن يرتقي لإستحسانكم...
7
7
7
7
ودعتها والقلب يكضم على بين=والدمع له بين المحاجر صراعي
أخاف من أرماشتن تربش العين=همن يهل الدمع لحظة وداعي
تمشى. تخطى.تلتفت. يالمحبين=عيت قدمها لاتسوق المساعي
تبكي ودمعه يلتقي بين خدين=تبكي وعيني له تحن وتراعي
أقفت وقلبي يرتكي بين سيفين=مسممات(ن) سمهن سم أفاعي
أطلقت دمعاتي على فقد غالين=أطلقت دمعاتي حزن بإقتناعي
كني رضيعن ضايعن بالبساتين=الليل موحش وحوله سباعي
يبكي يقول أمي تعالي وضمين=يمه أنا خايف وزايد هلاعي
دنق وحط الرأس بين كفين=يحسبه تحميه مثل القناعي
قامن يحوفنه شطار النيابين=لين زاعمهن هدبه وإشتناعي
هذي حياتي بعد فرقى العزيزين=تكثربه أحزاني ويكثر وجاعي
عزي لمن مثلي بلوه القريبين=يشوف موته وهو له يراعي
كني سفينه أبحرت بالمحيطين=الموج عالي ولابه شراعي
أبحر ومعه أمن تلاها صغيرين=وهو العقيد اللي عليه المساعي
تم الكلام وعايشن بين نارين=نار الفراق ونار حب إطلاعي
أبي أشوفه بين كل الملايين=هذا منى عيني وهذا طماعي
وسلامتكم
أخوكم/هلال عزيز الحسيني الشمري
ودمتم بحفظ الرحمن
إخواني .. أخواتي ..
نشامى شمر ..
أضع بين أيديكم هذا النص متمنياً أن يرتقي لإستحسانكم...
7
7
7
7
ودعتها والقلب يكضم على بين=والدمع له بين المحاجر صراعي
أخاف من أرماشتن تربش العين=همن يهل الدمع لحظة وداعي
تمشى. تخطى.تلتفت. يالمحبين=عيت قدمها لاتسوق المساعي
تبكي ودمعه يلتقي بين خدين=تبكي وعيني له تحن وتراعي
أقفت وقلبي يرتكي بين سيفين=مسممات(ن) سمهن سم أفاعي
أطلقت دمعاتي على فقد غالين=أطلقت دمعاتي حزن بإقتناعي
كني رضيعن ضايعن بالبساتين=الليل موحش وحوله سباعي
يبكي يقول أمي تعالي وضمين=يمه أنا خايف وزايد هلاعي
دنق وحط الرأس بين كفين=يحسبه تحميه مثل القناعي
قامن يحوفنه شطار النيابين=لين زاعمهن هدبه وإشتناعي
هذي حياتي بعد فرقى العزيزين=تكثربه أحزاني ويكثر وجاعي
عزي لمن مثلي بلوه القريبين=يشوف موته وهو له يراعي
كني سفينه أبحرت بالمحيطين=الموج عالي ولابه شراعي
أبحر ومعه أمن تلاها صغيرين=وهو العقيد اللي عليه المساعي
تم الكلام وعايشن بين نارين=نار الفراق ونار حب إطلاعي
أبي أشوفه بين كل الملايين=هذا منى عيني وهذا طماعي
وسلامتكم
أخوكم/هلال عزيز الحسيني الشمري
ودمتم بحفظ الرحمن