الشبث
19-12-2008, 10:00
فزعة المتعشي
دايم نسمع هالحكمه وبعضنا ما يدري وش معناته
وعلشان نعرف معناته ابيكم تقرون هالقصه اللي صارت لي وتعرفون المعنى
ومتى تقال هالحكمه .....
قبل فتره
قال ابوي نبي نسوي عشاء بأحد الاستراحات ونبي نجمع الربع القريبين
يعني ثلاث بيوت ولا اربعه بعوايلهم
ونبي نستانس مع بعض
قالوا اخواني تمام يبه بس لازم ناخذ استراحه به مسبح علشان نفله
قال ابوي بكيفكم روحوا دوروا استرحه على مزاجكم
وراحوا الشباب واستأجروا استراحه وضبطوا الوضع
ويوم جاء يوم العزيمه
ومن العصر والعوايل مجتمعين
الشباب يلعبون كوره والفله فله
والحريم لحالهن بقشمهن مهيصات
والربع مجتمعين
وكان معنا اخ سوري جار اخوي الكبير هو وعائلته
انا طبعا لعبت كوره وعقب صلاة المغرب شبيت النار وجلست اصلح القهوه والشاي
والامور للحين على كيف كيفكم ( مابدر مني اي شي ينغص الوناسه علينا )
وكنت احاول بكل جهد اني اضبط نفسي
وجو الشيبان وجلست انا وياهم نستهبل على بعض
وعقب صلاة العشاء تعشينا وجلسنا نسولف
قالوا العيال يالله نبي المسبح
وهم يروحون يسبحون
وانا جالس مع الشيبان اسولف معهم
قال واحدن منهم شبيثان ليه ماتروح تسبح مع العيال
قالت والله يابو فلان مامن سباحتن بالحيل ( سقطت رضمه )
قال رح استانس معهم
وانا اروح اتفرج عليهم ( للحين اووووكيه )
يوم خذيت شوين ليمار الصيااااح
وانا اراعي ليمار اخوي الصغير طايحن بالمسبح ويرفس بالماء ( اخو من طاع الله )
وهي تجيني ام الشباب
وانا انزل اغراضي واطب بالمسبح ( بزعمي ابي انقذوه )
حسيت وانا اسبح اني مسلقط ( يعني رجليني فوق وراسي تحت )
بس قلت عادي اهم شي انقذوه
واقوم اتلمس ابيه ليمار ماحولي الوالي
اثري العيال طلعوه
بس نسيوني
وانا ابلش
هالحين ابي اطلع
واقوم ارفس وامد يديني ( مااافيه امل )
واسمعهم يقولون الحمد لله على سلامتك ياخالد
( ياقردي مهم يمي ولا يدرون عني لاهين بالوغد )
وشوي قال حديهم ياعيال هاللي يرفس منهو
قال واحد من الصغار هذا الشبث انا شفتوه طب ( طيب الله يسامحك ليه ماقلت مبطي )
وهم يطبون
ولي مراااافس
ووجهي قلب ازرق ( هلالي )
وهم يقومونالصغار يصيحون
والكبار يقولون الحقووووه لا يموووت
واحد من الصغار سمع كلمت لا يموت
وهو يدعس يم الحريم وهو يصيح
الشبث ماااات
الشبث ماااات
غرق الشبث وماااات
( ياعلوه يموت الغبي )
وهن ينجنن الحريم
وامي يابعد زولي اغمي عليه وطاحت بالصحن ( توه قالطه على العشاء )
ويالله يطلعوني
واقوم اشاااهق والقط النفس
الشيبان مجتمعين
والشباب
وشوي ولا هذي امي داخلتن علينا ( يده عليه رز ما غسلته )
وتقوم تحبحبن وتمسح وجهي بيده ( قلب الام ياناااااااااااااس )
وانا دموعي يصبن بفرحتي بالحياه
واختلط على وجهي حبيبات الرز وماء المسبح
وهذي هي فزعة المتعشي
وتقلدوا تحيتي
دايم نسمع هالحكمه وبعضنا ما يدري وش معناته
وعلشان نعرف معناته ابيكم تقرون هالقصه اللي صارت لي وتعرفون المعنى
ومتى تقال هالحكمه .....
قبل فتره
قال ابوي نبي نسوي عشاء بأحد الاستراحات ونبي نجمع الربع القريبين
يعني ثلاث بيوت ولا اربعه بعوايلهم
ونبي نستانس مع بعض
قالوا اخواني تمام يبه بس لازم ناخذ استراحه به مسبح علشان نفله
قال ابوي بكيفكم روحوا دوروا استرحه على مزاجكم
وراحوا الشباب واستأجروا استراحه وضبطوا الوضع
ويوم جاء يوم العزيمه
ومن العصر والعوايل مجتمعين
الشباب يلعبون كوره والفله فله
والحريم لحالهن بقشمهن مهيصات
والربع مجتمعين
وكان معنا اخ سوري جار اخوي الكبير هو وعائلته
انا طبعا لعبت كوره وعقب صلاة المغرب شبيت النار وجلست اصلح القهوه والشاي
والامور للحين على كيف كيفكم ( مابدر مني اي شي ينغص الوناسه علينا )
وكنت احاول بكل جهد اني اضبط نفسي
وجو الشيبان وجلست انا وياهم نستهبل على بعض
وعقب صلاة العشاء تعشينا وجلسنا نسولف
قالوا العيال يالله نبي المسبح
وهم يروحون يسبحون
وانا جالس مع الشيبان اسولف معهم
قال واحدن منهم شبيثان ليه ماتروح تسبح مع العيال
قالت والله يابو فلان مامن سباحتن بالحيل ( سقطت رضمه )
قال رح استانس معهم
وانا اروح اتفرج عليهم ( للحين اووووكيه )
يوم خذيت شوين ليمار الصيااااح
وانا اراعي ليمار اخوي الصغير طايحن بالمسبح ويرفس بالماء ( اخو من طاع الله )
وهي تجيني ام الشباب
وانا انزل اغراضي واطب بالمسبح ( بزعمي ابي انقذوه )
حسيت وانا اسبح اني مسلقط ( يعني رجليني فوق وراسي تحت )
بس قلت عادي اهم شي انقذوه
واقوم اتلمس ابيه ليمار ماحولي الوالي
اثري العيال طلعوه
بس نسيوني
وانا ابلش
هالحين ابي اطلع
واقوم ارفس وامد يديني ( مااافيه امل )
واسمعهم يقولون الحمد لله على سلامتك ياخالد
( ياقردي مهم يمي ولا يدرون عني لاهين بالوغد )
وشوي قال حديهم ياعيال هاللي يرفس منهو
قال واحد من الصغار هذا الشبث انا شفتوه طب ( طيب الله يسامحك ليه ماقلت مبطي )
وهم يطبون
ولي مراااافس
ووجهي قلب ازرق ( هلالي )
وهم يقومونالصغار يصيحون
والكبار يقولون الحقووووه لا يموووت
واحد من الصغار سمع كلمت لا يموت
وهو يدعس يم الحريم وهو يصيح
الشبث ماااات
الشبث ماااات
غرق الشبث وماااات
( ياعلوه يموت الغبي )
وهن ينجنن الحريم
وامي يابعد زولي اغمي عليه وطاحت بالصحن ( توه قالطه على العشاء )
ويالله يطلعوني
واقوم اشاااهق والقط النفس
الشيبان مجتمعين
والشباب
وشوي ولا هذي امي داخلتن علينا ( يده عليه رز ما غسلته )
وتقوم تحبحبن وتمسح وجهي بيده ( قلب الام ياناااااااااااااس )
وانا دموعي يصبن بفرحتي بالحياه
واختلط على وجهي حبيبات الرز وماء المسبح
وهذي هي فزعة المتعشي
وتقلدوا تحيتي