ديوان / الشاعر عبدالعزيز بن حشيان

اخواني وخواتي الله يسعد جميع اوقاتكم بكل خير
اليكم هذه الابيات المتواضعة من جديدي

من جديدي

	يالله عساء ماتكره النفس خيره =ويالله عساها خيرتن بعدها خير والحكم للي عالمن بالسريره=ومسيرن خلقه على حسن تيسير رباً على عرشه وحكمه يديره=ورزقه يعم الي على الارض والطير سقنا ضعنا لين وقف مسيره=بارضاً عليه من البوارح معاصير ومن لارضا بالقدر مانال خيره=واصبح بعدها من حساب المعاثير ومن لاعتبر بالوقت من فعل غيره=يصير مثل الي عكس خطة السير والعبد مايعلم نهايت مصيره=في عدن والا حفرتن من زمهرير ويالله عسا متكره النفس خيره=ويالله عساها خيرتن بعدها خير

اخواني وخواتي يسعدكم ربي
ابيات متواضعه من جديدي ارجو ان تنال رضاكم

من جديدي

	تركيبت الدنيا بها لحم واعراش=واحداً يدور رزق واحد ايتمشا والطير يطرح والصقاقير تعتاش=والذيب يفرس والحصاني تعشا حيات ناساً كلها طاش ماطاش=والاحد من الكذب الصريح ايتخشا اسباع غاباً تختلي بين الاحراش=واشجارها فيها الافاعي توشا وتلقابها الطيب يدور بمنقاش=مهوب من قله لكن يتخشا يخاف يبلونه مع الخبل والاش=وعصر الهبال الي فالمه تفشا واختامها راس الضبي مابه اعراش=والعظم لاخلص الحم منه طشا

عبدالعزيز بن حشيان

من جديدي

	ول سكسن صدروبه عقب ماوردوه=واشتعل فسرندله واهج النار الحمر كن صوته صوت ورعن قب مامات ابوه=شاف من عمانه القهر وصدوف القدر ضربوه العرق وامراح ابلهم ضيعوه=وقام يكوونه بالابنص وتروس النمر ومن صدوف القد جوالهم يوم كسروه=طاح منهم فالمغرز ثم اوطوه الكفر بحومت النقيان لاسندوبه حدروه=من غروب الشمس لان اكتمل نور الفجر في لهيب القاض والزاد معهم ماحتسوه=والدريول ينضح الماء على اطراف الغتر ماسقى ضميا العشاير عقب ماسرحوه=من عطشهن سودن عقب ماكانن عفر

عبدالعزيز الكسر

اخواني وخواتي يسعدكم ربي
ابيات بسيطة ارجو ان تحوز على اعجابكم ورضاكم

من جديدي

	عسى الله يفرج هم من وسع صدره ضاق=صبر لين طقن الشرايين من همه ذبحنا غلا الاعلاف ومساعر الاسواق=وحد يشتري بالكاش واحدن على الذمه ونتابع حوال الطقس ونتابع الزعاق=ونعاين مسار السحب وش تتجه يمه عسى الله يجيب الخير وتخضر الاوراق=تباشير سيله تروي القاع وتعمه ثلاثين ليل وبرقها فالسماء شعاق=مثل كيمر الاعلام في مجلس القمه علشان ننساء كلمة الطاق مايطاق=وعميل ليامنه نزل راتبي خمه وعلى الله توكلنا هو موزع الارزاق=كفيلاً بخلقه يجلي الهم والغمه

اخواني وخواتي يسعدكم ربي ابيات متواضعه
ارجو ان تنال استحسانكم ودمتم بخير

انا وين والعالم على وين

	انا وين والعالم على وين=سهرنا على دبك الخيالي انا والزمن منا متصافين=امد الثقه ويردهالي لخمنا وضيعنا العناوين=مابين العدو وبين غالي وعرفنا سواليف ام وجهين=عسى مالها اول وتالي تزين خلقها بالمضهر الزين=وتدس السم فالشهد الزلالي وقعدنا نعدها وحده وثنتين=نعد ايامنا هي واليالي تبين جهدنا في بارد العين=وخسرنا مافعلنا فالهزالي سماحت بالنا حسب القوانين=وعوضنا فالولي رب الجلالي

اخواني وخواتي الله يسعد اوقاتكم بكل خير

اليوم جبت لكم ابيات متواضعة تعبر عن نفسها

يالله بنوا ماطره مابعد شيف

	يالله بنواً ماطره مابعد شيف=ولاورخوه مورخين الحكايا غر السحاب الي قنوفه مراديف=خطايطه قامت تكج الودايا جوه ركود وخالي من العياصيف=ومسبحن باسم ولي البرايا من دخلة الوسمي يلا نقزت الصيف=تشبع به القطعان هي والرعايا يعم نجد اوساطها والاطاريف=ويمشيبه العساس كل النحايا وراع الحلال تخف عنه المصاريف=ويشكر كريم الوجه جزل العطايا وينسى مساعرت العلف والتكاليف=ويوفر الروحه وبعض النوايا

اخواني وخواتي الله يسعد جميع اوقاتكم بكل خير

ابيات متواضعة ارجو ان تنال شي من استحسانكم ورضاكم عني

البارحة يوم اتسوى اليل نصفين

	البارحه يوم استوا اليل نصفيين=نصفن تعداني ونصفن سريته مغار انا وهمي ثنين متخاوين=ماشين في درب الحياة المميته دنياً تقالبني على الزين والشين=وعيت توافقني على مابغيته يالله يامعطي العفون الملايين=شكرك ورضوانك على ماقضيته وتغفر لنا ساعة تقام الموازين=في حزتن ماينفع العبد صيته تنشر صحايفها ويقضى بها الدين=ويقال هذا ذنبك الي جنيته وصلاة ربي عد وبل الودادين=على نبياً عمر الدين بيته

عبدالعزيز بن حشيان

اخواني وخواتي يسعد الله جميع اوقاتكم بكل خير
ابيات متواضعة نرجو ان تنال شي من اعجابكم

لاسقتها ثم بركتبك على الزور

	للاخره ساعي عباده ومشكور=وعكسه يدور لشقا والمذله اقسم بها الله طور وكتاب منشور=فيها نعيم وحالتن مستعله لاسقتها ثم بركتبك على الزور=والجو حامي وادرك الشي ضله اطلب من الله جنت الخلد والحور=واطلب من الله منزل ماتمله تسعين فالميه من ادعاك مذخور=اطلب كريم الوجه واسجد رضاله من غرته دنياه مهوب معذور=لابد من يوما يفتش سجله حتيش لو يملك عقارات وقصور=زهرت ربيع يخلف القيض حله

عبدالعزيز بن حشيان الكسر

اخواني وخواتي

الله يسعد جميع اوقاتكم بكل خير ابيات متواضعة

ارجوان تنال شي من استحسانكم

خلوني امشي مع الصحرى ورا ذودي

	عقلي معي واعرف النقصان والزودي=اعرف طريق الرجال السنع وادله لوني اتبع نصايح كل مقرودي=تلقاني العب بلوت بجلسة الشله مانيب راعي مجالس حكي ومدودي=كبدي من اهل الهروج العوج منعله خلوني امشي مع الصحرا ورا ذودي=مع درب وضحى رقبتها قدم منتله ريحت عبسها ليهبت به النودي=مثل ازرق العود لقدم مع الدله بنت ارخمن فالتماميات مهدودي=له مركزا في صفوف الوضح محتله عنها الشريطي مع المضماه مطرودي=لو ساق فيها الرصيد وقيمة الفله ابا اتسلى معها والعمر محدودي=لابكر الوسم يروي الارض ويعله ممساي في ديرتن ماطبه الرودي=اخير من مقعد الحقران والذله

اخواني وخواتي
الله يسعد اوقاتكم بكل خير مشاركة بسيطة
لعل وعسى تحوز على رضاكم ابيات معبرة عن نفها

مدح في شمر

	وقفت مدري ويش اباقول محتار=لكن ابابدا السالفه واختصرها شرق الغزاله علته سحب الامطار=من اجود دهون العود ينزل مطرها على ديار مطوعة قب الامهار=شمر جنون الارض تخشا صطرها ريف الخوي والضيف والثالث الجار=وفعولهم بالطيب كلن ذكرها اهل الكرم والجود مع شبت النار=وصفر الدلال الي المهيل ذعرها وانا غريب ديار ومودي اخبار=ولارجي وراهم حسنتن منتضرها لكن اعد الي عرفته وماصار=عن ربعتن تشرح صدر من نحرها وعسا السحاب الي من الغيث مدرار=يسقي شعاب اهل الوفا مع وعرها

عبدالعزيز الكسر