آخر 10 مشاركات
قصة الشمري مع الأمير سلطان (الكاتـب : - )           »          احـب انا رجـلً بدمــه حـراره (الكاتـب : - آخر مشاركة : - )           »          رد ثنا للاخ العزيزفهد طليحان الرمالي (الكاتـب : - آخر مشاركة : - )           »          مدح في شمر (الكاتـب : - آخر مشاركة : - )           »          جتني مراسيلك عسى الشوق جابك . (الكاتـب : - آخر مشاركة : - )           »          في ليلة من ليالي الافراح سعدنا بزواج الشاب مليح جزاع الخليل (الكاتـب : - )           »          ديوان الشاعر / سطم فهد الخليل (الكاتـب : - )           »          ديوان الشاعر / نواف الشمري (الكاتـب : - )           »          مليح بن عواد العثمان الشميلي ( سنة الجوع ) (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 12-01-2013   #1


الصورة الرمزية عبدالعزيز بن حشيان
عبدالعزيز بن حشيان متصل الآن

بيانات اضافيه [ + ]
 رقم العضوية : 3593
 تاريخ التسجيل :  07 - 01 - 2013
 أخر زيارة : منذ أسبوع واحد (11:09)
 المشاركات : 707 [ + ]
 التقييم :  210
 الدولهـ  Saudi Arabia
 الجنس ~  Male
 اوسمتي
درع التميز شاعر متميز 
لوني المفضل : Blue
افتراضي ديوان / الشاعر عبدالعزيز بن حشيان





اخواني وخواتي الله يسعد جميع اوقاتكم بكل خير اليوم جبت لكم هذه البويتات

ارجو ان تحوز على شي من استحسانكم والله يحفضكم

اسمح لي اكتب كلمتاً بين قوسين .. ,,,,؟؟؟ !!!

ياهيه ياسيدالبني المزائين=يالي عليك من الجمال انسكابه
اسمح لي اكتب كلمتن بين قوسين={بينك وبين ام الغزيل تشابه}
ليتك خوين لي على العسر والين=ونروي عطشنا من دموع السحابه
في خايعن يطرق هواه المحبين=حيدن نفود وحيد روض ورحابه
ونبعد عن الحساد هم والشياطين=وايضا بعيدن عن عيون الرقابه
في روضة التنهات لو بس يومين=نمشي مع الروض الخضر والشعابه
ماحولنا كودالعصافير سالين=ترقص على عزف اللحن والربابه
وإن قالها الله نجتمع كل شهرين=من منتجع شرماء ايلا اطراف طابه
ويلا القا يامعذب القلب والعين=يالي سكنت بخافقي واعتنابه
سكنت فيه بفلتينن ودورين=وضيعت مفتاحه عقب صك بابه


 
 توقيع : عبدالعزيز بن حشيان



قديم 19-01-2013   #2


الصورة الرمزية عبدالعزيز بن حشيان
عبدالعزيز بن حشيان متصل الآن

بيانات اضافيه [ + ]
 رقم العضوية : 3593
 تاريخ التسجيل :  07 - 01 - 2013
 أخر زيارة : منذ أسبوع واحد (11:09)
 المشاركات : 707 [ + ]
 التقييم :  210
 الدولهـ  Saudi Arabia
 الجنس ~  Male
 اوسمتي
درع التميز شاعر متميز 
لوني المفضل : Blue
افتراضي شكر وعرفان




اخواني هذه ابيات قلتها في احد الرجال الشرفا حيث قام بعمل جليل لاحد خوياه في العمل

ومن لايشكر الناس لايشكر الله ولاخ ناصر الفتوح البلوي يستحق الاشادة بما عمل

ارجو ان تستمتعو بمافيها وتنال شي من استحسانكم[/i]

شكر وعرفان.. ,,,,


يطول الزمان وتحفظ الصحف ماهو آت=على صدرها التاريخ يكتب سجلاته
كثيراً هل المجد وكثيراً هل الوقفات=وابا اعد منهم واحداً شفت وقفاته
وهو ناصر الفتوح في ساعت الشدات=وقف مع خويه لين خفف معاناته
وقف وقفتاً تحميه من هرجة الشمات=تخلي الردي ياقف بنفسه على ذاته
على وقفته ترمى له الشمغ والرايات=وينثر عليه الورد في كل خطواته
طليق اليمين ليا عطاء يجزل المدات=مهو بالضعيف الي يحقر بمداته
كريم السجايا مايحسب لود وهات=سوات القطامي تثلج الصدر هداته
ابونايف الله يسعده بأجمل الاوقات=ويفرج له الدنياعلى مجمل اوقاته
سلالة رجالاً في الوغا تحمي الهيات=بخطات الحسام الي في الارقاب سطواته
فتح جدهم في جبهت المعتدي ثغرات=لجل نصرت الاسلام في اول فتوحاته
وسمي بها الفتوح لأعماله الجزلات=على فتح نصر الدين يحمل كناياته
طحاطيح قومٍ في اللقاء تبعد الهقوات=رعدهم يزلزل واشقر الدم عبراته
عليهم سلامي عد ماتذري النسمات=سلامٍ يليق ابهم مع اجمل تحياته
وكثراً هل المجد وكثيراً هل الوقفات= وابى اعد منهم واحداً شفت وقفاته


الشاعر : عبد العزيز بن حشيان


 
 توقيع : عبدالعزيز بن حشيان



قديم 26-01-2013   #3


الصورة الرمزية عبدالعزيز بن حشيان
عبدالعزيز بن حشيان متصل الآن

بيانات اضافيه [ + ]
 رقم العضوية : 3593
 تاريخ التسجيل :  07 - 01 - 2013
 أخر زيارة : منذ أسبوع واحد (11:09)
 المشاركات : 707 [ + ]
 التقييم :  210
 الدولهـ  Saudi Arabia
 الجنس ~  Male
 اوسمتي
درع التميز شاعر متميز 
لوني المفضل : Blue
افتراضي تاملات ؟؟؟



اخواني وخواتي اليوم جبت لكم هذه البيات المتواضعة والتي تحكي عن نفسها

ارجو ان تنال شي من استحسانكم ورضاكم ولكم مني جزيل الشكر




تاملات ؟؟؟

سبحان من بيده جلال الملكوت=و له حكمة الدنيا و دور عجلتها
العام ناسن عندهم مال و بخوت=و اليوم بالأفق يتلاشى بختها
و أشوف ناسن عندهم جاه و بشوت=مرحانهم سحب الذواري ذرتها
و أحدن يموت و علته قلة القوت=و أحدن وفاته تخمته قربتها
وجه الشبه ما بينهم غير مثبوت=شتان بين العرفجه و نخلتها
و يقطعك يا دنيا العنا يم ساحوت=ما تنومن لو كثرت زخرفتها
أما يروح المال و إلا يجي الموت=و إلا بلاويها بوجهه رمتها
و من لا أخذ العبره إلافاته الفوت=ما تنفعه لو الصدف رجعتها
خله يموت بحسرته وسط تابوت=من زحمة الدنيا و من معمعتها
و داود قومه يوم جو نهر طالوت=في ساعتن ضاقت عليهم سعتها
أحدن عصى ربه و خذه الجباروت=و أحدن عطاه الله و نال بركتها
و ذا النون يوم انه سقط في بطن حوت=له وقعتن ما تحتمل فاجعتها
و لولا دعاء ربه و لبى له الصوت=لبث طوال الدهر وسط ظلمتها
معه من المولى بطاقات و كروت=تسوى بنوك الراجحي وأرصدتها
و فرعون حط اسمه على الصخر منحوت=و كلف جنوده بالهرم و أعمرتها
ما سرته دنياه لا صار طاغوت=موسى كليم الله حت شجرتها
و قارون وسط الأرض ما قيس بالفوت=خسف به الله هو و داره تحتها
نتيجتن للكبر و الكبر ممقوت=عقوبة الله ما خشى عاقبتها
و كلن على الصراط بيمر و يفوت=و على ذنوبه سرعته برمجتها
و اللي له أوفر بالسلاسل و مكبوت=و يقاد يم الحاطمة و حطمتها
و صلو على المختار ما خط بالنوت=شفيع من يوم القيامة بهتها

الشــــاعر .. عبدالعزيــــز بن حشيــــان


 
 توقيع : عبدالعزيز بن حشيان



قديم 01-02-2013   #4


الصورة الرمزية عبدالعزيز بن حشيان
عبدالعزيز بن حشيان متصل الآن

بيانات اضافيه [ + ]
 رقم العضوية : 3593
 تاريخ التسجيل :  07 - 01 - 2013
 أخر زيارة : منذ أسبوع واحد (11:09)
 المشاركات : 707 [ + ]
 التقييم :  210
 الدولهـ  Saudi Arabia
 الجنس ~  Male
 اوسمتي
درع التميز شاعر متميز 
لوني المفضل : Blue
افتراضي يسعد صباح الي على البال طاريه



اخواني وخواتي يسعد الله جميع اوقاتكم بكل خير يسعدني ان اضع امامكم هذه البويتات


والتي ارجو ان تنال شي يسير من استحسانكم وذوقكم الرفيع متمتياً لكم اسعد الاوقات

يسعد صباح الي على البال طاريه ؟؟؟

يسعد صباح الي على البال طاريه=الي تعابير السعد في محياه
الفن صباح الخير ساعة انلاقيه= والفن صباح الخير حزت مقفاه
اليا ضحك كن البرد بين اشافيه =واليا سكت كن الجمر في شفاياه
واليا هرج باول كلامه نقول ايه=والياسكت باخر كلامه نقول اه
ماودنا يسكت على شان نوحيه=ونمتع اسمعنا بصوتاً سمعناه
واليا وقف ثوبه على الردف يطويه=وخصره غصن موزاً على جال مسقاه
لاهب نسناس الهوا قام يصغيه=قام يتمرج به وجابه ووداه
انا اشهد ان الله من الزين معطيه=سبحان من صور وزين حلاياه
احيان يجيني وانا احيانن اجيه=وعيا البخت لايجمع الشمل وياه
وان كان معه الحظ خابت مساعيه=عز الله ان نهايت الروح فرقاه
طرد الهوا شرن على من وقع فيه=عان الدجيما واحدن من ضحاياه
صيح ونادا مالقى من يواسيه=وعطى بمافي الراس من حر ماجاه


 
 توقيع : عبدالعزيز بن حشيان



قديم 11-02-2013   #5


الصورة الرمزية عبدالعزيز بن حشيان
عبدالعزيز بن حشيان متصل الآن

بيانات اضافيه [ + ]
 رقم العضوية : 3593
 تاريخ التسجيل :  07 - 01 - 2013
 أخر زيارة : منذ أسبوع واحد (11:09)
 المشاركات : 707 [ + ]
 التقييم :  210
 الدولهـ  Saudi Arabia
 الجنس ~  Male
 اوسمتي
درع التميز شاعر متميز 
لوني المفضل : Blue
افتراضي يابنت لايوجعك راسك ولاشي



اخواني وخواتي نشامى شمر اليوم جبت لكم هذه البويتات والتي تعبر عن نفسها

ارجو ان تنال شي من استحسانكم ورضاكم ودمتم بكل خير وعافيه

يابنت لايوجعك راسك ولاشي ؟؟؟


يابنت لايوجعك راسك ولاشي=دنياك ماتسوا جناح البعوضه
مادام نطردها وربي معيي=حكم القدر فيها قوياًغموضه
والصبر مفتاح الفرج كان تدري=واعمالنا عندالكريم محفوضه
وانا الذي فيها انكوا خافقي كي=كي الحديد الي متاناًعروضه
عديت فيها لين حفين رجلي=ولقيتها للي كباراًحضوضه
ولاتنفعه دنياه لاصار مقفي=عشبه يموت وهو غديراً وروضه
ويبغا المقام وكل ماقام يزري=في طيحتن منها صعيبن نهوضه
ومن لاسعا في عزها يوم هو حي=لعل ربه في مماته يعوضه


 
 توقيع : عبدالعزيز بن حشيان



قديم 22-02-2013   #6


الصورة الرمزية عبدالعزيز بن حشيان
عبدالعزيز بن حشيان متصل الآن

بيانات اضافيه [ + ]
 رقم العضوية : 3593
 تاريخ التسجيل :  07 - 01 - 2013
 أخر زيارة : منذ أسبوع واحد (11:09)
 المشاركات : 707 [ + ]
 التقييم :  210
 الدولهـ  Saudi Arabia
 الجنس ~  Male
 اوسمتي
درع التميز شاعر متميز 
لوني المفضل : Blue
افتراضي زمان وناس



اخواني وخواتي الله يسعد جميع اوقاتكم بكل خير اليوم جبت لكم هذه القصيدة والتي ارجو

ان تحوز على شي من رضاكم واستحسانكم ودمتم بكل خير وعافيه

زمان وناس ؟؟؟

مشاكل زمانن فيه تفتر فرسيور=مكينة ونيتاً كيمه طالب الدوره
يبى يحضر الصفه قبل يمشي الطابور=ويروح التمام ويرفع الاسم ماموره
تفكرت بالدنيا ولاهي تلف وتدور= وتعيدالبرامج كل ماتكمل دوره
شريطاً يسجل فيه كلش بدون قصور=وتجيبه هجوس النفس بالصوت والصوره
ثوانيه ساعات ودقايقه روس شهور=وساعاته اسنبناً بالارقام محصوره
تبين لها احداثاً جديات ثم تغور=على صفحت النسيان في غبت ابحوره
الايابن ادم لاتجي في الزمن مغرور=ترا لك عدو والنفس بالشر ماموره
تحرس من الشيطان زال ان لك مقدور=قبل مايسوقك وسط جنده وجمهوره
ترى من حفض دينه يجي له من الله نور=تباشير ربه واضحه باول السوره
ويذا كان حضك مايهي لك الميسور=ويسوقك لفعل الطيب في كل معموره
قناعتك بالميسور هو حضك الموفور=ورصيدك مع الله حفض دينه ودستوره
ولالك بمجداًقابعاً في قعور قبور= ولو تنحت اسمك في الصخر مااكتمل دوره
كفا الله دنيا مالها بالقديم حضور=كتابت طباشيراً على وجه سبوره
تمارا بها اطلال عليهاعشوش نسور=توارا معالمها لها اسنين مهجوره
وبئراًمعطلتاً وتلقى بقايا سور=عليها دليل الله بالايات مذكوره
ويقال البحر ماتنقصه شربت العصفور=ولاكن مقاديراً باللواح مسطوره
ولو انك تفكر في كتاب الله المنشور=لقيت العبر في ماضي الوقت وعصوره
عسى الله يكافينا المشاكل وكل اشرور=ويقينا بلطفه هفوت الحض وعثوره
وعسى الله يرحمنا هو الولي الغفور=ليا جا نهاراً فيه العمال محصوره
وصلات الله المولى عدد ماطلع من نور=على المصطفى ماحطت وطارت اطيوره


 
 توقيع : عبدالعزيز بن حشيان



قديم 15-03-2013   #7


الصورة الرمزية عبدالعزيز بن حشيان
عبدالعزيز بن حشيان متصل الآن

بيانات اضافيه [ + ]
 رقم العضوية : 3593
 تاريخ التسجيل :  07 - 01 - 2013
 أخر زيارة : منذ أسبوع واحد (11:09)
 المشاركات : 707 [ + ]
 التقييم :  210
 الدولهـ  Saudi Arabia
 الجنس ~  Male
 اوسمتي
درع التميز شاعر متميز 
لوني المفضل : Blue
افتراضي جر الهجيني على تقسيمة الشنه



اخواني وخواتي يسعد الله جميع اوقاتكم بكل خير جبت لكم هذه البويتات التي تعبر عن نفسها

ارجو ان تنال منكم شي من الاستحسان ودمتم بكل سعادة

جر الهجيني على تقسيمة الشنه؟؟؟


يعجبني الصوت في جو الخلا الهادي=جر الهجيني على تقسيمة الشنه
وريح النفل والخزامى والقمر بادي=ماحال دونه بعض سحباً يغطنه
سجت خواطر ومعها البال ينقادي=يستعرض ايام وشهوراً تعدنه
بعد صلات العشاء والربع قعادي=من عقب صلو صلات الفرض والسنه
والكبش يطبخ تحته النار وقادي=تلقى البنات الشقرديه يحوفنه
والذود زين مراحه باسفل الوادي=مافيه نمله ولاقرداً يسرنه
في خايعن علها الوسمي تردادي=دهم السحايب اسبوعياً يساقنه
حتى غدا العشب كنه فرش سجادي=من فضل رباً له الشكر وله المنه
وخوت نشامى لهم بالمجد مسنادي=من ضن بالطيب فيهم ماختلف ضنه
تبعد عن الهم معهم كل البعادي=كنك وانا استغفر الله تملك الجنه
شروا البخيتان وابو غازي اسنادي=شمر هل المدح واهل الخيل والعنه


 
 توقيع : عبدالعزيز بن حشيان



قديم 14-04-2013   #8


الصورة الرمزية عبدالعزيز بن حشيان
عبدالعزيز بن حشيان متصل الآن

بيانات اضافيه [ + ]
 رقم العضوية : 3593
 تاريخ التسجيل :  07 - 01 - 2013
 أخر زيارة : منذ أسبوع واحد (11:09)
 المشاركات : 707 [ + ]
 التقييم :  210
 الدولهـ  Saudi Arabia
 الجنس ~  Male
 اوسمتي
درع التميز شاعر متميز 
لوني المفضل : Blue
افتراضي الايازمان الصمت :



اخواني وخواتي يسعد الله جميع اوقاتكم بكل خير

حبيت اليوم اجيب لكم هذه البويتات والتي تعبر عن نفسها ارجو ان تنال شي من استحسانكم

الايازمان الصمت ؟؟؟


الاء يازمان الصمت صمتك يجيب هموم=وعلى طق زيرك سامريك مواويلي
تصبح بوجهاً كل يوماً يجيب الشوم=وانا ماتشام لاكن الشوم يطريلي
رماديت النظرات دايم عليك تحوم=تغير نفوس الناس في تالي الجيلي
وصديق امس يوم اصبح ولينه عدو اليوم=وياكثر فيك المقفيات المقابيلي
تجند بها ناساً تود وتجيب علوم=ضعاف النفوس قليلين المحاصيلي
تراكض بكذباً فيه يطير عنك النوم=تقول ان فيهم مس والاء مهابيلي
ودليلك سراء باليل واصبح وهو منجوم=صلاته بعكس القبله بتالي اليلي
وعيال الحرار وكورها صار فيها البوم=وتبدل بها الميقاع من قلت الحيلي
وعسى الله يكفيناك يالمقبل المحتوم=وعسى مقبلاتك فيهن الخير يبديلي


 
 توقيع : عبدالعزيز بن حشيان



قديم 02-05-2013   #9


الصورة الرمزية عبدالعزيز بن حشيان
عبدالعزيز بن حشيان متصل الآن

بيانات اضافيه [ + ]
 رقم العضوية : 3593
 تاريخ التسجيل :  07 - 01 - 2013
 أخر زيارة : منذ أسبوع واحد (11:09)
 المشاركات : 707 [ + ]
 التقييم :  210
 الدولهـ  Saudi Arabia
 الجنس ~  Male
 اوسمتي
درع التميز شاعر متميز 
لوني المفضل : Blue
افتراضي سلم اليامريت برموش العيان



اخواني وخواتي يسعد الله جميع اوقاتكم بكل خير حبيت اطلعكم على اخر

ابيات قلتها ولعل تنال شي من استحسانكم



سلم اليامريت برموش العيان ؟؟؟


يالي اليامريت تهتز الاشجان=وتخاف حسادك من الوضع يدرون
سلم اليا مريت برموش العيان=ساعي بريداً بين ناساً يحبون
وان كان في بالك على ان انت زعلان=اناتراني منك راضي وممنون
وجرح الزمن ماهو بينسا ولو كان=اعطيت عمر شعيب مع مال قارون
وان كان من كثر الهواجيس طفشان=خل الطفش للي باللحاد مدفون
والصبر في رجوا الفرج خير برهان=ولاخاب من حضه مع الصبر مقرون
من حال لاحالاً على مر الازمان=تبديلها في كلمت الكاف والنون
لابد يلتم الشمل بين الاخوان=غصباً على الحساد وبليس ملعون


 
 توقيع : عبدالعزيز بن حشيان



قديم 28-05-2013   #10


الصورة الرمزية عبدالعزيز بن حشيان
عبدالعزيز بن حشيان متصل الآن

بيانات اضافيه [ + ]
 رقم العضوية : 3593
 تاريخ التسجيل :  07 - 01 - 2013
 أخر زيارة : منذ أسبوع واحد (11:09)
 المشاركات : 707 [ + ]
 التقييم :  210
 الدولهـ  Saudi Arabia
 الجنس ~  Male
 اوسمتي
درع التميز شاعر متميز 
لوني المفضل : Blue
افتراضي لبسني الساعه ولبسته الدبله



اخواني وخواتي يسعد الله اوقاتكم بكل خير اليكم هذه البويتات وارجو ان تنال شي من اعجابكم

لبسني الساعه ولبسته الدبله؟؟؟

انا كل ماذكر موقفاً لي زمانن كان=تكدرت كاني راعياً ضاع نصف ابله
شعاها المطروالعج وامسى بعده ودان=وذرى دربها الذاري وضاعت مع العبله
عرض لي جميلن فيه رمزاً من الغزلان=جميع الوصايف كامله فيه مع نبله
تفاهمت انا وياه في داخل الدكان=وعرفنا بعض واصبح هدفنا مسك حبله
وتقدمت للخطبه ورحب بي الشيبان=وقالو لي انت احسن خطيباً نرحب له
ودخلنا معه في كوشت الحفل والعرسان=ولبسني الساعه ولبسته الدبله
على نشوتاً فيها رقص بيننا الشيطان=وبادلني الضمه وبادلته القبله
واثره سراب القيعه الي خدع ضميان=كوابيس حلمن تلعب بنفسي الخبله


 
 توقيع : عبدالعزيز بن حشيان



 

مواقع النشر (المفضلة)


الذين يشاهدون محتوى الموضوع الآن : 6 ( الأعضاء 0 والزوار 6)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:39


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام