ديوان / الشاعر محمد سوعان الربيع

الشــــعر ديـــوان العـــــــــرب

الشعر ديوان العرب

	الشعر ينبع من احاسيس وشعور = من خــافي الوجـدان واقصى صميه الشـعر لـه قانون يُعرف ودســتور = وزن ومعـاني والقــوافي ســـليمـه كالـدان بـالمـحـار مخفـي ومسـتور = وسط البحــر هــاك اللالـئ مقـيـمه مـن دونهـا مـوجَ بالاخطـار مشهور = مــا ياصــلـه إلا قــوي الـعـزيـمه رســلـةً تسـمو عـن الكذب والـزور = رمـز الادب وامـثال تبقى عظيمــه بــه حكمـةً للناس ايضـا وبـه شــور = ونصـايحً لاهـل القلوب السـقـيـمـه شمعه مضيئه في دجا الليل له نـور= واهــدايــةً للــي يســـير ابـعـتـيـمـه الشـعر مـرآة الحــدث يـوم وادهـور = صـوره تـوضــح مــع جـديـده قديمه مــاينـدثــر لــو كـان راعــيـه مقــبــور = يـبقــا وســيلـه بيــن نـد ,ونـديــمه ســمّوه ديـوان العـرب منــذُ عصــور = وهــذي حــقيـقـه دون دس ونـمـيمه طـيـب المعـاني كالنـوايـر ,,,وازهــور= ينعشــك ايلا هـب الشــمال بنـســيمـه واخـلاف هـذا يعـتبر هــرج بســــطور = حـكيً مصـفـف مـالـه ايــات قــيـمـه هــذرً ايــلا بــرقــت بــه مـابــه اثمـــور = نهايـتــه مثـل البــدايـه ,عــقــيــمه لاشـــك زمــان اليـــوم غــابـر ومعثـور= الشــعر لعــبـت فـيه ناسً غـشــيمـه لــه حـالـةً يــرثى لـهــا اليــوم بحـــدور = شـفـناه مهـمل دون قـدر وحشــيمه مــع ذا دخــل بــوابـتــه كـــل مـغــرور = ومن دون قـيــد وشـرط دش بنعـيمـه احــدً يجـيـب البيـت نـاقـص ومكسـور = مـخـتـل وزنــه والـمـعــاني عـديــمـه اليّا ســمعتـه أو قــريتــه عـلى الفــور = يصــيبـك احــباط العــرب والهظيـمــه ويـا مكـثـر اللي يــدّعي فــيــه دكتــور= ويـقــيّــم العـــالـــم بنفـسً,,, لـئـيـمـه مشغول في غيره واهو كـلـه قــصور= ونفـســه وضعهـا بيـن شــك ووهــيمـه والبعـض يســرق ما تقــيّـد ابمحضـور= هــذا ومـثــلـه يســتـحـق الشــتـيـمــه بالزيــف والـتزويــر والظـلـــم والـجــور= وتـجـاوز الحـدّيــن هــاك الـهـلـيـمـه نشــوف غـاراتــه مــواريـــد واصــدور = وكنـه كسـبهـا بالضحى من غــريـمه ولــو يعـتـذر للنــاس ماهــوب مـعــذور= والديـن شـرعـه مــا يبـيح الجـريـمـه للحــق ســيف وراعـي الحـق مـنصـور= والمـسـتـبـد ايقــاد ,,, مـثـل البهـيمـه لابــد مـا يـــأتــي عـلـى مثــلـه,, الــدور = وعقـب الهـدير افيـوم تـوحـي رزيـمه وشــعاد لــو مدد لــه انفــاق واجســـور = وانشـا عـلاقـــاتً تـســمى حمـيـمــه وبـالزيـف كـوّن مــيّـت النـــار جمـهـــور = وســــمّوه شـاعـر والعواقب وخيـمه ويــن الـرقـــابــه : ويـنهــا مالــهــا دور = مــا يـمـنعــون المهـزلـــه والظـلـيـمـه وجـهــة نظـــر دونتـهــا اليوـم بســـطور = واســندهــا لاهـل العــقــول الســليـمـه

محمد بن سوعان الربيع

(( شـــمر غنيه عن مديح الملاييــن ))

شـــمر غنيه عن مديح الملاييــن

	يامــرحبا يا حمــود واعـــــداد ألفيـــن = وما تــضمـر المعــروف بيـــض النــوايا واعـــداد ما تسجد اصفوف المصليــن =بارض الحــرم يرجــون دمـح الخطـــايا واعــداد ماتـرمـش مــع جفنـها العـين = واعـــداد مـاســالت اشـــعاب وشـــــغايا ردك وصــلني يـاســـليل الشــريفيـــن= حيــــث المشـــاعر بالمـــــوده مـــــلايا غـــالي يابو نايــف وربــعك عــزيزين= وشـلون تــرخص وانت ربـعك طنــايا انتــم عليـــنا يابــــن الاجــواد غاليــن= قـــول وفــعل ياحمود مـــاهي حــــكايا منــكم صنـاديـــد الرجــــال المســمين = اللـــي فـــعايـــلهم بــــــكل الـــــــنحايا حــقايقً مــن دون شــــكً وتـخميـــن= مثـــل القمـر ياحمــــود مــابه تـــــــهايا بالبـــال حــاتم طـــي رمــز الكريمين=مــا يــعطي الا غــاليــــات الشــــــرايا ماله شــــبيه ولا يجيــــــله امباريـن= بالجـــود حاتـــم طــــي ســوى ســـوايا ومنـــكم ابو خـــوذه اكعام المعاديـن= مســــواط بــقعا مـــا يــــهاب المــــنايـا خــلايف الجــربان ربـــعه ســـلاطين =ريـــف الضعيـــف ليــا ابلتـــه البــــلايا عبـــد الكــريم اللي ابنـــوعه قليليـن= زبـــن الدخـــيل ومـــا لـجـوده نـــــهايا هــذاك يعطـي فـــوق خيــله بعـــارين = وســمٌوه ابــو خـــوذه لكثــــر العطــايا وزودً علــى هــــذا يفــــك المساجين =ودايـــم علــى الفــزعه اعــزومه قـــوايا ومنــــكم سـند وآل الرشـيد الميامين = وهايـس واخــو صــلفه تـخوت الســرايا ضــاري له التــاريخ سطر عنـاوين = مشــهود لــه مـن بــدوهــا والشـــــوايا وابن الشــلاجي لاغدا الجمع جمعيـن =كــــفوً لـــها أغـــريب وفيـــــه الكفـــــايا دخــيلهم فــي راس عيطا عن الشين = وحـــريبهم تــكثـــر عليــــه ,, النـــعايا سـلمى واجــا واطـويق بحثولهن شين = وســــنجـار عنـــده غامــضات الخــــفايا فـــعايلــن بالكـــون عليـٌـــه بـــراهين = وهــــــــذي عــوايـــــدهم اكـــــرام اللـــحايا ادنـــاهم احــــلاهم ولا هـــم رخيصين= واعلـــومهم تشــــهد بــــروس الحـــجايا شمـــر غنيـــه عـــن مـــديح الملايين= فـــوق المـــدايـــح والمفـــاخـــر نــــقايا لكــن مـــجال الهــــرج جالـه تزاميـن = ولانـــي بـــحال الحـــاقــديــــن الــــردايا هـــذا الوكـــاد ولا بهــــرجـي تخامين =هـــذا الصحيـــح ولا نقــــــوله هـــــقايا وابي الســــموحه ماذكــرت الكثيـرين = ومــــا قـــل دل وللســــــوالف بــــقايــا اعلامـــكم ما تنـــحصـي يالشريفيــن =والعــــذر منــــكم يا اخيـــــار البــــــرايا

أخــــوكم : مـحمد بـــن ســــــوعان الربيٌــــع

شــــمس الشـــــــــروق

شمس الشروق

	مرحــبا باعـداد نبضـات الخفـوق=والغــلا باعــداد مالقمـري شــــدا ياهلا ياصاحب القلب الصــدوق=ياغـــزالَ مــاش باوصـــافه حـــدا مع نزيف الجرح والوان الحروق=رغم حـزنك ما احرزو فيك العـدا يارفيع الذوق ياشمس الشــروق=لاتـظـــن افيـــوم يبعـــــدك المـــدا المشـاعر تلتهب وســط العروق=انشـــد الاحســـاس يـرســلك صـــدا انشد احروف القوافي والطروق=تخبــرك عــن شــي فـي قلبـي بـــدا انشــد الديمه ولمعــات البـروق=انشـــد النســمـــــات ووراق النــــدا هاجســي يابنــت عيــا لايــروق=ليــــن جـــاه الــرد وارتـــاح وهــــدا الحنـان وطيــف حبك له يسـوق=والامــل والجهــــد لايذهـــب ســـــدا مـــا علينا مــن امحفــرة النفوق=وما حســبنا للـردي واهــل والـــردا ما سـواك اليــوم للخافـق يلـوق = وانت فيـك اصبت وافخــت القـــدا

محمد بن سوعان الربيًع

بسم الله الرحمن الرحيم

اضحك واجامل

اضحك واجامل

	ماكل من يضحك مع الناس مسرور = ولاكــل مـن يلبـس جـديد ابســعاده يا مكثر اللي يخفي الهـم والجـور = ويجــامل العــــالم بصبـــر وجـــلاده يخشى شـماتة كل خاسي ومحقور = ويخشــى ســـفيه القــوم يلقـى مـراده وانا بعــد ماني من الهــم مقفــور = ولانـي بمعــزل عــن مشــاكل اعبـاده نوبً صعود ونوب تنزل بنا الغور = ايـــام دنيــانــا ســــــريـــع ارتــــداده اضحك واجامل واخفي ابقلبي ابحور= من هــم انا وازريت لاحصـي اعداده ألــوم حظــي دون مــالف وادور= وحظـــي هــو المسئول ظمــن الافاده وليا متى ياحظ ياشـــــــين بحدور= ياحـــظ ,,,, ياحـظ النــدم والقـــراده انهض معي لحظات يكفيني ادبور =لو مــرةً مــن دون نقــص وزيــــاده ياحـظ ماشـفي عمـارات واقصور= ايضــا ولالــي طمـــعةً فــــي قيـــــاده ودي ابراحة بال لو مامتلك ثور = والفقـــر أهـــون مـن حـــياة النــــكاده حيث القناعه كنــز بالنفس مبذور = والعافيــه ساس الترف والســـــعاده وياشين حــظ اللي بالايام مكســور= كســـر الخــواطر اصــعب من الابــاده همه تعــدا حجـم ابانات والطـور= وربــع الجــزيره في خــريطة ابـــلاده وقالوا تصبر والصبر شي مخبور = وراعيـه دايــم يســـــتحق الاشــــــاده هذا وانا ادري راعي الصبر منصور = ويكسـب جـميل وفــوق حـقه ازيــاده مير البلا ما عــاد لي فيه مقـــدور ,= مـــليت انـا يالايمـــي مــن جــــهاده شـــكواي للــي يظهـر الحق والنور = ســـبحانـه اللـي مــا يخلــي اعبــاده

محمد بن سوعان الربيع

(( أمي وحب الام يندر مثيله ))

اهـــداء الى اعظم واعز مخلوق بوجودي اهدي هذه الابيات المتواضعه

أمي حب الام يندر مثيله !!!

	احـــترت انا بالعــيد ياويش ابهديك = واغـلا الهـــدايا في ســــموك قليله لكـــن انــــا بعطيــك قلبي وابفديـك = بغـــالي اعيــوني والظنـــا والحليـله ياغـــاليه ماني مـع البعـــد ناســيك = لا والـــذي نـــزل اكتـــاب الفضيــله انتــي ولا غيرك ولا احدن يضاهيك = أمــــي وحـــب الام ينــــدر مــــثيله ساس الوفـا , نبع العطا دون تشكيك = هــــداج تيـــما مــانقص ســــلسبيله ابيــع انا كل المخــاليق واشـــريك = يـــامــن بــكل النــاس مــالك بديــله بعـــدك يـزيــد القلب هـــم ودواكيك = وقــربك تـرى يانبــــض قلبـي يــــزيله زولك بعد زولي عسى دوم ما ابكيك = ويالله عســـى ايــام عمــــرك طـويله والعــافيه طـــول الليــالي تباريــــك = ومعــها الســعاده الدايمـــه والجميــله يامــن على كــل البــرايـا انبــديـــك = وعنــك الـوجــع يانور عيني نشــــيلـه ياشــــمعة افوادي عسى الله يخليك = واحــب راســـك وانحــنـــي وانثنيـــله وانــا اتشـــرف يـــوم اقبــل آياديــك = شــــفي رضـــاك بكــل يـــومً وليـلـه ويالله تسـهلها علــى خــير وآتيــــك = مــن عــقب شـــوقً يشــتعلبي فتيـله ودي بشــــوفك يالحــبيبه وانـاجـيك = عقــب الفــراق اللي اطعــونه ثقيلــه يا تاج راسي والفخر يــوم انا اطـريك = بــرّك اســـاس المرجــلـه والنفيــله احــترت انا بالعيــد يا ويش ابهديـــك = يامـن غلاهـــــــا بالضمـــاير مـقيله

محمد بن سوعان الربيٌع

غفــر الله لي ولكم وسائر المسلمين وجعلنا من البارين بوالدينا

بسم الله الرحمن الرحيم
السلام عليكم ورحمة الله وبركاته
اخواني هذه مشاركه متواضعه
اهديها وبكل فخر واعتزاز الى العقيد الركن / طلال بن حجي بن مخيشم الشمري
تقديراً وعرفاناً لما قام و يقوم به هذا الرجل دون كلل او ملل من جهود مشهوده من معروف ينبع
من منابع الشيٌم والاخلاق الحميده ولاهيب غريبه على ابو تركي ومشاركتي تهنئه ايضاً بمناسبه توليه منصبه الجديد

القصيـــــــــــــــده

((الحر له شوفه وسطوه وهيبه))

الحر له شوفه وسطوه وهيبه !!!

	سلام ياللي يرفع الراس طـاريك = طــلال يـانســل الرجــال النـجيبه الطيب منهـج والوفـا من مباديك = وشـروك خصـمً للردى والمعيبه الطيب يبقـى والـردى للمهــاليك = والفـرق واضـح بيـن نعـمً وخيبه قــالوا اسـنافي وافيــاتً معانيـك = وللغانمــه تتـعــب اركـابً نجـيبـه يامـن لحاتـم طـي ترجع مجانيك = مثل الحيا يحيي الصحاري صبيبه ربعـك طنايا وابو متعب ابناخيك = حمــولةً ما خـــــاب مـن يعتـزيبه يالشمري ماقول شيً ماهو فيك = الفعـــل كلـن يـذكـــره وايحـكيبــه قد قالها اللي في زمانه امخاويك = وهـذي حقايق دون شـكً وريبه قالوا شجاع ابحزة الضيق يكفيك =زبن الذي شاف النكد والغليبه حيث الخصال اللي اتنومس اتباريك =دين وتواضـع فيك ماهي نهيبه مــكـارمً رب المــلا حطهــا فيـك = وشـرواك ظلم النفس ما يرتضيبه مثل الحـرار النـادره يـوم احليك = والحُــر له شـوفه وسـطوه وهيبه وما دام هذي يابو تركي مماشيك = ابشـــر بخيــر ومثـلك الله يثـيـبـه الله يعينــك ثـــم للحــق يـهــديـك = وكلن عســـى بالحق ياخـذ نصيبه نلــت الثقه يالشـمري في تولٌيك = زمـام القيـــاده وانت تدري صعيبه شلت الامانه والمناصيب تزهيك = وانـــت العلـــوم الغـانمـه تنهقيــبه ولو ماانت كفوً دون ريبً وتشكيك = مــاتـــم تعيينــك وكلـن رضـيبه ضــلعً اتـذري من نخاك ولجا فيك = يمنى وعـــون المبتلي مــع طبيبه من خـلفك ارجـالً تعـــزك وتغليـك = وتبغـاك درعً بالامـور العصـيبه بســم الجميـع اقولهـالك واحاكيك = من قلـب يضمرلك مــوده عجيبه واحـب اذكٌــر بس ماني اموصٌيك = ومرمى الهدف شرواك لابد يصيبه رجٌـــع شــريط الذاكره كود ينبيك =عـن مـا جــرا لاجيال كانت قريبه الدايـم الله والبشــر للمهــــاليك = ابيـــومً من الايام مابــــه هريبــــه وامن الثلاثه واحـــد اللي يباريك = واثنيــن فــي دار الفنــا والغليبـه ابديت رايي يا شــريف المساليك = حـيث الليــــــالي ما اتعلٌــم ابغيبه والقصــــد منها يالسـنافي انهنيك =بقيـادتك يا ســـــــــيدي للكــتيبه

محمد بن ســــوعان الربيٌع

( ذبـــحتني ذبـــح العصـــابه لصــــــــــدام )

ذبح العصابه لصــــــدام !!!

	ذبـــحـتـني ذبــــح العصـــــابه لصــــــدام = اللــــي صبـــاح العيــــد كـــان الضحيه ضحّــوه انــــذال ,,,,, الاوادم ,,, والازلام = اذنــاب فــارس والوجيــــه الرديّــــــــه والذبـــح في شـــرع المســلميــن اجــرام = وحــــرام اذا مــافيـــه ذنــب وجنيــــّه بينــك وبيــن المـرحمه حرب واخصـــام = قلبــك قســـــــا واعــدمــت نفسً بـريّــــه اســـقيتني مـــن قبــلهــا كأس الاســــمام = وعيشــتني في وســـــــــط حيره قــــويه واليـــــــوم بي نفـــذت قانون الاعــدام = وحتـــى المحـامي مـــا نظـــر بالـقــضـيــه ومـــوتي انا ماهو مـــثل مـــوت صـــدام = بســــكات وانـــت اللــي جــــلبت المنيــه صـــدام موته هـــــز ســــاحات الاعـــلام = وعلمــــه اجتــــاح اخبـــارها العـــالميـه طـــعنتني مــن دون ســـكين ؟ واحســــام = وشــــبك على النفـــس الحــرام البـريه بنشــدك ؟ انا وشــــلون تـرتـاح واتنـــام = وانـت الـذي عـــن عمــد يــذبـح خـــويه وصـــفك اتحيـــر ابه المــعاني والاقـــــلام = وان قـلتها مجـرم لك : بحقـــك اشــــويه وانا الــذي مـــا طــعت بـــك كـل لــــــوام = ويشـــــــــهد على مــبداي رب البـــريه هـــــذا انت اسـلوبك قبل خمســـة اعــوام = كل يـــوم لــك عشرين ذنـــبً وســـــــيه وانــا فـــلا مجبـــر ومكلـــــوف بلــــزام = اصبـــر علـــى بلــواك صـــبح ومســيه صبــري نـــفــذ والصبـر ساعاته اجســـام = اثقــل مـــن اجبــــال الحجـــــاز العـــذيه امــا كــــذا ؟ ولاٌ كــــذا وخــــل الاوهــــام = واليـــوم انــا مـــاعـــاد لــــي مـقــدريه ارجـــع الـى ديـــن الشـــريعه والاســـــلام = وخـــل النـــوايا فــي ضــميـــرك نقيـــه واســـتغفــر اللــــه عن ذنــوبـــك والاثـــام = وانــــدم على مـا فـــا تــلك مــن خطيــه ذبـــحتنــي ؟؟ ذبـــــح العصــابه لصــــــدام = اللــــي صبــاح العيــــد صــار الضـحيه

محمـــد بن ســـــوعان الربيٌـــع

.................................................. ......

ارجي عطايا خالقي ماطالع ايدين البخيل !!!

	الشـــوق ناره تلتهب والليل بالمســرا طويـل = والحــلم بعيون الامل مثــل الخيـال انخايــله الصبــر قاسي والقسى ناره حدر جمر المليل = ومن قامـت الدنيا ألم وافراق خيـــله جايـــله لوعه وحسره تنتظر والدور من طوله ثقــيل = هـم وتعاســه والسـهـر يجلب اهجوسً حايلـه وعزي لقلبً من صدف بقعا وما تفعل علـيل =واللـــي نشــوفه بالافــق صرحً اركـونه آيلــه احــدً اتخذله ســـابقه ما تشفي الكـبد الغلـيل = واحــدً تفـوز بشـــهـره وعلــمً وثـــروه طايلـه رغم المراره والملل عشنا على الحلم الجميل = واليأس خوّن بالامل واضحت ارسومه زايلــه والمرء يجني مازرع يرجي عقب جهده حصيل = والعلم واضح كالضحى بوسط نهــار القايله ولو طالــت ايام البطا لابــد مـن يــــوم الرحـيل =وكلــن يـــولم مزهبــه من ظمنها جمايــله اما يــفوز بسيـــرةً عطـــره ولــه صيـــتً نبيــل =ولا النــدامـه مكســـبه معتــدله ومتمــايلـه ليا راغت اذهان البشــر في يومها كيف السبيل = لا المــال ينفع يومـــها ولا الاهل والعايلـــه أرجي عطــايا خالقي ما اطالــع ايـديـن البخيــل = مـد الالـــه ليــا عطا مثـل السيول السـايله والعوســجه في ظلـــها ماظنتـــي نلقــى مـــقيل = الظـــل منهــــا منعــدم والناس قبلي قايلـه والحــر من طبعه حــذر ما يرتضي عيش الذليل = يكفــــخ ليا منــه زهــق مايرتضي بالمايلــه هــذا المفيــد المختصر والناس رحّــال ونـزيـل = واعــزتي للي جهـل ما ســــرته فضـــايلـه ابديت مافي خــاطري مجبــر ولا افخــت الدليل = والصــدق ســيفً يعتـدل للحـق بوسط فايلـه

محمــد بــن ســـــوعان الـربيـٌـــع

ايـــــــه ابــــدوي ,,,,؟؟؟

إيه ابدوي ,,,,؟؟؟ !!!

	ايه ابدوي وافخر وربعي عزيزين = وتاريخنــا منحوت فــي كــل ديــره حنا هل الشيمات والصدق والدين = وحنا هل الناموس واصحاب غيـره اهل الادب والمجد والمنطق الزين = نمــوت من دون الشـرف والقصيره وألفــاظنا ياصاح مسك ورياحيـن = ولهجـــات اهلنــا ماش فيـها معيـره وكلمة بعد حيي تداول من اسنين = ماهي نشـــاز انقــولها بكل ســـــيره مانقولـــها الا للــربوع العزيزين = من نبض قلب انسان صافي ضميره نقــولها في كل موقف فــخورين =ماهي جـــديده يالوجيــــه الســـفيره حــنا نوايانا سليـــمه من الشين = ماهي على ظنك وشكك .؟؟ خـطيـره وبنقولها باكـر وعقبه وهالحين = ولاهمنــا منــقود ســمرا وســــميره وان عــودت للطـــيب حنا غنيين =ويا كثـــر ما بالكــون زينيــن جيـره لكن انا بنصحك نصــح الوفييـن = فكـــر ابدربــك زيــن قبل ان تســيره وفر نصيحك وارســله للغشيمين = وانا اعنــي اللي تاه وافـخت مسـيره ايـه , بدوي ولادرست القوانيـن = لكـــن تعلمتــــــه ابـعرف العشـــيره تجري بنا الشيمات مجراالشرايين = ما دام روحـــي ما لفـــــاها مــصيره هذا الوكاد ولاذكــرناه تخمــــــين = ونعلن بها للناس ماهــي ســـــريـره نحفظ مبـادينا على العسـر واللين = ونصبـــر ولاكـــن مانتحمـل كثيــــره كل شي ؟ ولا التجريح لنا شريفين = ما نــرتضي به لو تــطول الجـــريره ورثً عن الاجداد ماهيب ذا الحين = جـدودً حمــوها بالســيوف الشـطيره تاجـــد لهم في كل ديره عناوين =مـن شــامهــا لبـغداد لارض الجــزيره تعوذ من ابليس وانحا الشـياطين =ان كان تبـغــــى تســتمر المســــــيره

محمــد بن سـوعان الربيـع

بسم الله الرحمن الرحيم

اون ونات العواجي على نوت

اون ونات العواجي على نوت !!!

	تكفــــون هاتـــو صاحبي قبـــل لامــوت = وان مت دونه ما انتم امبايحيني نخيـــــتكم يا عـــزوتي وارفــع الصوت =وتطنـيشكم لـــي عـــوق يالـدالهيني ابــو ثــنايــــا بالمـــبيسم كمــا القـــوت = ومثله فـلا شــافت مع البيض عينــي أون ونـــات العـــــواجي علـى نـــــوت = تسهــر اعيـــونه والعرب هاجــديني ويامــا رسمت احلام وانشيت نا ابيـوت = سـبع وثمــــان اسنيــن يا نـاشـــديني هاتـــوا خبـــر عنهــا قبل فايت الفــوت=ولا تــراكــم ياعــــرب فــاقـــــديــــني هـــذا وكــاد الهـــرج والعلـــم مــثبوت = مـاعـاد فيـــها اشـوار يا عـــــاذلــيني ما عـــاد ينفعني صبر طال واســكوت = وصـــلت انا حـــدي وزاد الـــونيني خمسة عشـر والسر خافي ومكبوت = والصبــر مـــلّ اليـــوم يــالايمــيني اخشــى كلامً بـعض الاحيـان مبهـوت = يجــرح احاسـيسي ويـزعــل ظنيــني تكفـــون هاتــوا غايتي قبــل لاامـــوت = بالجاه والمجهـــود يالغــــانميـــني قبــل الجسـد ينشال فـي وســط تابوت = خلوا ايـدينـــه تشـــتبك مــــع يديــني في ســنة اللي باطيب الوصف منعوت = صفـوت عبــــيده وآخـــر المــرسليني في قدرة اللي للبشـــر قـــدّر القـــــوت = جـيبــوه إلــي ياجعـــلكـم ســـــالميـني ماهــــو بعيـدً يمـــكم ياهـل الكـوت=هــدلان دار اجــدودهـــا الاولـــينـي

مـحمــد بـن سـوعان الربيــع