ديوان / الشاعر محمد سوعان الربيع

هــداج تـيـمــا

هـداج تـيـمـا

	اشره على نسل الرجـال المناعير = قـــرمً ذخــرتـه للـنهــار العـسـيـري مـن لابــةً يــوم المـلاقـــا مغـاويـر = والظيف يحشم والخــوي والقصيـري ما كـنـه الا باللـقــا ســالـم االـزيـر = ولو مــات دوني مـوقـفـه ما يـنيـري وعـليه مـن حـاتـم اوصـوف وتعابيـر= ولـيا عـطـت يـمـنـاه ما يسـتشيري هــداج تـيـما مـا بـ نـبعـه غـثـابـيـر = صـافي قـراحه فـوق ماهـو غـزيـري نفسه ضرت للطيب من يومه اصغير = تـعـلـوم عــودً للـيتـامـا ,,,يجـيـري وافـي ولا بـــه من عرفنــاه تقـصير = وليـا طـلـبـتـه حــاجــةً مـا يحــيـري والســرلــه عـنـده مـكانـه وتـقـديـر = مثـل البحـر قـاعـه بعـيد وخطـيري هـذا خـويـي فــ الليـال المعـاسـير = يمـنـاي واحـزامي بـشري وخـيـري وليـا نصـيتـه ما يجــيب المعــاذيـر = مثـل الـفهـد ياشـاف صــيده يغيـري ولاّ الـردي جـعـله بـحـامي زمهريـر = اللي عن الشيمـات مـثل الضـريري هــذاك والله لا ايـشـاور ولا ايـشـير = مثل الجحش في مربطه يستديري هـذا ومـن مثـله يـجيب المـخاسـير = وعن جيرتــه مع خـوّتـه نستخيري

محمد بن سوعان الربيّع

( بســم الله الرحمـن الرحـيـم )

(( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))

بقلوبً مؤمنه بقضاء الله قدره
تلقينا نبأ وفاة الشيخ ضيف الله بـن فرحان الكعيبر شيخ شمل قبيلة السرحان العزيزه
وبهذا المصاب الجلل اتقدم باحر التعازي والمواساة الى ال كعيبر خاصه واسرة الفقيد الغالي ابو منور وابناءه وذويه الكرام و ومحبيه واصداقائه وكل من يعز عليه الشيخ ابو منور والى قبيلة السرحان عامه في المملكه العربية السعوديه والاردن
رحم الله الفقيد الغالي رحمةً واسعه واسكنه الفردوس الاعلى من الجنه
وإنا لله وانا اليه راجعون
ولاحول ولا قوة الا بالله

وبهذا الحدث المؤلم عبرت عما جال في نفسي
تجاه هذا المصاب الجلل بهذه الابيات ,,,,,,,,

علمً صدمنا ليتنا ما سمعناه

	جانـا خبر عـبر التواصـل مهو زيـن = وعـزالله انه صوّب القلـب وادمـاه القـلب يحزن قبـل لاتـدمع العين = عـلمً صدمـنـا ليـتنا مـا سمـعـنـاه قالوا توفى اليوم شيخ السراحين=ضـيف الله اللي يشهد الله فقـدناه غـالي ومـن لابـة ارجـالً عزيـزين = اهل البويضا منبع الشان والـجـاه لكـن قـضـاء الله ,فــوق القوانـين = والمـوت حق وكل نفس ايتغشلاه مرحـوم يـاشيخً بكـوه السلاطين = وكم عين من شين الخبر نثّرت ماه لاشك فـقـيده ما يجيله امـبارين = ينـدر مثيله بادنى الاوطان واقـصاه شيخ التواضع واستمده من الدين = والطيّب منهج فـ ابـو منـورعرفـناه ومكـارم الاخـلاق طـبـع وعنـاويـن = وان الـوفـا والصدق فـاز بـسجاياه اشهد شهادة حق مااقول تخمين =المشيخه ترهم وتـزهي ابشـرواه نسل الكعيبر والشـوخ المسمين =حمــايـة الفـاطـــر فهــودً امـضــراه والله يعـظـم اجـركـم يالسـراحين =وانـه يـصبـركـم على شين فـرقـاه ويالله يا قـابـل ادعــاة المصـلمين = تـقـبـل تضـرعـنـا وتـغـفر خطـايـاه مـع كـل صالـح تجعـله والنبيـيـن = ويالله عسى الجنه ملاذه ومــآواه

محمد بن سوعان الربيّع

الجمعه 13 جماده 2/ 1441 هــ
الموافـق 7 فيرايــر 2020 مـ

خفاش ليل ،،،،،،،

خفاش ليل

	نـصـيحـتـي ياللـي ،، أيفـتـش ورانــا = يـنـزل وحـنـا طـبـعـنـا نـصـعـد اصـعـود عـن رفــقـة الانــذااال نـكٰــرم لحـانــا = وانـفـوسـنا تـصـعب عـلى كــل منقـود مـا هـزنـا هـذر ً الجـبـان ،،المُـهــانـا = هـرجــه عـلى نـفـسـه مـعــرا ومـردود بـانــت نـوايــاه الخـبـيـثــه،،، مـعـانـا = علمــه وصـل من دون جـهـدً ومـجهـود مـااادري عــلامـه مــن بعـيـدً غـزانــا = ارســل عـليـنـا كـل شـامٰـت. ومـقـرود أدري جـبــان ويـرتـعـب. مــن لـقـانـا = خفـاش ليل وشكلـه اضـعف مـن الـدود وهــواه والله ،،، مـا يــوافــق هـوانـا = وعمـر الثـعـل ياسعود مـا رافــق فـهـود ولاهـو غـريـب الـلاش ،ينـكـر وفـانــا = ولاهي غـريبـة طـعـنـة النـذل ياسـعود ومــا دام ربـي فـوق سـابـع سـمانـا = ســبحانـه اللــي دايــم الـدوم ,,,,مـوجـود مـا هـمـنـا اللـي بالخــديـعـه نــوانـا =وشـعاد لـو كــل يـوم يرســلــه اوفـود

محمد بن سـوعان الربيّع

أمـرً مـن الله. ،،،،،،،،

ابيات تعبر عن واقعنا المعاش حالياً اثر موجة الجائحه التي اجتاحت الكره الارضيه
عليكم باخذ الحيطه والحذر وعدم اللا مبالاة فالامر خطير والوقايه خير من العلاج
نسال الله العفو والعافيه والحمايه ,,,,

أمـرً من الله

	ابعدت نفسي عن جميع المخالـيق = وكان الهدف من حجز نفسي وقـايـه الحرص واجـب يالوجيـه المطـاليـق = وتٰـرا. الحـذر للنفس حفـظ ,,,وعنـايـه أمـرً مـن الله ،،،واحـتـرام المـواثـيـق = فـرضً ومـن يـعـصـاه ذنـب وجـنــايـه طـاعـة ولـي الامـر يـلـزمــه تطبيق = وغيـر السلامه مـا لهـم فـيـه غــايــه وتـرا التمـادي وهـق البعض تـوهيـق = وعـرّض بعـضـهــم للـخطـر والنـهـايـه نـاسً غـدت مـابيـن كـذبً وتـصديـق = والمسألـه يا اخـوان مـا هـي دعـايـه هــذا البـلا بــه يـغرق الناس. تغريـق = يـزمي كمـا الطـوفان فـي كـل ولايٰـه شرً خفي للناس بامـر الولي سـيق = وأذعن لـه اللـي يمـلكـون الـوصــايـه ولا قـوةً فـ الارض تـقـوى لــه اتـعيـق = رغــم التـقـدم وازدهــار ,,, الرعــايــه الخـوف شـفنـا طـوّق النٰاس تطـويـق = رعـب وهـلـع مـا تتـســع لــه روايــه الجــايـحــه مـنهــا الاوادم مـراهيــق = والنـاس تبحــث عن مــلاذ وحـمـايــه انصـح جميــع الناس غـرب وتشـريـق = وادعي لهـم مـن خـافقي بالـهـدايـه اعـقـل جمـلك ووثــق القيـد تـوثيـق = وبـاذن الذي سوّاك ما اتشـوف سـايـه اجلس افبيتك واحذر الصدر لا ايضيق = وصـلّ وتـهـجــد واكــثـر مـن الـقـرايـه داوم على القران من عقب مـا اتفيـق = تـلـقى ســرور النفـس فـي كل آيـه والادعـيــه تشــرح صـدورً مـغـالـيـق = حـصّـن بهـا نفـسك وفـهـمـك,كـفـايـه أصبـر وربـك يفـرج الكُـرب والضــيـق = ولابــد مـن يـــوم الـفـرج فـــ. النـهـايـه ورزقٰـك عـلى ربً يســوق المرازيــق = وأخـذ الخـبـر مـن راس راع الــدرايــه ونـقـل الاشـاعه ما يـفدك ولا ايـليـق =واحــذر من اصحاب الدجل و الوشـايـه

محمد بن سـوعان الربيّع

يا كـريـم الـذات ,,,,,,

يا كريم الذات

	جـارك الله يالـرفـيـق مـن التعـب = وجـنـبـك شــر البـلاوي والغـبـون ياعـريب الساس يا صاف النسب = طلتـك تبهــج خفــوقي والعـيون لك حنيـنً يسـتـعـر مـثـل اللهـب = وشوفتك تطرد اهجوسي الظنون جيت لك كـلي وقـلبي لك رغـب = وكان غبـت افيـوم مثـلك يـعـذرون مـا مـضى خلـه ولاتطري عـتـب = لا تـفـكـر بــه ولا مــن يـحـزنـون احـتريك اتـقـولي طـاح الحـطب = والتسامح عــادة القلب الحـنـون اردع النفـس العـنيـده فــ الادب = واسهج اللي بـالشماتـه يفرحون ارتـفع بالحلـم من فـوق الغضب = وادمر بـصمتك أمل من يحسدون مـالك إلا اللي بـلوحـك ينكـتب = والله اللي ينصـف اللي يشـتكـون يا كــريم الـذات لي عندك طلب = اسـطـبر والصبر اجـمـل ماايكـون استعن بالله واسـجـد واقــترب = وأقـلب الصفـحـه وهــوّنهـا تـهـون مالك ومال السـفيـه من العـرب = خلهـم في كـل وادي يسرحـون ابتعـد عن قرب الاجرب والجـرب = ولا يهـزك هـرج من لا يسـتحـون

محمد بن سوعان الربيّع

ســجه مع الـريـضان

سجه مع الريضان

	الجـو غـايـم والمـخالـيـق يـرجـون = غـيـثً مـن المنـشا تـحـده هـبايـب يفـرحـبـه اللي للمـواشي يـربـون = واللي على المكشات عنده رغايب جـوً يـبي جـيـبً مجهــز ومـامـون = وكــل اللـوازم,,,, رتـبـت بالحـقـايـب من شركة الساير مأمن ومظمون = بـفلـوسـنا جبـنـاه،،مـاهـو وهـايـب وقـرم ً يـوجه جـيبـنا بالـدركسـون = وخـوّة نـشـامـا كـلبـوهــم قـــرايـب مـع الـغـلا كلً على الثـاني ايـمـون = الـراي واحـد والـهـدف والسبايـب الطـيّب اللـي فـيـه ربـعـه يشيدون = وعندي وعند الناس يسوّى كتايب نبي الربيـع اللي لـه الناس يطـرون =شمال شرق طريف وصفه عجايب تحيـر فيـه عيـون من بـه يـدوجـون = يشفي كــبودً غــربـلتهــا النـوايـب متـخالـطً لــون الـخزامــا بـكل لـون = والشيح والقـيصـوم مـاهـوب غايـب ريـح الزهـر ينعش افـوادً بـه اطعون = يـبـري جـروحً بالضـمــايـر عـطايـب وصـوت ام سـالم يـوم تبديه بلحون = يـطرب له المشتاق لـوكان شـايب مناظـرً يطـرب لهـا القـلب واعيـون = ينسى الفتى منها همومً صــعـايب هذي طراة العـمر وابليس مـلعـون = سـجه مـع الـريضان خير الكسايـب والعمر لحظه واهل الالباب يـدرون = ولابــد مـن قبــرً عـلـيـه النـصـــايـب

محمد بن سوعان الربيّع

يستاهلون المدح وافين الاشبار

هذي ابيات مجاراة للشاعر خالد حسن التوبي
حيث مدح قبيلة شمر في قصيده له على احد صفحات التواصل الاجتماعي
ومن حبي لشمر وامجاد شمر وجزالة ابياته جاريته
اليكم مجارتي على امل ان تنال اعجابكم مع الشكر والتقدير .

يستاهلون المدح وافين الاشبار

	ابدعـت ياخـالد وطـوّعــت الاشــعار = جـبت الاصـيـل ولا نجـبت الهـلـيـبـه مثايـلك يشـــــدّن زينـات الامـــهـار = مبنى ,,,,,ومعـنى دون شــكً وريـبه يســتاهـلون المــدح وافيـن الاشـبار= تـرفــع لهــم بيضـا بـراس الجـذيـبـه ريف الخوي والضيف والثالث الجار= وخـويهــم وان عــال يـرفـون عـيبه حــاتــم يمـر بــذاكــرتــنا والافـكـار = رمـز الكـرم والجــود يعطي النجـيبه وعـلـوم ابـو خـوذه تعـلت بالاخبار = يمـناه فــي شــح الليـالي ,,,,,خصيبه اعــلام شـمر مـا ايعــدون واكـثار = فرسـان فـي وقت الرخــــا والمصـيبه من حـايـل الامجـاد لـ ديار ســنجـار= مثـل الكـواكـب في ســما المـجد هـيبه ياقيـل شــمر صايب الــراي يحـــتار= وان مارضى بالطـيّب يذعـن غصـيبه طـبعً لهـم مبـطي عـلى مـر الادوار = ماهي جـديــده ,,,,يالعـقــول اللـبيـبه ذولا الطــنايــا طــوعــوّا كــل غـدار= وافـعـــالهــم بيــن البـــرايـا عجـيـبـه ومــداتهم بالجــود تـدفـق كالانهـار = شـــط الفــرات اللي يـــزوم بـشـعـيبه شـمر هل الطـولات والسلم والكـار = قبيلـةً تحـظــى بـــوزنً ,,,,, وهـيـبـه حــب الطـنايا فاق قـيفـان الاشـعار = محــبـتي لـرجـــال,,,, شـــمر رهـيبـه احبهـم من قـلب مااقــولها اسـرار = مبطـي ومــن ايــام مــاهي,,, قـريـبـه

محمد بن سوعان الربيّع

كـلاب المجزره

رداً على ذلك الفلسيطني الوضيع الذي يشتم ويسب المملكه العربيه السعوديه وشعبها وولاة امرها جاحداً وناكراً للمعروف ولكل ما قد سلف من تضحيات ودعم مادي ومعنوي وما هذا السفيه الحقير الا انموذج لكثير من هم هلى شاكلته من الخونه والانذال حسبنا الله عليهم
اردت ان ارفق الفيديو الذي ظهر فيه ذلك المعتوه مع الابيات لكن ما عرفت كيف .

كلاب المجزره

	شـوفوا كـلاب المجـزره وش يـقولـون = ماادري خـفـافـيش الدجــا وش بـلاهـم بقلـوبهـم حـقــدً كـمـا اللـيـل. مـدفـــون = حـيث الحسـد يمـلا القلـوب وعـماهــم ســود النـوايـا قــربـهـم. داء طـاعـون = سُــم الافـاعـي مـنبـعـه مـن حـشــاهــم ومن ينكـر المعـروف خاسي وملعون = سـبـع الفـواسـق اصـلـهم,,, ,وانتـماهـم ذولا حـــثـااالات الاوادم,,,,, يـُعـدون = واطـيـن وأســلـوب الـســفــالـه هـواهـم باعــوا وطنـهـم بـالـدراهـم لصهـيون = ورابيـن بأقــدام النجــاسـه,,,,, وطـاهم هــذي حـقـايـق واكـثر النـاس يـدرون = بـاعــوا اذمـمـهـم والشرف مع قـراهـم يا صـارلا ذمــه ولاديـن ،،؟ وشـــلٰون = ناثـق بهـم / حـيث الغــدر فـي ادماهـم حـكامـنا ال سـعود مبـطي لــهـم عــون = غـيـثً عـلـيهم هــل واجـزل عــطـاهـم حـكـامــنـا اســيـاد مـهـمـا. يـقــولــون = والممـلـكــه نـجـــمً بـعــالي ســـمـاهــم أرفـع وأجلّ وفوق عن مستوى الهـون = اللـي يعيشـونـه بـرغـبــة ،،رضــاهـم اخســـوا خسـيتـوا ياتـلامـــيـذ شـارون = اذنـاب والاذنــاب قـــذرً,,,, نـبــاهــم خبث وجحود،،، وفـوق هـذا يســــبون = ضـاع الخجـل،،،منهـم وتالـي حيـاهـم علـى الحـقـاره ،، والدنـائـه يعـيشـون = وعـلى المـهـونـه يـقـطـع,,,الله نـمـاهم يامن على نـهـج الخـيانـه ،،،تسـيرون = صـرتـوا مطـايا الفـرس واللي معـاهـم بســم القضـيّه يشــترون ,,ويبـيـعـون = ذا طـــبعـهـم لابـيّـض,,,,, الله ثـنـاهــم ويالله يابـاســـط نـفــوذك عـلى الكــون = تحـفــظ وطــنّـا ثــم تـدفــع,,بــلاهـــم بعهـد المـليك اللـي لـه الشـعـب يغـلـون = ابـو فهــد سـلمـان فـضـلـه,, كـساهـم ويمـناه ابـو سـلمان بالـحـزم لـه شـون = وهــم عــزنـا اللي مـابغـيـنـا سـواهـم

محمد بن سوعان الربيّع

ادمـح خـطا الصاحـب

ادمح خطا الصاحب

	تـرا الـوفـا والصـدق والصـبر والــود = يبـقـن مع الانســان مـثـل الامـانـه وتــرا التسامح روضــةً مـالهـا حــــد = يدلـه بهـا اللي ضايـقً مـن زمـانـه الصـدق بـزحـــول الرجـاجـيـل ينعــد = ومـكـارم الاخــلاق,, ثـقـل ورزانـه رفـقــة عـريب الساس عـنهــا ولابـد = اســعـا لهـا واتـرك رفيــق المـهـانه ابـذل لـهـا المجــهـود بالجـــد والكــد = ان كـان تـبغــا تـرتـفـع لك مـكـانـه عـن زلـة الاصـحــاب لـــدّ النظـر لـدّ = واصبر وطـوّف واعـتـبرهـا مــيانـه ادمح خــطا الصاحـب ولاتسرع الرد = وتجـاهـل الموضوع واكسب حـنانـه أرفـع جــدار الــوّد مـــن قـبـل ينهـدّ = واسـرج جـواد الطيب واكـرب بطانه لا تكشــف المستور يفـرح بـه الضد = وســرّالخـوي حـذراك تنـشـر بيانـه احرص على الشيمه ولااتبيح بالسـد = واردع هـوى نفسـك وجـوّد عـنانـه واكرم جناب الضيف واجزل له المد = وكــم مـن كريـمً رب الارباب عـانـه ولا لا اتحسّــب باب الارزاق ينسـد = وعـند الـولي كـل شـي قـدّر : بأوانـه وللحـق خـلك دوم كالسـيف الاجـرد = واردع عــدوّه في عـزوم ,,,ومـتانه لاتلــتـفـت للي تـحــت حجــة النــقـد = يـظهـر خـبايـث نـيـتـه فــي لـسـانـه ولا تمـنح الشـمّات فرصه الى الـغـد = بحلم الحكيم وصمت : اكحل اعـيانه واحــذر مـن اللـي للعـيــوّر تجــنـد = وابلـيس لاتنســـى يـجــيـك بــذهـانـه دنيــاك مـلـيانـه سـواميـح واعــقّـد = اطلـب عـلـيهـا مـن الالـه اســـتعـانـه مثـل البـحـر دنيـاك فالـجـزر والمـد = امــا ســقـاك الـمـّر او جــاب : دانــه بالثـانيـه لـه حــال يقـلب ويــرتــد = حـزات مـوجــه مــا عـلـيـهـا ظــمـانـه اصبر وربـك يفـرج الهـم ل اشــتـد = يـجـــلا غـثــا هـــمً بنـفســك مـــكانـه ربً لــ وجهه معـظم الناس تســجدّ = ســبحانـه اللـي ما ايـضاهـا بـشــانـه وجهـة نظرما اقـصد بها ضـد أونـد = الـقـصـد نـصــح لكـل رجـــلً تـكـانـه

محمد بن سوعان الربيّع
فــــــــــي :
23 : رمضان 1441 هجري
16 : مــايــو 2020 ميلادي

العيـد فرحه

تهنئه بمناسـبة حلول العيد السعيد
1441 هجري
ازف اليكم اصدق التهاني وواجمل التبريكات
الى احـبتي واصدقـائي الاعـزاء والاكارم
الغالين على قلبي مــن حيـث مـا وجـدوا
اقول لكم كل عــام وانتم بخيـر وبصحه وسلامه
وقد حل السلام والامن والرخاء وذهب عنا البلاء والوباء
في جميع انحاء المعموره
ان شاء الله
وكل عام وانتم بخير ,,,,,,, وعساكم من عواده .
_____________________________

العيــــد فرحـــه

	العــيـد فـرحـه والتهـانـي مواجـيـب = وحــقُ عـليـنا اليـوم نرسل تهـاني مقرونـةً بالـود والمـسـك والطـيـب = والغـالـي من الهـيـل والـزعـفـراني واعيدهـا بالفعـل والـقـول واجـيـب = قـافً عـلـيـه مـن النواقـص ظماني رتبـت انا الابيات بالعـرف تـرتيب = وفوق الـورق سطرت طيب المعاني حـب ووفـا ما فيــه شـكً ولا ريـب = ود وغــلا وتـقــديـر اول ,,وثـاني الاولــه مــن دون شـــك ولا ريــب = اهـديـه لــ امي والغــوالي اخـواني والثانيه تهــدى لـ خيـر الاصاحـيب = اللـي لهــم بالقـلـب قــدر ومـكـاني ازفهـا مـن قلـب ينـبـض تراحـيـب = وازيـد انـا الـدعـــوه بـخـيـرالامانـي من قلب ينبض فـالضلوع المحاديب = ولا غـيّـر المكنـون وجــه الزمانـي من صغر سـني ليـن حولبي الشيـب = طبع الـوفا طبعي وعهـدي مصاني اسمح واسامح واتجـاوز عن العـيب = وعـن زلة الاصحاب تغظي اعياني نفسـي تتـوق لـ عـالـيـات المراقـيـب = ترقـا اســنود ولا تــروم الـطـماني هـذبـتها بالعــرف والصبـر تهــذيـب = وحشـمـتها عــن كـل شــكً مٌــداني وانا احمد اللي يعلـم السـر والغـيـب = مبـداي ثـابـت والله,,,,,المسـتعـاني وعسى الفرح ياتي ديـار الاصاحيب = بعـون الذي لامـن طلـبـتـه عطاني يالله عسى دعـواي للخـيرما اتخيب = واحظى بعفوك والمحبــه عـســاني عـسى يعـم السـلـم شـرق ومغـاريـب = ويـشع نـورالخـيـر في كـل مـكاني وعسى تخف اللي جـروحه معاطيب = اللـي مــن ظـروف اللـيالي يـعـاني عقـب الكـدر تـصفي معاه المشاريب = ويـزيــن لــه حـظً تعـثــر وشــاني رجــلً صـوابـه حـار فـيه الاطابـيب = والله تـرفـع عـن عــريـب المجـاني من عقب صبرسنين يا الله له اتـثيـب = افــرج هـمومه يا جـزيل الحساني العـيـد فـرحـه والتهـانـي مواجـيـب = ازفـها مـن قـلـب ينبـض,,,,حنـانـي

محمد بن سـوعان الربيّع