جتني مراسيلك عسى الشوق جابك .

‏

جتني مراسيلك عسى الشوق جابك=تبي تبرر موقفك عن برودك
القلب يغفر ذنب حضرة جنابك=وانت اتعدى بغلطتك عن حدودك
اجيك احاول اسعدك باللقاء بك=واحس كل الكون غاب بوجودك
ماجيت ادور جمالك وانسب ثيابك=ولا جيت ادور حلاك وحمرة خدودك
ماني من اللي باع فيك وشرابك=انا من اللي لا نقصتي يزودك
ابسالك وابغاك تعطي جوابك=مع اني ادري عن تناقض ردودك
وش اولك لو كان قلبي بدابك=وش حالتي لا جاء مع الليل نودك
فقير لكن مغتني من عذابك=موجود لكن ماتحريت جودك
لحظه قبل لا ختم قصيدة عتابك=بقول لك بيتين صارٍ شهودك !؟
ماجيت اعدد لك خطاك وصوابك=لكن أبيك تحس معنى جحودك
عذرك يبين سوء حضرة جنابك=وأنت تعدى بغلطتك عن حدودك

الشاعر القدير نواف الشمري
صح السانك
تثبل مروري يالنشمي

صح السانك اخوي نواف

الشاعر القدير نواف الشمري
صح السانك بحجم الكون
ودي لك يسبق ردي

شاعرنا الكبير مقاماً القدير نواف الشمر
عودا حميد لبيتك الثاني شبكة نشامى شمر ولآخوانك واخواتك الشعراء والشاعرات والاعضاء
من طول الغيبات جاب الغنايم
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

صح السانك الف

الشاعر نواف الشمري
صح السانك الف

الشاعر نواف 000 صح السانك 000 الف 000 ياخلف ابوي

نواف الشمري
صح لسانك
الحقيق اعجبت بشعرك
احس انك من العيار الثقيل
الله يحفظك