12-02-2014 | #1 |
الإدارة
|
قصه سليمان العطوي مع جاره الزهراني
بسم الله الرحمن الرحيم
قصة العطوي والزهراني قصة حصلت أحداثها في مدينة خميس مشيط عام 1390هـ وهي من أروع القصص التي تكاملت فيها النخوة والشجاعة والإيثار وتقدير الجيرة قدم خلالها سليمان ابن زعل العطوي ابنه (نايف) فداءً لجاره الزهراني لينقذه من القصاص .. نعيد اليوم سرد القصة كما وردت على لسان الرواي الشمري لمن لم يسمعها أو يعلم بها تذكيراً للأجيال أن الخير يبقى إلى يوم الساعة وأن الجيرة لها حق بين الناس . ملاحظة القصة باللهجة العاميه كما وردت على لسان الراوي الشمري وبامكانكم سماعها على اليوتيوب يقول الراوي : ( ... والسالفه هاذي ماهي قديمة ، حدثت عام 1390هـ على وقت الملك فيصل رحمة الله عليه .. سليمان من بني عطيه وبني عطيه قبيله ترجع أصولها إلى وائل وهم اللي يسكنون الآن ويتكاثرون في تبوك وكان يسكن هاك الوقت جنوب .. نواحي خميس مشيط ، كان له جار زهراني والجار هذا شباب معه امه وست خوات مالهن ذكر به الدنيا سبحان الله إلا هو ... الأخو هذا .. قدر الله أنه يصير فيه هوشة (مشاجرة) ..أطلق النار مات قُتل واحد .. صار يبي يقود (يُسجن).. أنت يالزهراني ... كان اسليمان ابن زعل العطوي شايب وله عيال ... كان لاجا بالليل سمع بكا جاراته البنات اللي يبي يُقتل اخوهن ولا لهن غيره فيتضايق بحكم انهن جاراته .. هُمن (ثم) يروح لم (إلى) راع الدم يصول عليه يحاول به .. يامار يوم طوله .. مره ، مرتين ، ثلاث ، عشر .. يوم تضايق راع الدم سوى مثل ماتقولون خطه ... هو يحسبه خطه يبي يفتك من هالعطوي .. قال : إذا انت والله ماودك يُقتل عطن (اعطني) حدى (احد) عيالك اذبحه بداله وابد راضي ... قال : اجزم كان انت صادق .. قال : والله إني جازم ... هو قال هالكلام هذا لانه ماتوقع ان العطوي يسويه ... قال : امش معي يالله للشيخ .. وهم يمشون وياخذ ولدن له اسمه نايف عمره اثعنشر سنه ويجي عند القاضي قال : ياشيخ هذا يطلب دم للزهراني اللي بالسجن وانا قدمت ولدي هذا يقتله بداله وهو راضي .. ف خلاهم الشيخ يوقعون يامار يوم أنه الآن بلش راع الدم (لايدري ماذا يفعل يقصد صاحب الدم) لأنه ثار الراي العام كله ضده سواءً من اقاربه أو من اهل خميس مشيط وصارت سالفه كبيرة ... قالوا انت الحين لا انت ذبحت اللي ذبح ولدك ولا انت اللي عفيت .. هالوغد المسكين هذا (يقصد الطفل) وش ذنبه .. وطبعاً العطوي يوم وقَع قال : اذا تبون الولد الحين تاخذونه تروحون به تسجنونه ، والا تبون تخلونه عندي متى مابغيتوه اجيبه انا .. انا عندي خمس عيال ولاراح واحد يامار يبقى لي اربعه ولله الحمد لكن جاراتي ست وامهن السابعه اذا قتل هالزهراني ماراح يبقى لهن احد ... ف يوم انه ثار الراي العام ضد صاحب الدم اضطر انه يتنازل مقابل الديه ورُفعت إلى المقام السامي على وقت الملك فيصل .. جت من الملك فيصل رحمة الله عليه .. يقول (يقصد الملك فيصل) : مادام اسليمان ابن زعل العطوي صار هو المؤدي للديه بدل الزهراني لذا عليه أنه يدفع ايضاً دية الثنين اللي قتلوا مع هذا (يقصد المقتول) .. فدفع ثلاث ديات رحمة الله عليه لكنه انقذ هالشاب على اساس يبقى عند خواته وعند امه لذلك قيلت به الأشعار هاك الوقت (في ذلك الوقت ) وقيلت بهذه المناسبه الكثير من القصائد نورد منها قصيده للشاعر مخيمر بن عياد العطوي نص القصيدة يقول الشاعر مخيمر ابن عياد العطوي :
سلام يامن قصتك مالها اوزان= يا بن زعل راع العلوم الطرايف يالصيرمي الحر ياطير حوران= سويت قصه مالها من وصايف قصة وفا تبقى على طول الازمان= ماسجل التاريخ معها ردايف فكيت من قادوه للسيف شامان =وراه صلبين النفوس الصلايف خصمه عنيد وماقبل مال الاعوان =مايلام مسموم الجروح النزايف ابنه قتيل وحالف دين الايمان= من جاه فازع قنعه بالحلايف وامه تصيح وترفع الصوت باحزان= تبكي ولدها بالدموع الذرايف واقدم عليها بالعوايد سليمان =متحمل مايطلبوا من كلايف لبس عباته وانصرم تقل شيهان= صيده من الجزلات ماهي عذايف قدم هديه ماتقدر بالاثمان= قصير اذن اهداه ماهي لفايف اول عياله قدمه علم وكدان= قال استلم نايف وفك الكتايف عن اللي وقع من دون والد ولا اخوان= عليه سبع من الاناثي لهايف الله يجزى كل محسن بالاحسان= ويجزاك بالخيرات يابا العطايف تستاهل البيضا على كل الاوطان= فكيت (صالح) من صقيل الرهايف اعجبتني قمه الوفاء التي بها ..اتمنا ان تحوز على اعجابكم |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
12-02-2014 | #2 |
منشد شعر
|
رد: قصه سليمان العطوي مع جاره الزهراني
سبحان الله فعلآ الحي يحييك والميت يزيدك غبن
موقف شهم موقف تقشعر منه الابدان من صلابة هذا الرجل وفزعته الله يكثر أمثاله ويستاهل كل ما كتب عنه من قصيد آبو غازي شكرا على هذا النقل المميز |
|
12-02-2014 | #3 |
|
رد: قصه سليمان العطوي مع جاره الزهراني
انشهد انوه جاراجودي وكحيلان يولدلك مثلوه
الله يرحموه حين ميت قصه مؤلمه بالحيل وين الجار اللي مثل سليمان |
يامن يسلفني عيونه لو ليله = برقد بها وبا أرتاح وأردها له خذا السهر حيلي ولا عاد به حيل = لا لا قسم بالله ماهي حاله |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام