ذلول اللحاوي

ذلـول اللحـاوي
————————

مالي على بعض الازاويـل شـرهــات = وعـنـدي.غـيابـه والحضـور امتـسـاوي
مـاهـمـني وشــعــاد لـو غـاب.او مـات = ولا انـشـدعـن السـاقـط ولانيـب. نـاوي
مـيّت ولـو هـو حي مـن عرض.الاموات = مـاتت. احاسظ°ــيسـه. ولامـن . هـقـاوي
لا نـافـــعً. نـفـسـه ولا فـيـه. شـــيمـات = واعـن.السـنع. كـوبـان مثــل العـمـاوي
مثـل الـعـجـوز.اللي. تـرجـا. الاعـانـات = على الاهـانـه.عـاش. واصـبح ضراوي
ضـاري عـلى. نـقــل .العلـوم. القـبيحات = وعـلى السـماد. وطـفـيّـة النـار. ثـاوي
ولا يـرتـجى .من بـارد الـوجـه. فـزعات = مـاكـنـك إلا… في. حضـوره. خـلاوي
دام الحـكي في مثـل. هـذا. خـسـارات = ولا فـاد بـه نصح العرب.والرجـاوي
اقــولــهـا لك وابـصــريــح .العـبــارات = ولاني مع اصحاب النفــاق امتخــاوي
ودك تـمـســه مـس. فـا لخـيـزرانات = لـيـن ان يـصـبح كــ ذلـول اللـحـاوي
وراسً عـسى مـا فـيه زومـه ونـوهـات = مـالـه عسى قـصـاف الارواح. .يـاوي
ليا صار ماهـو مـن. رجـال. المهـمات = ويقـدم. عـلى الجـزلات. مثـل النـداوي

محمد بن سوعان الربيّع

صح السانك الف

الشاعر القدير محمد بن سوعان الربيع
صح السانك بحجم الكون
ودي لك يسبق ردي

صح السانك اخوي الشاعر محمد السوعان

عذبة الصفات

هلابك والله ومسهلا صح ذوقك الراقي
لاعدمت وجود اهل الذوق
اشكرك على طيب المتابعه
لاهنتي .

حسيكان

ارحب تراحيب المطر
صح ذوقك الراقي حياك الله اخوي الكريم
تسعدني متابعتك وتواجدك
ياهلا والله ومسهلا مليون
لاهنت .

ريــم الفـــلا

هلابك والله ومسهلا
صحت ابدانك وطاب فالك
تسعدني متابعتك ومرورك الجميل
كل الشكر والتقدير
لاهنتي .

صح السانك
لاهنت