ديوان الشاعر / نواف الشمري

بسم الله الرحمن الرحيم

السلام عليكم ورحمه الله تعالى وبركاته

أسعد الله أوقاتكم بكل خير ..

آخواني وآخواتي الأفاظل .. بعد التحية والسلام للجميع

هذه اول مشاركه لي في هذا المنتدى وحبيت تكون بقصيده وأتمنى إن تنال إعجابكم

تدري وش اللي حدني لك وجيتك !؟

	تدري وش اللي حدني لك وجيتك=أخاف أراجع ما مضى واتناساك صدفه على باب القصايد لقيتك=وطرقت لك قاف المشاعر ولا جاك هذي يميني وأنت هذي يمينك=امدلك يمناي وتمد يسراك عطشان لك معذور لو ما رويتك=بشرب فناجيلك مدامني أضماك والله لو ما أحتجت لك ما دعيتك=ولا جيت لك مجروح وأدور رضاك تدري وش اللي فاقده من طريتك=فاقد حنانك رقتك بسمه شفاك فاقد هلابك يا غلاي وفديتك=ما عاد أنا أقوى طول صبري بفرقاك تعبت من يمكن وممكن وليتك=وأنا على كثر التعب وأقف هناك هذي جروحي ساكنه وسط بيتك=ما شفتها تجلس معك واتحراك أما تجي ولا ترى اليوم جيتك=ما عاد به حيله على طول مسراك

السلام عليكم ورحمه الله وبركاته

مساكم الله بالخير جميعا


هذه القصيده اهديها الى اخي وصديقي :
سلطان ابن جابر الزخنوني الشهواني الهاجري

صداقتنا منذ زمن تخاوينا خوه في الله بعيده عن ما يحصل من الصداقات في وقتنا الحالي التي تبنى على المصالح والرياء وغيره

اقسم بالله لا اعرف ماذا اقول فهو يستحق اكثر مما قلت وما سأقول
ولكن لكم القصيده والعذر عن الاطاله :



كلمات : نـواف الشمــري
أداء الشيله : نيف العدواني
اضغط على الرابط


http://soo.gd/SZkS

القصيـده اهداء الــى أخـوي / سلطــان أبـن جـابـر الزخنـونـي الشهــوانــي الـهـاجـري

	الطيبه تبقى على الراس والعين=قبل زمان العولمه والبياجر وفعولكم من اول الوقت والحين=بالسيف والشلفا وضرب الخناجر منا زخانينٍ ومنا شهاوين=من مدحهم تتعب وساع الحناجر اذا رضوا تلقى ورود وبساتين=واذا زعلو داسو على كل فاجر ماهي سوالف عين ياليل يا عين=وما هي بلعبه هند ولا مشاجر ابك الهواجر بالملاقاء مجانين=من فعلهم تبكي عيون ومحاجر ان قلت ابو جابر خويي ونعمين=تمطر على صدري مزونن تزاجر فزعاتهم ما تنحصي بالملايين=ولا تكفيها بنوك ومتاجر الديره اللي مابها هاجري عين=اكبها واروح عنها واهاجر ومابه قصورن في جميع القحاطين=بس الفعول الغانمه للهواجر

فمان المولاء .

قصيدة : ( عـون الرفيق )
مهداة الى الأخ : ( فلاح بن شافي الهاجري )
كلمات : نـواف الشمــري
أداء الشيله : بخيت بن مهنا المنصوري

مــــلـــــيـــــــت!؟

	مليت من كثر القصايد والاحساس=وحبيت اكون اني مثل باقي الناس لاحرف لاكلمة ولاحبر قرطاس=يعني على ماقيل عايش بدونك لين انت جيت وجات معك المواجع=واصبحت اهوجس بك من الهم فاجع مع كل قمري صرت طاير وساجع=ولا قد خبرت اني افكر اخونك لكن عرفت شلون تلوي ذراعي=واصبحت للفرقا كثير المساعي ماكان للفرقا عذر واي داعي=لكن يجي لك يوم توفي ديونك قرب لي اكثر لعنبوقلب جدك=رح شدني يمك وانا حيل اشدك بس خلني تكفى ابابوس خدك=بس العواذل يالغلا لا يجونك انا حياتي كلها بين يديك=وقلبي وما املك فدوتن لجل عينيك قلي عساني حافظك حيل مرضيك=لكن متى تعطف عليه مزونك شفني غديت انسان قلبه حريقه=مثل الصديق اللي يوادع صديقه وش حال اللي مفارق عشيقه=الحب كله ماله انسان دونك كلام مابه كذب ويخالطه زيف=واكبر من التصوير وقت التواصيف والله ماقصدي روايه وتأليف=لكن حقيقه والحقيقه تصونك سمعت ابونوره بصوت الاماكن=هذاك انا دونك من الهم ساكن لكن وش ابغا اقول يمكن ولكن=ماعيش انا الا وسط جوك وكونك يالعنبو درب الهوى مايكمل=ليه الهوى خاين ولاهو مجمل درب صعيب للبطا مايصمل=لاتعتذر يكفي بناظر عيونك

السلام عليكم ورحمة الله وبركاته
أخواني وأخواتي الاعزاء
أقدم أعتذاري لإدارة هذا الصرح الشامخ وجميع طاقم الإداره والاعضاء الافاظل عن الانقطاع الخارج عن إرادتي .. وأتمنى ان تقبلوا إعتذاري ولكم مني جزيل الشكر .

قصيدة جديده أتمنى ان تحوز على الاعجاب من أساتذتي وأخواني الاعزاء

http://is.gd/zk64nb

ســــلام والـمـعـنى لـــه لــسـان وعــيـون

	ســــلام والـمـعـنى لـــه لــسـان وعــيـون=يــــدرس تـفـاصـيـل الامــــور وخـفـاهـا أمــا أضـبـط الـقـيفان والـسيف مـسنون=ولا أبــشــطــبــهـا وبـــلـــعــن ثــــواهــــا يـامـرحـبـا مــلـيـون تــضــرب بـمـلـيـون=وأعــــداد مــاهـلـت مـــن الــمـزن مــاهـا بـنـات فـكري جـات والـفكر مـجنون=مــاعـدت أمــيـز صـبـحـها مـــن مـسـاها وسـريـت أنــا والـفـكر مـغـرم ومـفـتون=والــكــل مــنــا مــــا يـعـكـر صـفـاهـا وذكـرت مـن لـه عـز بالصدر مكنون=رام الــمــعــالـي بــالــنــقـا وأعــتــلاهــا يـامـاجد الـمـري تــرى الـعـلم مـدفـون=وارضــك الــى هـالـحين مـحـدٍ وطـاهـا مـن شـان عـينك قـلت حاضر وممنون=وقــــــادر أخــربــهـا وأوصـــــل مـــداهــا لـكـن سـمـحت وقـلـت عـادي وبـالعون=مــاهــوب عـــادي مــيـر يـلـقـى جــزاهـا والا أنـت يـاللي جيت بالكذب مقرون=مـواقـفـك بــالـزور فـعـلـك كـسـاها يـعـني عـلـى هـامـان تـلـعب يـا فـرعون=تــبـطـي ونــفـسـك مـاوصـلـهـا مـنـاهـا الـقـافـله تـمـشـي عـلـى الـقـاع بـالـهون=وخـــل الــكـلاب الــيـوم تـنـبح وراهــا تبـطون مـاضـاقت عـلى الـدرب تـبطون=والــنـفـس دايــــم طـبـهـا وســـط داهـــا مـــادون حـلـقـي غـيـر يـديـني ولا دون=نـفـسك ســوى طـعـن الـرجال بـقفاها يــا مـاجـد الـمـري مــدام انـك تـمون=مــــا ردك بــحـاجـه واطــالــب وراهـــا من شان عينك صاحبي نكرم عيون=وهــــذا تـكـفـيـه الـقـصـيده عـسـاهـا

ابـــي مــن الـجـنه ذعـاذيـع نـسـناس

	‏عساك في جنة عدن يابن حواس=‏يـغفر لـك الـمولى مـجيب الـسؤالي ‏ياللي فعولك غير عن باقي الناس=‏رجــلٍ تـعـزوا بــك قـروم الـرجالي ‏يـاطـيـب الـوقـفـه ويـاطـيب الــراس=‏يـالـلي كـسـبت ونـعم فـأول وتـالي ‏تـطري عـلي ويـدق فـالبال هوجاس=‏واذكــر عـلومك يـارفيع الـخصالي ‏الـيوم صـار الـوضع بـالربع مـحتاس=مـاعـاد تــدري عــن حــرام وحـلالي ‏واذا صـدفـني طـيب الـفعل والـساس=‏مـــا كــنـه الا واحـــدٍ مــن غـوالـي ‏لا بـاس يـاقلبي مـن الـوقت لا باس=جـعـل الـسـعد فــي مـقبلات الـليالي ‏هــذي هـي الـدنيا لـها حـد وقـياس=‏مــصــيــرهـا لــلـتـفـرقـه والـــزوالـــي ‏عـسى لـنا فـي جـنة الخلد مجلاس=‏فـي عـالي الـفردوس مـع كـل غالي ‏ابـــي مــن الـجـنه ذعـاذيـع نـسـناس=‏واشــوف ابــو مـدلـول جـالس قـبالي

جتني مراسيلك عسى الشوق جابك !؟

	‏ جتني مراسيلك عسى الشوق جابك=تبي تبرر موقفك عن برودك القلب يغفر ذنب حضرة جنابك=وانت اتعدى بغلطتك عن حدودك اجيك احاول اسعدك باللقاء بك=واحس كل الكون غاب بوجودك ماجيت ادور جمالك وانسب ثيابك=ولا جيت ادور حلاك وحمرة خدودك ماني من اللي باع فيك وشرابك=انا من اللي لا نقصتي يزودك ابسالك وابغاك تعطي جوابك=مع اني ادري عن تناقض ردودك وش اولك لو كان قلبي بدابك=وش حالتي لا جاء مع الليل نودك فقير لكن مغتني من عذابك=موجود لكن ماتحريت جودك لحظه قبل لا ختم قصيدة عتابك=بقول لك بيتين صارٍ شهودك !؟ ماجيت اعدد لك خطاك وصوابك=لكن أبيك تحس معنى جحودك عذرك يبين سوء حضرة جنابك=وأنت تعدى بغلطتك عن حدودك